رواية نقطة لقاء الفصل السابع والعشرون 27 - بقلم الكاتبة دينا _ الكاتبة نور

لِـماذا إختَرتَـني مِن بَين النجُـوم لِتطْفـأنِي؟ " .

<<<<<<<<<<<<<<<<<<<<<<<<

روان : رزان اختفت ما ادري وين

فهد : شنو متدرون ؟

ياسر : والله صعدنا مدري وين هي كالت اني ادوخ فكالت راح انتضركم جوا بين متخلصون كم دقيقه
ف صعدنا اني وريم وروان وهي ضلت بس نزلنا دورنا وما لكيناها ابد

فهد : انت خبل شبيك لك شلون تعوفوها وحدها جان جبتوها يمنااا

بنان : شنوو ماكووو وين رزان

ايهم : شنو ما لكيتوها وين راحت طارت

فهد : استغفر الله الكل هسه تروح تصعد بالسيارة هاك همام السويج

بچت بنان : ماروح ماروح اريد اختي وين راحت

روان : كافي بنان بلكي يلكوها

بنان : والله اموت اذا رزان ماكوو

ريم : لتبجين بنان راح تبجيني

صاح همام بعصبية : امشن يلا اوصلجن وارجع

بنان : معليه كلتتت مماا ارجع

فهد : ارجعي بنان

بنان : مااا ما اريد اختي اذا ما اشوفها بعيوني ما ارتاح

فهد : كافي بنان رجعي واختج ارجعها الج بس روحي

روان : امشي نروح كافيي بنان هسه يلكوها

اخدنه همام وصعدنه بالسياره

_____________________

فهد
عاط بعصبية ؏ ياسر : انت شبيك شنو هذا الغباء العندك شلون تعوفهم ياسر لتخبلني

ياسر : لككك اسكت انفضحنا باع الناس

فهد : اي شلون متريدني اعيط لك وين عفتهاا اخر شي

ياسر أشر : هناك

ايهم : شبيك فهد اذا نروح لنفس المكان مراح نلكاها خل نبلغ الأمن وندور عليها وياهم

فهد : دمشي امشي

رحنه كلنه يم الأمن ودورنا بكل مكان وبكل الالعاب متر متر بس رزان اصلا مموجوده تخبلوا وذبوا كُل الوم عليه ..

بهل لحظات الكُل انخبص ورجع الهم همام وضل وياهم وحسن هم بالاخير اتصلت بنان على فهد وهي تبجي

فتح خط فهد : ها بنان

حجت وهي تبجي : فهد تعال بسرعه حباب

فهد : ليش شكو صار شي ؟

بنان : تعال بسرعه لتتأخر حباب

فهد : وين اجي ولج مو غير اريد الكه اختج

بنان : فهد عفيه تعال بسرعهه

فهد : تمام هسه جاين

ياسر : شنو شكالت

فهد : اصصص ولا كلمه امشي كدامي ماريد اشوف وجهك

ياسر : عمي قااابل اني ضيعتها والله حتى دورت عليها بعدين هي من كالت انتظركم جوا ما عافتنا

ايهم : اذا تضلون هيج مراح نلكاهاا والله راح اتخبل وين اختفتتت

فهد : كافييي امشوا نرجع

ايهم : وين نرجع وين وهيه ماكوو اريد افتهم وين اختفتت وين راحت شلون نرجع وهيه مو ويانه

فهد : نلكاها والله نلكاها بس اصبرر وخلي نرجع ومنا اخابر مؤمل هم

ياسر : بس اعصابكم نلكاها وين تروح قابل

ايهم : انجب انتَ انجب

فهد : كافيي امشوا

اول ما دخل فهد الكل كعد جوا وانخبص البيت و محمد وزياد يعيطون ويرزلون بياسر

زوزو تبجي عليهم : لج يوم نطب بمصيبة نوكع بثانيه مصار لبنان كم يوم وهذيج دفعتها هسه رزان يمه البنيات راح يروحن

مريم : لا بيبي لتبجين أن شاء الله مابيها شي هسه يلكاها فهد

ركض فهد كبل صعد لغرفة بنان جانوا يمها ريم و وروان

فهد : ها بنان شبيج تبجين شصار ؟

بنان : فهد وصلتني رسالة من رقم غريب

فهد : منو ؟؟ شو جيبي

بچت وكالت : من فراس اني متأكده شوف كاتب بيها " عبالج خلصتي مني ، الا احرك دمج على رزان ههههه "

عيطت وهي تبچي : شوف شوف أخذ رزان والله اذا تروح اني اموت اكيد حيسوي بيها شي يمه اختييي

ابتسم اليه وگال : ليش تبجين شوفي شلون راح الكاها هو الجنى على نفسة بهاي الرساله الاقل عرفت هو منو .. بسيطه مو بعيني

بنان : فهد عفيه الكالي اختي ما احدر بدونها

فهد : وعد مني الكاها بس لتبجين ومسحي دموعج مو زين عليج

هزيت براسي

وهوه أخذ لابتوبه وتليفونه دك على مؤمل وطلع ركض من البيت حاولو الباقين يروحون وياه بس ماقبل ..

________________

بنان
ضليت كاعده ابجي وريم هم تبجي بس روان تحاول تبين قوية بس اشوف الدمعه بعيونها

ريم بجت : هذا فراس شكد حقير لعد

بنان : بس حقير لتضحكيني ريم

روان : هسه شلون خاف يسويلها شيي

بجيت وكلت : مادري ما ادري حموت والله تعبت هذا اريد افتهم شنوو ميعوفنه بحالنااا مكافييي اووف ربيي

رحت حضنت بنان وگلت : كافي بنان لتبجين شوفيي شسويتي بنفسج كافي بجي عفيه

ريم : بنات لتخافن قابل وين تروح هسه يلكاها فهد

بجيت مدا اتحمل .. كلنا كاعدين حتى لو بس جانت تكعد ومتحجي بس مكانها خالي ما اتحمل يصير بوحده من خواتي فدشي

اباوع ع روان بالكوة حابسه دمعتها وتحجي : هي شلونها هسه .. معقوله سوا بيها شي .. كتلها؟

ريم : شحده فهد يكسر ايده اذا مدها عليهاا

دخلت خاله رحاب وجتي كعدت يمنا : بيبيتكم هسه نامت خطيه لا تعشت والكل توسل بيها ماكوو حتئ ضغطها ارتفع

