رواية نقطة لقاء الفصل الخامس 5 - بقلم الكاتبة دينا _ الكاتبة نور

مؤمل : ها فهد شنو حتطلع

فهد : اي حروح للبيت ورهاا اروح للشلتني شل "

مؤمل : شنو

فهد : حروح للبيت

مؤمل : ها اي تمام اني بس اكمل كم شغله واطلع

فهد : اي اوك

فهد طلعت توجهت للبيت حتئ اروح اسبح واغير ملابسي ورها اروحلها

رجعت للبيت لگيت زوزو دتبجي

فهد : ها ولج زوزو ليش هل بجي شبيج

رحاب : من صبح بس تبجي

زوزو : ولك فهد گمت فتحت الكنتور وجان تطلع گدامي صورة بنان بنتهم يا يمه من جانت صغيره سوده عليه مشافت شي من عمرها وراحت هيه وخواتها اهخخ

فهد : الله يرحمهم بس كافي هوه هذا يومهم ما بيدنه

زوزو : ولك ما ادري بس عندي احساس بعدهم عايشين ما ميتين

محمد : يمه شبيج مو شفنه جثثهم

زوزو : لا شفنه جثث اياد و سراب مشفنه جثث البنات

محمد : يمه حتئ لو بس دورنه عليهم كومه وهاي فأكيد ماتوا

زوزو : ما ادري ما ادري بس گلبي نار عليهم

فهد : استهدي برحمان و كومي رتاحي هسه

رحاب : صدك يمه فهد شو راجع مت وكت اليوم

فهد : لا بس خلصت شغل اليوم من وكت ورجعت اسبح وابدل وعندي شغله

رحاب : خوش يمه جوعان اصبلك اكل

فهد : لا يمه حطلع هسه بس اسبح وابدل واروح

فهد : وانتي كافي زوزو لتبجين كلنه علئ هل طريق

وكمت بست راس زوزو وصعدت الغرفتي

.................

جمال : الهام الهام يلا صبي غداء

روان بهمس وي رزان : سم ان شاء الله

رزان : روان اسكتي هسه يسمع

روان : طبه مرض خلي يسمع

جمال كاعد وجان يدك موبايلي هذا عدنان ( الي اشتره بنان) خيره شيريد داك عليه

جمال : هلا شلونك

عدنان : لا هلا ولا مرحبا

جمال : ليش شكو صاير شي

عدنان : شلون مصاير شي هاا شلون هسه ترجعلي فلوسي احسن مشوف شي ميعجبك

جمال : شبيك عيني دفهمني شصاير

عدنان سولفتله كلشي

جمال : شنوو وهسه وينها

عدنان : ما ادري هسه لو ترجعها الي لو ترجع الفلوس

جمال : شنو معليه فلوس مشوف احد كلك تنطيها الهم اني ما ادري وين راحت بس اذا تريد اساعدك ونشوف وينعا عادي معندي مشكله

عدنان : بسيطه وين تروح مني تمام انت تعال اليوم ونشوف وينعا اني الكيها الكيها خلي تسطبرلي

جمال : اوك ولا يهمك ميكون خاطرك اله طيب

رزان بهمس : ذوله شديحجون

روان : مدري

..........................

فهد بدلت وكملت وجبت اكل ورحت للشلتني شل

بنان جنت كاعده اكلب بالتلفيزون شو ما اشوف غير ندك الباب اكيد هذا فهد

بنان : منو

فهد : اني بويه فتحي

بنان : فتحت الباب

فهد : هلا يابه شلونج

بنان : الحمد الله احسن من بارحه وانت

فهد : الحمد الله هاج جبت اكل تعاي رتبي اني هم جوعان حيل ما ماكل

بنان : هاا تمام هسه اصبت شكرا تعبت نفسك

فهد : تعبج راحه بويه

فهد داباوع عليها وهيه كاعده تعدل بالاكل وترتب بي اول مره انتبه علئ ملامحه هلكد عيونها كبار وساع وسود بيضه وعدها شامه يم حلگها ملامحه حلوه حيل وبريئه ..

