مَالي أرى فِي عُيونِ الناس عَيناهُ
مالي أرى حيثُما أمضي مُحياهُ؟
أإختار سَكنًا لهُ في وَسط أعيُنِهم؟
أم أصبح الخلقُ للمَعشوقِ أشباهُ ؟.
>>>>>>>>>>>>>>>>
بنان : فهد بطني دتوجعني حيل
باوعلي بخوف عليه وگال : امشي امشي اوديج للمستشفى
بنان : يا مستشفى يمعود .. خاف تقلصات بس دتوجعنييييي
فهد : امشي اوديج
بنان : مااا ماا ماروح هذاك اليوم هم وجعتني شوية وراحت
فهد : لج بوية ميصير تضلين هيج مو ورمتي گلبي
بنان : غير تخرب ام الطلعه يا مستشفى فهد هسه اصير زينه
كعدت وهو اجه يمي ويهدي بية وگال : يا طلعه بالج يم الطلعه وصحتج وين راحت
بنان : فهد مابيه شي بس شويه دتوجعني عادي يمكن
فهد : ننتضر رحمة الله
باوعت لبطني حسيت الالم بدا يخف بس لحد الان اكو وجع جان اباوع علئ فهد دائما كُل ما اريد اسئله هل سؤال انسه گلت
_ فهد شتتوقع بنية لو ولد
باوعلي مبتسم وگال :- ما ادري
بنان : زين انتَ شنو تريد ولد لو بنية
فهد : اني ما اهتم كُلشي نعمه من الله واهم شي تمام الخلقه
دمعت عيوني واني اذكر كلام صديقة زوزو وگلت
_ فهد تدري شنو انتَ مو كلتلي كلشي كُليلي ؟
فهد : اي ليش شكو
بنان : اكو مرة صديقة بيبي تكول زوزو يعني هي كُلشي تعرف من الوجوه فـ كالت لروان بيوم عقدها انتِ مدري شنو ما اتذكر زين بس كلتلها عندچ فرحه مراح تتم وفعلاً ياسر تصوب
فهد :هـاا وانتن الفاهيات صدكتن
بنان : والله كلنا ما صدكنا بس مادري شلون هيج صار وياسر هيج صار بي
فهد : هذا قدر الله شنو تعرف من الوجوه
بنان : لعد اسمعني ، هي كلتلي أنتِ ديري بالج على الروح اللي ببطنج لان بعد مراح تصير عندج خُلفه
فهد : وهم صدكتي أنتِ
بنان : والله ماصدكت بس خايفه كلامها ببالي وخوفني حيل وخاف يصير شي بالطفل لو يموت
عدل كعدته وخزرني وگال
_ شنو هل حجي هذا بيش طالبه نفسج سكتي .. وهيه اصلا منو تكعد وتفسر بكيفها شنو هاي المعتقدات وانتن منا فاهيات وتصدكن كُلشي ينحجي
بنان : لا والله ممصدكه اني حتى روان ممصدكه بس خفنه من الكلام لان ياسر تصوب وهي كالت اكو فرحه متتم
فهد : بوية شداكول اني هذا قدر الله مو تجي هي بكيفها تحدد خوش يلا سدي الموضوع ما عجبني
بنان : خايفه على الطفل فهد
فهد : حبيبتي أنتِ ليش خايفه هسه بس نرجع نروح دكتورة ونشوف .. هسه شنو بعد اكو وجع
هزيت راسي بـ لا
فهد : لعد نامي شوية ارتاحي الطريق جان طويل وحتى من نكعد نطلع اذا زينه
ابتسمت اله وگلت : انتَ أكثر شخص احس بأمان لما اكون وياه وما احس بخوف .. وحتى لو جنت خايفه كل خوفي يتبخر
ابتسملي وگال : وأنتِ اكثر شخص ارتاح من اشوفه
كُل تعبي يروح بمجرد نظرة لعيونچ السود ..
ابتسمت اله وحظنته حيل وبعدها بديت شوي شوي اغفى وهو يمسح على شعري بهدوء
________
روان
ملتمين كلنا بالغرفه كاعدين
ريم كالت : اكلج روان ما اجاني نوم
روان : ولا اني اكلج صليتي المغرب أنتِ
ريم : يوووه منزمان
روان : لعد شنو رأيچ نطلع
ريم : وين نطلع
روان : باعي اكو سنتر يجنن هناك قريب
ريم : والله ؟
روان : اي والله شبيج
ريم : زين شلون لازم مؤمل يدري
روان : هو المفروض ياسر هم يدري .. اريد أخذ رزان بس شنو خاف ايهم يكول للولد
ريم : يعني تردين نطلع وحدنا
روان : ايييي حتى شنو بالليل هم نطلع خاف يكولون طلعتوا وبعد ميطلعونا
ريم : اي والله لعد باعي حكول لـ امي
روان : امشي
رحنا لخاله رحاب كلنالها : اكلج خاله أني وريم راح نطلع
رحاب : يا يمه صخام وين تروحن
ريم : لا يمه شبيج مو بعيد هنا كبال الفندق بس اريد فلوس
رحاب : لج عيني وين رايحات غير احد وياجن
ريم : يممههه شبيج اعرف أبوية هسه يكول طلعتن بعد هاهيه متطلعن
روان : اي حبابه خاله والله منتأخر ركض نجي هياته شوفي من الشباك قريب حيل
باوعتلنا مبينه متردده گالت : ركض تروحن وتجن هياتني يم الشباك اباوع عليجن
ريم : يمههه وين تشوفينا
رحاب : ولي اشوفج مو هياته قريب شفته
روان : خالههه احبج
رحاب : يابه اذا تأخرتن بس خمس دقايق
ريم : اوك اوك امشي
دنريد نطلع چان تندك الباب
باوعتلي ريم : شلون شغله منو يجيييي
فتحت الباب طلعت بوجهي رزان
انصدمت وكالت شنو وين رايحات
ريم : هنانه منتأخر نشتري غراض
رزان : ومنو وياكم
روان : محد هسه نروح ونجي شني وحدتنا زلمههه
ريم : مينخاف علينه يابه
رزان : لعد اخذوني وياكم بس اكول لايهم واجي
ريم : باعي كوليله بس شنو ديرباله يكول للولد خوش
رزان : ايي
روان : رزان كولي لـ ايهم بس ليكول للباقين
هزت راسها وراحت ركض كلتله و اجتي
رزان : لعد وبنان
روان : اممممم بنان لتخافين عليها يم رجلها يطلعهاااا
ريم : يا ولج حاطه عينج عليها
روان : لا اتشاقه بس خطيه حامل وخاف تعبانه
يلا امشن
طلعنا سويه نزلنا وحده مچلبه بالثانيه
ونمشي نمشي إلى أن وكفت على صفحه
ريم عاطت : خبلهههه شعرج نصه طالع هاي شلون لفيتي حجابج
روان : شمدريني ماعرف حبابه سوي
وكفت تسوي الي وهي تدردم : الله يساعدك ياسر اهخخ يا خويه يا مكرود چنك اني
باوعتلي رزان : لج ريمم مو هيج هسه هم يطلع شعرها
روان : شنووو هاي واذا شعري كفشه هيج الحجاب ميتحمل شعري وكلسع يوكع شو وخرننن
لفيته لفه تضحك بس جان كل شعري مضموم وهنه يهزن ايدهن بضحكه
ريم : بس والله لايكلج امشي عيني خل نطب
طبينا للسنتر ضلينا فاتحين حلوكنا سوينا هجوم
رزان راحت بغير جهه تدور غراض
واني ضليت صافنه ششتري
سحبتني ريم حيل گالت : اكلج شوفي هذا الدفتر عجبني
روان : يعني أنتِ جايه تشترين دفترررر شتسوين بي؟
ريم : لااا مو باعي هذا الدفتر مميز راح اشتري اكتب بي عبارات مال حب لـ مؤملي عكس ذاك عبارات حزينه فهمتيييي
روان : ايي وبعد كم سنه هم اشتري دفتر واكتبي عبارات مال مطلقات
ريم : بيش طالبتنيي عينيي
روان : والله الي ياخذج شهرر ميطول وياج
ريم : اذا اني شهر انتِ يوم ميتحملج
روان : لتخافين اخوج المكرود يتحملني
ريم : ايي عاديي خلي يتحملج وازركم بسحرر هل مره سادسي الابعاد وخوش اطيح حضكم واخليكم مالخ من الشعر
روان : هوه احنهه منو ولا شي صاير مكافش وانوبه سحر لا ربحنا
ريم : المهم باعي اشتري سوار
روان : لاااا ياسر هو جابلي سوار اريد اجيبله غير شي
ريم : جيبي اله امممم تدرين خيولي لجيبين اله شي ميستاهل
روان : انجبي هذا يَسورتي .. لا لا دقيقه راح اشتريله ساعه
ريم : صدك ششتري لهذا الميحس
روان : عكسي اشتري اله سوار
اجتي رزان وگالت
_ روان ريم خلصت اني انتن خلصتن
ريم : لا عفيه شنو بعدني
رزان : استعجلوا عفية ميصير ترا
روان : هسه هسه
ما حس غير صوت ياسر وراي يضحك ويكول : ها عبالچن تجن لوحدجن
التفتنا بصدمه لكينا ياسر وهمام ومؤمل وأيهم أربعتهم جايين
روان : يمهههه شجابكم
گال ياسر : ايبااااهه شجابنا سمعتوا عمي
روان : ايي شجابكم
ياسر : يعنييي تريدينهه نخليكم وحدكم تطلعونن بنص الليل تفرفرن
روان : ترا مطالعاتت هياتهه قريب يم الفندق
ياسر : حتئ لوو لازم نلحكم
اباوع علئ رزان تعصبت وباوعت لايهم تخوزره وهو يضحك
ايهم : شبيچ حتاكليني
رزان : اني مو گلتلك لتكول
ايهم : شتريديني اعوفج وحدج مخبل انيي
دارت وجهها وراحت يم ريم ومؤمل مچلب بي همام ميخلي يتحرك
باوعت ياسر اجه سحبني وگال
_ شبيچ خايفه تعاي اشتري شتردين
خزرته وگلت : يعني هسه الا تجي غير ردت اجيبلك هديه مفاجأة اهمداني يا مفاجأة هاي
ياسر : فديتج عمي وفديت هديتج والله أنتِ الهديه
روان : خربت المفاجأةةةة
ياسر : معليج هسه نصلحها شردتي تشترين
روان : ساعه
ياسر : تعرفيني شحب تعاي تعاي خلي اختارها
روان : هااااا وتكول اصلح المفاجأه دروووح خربتها وخر وخر خل ارجع بعدين اشتري من غير مكان
ياسر : تعاي وين
روان : مااا مااا وخر
سحبني من ايدي وگال : ولج فضحتيناا .. تعاي اختاريلي يلا كدامج
باوعت اني اعرفه يحب الساعات الفضية هواي
اختاريت اله وحده وكلتله : هاي حلوه
ياسر : تجنن لج عمي شنو هل ذوققق
روان : شعبااالككك
ياسر : هيهيهيههيي .. يلا يلا هسه أنتِ شنو تردين
روان : شنو
ياسر : اشتري الي يعجبج
روان : احب اشتري كلاده بس دقيقه عجبتنييي وحده
رحت ركض عليها وكلتله : لا لا ماريد اريد انتَ تختارلي
ضل صافن يختار من بينهن اختاري وحده كلش ناعمه على شكل قلب وهم فضه
- هاي هم فضة حتى بلون الساعه ..
روان : شوف هي مدام من يسورتي تجننن
ياسر : خجلت عمييي اكلج مو كأنوا تأخرنا وين الباقين ريم ورزان
روان : مادري تعال نشوفهم
رحنا حاسبنا الغراض ولكيناهم برا ومؤمل و همام ديتعاركون
___________
ريم
وكفت بعد مخلصنا و رزان وأيهم رجعوا للفندق
مؤمل گال : تعاي ريمتي
باوعت عليه بخوف وهمام خازرنا اثنينا
همام : ماكو تعاي يمي
واني احس فرحانهه واغور بي بس من داخلي احس بضوجه
اجه سحبني من ايدي وگال :- حاخذها بالسيارة شويه
سحبني همام من ايدي الثانيه وگال : خلي سيارتك الك واختي يمي يلا يلاااا
مؤمل : دمشي لك تعاي ريم
اني ضليت ساكته واباوع ع الموقف الي يفشل
همام : ولي متجي وياك وياي
مؤمل : لا تجي وياي
همام : مااااكو مو زين خليتها تجي وياك بسيارتك
مؤمل : ترا مرتي ترا اشهركم اذا متنطينياها
همام : لا والله وشتسوي خويه
مؤمل : مرتيييييييييي
كلت بخوف لـ همام : خل اروح ويا خطيههه
خزرني وگال : لا لا عينك عينك تريد تروح ماكككوو
مؤمل : تريد تجي شو وخر ترا مرتيييي مرتيييي
اجه سحبني منه وطلعوا روان وياسر
شافنه ياسر اجه كبل علينه واني فلتت لروان
ياسر : خيركم شو عالكه بينكم
مؤمل : كول لاخوك هذا الحاشر خشمهه بينه خلي أخذ مرتي ياخي اريد اطلع وياها
ياسر : حبيبي شنو تاخذها ماكو متاخذها
مؤمل : ترا ذليتوني شسالفتكم ترا اجيبلكم دورية تلمكم وكبل للسجن واخلص منكم وأخذ ريم
ابتسمت واني اسمعه هيج يكول اخر شي رجعنا مدري شلون مشيي للفندق وكل وحده هي وعلاكتها
ريم : اكلج باعي اشتريت لمؤمل سوار حلوو ؟
روان : يعنيي حلوو ايي عيني ايي اشتريله
ريم : كبت الغيره
روان : وليي تعرفين المن جيبين هداياا واني اني صديقتجج مذكريني بحاجه
ريم : اكو من يذكرج ميحتاجج اذكرج اني
روان : المهم رزان وينها
ريم : اختج ملتهيه هي والحب مالتهااا عينيييي بحالناا
روان : مو اكول خايناتتتت
ريم : اي بس ترا أنتِ هم خنتينا لتنسينننن اوك
روان : اي اي اي
ريم : اي .. اكلج اني شلون بأخواني المخابيل لج ماكو مداكدر اكعد ولا احجي وية مؤمل مثل الغربه هي هاي فترة الخطوبه الله يچرم
روان : معليج معليج هسه احجي وي ياسر
ريم : تحجين ويا بس ميفيد لان راسه يابس
روان : يمعوودهه عاديييي هسه بعدين يتغيرون
ريم : اووف ميتغيرون ولكم اني هم اريد تحجي وي حبيبي شسالفه ترا ميصير هيج
طبينا للفندق ورحنا للغرفه مالتنا
وبعدها رأسا نمنا
____________
بنان
كعدني فهد وهو يكول :- يلا بنان راح نتجمع جوا حنطلع
بنان : ها وين لسوك
فهد : اي يلا
كمت بدلت ونزلنا اني وفهد جوا ننتظرهم وكلسع يعيط علية
فهد : لج بوية لا تمشين بسرعه شلتيني شل
بنان : دامشي علئ كيف بس لتعيط
فهد : اي اوكفي خل ننتضر الباقين
بنان : شو اول ناس احنه
فهد : اي احسن هسه خل اخابر على ياسر يهجم الدنيا ميفيد بيهم بس ياسر
شال تليفونه ودك على ياسر
- اسمع بسرعه شتسوي سوي بس جيبهم كلهم خل ينزلون جمعهم .. اي كلهممم دننتضركم جوا احنه ياويل اليتأخر
سد التليفون وهو يباوعلي : والله مال هسه اخذج واطفر بيج هذوله المخابيل مو مال طلعه وياهم شفتي شلون متأخرين
بنان : خطيه عادي واذا هسه يجون اذا همه هواي شلون لعد تريدهم رمشة عين يجون
وكفنا ننتضرهم لحد ما شفناهم كلهم نزلوا
فهد : خما تتعبين نروح بالسيارة
بنان : لا لا ماريد بالسيارة وياك اريد
فهد : خوش
نزلوا كلهم وتجمعنا وسوالف وضحك
ياسر گال : شوف كلهم جبتهم بعد شتريددددد
صفن فهد علينا وگال : وين ريمه
همام : وين مؤمل ؟ ها يعني ثنينهم ماكو
روان باوعت عليها مغلسه ولا يمها يعني تعرف وين
نغزتها وهمست : وين ريم رواننن ؟؟؟؟
روان : اوي شبيج شمدريني يجوز طالعه ويه مؤمل خطيه خلي ترفح عن روحهااا
بنان : ها يعني تدرين
روان : اممم لا مادري
بنان : وانتِ رزان
رزان : واني شعليهه شمدرينيي
اشتعلت الدنيا وعمي يدك على مؤمل ميجاوب وفهد وهمام والكل خبصوا الدنيا على مؤمل اخر شي مؤمل دك على فهد وفعد فتح السبيكر واجه صوت مؤمل يضحك ويكول
- روحو عيني كملوا طريقكم اختكم ويايه اقصد مرتيي العزيزه ويايه
فهد :يعني هسه اخذتها بسيطه مؤمل انتَ بس ارجع واني اعلمك جيب ريم احجي وياها
- روح بابا روح يا ريم
عاطت ريم : فهددد زينهه انييي
سحب التليفون همام : ها ريم شلونج وين انتوا
- اني زينههه مابية شييي
واجه ياسر: دجيب احجي وية اختي .. ريممممم يمعووووده شلونج
ريم : ما بية شييييي موهنديس ياسر
بعدين عمو محمد حجه وياه ومؤمل گله هيج دنفتر بالسيارة ونرجع
كملنا طريقنا وصلنا السوك وهذا فهد خبلني
بنان : فهددد ايدييي
همس وگال : فهادددد شمسويلج متكليلي وين اضمج بعد وماخلي الناس تشوفچ
بنان : ليش تضمني خلي يشوفونيييي يشوفون جمالي
فهد : شلون تريد اطيح حضها
بنان : والله ايدي حتنكسر اعصابج سيدي
فهد : معليج ، وامشي علئ كيف بالشارع
بنان : شنو يا شارع
فهد : شو صاير عندج غباء
بنان : منوووو انيييي ؟
فهد : لا جدي اييييي أنتِ يعني داكلج امشي علئ كيف بشارع وانتِ تكُليلي يا شارع
بنان : وخر عوفني زعلت
فهد : لا والله حلوة هاي تعاييييي
لزمني حيل من ايدي واني متعصبه امشي فجأه شفت محل مال ملابس اطفال
بنان : فهدددد شوف شوف
فهد : شنو ؟
بنان : ملابس مال اطفال تعال حباب بس اشوفهم
رحت عليهن بفرحه واباوع واكلب بيهن
وما ادري ليش بدون سبب رحت على ملابس البنات كلش احبهن .. شلت فساتين ثنين صغار كُلش
بنان : ياهو الاحلى هذا لو هذا
فهد : شلون تشترين بعدنا منعرف جنس الجنين
باوعت عليهم وعيوني تلمع وگلت : مادري حبيتهن
فهد : ما اكسر بخاطرج درابين گلبي أخذيهن
بنان : لا حاخذ فستان مال بنات وأخذ مناك طقم مال ولد يعني عادي شيطلع ولد لو بنية مشترية
ضحك وگال : شمشترية تجهيز كامل قابل
بنان : لتضحكك ترا عجبوني هسه شوف ميعجبوك
باوع عليهن مبتسم وگال : لا والله حلوات
اخر شي اشتريتهن وطلعنا نمشيي جان يكول
_ تردين عصير لو موطه
بنان : لا مادري لعبانه نفسي
فهد : لعد جوعانه ناكل بفد مطعم نتعشه
بنان : مادري
فهد : لعد شتدرين أنتِ
بنان : عوفني وخر ترا ازعل
فهد : هاي شبيج
بنان : عوفني راح ابجي
فهد : هوه شكوو شبيج
بنان : والله راح ابجيي
وكف فهد لزمني من ايدي وگال : شكو بنان شبيج
بنان : ابجيي والله
فهد : ليش تبجين
بنان : ما ادري
فهد : هرموناتج شتغلت هسه مو
بنان : دتقلد عليه
فهد : لا
بنان : عوفنيي
فهد : باعييي بويهه طفي هرموناتج هسه لتفضحينه بس نرجع بالبيت ابجي ركصي غني لطمي براحتج
باوعت عليه ردت استفزه : ايييي هسه ريم وين وي مؤمل
بقه صافن عليه وگال : اشوو غيرتيي الموضوع بسرعه
بنان : ما ادريي عجبنيي
فهد : مصارت هرمونات صار انفصام
بنان : المهم ريم هسه وي مؤمل مووو
أندار علية وگال : والله متحلف بس يرجع اعرف شتصرف وياه
بنان : خطيه ترااا خليهم يتونسونننن ترا مخطوبين
فهد : اي مخطوبين ايي خليهم شعلينااا احنه
بنان : هسه شديسونن سوه
خزرني وگال : انجبيي بنان
ضحكت وگلت : اي هاهيه
فهد : تضحك الفاهيههههه لج بوية سكتي
بنان : اي ترا سكتت اوي شبيك
فهد : لتكولين اويي
بنان : اويي
فهد : دخلي نرجع
بنان : شتسوي؟
غمز وگال : تعرفين شسوي
بنان : فهد تراااا حاملل انيييي ميصيررر
ابتسم وگال : وانتِ شكو تفكيرجج راح بعيد ترا حباب اني
بنان : ايي حيل حباب
________
روان
جنت دا امشي وية رزان ونسولف
روان : فدوة باعي بنان دتشتري ملابس مال جهال حروح وياها
رزان : وين ابقي يمي
روان : ريم مكانها خالي العوبه
أندار علينا ايهم كال : تردون دهينه
الكل رد بـ اي
ياسر وهمام وفهد وجوههم مكلوبه حيل لان مؤمل ماخذ ريم
رزان : يمهه باعيهم واحدهم ميتحاچه هاي كله علمود ريم
ضحكت وگلت : ديتعاركون الكل عليها مكروده على كولتها ما جذبت
رزان : يلا خطيه .. فهد وبنان عود اول ناس طلعوا واخر ناس ديمشون
روان : لججج عيني چا غير يخاف على اخيتج الحامل
رزان : حقه يخاف هذا الطفل الاول
روان : ايي عينييي
التفت علينا ياسر واجه يمي
ياسر : رزان عيني من رخصتج رجلج يريدج توكلي
رزان : تطردنيييي من يم اختي التؤاممممم
ياسر : چا غير مرتي اريد اضل يمهاا
هي ضحكت واجه ايهم اخذها وسوو انسحاب تكتيكي
روان : اييييي
ياسر : اييييي ؟
روان : خير شكو شنو شرايد
ياسر : شرايد ؟ غير مرتي وجاي امشي وياج
روان : امممم صدك شلونها الساعه مالتك عجبتك
ياسر : حيل بس ممتعود على رومانسياتج عمي
روان : هو انتَ متمشي الا بالعين الحمرا
ياسر : دمشي لج انتِ انطيج بوكس تضلين واق ويق
روان : لا اني اضربك
ياسر : مصدكه نفسچ
روان : اييييييي
باوع علية ويخوزر : لتكمزين شني هاي شوية ثُكل
شهكت : هاااا اني خفيفه ؟
ياسر : اي
روان : يعني اني
ياسر : ايييييييي شوية دكي ثكل
روان : انييييييي ؟؟؟؟
ياسر : راح تزعلين
روان : وخر ياسر وخررررر
لزمني من ايدي : وين وينن
روان : يم خالهه رحاب يعني انتَ جيت طردتت رزان المسكينه حتى تحجي وياي وراها تكلي خفيفه وخر زعلت يا يوم اني خفيفه اصلا
گام يقلد عليه ويكول : ساعتين اباوع عليج تضحكين هيهيهي وههههو
روان : غير داسولف وبيناتنا اني واختي قابل دا اضحك للناس وخر ياسر وخر زعلتني
ياسر : ماكو متزعلين تعاي
روان : وخرررررر
وخرت من يمه وهو ضل يياوعلي صفح ومبين هم زعل
رحت يم خاله رحاب : ها خاله شلونج
رحاب : ها يمه شنو شبي ياسر وياج مكلوبه خلقته
روان : خاله علمود ريم ضايج مشفتي حتى همام
رحاب : اي يخافوننن عليها
روان : قابل حياكلها مؤمل
رحاب : شنو خاله شكلتي
روان : لا ماكو شي هيج
ادور ارجع اباوعله يمشي يم همام وميباوعلي يعنيييي زعل فوك ما يحجي عليه
_______________
ريم
قبل لا يطلعون همه كعدت روان كتلها حفتر هنا شوية بالفندق وارجع عبالك مدري وين
طلعت اتمشى ماحس غير ايدي انسحبت حيل
التفتت مخروعه وگلت : يمههههه
مؤمل : اني اني تعاليييي
ريم : وين وين
مؤمل : دمشيييي
سحبني حيل كمت ما الحك صعدنا بالمصعد نزلنا عسريع جوا ويجر بية جر
ريم : يمه لتخطفنيييي وين ماخذني
مؤمل : هو صدك راح اخطفج بس مو الي بالج تعايييي
ريم : والله اعيطط هسه
مؤمل : شتعيطينن غيرر رجلج اني
ريم : مااا مااا عوفنيي
يجر بيدي والدمعه بعيني عاصية اخاف اطلع
لحد ما ضل يركض وهو لازم ايدي سيارته جانت بكراج الفندق
لما سحبني حيل وكعت وأيدي ورجلي تعورن
نزلت دموعي وكمت ابجي لان صدك تأذيت
كعد يمي يمسح دموعي على كيف : سلامات سلامات اسف والله ما ادريي
ريم : وخر وخر باع ايدي تعورتتت
مؤمل : هسه اجيب لاصق جروح بس كومي
كمت ودموعي تنزل ورجلية هم توجعني
ركبت السيارة وهو مبتسم رأسا برمشة حرك السيارة وطلعنا
ريم : عفية وين ماخذني غير اكول لابوية واخواني ميصير
مؤمل : لچ بابااااا اذا تكوليلهم فهد وهمام وياسر ينبصون خشمهم ويخرب كلشي .. يعني شنو حسرة علية اطلع وياج وثانيي شيي زوجججج اعتبرر انييي يعني انتِ تعتبرين مرتيي جاي اتحسررررر شنيهاي
ريم : خطيه والله ترا يخافون علية غير اني اختهم الوحيده
مؤمل : زينننن اني شعلية غير اريد مرتيي المهم لتفتحيلي موضوعهم خلينا نتونس
باوعت لايدي وگلت : شنو نتونس و ايدي دتوجعني
مؤمل : صبري دقيقه
ورا دقايق طبك السيارة يم صيدليه نزل جابلي لاصق جروح ومعقم واجه صعد
كال :- جيبي ايدج
ريم : لا جيب اني اخليهم
سحب ايدي وگال : هم عندج خيط عناد مثل فهد
مرديت عليه وهو يعقم ايدي وحط اللاصق
مؤمل : جيبي رجلج
ريم : عزاااا يا رجلي جيب اني اعقمها من ارجع
مؤمل : لا دجيبي
خنزرت عليه وگلت : ماااا
مؤمل : بكيفچ هاج
مؤمل : اهخخ ريم لو تدرين شكد احبج
باوعت عليه مبتسمه كلت بگلبي " زين لو تدري اني من شوكت احبك ؟"
مؤمل : احبج واحب كُلشي بيج عيونج صوتج حركاتج وشعرج الاصفر حتئ لما صبغتي بنفسجي
ريم : ايي وحصبغ عن قريب ازرك
جان بسرعه يجر شالي وشهكت گلت
_ شبيك ليش جريته
مؤمل : عبالي صابغتهه حتئ اعرف شسويلج
ريم : واذا صبغته
مؤمل : ماكوو بقي هيج
ريم : عاجبني هيج
مؤمل : ماكوو المهم لتخربين جوي مو داحجي
ابتسمت وگلت : احجي
مؤمل : المهم احب حركاتج تضحك وتجنن نفس الوقت احسج طفله لما تبجين على أقل شي .. حساسه أقل شي يجرحج .. خجلج ومن خدودج تصير حمرا .. ما انسى بموقف العقد مال أيهم من غمضتي عيوني وتكليلي لتباوع .. أنتِ لما نتزوج يمكن احطج كبالي واصفن عليج ريم احبج حيل رغم المواقف الجمعتنا قليله بس احبچ اكثر من كلشي
دمعت عيوني وكمت امسحها
لان صدك احبه واحبه حب مينوصف
- أنتِ تحبيني ؟
صدمني سؤاله وبلعمت
عاده مرة ثانيه وهو يسوق
- ريم أنتِ تحبيني
رفعت راسي وباوعت عليه وعيوني تدمع ماعرف شكول
هو باوعلي ورجع كال : ليش تبجين عيوني أنتِ شكلت اني بس سؤال وسألتج
حسيت انحرجت حيل واكتفيت ساكته
ورا شوية كال : حنتعشا
طبك السيارة يم المطعم ونزلنا تعشينا ورجعنا للفندق
_____________
بنان
رجعنا وصار ليل وبعدهم مؤمل وريم ما اجويي والجوو متكهرب وفهد كلسع يدك علئ مؤمل ومؤمل ينطي رفض ومتخبل ..
لحد مكاعد هوه وكلسع يدك علئ مؤمل لان تأخروا واني كاعده اعدل بالغراض لان مضل شي و نروح
جان يجاوب مؤمل وجان صوت عالي فلهذا اسمع حجي مؤمل هم اول مجاوب مؤمل فهد استلمه وگال
_ ابن الكلب كوا* وينككك هسه ترجع وجيب ريم
واسمع ضحكات مؤمل يكول الـ فهد
_هايي فرصه ثمينه مصير دائما فأنتظروا شويه ونرجع اني ومرتي وحبيبتي لتخاف ما اسويلها شي
فهد : ليش هم مفكر سويلها شي حتئ اشكك ثنين حيوان ارجعوا يلاا
_ ريمتي الحلوهه نرجع هسه لو ناخذلنه فره ثانيه
اسمع صوت ريم تكول
_ فهدد والله معليههه
مؤمل : يعمريي ليش تبررين الاخوج ميحتاج قابل طالعه ويي غريببب غير ويي زوجج وحبيبج
فهد : انجب ومن شوكتت صرت زوجها عود بس تعرسون بذاك الوكت احجي ويلا تعال
مؤمل : يلاا عاديي مضل شي للعرس
فهد : انجب وتعالوا حتئ نطلع
طلعنا كُلنه بقينه ننتظرهم لان حيل تأخروا بهل اثناء اجت سياره نزلت ريم تعرج ومؤمل يمها يريد يلزم ايدهااا بس هيه توخر عود تستحي
اباوع علئ الوجوهه كلهم مدلغمهه ومخنزرين وشافوها تعرج لو تخبلوا بالزايد واني والبنات واكفات علئ صفحهه نضحك
اجت ريم ولزمها فهد وهوه مخنزر گال
_ شبيج تعرجيننن
ريم : هـاا شسمه وكعت
باوع فهد علئ مؤمل الي يضحك بخباثه گال
_ ليش مأذيها
نبت ريم وگالت
_ معليه اني وكعت
ياسر : معليج انتِ
سكتت واجت وكفت يمنه مدلغمه واحنه نضحك جان همام يكول
_ وين جنت ماخذها غيرر تكللنه
مؤمل : الله وانتو راح تخلونا اذا متحشرون نفسكم ويانه مترتاحون وثاني شي مطالعه وي غريب طالعه وي زوجهاا ياعالم زوجهاا
ياسر : بعدكم ممزوجين
مؤمل : ليش عيني لعد ذاك اليوم منو عقد
فهد : وليش تعرج
ضحك مؤمل حيلل وو اباوع علئ ريم صارت حمره جان يكول
_ مو وكعت شبيك خطيه سوده عليه مرتي وكعت
همام : وليش خليتها توكع
مؤمل : واني شمدرينيي
ياسر : حتئ لوو متخليها توكع
مؤمل : خوش استاذ ياسر
اندار فهد علئ ريم وگال : سوالج شي
ريم : هـاا
فهد : وجعاا هذا سوالج شييي
ريم : لا والله لا
فهد : اكيدد
ريم : ايي والله
شو منشوف غير تقرب مؤمل يم فهد وشاوره وفهد نزل بي سب وفشار ورهاا ركبنا بالسياره حتئ نرجع بس هل مره ..
فهد جر ريم ويانهه مخلاها تركب بسيارة مؤمل ومؤمل دلغم وفهد يضحك عليه فكعدت ويانه ورجعنا كلنه ..
اول مرجعنه رجع مؤمل الـ بيته واحنه رجعنا وكُل واحد راح لغرفته راح عدل غراضه ونام لان تعبانين من الطريق ..
كعدت من النوم وجان الكه فهد كاعد يمي وديشتغل جان يحس عليه ويكول
_ صح النور
بنان : اممم بيش ساعه
فهد : حصير بالاربعه العصر
هوه گال هيج واني شهكت گلت
_ عزاا هاي شكد نايمه انيييي
فهد : اي والله غير انتِ وكلسع اجي اتفحصج اكول خاف صاير بيها شي البنيه وانتِ بسابع نومه
بنان : غير تكعدني يا فهد
فهد : كُل ما اريد اكعدج انتِ متكعدين نايمه
بنان : انتَ متعرف تكعد
فهد : جربت كُل الطرق ومكعدتي شسويلج
بنان : ليش شسويت شو محسيت؟
سد اللابتوب واندار عليه وابتسم وگال : بستج بشعرج الحلو ومكعدتي نزلت للخد ومكعدتي نزلت للشفه ومكعدتي نزلت للركبه ومكعدتي نزلت لل..
ديكمل كلام وگلت : كافي كافي لتكمل
فهد : ليش خلي اكمل حتئ اكلج جربت كُل طرق بس مكعدتي يـ حلوه
بنان : اي اي ، يلا لعد خلي انزل عيب هواي نايمه شيكولون عليه تنبل مال نوم
فهد : دكعدي كملي نوم معليج بيهم
بنان : لا خلي انزل كافي شبعت نوم
فهد : زين اذا انتِ شبعتي نوم اني مشبعت بوس تعاي اكمل
بنان : فهدد كافي
فهد : فهاااااد كافيييي
رحت كمت طلعت ملابس حتئ افوت اسبح جان يكول
_ تريديني اساعدج
بنان : لا شكرا
فهد : لا خليني اساعدج مو اخاف عليج اني وعلئ ابني ما ادري بنتيي وانتِ مابيج حيل سبحين فتعاي
بنان : لا لتخاف اكدر اسبح
فهد : براحتجج بس هاا علئ كيفج امشي
بنان : دامشي
فهد : اي امشي علئ كيف
رحت سبحت طلعت لبست دشداشه وكفت كدام المرايهه انشف بشعريي وهوه كلسع ياخذ لمحه عليه ورهاا عدلت شالي دانزل جان يعيط
_ وين وين
بنان : غير انزل
فهد : تنزلين هيج شوفي دشداشتج ضيقه
بنان : وي الضيق بيها ترا زينه
فهد : لا لا غيريهااا
بنان : فهد والله بالكوه بدلت مابيه حيل كُلسع انزع وابدل
فهد : من دنعل ابو التعب تتعبين وفهدج يمج تعايي درابين گلبي اني انزعج وابدلج ادللي
بنان : فهدد مو وكت سوالفك يلا حنزل
فهد : جربي نزلي حتئ اجي اجرج واشك دشداشه عليج شوو حاب اجرب الشعور
بنان : تحجي صدك؟
فهد : اي والله قابل مجذب عليج قبل
بنان : عوفني فهد والله تعبانه
عفته فتحت الباب داطلع جان يجرني من ايدي ويسد الباب حيل ..
وبحركة سريعة شك الدشداشه من فوك ليجوه واني تفاجئت من حركته عطت ورحت جريت الملحف الف نفسي بي ..
هوه واكف يضحك ويباوعلي وگال
_ هسه ارتاحيت بس تدرين حلوو شعور فشنو بعد كُل متلبسين دشداشه متعجبنيي اشكها
دمعه بعيني من الفشله گلت : فهد شبيك هيج سويت
فهد : هاي شنو راح تبجين علمود دشداشه
بنان : لاا بس شنو متستحي انتَ شلون تشكها هيج
فهد : كتلج نزعيهاا مقبلتي شسوي وثاني شي شكو مستحيه ترا زوجج انييي اغاتي
كمت ابجي وگلت : وخرر فهد وخر بعد ما احبك والله بطني دتوجعني وبالكوه بدلت واجيت انتَ شكيتها هسه
فهد : يمهه مريتي دتبجي تعاي تعاي لتبجين مسحي دموعج واني ابدلج هسه شرايدلها لتبجين
راح للكنتور طلع دشداشه واجه عليه ديريد يبدلي دفعت ايده وگلت
_ وخر فهد
فهد : تعاي بويه ابدلج شبيج
بنان : وخر جيب اني ابدل
فهد : لا مابيج حيل
بنان : مااا عوفني
فهد : هسه علئ شنو مستحيه عساس مشايف
اجه يمي ديلبسني بس مغطيه نفسي بالبطانيه جان اباوع عليه ودموع بعينيي من الموقف گلت
_ انتَ صدك واحد متستحي
ضحك وگال : ادري
بنان : لتعيدها بعد
فهد : هسه بويه شسوينالج اشو طالبتني طلابه
بنان : ابد كُلشي ممسوي
لبسني البدايه وگالت
_ وخر اندار خلي انزل دشداشه
فهد : ميحتاج اني انزلها الج
بنان : فهد وخرر
جان يبوسني من خدي وگال
_ يلا عادي لزعلين
دار وجهه وبس يضحك واني نزلت الشداشه جان يكول
فهد : هاا بشري كملتي
بنان : اييي
بهل اثناء جان يندك الباب راح فتح الباب طلعت ريم
فهد : هاا ريم
ريم : اجت خالة بنان والبنات احلام هيه وزوجها
فهد صار عصبي رأسا نزل ونزلنا كلنا وراه لكينا الطرمه مخبوصه والولد كلهم موجودين وعمامي
لكيت روان واكفه هي ورزان هم يمهم والكل
بنان : شكو ليش جوي
روان : يريدون يطلعون يوسف ومهدي
رزان : افضل ميطلعون لان خاف يطلعون وميعوفونا بحالنا
منشوف غير جتي علينا خاله احلام وهي تبجي وضلت تتوسل گالت
_ يمه والله اعرف ابني غلطان وغلط غلطه حيل چبيره وصوب ياسر ، يمه بنان عفية كولي لفهد خلي يطلعهم والله ماعندي غيرهم
ضليت صافنه بوجها بس روان كالت
روان : خاله تدرين كلش زين ولدج شسوو ويوسف بالذات اجه لهنا بيوم عقدي وصوب ياسر وانتي دتكوليها بلسانج غلطان بس مو كل غلط نسامح عليه لأن يوسف أكثر من مرة حاول يخرب بس ما كدر بس وصلت بي لهيج مرحله ميصير نسكت عنها
رجعت باوعتلي وتبجي : والله ما عندي غيرهم واحنه نعتذر عن الي سوواه
كال ابو يوسف : اي والله احنه حيل نعتذر ما ادري بيهم من وراي جايين ومسوين كل هذا بس طلعهم ويصير خير
فهد : ليش هي بسهوله هيج أطلعهم ولدك اجوي لهنا زين ما اخويه مات لو الطلقه مو بأيده و الله ستر .. ما اطلعهم
جانوا عمو محمد وعمو زياد قابلين يطلعون بس فهد معاند وياسر هم معاند وياه وكلهم صاروا وي فهد عدا عمو محمد و عمو زياد
كامت تبجي خاله وهي تتوسل بفهد : يمه عليك الله احلفك بروح عزازك طلع ولدي من السجن
ضل صافن وياسر هم سكت
اخر شي گال :- اني راح اطلعهم بس ما اريد اشوف خلقتهم مره ثانيه
ابو يوسف : اي والله عمي لا نجي ولا نوصل اني اعلمهم بس يطلعون
فهد : واذا اشوفهم مرا ثانيه اعتقلهم
تشكروا منهم وجتي سلمت علينا اخر شي خاله احلام وهي تبجي وراحوا
وياسر يعيط : ليش طلعتهمم هاااا وين القانون بالموضوع ترا ضربوني
فهد : من طلعتهم شرطت عليهم بعد ميوصلون ولا يجون ولا نشوف خلقتهم هاهيهه
سكت ياسر وراح صعد لغرفته
ضلينا كلنا حايرين
روان كالت بفرحه : واخيرا بعد منشوفهم كلعههه
رزان : بس خاله احلام الوحيده خطيه من بينهم واحسها مثل ماما الهام .. بس العكس ماما الهام تعذبت بسبب جمال وفراس خاله احلام بسبب ولدها نفس الشي ونفس العذاب
بنان : كافي لحد يجيب سيرة الموضوع هذا ..
روان : اي والله اهم شي ياسر بخير
جتي ريم : ها سمعت الموضوع بي ياسر
روان : ايي
ريم : اي شبي يسورتج وانتن شبيچن مصدومات
بنان : انقهرت عليها خطيه
رزان : بس ولدها حقراء
ريم : بس حقراء اهخخخ والله لو اني بمكان فهد لتزعلون اذا خالتكم بس والله ما اطلعهم لان صوبوا اخويه
بنان : سدواا الموضوع هذا يضوج
كالت روان : وين ياسر لعد
ريم : فوك
روان : خوش
___________
روان
صعدت فوك وجان الكه ياسر كاعد گال
_ ها شو هنا مو زعلانه انتِ
روان : ها بالغلط يمكن اجيت
ياسر : هاي كلاواتج خليها الج شلون اجيتي بالغلط
روان : شمدريني عبالي غرفتنا وهاي المهم يلا باي
داطلع وجان يجرني من ايدي ويسد الباب گلت
_ هاي شدسوي
ضحك وگال : حاصرج
روان : ايي
ياسر : فديت الي ميستحي بعدج زعلانه ؟
روان : وخر ياسر خلي اروح
ياسر : هاي شنو تبيعين ثكل صايره
روان : ليش مو كلت اني خفيفه
ياسر : وهسه صرتي ثكيله
روان : لا ثكيله ولا خفيفه وخر ياسر
ياسر : ما اوخرر
روان : لعد صالحني
ضحك وگال : اي اصالحج شلون تحبين صلح يكون
گلبت عيوني وگلت : بكيفك
قرب وجهه مني انفاسه ضربت وجهي ديريد يبوسني وجان اطكهه بضحكه
وخر من عندي وكام يضحك علئ ضحكتي وگال
_ هاي شبيج
اضحك بهستريه وگلت : ما ادري ما ادري يمهه بطنيي هاي شجنت تريد تسوي انتَ
ياسر : شكد تافهه صايره انتِ غير داريد ابوسج اشو خربتي ام الرومانسيه
روان : يمهه بطنيي
ضحك وگال : هسه غير افتهم علئ شنو دتضحكين ضحكينه وياج
روان : مو هياتك دتضحك انتَ هم
ياسر : اي ادري بس علئ شنو اشوو ردت ابوسج شنو ابتليت
روان : ما ادري بس من الصدمه اجتني ضحكه
ياسر : والله انتِ مو مال حبجيات مال طيحان حظ
روان : اي والله
اشو هذا صفن بوجهي ورجع قرب عليه وگال
_ مابيها شي لعد اذا نجرب الحبجيات لو بس مره
روان : يَسورتي وخررر خلي اروح
ياسر : ماكووو
بهل اثناء وجان يدت الباب تتحرك كبل كمزت وياسر وخر فتح الباب وجان يطلع وره الباب همام بقه صافن علينه گال
_ هاي شنو شو مجتمعين هنا
انداريت علئ ياسر وغمزت ورها غيرت ملامحي الي جديه وگلت
_ بعد حجي ويايه لتحجي تمام
ياسر : عساس شكد ميت احجي وياج
روان : ميت ما ميت بعد لتحجي ويايه
ياسر : طبج مرض شكد شايفه نفسج
روان : وانتَ مغرور ومتستحي
اباوع علئ همام صافن علينه وگال
_ اعصابكم هاي شنو شبيكم
روان : همام كول الاخوك بعد ليحجي ويايه
همام : ادللي خويه ياسر بعد لتحجي وياها
ياسر : شكد كاتل روحي احاجيها
جان يلزمني ياسر مني ايدي ويجرني يطلعني من الغرفه وگال بهمس
_ خوش تمثلين
روان : شعبالك اعجبك
ياسر : اي يلا روحي همزين سوينه هيج جان صرنه حديث البيت ولو اني ميهمني بس علمودج
روان : اي اي
_______________
رزان
كاعده بالغرفة وبصفي ايهم جان اكول اله
_ ايهميييي
ايهم : روحه
رزان : اذا اطلب منك شي تسوي ؟
اندار عليه بفضول وگال
_ اي اكيد كولي
رزان : انطينيي تليفونك
عكد حواجبه وگال : شتسوين بي
رزان : هيج اكلب بي
ايهم : مو عندج تليفون ؟
رزان : ادري بس هيج عاجبني اكلب بتليفونك
ايهم : ايي عاديي هاج
رزان : هاي شنو بسرعه قبلت
ايهم : اي ليش المفروض ما اقبل؟
رزان : لااا بس فاجئتنيي
ايهم : لا هاج عادي
اخذته وگلت
_ الرمز ؟
ايهم : 787878
فتحته وهوه كام كال حروح اغسل فراح واني كعدت اكلب بي اجاني فضول افوت علئ الاستيديو وبأحد الصور جان الكه صوره هوه وبنيه ..
البنيه جانت شعرها اصفر حيل و وسط طوله وعيونها زرك و بيضه وطويله وضعيفه يعني بأختصار حلوه جان شكلها وجانت لابسه فستان لحد الركبه وضيق وبصفها ايهم واكف مبتسم اني شفت هيج وجان اعيط
_ ايهمم هاي شنوووو
اجه بسرعه وگال شكوو
خنزرت عليه وگلت : شنو هاي الصوره ومنو هاي البنيه وشكو واكف يمهاا وليش تضحك
بقه صافن بوجهي وگال : وين الصوره خلي اشوف
شوفته الصوره واني مدلغمهه ودمعه بعيني جان يضحك وگال
_ لج ثوله هاي دكتوره ويانهه جانت بالمانيا
رزان : اي وانتَ تكعد تتمضحك وياها موو وطك صور
ايهم : ولج غيرر لازم شبيج رزان وثاني شي هل صوره قديمه
رزان : وشكو محذفتها لو عاجبتك
ايهم : شمدريني نسيت يعني وهيه صايره ليجوه وي الصور
رزان : اييي خطيه متكدر تعب ايدك وتمسحها
ايهم : هسه حسوين مشكله علمود هاي
رزان : لا اصلا عادي
ايهم : تفاحتييي
خنزرت عليه وجريت تليفون منه وگلت
_ ميحتاج تمسح انتَ الصوره اني امسحها الك ادلل
ابتسم وگال : كملتي
رزان : اييي
رحت تمددت وهوه اجه ورايه تمدد وگال
_ احبج تفاحتي
رزان : اييي
ايهم : زعلتيي
رزان : لا
ايهم : مو داكلج الصوره قديمه وجانت دكتوره ويانه وبس لا اكثر زميله
رزان : اي عادييي
ايهم : بس ترا انتِ احلئ منهاا
رزان : اكيدد
ايهم : تعاي ابوس جمالج
اجه عليه وباس راسي وگال
_ ترا ماكو بنيه غيرج تحلئ بعيني .. احبج
انداريت عليه وابتسمت وگلت : اني هم يلا سد موضوع
ايهم : تعاي تفاحتي انتِ
وحضني حيل ونمنه هاي دائما هيج زعلنه ابد ميطول ..
____________
بنان
مَر تقريبا شهر ونص واليوم اني وفهد راح نروح للدكتوره حتئ نشوف وضعي وضع الطفل ..
فهد : هاا بنان كملتي
بنان : ايي يلا
فهد : بس لو تمشين علئ كيف جان هسه اني بخير
بنان : والله دامشي شبيك فهد
فهد : يلا يلا
دننزل وجان يطلع بوجهنه همام گال
_ ها وين رايحين
فهد : للدكتوره نشوف وضع بنان والطفل
همام : اجي وياكم
فهد : اي تعال
رحنه صعدنه بسياره وصلنه دنمشيي للمستشفئ دنمشي جان همام يروح بسرعه علئ بنيه حلوه جانت ما ادري شحجوا بعدين جابها واجوي علينه
همام : هاي مَي
مَي : هلوو
اباوع علئ فهد يرفع بحاجبه الـ همام وهمام يبتسم ويكلب بعيونه اباوع علئ البنيه گلتله
_ اسمج كُلش حلو
جاوبتني بفهاوه وگالت : هـاا
بنان : اسمج حلوو
مَي : هـاا اي اي شكرا
همام : طبعا هيه تعرفكم كلتلها عليكم
اباوع علئ البنيه بس تبتسم گالت
_ انتِ حامل بيا شهر
بنان : فتت بشهر الرابع ونص
مَي : هـاا
بنان : بشهر رابعع ونص اني
مَي : اهاا تمام يمكن لعد بس تفحصج الدكتوره راح تعرف بيا شهر انتِ
بنان : صدك
مَي : ايي لعد يلا منا الدكتوره
بنان : اييي
فتنا للدكتوره وفهد بقه وفحصتني وگالت
_ انتِ حاليا وضعج تمام وزين
بنان : والطفل
_ هم زين وضعه
بنان : زين دكتوره ممبين هوه ولد لو بنيه
ابتسمت الي وكالت : اي مبين
بنان : صدك شنو جنسه !
نهاية البارت
يتبع ...
(لاتنسوا التصويت)
أن شاء الله يعجبكم البارت 💖 + بال 5000 كلمة
7.nldn حسابنا الأنستا
إلى اللقاء يا أعز العابرين في قلبي ♡.
الكاتبات دينا & نور
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!