بنان : هسه شلون خاله ما اجه خبر من فهد

رحاب : والله يمه ماكو من طلع لحد هسه ماكو اي خبر

بجيت وكلتلها : خالة اريد اختي شلون

رحاب : ان شاء الله ترجع ويلكوها والله اني هم گلبي محترك عليها

ريم : زين خل ندك على فهد اذا ميدك يعني احنه مندك وين تليفونج بنان

اشرتلها ؏ تليفوني وراحت دكت على فهد
دقايق وجاوبها وضلت تحجي ويا جتي گالت

ريم : بعدهم ديدورون يكول ما اجي لحد ما الكاها

بجيت : اخخخ رزان

روان : هذا النذل فراس والله بس لو ينلزممم

رحاب : يلا يمه تفائلو ليش تبجون هيج أن شاء الله تلكوها وفهد هسه يلكاها بسرعه والولد هم محد تحمل يبقه راحوا الفهد

ريم : شنوو

رحاب : ايهم وهمام وياسر وحسن الولد كلهم راحوا ما ضلوا

بنان : اوووف يربي

ضليت اتلفت روان متشاركنا الحديث ابد لو تحجي شوية وتسكت وتدمع ..رزان مندري بيها وين هسه والدنيا ليل والله يعلم بحالها وشسوه بيها فراس ..

اخر شي ريم وخاله طلعوا عافونا وحدنا وروان هم طلعت وي ريم رأسا اني شلت التليفون ودكيت على فهد

مرة مرتين يلا فتح خط

- ها فهد لكيتوها

عيط بعصبية : شكو جوي اخواني

- مادري خالة رحاب كالت ما كدروا واجوي

- اي بس اني حبقئ هناك وهمه هم راح يبقون وياي شنو هاي الوضعيهه بنان

حجيت واني ابجي : هسه اني شعلية يعني همه اجوي اني اريد اختي حباب الكيها والله ماكدر بدونها

فهد : شداسوي لعد اني هسه دا العب دعابل غير دادور عليها .. بديت اتوصل لأشياء راح تفيدنا بعدين وكافي تخابرون عليهه مو بزعت بس يصير شي عود اخابركم

- الكاها بسرعه عليك الله

- أن شاء الله .. ها بنان عود أخذي دواج لتنسيه ونامي من وكت

هزيت راسي ودموعي تنزل : اي بس ما اعتقد اكدر انام منوكت اليوم

فهد : تكدرين ما دام اني موجود لتخافين والله الكاها والكى الخايس الماخذها هم بس اصبريلي

بنان : تمام

سديت تليفون كعدت ابجي معرف شسوي اختي ضايعه ومندري بيها وينها هسه كمت صليت وادعيلها

_____________

رزان
چنت مربوطه وبمخزن فااارغ
بس هو يفتر ويباوعلي ويضحك ب استهزاء كأنما مخطط لـ شي

بجيت لان ماعرف شسوي صرت افكر هاي نهايتي على ايده النكسه وخاف يسوي بيه شي ..

محد يعرف بية وين اجه كعد كبالي ويلعب بتلفونه
جان م رابط حلكي بس رابط ايدي ورجلي

عيطت بوجهه : الله ياخذك فراس الله ياخذك يا جلب

لزمني من ركبتي وخنكني حيل : هاي عليمن الچلب !

رزان : عليك عليك انتَ

فراس : هههههه بسيطه رزونه .. والله الا احرك كلوبهم على وحده وحده بيجن .. مراح تخلصن مني لو تموتن وبالذات بنان طلعت من عدها مثل الشعره من العجين بس اني الكم

جرني من حجابي حيل وكعه ولزمني من شعري كام يتهلس ب ايده ضربني راجدي قوي نفس الوقت نزف حلكي وخشمي حسيت بدوخه رجع ضربني برجله قوي ع بطني .. حسيت روحي حتطلع هذا حيوان ما عنده احساس

كمت ابجي واون بالكوه تطلع الكلمه من عندي : عوفني الله لا يوفقك

فراس : عباله لزم جمال راح يخلص من عندي لا والله بأحلامه

هو حجى هيج عيطت عليه : انتَ مريض مريض. روح عالج نفسك يا مخبل

فراس : اشششش

ركعني بأيده حيل ؏ وجهي حسيت عيوني غوشت
كمت ابجي واعيط من الوجع وانترس وجهي دمايه صار ما ينشاف

نزل كعد كبالي وكال : قبل حذرتكم من عندي هواي بس ما اهتميتو .. هاي هيه النتائج

ضليت ابچي من قهري وهو يحجي هيج وياي فكرت اعيط مكدرت لان

گال الي : عيطي شكد متكدرين محد راح يسمع صوتج الرنان

ضليت ابجي لحد ما كعدني بضربه حسيت جسمي تكسر ما اكدر اشيل راسي ولا افتح عيوني بس احس بكلشي واسمع صوته يگول

_ والله لا احرك دمها لهاي الجبيرة عبالها تخلص مني بسهولة

حسيت روحي تريد تطلع لا اكدر احجي ولا اكدر افتح عيوني من الالم ولا اكدر كلشي اسوي مثل المشلوله وهو اسمع صوت ضحكاته واريد احرك جسمب بس ما أكدر

________

فهد : غبي انت شلون هيج نشتغل واذا نروح راح يعرف ويجوز يحاول يغير مكانه لو ينهزم

مؤمل : شبيك ميكدر لان اذا نروح ناخذ دوريات ويانه

فهد : لك هسه احنه لاكيها حتى نفكر بالمستقبل امشيييي

حسن : هسه احنه شراح نفتهم ترا كضيتوها عراك

عاط فهد : شتريدني ها شتريدني شصير ولازم هاي الليلة الكاه واحركه واحرك شيب الخلفه لهذا فراس لو اني لو هوا

ايهم : هسه انتوا ليوين توصلتو

مؤمل : هو اخذنا الرقم الغريب هذا بس دنبحث ببرنامج بلكي اذا عنده شبكه نكدر نوصل للموقع اللي هوا بي .. هو ميفكر احنه شلون راح نلكاه بس فكر انوا يدز رساله
هم غبي هذا ميدري ب ايد منو وكع

