رواية نقطة لقاء الفصل السادس والعشرون 26 - بقلم الكاتبة دينا _ الكاتبة نور

ياسر شرك بالجاي وضل يكح وريم تدك ؏ ظهره
ورها گال : شنو اجه يوسف ؟

ضحكت روان ونغزتها بنان : شبيييج خبلة

روان : لا لا جذب ما اضحك خطية انقهرت عليه
كام ياسر بعصبية وصعد فوك

اول ما طبوا سلمنا عليهم

روان
مهدي حيل حاقده عليه بس يوسف يختلف عنه جذرياً ابد اللي يشوفهم ميكول هذولة اخوان
دخل يوسف وكعد يمة همام .. ايهم جان بالعيادة وحسن هم بشغله وياسر راح فوك مادري شبي ورزان نزلت هم يمنه سلمت عليهم

يوسف : امي حيل مريضة ورا وفاة خالة الهام وحيل تمرضت ودائما تسأل عليكم اليوم جان عدنه شغل قريب من هنا ومرينا نسلم عليكم

بنان : تسلمون متقصرون سلمولنا عليها كلش هواي

فكرت اكول لفهد حتى يودينا الهم فد يوم

بدوا يحجون وية همام زوزو راحت نامت جانت نعسانه بقت بس خالة رحاب لان حتى ريم صعدت ورا مصعد ياسر

كعدوا تقريب الساعه وروان كلش اندمجت وية يوسف وضلوا يحجون ومهدي ما اعرف شبي بس كالب خلقته كأنما كاعد على اعصابة

ورا تقريباً دقايق نزل ياسر مرة ثانية سلم عليهم وكبال يوسف

يوسف : تمام روان أنتِ الشي اللي تحتاجي بس دكي علية كتلج من قبل

ياسر : لا تسلم عمي اني هنا ابن عمها وكلنا ولد عمها
سكت يوسف معرف يرد ع ياسر

وهذا يوسف صار كلما يحجي فد شي ياسر يسكته

اخر شي كال يوسف : مو متجونا ترى امي تريدكم

حجى مهدي بدون نفس : اي حيل تريدكم

روان باوعتله : انت اذا متحبنه شكو اجيت

مهدي : اني ما احبكم ؟ ليش ؟

روان : ههههه تعرف كلش زين

يوسف : احم شبيكم

ياسر : انتوا الشبيكم

همام : يمعودين

يوسف : اني مكلت فدشي بس كلت مو متجونا

روان " باوعت ليوسف وكلت " : لا نجي كلنا حتى نشوف خالة احلام وبس مو علمود أحد

يوسف : هلا بيكم بأي وقت والله حيل نفرح بجيتكم

همست روان : مبين

بنان : ولج سكتي عيب روان شنو هل صلافه

روان : بنان انتي معليج متدرين شسوو بينا من رحنا يمهم

گالت بنان : والله إن شاء الله اكول لفهد حتى يجيبنا كلنا ونجيكم

نط ياسر : ليش فهد اني اوديكم

بنان : أن شاء الله

بعدين كاموا رادوا يطلعون وسلموا عليهم وياسر عيونه بگصته

ورا ما طلعوا ملحكت اطلع وراهم ف رحت اركض سريع ماحس غير نولت رجلي وكعت

رأساً اجه يوسف حتى قبل رزان وبنان حاول يكومني

بس بنان گالت : يوسف احنه نكومها

هو ارتبك راح رجع اباوع واباوع علئ ياسر خازرني
كومتني رزان وهمه طلعوا ف جنت شوي متأذية من رجلية رحت اصعد فوك رأسا طلع جرني اسر من ايد وگال

_ ما شاء الله خوش ميانه وية يوسف ؟؟؟ تحجون وسوالف وارقام واني هنا شنو خروف ؟

دفعته وگلت : شبيك ياسر ايدي بعدين انت تدري بية اني علاقتي زينه ب يوسف واحنه مثل الاخوان

ياسر : ما عندي هاي السوالف اني خوش وربي هذا يوسف اذا اجه بعد لو احرك روحي لو احركه

روان : عزه بعينك ياسر لك يوسف هذاا يوسففف جنه اخوية شبي عقلك انت هاا

ياسر : لا والله لا لا دقيقه الحلو من وكعتي اجه يريد يكومج ولج اليوم رح انتحر واخلص

روان : يعني وكعت شتريديني يصفكلي مثلا غير يجي يكومني

ياسر : ايي ايي يكومج كُلش عادي

روان : ياسر اذا تضل بهاي عقليتك مراح تستفاد شي

ياسر : لا والله واللي دا اشوفه والله انتي لو غبية لو غبية بابا هذا حاط عينه عليج وكل الكعده مشال عينه منج شنو سالفته هذاا هاا ليش بس يبحلق بيج

روان : عزههههه يااااسر شبيك تخبلت

ياسر : اي اي تخبلت امشي روحي لا اتخبل عليج بالزايد

روان : ترا طوختها حيلل شبيك انتَ ؏ كُلشي تغار لعبالك كتلك اي وقبلت بعلاقتنه يعني تكعد تتحكم بيه خوش

ياسر : هااا يعني متريديني

روان : مو ما اريدك بس انتَ غيرتك محلوه ابد كاعده اكُلك اني وياه مجرد اخوان وبس يعني اعتبره مثل اخويه ليش تفكيرك يروح حيل

ياسر : انتِ تعتبري اخوج فهمنه بس هوه ميعتبرج حاط عينه عليج

روان : انتَ كلتها اني اعتبره اخ هاهيه خلص بعد شكو وهوه شنو يريد يعتبرني خلي يعتبرني ها اها بس الي اعرفهه انا ما احبه احبك الك..

انتبه ع الجفصه جفصتها وگال

_ شنو شنو كلتلي بنهايه

روان : شنوو مكلت شي

ياسر : لا لا گلتي

روان : اهوو ياسر مگلت شي

ابتسم وگال : اي اي لوفي السالفه اووف يربي بس خلي اتخرج ويصير خيرر

روان : شيصير ؟

ياسر : بعدين تعرفين " وشمرلي بوسه بالهوه وراح "

يربي راح يخبلنييي ابصم بالعشره بي انفصام هل ولد
______________

رزان
جنت كاعده شويه يم البنات بالغرفه فكلت خلي انزل نزلت وجان اسمع طكطه بالمطبخ فتت وجان الكه ايهم يبحوش بالجدوره

رزان : شدسوي

گبل دار وجهه عليه وجان متوتر وگال : ها رزان

رزان : محتاج شي

ايهم : لا سلامتج بس هسه رجعت من العياده شو البيت سنطه وينكم

رزان : مو كل واحد بغرفته هيج وقت

ايهم : ها تمام

رزان : تريد احميلك الاكل اصبلك

ايهم : لا عادي هسه اني احمي شرايدلها

رزان : لا هسه احمي الك بسرعه

ايهم : خاف صير زحمه

رزان : لا عادي شمسويه قابل

ايهم : بس صبيلج ويايه ما احب اكل وحدي

رزان : بس اني اكلت

ايهم : قصدج اكلتي لكومتين وكمتي

ابتسمت وگلت : شمدريك

ايهم : اعرفج عيني

رزان : شسوي اذا ما اشتهي

ايهم : لا هسه تشتهين بس تكعدين كبالي وتاكلين

ضحكت وگلت : يعني اذا اكعد كبالك حشتهي اكل

ايهم : طبعا غير اني افتح النفس

رزان : واثق من نفسك

ايهم : ليش عندج اعتراض

رزان : لا لا

ايهم : اي عبالي يلا صبي الي والج لان جوعان

حميت الاكل وصبيت الي واله وكعدنه ناكل ومحد حجه شي لحد محجه هوه وگال

_ شفتي شلون اني افتح النفس ؏ الاكل بقه شويه و تخلصين ماعونج

عگدت حواجبي وگلت : دتحسب لكمتي انتَ

ايهم : انچبي مو هيج قصدي بس اقصد يعني اني اسوي واهس ؏ الاكل

رزان : اممم اي كُلش تسوي واهس وحتئ شكلك يفتح النفس

باوعلي صفح وگال : تتستهزئين حضرتج ؟

رزان : لا لا ليش بالعكس شكلك يفتح النفس كُلش

ايهم : اي زين

رزان : اي لدرجه هسه اشتهيت راس باچه يابوييي

ايهم : شنوو راس باجه تحجين صدك

رزان : اي والله وكون وي راس بصل يمهه يمهه

بقه صافن بوجهي وگال : متوقعت تحبين هل سوالف ممبين عليج

رزان : ولك اني مو بس احبها اعشقها ليش انتَ متحبها ؟

ابتسم وگال : لا والله اصلا تلعب نفسي منها

رزان : اووي طبعا نازوكي بعد جاي من المانيا

ضحكك وگال : مو شغلة هيج بس صدك ما احبها وهسه انتِ فاجئتيني

رزان : حرامات عبالي تحبها گلت فد يوم تعزمني علئ باچه ويه رأس بصل

ايهم : اذا تحبيها ليش لا اعزمج

رزان : اي اي

ايهم : ديلا يلا كملي ماعونج ام باچه

_____________

بنان
كاعده بالغرفه متمدده لان بعده راسي يوجعني وجان يفوت فهد محجه شي كبل راح فات للحمام سبح واجه كعد يمي وگال

_ اي شلونج خما راسج يوجعج

بنان : اكو الم بس احسن من البارحه انتَ شلونك

_ زين

بنان : لعد حكوم اصبلك آكل

فهد : لا ميحتاج اكلت بره

بنان : تمام

تمدد بصفي اباوع عليه غمض عيونه اني هم اشو نعست هم داغفه شو ما اشوف غير جرني الحضنه وصار راسي ؏ صدره وهوه عاصرني عصر تجمدت بمكاني ما اكدر اتحرك ولا اسوي شي لحد ما حجه وگال

فهد : اشو خنست الفرخه

بنان : هاا

فهد : خطيه ما متعوده ؏ الحضن بس يلا هسه تتعودين شويه شويه

سكتت محجيت شي حتئ محاولت ابعده

فهد : شعجب موخرتيني وگلتي فهاااد وخر وخر لو ظاهر عجبج الوضع

بنان : شبيك فهدد شنو عجبني الوضع

فهد : هسه شحجينه وياج عيني

بنان : فهد بس شويه وخر مو خنكتني ؏ كيفك

فهد : معليج اني هيج عاجبني

سكتت مرديته واشوو اني هم محجيت شي حتئ محاولت ابعده ما ادري ليش

فهد : سمعت اليوم اجوي ولد خالتج ياسر گلي

بنان : اي صح

فهد : اممم اي وشسووا

بنان : بس اجوا يسلمون وراحوا

فهد : وانتِ كابلتيهم وكعدتي موو

بنان : اي لعد شلون غير ولد خالتي

فهد : الجذبين

بنان : انتَ كُلشي عندك جذب

فهد : هاي الحقيقه

بنان : اي بس عادي مثل اخواني

فهد : اي

بنان : فهد

_ ها

بنان : عادي اسئلك سؤال

فهد : كولي

ما ادري شجاني وگلتله هيج اصلاً ما ادري وين جان عقلي بس ما اعرفمن حضني اجت ابالي هل سؤال بس يلا بعد جفصت وگلت

_ انتَ هم قبل منيم بنيه بحضنك ؟

سكت شويه وگال : شهل سؤال هذا

بنان : ها

فهد : اظاهر ضربه اثرت عليج

بنان : هسه شحجيت هوه مجرد سؤال

فهد : لا ممسويها

بنان بفرح : صدك

فهد : اي ليش واشوو فرحتي

بنان : لا بس تفاجئت

شو رفعني اكثر اله وصارت انفاسه بوجهي وعينه بعيني وگال

_ لتتفاجئين الحضن بالحلال احلئ

بنان : امممم

باسني براسي ورجعني الحضنه بس مو باسني براسي احس رجف گلبي شويه واتخربط صرت ارجف

فهد : اشو ترجفين شبيج

بنان : ماكو شي

ضحك وظاهر افتهم وگال : من بوسة رأس وصار بيج هيج لعد لو غير شي شيصير

بنان : فهدد كافيي عفيه

گام يطبطب ؏ ظهري وگال : يلا نامي بويه نامي

__________________

ريم
كاعده وداكلب بالتليفون وچان يطلعلي مقطع وحده كاصه شعرها وصابغته لون بنفسجي طوخ وشعرها هم قصير مثلي بس اني هل فتره طولان شويه ف بقيت صافنه وعجبني فبسرعه طفرت ؏ روان

ريم : روان روان روان

روان : ماتت ماتت ماتت

ريم : شبيج مو داحجي

روان : يا ستار احجي

ريم : سمعيي

روان : اسمع اسمع والله اسمع مو طرشه

ريم : دسمعي

روان : اي اي

ريم : خلي اصبغ شعري

روان : شنوو

ريم : شبيج خلي اصبغ شعريي

باوعتلها صفح وگلت : تحجين صدك وامج تقبل بلا

ريم : هيه امي صارلي قرن اقنع بيها اصبغه متقبل تكلي بس تزوجين شحجي بس تزوجين

روان : من دنعل ابو الزواج كُلشي ونابصينه بنص

ريم : اي والله المهم فأني مليت يعني ففكرت

روان : ييي فكرتي صبغينه وتحطيهم امام الامر الواقع

ريم : عفيهه هوه هيج

روان : اممم اي ويالون تريدين صبغينه ست ريم

ريم : اصبغه لون بنفسجي طوخ

شهكت وگلت : عفتي كُل الالوان واجيتي ؏ هل لون

ريم : هوه من زمان عاجبني والح ؏ ماما متقبل وهسه شفت الفيد مال البنيه واحس بعد ما اتحمل اريد اصبغ

روان : والله حقها متقبل

ريم : روان عفيههه شبيج اريد اصبغه

روان : بس لتبجين بس منين نجيب الصبغ

ريم : عندي عندي جايبه هل لون اني

روان : شوكت جبتي

ريم : جبته مره مو طلعنه اني ومريم وهاي جبته بالختله بس لما فاتحت ماما بالموضوع مقتنعت ابد فقررت اليوم يعني اصبغه وها اها

روان : يالله اني اموت ؏ الخباثه فتعاي اصبغلج والعب بشعرج لعب بس من هسه اكلج كتلج حيكون عمل شعبي اليوم

ريم : اهوو بس لتحبطين معنوياتي الرنانه

روان : دكومي كومي

حضرنه المواد وطلعنه الصبغ وكُلشي وشفنه التعليمات بقه بس نصبغ الست ريم

ريم : اكلج واريد اكص شعري هم معاجبني

روان : مو حرامات حتئ شوفي طولان ليش تكصي

ريم : ما ادري معاجبني اني متعوده ؏ شعري القصير فكصي نفس شعري شلون جان

روان : امم تمام لعد

ريم : يلا يلا بسرعه اشتغلي

كفختها وگلت : دنجبي لچ اشتغل يم الخلفوج اني

ريم : دولي

كصيت من شعرها هوه اصلا جان قصير بس طولان شويه فكصيت منه

روان : اكلج هسه احنه دنكص بشعرج ونلعب بس بس خاف الحُب مالتج ميحب شعر القصير

ريم : هااا صدك خاف ميحب شعر القصير او اكلج انجبي انجبي خيولي ايعع شعليه بي يلا يلا كملي

بديت اصبغ بشعرها وهيه كلسع تعيط لان ديجي ؏ وجهه واني ايدي تصخمت تصخيم بالصبغ

روان : همزين شعرج اشگر يبين لون البنفسي بي

ريم : اي بس ديري بالج مو تحركي

روان : والله ما اوعدج

ريم : عزااا هيه هل كم شعرايه عندي خليهن ساترات عليه

روان : اي كملت هسه انتظريي شويه ورها نغسله

كاعدين بهل اثناء ندك الباب مال غرفة مالتنه لان احنه قافلي خاف يجي احد

روان : منووو

رزان : اني افتحي الباب شعدجن ساداته اريد افوت

روان : ولي هسه بعدين عود

رزان : شبيج روان فتحي

روان : ماااا ماااا وليي

رزان : طبجن مرض وهاا ترا ديصحولكم جوا يكولون وين ريم وروان

روان : كليلهم ديحضرون مفاجئه جميلة جدا جدا

رزان : شنوو المفاجئه

روان : معليج كليلهم هيج ولي يلاا هسه شويه وننزل

رزان : امداجن

روان : من هسه ريم اني معليه

ريم : انتِ تسوين جريمه وتفلتين ما انتِ هم مشتركه بجريمه

روان : خوش خوش

رزان
نزلت الكل لكيتهم مجمعين بصاله وديسولفون بس ايهم طلع وي صديقه وعمي زياد و محمد بالصاله ثانيه ديسولفون

رحاب : ها صحتيهن وينهن

رزان : ما ادري قافلات الباب وكلولي روحي روحي ميقبلن افوت

زوزو : ليش شعدهن

رزان : ما ادري كالوا هسه شويه وننزل يكولون دنسوي مفاجئه

زوزو : الله يستر من ريم بلا ذيج فقيره بس ريم اخخ ريم

بنان : روان اضرب

زوزو : الله يستر بس

ياسر گام يريد يروح يشوفهن لزمه همام

همام : خيرر وانتَ وين رايح

ياسر : اشوف شديسون شنو المفاجئه

همام : خوب شگد حشري انتَ شبيك بابا شبيك شعليك

ياسر : اي غير اشوف رواني وذيج الحيه شديسون و شنو المفاجئه

همام : اكعد يالفضولي انجب وهسه يجون

شويه ونزلت روان وحدها من درج

ياسر : خيرر ياطيرر شمسويات

روان : اشش هسه تعرف

زوزو : ايي شو وين ريم شكو شصاير

روان : احم احم سوينه شي جدا جميل او بالاحرئ مو اني سويته ست ريم بس هوه شي كُلش جميل

بنان : افتهمنه كُلش جميل بس هوه شنو

ياسر : دعوفيها خلي تلقي الخطبه واني اتأملها

روان : اهوو خلي اكمل المهم طبعا بهل شيي يمكن يعجب البعض ويمكن لا بس بعد صار وهاهيه يعني

زوزو : هوه شنوو دحجواا لا اكوملكم بهاي

روان : المهم ست ريم ست ريم تعاي تعاي بس احسب لل 3 عود نزلي

ياسر : ديلا فضوها سوتولي جالي

روان : 1 2 3 سبرايزززززززززززززززززززززززززز

نزلت ريم هيه وشعرها لون بنفسجي وشلون مسويته والكل انظاره صارت عليها اباوع علئ خاله رحاب شهكت شهكه يابويههه وزوز لطمت ؏ صدرها

زوزو : عزاااا يمعزايهه هاي شمسويههه

ريم وهيه تحركك بشعرها : شبي شبي حلوو

زوزو : ولج وين الحلوو يملكوفه

اباوع ؏ ياسر وهمام فاتحين حلوكهم لحد منسمع خاله رحاب كامت وترزل بريم

رحاب : ولج اني شكايله شحاجيه يمههه حتموتني هل بنيه اني مو كايلتلج لتصبغي مو حاجيه لو لا

ريم : يمههه شبيج والله حلووو

رحاب : ولج وين الحلوو وينهه

ياسر كام يضحك وگال : هسه بعد منصيحلج حيه صفره نصيحلج حيه بنفسجيه

ريم : انجب انتَ انجب والله حلوو شبيكم

همام : ولا مو بس صابغه شعرها كاصته هم

خزرته ريم وگالت : اهوو انتَ شكد حاروكه

رحاب : ولج كاصه شعرج ليش هيج حرماتت ولججج

ريم : يمهه هسه شصار متكليلي شصار

رحاب : شو تعاي اشوفه تعاي

ريم : والله ماا مااا اجي

رحاب : تعاي تعاي ما اسويلج شيي

ريم : والله ماا هسه اجي يمجج وتهجمين عليه اعرف اني

زوزو : والله لو بيه حيل جان كضيتج اني

ريم : بنان انتِ احجي مو حلو بلا

بنان : اي حلووو حلوو

ريم : يمهه فديتج

روان : تراا عادي يعني حلو لون شبي

زوزو : شوف هاي تكول حلوو وين الحلوو وين

وجان خاله رحاب شيل نعال وتركض وره ريم وريم تركض

_ تعاي ولج تعاي كون الزمج

ريم : يوووووم هسه شسويت والله حلوو شبيكم ويايه

رزان : ترا خاله عادي

زوزو : كافي دافعون لهل ملكوفه

رحاب : ياسر الزمليها الزمليها

ياسر ديروح يلزم ريم وريم عاطت

ريم : والله يا ياسرر اذا تلزمني اخلي روان متحجي وياك بعد

ياسر : مو بكيفج هوه

روان : اي صح كلام ريم

رحاب : ولك ياسر الزمها

ياسر : يوووم هددونيي اسف جدا جدا

رحاب : ولك انتَ فاهيي كوم همام الزملي اختك

همام : عوفوني معليهه انيي

بهل اثناء نزل فهد من درج وختلت وراه ريم

فهد : شكوو شصاير وهاي شمسويه بشعرج

ريم وهيه تمثل الدموع والحزن : مسويت شي بس صبغت شعريي الحرير وامك تريد تكتلني

باوع عليها صفح وگال : وليش صبغتي شعرج مو حرامات

ريم : تحسسوني محيروح يروح يروح بس هيج حلو تغيرر يعنييي

رحاب : وخرر وخرر خلي اشوف حل وياها

فهد : يووم عوفيها مصار شي هسه قابل شسوت

رحاب : ابقه انتَ دافعلها شطلع عينها غيرك

فهد : هسه قابل محيروح تروح مو ريم يروح صبغ موو

نبت روان بخباثه وگالت : لا ميروحح

ريم : ولج روان شبيج لا يروح يروح اصلا بسرعه يروح

فهد : ها شفتي يمه يروح بعد شكو عياطكم وهوه شعر قابل شنو

راحت خاله كعدت وكالت : انتِ بعد لتحجين ويايه

ريم بتمسكن : ماما اني معليه كله روان اجت جبرتني

فتحت عيوني بصدمه وگلت : عزاا شگد جذابه اني شعليه

ريم : اي انتِ اجيتي گتيليي حتئ هيه صبغتليي

روان : ماجذب ياسرر مو يصيحلج حيه

ياسر : ابوس اليي يتفق ويايه

فهد : انجبب ياسررر

ياسر : اهووو هم ياسرر انجبيت انجبيت

فهد : يلاا كافي عدت سلامات مصار شيي

الكل راح كعدد وخاله رحاب وزوزو يباعون ؏ ريم يريدون يفترسوهاا يمصون دمها

ياسر : حيه بنفسجيهه

ريم : دروح روح غويرر

ياسر : دولي صخله

ريم : عوفنييي ياسرررر

اجهه عموو محمد وشاف ريم وگال

_ اعوذ بالله هاي شنوو

ريم : باباااا شبيكك والله حلووو

محمد : طالعه مشعوذه ولج

ريم "بتنعوص" : بابااا

محمد حضنه وگال : لزعلين لزعلين يلا حلوو حلوو

رحاب : يا حلوووو وين الحلووو

ريم : بابا شووف

محمد : معليج بابا حلوو حلوو

رحاب : هوه انتَ شسويي حلو حلو

باسها وگال : كم ريم قابل عندي اني

ياسرر : الله شوف شوف بس ريم

محمد : كلكم احبكم بس ريم غيرر

وريمم تعيب ؏ ياسر وياسرر يخنزر عليها وهكذا

___________

بنان
صعدت فوكك للغرفه لكيت فهد كاعد ؏ قنفه ديگلب بتليفون وديورث جكاره تفاجئت لان اول مره اشوفه يدخن مجنت ادري يدخن

بنان : فهدد انتَ دخن

فهد : چا وحد اني

بنان : لا بس مشايفتك من قبل دخن

فهد : لا ادخن بس ما ادخن كبالج خاف تتأذين من وره دخان

بنان : تخاف عليه

تنهد وگال : شتكولين انتِ ؟

بنان : ايي

فهد : ليش سئلين لعد

بنان : فهدد

فهد : هااااا

بنان : حلوو شعر ريم مو

فهد : يعني بس قبل احلئ

بنان : زين فهد يصير اصبغ شعري

فهد : ولا تفكرين بيها

بنان : ليششش

فهد : لون شعرج احلئ

بنان : التغيررر حلووو

فهد : بكيفج اذا عاجبج صبغي بس مو مثل الخبله ريم تصبغين هيج لون

بنان : لا لاا

فهد : ايي

بنان : زين فهدد

فهد : كولييي

بنان : يصيرر اكص شعريي

فهد : انتِ بس جربي بس جربي تكصيننن وشوفي

بنان : والله احلئ يتعب الشعر الطويل

فهد : مشكلتج بس مال تكصين هايي شيليها من بالجج

بنان : ليشش

فهد : اذا تكصينه اني بيمن اتسودن ؟

بنان : هاا

فهد : انتِ ضلي بس ها وها

بنان : اووف

فهد : انلصمي

بنان : اي انلصم موو .. اخخخ راسي

فهد : شبي ؟

بنان : مابي شي اضحك عليك شو انت منَفس اليوم .. اصلا انتَ ليش نفسية

فهد : مو اكوملج

بنان : والله متكدر

فهد : لتحلفين وراها تصومين 3 ايام ؏ هل حلفان اكدر واكسر راسج

باوعت بنظرة حزن وعيوني دمعت : اني راسي مكسور البارحه اصلا

هو ابتسم وضحك : ديلا عيني يلا رقيقة اوي

بنان : ضل قلد

هو ضل يضحك ويقلد علية

بعدين كلتله : اكول فهد عادي احجي شي لو مادري احس غلط

باوعلي : شنو احجي ؟

بنان : مادري هي اعتبرها فضفضة

فهد : احجي بوية طلعي الزبده

بنان : مادري شحجي

فهد : لازم نضل مشتولين هسه ؟

بنان : ها لا اكيد بس مادريي يعني احس غلط وعيب

ضحك علية وگال : انتي شنو العندج مو غلط وعيب ؟

بنان : هسه شمدريني يلا كافي سد الموضوع

فهد : ترا اني أقرر ينسد الموضوع لو لا ؟

بنان : اي اني وياك نفس الشي

فهد : هلااا من شوكت احنه نفس الشي

بنان : فهدد شنو انتَ كاعدلي ؏ كلمه

فهد : ديلا اعصابج اعصابج

_________

غرفة ريم
روان : شكد حية انتي

ريم : متعرفيني بعدجججج

روان : لعد اني ويامن جنت من المتوسطه لهسه؟

ريم : وية الحايط

روان : دنجبي

ريم : اي انتي خبثتي وياي أخبث وياج مدام كلتي الصبغ ميروح

رزان : ياربي انتن شكد تحجننن هااا

روان : اوي عيني شبيج قابل شحجينه احنه بس هاي الحية البنفسجية اني الج

ريم : عزاااا اخذتيها من ياسرررر يا حقيرة اووف شدعي عليك ياسرر

ركضت روان برا تضحك وريم تركض وراها تريد تكتلها

ركضت روان راحت ورا رحاب : خالة عفية احجي ويه البنفسجية

ريم : يمههه صيحي بيها

رحاب : انتي وخري اني ما احجي وياج

ريم : ها هيج صارت

ياسر : هيهيهيهيهي دروحي شوفي نفسج بالمراية حقها رحاب تزعل من عندج

ريم : انتَ انجب

حسن : ها ها بدت رحمة الله وكلسع انجب وانجب

همام : همه كاضيها ملخ من الروس

ريم : وانت هم لتدخل روح حل القضايا الفوك راسك

زوزو : اكسر العكاز على روسكم وينننن الاحترام محمد شوف جهالك والله ما عدا بنات اياد وسراب اهخخخخ تعاي تعاي روان ابوسج

محمد : تعبوني يمة كل واحد شكبرة عبالك صغير

روان : اموت عليج بيبي چا اني ابوسجج

وراحت بدت مناحة زوزو حاضنه روان وتبجي وروان دمعت

ريم : الله شكد احب الدراما اني

ياسر : ديلا كافي حتبجوووووني لازم كل يوم اكو فد وقت بي دراما يصير

محمد : اشششش كافيييي شنو هل حجي هذا اسكتواا

روان
وراها خالة رحاب وي ريم راحو يسوون عشا وتعشينا كلنا وراها ردت اصعد فوك واني فرحانه باجر جمعه ماكو دوام

رحت غسلت اماعين وي ريم وهي تعيط

ريم : لازم لازم المواعين علية لاااازم ريم المواعين عليها

روان : انجبي اني مو دا اغسلهن وياج

ريم : اوي يمة ايدي توجعني يلا حبيبتي كملي غسل مواعين انتِ

روان : تعاي حقيرة البنفسجية

ريم : ما دام كلتي البنفسجية ما اجي يلا بايييي

روان : تعاي ريممم

راحت ريم وضليت وحدي حايرة بالمواعين شكدددد فوك راسي وعيوني دمعت : عزه هاي كلة اغسلها اني
بديت اغسل مواعين وشعري يضوجني كمت شلته شلون مجان وكرهت روحي واغسل وارجع ليورا

ما اسمع غير صوت ياسر : لك هلا بالطش والرش .. عميييي شهل شعررر المُغري

عيطت عليه : وخر وخر يا مُغري راح احطك واكتلك هسه من قهري روح صيح اختك

اجه يمي يوزع ابتسامات : شمسويتلج كوليلي

عيطت بقهر وااشر ؏ المواعين : شوف شوففففف عافتهن عليه وحدي

ياسر : تعاي اغسلهن وياج

روان : اوي شكد متعاون روح ياسر حباب روح صيحها وتعال راح اهجم المطبخ

ياسر : اعصابك حبيبي ليصير بيك شي بعد منو الي طركاعتي تروح بعد يمهههه انجلط

روان : اني كلت صيح ريم لو كتلك اكعد اتخيل روح صيحها ياسر حباب مو وضعيه ترى

شمرت الماعون وأيدي كلها زاهي : راح ابجي ياسر راحح ابجييي اختك عافتني وحتى فشلة اعوفها من خالة والكل هسه شيكولون علية بس هواية ماكدر وحدي

ياسر : تورط گلبي في حبك تورط

طبت ريم : ها ها شدتسووون وحدكممم

روان : تعاي لج غسلي مواعين وهاي اني رايحة

ياسر : لا وين ابقي يمعوده

روان : تعبتتتت يلا شو وخرو خل اروح فوك يم رزان احسنلي

ياسر : تهي بهي قبل شوية كلتي عيب من الكل اعوفهن بس جتي الحية الصفرة طفرتي

روان : البنفسجيه للتصحيح

ريم : بسيطه اني اعلمج

ياسر : شبيكم عمي هدوووء

______________

بنان
كعدت من النوم مختنكهه وبلكوه اتنفس وراسي ديوجعني ولكيت فهد كاعد بصفي بس منايم كبل فز وگال

فهد : شكوو شبيج

بنان : ما ادري فهد احس مخنوكه وراسي يوجعني

فهد : شربتي دواج

بنان : لا نسيت

فهد : شلون اني وياج هاا شلون تبقين ؏ هل اهمال

كام بسرعه جابلي الدوه

_ يلا هاج شربي وتعاي ناميي ارتاحي

شربته وتمددت لحظات عم الصمت بيناتنه محد حجه لحد ماكمت وتربعت ؏ جربايه كدامه

فهد : خيرج بويه

بنان : فهد اريد احجي وياك بموضوع

فهد : احجي

بنان : فهد ؏ ذيج السالفه اسفه هواي لان مكتلك والله مفكرت غير بخواتي يعني هددني بخواتي وفراس خبل كُلشي اتوقع منه فخفت

فهد : كافي سدي سالفه احنه شكلنه وحقج اخذهه وهذا فراس اني اعرف شغلي وياه وين يروح من ايدي وراه وراه

عيوني دمعن وگلت : لو ماموجود انتَ ومساعدتني بذاك اليوم جان ما اعرف شسوي فهد ما اعرف شلون اشكرك

شو ما اشوف غير خله اصبعه عشفتي وگال

_ اشش ما اريد اسمع هل سالفه وهاي مال شكر ما شكر ما اريدها وانسي الماضيي وركزي ؏ مستقبل وبس تمام

بنان : تمام

لحظات وبقه صافن بمعاني وجهي بتركيز وگال

_ عندج شامه يم شفتج حيل

بسرعه توترت ولزمت الشامه وگلت : اي صح

فهد : اي حلوه

بنان : ايي

قرب وجههه من وجهيي حيلل انفاسه اجت ؏ وجهي

فهد : بنان تدرين شنو

جاوبته ورجفه بيه : شنو

فهد : اني ..

بعده ممكمل لزم وجهي حيل وباس الشامه اليم شفتي اهناه معرفت شصار بيه بقيت متفاجئه وبنفس الوقت احس الرجفه زادت عندي

وخر من عندي وبقه يباوع بعيوني وعرك من وجه يصب لحد ما سمعنه دكت الباب ..

گبل فزيت من مكانه وهوه كام وراح فتح الباب وجان يطلع

ياسر : اكُلك فهد

فهد : ربي صبرككك خيرر وشعندك بهل ليل داك الباب الغرفه اني ما اخلص منك لو شنوو

ياسر : شبيكك فهد بس اريد شاحنه موو شاحنتي عطلت وهمام شاحنته ضامها مينطيها فماعندي غيرك انت اخويه ابو الهمات

فهد : من دنعل ابو اخوك

ياسر : ولك الحك محمد يغلطون عليك

فهد : دنجب وهاك الشاحنه ولي وكافي سخت روح

ياسر : متروح تنام انتَ ها لو بس كادرين ؏ ياسر

فهد : من اشتعل ياسر واخو ياسر يلا ولي

ياسر : مولي مولي

سد الباب فهد واجه كعد يمي

_ هذا ياسر يريد شاحنه

بلعت ريكي وگلت : اي اي تمام

فهد : شبيج شو واكفه تعاي كعدي

بنان : هاا

فهد : وجعاا شبيجج

بنان : مو شسمهه

فهد : تعاي نامي نامي بويه

بنان : اي اي انام

رحت گبل تغطيت بالبطانيه ودرت ظهري ولحد الآن مامستوعبه الي صار ومصدومه واسمع من وره صوت ضحكته ...

__________________

ريم
كعدنه الصبح تريكنه كلنه ورها نظفنه كالعاده لأن اليوم جمعه وامي حملاتها التنظيفيه دائماا بهل يوم وره مخلصنه وعزلنه البيت رحت فتت سبحت ولبست شالي شلون مجان وطلعت بالحديقه ؏ المرجوحه لأن شويه ضايجه وكعدت اگلب بتليفون لأن هوه الشي الوحيد الي يسليني

كاعده وجان اسمع الباب يندك شفت فهد نزل فتح الباب وطلع مؤمل فات للطرمه وكفوا بقوا يسولفون ما ادري ؏ شنو ورها فات فهد ليجوه وبقه مؤمل واكف لمحني كاعده علئ المرجوحه اشو هذا اجه عليه اني هنا دكات گلبي اسرع منها ماكووو

مؤمل : شلونج

ريم : هلوو بخير وانتَ

مؤمل : علئ الله

ريم : ايي

مؤمل : اجيت هنا احجي وي فهد ؏ الشغل وشفتج كاعده اجيت اسلم عليج

ريم : ايي

مؤمل : راح تبقين اي واي

ريم : ايي لا مو هيج بس ما اعرف شكول وكفتنه محلوه راح افوت جوه لان حيجي فهد ويشوفنه واكفين و

مؤمل : اعصابج اعصابج كافيي فهد شغلته طويله يالله يجي فعادي

خزرته وگلت بعصبيه : شنو عادي يعني اذا فهد صعد يعني عادي تجي وتحجي ويايه اذا عندك عادي عندي مو عادي يلا اترخص اني

مؤمل : ولج مو هيج بس علمودج واني بس حبيت اجي اسلم عليج وبس

ريم : هاا والي راح تخطبها ترضئ تسلم ؏ بنات

مؤمل : ليش انتِ حاسبه نفسج بنيه

ريم : لا بس خاف انتَ حاسب نفسك رجال

مؤمل : هسه شكلنه عيني وثانيا اني بعدني مخاطب واحتمال ما اخطب لان بالي بنيه اخذت عقلي وقلبي بشاربها الاشگر

خزرته وگلت : اشوو انتَ متعرف تحجي شو روح

دافوت للبيت وجان يكولل بصوت شبه ناصي

_ الصبغ الصابغته موحلوو الاصفر احلالج يابه

خزرته وفتتت

______________________

اجتمعنا كلنا الظهر كاعدين جان ياسر يكول

ياسر : فهد اخوي اروحلك فدوة .. خياي زلمه ومو حجي

همام : خياي يمبجي البجي

ايهم : لواكه

فهد : نعم نعم نعمممممممم؟

ياسر : شوف يعني عندي اقتراااح يجنن والله العظيم راح يعجبك واذا ميعجبك ترا اني اخذهم ونروحح

فهد : دكول هسه شبيك بالكوة تجرجر بالحجي راح اكوملك مهجوم

ياسر : شبيك دسمع .. اريد اروح مدينة ألعاب

فهد : شنووو ليش ؟؟

ياسر : هسه ليش شنو اللي يروح للالعاب شعنده غيررررر يلعب العاب ؟

فهد : مو انت نونو تلعب بالالعاب

همام : فهيدان واحنه شكلنا قابل كلنا نريد نروح للالعاب ؟

فهد : دنجبو وانتَ ايهم شتكول

ياسر : شوف شوف الحقاره مياخذ شورنا يروح للدكتور .. كبووووور

فهد كفخ ياسر : انجب والله اكوملك

ايهم : اشششش شبيكم اخواني الاعزاء .. اي انت شنو ليش كلت ايهم

فهد : انت بغير عالم خوب مو داكول شتكول نروح لو لا
ياسر : يروح يرووووح

همام. : اي اي يروح نعرفه

ايهم : لا ماروح

ياسر : اموتك والله

فهد : كاففييي شبيكم تخبلتو اروح اييييي ارووووح

ياسر : هيهيهيهي لكككك ابوسك

فهد : ها ياسر

ياسر : اشنقققق روحي حروح شسمه أذيع السالفه بالنداء منو ناخذ ويانه ومنو

فهد : الكل

ياسر : حروح اسألهم تجي وياي همام

همام : لا هاي شغلتك روح خويه اهجم البيبان

ياسر : مو بعيني

فهد : ديلا بسرعه هسه بيش ساعه

ياسر : 3 و 45 دقيقه ظهراً

فهد : دولي روح كول الكل بدون استثناء اللي يريد يجي خل يحظر نفسةة

راح ياسر صعد اولشي لغرفة بنان

دك بالباب لحد ما طلعت : ها ياسر شنو

ياسر : عمي تروحين للالعاب

بنان : شنوو نروح للالعاب ؟؟

ياسر : لا لغير مكان .. اييييي اكيد للالعاب وهاي رجلج المصون يكول الي يريد يروح يحضر نفسه

اجه فهد وسحب ياسر من ورا بلوزه : بنان اني اكولها خوش

ياسر : وخر لك وخر

فهد : ماريد اتعارك قبل الطلعه وتخرب امشي ولي

بنان : لا ابقى ياسر معليك عادي

فهد : لا روح يلا روح لريم

ياسر : تهي بهي فوك مجاي اكول لمرتك عود تنهد بية دروووح انتَ .. بس مرتك لاا هاي بنانو بعد

فهد : ولي لك ولي

نزع فهد نعاله وشمره على ياسر وياسر يركض ويصيح : شعليههههه

بعدها راح لغرفة ريم والبنات

طلعتله ريم : خيررررر حتى بالجمعه ممرتاحين من وراك

ياسر : دنجبي لج الحية البنفسجية فهد يكول تروحون لمدينة الالعاب

ريم : جذااااااب

ياسر : والله مداجذب روحي سالي بس شسمه شو صيحيلي رواني

ريم : لا والله هاي حلوة ولي لك ولي اني اكولهم ويروحون

ياسر : اي الي يريد يروح يتحضر من هسه خوش

ركعت الباب بوجهه : كبرررر الحيةةة البنفسجية الا اكول لفهد مياخذج حيوانه

اجه صوت ريم : ياخذني ومياخذك

هز ايده وراح ل مريم وفرح : اكول عيني مريم زوجة حسن تروحين للالعاب

مريم : يا منو ياخذكم

ياسر : سيادة الضابط

ضحكت : لا ماكدر اروح والله وحسن ماهوه

ياسر : هذا رجلج حتى بالجمعه طامس استغفر الله زين فرح تجي

مريم : لا وين اخاف عليها

ياسر : تره ويه عمامها متضيع

مريم : مادري خليها يمي

ياسر : براحتج يلا سيو دادة
______

ورا كم ساعه تحظروا كلهم والكل جان جوا ومبدل
وفهد ياخذهم

كال فهد : من هسه اللي يضيع مندور عليه ونرجع ونعوفه

ياسر : لا خطية اني ادور عليهم عود

روان : هسه بيش طالبينه نضيع كلنا سوا ترى منضيع

فهد : خوش لعد يلا انطلقوا اركبوا

ركبنا بالسيارة وبدت سوالف ياسر مال الاغاني والركص وكل ميريد يعلك فهد يكفخه وتكب بينهم
والطريق كله سوالف وضحك ليش مو بالغلط روان تريد تشرب مي بس كبت البطل على ريم

ريم : يمةةةة لااااا ملابسي الله ياخذج روان

ياسر : وياخذ الجميع

ريم : انت انجب يمةة لحكيلي عزا والله عيب انزل

ضحكت روان عليها : هيهيههييهي والله بالغلط مو قصدي

ريم كفخت روان : انجبي انتي احسنلج

بنان : ياااا شبيكم كافي يمعودات ريم هسه معليج عود ينشف

ريم : ادور ماكو شمس وين تنشف .. هذا حظي وأعرفه ادور حنوصل

فهد : ريمه شبيج انطي مجال لبكتيهن واذا مي عادي

ريم : اي اي عادي عندك وانتي روان بسيطه اني الج

روان : اي اي

رزان : عزه بعينجن بنان اني فد يوم ترا اهج من ورا هذني لو تدرين شكد يتعاركون والله مدا اتحمللللللل

بنان : ميخالف عود تعاي يمي

فهد : احمممم

بنان : اي تعاي يمي وافرشلج هم وننام سوية وعوفيهن

فهد : احمممممممم راح نوصل يا جماعه

ريم : طيح الله حظج روان الحقيرة ام كفسخ ام المشاكل

روان : اني شعلية هههههههههه

ريم : تضحك ام عطوب كل عطوبه شلون طايرة مادري شلون يا...

ياسر : كافييييييي ريمممم

سكتت ريم بعد ما انتبهت رادت تفضحهم
وصلوا لمدينة الالعاب ونزلوا كلهم وبدت السوالف والعركات الي متخلص

باوعت بنان وعيونها تلمع : اخر مرة جيت قبل 4 سنين ماما الهام جابتنا بدون ميدري جمال

فهد : وهسه اني جبتج مرة لُخ

ابتسمت : اييي تجنن الالعاب احبها

ردلي الابتسامه

بنان
كلنه طشرنه وكمنه نلعب بالعاب ومتونسين وضحك وسوالف بعدين كعدنه اني و فهد و ايهم لان كافي مردنه نصعد بالعاب بعد بس ياسر اخذ ريم و روان ورزان وگال نلعب شويه ونرجع

گاعدين نسولف عاديي شو منشوف غير اجوي يركضون ياسر هوه وريم وروان

روان : رزان ماكووو مندري وين اختفت

نهاية البارت
يتبع ..

(لاتنسوا التصويت)

أن شاء الله يعجبكم البارت + توقعاتكم 🙃💖

7.nldn حسابنا بالانستا

إلى اللقاء يا أعز العابرين في قلبي ♡.

الكاتبات دينا & نور