رواية نقطة لقاء الفصل الثاني عشر 12 - بقلم الكاتبة دينا _ الكاتبة نور

بنان
كعدت الصبح على صوت فهد يكعدني

فهد : كومي بويه كومي وين نايمه بالكاع وعايفه الفراش

باوعت على نفسي عزههه وين رايحه وين جنت اسبح وهو جان مبدل وحيروح للشغل

بنان : اي تمام

فهد : صدك بنان روحي نامي على الجرباية

بنان : ليش ؟

فهد : مو حروح للشغل هسه

بنان : لا حبقى هنا بالكاع

فهد : كومي دكومييي

بنان : اي اي تمام شبيك

فهد " يقلد " : شبيكك .. بنان صدك تذكرت حطيتلج العلاج يمج من تتريكين جوا اشربي حتى لتنسي خوش

بنان : اي ما انسى

فهد : محتاجه شي ؟

بنان : سلامتك والله

ابتسم وطلع

بعدها حاولت انام انام مكدرت مادري شصارلي
هو من يروح أفقد شعور الامان وتضل بية خوفه يعني مو مثل ما هو يمي

كعدت ورحت غسلت ونزلت جوا يمهم جانت مريم وفرح كاعدين يتريكون و خاله رحاب يم زوزو جوه كاعدين و عمو محمد طالع للشغل

مريم : لك هلا بنان

فرح : هلوو بنان سونت ( شلونج )

ابتسمت بنان وجاوبت: تمام وأنتِ شلونج

فرح : سينه

بنان : اي شكو ماكو شنو وين الباقين ما همه

مريم : والله حسن طلع وية فهد وراح للشغل و ياسر وريم هم راحوا من الصبح دوام عدهم و همام باقي اليوم ماخذ اجازه

فرح : وينه همام

مريم : نايم عوفي ماما عيب

فرح: اليد الوحله ( اريد اروحله)

مريم : هو بس يكعد عود روحيله

اندارت فرح على بنان : عمو فهد هم لاح ما سفته ( هم راح ما شفته )

بنان : غير عنده شغل خطيه

فرح : لعد بنان باعي هسه بس اكل ونطلع بلا اسوفت الولدايات

( نطلع برا اشوفج الوردايات)

بنان : ميخالف

مريم : اي بنان شلونج

بنان : هههههَ هذا لوني

زوزو : بنان يمه تعاي احاجيج

بنان: ها بيبي

زوزو : باعي ليش متروحين أنتِ ورحاب للدكتورة ؟

رحاب : بنان أنتِ تردين تروحين هو بنهاية فحص

بنان: خاله شبيكم مو اني اعرف نفسي كلش زين مو حامل يعني ومتأكده هم

رحاب : هاهيه يمه

زوزو : ليش هاهيه عيني

بنان : بيبي مو اني اعرف نفسي زين

زوزو : خوش

بنان : يلا من رخصتكم اني حروح فوك اشرب علاجي

رحاب : مرخوصه يمه

صعدت فوك واني اضحك استغفر الله هذوله وين واني وين صادفت همام دينزل

همام : صباح الخير خويه كيف الحال

بنان : تمام وانت

همام : يعني نص ونص

بنان : هههههَ هاذهوه

كمل طريقه ونزل واني رحت الغرفه شربت الدوا وخلصت كعدت وحدي تذكرت انوا حطيت رقم امي بتلفوني حدك عليها

ضليت ادك ادك ماكو رد الى أن اجاني صوت امي

الهام : منو ؟

بنان : يمه اني بنان هذا رقمي

الهام : لج هلا يمه شلونج حبيبة

بنان : زينه انتوا شلونكم روان ورزان طمنيني عليهم

الهام : لج بنان شسولفلج شحجيلج

بنان : خير يمه شنو شصاير

الهام : رزان البارحه عقدت وخطوبه نفس اليوم لج حتروح

بجيت واني احجي : شنو يمه شلون هيج ليششش

الهام : والله مو بيدي يا يمه

بنان : همه شلونهم روان شلونها ورزان عليج الله يمه منو خطبها

الهام : خطبها واحد جابته ام حارث .. باعي بنان ماكدر هسه احجي وياج فراس هنا خاف يسمعني حروح بالليل ادك عليج

بنان : يمه انتظرج

الهام : عمري انتي انتبهي لنفسج زين

بنان : تمام باي

سديت تلفون وكعدت ابجي واني اتذكر يربي ساعدهم وكون بعونهم مداتحمل اريد اشوفهم

@@@@@@

بيت جمال

واكف اسمع امي كاعده تحجي وية بنان
ابتسم ابتسامه مليانه شر وهو يحجي بكلبه

فراس : مو بعيني بنان بسيطه والله

الهام خلصت اتصال وجان يفوت فراس

الهام بخوف : فراس شدسوي هناه

فراس : كلشي مداسوي بس اجيت اريد صبيلي اكل

الهام : اي هسه

فراس : استعجلي جوعان حيل

الهام : اي هسه

شفتها راحت للمطبخ رحت اخذت موبايلها وسجلت رقم بنان عندي

فراس : صبريلي ست بنان اني الج

....................................................

ريم جنت كاعده بالصف واجت روان

ريم : لك هلااا شلونك يحلووو

روان : مو زينه

ريم : ليش ولج

روان : البارحه عقدت رزان

ريم : لاا لتكوليها

روان : والله وفوك هذا ميعاملها زين من وره خشمه

ريم : اووف خطيه رزان متستاهل هيه شلونها

روان : شلونها يعني حال ضيم حالها

ريم : خطيه والله انقهرت حيل

روان : شو وجهج اصفر ريم وتعبانه بيج شي

ريم : ما ادري بس اليوم مال خلك

اجت سجئ ومروه

سجئ : لك هلاااا اليوم الحلوات ملتمات

مروه : اي شلونكم

روان : زينين شتريدين من الاخيرر

سجئ : اووي شبيج دانحجي مو اله اكو سبب حتئ نجي ونحجي وياه صديقاتنه

ريم : والله ضحكتيني صديقات احنه وانتو شو دروحي بابا من يمنه انتي ظاهر حلمانه بينه وجايه

روان : سجاوي روحي اخذي زوج مالتج مروه وروحوا منا احسن الكم

مروه بعصبيه : هاي عليمن زوج ولج

روان باوعتلها صفح : ما اعتقد اكو احد زوج اهناه غير انتي وسجاوي موو هيج ريم

ريم ضحكت : كلش صح

سجئ : احترمن نفسجن واحجن عدل

روان : صدك والله واذا منحترم شسوين مثلا

مروه : شوفين شي ميعجبج

روان : هوه اذا تريدون صراحه اني حاليا داشوف شي الي ميعجبني " واشرت عليهن "

مروه : شو تعاي هواي جاوزتي

روان : اي اجي ليش لا صراحه صارلي هواي ما متعاركه وياجن وخاصة انتي عاجبني اغسلج غسله من هاي الزينه

ريم بدينه نتعارك اني علئ سجئ وروان علئ مروه لحد منحس وحده عاطت بينه عيطه رجت الصف كله

المدرسه : اشووو انتن شلون وياجن ولكم متتأدبن امشن للاداره بسرعه بدون كلام

سجئ : بس ست

المدرسه : گلت بدون كلام

..........................................

بنان
جنت كاعده صافنه وجان تجي عليه فرح

فرح : بنان بنان تعاي نتلع بره بالحديقه (نطلع)

بنان : تمام هسه لحظه

رحت لبست صايه ولبست حجاب ونزلنه

همام : هاا وين رايحات

بنان : برا بالحديقه فروحه تريد شوف الورد

همام : اي بس اكو عمال كدام البيت

فرح : يلا بنان

بنان : مو فرح تريد بس محنبين

همام : تمام

بنان طلعنه اني وفرح ودنشوف الورد

فرح : شوفي هاي الورده شلون حلوه

بنان : اي تشبهج مثلج حلوه

بنان دنشوف الورد شو ما اشوف غير ايد لزمتني بقوه جرتني

بنان : اووي ايدي شبيك فهد

فهد بعصبيه : ليش طالعه بالحديقه اني مو كايل لحد يطلع وكدام بيتنه عمال ديبنون ها

بنان : هسه شصار ليش تعيط وهد ايدي شبيك

فهد : اي مره ثانيه مو شوفين عمال براا تفوتين ومطلعين

بنان : افتهمنه استاذ فهد بعد اكو اوامر ثانيه
عفته واخذت فرح وطبينه جوه

فهد : وانت هناه شنو همام مو دتشوف العمال براا شكو تخليهم يطلعون براا

همام : شمدريني اني واني كتلهم لطلغون بس فرح اصرت علئ بنان

فهد : حتئ لوو اني كلت لحد يطلع

همام : هسه مصار شي

فهد : انجب

همام : انجبيت

.............................................

المديره : انتو شلون وياكم يوميه مسوين مشكله

سجئ : ست والله معلينه هنه الي بلشوا

مروه : اي ست والله

روان : جذابات انتو الي بلشتوا وفوكاها يحلفن الله الجذابات الله يشيلجن

ريم : ست احنه معلينه جنه كعدات هنه اجن يتعاركن

سجئ سوت نفسها دتبجي : ست والله معلينه هنه بلشن

مروه : ست شوفي روان سوت بيدي

روان : يعني اذا تريدن جذبن جذبن عدل

المديره : بس كافي شهل اخلاق هاي مو اول مره تتعاركن وشكت انبهكم بس ميفيد وياكم لتخلوني اصرف غير تصرف وياكم ديلا اطلعن هسه وباجر اني اعرف شلون اصرف وياكم بسيطه

روان طلعنه شو ما اشوف غير ريم وكعدت تخربطت

روان : ريم ريم هيوو شبيج ريمه ولج

اخذت ريم وغلستلها شويه صحصحت

روان : شبيج ريم شو اليوم معاجبتني وجهج اصفر ومالج خلك بيج شي

ريم : روان ما ادري شبيه دايخه حيلل روان

روان : دتعاي باعي المدرسه فرغت خلي نطلع علئ كيفج امشي

...........................

ياسر طلعت داروح اجيب ريم من المدرسه اشو تأخرت حيل حتئ المدرسه فرغت وجان الكه روان سانده ريم وريم وجايات بأتجاهي

راح الها ياسر وهو خايف

ياسر : هلو روان شلونج شنو شبيها ريم

روان : والله مادري بس تخربطت فجأه

ياسر : زين هسه شسوي

روان : شنو شتسوي وديها للبيت للدكتور

حجت ريم بتعب : وديني للبيت تعبانه بسرعه

ياسر : تمام .. يلا " وداها للسياره"

روان : ياسر

أندار بقلق : ها روان

روان : ديربالك عليها مريضه كلش

ابتسم وكال : تدللين مو بعيني

هزت راسها وراحت للبيت

بالسياره
ياسر : شبيج يمعوده ريم

ريم : مادري تعبانه حيل

ياسر : اوديج للدكتور ؟؟

ريم: لا لا ماريد

ياسر : شنو متريدين مو شغلة عناد عمي

ريم : مو عناد ماريد شبيك بس اريد انام تعبت

ياسر : اي تمام عود اكول لابوية وفهد

ريم : اي كولهم

ياسر : احممم ادري مريضه بَس سؤال

ريم " بتعب " : مابية حيل ياسر

ياسر : ليش روان اليوم طالعه حلوه

ريم : بعدين أكلك بس اسكتتتتتت

ضحك ياسر وشغل اغنية وضل يركص وريم تهز أيدها
مخبل مو صاحي

@@@@@@

رحاب : ها يمه فهد شو اليوم من وكت شعجب نص نهار ورجعت

فهد : رحت بس جان اجتماع وكملت شغلي لان اسبوع الجاي أن شاء الله راح يتغير النظام وننقل لغير مكان

رحاب : يعني شكد

فهد : 10 ايام هناك وارجع اسبوع اجازه

رحاب : هواي

فهد : زين بالنسبه اكو بيهم يضلون شهر يعني

رحاب : شلون لعد بهيج حاله حتطول هواي علينه نشتاقلك

ضحك فهد : لا هي كلها 10 ايام تركض ركض يمعوده
رحاب : أن شاء الله

طلعت زوزو تمشي : لك ها ولك شلونك

فهد : زين زوزو انتي شلونج

زوزو : تريد تنضرب بعكازتي ؟

فهد : هههههههَ عادي

زوزو : كوم من يمي كوممم روح شوف مرتك الحامل

فهد : مو حامل

زوزو : شمدريك ؟

فهد : واضحههه

زوزو : اي اي لعد ضلوا اوي اني شعليه

فهد : خوش اني صاعد فوك

زوزو : اي اصعد عيني

ضحكت رحاب : غير مشتاق لمرته اكيد يروح

زوزو " همست " : لو بي خير جان وداهه للدكتورة

رحاب : مو يعرفون متأكدين بعد هاهيه ميصير نجبرهم

زوزو : اي براحتكم عيوني اني شنو

رحاب : الأصل والفصل عيني

@@@@@@

بنان
كاعده وضايجه حيل من تصرف فهد وياي حيللللل ضجت من عنده مادري شبي هالايام وياي متغير حيل مو مثل الاول

انفتحت الباب وفات باوعلي جنت كاعده عالقنفه ودايره وجهي

صغر عينه وكال : زعلانه الاخت

بنان : من سوالفك

فهد : اي يعني عمال فوك وطالعه ؟؟

بنان : بس جنت لابسه صايه وحجاب ؟؟ بعدين مجنا مبينين

فهد : لا تبينون

بنان : اي اي نبين

فهد : لتصرفين وياي بهذا الأسلوب

بنان : انت ليش متغير علية ؟ اذا متريدني ملازم رجعني لأهلي

فهد : راح تخليني اتخبل عليج هسه

بنان : رجعنييي لاهلي عادي قابله شيسوي بية جمال يسوي

فهد : أنتِ لتضلين على أقل شي وكلتي اهلي وخواتي لتخليني هسه اطلع قهري بيج بنان

بنان : اي طلع قهرككك ؟؟؟؟

كلب خلقته وفات للحمام

فوك ماهو الغلطان يريدني ما ازعل استغفر الله مدري هذا الإنسان غريب الأطوار

لبست شالي ونزلت جوا لكيت ياسر جايب ريم وحالتها حاله لكيت مريم وخاله رحاب يمها كاعدين عالقنفه وياسر كاعد كبالهم

بنان : ياااا هاي شنو شبيج ريم حبيبتي

مريم : مادري ياسر يكول متخربطه بالمدرسه
بنان: امشي نوديج طبيب

حجت بدوخه: صدكوني مابية شي بس يمكن ضربة شمس لو هيج شي يلا حروح انام

بنان : اجي وياج

ريم : لا لا اصعد وحدي

صعدت فوك ومريم كالت : يربي من هالريم شكد عنوديه وتعاند

بنان : حكول لفهد خاف بيها فدشي

حجت بكلبها : متزاعلين يربي

مريم : اي والله كوليله
باوعت لياسر شفته صافن بغير عالم

بنان : استاذ ياسرررر شو لا حس ولا نفس

ياسر : احمم لا بس هيج والله شوي صفنت دايخخخ من الكلية

بنان : ها متأكد

هز راسه ب ابتسامه وراح صعد فوك
هذا الثاني هم حالته معاجبتني اريد احجي ويا اشوف شبي الاخ هيج

مريم: بنان تجين تساعدينا حنصب الاكل

بنان : اي تمام

@@@@
بيت جمال

طبت روان للبيت والدنيا حر .. لكت فراس كاعد بالصاله وديشوف تلفزيون

روان : خيرك ؟؟؟؟

فراس: بيتي شنو ماكعد بي ؟؟

روان : عجيب صارلك ايام مختفي مدري وين تروح وترد ترجع

ضحك وكال : أنتِ شعليج فوتي عاد فوتييييي لتخرطين براسي

روان : مجايه عليك

ذبت جنطتها وصعدت للغرفه فوك لكت رزان تبجي وبس شافتها مسحت دموعها

روان : شبيج رزان

رزان : مابية هههههَ

روان : اعرف لتجذبين علية

رزان : اي هاهيه

رزان : شلونج بالمدرسه اليوم

روان : تعاركت

رزان : ويامن هم مروة وهذيج

روان: اي يمعوده اني شوفي ما ارتاح الا اتعارك والا اتوبهن مني بس عينهن صلفه

رزان : يمعوده عوفيهن وانتبهي لدراستج متفيدج غيرها ترى

روان : اي ان شاء الله بس نفس الوقت مو لازم اسكت عن اي شي وبسيطه اني اعلمهن .. امير ما دك عليج ؟

رزان : لا ما دك

روان : سليمه تطمه بعد احسن شنسوي بي

رزان : مو هيج الموضوع بس احسه ميريدني

روان : يولي عاد تفلي بنص وجهه واذا ميريدج انتي هم متريدي بعدين انتي الف واحد يتمناج غيره

رزان : هههههاي عساس اني حياتي مثل باقي البنات

روان : اووفف والله حيرة

رزان : مو بس حيرة روان خربت حياتنا

....................................................

ياسر
تغديت وطلعت برا فد ضوجه فكرت كلت هاي ريم مريضه دخلي اشتريلها بلكي تحجيلي حجايتين على روان شوية اسايرها ولو هي متساير وميمشي عليها شي

رحت اشتريتلها بعز الظهر واني امشي ورجعت للبيت
طب يغني

ياسر : هوا بالحِسن باليني بلوة
احلى من الكُمر وشوية اضوه

زوزو : لك ها ولك شعندك وين جنت طالع بالظهرية

ياسر : والله هاي شوفت عينج اشتريت ل ريم

زوزو : ها .. أكلك ماجبت نمبر وان ؟

ضحك وجاوب : جايبلج كارتونه بثلاجه لتخافين

زوزو : ههههههَ اي ولك انت متنساني اعرفك

صعد ياسر فوك لغرفة ريم حتى ينطيها العلاكه
فات للغرفه لكاها نايمه

حط علاكة الحلويات عالمجرار ديطلع جان يدك تلفونها

ياسر : ياسر انت فضولك فد يوم يوديك بداهيه
راح حتى يشوف منو دك عليها

ابتسم وضحك : لك هلا مية هلا بأم كفشه نوّرت الشاشه بأسمج

ليش لا اجاوب اني .. تحمحم ورد اجاه صوتها

روان هيه وتحجي سريع : لج ريم شلونج يمعوده بالي يمج شلون صرتي خاف انتي تخربطتي من وره العركه الي تعاركناها ويي هذني الحقيرات اهخخخ لو الزمهن عود نزلن دموعهن مال تماسيح كدام المديره بس يسطبرلي اني العلمهن ولا عود مديره دترزل بينه
يمه خفنه حنموت من الخوف
روان هيه وتقلد علئ المديره " اني اعلمكم باجر " شكد فايخهه هاي

الوو ريم ويايه الووو وينج احلئ شي تطلع مسمعت ولا شي واني صارلي ساعه الغي ريمم وينج

ياسر : لا لتخافين سمعت اني

سكتت شوية وجاوبت : منو ؟

ياسر : اني ياسر بس والله طلعتي مو هينه اي كملي وشصار بعد اسمعج عيوني

روان : هذا تليفون ريم ؟

ياسر : اي

روان : ليش جاوب انت لعد هاا ؟

ياسر : مو ريم نايمه وكلت لازم ارد عليج يعني خطيه اخليج تنتظرين وماكو رد

روان : وانت ليش متحجي وتكول من البدايه اني ياسر ليش ضليت ساكت ؟

ياسر : لا عمي بس انتي هوه تنطين مجال واحد يحجي

روان : شقصدك

ابتسم وكال : مقصدي شي عيني

روان : اهووو واني ليش اصلا بعدني احجي وياك لازم اول ما اسمع صوتك اسده بوجهك

ياسر : الي يسمعج يكول طالعلج بعبع ولج اني بنات يكتلن نفسهن حتئ يحجن ويايه

روان : البنات مو اني

ياسر : چا شني انتي ولد ؟

روان : شوو دروح ضوجتني

ياسر : وين وين مو دنحجي

روان : واني معاجبني احجي شنو تريد اقص وياك مثلا يلا باي وبعد لترد

ياسر : اعصابج عيني

وسدته بوجهي

حتئ لو سدته اهم شي اسمع صوتها لككك اهخخخ فديت الصوت وراعيه .. كلبي تورط بحب ام كفشه شنو هاي مو حاله ياسر اول تالي انت هيج استغفر الله خل اروح انطمر احسن

@@@@@

بنان
صعدت فوك للغرفه بعد مجنت جوا .. كلت لازم اكول لفهد ريم مريضه يعني اوك صح متزاعلين بس اخته

طبيت للغرفه لكيته كاعد عالقنفه وبيده لابتوب و عنده شغل
ضليت واكفه حايره مدري شلون احجي

حجت بتردد : فهد

ضل مستمر ومدري شيسوي باللابتوب شكد يكعد عليه بالساعات

كال : نعم

بنان : ريم مريضه

أندار وكال : شنو مريضه شبيها ؟؟

بنان : مادري هو نزلت جوا قبل الغدا وشفت ياسر كاعد يمه كتلهم شكو كالوا متخربطه بالمدرسه

فهد : تمام

بنان : ايييي

رحت كعدت على صفحه واباوع عليه شبي هذا هيج من كل عقله يربي مستفززز ولا يصالح ولا يتنازل
ضليت كاعده معندي شي اسوي .. تذكرت رزان انخطبت دمعت وبدت دموعي تنزل بدون صوت خليت ايدي ع وجهي واني اتذكرها يربي والله خطيه مداتحمل ..انخطبت واني مو يمها ولا شفتها

كمت غسلت وجهي ورجعت وهو على فد كعده
ماحس غير غفيت ونمت

@@@@

ريم

جان يوم كلش صعب واني مريضه وفوكاها تعاركنا بالمدرسه وانلاصت علية كلها
تعبت كلش ومن رجعت من المدرسه كبل رحت نمت حسيت شوي احسن بس بعدني مريضه
باوعت اخذت تلفوني بديت اكلب بي شفت اشعار مكالمه واردة من روان
ها شنو منو فاتح تلفوني
ضليت اباوع واني مدري منو حاجي

التفتت لكيت علاكه حلويات طخ بالي كلشي بديت اربط الأحداث هو محد غيره يجيبلي حلويات اكيد هو

لكككك ياسرررررر اني اعلمك اليوم عباله اسكت اذا يجيبلي نستله وكيكه بسيطهه
كمت ورحت لغرفته دكيت الباب قوي طلعلي همام

همام : شبيج يمعوده هجمتي الباب دخلي الواحد ينام استغفر الله

ريم : وين اخوك

همام : يا اخو منهم هواي

ريم : ياسر البلوة الوكعت فوك راسنا وينههههه

همام : نايم

دفعته خفيف وفاتت نايم ومغطي راسه بالبطانيه

ريم : كوم كوم بسرعه ياسرررر كوم
وخر البطانيه وشعره طاير صفح واكع على وجهه هم

حجى بعصبية : نعم نعممممم شلون اني ما انام

ريم : متنام شنوووو

ياسر : هو شكوو

ريم : هاااا شكو خطيه متعرفف يا عيني .. انت حاجي ويه روان مو صح

ياسر : اكلج انتي مو مريضه شو لسانج طلع

ريم : دحجيييي انت

ضحك باستفزاز ورفع حواجبه : اي حجيت يعني منو غيري عمي

ريم : لك انت شسوي بيك هسه اكتلك

غطى راسه وكال : روحي من يمي روحيييي

طلعت ريم عصبية

همام : دقيقه دقيقه ريم متفهميني شكو شنو هاي ؟؟

ريم : بعدين احجيلك

همام : شنو بعدين اني طرطور هناااا ؟

ريم ابتسمت بخباثه : اوك تعال احجيلك بس سررر

همام : ما شاء الله سر احجي خويه احجي

ريم : اي اسمعني .. ياسر احتمال جبير يحب
صديقتي

همام : منيه وشسمها

ريم : روان صديقتي

همام: ايي ويعني حلوه

ريم : هي حلوه حلوه المهم هذا ياسر بس يلح علية ويريد رقمها ويجي للمدرسه كليوم ياخذني حتى يشوفها وهاي ويضل يمسلت بالسياره ويسأل واني ما انطي وجه يجيبلي حلويات عباله اتقشمر بس لا اليوم مو رجعت شوية متخربطه نمت وكعدت لكيت مكالمه من صديقتي وعرفت هو حاجي وياها وهاي وصار الصار

ضحك همام وكال : بسيطه اني اعلمه .. شكراً يا اختاه العزيزه

ريم : ولو تدلل حبيب

@@@@@

فهد
صاحوني علئ العشاء نزلت

رحاب : تعال يمه اكل

فهد : اجيت

فهد : اي شلونج ست ريم سمعنه بيج مريضه

ريم : لا زينه احسن هسه

فهد : تحتاجين طبيب

ياسر : لتخاف عليها عرج ميطبها

فهد : ياسرررر

محمد : وين بنان لعد ؟؟؟

فهد : فوك

محمد : ليش منزلت

فهد : مادري

ريم : تمام راح اروح اصيحها

رحاب : اي يمه روحي

صعدت ريم فوك لبنان حتى تصيحها للعشا

دكت الباب وفتحتها بنان

ريم : بنان وينج جوا كلهم كاعدين

بنان : حياتي والله ما أشتهي

ريم : يمعوده دتعاي شوية اكلي حتى لو

بنان : والله كتلج ما أشتهي

ريم : تمام براحتج

بنان : عمري

سدت الباب بنان ونزلت ريم جوا

ريم : تكول ما أشتهي

باوع فهد صفح وغلس

حجى همام : احمم اريد احاجيكم بموضوع

فهد : خيرك كول

همام : اني احب وحده واريد اخطبها

ياسر : ها حمام هااااا

همام : انجب واسمع

ريم : ها همامممم

ضحك وكال : اي اني احب وحده وتعرفها ريم زين

ضحكت ريم وافتهمت قصده : اي اي كلش

غمز ياسر : اي ومنية تعيسة الحظ اللي تاخذ واحد مثلك

همام : تاج راسك حيوان

زوزو : لكممممم كاعدين عالعشا

ياسر : اي منيه

همام : وحده صديقة ريم حيلللللللل

فهد : وانت وين شايفها

همام : هواي شايفها

ياسر " باوع لريم تضحك " : شسمها

همام : لا هنا وكافي بس " همسله" : اهخخخ ياسر اسمها روان

فتح عيونه وكال : يااااااا انذاااااللل

ضحك همام وكال : جذب اشاقه وياكم بس حبينا نلطف الجو ويه يسوري الورده

ياسر زعل وكام كعد ع صفحه ويباوع عليهم بضوجه ويتوعد لريم

ضحكت زوزو وكالت لريم : ولج هذا اخيج يحبها
ضحكت ريم : اي ولج يحبها يحبها

زوزو : روان مو

ريم : اي اي

زوزو : دخل نخطبها لعد

ريم : مو هسه زوزو ورانه دراسه

زوزو : خوش خوش هههههههه هذا همام عرف ديبسمره

ريم : اي ولج فديت عقلج زوزو

همام : ولك فهد شبيك كالب الخلقه دضحك
ابتسم بتسليك وياكل

طب حسن وكامت فرح تركض عليه

حسن : ها ولكم كاعدين
فهد: تعال

حسن : لا والله ما اريد اكل ..تعاي مريم لحكيني

مريم : هسه دقايق

كامت ريم وراحت لياسر: مبروك ياسر

ياسر : خير ؟؟

ريم : زوزو تعرفك تحب روان

ياسر : لج والله اليوم ابتلي بيج

ريم : متكدر هيهيهيهي

ياسر : ولي ولي من يمي ولي

اجه همام : ها ولك شبيك ويه ريم

ياسر : انتوا الاثنين اموتكم حقراء بس اصبرولي خل هذوله يخلصون عشا واني اعرف شغلي وياكم

فهد : هااا شو مجتمعين ؟؟؟؟

همام : اسرار الدولة

فهد : احجوا احجوا

ريم : هيج وداعتك

ياسر : شو وخرو اروح للغرفه احسن

............................................

بنان كاعده وحدي وضايجه من فهد فجئه يندك عليه رقم ما اعرفه ردت اودي الفهد يفتحه بس اذكرت مزاعلين فكلت اعوفه وما افتحه بس بقئ يدك اكثر من مره واني خفت وعبالي خاف صار شي بخواتي شي ففتحته ...

بنان : منو ؟

فراس : يا هلا بحبيبة الگلب ما اشتاقتيلي اني اشتاقيتلج

بنان اول مسمعت صوته ما ادري شصار بيه اي هوه هذا نفسه الي جنت معتبرته اخويه جان احد اسباب دمار حياتي ..

بهل لحظه اجتني رجفه شويه وينغمي عليه احس الساني وكف عن الكلام مداكدر احجي شي مصدومه وبالي هواي افكار

فراس بضحكه خبيثه : شبيج بنون مجاوبين ترا مشتاق الكلشي بيج اني وين صرتي وين هاي سولفيلي

بنان ساكته والدموع تنزل

فراس : هاي شنو ديبجي الحلووو شنو وينج لو لما سمعتي صوتي راح السانج المهم جاي اكلج هل كلمتين ما اعوفج اني وراج وراج وين ما تولين وشوفي شحلعب بيج لعب عبالج انسه ذاك اليوم اني الج ست بنان

بنان سديته بوجههه ونهاريت رجعتلي كل ذكرياتي فرفحت كمت ابجي واتنفس بالكوه

...........................................

فهد كملنه عشه وما اكلت هواي لان مالي نفس صعدت للغرفه فتحت الباب وجان الكه بنان مفرفحه ومنهاره من البجي وتتنفس بالكوه

فهد بخوف : بنان شبيججج

نهاية البارت
يتبع ..

لا تنسوا التصويت

إلى اللقاء يا أعز العابرين في قلبي ♡.

الكاتبات دينا & نور