بنان انتبهت عليه ديباوع عليها فأول ما باوعت عليه عيني صارت بعينه هوه بسرعه دار وجهه

فهد : هاا بويه خلصتي

بنان : اي خلصت

فهد كعدنه ناكل واشوفها كاعده تأكل بهدوء حتئ وهسه تاكل حلوه

بنان فهد گام وراح يغسل فشفت تليفونه يدك فرحت اشوف منو كاعد يدك وجان الكه وحده اسمها زينه

بنان : فهد

فهد : ها بويه

بنان : وحده كاعده ادك عليك اسمها زينه

فهد : شنوووو شوو جيبي جيبي

بنان فهد اول ما سمع بأسمه تعصب وجر الموبايل وطلع بره يحجي وياها

فهد : شتريدين انتو شنو ما عندج كرامه اني مو كايلج لدكين عليه هاا

زينه : فهد عفيه بس اسمعني

فهد : ما اريد اسمع شي منج اني نسيتج من ذاك اليوم وهاهيه بعد اذا تتصلين عليه بعد شوفين شي ميعجبج واندمج

زينه : عفيه فهد بس انطيني فرصه

فهد سديت تليفون بوجها وانطيتها حضر

ضحكت بستهزاء تريد انطيها فرصه بعد كل اي سوته

بنان : منو هاي

فهد بعصبيه : شعليج انتي ها

بنان : هوه هم صدك شعليه اني كلبت وجهي و كعدت

فهد : اسمعي مو قصدي اعيط عليج زينه هاي تصير

بنان : ميحتاج تبرر وتكولي منو مو مهم

فهد تعصبت واخدت موبايلي وطلعت وسديت الباب

بنان واصلا اني شعليه وليش اسئلها والله يا الله

...............................

همام نزل من درج مستعجل : يمه يمه ياسر وين

رحاب : هسه يجي

همام : متدرين وين طالع ؟

رحاب : اي راح يجيب حلويات لفرح

همام : دادك عليه اكيد مماخذ تلفونه ويا مثل كل مره
بهاي الأثناء طب ياسر وبيده علاكة الحلويات وداها لفرح

راحله همام سحبه بسرعه : امشي ياسر بسرعه

ياسر : خيرك عمي شصاير

همام : يمعود متدري صديقك احمد متعاركين وياه جماعه وضاربي سچين وهسه حالته خطره بالمستشفى

ياسر بصدمه : شنو وشوكت شنو اني ليش مادري

همام : شبيك غبي لو تستغبي غير انت مماخذ وياك تلفونك اني شفت اتصالات من صديقنا ابراهيم عليه هواي كلت خاف اكو شي فتحت خط سلم علية وكال ترى الولد كلهم متجمعين بالمستشفى وبس انتوا ماكو معقوله متدرون كلتله هسه يلا عرفت منك

ياسر : دمشييي امشي شكو دنحجي شكد عيب منه ابو صديق ابونا

.........................................

رزان : ام حارث جايه جوا

روان : اي وشبيها شكد اكرهها

رزان : شنسوي يعني .. دنزلي سلمي هيج حتى لو بجذب

روان : ممااا انزللل

رزان : حقج عيني اذا هي كل متشوف بنيه تكول لكيتلج ابن فلان وتكوم تعدد مواصفات

روان : يب جنها ام زكي باب الحاره وتفتر بالبيوت 24 ساعه

رزان : اي وهسه دتسولف هي وامي على هاي ملاك بت هذوله كعدوا جدد بالبيت الجديد وتكول جبتلها شلون ولد خلقه واخلاق وفوكاها دكتور

روان : جذابه مسمعنا هلهوله من بيتهم

رزان : تهمبل اعرف بيها

روان : اكلج شلون ايدي دتوجعني واحسها تحكني تموت وجع ومدا ارتاح كلش لا نومه ولا كعده ولا حتى بالأكل

رزان : من وره جمال الحقير .. مادري شلون جنه عايشين بكذبة طول هالسنوات هاي .. الشي الوحيد هنا هي امي صح مو امي الحقيقيه بس احبها

روان دمعت بس تحاول متبجي : ياريتني متت ويه امي الاولى

رزان : انجبي روان واني منو الي اذا متي

روان : عادي الحياة متوكف على شخص وبعدين انتِ اذا متت صغيره اصلا متذكرين وتنسين

رزان : بس مدام تؤام راح ابقى احس بنقص لحد ما اكبر وكافي لتبجيني

روان : ادري بيج ام دميعه على أقل شي تبجين

..................................

وصلوا ياسر وهمام المستشفى وسلموا على اصدقائهم وجوي التموا وكعدوا يسولفون

ياسر : خير عمي شصاير

انور : الحلو عنده عداوه ويه مجموعه وبدون ميدري غدر جايين داچي

همام : زين وين ابو احمد

ابراهيم : نزل جوا تلكاه

ياسر : وشلون هسه يعني اهله امه وهو وحيدهم

مصطفى: هاي كلسع امه تبجي وتلطم ويمها جاين وتدك على ابو احمد

همام : زين هو احمد شنو سووله عمليه لو شنو

انور : اي هو هسه سووله عمليه وخيطوا الجرح شوي جان عميق الجلاب شلون ضربه مال حاقدين هسه بس يكعد نريد نفتهم شكو ونشتكي

ياسر : اني هسه راح اخابر اخويه فهد هو ضابط وان شاء الله يلكاه مستحيل اخليه يفلت بويه هذا احمد صديق العمر .. همام انتَ ابقى هنا اني نازل اشوف ابو احمد حتى اسلم عليه فشله

همام : تمام اني هنا

نزل ياسر يركض ولكى ابو احمد ديحجي ويه دكتور جوا

ياسر : سلام عمي .. ما تشوفون شر

ابو احمد : هلا هلا بياسر هلا حبيبي تسلم الله يخليك شلون ابوك

ياسر : والله ابويه تمام بس ميدري بسالفة احمد هسه ارجع واكله ولتخاف أن شاء الله كل الخير هسه اخابر اخويه ونشتكي على هذوله الجماعه وطمن ام احمد

ابو احمد : الله يحفظك .. هسه الدكتور كلي صحى فوك وهسه ردت اصعد وجيت انت امشي نروح نشوفه

صعدوا ياسر وأبو أحمد

سمع ياسر صوت ضحك والكل داخل الغرفه ف طب وشاف احمد مستلمهم عياط وصياح وديخربط اثر البنج

راح ابو احمد وباس ابنه

احمد : ها ولج هنوده جنج عبسي ب عدنان ولينا صايره رومانسيه وتبوسين ايع حتى بوستج مدري شلونها

ياسر : لككك هااااا يا هنوده شوووو مادري بهاي

احمد : انجب لك حازم وخر من يمي لا هسه اضربك بوكس يطفي عينك

ياسر : يا حازم عمي متوهم اني ياسر

احمد : ياااااسر ياااسر الكو*** هذا جلب ونذل وحقير

حقاره عنده

ياسر : ليش يا مطي وانت عود صديق عمري

همام : ناكر الجميل

ابو احمد يضحك : احسبها علينا عمي ياسر

انور : شوف يتذكر ياسر وميتذكر انور

احمد : انووووور ابو البنات ما مخلي وحده مناطيها رقمههه

انور : انجب هذا اني لو انت

واستلمهم احمد اكس مربع والغرفه عباره عن ضحك وعياط احمد الي ميخلص

همام : اني راح ادك على فهد حتى اكول اله

ياسر : تمام

..............................

ريم گاعده بالغرفه روحي طاكه فگلت خلي اكوم احط شويه ميكاج اغير من نفسيتي فحطيت مكياج
و اجت فرح يمي

فرح : الله عمه ليمه تالعه هلوه هيل ( الله عمه ريمه طالعه حلوه هيل )

ريم بست فرح و گلتلها : فروحتي حبيبتي

فرح : ليمه ليمه اني هم اريد تحتيلي ( ريمه ريمه اني هم اريد تحطيلي)

ريم : ولج خاف امج متقبل

فرح برطمت وگالت : عفيه ليمه حتيلي ( عفيه ريمه حطيلي)