ياسر : اشتغلوا ديلا

فهد : انت انجب لتخليني اطبع ضيم گلبي بيك

ياسر : ياخي شبيك انت كلبت علية هسه شمسوي اني

فهد : مو انتَ عفتها

ياسر : لك عمي هي جانت واكفه بمكان كله ناس متوقعت تختفي اصلا

همام : اهوووو شبيكم كافي عاد

ياسر : انتوا راح تضلون هنا اليوم

حسن : اي نضل

ياسر : بس حروح ابدل هديماتي واجيكم خوش

فهد : روحه بلا جية

ياسر : هيهيهيهي اتمنى اصلا بس يلا بايييي

همام : هذا المخبل حتى بهيج وضع هم مخبل البنية ضايعه وهو يتمضحك

ايهم : هوه حكوم ابتلي بي

فهد : كافي وانتَ ولي يلا

ياسر : وليت وليت

_______________

روان
راحت ريم لغرفتها واني طلعت برا بالحديقه واسمع عياط عمو محمد وعمو زياد وكلسع مادري مخابرين على منو ما اعرف شسوي حسيت نفسي ضايعه رزان ماكووو بس اتذكر هل شي احس گلبي يحترك عليها هسه شسوه بيها هذا الحقير والله حموت

احبس دموعي والغصه حتى أبين كدامهم قوية وميضعفون بس طلعت برا شفت الطرمه فاااارغه مابيها احد كعد بالمرجوحه واباوع للسما وادعي يارب ترجع سالمه م اكدر بدونها ابد

بجيت من كل گلبي واني ادعي الها حتى شتاقيتلها

حسيت ع حركه وراي اخترعت وكمت بسرعه اباوع شنو يمكن بزونه بس ملكيت شي التفتت ليكدام اشوف شكو

رأسا حسيت احد يلعب بشعري التفتت وردت اعيط سد حلكي ياسر وهو حابس ضحكته وگال

_ عمي معرفتج خوافه هيج

دفعته وبچيت مدري من الخرعه مدري ع رزان حسيت متحملت كم ابجي واشهك وهو مصدوم يباوع علية

كمت ابچي واحجي : اني والله تعبت حيل مداتحمل ليش كل هذا يصير ويانه اولها بنان وهسه رزان يجوز وراها اني هم مو غريبة صارت علينا

هو سحبني وضل يمسح ع شعري ويحجي بهدوء : اششش ولج كافي لتبجين هم فكري بية ترا اتأذه من اشوفج هيج ، عيونج ما اريدها تبجي اني ما احب روان الضعيفه التبجي احب قوتج اكثر هي الجذبتني
الج اصلا ..
رزان ديشتغلون وحتى احتمال راح نلكاها هاي الليلة لان من اول ما وصلنا وفهد يشتغل وية مؤمل ما تركوا اللابتوب ابد وانتي ماريدج تبجين خوش ام كفشه

مسحت دموعي واني اباوعله وخرت من يمه وكلت : زين انت ليش رجعت مو رحت

ياسر : لازم مترديني ارجع وتكحلين عينج بشوفتي

روان : شبيگ لا بس يعني هيج سألتك

ياسر : رجعت اريد اشوفج

روان : صدك

ياسر : لا جذب .. يعني اكيد صدك

روان : مو شفتني بأتعس منظر واني ابچي حتى خجلت من روحي يعني اني محد يشوفني من ابچي الا نادر وما احب ابجي كدام أحد طلعت برا هنا كلت ماكو احد اشو انتَ اجيت

ياسر : احبچ بكل حالاتج والله من تكونين قويه ضعيفه خايفه فرحانه احب كُلشي بيج رواني انتِ

روان : اوففف ياسر والله تعبت واريد اختي ما اكدر بدونها

ياسر : يلكوها يلكوها

روان : مطمئن زايد يعني منو يكول ما سوالها فدشي هذا الجلب الحقيررر فراس

ياسر : هوه ليش اصلاً خطفها اريد افتهم

روان : اووف يا ياسر منين ابدي قصة طويله

ياسر : احجيلي بلكي ترتاحين

روان : بس هل حجي ليطلع لحد تمام

ياسر : تتوقعين احجي لحد ؟

روان : لا طبعا

ياسر : چا احجي

روان : مو تدري هوه متربي ويانه من احنه وصغار جان يكرهنه ودائما يأذينه بس لما كبرنه

ياسر : ايي

روان : اووف يربيي

ياسر : كملي روان

روان : جان حاط عينه ؏ بنان ودائما جان يتحارش بيها

ياسر " بصدمه " : شنوو

روان : اي ياسر اي ومره راد يعتدي عليها بس رزان لزمته وفضحته

ياسر : هذاا شنو من اخ حتئ لو مو اخوكم بس انتو عشتوا سوه انتو تربيتوا سوه اريد افتهم هذا حيوان شلون كدر يسوي هيج

روان : ورزان لما حجت محد صدكنه صدكوا فراس و جمال جر بنان وقرر يبيعها

ياسر : لا لاا مداصدكك ذوله شنووو من بشر

روان : مو بشر ذوله حيوانات

ياسر : وباعها ؟

روان : اي باعها بس بوكتها فهد عثر عليها وبدت مسيرتهم هوه وبنان

ياسر : يعني هاي القصه مالتهم الي مقبل فهد يحجيها

روان : اي ياسر

ياسر : زين سوالج شي هوه

روان : هاا

ياسر : احجي روان

روان : لا بس ذيج المره حجي ليان جان صح

ياسر : شلون شلون

روان : اي هوه جان يهدد بنان بينه فشنو اجه المدرستي واخذني وصعدت وياه بسياره وبقه يهدد ورها ونزلني

ياسر 'بعصبيه" : وليش مكلتيلي بوكتها

روان : مكدرت ياسرر

ياسر : كملي

روان : ايي هاي كُلشي فلهذا هسه خطف رزان حتئ يحرك گلب بنان فلهذا احنه خايفين ؏ رزان خاف يسويلها شي ورزان خوافه حيلل

ياسر : كون الزمههه واعرف شسوي بي هل كو** يلا اني حرجع اروح وانتي روحي نامي خوش عمي ولتخافين بس يصير شي ابلغكم

هزيت راسي مبتسمه : خوش

هو هم ابتسملي وطلع

ضليت كاعده بالمرجوحه ميهلي اكوم واطب جوا .. محتاجه وقت لوحدي

______________

بنان
م نمت ضليت كاعده واصلي وادعي لرزان
هي منا جانت كُلش مريضه وما متقبله موت ماما الهام وحالتها النفسية كُلش مو زينه ودخلت جلسات علاج وية ايهم وهسه چملها فراس فوكاها

ضليت ابجي لحد ما شفت الدنيا صبحت افتقدت روان ما اجتني ولا ضلت يمي عرفت انوا هي تريد تضل وحدها ف ضليت اني هم وحدي

بجيت عليها و هم دزيتله رسايل وميجاوبني
صارت دنيا صبح نزلت لكيت ريم و روان كاعدات سوية و زوزو تبجي ويمها خالة رحاب ومريم يهدون بيها

جان الوضع صعب وكلسع عمو محمد يدك على فهد سمعت من عمو زياد گال

_حجينه وي فهد قبل شوية حتى كال ما نمنا بس ندور وسهرانين

انقهرت حيل واجتني الغصه ردت ابجي كدام الكل والوضع ميسمح كُلش .. بالنسبة لروان وريم جان هذا اخر شهر الهم بالمدرسة شكد اريد روان تشد حيلها وتقرا حتى تنجح بس ميفيد بيها ومتقرا من اسألها تضل تنافخ

ورا كم ساعه للظهر وجنه كلنا كاعدين
دخلوا الولد كلهم فهد وضعه ميطمن كالب خلقته وعاكد حواجبه وكل واحد راح لغرفته شفت ايهم اشرلي رحت اله

بنان : ها ايهم رايد شي

ايهم : لا ما رايد بس ما وصلج شي من الرقم هذا بعد ؟

هزيت راسي وبجيت : لا ما وصلني اي شي لحد الان

فرك راسه بتعب وكال : شكد ضلينا ندور ومؤمل هم وهسه رجع هنا فهد راح يكمل الباقي ادعي حتى نلكاها

بنان : أن شاء الله

التفتت ورحت صعدت لغرفتي فوك على فهد لكيته كاعد وعيونه كلسع يغمض من التعب

كعدت يمه ودموعي تنزل : فهد روح نام انت اصلا منايم صارلك هواية من البارحه لليوم

باوعلي صفح وكال : وانتي هم ما نايمه

بنان : شنوو

فهد : اي والله انتي منايمه هاي الهالات مبينه ترى لا عبالج اني غشيم وماعرف وديلا روحي نامي انتِ معليج من عندي اني بعدين عود هسه خل نشوف چاره ويه هذا

بنان : ما انام اضل يمك هنا

مديت راسي اباوع : هاي شنو ليش انكليزي كُله شو مدا افتهم

ضحك وگال : بابا روحي نامي عوفيچ مني اني هسه خل اكعد ادور

بنان : معلية حتى لو ما افتهم اضل هنا يمك

فهد : ابقي

هو اباوع عليه سريع حيل ويكتب ضليت فاكه حلكي هذا شديكتب شديسوي م اعرف ايشي اني وهيج اباوع وكلسع اشوف يتعصب ويلزم نفسه يمكن مديصير ويا فدشي

بنان : شبيك ليش هيج

فهد : اكو خلل بهذا خرب

بنان : شكوو فهد

بهل ثواني فهد اتصل على مؤمل وبدا مؤمل يشتغل ويدور عليه والعياط بفلس هذاك يكوله انتَ متعرف وهذا يكوله انت مطي علكت وفهد صاير نار

مؤمل كال : بديت اوصله انت روح ارتاح صخام بعينك لا نايم لا شي بس الكا ادك عليك

فهد : شبيكممم ما اريد انام وانتَ بسرعه سوي كتلك عليه

مؤمل : اني رجل آلي

فهد : استغفر الله

سد الاتصال رجع راسه بوجع ليورا غمض عيونه واني نزلن دموعي

_ شلون شلون خاف اختي بيها شي فهد حتخبل من التفكير والله

باوعلي : لج لتبچين هي بس عيونج سالفة شكبرها
راح نلكاها كدرنا نوصل للموقع هو من البدايه جنى على نفسه ودز رساله ماتوقع راح نشتغل بهاي الطريقه

بنان : اوفففف هسه هي وينها

فهد : مَادري

بنان : لتحجي وياي هيج شبيك

ابتسم فهد : لعد شحجي

بنان : يعني ما قصدي بس مادرييي احس متريد تحجي وياي

فهد : خاب انجبي شنو ماريد احجي وياج هاي وين لكيتيها

بنان : مادرييي

فهد : كضيتي حياتج متدرين

بنان : ليش تباوعلي صفح اني شمسويتلك

فهد : اني مباوعلج صفح شبيج بنان صايرة تتخيلين

بنان : ما اريد حتى احجي وياك وخر

جرني من ايدي : تعاي لج شنو اباوع صفح مدري شنو

بنان : اييييي مدا اجذب اني مو دتباوعلي هيج صفح

ابتسم وكالي : تؤ ما باوعلج صفح بس انت هيج تتخيلين يمكن لان بديتي تحبيني عبالج انشغلت عنج

بنان : شوف اين وين وانت وينننن لك اريد اختي

فهد : لتكولين لك

بنان : اوك

فهد : استغفر الله شلون اني وياج من ورا فهاوتج جاي اتعصب اكثر

بنان : اكوم احسن

فهد : لا ابقي

بنان : ها اني مو ..

فهد : اسكتيييي وضلي كاعده

بنان : فهد

فهد : هاا

بنان : اختي

فهد : ما اتوقع اكو احد اكثر من يلح

بنان : شبيك فهد بس والله خايفه عليها

ادور كعدت ضليت ابچي بزايد وهو يباوع ويكلي سكتي سكتي كافيي مو غركتينه بدموعج نلكاها نلكاها

_______

رزان
كعدت ؏ رشت مي علئ وجهي واحس الدنيا تفتر بيه وعطشانه حيل

فراس : كومي لج كعدي

ما ادري شلون فتحت عيوني احس غوشان بيها وگلت

_ مي مي عفيه

فراس : لو تموتين قطرة مي ما انطيج

رزان : بس ليش شمسويلك حرام عليك

فراس : نفس ما اسمع انجبي

رزان : تبقئ نذل الله ياخذك

فراس : انجبي لج عاجبج اضربج بعد خاف ؟

رزان : تنكسر ايدك

فراس : اهااا طالعلج لسان .. خنوسية

رزان : انجب والله هسه يلكوك .. مستحيل يخلوك صاحي

فراس : ههههاي يلكوني ؟ حلوة هاي والله لو يموتون مراح يلكوني لو تطلع نخلة براسهم هم ميلكوني

رزان : لا راح يلكوك هسه تشوف عود اني اذكرك
من كلت هيج

كبل اجه جرني حيل من شعري وگال

_ تصمين حلكج لو اكتلج مثل البارحه

رزان : حقير. " وتفلت بوجهه "

وخر من عندي وگام يمسح بوجهه وگال

_ ظاهر انتِ ميفيد وياج لا عيني وگلبي ولا الكتل اعرف شسوي وياج اخليج نفس متحجين

رزان : شنو قصدك

فراس : هسه تعرفين

وجان يعيط بصوت عالي وگال

_ مصطفئ تعال ولك تعال جبتلك خوش صيده

مفتهمت شنو چان كلامه لأن متوقعت يوصل لهل حقاره

مصطفئ اجه وفتح الباب جان واحد كاتله الوصخ وشكله ما ادري شلونه وجهه كله جروح ومبهذل وگال

_ ها هاا سيدي

فراس : تعال ولك شوف هاي الحاته شسوي بيها سوي لأن متكعد راحه

مصطفئ " بفرح " : صدك

فراس : اي ابني صدك

مصطفئ : بس هاي وجهه كله جروح

فراس : اي وهوه متكعد راحه فضربته المهم ما اوصيك شتسوي بيها سوي

مصطفئ ضحك : شكرا سيدي بس شعجب

فراس : لأن اني عن نفسي مالي نفس بيها اني نفسي بأختها المهم يلا شوف شغلك

اسمع شديحجون مداستوعب الي ديصير معقوله الي ديحجوا صدك وشيريد يسوي مثلا معقوله لهنا وتنتهي رزان !

طلع فراس برا وهذا مصطفئ گام يباوعلي بنظرات غريبه كأنوا فريسه يريد يفترسها

اجه قرب عندي وكام ينزع بقميصه اني هنا متحملت تخبلت منا راسي ديوجعني واحس غوشان بعيني بس عيطت بصوت حيل عالي

_ فراس فراس الله ياخذك لا يوفقك فراس وينك حرام عليك فراس حرام لسوي هيج فراس تعال فراس عفيهه فراسسس

مصطفئ : ماكو فراس بعد اني موجود ترا اني اونس

اجتني رجفه حيل قويه بجسمي وگمت ابجي ابجيي

رزان : عفيه عفيه شدسوي عفيه لسويلي شي

مصطفئ : لاع كل هل حسن كدامي وما اسوي ولو شويه جروح بس عادي

اجه تقرب عندي لزمني حيل وخله راسه بركبتي گمت ابجي واشهك واعيط واحاول ادفع بي بس جان اقوا مني

رزان : وخرر وخررر ولك وخررررر عنيي

ضربني ؏ حلكي بكل قوه حتئ نزفت شفتي وگال

_ صمي حلكج خليني مستمتع

رزان : ولكك عوفنيي عوفني الله ياخذكمم عوفنييييييي

كام يسد بحلكي وملامساته القذره علئ كُل جسمي وريحته الي تخنكككك تهسترت كمت ادفع بس ماكو جان كل جسمه عليه ومن وره العياط احس بلاعمي نجرحن

احس لهناه وانتهئ الطريق هاهيه رزان ماتت !

حجيت هواي توسلت هواي انو يوخر ماكوو موخر عني ..

ابچي واشهك كتله : ابوس ايدك وخرر عني عفيه لاتسويلي شي عفيه وخررر عليك الله

مشت ايده ؏ جسميي كام يريد يشكك ملابسي بس باقيه ومقاومه ما اخلي كُلشي ولا هذا شي ..

شك شويه من تشيرتي هنا متحملت تفلت بوجهه حيل وادفع ادفع ومقاومه لحد مكام من يمي وگال

_ لا هيج مراح استمتع اظاهر انتِ مو ادميه

لزمني من شعري حيل وگام يعت بي يعت بي و شعري تكطع وبكل قوته يضربني راجديات بالاخير نهئ الشي لزمني من شعري حيل ولط راسي بالحايط

احس روحي شاغت تفل عليه وطلع برا وقفل الباب اهنا دنيا غوشت بعيني وفقدت الوعي ..

"لم اتالم انا فقط ابتلع جمر"

____________________

جانوا الكُل كاعدين الظهر ومجتمعين بالصالة

كالت زوزو وهي تمسح دموعها : وين بنان وفهد ماكو

روان : فهد ديشتغل و بنان هم يمه

رحاب : استغفر الله يا ربي أن شاء الله يلكوها والله كلبنا طك من هالمصايب اللي تجينا مدري منين

ريم : مو جديده بس رزان لا يعني والله حيل فقيرة وأدور خطفها هذا الحقير .. هي حتى كلمه متكول ولا تسولف

محمد : صيحو فهد بسرعه خلي اشوف وين صفى بي الدهر

زياد : راح تصير الدنيا عصر وهي من الليل ماكو شلون شغله هاي

ياسر : هو ديشتغل فوك يعني شعندي اصيحه وهو ديشتغل

محمد : امشي روح صيحه هسه اريده

روان : وين ايهم وهمام

ريم : مادري طلعوا من زمان مدري وين

جتي مريم كعدت يمهم : بشروا ما لكيتو فدشي عنها

روان : وين ماكو ايشي وفهد ديدور وياسر كالي عساس لكو اشياء تفيدهم مدري شنو

مريم : خطيه رزان والله متستاهل

________

ياسر
صعدت فوك حتى اصيح الجميله والوحش
دكيت الباب ولا واحد يطلع شبيهم هذولة ميمشون الا بهجم البيبان ضليت ادك واعيط عليهم

_ شبيكم متسمعون طرشاااان انتووو ديلااا فتحووو عاد رجلية راحت
لكممممم تعالووووو

فتحتلي الباب بنان ورأسا اجه وراها فهد : خير شرايد

باوعتله : شريد يعني ابوك يريدك

فهد : دا اشوف دربي مو داشتغل

ياسر : هسه اني شعلية روح لابوك كله بوية ليش صحتني حاطيني بنكلادش يمكن روح تعال روح تعال والله هاي حلوة وانتي عيني بنان هم تعاي نزلي لتعتكفين هنا

فهد : اي وانت شعليك هي بكيفه تنزل لو لا وروح لابوية كوله هسه ينزل فهدد خوششش ؟

ياسر : اي اي ايييييي

دفع الباب بوجهي وسدها : باع الغرور درينا مرتك عاد مو هيج والله انتوا اللي هنا مادري شلونكم
نزلت جوا حتى اكول ل ابوي

ياسر : يابه فهد يكول ما انزل خلي هوه يصعدلي

محمد : فهد هيج گال

ياسر بخباثه : ايي بابا

محمد : لجذب فهد ميكول هيج هسه اصيحه واذا كلع جذب تغرف شيسوي بيك

ياسر : هااا لا بابا ظاهر خربطت اقصد گال هسه اجي

محمد : انت مو كلت هسه يجي يعني هسه

ياسر : انتَ ريم طالعه عليك بالعناد مو كلت هسه حينزل

محمد : انلصم

ورا دقايق نزل فهد وراه بنان

فهد : ها بوية شنو ؟

محمد : غير ردت اسألك شلكيت شصخمت عايفنا هنا كلشي منعرف وضليت فوك هي هاي حالة

فهد : يابة اني معفتكم بس حتى استغل الوكت والكاها ومؤمل هم وياي ديشتغل ودنشوف وين تصفى

ياسر : شمدريني وين تصفى

فهد : هسه انت منو يمك .. ووين همام وايهم شو ماكو

ياسر : عافوني وراحو الانانيين يحبون نفسهم طلعو وعافوني

فهد : اي يلا اني حصعد فوك

بنان
كعدت يم البنات وزوزو تون وتبجي

ريم : ملكيتو شي

بنان : مادري شعنده بل لابتوب وكال لمؤمل يكمله

ريم : ها مؤمل ؟

روان : لا فهد

ريم : شبيج انتي هسه اني شكلت

روان : دباع نظراتج بس سمعت اسمه تخربطت اوضاعها

بنان : احنه بيا حال وانتن وين يعني صدك تضحكوني لكم رزان ضايعه ومخطوفه وانتي تكوليلها تحبين مؤمل مدري شنو

جتي مريم : ها ها هاي منية الي تحب ؟

بنان : ها هيج دنسولف

ريم : هو دنسولف

مريم : والله ما اعتقد سوالف هاي يعني

ريم : اهوووو كافي

روان : اكول عفية بنان روحي لفهد شوفي خاف لكى رزان وتعاي انطينا خبر

رديت : هسه جنت يمه عيوني أنعمت يشتغل اريد افتهم شي ماكو ومن يشتغل ميحجي يضل ساكت ومدري يعني وجودي زي عدمو

روان : حبابة عود سألي والله گلبي نار على اختي اريدها

ريم : اي حبابة بنان

هزيت راسي : خوش هسه اشوف

رحت صعدت فوك عليه لكيته حاط وجهه نصه ب الجهاز ويكتب ومدري شيسوي وكلسع يعيط

كعدت يمة ارجف : ها فهد لكيت شي .. الدنيا صارت عصر وهي من البارحه ماهية

فهد : دا اصخم هنا مدتشوفين شداسوي وهذا الأرعن مدري وين اختفى علية

بنان : منو

فهد : يعني منو غيرة مؤمل

ضل يعيط ومتخبل حيل اعصاب والمشكله ميكولي لكاها لو لا

بجيت وكلتله: هي وينها شبيك متحجي

فهد : لتبجين لتبجيننن

بنان : هاا يزعجك بجيي

فهد : لا والله بس ما اتحمل اشوفهن

مسحت دموعي بسرعه وكلتله: ويننن رزززااااننن كوووللل

فهد : شبيج هيج اعصاب ترى دا اصخم كدامج وأدور ومؤمل مدري وين راح ادك علي ماهوا

بهل أثناء دك عليه مؤمل واستلم دك رزايل من فهد وصارت عركه من الروس وهذاك يكول جوعان ورحت ازقنب وفهد گام يعيط

الحاصل بدوا يشتغلون وهو كلسع يباوع علية يصفن ويرجع يشتغل دقيقه ما ارتاح وحتى ما نايم اباوع لوجهه تعبان اني هم مداقصر صفنت بوجهه بعدين تذكرت البنات رحت لغرفتهن

روان : ها لكاها

بنان : برمشة عين يلكاها هذا الجلب فراس ميقصر الحقير

ريم : استغفر الله هسه يعني شلون

بنان ؛ والله مادري عفته فاتح مكالمه هو ومؤمل ويشتغل

ريم : احمم وي مؤمل ؟

بنان : انتي كل منكول مؤمل تتخربط اوضاعج

ريم : اني ههههه تتوهمين حياتي

روان : لا بنان معليج بيها صدك هي تحبهه اصلا

بنان : واضح تحبي من عيونج حتى لو تنكرين كلشي مبين

ريم : سدو الموضوع هسه خنشوف رزان مو نحير بحبي تهي بهي

طب ياسر يغمز : منو يحب هاا

ابتسمت ريم واشرتله بعينها ؏ روان

هو باوعلنا نظرة وگال : عندي امل راح نلكى رزان اليوم

روان : واذا منلكاها تاخذ طن كتل

ياسر : لا جنت يم فهد هو كال مضل شي حنلكاها

بنان : اففففف وهسه شلون والله راح ابجي

ياسر : انتِ اصلا ماكو يوم ما بجيتي بي

بنان : هم صح

روان : اي وانت شعندك جاي هنا بغرفتنا

ياسر : مجاي عليج جاي ؏ ريم

ريم : جذاب جاي على ..

ياسر : هااا احممم عليج شبيج هيج ثوله

ريم : ها اي صدك ثوله اني اكبر ثوله

ياسر : عفية تعرفين نفسج الحية البنفسجيه

ريم : انجب يلا اطلع

ياسر : ما اطلع

بنان : اني راح اطلع اصلا

ريم : ليش ؟

بنان : راح اروح يم فهد احسن

عفتهم جان ياسر يسوي نفسخ يسولف وي ريم وهوه عينه كلها علئ روان

رجعت رحت يم فهد وعيوني مدمعه

فهد : راح تدوخيني رايحه جاية استچني

بنان : راح اضل هنا يمك

فهد : لتخافين رح نلكاها بدينا نوصل للموقع

بنان : صدك والله

فهد : اي والله

بنان : عادي اكعد يمك

فهد : مية هلا بيج عيوني

كعدت يمه وضليت اسئله : هاي يعني شنو ؟

وهو يجاوبني ؏ كلشي اخر شي بجيت اباوع من الشباك الدنيا غوربت

بنان : فهد حباب استعجل خل نلكاها ما اكدر اضل هيج

هو خابر مؤمل وكاله : تكدر تكمل هالشي هذا واني شوية واجي

سد الاتصال شفته اجه وراي يباوع من الشباك

فهد : دنباوع ؏ المالديف شلون منظر فدشي

مسحت دموعي : اي يجنن

فهد : شو باعي علية

انداريت عليه : ها ؟

فهد : وجهج تعبان بويه

بنان : اي شسوي غير منايمه

فهد : روحي نامي

بنان: مو ماكدر اعوفك وحدك وما اكدر انام لان كُل تفكيري يم رزان

ابتسم : متكدرين تعوفيني وحدي ؟

بنان : اي شلون لعد وانتَ هم منايم

فهد : امشي نروح نصلي بعدين نشوف دربنا .. بنان اني تعبان حيل تعبان

باوعت عليه وعيوني تدمع ماعرف شسوي ديتعب هواي ويانه : اني هم تعبانه

باوعلي بنظرة ثانيه معرفتها شنو : شبيك ليش تباوع هيج

ابتسم وكال : مشتاق احجي وياج .. اليوم ضليت اشتغل احس عيوني أنعمت من الشاشه

بنان : افففف ليش تريد تبجيني

فهد : لا شلون ابجيج واني ماريد اشوف دموعج

بنان : ديلا يالمؤمن نصلي

فهد : لسااانج

بنان : اي اي شبي لسانييي

فهد : ينكط عسل زايد

بنان : معلومه جديده
_________
ريم

جنه كاعدين كلنا دنتعشا جان تندك الباب

صاحت امي : ياسر روح افتح الباب شوف منو

ياسر : انييييي شعليةةةة ههااا ؟؟ اني شعلية هذاك حمام شوفي كاعد رجل على رجل واني شنو هنا كاعد حاطيني روح تعال

رحاب : لك لتلاسن روح افتح الباب

ياسر : اوفففف كايم والله كايم كلها براسي

همام : هيج احسنلك

ياسر : تفففف عليك خايس

فتح الباب ياسر شفنه مؤمل ديحجي ويا رأسا كالت روحو طبو جوا بغرفتكم وكولو لبنان تجي يمكم

ضلت عيوني عالباب تلالي والدمعه بعيوني مادري كل ما اشوفه هاي حالتي رغم احاول أنساه بس هو مديخليني انساه

صعدت كبل ؏ غرفة فهد : بنان تعاي اجه مؤمل

كام فهد : شنو اجه هسه ؟ شو مكالي

ريم : شمدريني يجي اوقات حرجه

رأسا كال : روحي بنان يم ريم

جتي يمي بنان : يلا امشي نروح

اول مدنطب الغرفه كالت بنان : ريم حبابه كولي لفهد ايشي يصير يجي يكولنا خوش ؟

ريم : مو ماكدر خاف مؤمل يمه كاعدين

بنان : اذا لكيتي مؤمل لتروين

رحت لبست شالي وطكيتها بركضه لفهد بسرعه دفرت الباب وطبيت وملكيت احد بس فهد موجود

_فهد فهد كوللنا اذا يصير شي وتلكاها

فهد : امشي اطلعي لج افتهمت ترا مو راسي انفجر

كلبي يدك سريع احجي بسرعه: هسه اني يعني شمدريني غير هي بنان كلتلي روحي كولي لزوجي العزيز فهيدان كوليله بس تلكى خبر عنها تعال كوللنا حتى منضل بقلق وهااا صدك باجر عندي امتحان واني ولا قارية واصلا مراح اداوم اذا رزان ماهيه أخذ اجازه وافضها

اباوع لفهد خزرني حيل وسحبني من ايدي صرت ورا

هو رأسا صيح ؏ مؤمل بشقه : شكو تطب رأسا بدون احم ولا دستور

ضليت اباوع مثل المصدومه مؤمل جان وراية يعني وسمعني شمسلتت ؟ اوميكااااد طيح الله حظي
حصرتني البجية ؏ الموقف اليفشل بس فهد نقذني من كال هيج

كال مؤمل ب ارتباك. : واني شمدريني مادري اصلا وجيت عليك

فهد : امشي اطلع خل تطلع البنية ترووح لا واكف يباوع .. عين صلفه

مؤمل مكال شي رأسا طلع وهو فهد كال : طلعي ركض كبل وعدل لغرفتج ماريد اي احد يطلع وبنان حسابها يمي ام السوالف التعبانه

كلبي يدك سريع موقف بدقيقه خربط أحوالي عدلت شالي وطلعت من الغرفه كبل وركض حتى مباوعت عليه بس ادري بكلبه يضحك علية .. اوففف ريمم اوففف وتالي وياج.. هو تالي وياي لو وياه هسه اني اعلم بنان

طبيت كبل الغرفه وبديت اعيط ؏ بنان : ليش خليتيني اروح حطيت روحي بموقف بايخ حيل

روان : هدوء هدوء شبيج طبيتي جنج إعصار علينا

ريم : طبيت احجي وية فهد جان الكى مؤمل وراي

روان : لتضحكيني يعني عادي زوجج المستقبلي واذا شكو صايرة طماطه

ريم : ههههاي مؤمل ؟ ما أضن والله وهاي تتخيلين انتِ

بنان : بنااات شبيكم انتن وين حايرات واحنه وين

ريم : اسئلي اختج روان هي تفتح مواضيع

روان : اي اي اني افتح مواضيع

ريم : اي اي لعد منو غيرج

روان : بنفسجية

ريم : حية انتي بس حية ام كفشههه

روان : انجبي ريم

ريم : ما انجب انتي مو تكولين حية بنفسجيه لا انتِ هم حية ام كفشه

بنان : صفنت عليهن يتعاركون واني طول الوقت شاغله تفكيري رزان ليروح سوا بيها شي فراس

نزلت دموعي واني اكول : ربي احفظها من كل شر هي بأمانتك

جتي حظنتني روان : لتبجين بنان هسه فهد يلكاها

بنان : خاف مسوي بيها شي هل جلب هذا

روان : لتخوفيني أن شاء الله ما بيهاا شي

جتي ريم وحظنتني من جهه ثانيه: يلا اني معندي خوات انتوا خواتي .. لتبجين ولج فهد يحرك الدنيا علينا

ضحكت وكالت : تضحكوني بعز حزني استغفر الله بس

ريم : اي والله تفائلي ادعي الها أن شاء الله مابيها شي بس ؏ كولة امي لتبجون موزين

بنان : اوف گلبي محروك عليها صدك حرك حلبي فراس بهاي عملته

روان : اكيد فهد راح يلكاه

ريم : مبين شغلهم هواي شو هذا مؤمل جايب مدري هواي غراض ويا

بنان : بلكي الله ويلكوها

_________

غرفة فهد
ياسر : اني شكد مكرود لعد

ايهم : اسكت كافي دوختني انت شكد تحجي خل نشوف شنصخم وشنسوي

عاط فهد : اشششششش يابه كاافي ولا كلمه ترا وصلنا اله بقت اشياء شوية نريد هدوء

حسن : والحل هسه شراح تسوي

فهد : شسوي العب

حسن : مو داحجي عدل

فهد : بسسس اسكتوا

ياسر : اي من تعرف منو وياك متحجي ولا تكول بس احنه نجي تتخبل

خزره فهد : ياسر انجب

مؤمل : اهوووووو شلون اني ترا دخت خلوني اشوف شسوي

همام : ترى اني محاجي مو تكولون

ياسر : اي انت شكو عليك

صاح ايهم متنرفز : لتتعاركون الوقت غلط خل نشوف دربنا

حسن : اكوم اروح ترى على هاي الحالة

ياسر : اكعوووود

همام : انت اكعد خوية منو يمكك

حسن : ما احب العراك رحمه لمدري منو

عاط فهد : كاااااافي

ياسر : يابه اي اعصابك شبيك عنيف

ايهم : ياسر

ياسر : اكول مو كأنوا انت شوي متعمق بالسالفه زياده عن اللزوم وداخل دور

فهد : لو تنجب لو تنكتل

ياسر : ما انجب وما انكتل

ايهم : محتاجين هدوء فقط

ياسر : هدوء فقط صاير براسي مثقففف

ورا دقايق عاط مؤمل : لكككك فهد

فهد : شنو شبيك

مؤمل : والله والله طلع الموقع هياته شوف .. لك هاي مكان مكطوع

فهد : كول والله

مؤمل : والله

كام ياسر هلهل : كللللللليشششش لكيناها للمحروسه وها وها

ايهم صلخه ؏ ظهره : سم سم

ياسر : وجع وجع

همام : هيييي تتعاركون واحنه لكيناها

رأسا كال فهد : كل واحد ياخذ سيارة ويروح كدامنا هذا العنوان *

كلهم ركضوا بس جان أولهم ايهم

بقى فهد ياخذ غراضه وكال : دكيت ؏ جماعتنا راح يجون دوريات حتى يلقون القبض عليه ويلحك ابو المجرم ..

مؤمل : شنو اروح هيج اني بدون ملابس الدوام

فهد : دنجب لك وكت لبس امشي كدامي بسرعههه انزل

نزل مؤمل ركض وراح بسيارته ونزل وراه فهد يركض وركبوا وراحوا

______
روان
سمعت عياط الولد

روان : راح اطلع اشوف شكو

ريم : انجبي وكعدي مؤمل هنا

بنان : كعدي روان

روان : شوف هاي تغار على حبيبها لتخافين ما آخذه بس اشوف خاف لكوها

طلعت مديت راسي من الباب رأسا طلع بوجهي ياسر مبتسم : احبج طركوعتي

روان : شكو ياسر شنو هذا العياط

ياسر : لكينااهاا

روان : كول والله

ياسر : والله داجذب قابل

روان : راح تروح وية فهد ومؤمل

ياسر : وين الغيرة اذا اضل هنا اكيد هسه كلنا حنروح .. ايلافيوووو احبج احبجج

ضحكت بفرحه وسديت الباب نزلت دموعي : لكوها

كامت بنان وبجت بفرحه : والله

ريم : صدك يا الله امشي ننزل جوا

حظنتني بنان وهي تبجي : لكيناها .. رزان راح يجيبوها .. يارب مابيها شي دخيلك ربي

بجيت اني من فرحتي رأسا مسحت دموعي : امين
باوعت على ريم تبجي واكفه يمنا رحت حظنتها وهي تبجي

_ عوبه شبيج تبجين مابيها شي مو هسه راح يروحون يجيبوها

جتي بنان وراي وهم حظنتها : كلبي وچر عليها وانتي گلبج فطير بس تشوفين هاي المواقف تبجين مرات احسج ممتعوده وجينا احنه خربنا كلشي

ريم : انجبي باع شلون تفكر مرت سيادة الضابط .. امشووا نكول لزوزو وماما هسه اكيد بابا وعمو زياد هم دروا

_________

ياسر

اول ما طلعنا من البيت ما كفن السيارات وابوي وعمي زياد. كاموا يعيطوت

كال فهد : لحد يجي ليروح يصير بيكم شي اني وهذوله نروح ودوريات شرطه هناك رح تجي هم

ركضنا كلنا بس جان اولنا ايهم ركض فتح السيارة وصعدنا وياه وفهد بسيارة مؤمل

الطريق شطوله وسيارة مؤمل احسها طايرة واحنه ايهم وراهم والشارع يخوف بالليل واظلم

ورا ساعه من طول الطريق وصلنا للمكان عبارة عن صحراء منعرف وين نروح سيارة مؤمل تمشي وايهم يسوق وراهم

لمحنا من بعيد ضوا سيارات الشرطه واكفين شكدد بال 4 سيارات

رأسا سيارة مؤمل داست واحنه طرنا وراهم

ياسر : يمعود ايهم صدك جذب مو حتى خوفتنا كلوبنا راح توكف من هل خوف

ورا دقايق طبكت سيارة فهد يم مكان مثل البيت بس مبني هيكل نزل ركض ايهم ورا فهد ومؤمل

طلعوا اسلحتهم والكل تسلح

فهد كال : منريد نطلع اي صوت حتى لينهزم

ادور احنه ما عدنا اسلحه بس اضطرينا ننطب لو بالهدف لو بالنجف

فات فهد واحنه وراه والشرطه ضلوا برا خاف يصير شي يفوتون وجان نلكه ثنين نايمين وجان يروح عليه فهد ويحط براسه المسدس

رأسا فهد صاح بصوته : لك كوم يالمخنثثثث فراااااس

كبل كعد فراس وفز ولزمه فهد ومؤمل لزمه الثاني الي جان ويه فراس وجروهم وطلعوهم واحنه وراهم

فهد: لكيتك والله متنضم علية انتَ وشكولاتك يا نكس

فراس : ماكو غيرك نكس

ابتسم فهد : ماريد اضيع حجي وياك جايك هسه اصبرلي اشوف شغلي زين وياكم

خلاهم يم الشرطه

..و دخل يركض جوا فهد يدور يمكن ؏ رزان ولحكه مؤمل واحنه لما شفناهم لحكناهم فتنه وراهم ..

وركض ايهم سريع يم مؤمل وفهد للغرفه وسمعنه عيطت ايهم لما صاح : رزاااان !

نهاية البارت
يتبع ...

(لاتنسوا التصويت)

أن شاء الله يعجبكم وادري تأخرنه بس جنه نكتب حتئ نسوي طويل 💖 .

الكلمه 5679

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور