رواية نقطة لقاء الفصل الرابع وأربعون 44 - بقلم الكاتبة دينا _ الكاتبة نور

يا قَمَرًا مَطلَعُهُ أَضلُعِي
لَهُ سَوَادُ القَلبِ فِيهَا غَسَق
وَرُبَّما استَوقَدَ نَارَ الهَوى
فَنَابَ فِيهَا لَونُهَا عَن شَفَق
مَلَكتَنِي فِي دَولَةٍ مِن صِبًا
وَصِدتَنِي فِي شَرَكٍ مِن حَدَق
عِندِيَ مِن حُبِّكَ مَا لَو سَرَت
فِي البَحرِ مِنهُ شُعلَةٌ لاحتَرَق.

>>>>>>>>>>>>>>>>

بنان
طلعت من دكتوره واني الابتسامه علئ وجهي والفرحة الي بداخلي مساعيتني اول مطلعت اجه فهد گال

_ ها شلونه الطفل

بنان : هااا تسأل ؏ الطفل بس متكول شلونها مرتي

ضحك وگال : لا شلون بويه انتِ الاصل شلونج انتِ وضعج

بنان : عباليي .. واني زينه

فهد : الحمدالله والطفل؟

ابتسمت وگلت : هم زين

فهد : الحمدالله

بنان : ثاني شي عندي خبر مُفرح الك والي

فهد : خير يا طير

بنان : عرفت جنس الطفل بس مراح اكُلك

فهد : لا والله

بنان : اي ماگول

فهد : لتلعبين بأعصابي تحجين لا اعرف شسويلج هسه

بنان : يلا اوك راح اكلك مبين صرت عصبي

فهد : كوليي خوش و يلا احجي لا اطيح حضج

بنان : عزاااا طيح حضي ؟ بطلت بطلت

فهد : ما اطيح حضج ابوسج بس احجي

باوعتله بضحكه : تمام حكلك يلا هاهيه

فهد : ايييييي كولي

ابتسمت وگلت : ولد

بقه صافن بوجهي ورها ابتسم وگال

_ صدك

بنان : اييي

فهد : هسه ولد الطفل

بنان : اييييي ولد

ضحك وگال : الحمد الله امشي بوية وعلى كيفج لا تنكفخين

بنان : تكفخني كدام الناسسس ؟

خزرني وگال : هرمونات العناد والأعصاب لتطلعيها علية هنا بالمستشفى

بنان : شعليهههه غير انتَ گلت تنكفخين

اجه من بعيد همام ووياه هذيج الممرضه

همام : ها مرت اخي بشري شلونه الطفل

كلتله واني اضحك : زين

كالت البنية : شطلع جنس الطفل

بنان : طلع ولد

- يعمريييي فدورة أن شاء الله يجي بالسلامه

وكفنا شوية سولفنا بس المشكله بيها انوا كلسع تكول هـاا بس هي كُلش تنحب وسوالفها بعد احلى

ترخصت وگالت : يلا حياتي اني حروح عندي شغل

بنان : أخذي راحتچ گلبي

لحد ما سمعنا همام كال بضحكه لفهد : العببببب سيدي ولي العهد قادم

فهد : شوكت يجي أحسه تأخر

همام : يا خوية يا تأخر شكد مستعجل انتَ

فهد : دروحح امشوا نرجع يلا

همام : دقيقه قبل لا نرجع هسه اجيكم اذا تردون انتضروني برا اني ما اتأخر

فهد : خوش

طلعنا من المستشفى وفهد كلسع يكول :- امشي على كيف

بنان : لعد شلون دا امشي اني هسه مثل السلحفاة

فهد : حتى لو الحرص واجب يا زوجتي

بنان : الجذبية

فهد : صارت ذكريات ايام الزوجه الجذبية

بنان : شفت الايام تركض وهسه ابنك بالطريق

ابتسم الي وراح للسيارة فتحها الي وهو يضحك

_ تفضلي يا زوجتي الجدية

بنان : شكراً تعبتك وياي فهيد

فهد : فهيد بعينج يلا اركبي بسرعه

بنان : هاي فوك ما ادلعك

فهد : شنو محملتني منيه وياريت لو دلع بي خير فهيد شنو فهيد ينوكل ينشرب صعدي صعدي

بنان : اي اي

ورا دقايق من الانتظار اجانه هُمام ورجعنا للبيت

___________

هُمام
رحت على مَي جانت بوحده من الغرف تشكل مغذي لولد لما طلعت گلتلها

همام : مَي

اجتي عليه وگالت : هـا همام

همام : باعي ردت اكلج باجر رايد ابوج واختج علمود شغلتها لان هيه مضل شي وتنفض السالفه

مي : هـا

همام : اهخخ ربي لازم اكعد اعيد

مي : انتَ شبيك تنتر بيه ميعجبك تحجي وياي لتجي اوك

همام : هسه اني شكلت وكبيتي باعي خويه ابوج واختج خلي يجون حتئ نكمل السالفه خوش

مَي : اي وانتَ لما تريد من أبوية شي روح كله مو تجي علية وبالاخير تنتر بية وتعيط

همام : انتِ بالمشاكل لسانچ مترين بس من احجي عادي تضلين هـا وهـا

مَي : هـاا

همام : شوفيييي

دمعت عيونها وكالت : لتحجيي وياي بعد ولا تجي هنااا

هي راحت واحس انصدمت ليش بسرعه هيج تبجي

همام : اوكفي يمعوده بنت الحلال

مَي : نعم ؟

همام : شبيج هيج تبجين على أقل شي مَي واني شكلت

مي : مو انتَ هم هسه تعيب وتكول شوفي وكلسع تكولين هاا

همام : بس اني مو قصدي اكولها يعني واني اكيد اكول الابوج بس احب ابلغج انتِ هم

مي : لااا قصدك وبعد لتجي هنا ولا اشوفك ولا تشوفني تريد احجي وية ابوية واختي

همام : هـاا

مي : هـااا

متحملت الموقف رأساً ضحكت وهي ضحكت وبعيونها الدموع

همام : ترا والله ما اعيب عليج اني وخوش مثل متردين متشوفيني بعد .. مع السلامه و فرصه سعيده تعرفت عليچ

ضلت تباوعلي صفح وانملت عينها بالدموع واندارت وراحت

ابتسمت بقهر .. اهخخخ حظك همام متكدر الا تچفص وتخرب المواضيع ..

_________

بنان
اول ما رجعنا للبيت لكيناهم كلهم متجمعين كاعدين
همام رأسا صعد بعد مشفناه
واني صعدت لغرفة البنات

جان ياسر والولد وعمامي كلهم كاعدين

گال ياسر : بشروا شني شلونه البيبي

فهد : دقيقه دقيقه اريد اكللكم شي

ايهم : يا الله شنو

فهد : عرفنا جنس الطفل

ضحك عمو محمد : اي شنوه

كام يفتر ياسر : كووول والله شنو طلع

فهد : انجب واكعد بالاول بعدين افكر اكول

ياسر : لا لا فهد بسرعه كول لا تستعمل اسلوب المذله

فهد : اكعد عاد دوختني شبيكك

ياسر : مااا اكعددد الا تكول شنو

فهد : ما اكول الا تكعد

محمد : ياسر شبيك ابني تخبلت اكعدددد

ياسر : شمدريني چا غير انحمست

ايهم : اي اكعد خلينا نفتهم شنوه ولد بنية لتخبلنا

ياسر : انتَ اسكت ومعليك يلا فهد كول لا احط طلقه براسك دكوووول طلعت روحي

فهد : ها طلقه براسي ؟

ياسر : اي

فهد : شنو عاجبك تنكتل انتَ

ياسر : لا بس انتَ كول عاد يلا فهد متعرف فضولي

فهد : اعرفه بس استچن انتَ حتتزوج تضل هيج مخبل

ياسر : اصلا شبي الخبال يخبل يلا كوووول فهد

زياد : فهد كوله وخلصنا ليروح يتخبل علينا

ياسر : احجييي

فهد :- ولد

ياسر : جذذذذذذب

فهد : ياسر راح اكتلك

ياسر : دسكتت عمييييي شني ولد ابن اخوي جاي لك هلااااا وينها بنانو

فهد : شتريد منها انجب واكعد لا والله اكوملك

ضحك ايهم وگال : مبروك ابن عمي يتربي بعزكم ودلالكم

ياسر : وفلوسكم اي ليش لا الكو** الصغير حظه كاعد

فهد : تسلم ايهم .. وياسر انتَ انجب

ياسر : ياااابه شوووف يحجي وي ايهم وميحجي وياي عدل شنو هاي العنصرية العدكم

محمد : ليش هو انتَ تدري بروحك شدتسوي لو لا

ياسر : شمسوووويييي

نزلت بنان وراح الها ياسر

ياسر : لج بنااان شوفيهم شوفيهم واكفين ضدي وهذا زوجج العنصري يفرق

بنان : شلون

ياسر : يحجي وي ايهم زين واني يعيط علية لو يريد يكتلني شني هاي ترااا ازعل واهج بليلة ضلمه اذا متحترموني بعد .. هااا نسيت ما اهج وحدي اخذ رواااني وياي

بنان : ليش فهد خطيهه

فهد : انتِ معليج

زياد : بوية بنان عوفي هو شوية يلح وعنده خيط خبال

ياسر : انييييي مخبل ؟ دتسمعين بنان دتسمعين شلون ضالمين هاي العائله وانتِ اخذتيلج واحد ضالم هم

باوعت لفهد بعصبية وگلت : خطيه تراا

ياسر : اي والله خطيه اني

فهد : ياسو مو وكت خبلاتك

ايهم : ظاهر رايد ضروري ياخذله جلسه عندي

ياسر : ها عمي هااا وخروا زعلت منكم اروح لـ احمم احسلي

ركض فوك وهو يعيط : مو صوجكم صوجي كاعد يمكم والله صوجي

باوعت عليهم فهد ابتسملي وأيهم كاعد هو وعمامي يحششون على ياسر

رحت شربت مي ورجعت يم البنات
طبيت للغرفه واسمع روان وريم يتعاركن

روان : والله ابن اختي اني اسمييييي واني الي اختارله الاسممم

ريم : انجبي عزيزتي ابن اخويه اني الي اسميه وكله انييييي فتهمتيي

روان : معلية مشكلتج هاي ابن بنان اني اسمي

بنان : شبيچن ولجن

ريم : ترا انتِ توقعتي بنيه واني توقعت ولد فأني الي اسمي مو انتِ

روان : توقعت بنيه ولد معليهه اني اسمييي

رزان : عفية بنان تعاليلهن حيتكافشن بس علمود اسم الطفل

بنان : بس اسم ؟ الي يشوفجن يكول يريدن ياخذنا الهن

روان : اي والله اني اسمي ابنج لان هو ابن اختي ف كله اني

ريم : وهو ابن اخووويه

روان : انتِ ترا عندج فروحه عيني بت حسن اماا اني رح اصير خاله لأول مرة فشنو لتحشرين خشمج وياي

ريم : يا حقير تراااا ابن اخويهههه حتى لو فروحه موجوده اوكك

روان : شو تعاي تريدين نتعاارك

شو ماشوف غير تكافشن من الشعر والعياط والصياح
ورزان تفاكك بيهن وكلسع تنكتل من ريم لو روان

اخر شي عيطت عليهن : كاااافييييي شبيجن يمعودات

روان : الحقيرررره هايييي

ريم : انتِ الحقيييييرة

بنان : راح اتخبل ناس جوا وناس فوك شبيكم شنو جهال ؟ ترا ميصير وانتِ روان ام عقل الجبير هيج تسوين

روان : شمسويه ؟

بنان : عزا بعينچ

روان : اي والله هاي تستاهل

ريم : منية التستاهل ؟ بسيطه روان اني اعلمچ

طلعت ريم من الغرفه

رزان ؛ مخبله انتِ شبيج وين عقلج ترا موضوع تافه

روان : شنسوي لا شغله ولا عمله

بنان : لا انتِ ولا هيه اسميي خلص علئ شي تافه جاي تتعاركن

رزان : معليج بيهن بسوالفهن التافهه هاي

دقايق واندكت الباب
فتحتها رزان

اجانه صوت ياسر : وين رواني اريدها

بنان : هاك استلم المخابيل اجتمعوا اطلعي ولي فكينا من شرج

كلبت عيونه بغرور وگالت : اي رايحه رايحه الـ يسورتي

طبت ريم مدلغمه : هذا هم اخ ميوكف وي اخته واكف وي مرته يكلي انتِ على اقل شي تبجين نسه وكفاتي وشلون قبل مو جان يديح بليل اني افتحله الباب ونسه شلون لما يجوع يكعدني بليل واني بعزت نومتي اسويله اكل اهخخ يالقهر اهخخخخ

روان : فديت يسورتيي الي يوكف ويايه

ريم : شبييييييي ياسرررر انتِ شمسويتله طاكته بسحر

ضحكت روان وگالت : سمعت اميري الوسيم تكول طاكته بسحر شتكول انتَ

عاط وگال : عوفن السوالف مال الزعاطيط هاي وتعاي اريدج

باوعت روان بغرور لريم وكالت : لو تموتيننننن ما اخليج تسمين ابن اختي

ريم : الاااا اسمي اني ابن اخويه بسيطه

بنان : هاي شنووو عزاا بعينكم ابنكم لو ابنيي لا هاكم اخذوا ما اريده

رزان كالت : يمههه عفية شنو انتوا حتخربط مصيبهه خما شسمه بنان وجهي بي اثار الحرب الي صار

بنان : كُلشي ما بي

رزان : همزين لان ايهم يركز بأقل شي حتى لو شي صغير هسه شيكول عليهن مخبلات ولو حتى لو يكول ميجذب

ريم : انجبي انتِ وايهمج

باوعت بزعل وگالت : ضوجتني روانننن وهذا مؤمل بالله وينه اراسلههه لو لا

بنان : صبغي شعرج

ريم : حتى انذبح

رزان : ليشش

باوعت بضحكه وهيه تحرك بشعرها

_مؤمل يحب لون شعرييي

بنان : زين هو يدري ياسر يصيحلج الحية الصفره

ريم : يدافعلي اكيد غير اني خطيبتههه وعن قريب زوجته مضل شيي العرسيي واعرس

بنان : اويييي

ريم : شعبالج عيني

بنان : يلا اني حروح

ريم : اي روحي عيني شبعي من ابو ابنج

بنان : صدك طايحة الحظ انتِ الله يساعدك مؤمل

ريم : اصلااا امه داعيتله دعوة حلوه لان اخذنيي

بنان : اي اي واضح

رحت طلعت من يم البنات ورحت الـ غرفتي كعدت بيها ولازمه بطني وفرحانه لان ابني مابي شي وصحته زينه ..

جان يفوت فهد وفتحلي ايده وگال

_ تعاي درابين گلبي تعاي

ابتسمت ورحت حضنته وهوه هم حضني حيل وگال

_احبج واحب ابني

بنان : واحنه هم نحبك عيني

جرني ورحنه كعدنه وگلت

_ اول مكلتلك ولد احسك مفرحت

فهد : لا بالعكس فرحت حيل

بنان : لعد شو احس ردت فعلك جانت شويه بارده

ضحك وگال : شتريديني اكمز بالمستشفئ

بنان : لا مو هيج

حط ايده علئ بطني وگال : اني جنت فرحان بيج وهسه فرحت اكثر احبج واحب الي بطنج ..

ضحكت وگلت : تحبني اني لو ابنك

فهد : اثنينكم انتو عيوني من الدنيا

بنان : اووي فهد راح ابجي

فهد : هوه انتِ ضلي علئ كُلشي تبجين

بنان : شسويي ترا شي مو بيدي دموعي وحدهن ينزلن

فهد : هسه المفروض بعد صيرين قويه لان راح صيرين ام راح يجي طفل قطعه منج لتبقين هيج ضعيفه انتِ شايفه البزونه لما احد يتقرب من اطفالها تتخبل وتكوم تريد تحمي اطفالها بأي طريقه انتِ هم لازم صيرين هيج لا علئ كُلشي تنزل دموعج

بنان : ترا مرات هواي ما اريد اخليهن ينزلن بس عيوني تعودن بعد

فهد : هسه لو شغلة هرمونات جان فتهمنا بس هاي انتِ من قبل بس هم احبج واحب دموعج

عكدت حواجبي وگلت : تحب دموعي؟ يعني تريديني ابجي مووو

فهد : لتبلشين نكد

بنان : هاا يعني هسه اني صرت انكد موو

فهد : لا ولج

بنان : لا لا اني انكد

لزمت بطنيي وگمت ابجي واحجي وي ابني من كُل عقلي عساس راح يسمعني .. گلت

_ ابني شوف ابوك شلون يحجي عليه يكول انتِ نكديه تقبلها حبيبي ويكول احب دموعج يعني يريدني ابجي

باوع عليه وقلص عيونه وضحك وگال

_ لا هاهيه هسه كملت رحمتك ربي

باوعت عليه وعيوني كلها دموع گلت : شقصدك

فهد : مقصدي شي

بنان : لا لا قصدك اني مخبلهه موو

لزم وجهي بديناته وگال : لا بويه انتِ اصلا منو اعقل منج

بنان : هاي اي عبالي

اجه تقرب يريد يبوسني وجان ادفعه وگلت

_ وخر فهدد وخر اني مو نكديه

كام يحرك بيده ويقلدني ويكول

_ وخرر فهاااد وخرر اني مو نكديهههه

بنان : ولا تقلد عليه هم

فهد : ولج استجنيي كافي

بنان : ايي اوك

فهد : تعايي تعاي خليي احضن..

ديريد يكمل جملته قاطعته وگلت

_ لتحضني ما اريد

فهد : ومنو گال حاضنج الج اني اريد احضن ابني معليج انتِ

اجه تقرب عليه وحضن بطنيي اباوع عليه ما اكدر اكتم الابتسامه شو ما اشوف غير كام يدغدني جان اكول

_ كافي فهد

شو هذا زاد اكثر وكام يددغني كمت اضحك بعد ما اكدر اكتم الضحكه گلت

_ وخررر فهد كافيي يمه راح اموت كافي

وخرر عني وكام يضحك علئ ضحكتيي وگال

_ تعاي ابوس الي يضحك

اجه تقرب عليه عبالي يريد يبوسني بخدي اشو هذا دار وجهي وباسني بشفتي علئ كيف ورها وخرر

باوع بعيوني وگال : هاي البوسه المرتي هسه خلي ابوس ابني لا يزعل

ونزل باس بطني وگال : وهاي البوسه لابني السبع

ابتسمت ابتسامه شكت حلكي وگلت

_ والله احبك هواي فهد

ابتسم وگام من يمي وراح فتح المجر ورجع كعد يمي وجان شايل بيده علبه گلت

_ هاي شنو فهد

فهد : هديهه الام ابني

ضحكت وگلت : تحجي صدك فهد

فهد : لا اجذب عليج

بنان : ما ادري شحجي بس مجان يحتاج تجيب هديه

فهد : لا يحتاج يلا فتحيها

فتحت جانت علبه بس مغلفه فتحتها وجان تطلع بيها اسوار و كلاده .. الكلاده جانت مكتوب بيها اسمي " بنان " والاسوار جان مكتوب حرفي وحرفه

ضحكت واني عيوني كلها انترسن دموع كمت حضنته وگلت

_ صدك هواي احبك فهد ربي عوضني بيك عن كُلشي صار بحياتي محلوو وشكد جنت اسوي اخطاء بس تبقئ واكف ويايه ومتعوفني ..

حضني اقوه وگال : اني هم احبج مو بس احبج اموت بيج بنان انتِ تجرين بـ درابين گلبي

وخرت عنه واني امسح دموعي وگلت : شكرا

فهد : انلصمي لتكولين شكرا .. عجبوج ؟

بنان : حيل حلوات بس شعجب كاتب حروفنه علئ الاسوار انتَ متحب هيج سوالف

فهد : هوه صح بس گلت انتِ تحبين هيج سوالف اكيد فسويت

بنان : حيل حلوات

فهد : اهم شي عجبوج

لبست الاسوار حيل حلو جان ولبست الكلاده وهوه ساعدني بيها .. وگلت

_ هـاا شلونهن عليه

فهد : يخبلن اصلاً كُلشي عليج حلو

بنان : اممم ادري

فهد : ابوس ثقتج

بنان : هيه بقت ؏ الثقه

ضحك وگال : صايره رعنه

بنان : والله محجيت غير الصح

فهد : يلا نامي ارتاحي

تمددت وهوه اجه ورايه وحطني بحضنه وگال

_هيج صير النومه احلئ

بنان : فهدد

فهد : فهاااد .. شبيج بويه هيج احلئ النومه تصير انتِ نامي هسه واني خلي اشتم ريحتج الحلوه

بنان : اوك اوك

فهد : خوش

_________

روان
رحت وجرنيي ياسر من ايديي وگلت

_ هاي شبيك علئ كيفك

ياسر : تعاي طركاعتيي تعاي

روان : خير

ياسر : احبج

روان : ادري

ياسر : ايي المهم اليوم مريت علئ الكليه وما اكلج شفت

روان : شفت؟

ياسر : يابويهه شفت البنات بس شلون بنات صاكات صاكات يخبلن

روان : صدك والله؟

ياسر : اي والله فد حلوات ما شاء الله عليهن

جاوبته بـ عدم اهتمام وگلت : وانتَ شكو تباوع علئ البنات

ياسر : هوه اني مو جنت امشي شفتهن

عكدت حواجبي بعصبية وگلت : وانتَ متستحي تباوع علئ البنات صدك تحجي جان استحيت والله فاجئتني حيل واصلا حرام تكعد تباوع عليهن خوش يامحترم

رفع حاجبه وابتسم وگال : شسوي غير حلوات وشفت وحدهه شعرهاا سرح فد حلوو شعرها

روان : وانتَ مو كلتلي متحب الشعر السرح

ياسر : عمي اقشمر عليج بسرعة صدكتي هوه اكو احلئ من شعر السرح احسن من شعر الكفشه جنه سيم مال مواعين

روان : هاا حلوو حلوو وانتَ مو عاقد وخاطب شكو هيج تحجي اصلا مدافهمك وشلون تحجي هيج ويايه متستحي فوك هذا خطيبتك اني وراح اصير زوجتك هاي يسموها خيانه ترا يا خاين

ياسر : عميي شعليههه هنه حلوات

روان : واذا حلوات تباوع عليهن واني شناقصني متباوع عليهه هاا لو مو بعينك

ياسر : هوه انتِ يعني حلوه بس شعرج سيم مال مواعين كفشه

روان : لا وفوكها يعيب عيني استقر يالامير الوسيم من جمالك عاد

ياسر : ليش عمي شبيه شو اخبل

روان : تخبل؟ هاي منو مقشمره عليك يا ثوله

ابتسم وگال : انتِ

روان : ايي غير انقهر عليك احب اجبر بخاطرك ما اجرحك وخر من يمي يلا

ياسر : شنو غرتي

روان : اوويي اغار وعليك لا عيني لا هذا مو بقاموس روان واذا هنه عاجباتك روح عيني الهن ما اهتم والعقد نفسخه كُلش عادي

ياسر : عادي عندج؟

روان : اي كُلش عادي

ياسر : يعني مراح تتأثرين اذا انفصلنه

روان : هوه شوف اني صريحه فشنو بالبدايه يمكن انقهر عليك لان انفصلت عن وحده مثلي

ياسر : لا لتخافين ما انقهر

روان : اي احسن لا وخرر وروح باوع علئ البنات يا متستحي

عفته داروح جان يجرني ويكول

_ ولج عمي تعاي احجي وياج

روان : وخر عني ما احب احجي وي هيج شخص

ياسر : هسه شبيج اشاقه وياج

روان : محلو هيج شقه وخرر روح للبنات ذنيج خلي يفيدوك وهوه اصلا بس ثولات يباعن عليك

ياسر : عمي شنو انتِ اكلتيني وشربتيني حتئ رد كمت ما اعرف شرد

روان : احسن يلا هدني

عفته ورحت واني ضايجه منهه حيل يحجي هيج ورها يكلي اشاقه لا والله ولا يعيب علئ كفشتي الخط الاحمر عندي عساس هوه شلونه ..

___________

رزان
كاعده يم ايهم واجاني سؤال اسئله وبالي جان ..

رزان : ايهممم ايهم

ايهم : نعم نعم

رزان : شبييييك ساكت اريد احجي وياك

ايهم : احجي وياج

رزان : سؤال

ايهم : اي جواب ؟

رزان : اذا يصير عدنا طفل شنو شعورك

ايهم : شنو شعوري يعني هو معروف

رزان : اني هم .. زين شتحب

ايهم : اي شي عمري

رزان : يعني عادي

ايهم : اكيد ، شبيج تسألين ؏ مواضيع الاطفال

رزان : مادري احس حابه يكون عدنا طفل

ايهم : اي ليش لا اني احب الاطفال حيل

رزان : اني هم بس هل فتره مادري يعني عقلي ويه الطفل

ايهم : عوفي الطفل هو شوكت ميريد عود يجي

رزان : اوك ، لعد ايهممم سؤال

ايهم : اليوم اسئلة رزان هواي خيرج رزون ؟

رزان : انتَ شنو تفضل عيشتك بـ المانيا لو بالعراق واريد تسولفلي على ألمانيا هم

باوع علية وبدا يحجي : افضل العيشه هنا

باوعت عليه وفتحت عيوني : يااا والمانيا

ايهم : اني كرهت الغُربه هناك سنين كونت نفسي وحدي محد وياي لا أهل لا عمام حتى خوال وخالات مسألوا علية وخلوني وية أبوية .. العيشه هناك جانت صعبه علية حيل فوك متتخيلين .. متعرفين شكد فرحت من رجعت واني اشوف ولد عمي .. وشفتچ وهمزين تعرفت عليج

رزان : اهمشي رجعت وشفتني اصلا

باسني من خدي وكال : احبچ

رزان : اني هم .. ايهممم

ايهم : عيونه

باوعت عليه مصغره عيوني : انتَ حبيت هناك من قبل ؟

ايهم : لا

رزان : صدكتك

ايهم : والله لا

رزان : اممممم لا لا صدكتك

ايهم : محبيت لان جان كل وقتي بس لشغلي وهاهيه يعني مو يم الحب ولا من هاي الأمور بس مادري من شفتج شصار بيه

ابتسمت اله وگلت : ايهمي المؤدب

كفخني وگال بضحكه : شنو صغير اني ؟

رزان : مو داتغزل بيك صوجييي اتغزل

ايهم : لا تعاي كملي الغزل

رزان :اوك دكتوري الحلوو

ايهم : الله بعد كملي

رزان : ايهمييي الاحبه

ايهم : بعد

رزان : عيونك حلوه

ايهم : بعد

رزان : لحيتك حلوه

ايهم : بعد

رزان : شعرك حلووو ناعم مال جهال

رجع كفخني وگال : يعني دتغزلين حلو اله تلوصيهاا شنو مال جهال

رزان : هاي شنو شحجي تكفخني وخرر

ايهم : لا تعاي تفاحتي

رزان : مو تفاحتك

ايهم : لا تفاحتي

جان يحضنيييي حيلل ويكعدد يبوس بي ويعضعض واضل اضحكك وهوه يكول

_ ولج كافي حتفضحينه

رزان : غير انتَ ضحكني بس كافي راح اموت بطني

ايهم : ديلا وخر وخرت

____________

بنان
بالليل چنه كلنا بالصاله كاعدين نسولف والكل عرف انوا اني حامل بـ " ولد "

كالت ريم : يلا انطونا مقترحاتكم لأسم ابن سيادة الضابط

فهد : من هسه ما اقبل بـ اي اسم

بنان : ليشش يجوز حلوات

نط همام گال : اختار الكم اني ؟

فهد : بكيفكم

زوزو : شني ولا واحد يختار انه الي اسمي ابن فهد

روان : ها بيبي اني اريد اسمي

ريم : محد بس اني

رزان : ليش واني هم خالته

كال ياسر : اشششششش اني اسمييي

حسن : دسكت انتَ خبصتنا

ياسر : وانت شعليك شو دروححح

همام : ترا اني كلت بـ الاول

ياسر : لا اني كلت معليك انتَ مالك شغل

ريم : نسمي وائل ؟

همام : محلووو

كالت روان بخباثه : اكلج بنان نسمي يوسف ترا حلو وعلى اسم النبي يوسف

ياسر : رووانننن

روان : ها بنان شكلتي

بنان : لا هو حلو بس ماريده اريد اسم مااادريييي

فهد يهز راسه بتسليك : اي اي بويه اختاروا انتوا اصلا مو ابني ابنكم

رحاب : نسمي احمد

ياسر : لا هذا اسم صديقي الصدوق

زوزو : يلا اسكتوا ولا واحد يحجي .. نسمي بَدري

گال فهد بصدمه : شنووو اسم ابني هيج مستحيل

ياسر : فهد روح ذب نفسك من السطح واني بظهرك

بنان : لااااا بيبي محلووو

زوزو : دنچبوا والله اذواقككم زفتتت

كال همام : اخذتوا حقي حتى رأي ما انطيتكم

ياسر : مو مهم رأيك

همام : ها هيج صارت بويه احجي ويا لا اكومله ديستفزني

محمد : شبيكم انتوا كل ما كعدنا وكبت عيطتكم

ايهم : اني تعودت عليهم وعلى عراكهم التافهه اصلا

ياسر : معليه بالكل رأييي اني حكول

ريم : اي بالله شنوو

روان كلبت وجها

ياسر : آسر حلوو

صفنت عالاسم حسيته حلو : ليش هل اسم ؟

ياسر : هيهيهيهيهي لانو مُشتق من اسم عمه الصاك ياسر محمد يعني هو شنو الفرق بس حرف الياء ماكو فـ احس هذا الاسم المناسب

روان گالت : اصلا محلووو هل اسم يعني ما لكيت غيره

ياسر : ليش الكى غيره وهو حلوو

همام : والله طلع عندك ذوق

ريم كالت : اني شو عجبني

روان بعناد : ماااا عجبنييييي

ريم : معليج انتِ بنان شتكولين وانتَ سيادة الضابط

بنان : والله اني عن نفسي عجبني الاسم حيل

فهد باوعلي وكال : عجبج آسر ؟

بنان : اي عجبني حيل

باوعلهم فهد وكال : اني رأيي من رأي بنان اوافقك الرأي موهنديس ياسر

كمز ياسر وكال بتحدي وهو يباوع لروان _يَسسسسسس فديت ذوقي المثلييي يجنن

زوزو اعترضت وي روان كالت : شنو آسر محلو مو اكول ما عدكم ذوق

محمد : لا والله يمه حلو

زياد : اي كُلش حلو

زوزو : دروحووو معجبتوني فوكاها ميهتمون لقراري زين شبي بَدري لو مثلاً خيري والله شنو مليان هيبه

ضحك همام وكال : خيري فهد ياخوووويه

فهد : زوزو اني ما اسمي هيج اسماء

زوزو : ضلوا ضلوا اني شعلية بيكم اصلا

فهد باوعلي بضحكه وكال : اي ترا حلوات خلي نسمي خيريي

خنزرت عليه وگلت : فهدد شنو

فهد : اوي فهاااد

بنان : اسكتت لتخزينا

ياسر : المهم نسمي آسر حتئ يآسر قلوب البنات مثل عمَ ياسر

روان : اوووي

فهد : دنلصم الصم

ورا شوية كام ورحنا صعدنا فوك للغرفه وهمه ضلوا جوا يتعاركون روان وريم وروان تكول اريد اغير الاسم وياسر يكول :- هيهيهيهي لفي راسج ونامي الاسم حددناه

كال فهد : عجبج الاسم؟

بنان : اي حيل وانتَ اذا معجبك عادي نغيره

فهد : مادام عجبج يعني عجبني

______________

ريم
لما صعدنا للغرفه روان كعدت تلعب بتليفونها واني هم

دخلت على حساب مؤمل وترددت اراسله لو لا

بس كسرت حاجز التوتر ودزيتله رساله " هلو شلونك ؟ "

ماكو ما طول علية ثواني وجاوب : " مية هلا بـ ريمتي "

ابتسمت لرده ودا اكتب جان يدك علية

ضليت صافنه بخوف وروان التفتت باستغراب : شبيج متجاوبين ؟

ريم : هذا مؤمل شلون

روان : اي شبيج تصنمتي جاوبي

ريم : عزا لا روان استحي احجي ويا

غمزت وكالت : هااا قصدج بالنجف لما خطفج الفارس المقنع

ريم : انجبي روان

روان : ديلا جاوبي شيرادلها علم فهم والله يا الله

فتحت الاتصال واجاني صوته وگال : ساعه يلا تردين بس بالرسايل تكتبين ماكو اسرع منج

ريم : ها مادري منتبهت جاي تتصل

مؤمل : واضح ، المهم شلونچ انتِ مشتاقلج والله

ابتسمت وطلعت مدري شلون مني وكلتله : اني هم

فتحت عيوني بصدمه وضربت روحي راجدي خبلهههه ريمممم شسويتييي

هو ضحك علئ كيف وگال : افدي الـ يشتاقلي .. اي هسه ايييي مو هذوله اخوانچ الواكفيلي عالوحده

ريم : خطية يعنييي اني اختهم الوحيده وهاي

روان كدامي تغمز وتسويلي حركات

- شعلية بيهم ، اكلج انتي وحدج

ريم : ها

مؤمل : وحدججج ؟

باوعت لروان وهي اشرتلي تطلع وتتمضحك حقيرة
طلعت بسرعه واني جاوبته : اي وحدي ليش ؟

مؤمل : افتحي كام

ريم : لا لا مؤمل

مؤمل : شبيج عيوني هي كاميرا شمسويلج

ريم : مو هاي يعني

مؤمل : لتسلكين افتحي كاميرا بسرعه

ريم : شبيك خاف ياسر يجي لو همام

مؤمل : ياخي شعلية بيهم ريم لتخليني اصير عصبي افتحي ومعليج ترا روحي طلعتتت يعني لا حقيقه متهني ولا بالتليفون شطلعت هاي

ايدي كامت ترجف وفتحت كاميرا وياه

اول ما فتحت الكاميرا هو هم فتح ابتسم الي وكال : اهخخ شكد احب وجهج أنتِ شنو شارده من الجنه

كمت احس روحي مصخنه من كلامه

ابتسمت اله

وهو يضحك ويكول : اي ريم عندي موضوع وياج

جاوبته : شنو ؟

مؤمل : حددت العرس

ريم : شنووو ؟؟؟؟

مؤمل : شبيج شنو وشنو داكول حددت العرس

ريم : لااااا مؤمل لاااا شوكت حددته

مؤمل : شبيچ حتبجين أنتِ ترا عندج مُهلة اسبوع تجهزين ؟

صرخت بصدمه : لااااااااااااا

مؤمل : صووووتج ريم

ريم : لا لا عفية مؤمل لاا لا قليل شلحك

كال برود : عادي اصلا تلحكين واني ما احط هيج مده الا إذا متأكد عندج مجال .. وهاا عود ادزلج صور الغرف الي اشوفهن والي تعجبج كليلي

ضليت مفتحه عيوني بصدمه وتجمعت الدموع بعيني المده قصيرة شراح الحك نفس سالفة رزان ومن نركض ومنلحك

ريم : اي هاهيه هسه اكول لامي

مؤمل : راضيه

ريم : ما اجذب لا

مؤمل : لا راضيه

ريم : مو راضيه

مؤمل : خوش ضلي مراضيه .. اكلج امي تسلم عليچ

حصرتني الضحكه يكلب السالفه برمشة عين گلت
_ الله يسلمهاا سلملي عليهم وعلى اسيل هم

مؤمل : اي الله يسلمج

ورا شوية ضل واحد صافن بوجه الثاني ما عدنا مواضيع

كلت واني متردده : مؤمل

مؤمل : عيون مؤمل

ريم : انتَ تحبني من شوكت

ابتسم الي وما جاوبني

ريم : وياي ؟

مؤمل : اي وياج بس بعدين اكلج

هزيت راسي وكلتله : لعد روح نام وراك دوام وهاي تكعد من وكت

مؤمل : خايفه علية

شلون بيييي هذا يحرجني

ريم : اي لان خطيه فهد هم مثلك يكعد الصبح ف انت لتتأخر بالنوم حتى تكعد من وكت

مؤمل : كولي هل حجي لنفسج ادري بيج تسهرين

ريم : لا بس هسه من تجي المدرسه انام من وكت

ضحك علية لان اني احجي بجدية : عفية يلا عيوني روحي نامي أنتِ

ريم : وانتَ ؟

مؤمل : هم انام

ريم : لا اني حنزل اكول لامي

مؤمل : هسه؟ ساعه 1 بالليل ترا خاف نايمه

ريم : لككك لا انتَ متعرف بيتنا ل 3 بالليل يلا ينهمدون كلهم

ضحك وكال : خوش يلا مع السلامه

سديت المكالمه واني مشاعري متخربطه احس بفرح ونفس الوقت بتوتر لان المده قصيرة

نزلت جوا لكيت امي ومريم و زوزو و روان يمهم يسولفن

كلتلهم على كلشي وكالت امي :- باچر همام وياسر ياخذونا نجهز كلشي

وروان تضحك علية وتغمز

_______

مرت ايام واحنه كل يوم طالعين نجهز وهمام وياسر ويانهه تعبوا هم

رحنه كُلنه للصالون وبدت تمكيجني ام الصالون وكلسع اني اعلق علئ كلامها

_ لا مو هيج لازم حمره ترابيه احلئ

_ يولي يبنيه شبيج شسويلج تعلقين دخليني اشتغل

ريم : ايي ايي

اجت روان يمي تهمس

_ ريم كافي علئ كُلشي تعلقين شبيج

ريم : ما ادريي شغلها معاجبني لو مكيجه اني نفسي اشرفلي

روان : اهووو بس لتتفيكين وترا حلووو طالع المكياج

ريم : اي زينن وعيني انتِ طالعه تخبلين

روان : اووف شلون ويه المعجبين كافي اعرف نفسي اخبل

بقيت واكفه انتظر ست ريم تخلص مكياج طبعا كلنه خلصنه مكياج بس بقت ريم لان كلشي معاجبهه

اخر شي خلصت المكياج وعيونها مدمعه
وكفت هي وفستانها الابيض تجمعنا يمها وهي ترجف بحيث ريم الزم أيدها ثلج والرجف مو طبيعي

وكفت كبالها خاله رحاب وكامت تبجي : يمه بنيتي الحلوة شبسرعه كبرت وصارت عروسه

هذاك اليوم جنتي صغيره وتركضين يمي وتلعبين بألعابج ، وتتعاركين وية ياسر وهمام متعوفيهم
وشعرج الي خبلتيني بي وكلسع صابغته شكل
حضنتها وكامت تبجي كبالنا واحنه دمعنا روان هم راحت حضنت ريم بس تحاول تغير جو وريم تضحك وتكول

_ لحد يبجيني المكياااج

كالت روان بضحكه : مو جنتي تكولين ولا اخاف بعرسي ومدري شنووو

ريم : كلت بالعقد مو بالعرس

مريم : بس هم جنتي خايفه لتنكرين

رزان : ريم ليصير بيج شي ترا ايدج بارده ثلج وترجفين

كامت تقرا ايات بگلبها لحتى تهدأ لان ترجف وخايفه وكلسع عيونها مدمعه وخايفه حيل

بنان : حبيبتي ريم شبيج

ريم : بنان مادري مادري

بنان : يمعوده على كيفچ

كمنا نضحك وياها ونشاقيها لحد ما دك تليفون خاله رحاب وياسر كللها انتضركم برا

طلعنا من الصالون وركبنا بالسيارة ورجعنه للبيت ..

وصلت للبيت مالتنا ننتظر الزفه .. نزلنا كلنا وروان وراي تشيل بالبدله عيوني دمعت وردت ابجي ابوية وفهد تلكوني ومبينين مقهورين حيل

كلهم جانوا واكفين على اعصابهم حتى ياسر وهمام وحسن كلهم ضامين بگلبهم

طبيت جوا وبدت الهلاهل تركع واولهم هلهولة زوزو رأسا رحت عليها وبستها وهي تبجي

موقف كلش حزين روان تحاول تبين قوية وتضحك وتغير المود بس نفس الشي كله

كعدت عالكوشه وجني يمي البنات يسولفون وياي يهدون بية

بنان : شبيج خايفه ريم حبيبتي لتخافين

ريم : شلون بنان شوفي اني مخايفه بس راح ابجي مدتشوفيهم

بنان : خطيه مقهورين عادي اليوم بالنسبة الهم صعب وأنتِ اختهم الصغيرة

ريم : اوف الحمد لله

جتي روان : ريمه محتاجه شي تردين مي

ريم : اي حبابه اريد مي

راحت روان وشغلت رزان اغاني
والمعازيم هواي

انتبهت من بينهم جاين بيت عمو محمود وليان وخاله جمانه تفاجئت من جيتهم لان صارلهم فتره مقطوعين ..

جوي الناس يسلمون علية واني ارجف بحيث روان كلتلي : ريم ليصير بيج شي يمعوده اهداي

روان : روان شلون خايفه حيل ومقهورة على بابا واخواني مشفتيهم شلون شلون مدا اتحمل الموقف

روان : والله اني هم مدا اتحمل بس شنسوي عادي
اوف يلاااا شبيج تعاي نحش اخر حشه بليان

ضحكت وكلتلها : شبيها

روان : يمعوده مشايفتها صابغه شعرها اصفرررر

ريم : اي ولج جنه موزه

روان : شوفي دا اغيرلج جو

ريم : شو مركصتي

روان : حزينه عليج

ريم : لا ولج ذبي لحممم

روان : لا والله مقهورة عوفيني

ريم : اسح راح ابجي ما اكدر علئ فراقج ولافراق اهلي

روان : شسوين هاي سنة الحياة

ريم : صرتي تحجين مثل امي

روان : لان هاي الحقيقه بس والله راح ابجي بعد وياكن اسولف كلكم زوجتوا

ريم : ولج لتبجيني هسه اخرب العرس

روان : لا لا كافي قابل انتِ وين رايحه هوه بيت مؤمل زوجج الجنتي تحبي من بعيد صار من نصيبج ودائما حتجينه فعادي

ريم : اي اي صح

روان : ايي

ريم : تدرين روان انتِ بعد شنو كل حفله لبسي احمر يطلعج تجننين

روان : اي عيني يجنن علية الاحمر

ريم : اهخخخ حشتاقلج هواي روان

روان : واني هم صديقتي العزيزه

ريم : الي يسمعج يكول بعد محشوفيني

روان : لا لا اصلا انتي يوميه حتجينه صح ومو بس هيج اكو تليفون اخابرج فعادي

ريم : اي اي عادي

روان : قنعي نفسجج

ريم : لا صدك راح ابجي انتِ ويايه عليه

روان : ما ادريي كافي يلااا عاد هسه يجيج فارس المقنع ياخذج المملكته وتفوتون للغرفه وسون احم احم

ريم : طاحضج

روان : دي الحقيقيه

ريم : اهخخخه ايدي تترجف

روان : ترا مماخذيج للاعدام اركدي اقري ايات بگلبج هسه تهدين

ريم : اي تمام

______________

بنان
رحت للمطبخ خاله رحاب صاحتني على اشياء تريدهم

اخذتها العلاكه اريد اطلع طلعت بوجهي ليان

باوعتلي من فوك ليجوا بغرور وكالت. : سمعت بيج ولد

بنان : اي

ليان : وشبيج كالبه خلقتج اني شكلت

بنان ؛ مكلتي شي شوية خليني اطلع خالتي تريدني

ليان : جيبي اني اوديها لخاله رحاب

بنان : لا هي وصتني

ليان : انتِ شبيج ها شبيج ترا اخذها اوديها الها ماكو فرق

بنان : وانتِ شبيج لما شفتيني حتى سلام مسلمتي كبل رحتي على موضوع الطفل انتِ شنو مريضه نفسية ؟ حتى فهد طردج ومفاد لشوكت تضلين هيج

ليان : اوووه بنت الشوارع طالعلها لسان

بنان : احترمي نفسج شنو بنت الشوارع ترا والله اكول لفهد

ليان : اي حياتي كوليله لفهد ميهم وتعرفيني اني منو وشنو اكدر اسوي .. اصلا هذا الطفل إذا مخليته يوكع اني مو ليان

بنان : شنو يوكع انتِ شدتحجين وخري من يمي بسرعه

ليان : ومنو يكول هذا ابن فهد الشرعي ؟ يجوز مو ابنه كلشي نتوقع منجن هسه يطلع نغل مثل امه

ما احس غير فهد فات للمطبخ عصبي وراح علئ ليان وضربها راجدي ..

نهاية البارت
يتبع ..

أن شاء الله يعجبكم البارت وبال 5000 كلمة 💖

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور