رواية نقطة لقاء الفصل الثاني 2 - بقلم الكاتبة دينا _ الكاتبة نور

وين تريدون تودوني ؟

التفتت الها ودموعها تنزل

جمال : مو شغلج بالموضوع لحد يدخل لا اشوفكم شي ميعجبكم

بنان : داكول وين حتودووويني

تقرب جمال وضربها ومن قوة الضربه وكعت بالكاع
راحت الهام لبنان وهي تكومها وتبجي وياها

الهام : حسبي الله ونعم الوكيل
تعاي ماما تعاي

بنان : يمه ابويه شديحجي فهميني عليج الله فهميني شكو

الهام : يوم لتهتمين امشي اصعدي ليصير بيج شي يا يمه وين اتحمل اني بعد

صعدت بنان هي وامها
وبما انوا دنيا ليل الكل نايم ورزان وروان هم نايمات حتى فراس
ضل بالها مشغول وهي طول الليل تبجي وتفكر شنو وين حيوديني ابويه
وبما انوا بيتهم بسيط ف البنات كلهم نفس الغرفه
نمت واني اباوع على خواتي يارب إن شاء الله خير وماكو شي .. جانت ملامح امي متطمن ولا شكلها يعني اكو شي ..
استغفر الله خل انام

..................................

ساعه 12 ولحد الان الكل كاعد البيت ميهدئ لحد 3 بالليل ومحد مينام منوكت ولا حتى اكو قوانين

همام : الله بالخير

زوزو : الله بالنور ها لك مال الغسل وين جنت مطمور
رحاب : هلا ماما تعال

همام : زوزو غير جنت نايم وشغل شترديني مثلا ارجع اشد وصله واركصلج

زوزو : زوزو بعينك حمار ولي ضوجتني وهذا لسانكم بيت محمد لسان نكس

همام : زوزو هسه شكلنه يمعوده .. صدك يمه ابويه وينه

فهد وياسر وينهم

رحاب : ابوك نايم سوده علية تعبان الله يساعده وفهد وياسر طالعين بلا متدك عليهم تشوف هذوله القروده وين راحوا ضل بالي عليهمم

همام : اي والله صدك قروده

ورا ثانيه انفتحت الباب وطبوا فهد و وياسر والضحكه شاكه حلوكهم

زوزو : ها خير شو تضحكون

فهد : لكينالج شلون حجي جاد لزواج

ياسر : يكول اريد ازوج وحده يبدي اسمها بحرف ال ز
زوزو : عزااا وشكلتوله

فهد : كناله عدنا وحده عجوزه تجنن شلون حلوه تفيدك بس حرامات ارمله

ياسر : اي كلناله مستعمله

تعصبت زوزو وشالت العكاز مالتها وكومي ضربي ياسر على رجله

عاط ياسر وصاح : اخخخ زوزو شبيج فوك مدا نزوجج هو اكو احلى من الزواج والله يا الله

زوزو : زوزو بعينك جلب ولي منيمي رفعتلي ضغطي امشي لك وانت جبيرهم عود المفروض تصير رزن تهي بهي

ياسر : زوزه ترا فهد رزن منزمان واني شاهد

زوزو : لج رحاااب انتي والمعقد مسويني مضحكه للخلفوكم

حطت ايدها على حلكها وتضحك : لا والله مداضحك
همام عيونه مدمعه من الضحك

فهد : هسه شقررتي زوزو نزوجج لا

همام : اني اكول لا مننطيها عيني

ياسر : لااااااا اني انطيها

رحاب : كافييي دخنا روحو لغرفكم دوختوني

زوزو : تعاي عيني رحاب قيسيلي ضغطي

رحاب: هسه عيني دقيقه

ريم
كاعده بغرفتها عالجربايه وهي تبجي حاطه راسها بين رجلها

هو يحبني مثل ما اني احبه
يفكر بية مثل ما اني افكر بي
يدري ؟ لو لا

يدري مكدر انام اذا ما اشوف صورته
تذكرت بيوم من الايام جان جاي مؤمل
مؤمل صديق فهد من زمان ومن يجي فهد يمنع اي احد يطلع ما عدا اخواني عادي وراها من طلعوا كلهم طبيت للصاله حتى اشيل الكلاصات مال العصاير ..

شفت صورة كلش صغيره واكعه بالكع اي اني اعرفه هذا هو عيونه نفسها نفس الشكل اعرفه هذا مؤمل شلت الصوره كلت بس يجي فهد اكله هاي لكيتها واكعه

مر اليوم الأول واتعاجزت صار يمر يوم بعد يوم الى أن انصدمت بنفسي اني كليوم اشوف صورته قبل كلشي

وكلبي مينطيني انطيها مرت فتره وضميتها كلت ريم شبيج تخبلتي وبهاي الفتره اجه .. مؤمل مرا ثانيه فهد عازمه هم على عشا شفته من الشباك مال غرفتي

فات يضحك حسيت كلبي مدري شصار بي احساس شعور غريب ادركت نفسي اني بموقف صعب زين هاي ليش معقوله اني احبه لا لا ماكدر لازم اودي الصوره لفهد خاف لا احد يلكاها واتورط بنفسي مابيه حيل بس نفس الوقت اكو شي يمنعني كلشي يمنعني انطي هالصوره

فتره ورا فتره صار هذا الحب يتزايد بكلبي بدون ميدري هالانسان محد ميدري غيري اني محد يعرف غيري اني هذا واحد من اسراري ..

مسحت دموعي وغسلت ورجعت فتحت دفتر مذكراتي مو دفتر هذا اعتبره روحي واذا يضيع اني اضيع ويا

صرت اكلب بأوراق الدفتر ودموعي رجعت تنزل
كتبت بداية الصفحه
الى اميري
الامير الذي الى الان
لا يعلم

يجهل كل شيء
لا يعلم .. من هو منشغل بالتفكير به طوال الوقت
لم يعلم .. كم بكيتُ ليالٍ لاجلهْ
لم يعلم .. كم ادعوا أن يأتي حتى لو أرى لمحة لوجهِ
لم يعلم .. كم اشتقتُ له
لم يعلم .. كم اشتقتُ إلى ملامح وجهُ العتيق الذي يحمل كل معالم القسوه والحب في آن واحد
الحب ! هل يعلم ما معنى الحب ؟
هل يعلم .. عندما يأتي
يأتي لي نسيم بارد .. يمر من عندي ابرد نسيم
يصبح في قلبي فراشات
لم يعلم .. ولا سَوف يعلم

طبكت دفتري وحطيت بهاي الصفحه صورته وضميت الدفتر بجرار الغرفه ..
احتاج الصبر .. لان ما بيدي اي شي اسوي

مؤمل : تصدك مشفتهم

فهد : ممشتاقيلك ولا يردوك

مؤمل : خاب انجب انت بكلشي بومه

فهد : منو بومه ؟

مؤمل : جدي ؟ اني اني يلااا رايح

فهد : سد الباب وراك مطي

____________

الظهر رجعوا روان ورزان من المدرسه وجايبات الي موطه
احب خواتي لان حنينات حيل ..
روان صح شخصيه قويه عدها حنيه بس متحب تبين
رزان هاي كلشي واضح عليها عكس روان

ورا الغدا هنه نايمات تعبانين ف آني جنت داغسل مواعين ويا امي وراحت نامت وابويه طلع من ورا الغدا ومدري وين
ف خلصت كلشي ماحس غير احد لزم خصري

خترعت وجفلت جفله انداريت لكيته فراس

من خرعتي كمت ارجف وابجي

بنان : وخر شبيك انت شبيك حرام عليك ليش داسوي هيج

حط ايده ع حلكي وكال : اششش ماريد ولا حرف امشي لغرفتي

دفعته وبجيت حيل : مخبل انت مخبل وخر لو تموت متاخذني وخررر عنيي

فراس : غصباً عليج وعلى هذا خشمج اليابس تصعدين ورجلج فوك راسج يلاا

سحلني واني ابجي واتوسل بس يهدني وماكو مصمم لازمني من عكس ايدي

صوت بجيي صار يعلى وهو ميكدر يسوي شي
على صوتي طلعت رزان جتي تركض ولزمته من شعره وعيطت

رزان : عوف اختي حقيرررر نذل عبالك هذيج المره سكتت الك هالمره هم اسكت الك تحلم بأحلامك

فراس : وخري من يمي اشوف كلمه طالعه افرك حلكج ونصي صوتج وانكبري

بنان : عليك الله عوفيني وخر عني وخرر

رزان جرت بنان : عوفها حقير تريد تغتص*

روان : شنو هذا الحجي شصاير هنا

راحت تركض وعاطت

روان : احجوا شصايرر

رزان : اخوج المفروض تتباهين بي يريد يغتص* بنان وعباله اسكتله قبل مره شفته وعينك عينك وهددني وكال ماريد حجايه تطلع عبالك اسكت لا والله ما اسكت والا اكول لابويه عليك يا حيوان

تعصب فراس ودفع بنان قوي عالحايط

بنان : ااااخخ يمهه ظهريي الله ياخذك حقير

الهام : خير لكم شصاير

فراس : تعاي شوفي بناتج شديسون

الهام : يمه بنان شبيج تبجين ليش هيج شكلج
روان كاعده يم بنان

روان : هااا تردين تعرفين احجيلها رزان احجيلها

رزان : يمه وحق الله والله العظيم الله شاهد عليه

فراس : يمه والله جذااابات يوم جاي يتهموني

رزان : الله شالك نذل

يوم وحق الله هذاك اليوم فراس جان يحاول يعتدي على بنان واني طبيت وشفت كلشي لو مو اني جان بنان انتهت واليوم نزلت داشرب مي وشفته يريد يوديها لغرفته غصب عنها ..

لطمت على وجها وصاحت : هسه منو اصدك انيي ألمن صدك دكوا على ابوكم دكوااا عليه

فراس : يوم وحق الله جذابات والله ديتبلون عليه جنت حتى نايم

الهام : ماريد أحد يحجي كلمه

راحت رزان دكت على ابويه وكلتله صايره مشكله تعال

ورا ساعه واني كاعده وروان يمي ورزان وامي مساعده يم فراس ونظراته الي كلها حقد وعيونه صايره حمر عود لان فضحناه الحيوان

ورا ساعه اندفرت الباب وطب ابويه والشرار يتطافر من عينه

جمال : شصاير هنااا

فراس : يابه شوف بناتك شلون يتبلن علية واني كلشي ممسوي

جمال : احجوااا شكو

الهام جانت ساكته وبس تبجي

كامت روان : انت نايم ورجلك بالشمس وابنك جان يريد يسوي طامه كبرى وانت غافل عنه .. جااان يريد يعتدي على بنان

باوع جمال لفراس واندار وكال

جمال : شنو الدليل

رزان : والله يا يابه وحق هذا الله اني شفته بعيني نزلت داشرب مي الظهر وشفته ديريد يوديها لغرفته غصب عنها

وجانت بنان تبجي وضعها مو طبيعي واني لزمته قبل هالمره .. بلعت ريكها وهي تباوع لبنان .. حاول يعتدي عليها واني شفته بهاي عيني وحتى هددني وكلي ماريد الحجي يطلع

كام فراس وعاط: ياااابه جذابات جذااابات وحق الله جذابات
جمال : بنان صحيح هذا الحجي

بجت بنان وهزت راسها بأي

فراس : يابه اني مستعد احلف عالقران

روان : يابه والله جذاب وحق الله هذا جذاب رزان تؤامي واني اعرفها رزان لو تموت متجذب والله حاسب ابنك لك انت متخاف من الله تحلف عالقران تفووو عليك

رزان : الله ياخذك جذاب
جانت بنان بس تباوع محجت اي شي وبس تبجي متعرف حتى شتحجي

جمال : مستحيل اكدر اصدكم الولد حلف عالقران هو ممسوي شي وبس تحلفن حيوانات اليوم اني الجن ك** دوختني ابتليت جبتكم لو ادري مجايبكم من الشارع ولا ملفيكم بلحظتها الكل انصدم ورفعن راسهن والهام بس تبجي يم بنان

بنان : شنو ملفيكم غير انتوا اهلنا ؟

روان : شديصير

فراس : اجه وكت الحقيقهه

رزان : يااا حقيقه

بنان : انت لتخرط

جمال : ههههه والله ابتليت بيكم بلوة الله لو خالكم ميتين ويه اهلجن احسن بس اني اعرف سراح اسوي بيجن جلاب

روان : انتوا شدتحجون شنو حقيقه شنو هذا الحجي فهموني يوم احجي كلمه كولي حرف

رزان : وين اهلناااا لعد إذا انتوا مو اهلنا

كامت بنان وكفت كبال جمال وكالت : هذا تفسير كلامك البارحه بالتلفون

انداريت على الهام وكملت

_ هذا الخفتي تحجي ؟ هسه عرفت ليش فراس يحاول هيج يسوي ؟ هو مو اخويه

ابتسم من كلت هاي الكلمه وتفلت عليه
من تفلت عليه جرني ابويه من شعري وحجه ..

جمال : اشك حلكج اذا حجيتي على فراس ودفعني على امي

حضريها لليل اني اريد اخذها بشغله

الهام : والله اذا سويت شي بناتي اموت روحي

جمال : انجبي وسدي حلكج

روان : شو انت بكيفك تتحكم فهمناااا نريد نفتهم
لزم روان وداها حبسها بالغرفه

رزان : طلعهاااا طلعها ليش حبستها حرام عليك انت ربيتنا بمثابة ابونا ليش هيج دتسوي

جمال : وانتي الثانيه هم دوختيني بس تبجين سطرتي راسي اني اعرف شلون اخلص منجن وحده ورا اللخ .. الله بلاني بيجن

كعدت بنان بالكاع وهي تبجي
ضحك فراس لمن شاف روحه امان وطلع برا
وجمال اجه وكف بنص الغرفه وكال

جمال : اني طالع ورا ساعه ارجع بنان الكاهااا شنو الكاها جاهزه وبناتج هذنيج نشوفلهن صرفه الجذابات

الهام : عليك الله جمال عليك الله لتسوي شي الا بنان انت مو تعرف بيها مريضة قلب ليروح يصير بيها شي والله هنه روحي من الدنيا ماكدر لتفرقنا عليك الله لتسوي شي

جمال : اششش كافي تردين احبسج ويه هذنيج لو لاا

بنان : لتكول هذنيج عدهن اسماء .. انت انسان ظالم حسبي الله عليك وين اهلي وين شلون اخذتنا انت

جمال : سدي حلكج حيوانه لتعلين صوتج مبقى غير كم ساعه واخلص منج كلجن هم على كلبي هسه اعرف شلون اتخلص منجن وحده ورا الثانيه

طلع وبقيت اني وامي تبجي وهي حاضنتني

بنان : يمه عليج الله احجيلي الصدك عليج الله احجي الصار شلون جبتونا هنا شلون اخذتونا
يمه المفاتيح انطاهن الج حبابه عود فتحي الباب بس احجيلي

بجت الهام وبدت تحجي : اهلكم توفوا بحادث انتوا جنتوا بالمستشفى صار متأثرتوا وعليكم جروح خفيفه

بهذاك الوكت جنت مسويه عملية وجنت دافتر سمعت القصه كلها من ممرضه ودورت عليكم ولكيتكم حبيتكم حيل وتوسلت لجمال وتعاركت وياه وزعلت يم بيت اهلي علمود اخذكم يمي وهو بعدين اجه رجعني وجابكم فرضت عليه شرط كتله تعاملهم مثل الاب الحقيقي وماريدكك تبين الهم حاجه لو تحسسهم بنقص قبل بس مجان يهتم الكم
هاي كل القصه

بنان : أهل امي وأهل ابويه ما دوروا علينه مالكونه

الهام : محد ميدري عنكم يا شي واصلا محد سأل عليكم
غطيت راسي بيدي واني ابجي

بنان : زين هسه وين يريد يوديني

الهام : والله علمي علمج

بنان : ماروح لأي مكان

____________

ياسر : اسمعع هاي

حسن : شنو

ياسر : الكمر اني

حسن : انجب لتهمبل

ياسر : اوي انتوا مو مال واحد يكعد يمكم بوَم

همام : انت اكبر بومه

ياسر : اريد هسه الكل يعترف اني اكثر واحد يضحك بينكم

همام : ولي من كدااااامي

ياسر : هسه اني وين اروح اذا اروح يم فهد يطردني اجي يمكم متردوني شو وخروا اشوف الي يدور علية اني طالع

حسن : تعاي حبيبتي وين رايحه اوي لك كسرت كلبي دباع دباع شلون زعل

ياسر : لتخاف مطالع رايح يم زوزو شعندي غيرها الحب هاي

حسن : اخوك مخبل

همام : ابصملك بالعشره هم

___________

بنان : يوم انطيني المفاتيح

الهام : مابية بعد روحي فتحي الباب لخواتج
رحت اركض فتحت الباب شفت رزان تبجي و روان حاضنتها كانوا اثنينهم وجوي علية

روان ؛ وينه

بنان : منو

روان : جمال وينهه

بنان : طلع ويكول ارجع الكى بنان جاهزه

روان : ينجب اشوف شلون يطلعج

رزان تبجي : وين يريد يوديج

بنان : لو ادري اكول

روان : امي وينها

بنان : بالصاله

اول مطلعوا ونزلوا للصاله طب جمال

عاط : ليش بنان مو جاهزه

تردون تحركون دمي ها بسيطه

أخذ بنان سحل وهي بملابس البيت وهي تبجي وتأويل ومتقبل تروح

روان : عوفها وين ماخذ اختي ويننن ماخذها

جمال بتهديد : اي حركه من اي وحده بيكم اسوي بيها مثل مراح اسوي بنان

طلع لشارع وصعدها سياره بالغصب

طلعت ورا روان وكعت وراها وهي تبجي
وعدتها ماخلي ياخذها بس اخذها

راحت بنان .. راحت

ضلت رزان جوا تبجي ولأن الهام تخربطت طبت روان جوا مثل المصدومه ونسوا شي وكبل طبت للغرفه

رشت رزان مي حتى تكعدها كعدت وضلت تدك وتلطم وتبجي

_____

بنان
ركبني بسيارة بالقوة ما اعرف وين يريد يوديني وشنو مصير بعد باوعت علية وگلت

_وين موديني بهذا الليل وين

حطيت ايدي على وجهي وكمت ابجي

جمال : من توصلين تعرفين .. هههه طاحظج سعرج غالي

بنان : شنو سعري غالي انت شدتكووول الله ياخذك وياخذني جنت عايشه بوهم انت ابويه لو ميته ورا اهلي ولا باقيه يمك حقير

جمال : اتقي شري بنان بعدج مشايفه شي ترى

بنان : لتخاف شفت كلشي

باوعت على روحي لابسه ملابس بيت دشداشه وشعري واكع وحالتي حاله حتى نعال ملابسه طلعني سحل الله ياخذه

وصلت لمكان بيت يخوف شكله ضخم وجبير حيل طابقين بس مساحه جبيره

قفل السياره واجه نزلني سحل يسحل بيه مثل الخروف واني ابجي واتوسل بس يعوفني
دفع الباب وفات بدون إذن وكله بنات ورياجيل كبار وصغار للحظه حسيت اني بحلم وهذا ديصير كله حلم
شمرني بنص الغرفه

وضلوا يتناقشون بأسعار وكل واحد يكول سعر الثاني يكول أعلى منه وكأنما اني سلعه إلى أن استقر اخر واحد ومحد كدر ينطي اغلى

صاح جمال : هاذهوه

هاذهوه ....:

جمال : يلا اريد الفلوس

كاعده واني ابجي داشوف اشكال والوان كبالي
دفعله الرجال فلوس كدام عيني
مجان كلش جبير بس بمقام الاب
شديصير اني وين ياربي يا الهي دخيلك
طلع ابويه
ابويه ! .. جانت هالكلمه بيها غصه ولحد الان وحرام اذا اكولها لان هذا مو ابويه

جنت عايشه بوهم ولحد الان مداعرف شديصير حوالي

احس كلبي يدك بسرعه نبضاته صارت تزايد
شالني هذا الرجال من ايدي

عطت عليه : انت منو

عوفنيي لتلزمني الله ياخذكم

ضحك وكال : يعني انتي جايه لهنا مثلا شتتوقعين شيصير بعدين تؤ تؤ ليش هيج هذا ابوج مملبسج لبس حلو بس يلا ولا يهمج هههه

وداني لغرفه فوك

بنان : عليك الله حلفتك لتسويلي شي عوفنيي وخرر ايدك لتلزمني

الرجال : ماريد ولا حرف وخليني اشوف شغلي سعرج قوي الا اطلع سعرج حيوانه
ضربني كف وكعت بالكاع

بنان : لتمد ايدك لتلزمنييي الله ياخذك ياااربي دخيلك ساعدني

@@@
فهد

جنت لابس زي رسمي حتى اوهمهم
طبيت جوا يمهم واني اتفقدهم
جان وياي مؤمل
مؤمل : ضلعي باع الحاتات

فهد : انجب ولتباوع .. طلع تلفونه واتصل بأحد الدوريات الي جانوا واكفين

خلال دقيقه يتم القبض عليهم مفهوم ؟

مؤمل : ها حيجون

فهد : احسب لل 60 هسه يفوتون
خلال دقيقه صار الهجوم

صاح فهد : اريد الغرف وكلشي هنا يتفتش ما تخلون لا صغيره ولا جبيره

صعدت فوك واني ادور وافتش بالغرف
فتحت باب وحده من الغرف لكيت رجال وبنيه كاعده بالكاع تبجي ومغطيه وجهها

بنان : لتمد ايدك لتلزمنييي الله ياخذك ياااربي دخيلك ساعدني

فهد لزم الرجال وطلعه وصاح واحد من الشرطه اجه واخذه

وبقى بنان بالغرفه

سد الباب وعبالهم طلع من هاي الغرفه فهد
بنان : انتوا الشرطه ؟

رفع حاجب وهو مستغرب من شكلها الغريب شعرها جان مفتوح ونازل ولابسه ملابس بيت مو مثل الباقيات وعلى وجهها اثار ضرب

وكال : ليش تبجين

بنان : منووو انتتت

طلع هويته وشوفها

فهد : الضابط فهد محمد ال

بجيت بكل قوتي : عليك الله طلعني من هنا بأسرع وقت

فهد : شلون اضمن انتي مو وحده من الك** ها ؟

بنان كامت تبجي : وحق الله وحق الله اني مو منهن والله

فهد : حتى لو تحلفين نحتاج ادله وهذا البيت مابي كاميرات مراقبه

اشرحيلي شصار

بنان : باوعت عليه وكاله واني دموعي تجري
ابويه باعني لهذا الي جان هنا

فهد : شلون باعج وين ابوج

بجيت بزايد وحتى نسيت سالفه انوا مو ابوية وكتله
مادريي وينه مادري شمرني وراح ..

فهد : وين بيتكم ؟

بنان : ماكدر ارجع لبيتنا ، اذا ارجع اكيد راح يموتني ويذبحني

تذكرت من جنه بالسياره

جمال : اذا عتبتي عتبة الباب اذبحج واطشر راسج
غطيت راسي واني ابجي

فهد : شلون راح اصدكج مجرد دليل ماكو

عطت بوجهه من قهري : بقت عليك متصدكني لتصدكني الله ياخذنييي

عاط بوجهي الضابط قوي وگال

فهد : لتعلين صوتج

هو يعيط واني أزيد ابجي

كام مسح وجه بعدين سألني

فهد : ماعندج رقم احد قريب عليج حافظه رقمه
نزلت دموعي تذكرت حافظه رقم امي
بنان : رقم امي

فهد : تمام ردي ؟

رديته اله وهو دك على امي ورا دقيقه ردت امي

الهام : العفو منو ؟

فهد : وياج الضابط فهد محمد

الهام : خير يمه شصاير

فهد سد السماعه وسأل بنان : انتي شسمج مخليتي عقل براسي

بنان : اسمي بنان

فهد : بنان ؟؟ غريب

فهد : حجيه بنتج بنان

بعده ممكمل بجت الهام وعاطت وينها وينها الله لينطيك جمال مادري وين وداها

فهد : بنتج بنان منا ورايح راح تكون بأمانتي الا اسيطر عالوضع وارجعها الج بخير وسلامه هذا رقمي واني اتصل عليج أن شاء الله احنه ناس دمنا حامي ومنكدر نشوف عرضنه بهيج وضع واني اتصل عليج بأقرب وقت

في امان الله

حطيت ايدي على وجهي واني ابجي واسمع صوت امي تتشكر منه
فهد : يلا

بنان : وين

فهد : لتخافين مو بيتي وحدي .. بيت اهلي هم
بنان : شنو يثبتلي مدا تضحك عليه

فهد : اني فهدد مو حي الله

بنان : واني بناان

فهد : اسمچ شلني شل امشي بويه وربج مراح اسويلج شي

بنان : بجيت من خوفتي حتى نعال ماعندي
بنان : شلون نعال مالابسه

فهد : شترديني اشيلج امشي وصمي حلكج شكد تحجين هسه نوصل راح نروح بسيارتي الخاصه
بنان : اوعدني متسوي شي عليك الله

مسح على شعره : شبيج بابا داكلج اوديج لبيت اههلي
راح اغتص** قابل

باوعتله بحقد ومشيت كدامه وطلعنه جانت سيارات الشرطه كلها برا ودينتضرون الضابط فهد
اشرلهم يطلعون ولزمني من عكس ايدي وصعدني بسيارته ليوره لا لكدام جان ولد

مؤمل : خير شنو

فهد : صم حلكك واسكت بعدين افهمك وجه الجوب
مؤمل : علكيفك عيني

درت وجهي للجامه واني ابجي دموعي تنزل بهدوء
امي قبلت اروح وياه

زين خواتي هسه شلونهم

روان

رزان

الضابط فهد ميدري بالحقيقه شنو
ميدري هذا مو ابويه الحقيقي
وميدري هاي مو امي الحقيقيه
اني شراح يصير بيه أكثر من هيج

نهاية البارت انتظروا بارت الجديد

إلى اللقاء يا أعز العابرين في قلبي ♡.

الكاتبات دينا & نور