ياسر نزلت من سياره وجان اشوف ريم حاضنه روان و روان دتبجي ما ادري ليش نعصر گلبي عليها
روان شفت ياسر اجه ابتعدت علئ صفحه وجنت امسح دموعي
ياسر : يلا ريم امشي تأخرنا .. العفو شلونج ام كفشه
روان : زينه
ياسر : ليش تبجين ؟
روان : ماكو شي .. يلا اني حروح
باستها ريم وسلموا على بعض وراحت
ريم : امشي ياسر
راحوا صعدوا بالسياره
ياسر : شبيها ؟
ريم : وانت شعليك هااا
ياسر : شنو شعليه شفت البنيه دتبجي شنو شصاير وياها ليش دتبجي
ريم : هيج مابيها شي
ياسر : لا بيها كولي ريم
ريم : داكلك مابيها وانت ليش مهتم هلكد السالفتها تحبها لو شنو
ياسر : شبيج شفتها دتبجي غير اعرف شبيها
ريم : داكلك مابيها شي وسوالف بنات معليك
ياسر ضحكت : اموت علئ البنات
ريم : شوف ضحكتك تخرع جنك شيطان
ياسر : هوه اني شيطان
ريم : والله خبل انت
ياسر : انتوا خبلتوني
@@@@@@
وصلوا للبيت ياسر و ريم وطبوا
ياسر : لكمممم هااا شلونكم
زوزو : يا هلا بسورها ونورها
ياسر : خجلتيني زوزو
زوزو : دباع وجه القرد فرح عود امشي لك امشي ما امدحك إلى ان متكول زوزو
ياسر : اوي ماريد مدح اني امدح نفسي اصلا اخبل مو هيج يمه
رحاب : تجنن يمه
زوزو : القرد بعين امه غزال
ريم : ابلععع قصفتك
ياسر : اووووي " يقلد " معندج ذوق زوزو
زوزو : ولي لك ولي تالي عمري تضحك علية
ياسر : حصعد فوك ميت حر وها لحد يصيحني للغدا حنام
نزلت فرح تركض على ريم
فرح : سونت ليمه ( شلونج ريمه)
ريم : حبيبتي تماممم وانتي
فرح : اني تاي العب فود بالبالبي ( جاي العب فوك بالباربي )
ريم : وهاي الباربي عدها ملابس حلوه
فرح : ايييي بابا دابلياها الباحه ديده لا عبالج كديمه
( اييي بابا جابلياها البارحه جديده لا عبالج قديمه)
ريم : تمام اني هسه حروح لغرفتي وبعدين نلعب بيهن تمام
فرح : اي
@@@@@@@
بنان
كاعده وصافنه واني اتذكر خواتي
رزان حتنخطب والله اموت اذا تروح زين شوكت امي ليش مكلتلي اكيد راد يشوفها جمال
روان شلونها شتاقيت لعركاتها
اشتاقيت لكُل لحظه وياهم
الله لا يفرق احَد عن اهله .. الفراق حيموتني
شلت تلفون من ضوجتي وحدي دكيت عَلى فهد
دكيت مرة مشاله مرة ثانيه مشاله مرة ثالثه انطاني رفض
كلت اكيد عنده شغل لو مشغول ورا كم دقيقه رجع اتصل هو
فهد : ها ولج شلونج
بنان : ها ولك زينه انت شلونك
فهد : ولك بعينج .. ايييي شكو ماكو
بنان : ايييييي ماكو شي على حطت ايدك
فهد : لعد ليش دكيتي
بنان : وحدي
فهد : نزلي يم زوزو تونسج
بنان : حامل وحامل اكلها شلونج بيبي تكلي هلا بالحامل اخبارج زينه يالحامل ياخي مدرييي
فهد : ههههههههَ هسه قابل انتِ صدك حامل
بنان : يمههه اسم الله
فهد : اي باعي بنان هسه مكدر احاجيج عندي شغل هواي بكد شعر راسي خوش
بنان : تَمام شوكت ترجع
فهد : بالليل
بنان : اها خوش
فهد : يلا مع السلامه
بنان : الله وياك
كعدت وحدي طكيتها بصفنه خرعتني ريم طبتلي
ريم : لك هلا بالجمال ياعيني ليش كاعد وحدكككك
بنان : ماكو شي ومنا مريضه والدنيا مفتره بية
ريم : ولج خاف صح حجي زوزو حامل بس متردين تكولين كولي كولي احنه منحسد
بنان : ريم تردين اكتلج شنو تحسدون داكلج متأكده مو حامللللل
ريم : نننن اييي شلونه اخوية فهد وياج
ابتسمت لا إراديا وكالت : الفهد عال العال
ريم : وينه شتاقيتله
بنان " ضحكت " : لج شنو هو كليوم يجي
ريم : لا بنان شغله بين فترة وفترة يتبدل نظامه
خايفه ليروح يتأخر ويرجع يعني اني صدك متعلقه بفهد متتوقعين شكد هو اخوية وصديقي وكلشي
شايفته شلون حنين .. بنان نعمة بين اديج
بنان : ربي يحفظه الكم
ريم : احممم والج يبعدي وامشي يلا ننزل نتغدا
بنان : يلا امشي
@@@@@@
فهد
كاعد مثل كل مرا وحدي الا وطب علية مؤمل
مؤمل : الفهد العقيد يريدنا اكو اجتماع
فهد : خير اكو شي صاير ؟
مؤمل : لا والله علمي علمك
فهد : لعد شيريد
مؤمل : مادري هو كلي اجي اكول للكل يلا امشي نروح
راحوا للمكت
بدا يحجي : ما دام كلكم موجودين راح ابدي احجي .. اسمعوني يا جماعه .. الوحده راح تنقل لمكان *** وهذا اجاني أمر ومن باجر راح يتغير نظام الدوام كله اني مابيدي شي بس هذا الأمر واني جاي انفذه وحيكون دوامكم 10 ايام متواصله و الاستراحه ما محددين مثل ما سمعتوا أن شاء الله
ضلوا واحد صافن بوجه الثاني وطلعوا من المكتب فهد ومؤمل يحجون
مؤمل : ها خوية شبيك طنكرت
فهد : اي لعد مدا تسمع ديكولون نظام الشغل حيتغير
مؤمل : ها ها عرفت على شنو انت ضايج احمم
فهد : مؤمل انجب احسلك
مؤمل : ياخي ليش تكره الواحد اللي يحجي الصدك
فهد : مو صدك قلة ادب
مؤمل: الله ولك انت شلون مؤدب خلينه ساكتين
فهد : انجب لك راح اكتلك هنا واطلع قهري بيك
مؤمل " يغمز " : يا قهرررر ها ولك فهودي صاير عندك قهر
فهد : استغفر الله روح روح رحمه لوالديك
مؤمل : ماروح حتى اليوم اعتبرني جاي لبيتك
فهد : شعندك خير هذاك اليوم جنت يمك
مؤمل : شنو لازم متستقبلني
فهد : مو رجال الميستقبلك
مؤمل : اخخخخ انت الصديق الكفوو
فهد : انت افشل صديق بالدنيا
مؤمل : ليش يابه
فهد : من ورا سوالفك الطايح حظها
مؤمل : محد طيح حظي غيرك .. حروح عندي شغل هناك
فهد : حتى اني
توجه فهد لمكتبه وهو يحضر ملفاته وأوراق شغل وكعد يشتغل وهو يفكر .. بنان شلون اعوفها .. ماكدر ..
هسه وكتهم يغيرون استغفر الله ياربي
بيت جمال
كاعده رزان تبجي و الهام ما بيدها شي حتى تسوي
رزان. : خطوبتي جانت اليوم .. اصعب ايام حياتي .. انهيار فضيع بداخلي واني اشوف البدله وامي تريد توديني صالون !! بنان ماهية و روان حالتها حاله
هملت دراستها كلش حاجيتها ميفيد اني خرب مستقبلي ومن اليوم صار لازم أواجه حياتي .. ارتبط بشخص لا أعرفه ولا يعرفني وناس غربه ..
ابوية شمرني شمرة الجلب وكل اللي هامه يخلص من عدنا بأي طريقه مجان عندي غير حل ثاني وجان جمال دائما يهددني وكال اذا تخربين هالقسمه اذبحج تعبت نفسيا مجنت متوقعه هيج حيصير بية
روان : لتقبلين رزان احجي وية امير
رزان : ماكدر راح يذبحني
لزمت رأسها روان وكالت : اني معلية ولا راح انزل جوه بالحفله ولا اي شي معلية
رزان : روان ؟ يهلج تعوفيني وحدي ؟
روان : ماكدر رزان
رزان : هو شنو متكدرين لتضحكين ناس علية
روان : جمال خرب كلشي ماكدر اصلا حتى ماعندي فستان ولا شي
رزان : عادي لبسي فستانج هذاك الاحمر القديم
كامت بعصبية وعيطت : مااا انزل يعني ما أنزل
بجت رزان : عادي اصلا تعلمت وحدي اضل
روان: رزان افتهميني ماكدر لحد يضغط علية راح اتخبل حسو بية شتريدون سوو معليكم بية
رزان : اوك
كامت وطلعت من الغرفه وضلت روان تبجي و الهام ودتها صالون ولبست بدله .. مجان اكو معازيم هواي غير جيران وخوات الهام ثنين وبناتهم هم ثنين وبس
رحت لصالون اني وامي
بدت البنية تسويلي مكياج بلون بدله بس افتح
البنية : كمر كمر عمي متحتاجين مكياج تخبلين
رزان : شكراً
البنية : ليش احسج ضايجه مو على بعضج
رزان : لا عادي
البنية : ههههههَ لتخافين حبيبتي هي خطوبه تخبلين حياتييي نيال زوجج على هذا الجمال
رزان : شكراً
حجيت بكلبي : لزكت شكراً وشكراً بالله هاي
شجاوبها متدري شصاير بحالي على دقيقه ابجي ويخرب شغلها كُله
سكتت وهي مستمره تسويلي مكياج وامي تلفونها ميسكت كلسع وحده داكه عليها وأهل الولد يجون العصر
ورا ساعه تقريباً خلصت مكياج وبلشت تسويلي تسريحه واني دمعت انتهيت حبجي بأكثرر مكان غلط
كملتني ولبست بدله واجه فراس بسيارة صديقه رجعنا
رزان : خير شكو جيت انت
فراس : اخلص منج
رزان : انجب متخلص مني لو تموت
فراس : نشوف ست الحسن
الهام: فراس كافي عاد
فراس : اوي عيني شدعوه
رجعنا للبيت وروان ماهيه وبدوا ناس يجون جيران ومعارف وروان ماهي استغفر الله ياربي شلون ماكدر وحدي وامي وحدها تتعب
ضليت كاعده وكل شوي تجي وحده تسلم وتروح ورا نص ساعه نزلت روان لابسه فستاني لونه احمر بس طالع يجنن عليها وهي حاطه مكياج يجنن ورافعه شعرها وطالعه صدك حلوه .. هي كالت ما أنزل
وصدك نزلت !! شافوها وهم ضلوا يسلمون عليها وامي تركض منا ومنا
جتي روان شاورت رزان : نزلت حتى ميحجون
رزان : اي ضلوا يسألون عليج
روان : ادري عرفت حيصير هيج
جتي الهام : اسمعن العريس واهله وصلوا وجايبين سيد وياهم تغطوا وروان عدلي رزان حروح اشوف نسوان
روان هي اصلا مو محجبه ف حطت بس شال هيج على كتفها و رزان تغطت طبوا لصاله الزلم وجمال وفراس هم يمهم و هي كاعده ع كرسي ورا الباب وحاطه أيدها ع قرآن مفتوح على سورة الفتح وروان يمها مدمعه وكلسع النسوان راكعيها بهلهوله والهام يمهن واكفه
ضل يحجي السيد و يرددون وراه إلى أن سألها المره الاولى جانت صافنه ومجاوبت السيد سألها المره الثانيه ومجاوب وسألها المره ثالثه مسحت عيونها وردت
" نعم وانتَ وكيلي " بدن الحبايب يهلهلن وروان دمعت راحت للمطبخ و رزان ضلت كاعده إلى أن اجتي الهام كالت رزان : حيطب رجلج تمام
هزت راسها ب اي وسرت بجسمها رجفه مو طبيعيه
فات وكامت رزان وكفت رفعت راسها شافته جان وجهه ما عليه اي معالم فرح وكالب وجه بالنسبه لشكله عادي ومابي اي شي اجه تقدم باسها من راسها وكعد شوية حتى ما حجى ولا كلمه بس كال
امير : هذا رقمي عود اذا تردين شي دكي علية
باوعت عليه رزان وكالت : بس اني ما عندي تلفون بس مال امي
امير : اي مشكلتج هاي
عصرني كلبي هذا ليش هيج يتعامل حتى ميحجي وياي الله ليوفقك جمال وين وديتني يا داهيه
امير : اني راح اروح من يصيرلي وكت ادك عليج عود
رزان : بالسلامه
راح طلع وطلعوا أهله وبدت الناس تروح من البيت
الى أن فرغ البيت و صعدت رزان فوك حتى تبدل لكت روان مبدله ومكياجها سايح على وجهها وتبجي
بجت رزان وراحت حضنتها
روان : شلون رزان اني مكدرت اسوي اي شي لا الج ولا ل بنان ثنينكم رحتوا مني
رزان : انجبي شنو نروح منج
روان : طالعه حلوه .. شلونه امير
رزان : واضحه من اول يوم وهيج وياي
روان : شبي ؟؟
رزان : حروح ابدل بعدين اكلج تعبانه حيل ما كون هيج واموت
روان : اهخخخ الله لينطيك جمال شسويت بينه
@@@@@@@
بيت فهد
الكل جوا كاعدين وديشربون جاي
زوزو : ديلا عيني رحاب تأخرتي وين الجاي تدرين بية يوميه العصر اشرب
رحاب : هسه اجيبه
ياسر : هاي منو بايك شاحنتي ؟؟؟
ريم : والله شمدريني يجوز انت مضيعها
ياسر : لا اني اعرف يا حرامي بايكها
ريم : منو عيني
ياسر : حمام
همام : ياسر انجب تريد روح شوفها
همس لياسر : يا ادبسزز كدام البنية تكول حرامي بسيطه
ياسر : تكول وين شاحنتي لا اموتك لك تلفوني صفر
همام : شمدريني شوفها فوك
ياسر : جلب مو ادري شوفو اعرف
همام : اي اي اعرف شسويلك
ريم : عبالي تقصدني
ياسر : اي هو انتي هم حراميه مرة بكتي سماعاتي
ريم : دولي مبكتهن جانت عطلانات مالاتي واخذت مالتك
ياسر : اي بكتيهن
زوزو " بعصبية " : ولكم كافي شكد تحجون
ياسر : اي مداجذب همه حراميه حروح اشحن تلفوني يمعوووودينننن حيطفى
بنان : مريم هاي الحديقه شكد حلوه بيها ورود هم حلوه
مريم : فهد معتني بيهن حيل
بنان : اي كلش حلوات حتى الورد الاحمر حيل حبيته
مريم : اي ولج هاي فرح تمشي وتكطع تحب الورد حيل
بنان : اي الورد يجنن
ريم : اني حصعد اقرا تجين يمي بنان
بنان : اي يلا امشي
صعدت بنان يم ريم فوك
ريم : بنان انتي مو كلتي صف سادس
بنان : اي
ريم : لعد تعرفين تقريني هذا الموضوع
بنان: تمام شو اشوفه
بديت اقرا بي اعرفه هذا الموضوع كلش سهل وكعدت اقري ريم فوك ساعه تذكرت من جنت اقرا ايام مستحيل ترجع
بنان : اكلج ريم حروح انزل اشوف خالتي خاف تريد شي هي و زوزو واجيج تمام
ريم : اوك
نزلت بنان جوا واستفقدت الاوضاع جان محمد راجع و رحاب كاعده يم زوزو و ديشوفون مسلسل و مريم و فرح بغرفتهم رجعت صعدت فوك على ريم
فتحت الباب شفتها انصدمت رجعت بسرعه وضمت شي وراها
بنان : ها ولج شنو شضميتي
ريم : مضميت شي
بنان : لا لا اني شفت ضميتي شي
ريم : شبيج بنان مضميت شي
بنان : شنو تضحكين عليه ههههههَ بس حعبرها
ريم : مداضحك عليج داده
بنان
كعدت يمها واشوفها شلون تقرا شكد حلو هسه لو اني مثل ريم ضليت صافنه شلون حرجع لاهلي ولامي وخواتي مشتاقه الهم حيل
ريم : يولو شبيج دمعتي
بنان : هيج
ريم : دكولي يبعدي
بنان : شتاقيت لاهلي
ريم : همه اقامه مسافرين ؟
بنان : اي اقامه
ريم : ميخابروج
بنان : لا شلون يخابروني
ريم : خطيه شلونهم خواتج شلونهم
بنان : زينين
ريم : احسني دخت هذا الرياضيات شكد بي
بنان : اني احب الرياضيات بالعكس حلو
ريم : اني عكسج أكثر ماده اكرهها
بنان : تردين اسوي كهوه واجيبلج ؟؟ هم نسولف وهم تصحصحين شوية
ريم : حتعبج
بنان : يا تعب ما عندي شي اني ادور شي التهي بي
@@@@@@@
ياسر
كاعد بغرفتي وصافن عسكف
ياخي ليش هيج صرت يمعود ياسر وينك وين الحب انت .. استغفر الله مدا انام بس افكر فضولي يموتني واني افكر .. زين ليش تبجي اكيد اكو شي چايد ومتكولي ريم الجلبه .. بسيطه اني اعرف بطريقتي بس شلووون .. زين اني شلون حبيتها اهخخ هي عركه شلون هيج تورط كلبي وحبيتها .. شفتها شي غريب مختلف مو مثل باقي البنات مادري بيها شي مميز هيج عدها نظره وعيونها تجنن شعرها اخخخ والكفشه فد شي .. غزاله عَ كولة زوزو ..
راسي حينفجر هسه هي شبيها الا اروح لريم لو شتسوي اكوللها اريد اعرف .. خليها باجر يمعود لتروح تنفضح ولو هو اصلا انفضحت بس الحمد لله مو يم الجميع .. زين ياخي هسه شلونها تفكر بية .. شتفكر بيك ياسر يمعود هو انتوا متعاركين وتكرهك لك الله جان الكره ما قبل الحب .. زين يعني عفت الدنيا حبيت هاي ام كفشه شلون شلووون يعني هسه سؤال الوحيد شلووووون ؟
@@@@@
بنان
رحت سويت الكهوه وديت لريم فوك وتشكرت مني كعدت اني وحدي واشرب كهوه واسمع عيطة همام
ريم : عزههه شبي همام
بنان : امشي نروح نشوف شبي
طلعنا نركض جان نشوف ياسر واكف يم باب الحمام وميت ضحك
بنان : يمه شبي همام ياسر
ريم : خبلللل احجي كلبي وكففف
ومستمر همام يعيط ويعد ويصف
ياسر : هيهيهيهيهي من غسلت خلصت الشامبو مالته هو كلشي ولا احد يلعب ب غراضه بس سويتها
بنان : خطيههه ليش هيج
ياسر : يابه يا خطيه لج هذا واحد عُصي ونرجسي خرب يحب روحه وبس غراضه محد يدنالها
ريم تضحك : هسه تلكي حط مي بشامبو لان ماكو غير حل
بنان : ايييي ههههههَ
ياسر : اكول احمم اني حروح خاف يطلعلي
بنان : اي اي انت سوي المكسورة وانهزم
ريم : مو اكلج خبل
ياسر : خبل بعينج لج كل هذا كدامج والاناقه تكولين خبل
بنان : معليك روح حيجيك همام يخلص عليك
ياسر : اي
حتى بعده ممخلص الكلمه طلعله همام ويطكها بركضه وراه واحد يركض ورا الثاني إلى أن وكع ياسر ونزل همام بي ضرب وعراك
همام : اني كم مرة كايلككك متلعبببب بغراااضي هااا
ياسر : شو وخر حتبجي علمود شامبو
همام : ابجي شنو لك حخلصص عليك لك متدري هذا شكد سعره حيوان جان بي كومه شمسوي بس غاسل شعرك لو مفرغه
ياسر : مفرغه يبعدي بس اهدأ يمعود حيصير عندي شلل نصفي
همام : ياسر غراضييي اول واخر مرة
ياسر : لا حبيبي مستمرين بهذا الشي .. الله باع شعري بي ريحة شامبو مالك
كام ياسر يركض ورجع همام يركض وراه
ياسر : يمعود خزيتنه كدام بنان دباع شلون ميته ضحك
همام : من وراك حيوان
ياسر : ماكو حيوان غيرك اغاتي
همام : ولي من كدامي ولي
ياسر : انت شعندك يمي ؟؟
همام : اهوووووو وخرررر
راح همام عصبي وشكله يموت ضحك وياسر يضحك ويهز بأيده: شفتو بعينكم شسوه
بنان " تضحك وتحجي " : ليش ياسر ليش
ريم : تعودي هاي مشاكلهم التافهه تموت ضحك
نزل ياسر جوا يم زوزو ونزلوا ريم وبنان
زوزو : تعالوا ولكم شنو هذا الصوت شبي همام وليدي يعيط
ياسر : عركه بسيطه زوزو
زوزو : اي ولك اكيد انت مسويها
بنان : صح بيبي هو ابو المشكله
ريم : زوزو صيحي بياسر مخبل البيت
زوزو : اي والله هسه بس يجي فهد الا اكله اخلي يكتلك كتله من هاي الزينه
ياسر : مشتاق لكتله واللهي " غنى " وينه هوه
ريم : كال اجي وما جاني
ياسر : نسى وعده
ريم : لو كدر ينساني
بنان : بيبي ليش متنامين بهذيج الغرفه هنا اصوات عاليه ويضوجوج
زوزو : لا عيني هنا فراشي و المسلسلات مالاتي وكاعده ولج بنان هناك الغرفه كلها فار ودود مدري منين يطلعلي كلسع واخترع
ياسر : اي هذاك اليوم خرعتنا كالت فاره وبعد مقبلت تنام بيها وهنا هي يعني مرتاحه
زوزو : اي والله هنا احسن .. اي ولكم حتخلص مسلسلتي لهيتوني شو وخروا
بنان : بيبي ابقى اني لو اروح
زوزو : ابقي عيني انتي الأصل
ريم : واني
زوزو : الفصل
ياسر : واني
زوزو : القرد
ياسر : رحم الله والديج
زوزو : والديك
ياسر : يا جماعه اني طالع بالليل ارجع حروح يم احمد
ريم : اوك
....................................................
بالليل ورا العشا اجه حسن و اجه فهد وياه مؤمل راحوا بالصالة هم يسولفون ونزل همام راح يمهم و مريم و ريم يمي وكلنا بغرفة ريم
مريم : اسمعوا اني شاكه حسن يخوني
ريم : تف تف فال الله ولا فالج ليش يمه
مريم : دسمعي .. اني شفت شعراية ب قميصه
بنان " طكتها بضحكة" : تشكين بي من شعره
مريم : خل اكمل .. وشتميت ريحه عطر غريبه
بنان : خاف تتوهمين
ريم : اي صدك يعني حسن ميسويها لو يموت كلنه نعرفه زين
بنان : يعني شلون شعرايه وعطر مدافتهم شعره جوز مال صديقه وعطر هم يعني مادري
ريم : اي يجوز مال صديقه .. هو عطر نسائي
مريم : مادري بس اي يمكن
ريم : حتى عطر متعرفي
مريم : ترى مقلب شبسرعه صدكتن
ريم : اكوووللللل تريد تقلل ثقتي بأخويهههه
بنان : عزه اني شلون صدكت
ريم : مو على نياتج .. اني ماصدكت اعرف اخوية عيني
مريم : اوي عيني اوي
ريم : اي اسمعوا اني ضايجه حيل كولو لفهد عود يطلعنا
بنان : ميخالف عود اكله
اندكت الباب طلع حسن
حسن : ها حبايب من رخصتكم حاخذ مرتي
ريم : عشتو مرته ننننن
حسن : تعاي تجين
ريم : لا عيوني عندي انشغالاتي .. خطاركم راح ؟
حسن : اي هسه قبل شوية
مريم : يلا اني حروح
ريم : تصبحين على خير
مريم : وانت من اهل الخير
بنان : ريم اني حروح لفهد
ريم : تمام عمري يلا تصبحين على خير
بنان : وانت من اهلوا
طلعت بنان وراحت للغرفه شافت فهد واكف وداير ظهره
بنان : شرفت سيادة الضابط
التفت وضحك : مية هَهلا بيج
بنان : اي شلونك
فهد : تمام التمام
بنان : دوم
فهد : ماحب الرسميات
بنان : تمام
فهد : اي شصار مصار اليوم
ضحكت وكتله : مصار والله بس اخوانك فدشي
فهد: ادري بيهم مو صاحين
بنان : يب تعرفهم .. بس انت غير يعني جدي حيل
فهد: جدي لو عمي
بنان : لا والله شبيك بدون شقه انت تختلف
فهد : اكيد يعني اختلف لان زوجج
بنان : احسك صرت تتمادى ؟
فهد : شلون
بنان : بهاي سوالفك
فهد : متمادي ؟؟ جا غير انتي مرتي شنو متمادي
بنان : زواج شكلييي
فهد : احمم يمكن يصير واقعي
بنان : شنو واقعييي احنه مو اتفقنا ؟
فهد : اي اكيد يعني شكلي بس داكلج يعني وبس
بنان : شنو شقصدك ؟؟ انت يعني هيج دسوي بية براسك غاية
فهد : بابا يا غايه شبيج خبلههه داشاقهه حرام ؟
بنان : والله صرت تخوف
فهد " ضحك " : انتي ليش قشمر
بنان : هااا منو اني ؟؟
فهد : جدي اي غير انتي
بنان : قشمر بعينك
فهد: ها وتكول تتمادى وانتي لسانج طولان
بنان : غير انت تكولي قشمر
فهد : اي مداجذب
بنان : فهددددد
فهد : عيونه
بنان : كافي تستفزني كمت اخاف منك شو وخر اروح ارجع لريم
فهد " لزمها من أيدها " : وين عيني وين دنشاقه ست
بنان : هاااا تلزم ايدي همم ؟؟
فهد : حلال
بنان : لك انت ليش تتلاعب باعصابي مشايفني من اتعصب
فهد : اي بالله شتسوين
بنان : ها تريد تعرف
فهد : خفت
بنان : اي اي ضل قلد اني رايحهه يم ريم وياسر
فهد : روحي شعلية
بنان : اوككك
فهد : خوششش
@@@@
كاعدين بالغرفه وساكتين كالت روان
روان : شفت ياسر اليوم
رزان : جذب شلونه
روان : زين
رزان : هم تعاركتوا
روان : لا
رزان : شبيج ضايجه
روان : ضايجه من روحي
رزان : اهخخ شلون المدرسه
روان: زفت
رزان : روان اقري
روان: اي اقرا .. بنهاية جمال حيذبني
رزان : لازم روان صيري قويه علمودي وعلمود بنان
روان : راحت بنان محترجع بعد وانتي هم حتروحين
رزان : عادي اكله يجيبني هنا
روان : ماعتقد يجيبج
رزان : امير لحد الان مجابلي تلفون ولا خابر امي عالاقل !
روان : ركعي بنعال دخيطير
رزان : خاف يطلع موزين
روان : اكيد موزين مدام جابته ام حارث بس هو جمال جماللل اخخخ
رزان : هاهي شنسوي
روان : استسلمتي بسرعه
رزان : وانتي قبلي مستسلمه
روان : حياتنا ليش هيج .. بالبدايه فقدنا امنه وابونه بعدين اختنا بعدين انت وبعدين حتى حفقد روحي راح اموت ياربي هذا جحيم
@@@@
بنان
نزلت جوه يم زوزو وعمو محمد و خاله رحاب كاعدين ديشوفون مسلسل وماكو ياسر طالع و همام بغرفته عنده شغل وريم تقرا ومريم وحسن وكلهم بغرفتهم بقيت بس اني وحدي وشفت زوزو بدت تغفى وتنام حسيت موقعي غلط ترخصت منهم ورحت صعدت فوك ماكو غير حل
طبيت الغرفه لكيت فهد كاعد على جربايه وديلعب بتلفونه
رحت جبت فراش وفرشته بعدين باوع علية ورفع حاجب
فهد : ليش ان شاء الله بالكاع ؟؟
بنان : بكيفي
فهد : هاا نسيت انتي تنامين هنا تعاي حنزل
بنان : مابية حيل ادور اكوم هاهيه فرشت
فهد : تمام براحتج
بنان : فهد مو كلتلي اسولفلج
فهد : على شنو ؟
بنان : على سؤال البارحه
فهد: رايدلها كعده والله
بنان : حباب احجي هسه اعتبرها قصة ما قبل النوم
فهد " ضحك " : انتي طفله بابا ؟
بنان : احمم شنو طفله خاف متريد تحجيلي براحتك
فهد : لا احجيلج بويه ليش لا
بنان : اوك اسمعك
فهد : كولي خوش
بنان : خوش
فهد : عفيه هيج
ضلت بنان مركزه ويا وهو يحجي
فهد : جان اكو فد ولد اسمه الفهد وعمره 22 سنه يدرس كلية عسكرية وبيوم من الايام جان راجع كلش تعبان من شغله وديمشي بشارع صادف بنية حلوه .. حيل حلوه وجمالها مينوصف
بنان : يعني احلى مني هم
ضحك وجاوب: ليش تطلعيني عن طوري سكتي خل اكمل
بنان : اوك
اي وهاي البنية حيل حلوه وكمت اكثر من رة اشوفها هي وصديقتها وهاي واطلع بالوقت اللي تطلع بي هي
وانتضرها وهي تدري بية احبها وبيوم من الايام اخذت رقمها وأخذت رقمي وضلينه نسولف .. يشهد الله علية مجانت نيتي غير شي هاي البنية جنت اشوفها ملاك ما بين البنات احبها حب مينوصف صرت اريد اتخرج بسرعه وجانت اخر سنه عندي هم كلية وانتضر حتى اروح اخطبها سنه كامله واني احجي وياها مو بس تلفون ولقاءات هم بس يعني مو هيج تكدرين تكولين بس نظرات وبيت اهلها يعني معروفين نعرفهم يمنه بالمنطقه وهاي من بعيد حتى لحد يشوفها من اهلها
بعد علاقه سنتين صار عمري 24 راسلتها لكيتها ناطيتني بلوك
بنان : شلون ؟؟؟؟
فهد : ضليت ادك وأراسلها صرت اعصاب حيل ما اتحملت ردت علية رد ما انساه بنان وردها ياريت برساله ؟ ردت بمكالمه
سألتها ليش
بنان : شكالت ؟
فهد : كالتلي انت من كل عقلك احبك ولا مصدك نفسك وصرت تتحكم .. اني جنت أخذ مصلحتي منك وبس جنت اضحك عليك حباب رجال شكبرك ينضحك عليه وطكتها بضحكه مال كح*** كرهتني بروحي ضليت استوعب شنو صح غلط وين جنت اني وين عايش شنو تضحك علية شنو هاي هيج تكدرين تكولين عايش بغير عالم بليلتها تمرضت حيل ومكدرت اداوم ولا اي شي
بنان : انت مو كلت جنت انتضر تخرجي حتى اخطبها ليش مخطبتها يعني عوفك من هالموضوع
فهد : كل ما اكولها اريد اخطبج تكلي لا مو هسه لا بعدين واني وياها اكول خاف مثلاً بيها شي عدها ظروف وضليت انتظرها
بنان : ليش هيج سوت حقيره
فهد : لتقاطعيني خل اكمل
بنان : اوك كمل
فهد : ورا ما صرت زين يوم من الايام بالليل جنت طالع جان اشوفهاا ويه ولد بشارع تمشي ويا غيري واني اعرف اخوانها مو من اخوانها ؟؟ وطريقة مشيهم ابد مادري ونظراتهم وتضحك ضحك بصوت عالي ابد مجانت تسوي هالحركات كدامي جنت مخدوووع ضليت امشي وراهم وراهم جانت ساعه ب 12 بالليل
شفتها صعدت تكسي
من صدك بهذاك اليوم كرهت شي اسمه حب وكرهت كل بنية
بنان : يعني هسه انت تكرهني ؟
فهد : لو اكرهج مساعدتج
بنان : مدري شكلك فهد .. انت وفي وصدكني ربي حيعوضك باللي احسن من عدها وتحبك وتصونك وتكملون حياتكم سوا ﴿ عسى وان تحبوا شيئاً وهو شر لكم ﴾
فهد : فعلاً درر درر ست بنان بس اني مستحيل اتزوج
بنان : احسن
فهد : بس تزوجتج
بنان : زواج شكلي
فهد : يجوز يصير واقعي ها شتكولين ؟
بنان : شنو واقعي فهد شبيك اليوم مدري متغير
فهد : بديت اطك ميانه وياج متشوفين حتى حجيتلج
بنان : خاف مجنت تثق بية ومردت تحجيلي
فهد: جنت متردد بس من حجيتلج احس كلشي رجعلي وكل ذكرياتي
بنان : بعدك تحبها ؟
فهد : ليش لازم غرتي
بنان : شنو غرت قابل اني زوجتك
فهد : ابوية عقدت عليه
بنان : بس اتفاقنا شكلييييي شلزكتلي اوفففف
فهد : ماحبها وماحب بعد اي وحده .. أنتِ حبيتي ؟
بنان : اني ؟ هههههَ يا حب هذا بهالزلك مجنت اعرف احد حتى احب اصلا
فهد : طفوله ؟
بنان : ولا طفوله .. ماعرف شي اسمه حب يعني حياتي عباره عن حقد وكره تربينا بأهمال جمال ومن كبرنا بقسوه وتحكم واخر شي شوفة عينك باعني
فهد : بنان شتذكرين من طفولتج ؟
بنان : مادري طفولتي بس وية خواتي معندي اي احد
فهد : اها تمام .. الدوا لتنسيه شربي حطيته يمج
بنان : شكراً يبعدي
فهد : العفو يابه
@@@@@
ريم
نزلت جوا ضايجه داشوفهم كاعدين لكيت زوزو دتغفي
ريم : ها ولج زوزو
زوزو : ها عيني شعندج كاعده
ريم : والله هيج دا استكشف الدنيا
زوزو : روحي نامي حنام
ريم : اي حروح هسه بس اشرب مي وانام
رحت دا اشرب مي من المطبخ وعلى نياتي ورايحه بغير عالم
ياسر : بوووو
ريم : يمههه
ياسر : ههههايييي
ريم : لتضحك حقير " ترست مي بكلاصها وجبته عليه "
ياسر " يضحك " : ولج اوكفي على بختج يمعوده شبيج
ريم : بسيطه ياسر على هالخرعه معلية بيك ولا راح انطيك رقم روان بعيني
ياسر: انجبي تعاي نسولف
ريم : خرعتني وتريد نسولف وياي
ياسر : اي احمم شبيها روان شلونها
ريم : زينه تسلم عليك
ياسر : تسلم عليه ؟ لك عاااااش
ريم: انجب ممسلمه عليك اصلا ما حاجيها بس بالدوام
ياسر : شبيج هسه بس كولي شبيها
ريم : يابه موضوع خاص خاصصصص
ياسر : تمام اشوف تاليها وين
ريم : دروح نام رووووح
ياسر : حقيره .. جبتلك حلويات
ريم : جذاب
ياسر : بالعباس هاج شوفي
ريم : لك فديتككككك
ياسر : ديلا شلونها روان
ريم : ميخصك امشي نام
ياسر : جلبه مو بيدج
ريم : حقير مو بيدك نننننن
همام : خير خير هاي شصاير هنا ؟
ريم : هيج موضوع سري
همام : سري ومادري بي ؟
ريم : اي اي سري
همام : انت معلية بيك داحجي وية ريم شكو مطير عينك
ياسر : رايح
ريم : ولك تعال
ياسر : رايححح
همام غمز: شبي ياسر ؟
ريم : يحب هيهيهي
همام : حلفي منية
ريم : والله ماكول
همام : بسيطه اني اعرف من عنده
ريم : اي اي اعرف منه يلا سيو
همام : نامت عليج طابوكه
@@@@@@
بيت جمال
نايمين كلهم واني كاعده
روان
اكثر شخص كدام الكل قوي وحدها أضعف انسانه
كاعده وافكر هسه شلونها بنان وينها مرتاحه لو لا هم تشتاقلنا مثل ما أحنه مشتاقيلها اباوع المكانها فارغ واني اتذكر ايامنا سوية وسوالفنا .. يا ترى شلونها
رزان اكثر انسانه تبجي هسه انخطبت وراح تروح مادري شلون متحمله
امتحاناتي جاي أرسب بيهن دراستي راحت مو مثل قبل شكلي وملامحي غير كلشي تغير
هم يجي يوم وتنفرج علينا
@@@@@@@
فهد : بنان عندي موضوع وياج
بنان : كلك مواضيع كول اسمعك
فهد : حيتغير دوامي
بنان. : شلون ؟
فهد : مراح ارجع كل يوم
بنان ؛ تعوفني وحدي ؟
فهد : لا مو وحدج
بنان : لا عليك الله يعني شلون
فهد : بغير مكان حينقل الشغل وراح اضل 10 ايام هناك
بس العطله ممحدين كم يوم
بنان : شلون يعني تعوفني
فهد : لا بويه شلون اعوفج وياج مريم وريم
بنان : بس اني ماعرف الا انت وياي
فهد: اهخخ بنان شليتيني شل
بنان : تعبت من نفسي
فهد : اني اكثر
بنان : اريد اهلي
فهد : ميتين
بنان : لا اقصد خواتي وامي
فهد : ترجعيلهم
بنان : شوكت فهد شوكت حباب استعجل
فهد : صدكيني دا احاول بكد ما اكدر
بنان : فهد اريد رقم امي
فهد : تمام أخذي من تلفوني
اخذت رقم امي واني مبتسمه باجر ادك عليها عود
بنان : فهد يعني انت تكرهني
فهد : شنو اكرهج شبيج بويه تخبلتي
بنان : لا يعني انت كلت اني اكره الحب وأكره نسوان
فهد : اي بس انتي وحد لان مو مثلهن
بنان : فهد احسني ثكيله عليكم مداتحمل اريد اهلي
فهد : خاب انجبي ثكيله وثكيله بويه لتفكرين هيج تمام
بنان سكتت
فهد : تمام ؟
بنان : تمام تمام
ابتسم وكال : عفيه يعمري
بنان : عمرك ؟
فهد : 28
بنان : فهدددد
فهد : نامي بويه نامي تصبحين علئ خير
بنان : وانت بالف خير يابه
نهاية البارت
يتبع ..
لاتنسوا تصويت
إلى اللقاء يا أعز العابرين في قلبي ♡.
الكاتبات دينا & نور
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!