ريم : تعاي تعاي احطلج بس لزعلين

ريم حطيت الي والفرح كومه مكياج ونزلنه جوه

زوزو : عزا ولج هاي شمسويه بنفسج وبالبينه

فرح : ماما ماما شوفي ليمه سوتلي هلوه

مريم : اي ماما حلوه

زوزو : وين الحلو بالموضوع بلا فهمنه ست ريم انتي مصبغه نفسج تصبيغ تجين صبغين هل مسكينه ليش

ريم : والله اني معليه هيه اجت رادت اسويها حلوه مثل عمتها ريم

بهل اثناء اجه حسن

حسن : يا حلوه اذا اثنينكم طالعات وجه السحارات

ريم : عزا ولج فروحه بابا يكول عليج سحاره

فرح : بابا شنو ني سهاره ( سحاره)

حسن شلت فرح : لا بابا انتي حلوه ريم سهاره

ريم سويت نفسي دابچي : سمعتي فروحه بابا يكول عليها سحاره تقبلين

فرح : بابا ليش تگول علئ عمه ليمه سهاره شوفها سحلت ( زعلت )

حسن : اي لان سحاره

فرح : بابا لتحجي علئ عمه ليمه هيج ليمه حلوه اني سحلت منك لان تحجي علئ ليمه

مريم : عزاا هاي شنو شوف شلون دافع العمتها

ريم : يمه فديتج علئ گلب عمتج

حسن : بابا يلا لسعلين ثنينكم حلوات

فرح نزلت واجت حضنت ريم

فرح : اني ما اهبكم اهب ليمه وبس ( اني ما احبكم احب ريمه وبس)

ريم ضحكت : يمه فديتج علئ عنادكم

زوزو هزت ايدها : هيه الطيور علئ اشكالها تقع .

...........................

فهد
كاعد بالمكتب وكدامي مجموعة ملفات
حطيت ايدي على راسي بتفكير مداكدر اركز بأي شي ولازم هاي الملفات تخلص اليوم لان ورايه شغل أكثر
بنان .. موضوعها حيرني حيل .. زوزو حيرتني أكثر هذا الموضوع من جهه .. وزينه من جهه ثانيه وحاير حيرة
اتصل علية همام

فهد : لك هااا

همام : هااهاات

فهد : احجي فضني وراي شغل بكد شيب الخلفوك

همام : موضوع مهم صراحه

فهد : شنو هالموضوع يابه

همام : تعرف ابو احمد صديق الوالد وأحمد صديق ياسر وياه بالكلية هم

فهد : اي خيرهم

همام : احمد متعرضيله جماعه عدهم عداوه وياه و ضاربيه سچين ومهزومين وبلكي يعني تشوفلنا هالقضيه وها هسه احنه بمستشفى ال*** وياسر وياي وكلهم متجمعين هناك حتى هسه ولد عمه وعمامه جوي وخواله

فهد : وين المكان الي صارت بي الشغله ؟

همام : يكول بحمامات الجامعه

فهد : شوف شلون مكان هذوله مضبطين امورهم
همام : اي حاسبين حساب لكلشي

فهد : شوف همام اني عندي هسه ملف بيدي بس اخلصه واجي .. بس اسأله كله اكو كاميرات مراقبه

همام : يكول اكو
فهد : تمام خلال ساعتين او ساعه اني يمكم

همام : تمام

................................
بالمستشفى

همام : فهد يكول بس اخلص شغلي جاي

ابو احمد: متقصرون ونعم منكم

همام : اذا شغله بيها كاميرات فلازم باجر الصبح حتى ويه دوام الجامعه مو صح

احمد توه صاحي : صح .. بس اعتقد يبينون بالكاميرات اني مراح اكدر

ياسر : اني اروح ويه فهد لان اعرفهم

همام : خوش حجي تمام .. اعتقد فهد راح يجي يفتهم السالفه منك بالاول وشلون صارت يعني تحقيق

احمد : اي خل يجي اذا ما اخليهم يعفنون بالسجن الكو**

ياسر يغمز لاحمد : أكلك هنوده منيه

احمد : شنو يا هنوده

ياسر : چا غير انت كلت هنوده

احمد : شوكت ؟؟

ياسر : من باسك ابوك كلت هاي شني هنوده صايره رومانسيه جنج عبسي .. اعترف لك يلا منيه هاي هنوده ؟ تضم على أخيك ياسرررر

احمد : انجب وخر عني حتى اريد اعرف وحده بهذا الاسم ماكو وداعتك

ياسر : ما دام كلت وداعتك يعني دتجذب احجي احجي محد موجود بالغرفه غيرنا

احمد : ثالثنا الشيطان اطلع لا اخلي عمامي هسه كلهم يسون هجوم هسه همه ابويه كللهم ياسر يمه لان ديحجون بالموضوع وأخو ضابط وهيج

ياسر : اي اي دكول يلا لتلوف الموضوع منيه هنوده

احمد : اهوووو ياااااسر وخر ولتلح

ياسر : لعبتي الملحه لو تحجي لو اشنقك يلا يلا

احمد : ياااابه

طب ابو احمد : خيرك بويه

احمد يباوع لياسر : جيبولي مي عطشت

ياسر : عبالك تخلص مني بسيطه

...................................

فهد

حاط ايده عَلى راسه بتفكير

هاي اسمها بنان .. وبنت عمي وبنت خالتي الماتت
اسمها بنان

يمكن احساس زهره صح مثل مكالت يجوز عايشين
لا فهد شبيك دورتوا عليهم هواي ومالكيتوهم اكيد ماتوا بس الاسم ثار شكوكي إلى درجه فضيعه
منو يكول يجوز عايشين .. يجوز ميتين او ممكن عادي تكون صدفه والاسامي متشابهه ..

احسن شي خل اروح للمستشفى وأشوف شصاير
بعدين اشوف هذا الموضوع وشلون اتصرف وياه
رحت للمستشفى واستقبلوني عمامه ولدهم وجانوا ياسر وهمام يمهم طلبت من الكل يبقى على صفحه بس ياسر وياي لان وياه بالجامعه و طبيت بالغرفه وسلمت عليه

فهد : الحمد لله على سلامتك ابو شهاب

احمد : الله يسلمك سيدي

ياسر طكها بضحكه : شنو سيدي لك هذا اخويه واحنه اصدقاء ما بيناتنه رسميات استاذ احمد

احمد: مهما يكون احترم رتبته وهاذهوه

فهد : عوفكم من هاي المسلته تعال احجيلي كلشي الي صار حتى باجر اشوف شغلي

احمد : كل مافي الموضوع ..........

فهد : تمام ياسر انت شايفهم وجهاً لوجه ؟

ياسر : اكيد لك فهد حتى ماكلين سوا بسبب شي بسيط تعاركنا وهمه شالوا حقد وتخبلوا بس ماتوقعت توصل لهيج درجه

فهد : خير ان شاء الله .. اني هسه راجع للبيت وباجر الصبح اني ماخذ ياسر ومؤمل حتى نشوف شغلنا تمام

احمد : تسلم سيدي متقصر بالسلامه

ترخصوا همام وياسر هم منهم ورجعوا للبيت ويه فهد

....................................

الهام : رزان ام حارث تكول اكو ولد عنده محل بالسوك مال شالات وهيج وأمه دتدورله على مره وبناتكم مو قاصرات شي وحده احلى من ثانيه

رزان : اي وانتِ شكلتيلها

الهام : كلتلها والله ما ادري خلي يجون يحجون ويه ابوهم وهو يتفاهم وياهم

رزان تبجي : لج يمه شلون هيج تكولين شلون

الهام : شبيج رزان هي حجاية تنكال شلون لعد

رزان : يمه ابويه حيوافق شبيج أنتِ

الهام : ميوافق مو بكيفه وهسه اني عود أحاجي ام حارث عود

روان : خيركم شبيج رزان ليش تبجين

رزان : ام حارث جايبتلي واحد امج كايلتلها خليجون يتفاهمون ويه ابوها

روان : يمه شلون هيج تحجينننن اكيد هسه جمال ميصدك ويقبل

الهام : اني راح احجي ويه ام حارث بس اشوفها يلا سدوا الموضوع كافي

روان : بس غلط هيج سويتي يجوز أم حارث راحت كبل هسه كالت للعالم شلون هيج تكولين جان كلتي ما انطي بناتي لو شي بعدهن صغار يعني ليش كلتي روحو لابوها

الهام : كافي كبرتوا الموضوع كافي

كامت امي ضايجه من عدنا .. حسيت تريد تخلص من عدنا هي هم .. معقوله صار محد يريدنا حتى امي

..............................

ريم

كاعده اقرا لباجر واجبات بكد شعر راسي طلعت ورقه من وحده من الدفاتر ضليت صافنه على المكان على روحي وين جنتي يا ريم وين صرتي
اندفعت الباب وطبت فرح

فرح : ليمه اليد نتله ( ريمه اريد نستله )

ريم : يا اني مو نطيتج قبل شويه كلهن شوفي المجرار خلص مابي بعد

فرح : ياسل ما هوا تان دابلي ( ياسر ما هوا جان جابلي )

ريم : تمام

فرح شافت كتاب ريم بي اسد

ليمه هاتا اسددد ( ريمه هذا اسد )

ريم : اييييي هذا اسد تعاي أخذي هذا كتاب قديم حلو شوفي

فرح شافت كتاب لونه غلافه وردي وراحت عليه من لزمته وشالته وكع منه شي صغير

دنجت حتى تشيل هالشي الصغير وطلعت صوره

فرح : ليمه هاتاا عمو مؤمل

بهت وجه ريم من الصدمه : جيبيها فرح

فرح : ماااا اليد اسوفه ( ماا اريد اشوفه )

ضاجت ريم وبينت على ملامحها العصبيه : فرح كتلج جيبيها

وجرتها حيل منها انشكت الصوره

فرح : ياااااا انسكت ( انشكت )

ريم بدموع : هذا اصلا مو عمو مؤمل خوش هذا ممثل يطلع بمسلسل

فرح : يااا يسبها ( يشبها)

ريم : يلا روحي نزلي جوه على بيبي رحاب عدها نستله تنطيج

نزلت فرح

ريم حاولت تتماسك كدامها ومتعيط عليها وتبين طبيعيه
لكن اول ما طلعت فرح .. ريم انهارت وصارت متعرف شتسوي

الصوره بين أيدها مشكوكه .. متكدر شلون
ضلت ريم تدور بغرفتها على لاصق شفاف حتى تلصق الصوره

بعد مالكته ولزكت الصوره صارت متشوهه كلش بس بنظرها تمام لزمت الصوره وضمتها بصندوق صغير بي مجموعة اكسسوارات

رجعت كعدت ع سريرها وهي تباوع على كتبها
كل متحاول تركز .. يجي على بالها
لزمت الورقه الي شكتها من الدفتر وكتبت عليها

امعَنتُ النظر لِلأعلى ..
خوفَاً من أن اراكَ في وجوهِ العابرين ..
فَ شكَلت لي الغيومُ ملامِحكَ في السَماء ..

.................................

بنان

صار الليل وبالي يم فهد ما ادري ليش دافكر بي دائما وشاغل بالي وما ادري ليش ضجت علئ موضوع زينه اووي بنان شعليج انتي .. اصلا هيه فترهربس وبعد مراح شوفي ولا يشوفج

بهل اثناء اجو علئ بالي خواتي روان رزان هسه شديسون شصاير بيهم صاير بحالهم معقوله الي ميتسمئ اب سووا بيهم مثل مسوا بيه ..

من كثر التفكير اختنگت وگلت خلي اطلع بره بالحديقه اشم هوه لان مداتحمل

طلعت شو ما اشوف غير الباب يندك قووي

بنان : هاي منو بنص الليل هيچ گاعد يدك الباب اروح افتح لو لا

كتلني الفضول وگلت خلي اروح افتح اول مفتحت الباب ما اشوف غير شخص مغطين وجهم حطوا شي علئ وجهي ونغمئ عليه وبعدها محسيت علئ شي ...

................

نهاية البارت
يتبع

لاتنسوا التصويت

الئ اللقاء يا اعز العابرين في قلبي ♡ .

الكاتبات دينا & نور