نقطة لقاء الفصل الخامس وخمسون 55 - بقلم دينا _ الكاتبة نور

أينسى القلب إنسانًا له في روحِه مسرى؟
أينسى القلب أيامًا لها في عمقهِ مجرى؟

>>>>>>>>>>>>>>

_ هاي شنو بنااان

اباوع عليه مخنزر وصاير اعصاب گلت

_ شكو فهد

عاط بيه وگال : شمسويههه بشعرج

بنان : فهد عفيه صوتك آسر راح يكعد

_ من انعل ابو آسر ليش مسويههه هيج بشعرج ليش

بنان : والله حلوو صار

اجه يمي لزمني حيل من عكس ايدي گال

_ وين الحلوو وين شايفه شلون شعرج صار مو حرامات شلون انطاج گلبج

دمعت وگلت : بس ايدك دتأذيني

فهد : وانتِ مو كصيتي مكلتي راح اذي فهد

_ بس ردت تغيير فـ كصيته

فهد : ليش تغيرين ليش منو صخم وجهج وگلج تغيرين ليش تأذيني وتعرفين احب شعرج

_ فهد بس صوتك عفيه آسر نايم

هدني حيل من ايدي وگال

_ بس كصيتي شنو استفاديتي واني گايلج اكثر من مره لتكصين شعرج

بنان : والله يطول قابل راح يبقئ هيج

_ وشسويله بس ليش تكصينه وتعرفين احب شعرج يعني هسه حلو مو كصيتي

بنان : متوقعتك تصير عصبي بالنهاية هوه شعر

كرصني حيل من زندي وگال بعصبية

_ بالنسبة الج مجرد شعر تعرفين اني احبه وشعرج طويل ليش تكصي

هوه كرصني واحس شاغت روحي من كرصه بقيت لازم جتفي وبجيت ..

وبهل اثناء كعد آسر وكام يبجي واني منا جتفي من الكرصه صرت ابجي بزايد رحت شلت آسر اريد اسكته ..

بس صار يبجي گلت

_ كافي ماما اوووه كافيي بجي حبيبي

حجه بعصبية وگال

_ جيبيي

سكتت مرديت عليه جان يعيط وگال

_ جيبيييي

بنان : داسكتهه

_ جيبي يمي

_ ما اريد خلي يمي هسه اسكته

اجه يمي جره من ايدي گلت

_ ليش اخذته

_معليج

بجيت وگلت : شبيك فهد جيبهه

اباوع عليه شايله يحاول يسكته گلت

_ جيبه اني اسكته

_ انلصمي

جان ياخذ آسر وطلع وسد الباب قفله گلت بصوت عالي

_ جيبهه ليش قفلت الباب واخذته

مرد عليه رحت كعدت علئ الجربايه لازمه جتفي كمت ابجي علئ الكرصه لان اذاني و دابجي متوقعت ردت فعله هيج ويصير عصبي ..

وبالنهاية هوه شعر وفوك هذا اخذ آسر وقفل الباب رحت وكفت كدام المرايه رفعت الدشداشه من اليد وشفت زندي صاير ازرك من الكرصة ..

فركتها ورحت رجعت علئ الجرباية تمددت وابجي ..

__________

روان
كاعده بالصاله اكلب بتليفون لان هسه ريم اجه مؤمل واخذها ورزان راحت يم ايهم فكلت خلي اكوم داصعد للغرفة وشفت فهد ديسكت بـ آسر گلت

_ هاي شنو ديبجي ليش

فهد : ما ادري مديسكت

روان : خاف جوعان بس لا بنان رضعته زين بنان وين؟

فهد : بنان نايمه

روان : خطيه تعبانه خاف زين انطيني آسر انومه يمنه اليوم

فهد : خاف يضوجج

ابتسمت وگلت : لا ميضوجني هسه اسكته وانومه يمنه عادي

فهد : لاا ميحتاج هسه اسكته يتعبكم هذا

روان : لا يا تعب عادي اصلا خلي انومه اليوم يمنه

ابتسم وگال : لعد هاج واذا تعبكم جيبي

روان : تمام

اخذته منه وفهد راح فـ كمت اسكته لان جان يبجيي بقيت افتر بي بالممر وهوه مبحلقلي بعيونه ويبجي

اخذته ورحت فتت للغرفة لكيت ياسر متمدد وديكلب بتليفونه گلت

_ شوف منو اجه يمنهه اليوم ينام

ياسر : هلا هلا هاي منو منور غرفتنه الكوا* الصغير ابن الغالي

خزرت ياسر وگلت : لتغلط هيج كدامه ميصير

ياسر : هوه بطول جف ايدي قابل راح يفتهم

روان : حتئ لو ميصير وهاا اذا صار عدنه اطفال مستقبلا اسمع زين گلت مستقبلا شسمه تبطل فشار

ضحك وگال : ايي تمام مستقبلا

روان : ايي مستقبلا المهم راح ينام يمنه هذا الحلوو حبيب خالتهه

ياسر : شلون قبلوا ينطوه الج

روان : مو فهد گال بنان نايمه ومديعرف يسكته فگلت خلي اخذه ينام يمنه

ياسر : فهد يثق بينه وينطينه ابنه لا مستحيل

روان : ليش شبينه احنه

_ مخابيل

_ وحدك

ياسر : طاحضج المهم جيبي جيبي عمي خلي اشوفه

انطيته الـ ياسر وگلت

_ علئ كيفك وياه بعده صغيرونييي

شاله وكام يسوي ياسر بوجهه حركات وآسر صافن عليه و عاكد حواجبه گال

_ بس لو اعرف ليش مخنزر بابا اضحك اضحك

وآسر عاكد حواجبه وياسر يريد بس يضحكه ماكو آسر مُصر ميضحك ورها گال

_اشو هذا رموشه اطول منج

اجيت يمه كعدت وگلت

_ اي والله رموشه طوال وحلوات حيل

ياسر : ماخذ رموش العشيرة كلها ميصير هيج والله

روان : كول ما شاء الله

ياسر : قابل ححط عيني علئ هل كوا*

روان : ولكك ياسر لتغلط شكلت انيي

ياسر : افتهمنه افتهمنه

اباوع علئ ياسر شايله وكام يلوليله

_ دللاه يالولد دللاه اووو نام يلا نام عفيه نام ولك لتخنزر يلا نام وووو عفيه يلا نام

جريته من ياسر وگلت

_ جيبه جيبه اكو واحد هيج ينومه

ياسر : ولج مو دانومه جيبي

وجان يجره مني رجعت جريته من وگلت

_ شبيك خلي انومه اني

ياسر : عمييي شبيج اني انومه

وجان يجره مني ورجع آسر يبجي من جده وجديد ..

اخذته من ياسر وكمت وكفت ورجعت اسكت بي واكول

_ اريدك ترتاح ياسر خليت الولد يبجي

_ اني شعليههه

_ لا ابد شعليك .. اشش اششش حبيبي اششش

ضحك وگال : لتكولين اششش كولي ميوووو ميووو هسه يسكت

روان : مو وكت تفاهتك ابد كله بسببك هسه شيسكته هذا

ياسر : معليه يلا انتِ مو خالته سكتيي

روان : وانتَ عمَ

ياسر : قابل اني عرضت ينام يمنا انتِ فتحملي مسؤوليته واستاذ فهد اكيد كيف هسه يروح ياخذ راحته وي المدام واني عافني بضيم ابنهم

رجعت اسكت بي واكول

_ كطيعه اي والله كطيعه كافي ولك اسكت موو ذبحتني بصوتك رنان بس تبجي كافي

ياسر : شبيج بالعكس تدريب الج من هسه علئ هل الوضع

روان : مو تخبلت اخلف جهال هسه

بقيت اسكته لحد ما شويه سكت وغفه نام اجيت خليته علئ الجربايه علئ كيف وتمددت گلت

_ اشش ياسررر صوتك لتحجي بالكوه نيمته

ياسر : لحظه اشو هذا نايم بنصنه واني شلون احضنج

روان : ماكو احضن المخده ونام

ياسر : هاي تاليتك ياسر تتزوج حتئ تنام بحضن مرتك وتعوف المخده اشو زوجنه ورجعنه للمخده

روان : والله تحمل هذا الموجود

ياسر : نتحمل علمود استاذ آسر ابن الغالي هذا

روان : اي عفيه

ورها غفيت ونمت اني هم ...

________

بنان
كاعده مغطيه نفسي بالبطانية وابجي جان تنفتح الباب ..

فات صفن عليه ورها تجهت انظاره للميز الي جان عليه شعري شاله بيده وبقه يباوع عليه ورها اندار عليه وگال

_ شلون گلبج انطاج تكصي ؟

بجيت وگلت : وين آسر وين اخذته جيبه خلي اسكته

_ مو حرامات شعرج مو كايلج صبغي براحتج بس لتكصي گلت لو مگلت

_ تغيير

فهد : يا تغيير هذا يا تغيير كاصه ظفيرتج بلا دوده بيج كصي خوش لجتفج ليش تكصي ؟

بچيت حيل وگلت : علمود شعر تصير عصبي وتعيط عليه

_ لأن احب شعرچ

غطيت نفسي بالبطانيه وابجي جان يكول

_ علئ شنو كاعده تبجين ؟

_ مدابجي

فهد : والتشهك مالتج شنو ؟

بنان : عصبيتك عليه وعياطك ومتريدني ابجي

_ يلا كافي تبچين

هوه گال هيج ورجعت ابجي بالزايد جان يكول

_ كافي تبچين مسحي دميعاتج يلا

سكتت ومسحت دموعي وغطيت نفسي اسمعه يجر حصرات ويحجي وي نفسه يكول

_ والله حرامات هل شعر راحح

وخرت البطانية وگلت

_ آسر وين ليش اخذته

_ يم روان وياسر خليته

بنان : ليش خليته يمهم جان جبته هنا

_ معليج

_ شنو معليهه

_ صوتجج

_ اريد آسر

_ اتوقع مسلتت وگلت يم روان وياسر

رجعت وغطيت راسي بالبطانية ..

حسيته تمدد علئ الجرباية بقه لفترة ..

ورها حسيته اجه حضني من وره وايده لتفت يم خصري ولزك جسمي بجسمه وخله راسه بركبتي وانفاسه الحاره لفحتني ..

بجيت وگلت : وخرر فهد

حجه بحنيه وگال : كافييي

بنان : وخرر انتَ مو عيطت عليه علئ شي ميسوه

جرني اله اكثر وحضني بقوه وگال

_ الشي الـ ميسوه تحچين عليه هذا جانت روحي بي

_ انتَ متحبني تحب شعري

_ هيج برائيج ؟

_ ايي

_ شوفي بنان .. اني روحي متعلگه بكُلشي بيج عيونچ .. حواجبج .. شفتج .. گلبج .. وبشعرچ الي كصيتي وكصيتي روحي وياه

اسمع حجيه ودموعي تنزل جان يكول

_ كافي بچي عيونج الحلوه ما اريدهن يتأذن لان اذا تأذن روحي راح تتأذه

_ اسفه

_ ضوجتيني منج حيل

سكتت مرديت گال

_ يلا مسحي دموعج بجيتي هواي تريدين روحي تتأذه ؟

گلت بشهكه : لاا

_ لعد امسحي دموعچ

خليت ايدي علئ عيني وكمت امسح بعيوني گال

_ عفيهه

بقه فتره حاضني شو ما احس غير ايده صعدت علئ صدري جمدت بمكاني گلت

_ فهد ايدك

تجرئ بالمس اكثر وگال

_ شبيها ايديي ؟

_ مابيها شي بس وخرها خلي نام احسن

ضحك وگال : اي نامي انتِ واني خليني هيج مرتاح

_ فهدد

_ شبيي فهاااد شبي

_ اووف ايدك ؏ صدري ليش؟

_ هاي لو آسر جان محجيتي شي

_ فهدد تراا ابني وطفل

_ واني زوجج شنو استاذ آسر حلال واني حرام ماكو

_ خطيه صغير

_ انلصمي احسن وثاني شي ترا اني بالكوه مصبر نفسي تخلص 40 يوم مالتج يلا مضل شي

سكتت محجيت شي جان يكول

_ تدرين بنان

_ شنو ؟

_ صدرچ كبران هواي

وخرت ايده وگلت

_ فهدد كافي ترا استحي لتحجي هيج ما احب هل حجي

رجع ايده ؏ صدري وگال

_ بس اني احب

دابدي اغفئ شو ما اشوف غير ايده دتصعد بدشداشه فزيت وگلت

_ شدسوي فهد

_ دالعب شويه ليش اكو شي ؟ وانتِ مو نعسانه يلا رجعي نامي

_ انتَ متستحي

_ ادريي ميت مره تكوليها و يلا رجعي نامي وعوفيني اشتغل براحتي

_ شتشتغل؟

_ لتخافين ما انزل ؏ ترابي هسه شبيج

_ ما اريد بطلت ما اريد انام

_ براحتـج

اباوع ايده صارت يمشيها علئ زنودي وصل يم اثر الكرصه گلت

_ ايدي فهد

_ شبيج

_ كُلشي مابيه

كام فتح الضوه واجه يمي گال

_ شنو هذا زراك

_ هيج ماكو شي

فهد : لا احجي

_ شنو نسيت انتَ كرصتني

_ اني ؟

_ ايي

_ وهيج تأذيتي من كرصه

_ اييي

رجع حضني وكام يمسح علئ مكان الـ زراك وباس زندي وگال

_ اذيتج

_ ايي

_ ما انتبهت علئ نفسي اذا شفت شعرج مكصوص تخبلت

بنان : عادي

جان يضربني علئ خلفيتي وگلت

_ شبيك فهدد

_ جان شعرج لهنا واطول واجيتي كصيتي ليش ليش مو حرامات ؟

_ يطول والله

_ شيطوله

_ والله بعد راح اعتني بي واخلي يطول

_ الله كريم

_ لتزعل

_ زعلان عوفيني

_ لا الله عليك لتزعل مني يطول والله

_ لاا زعلان

_ اووف عفيه عفيه لتزعل

_ ماكوو ضايج حيل منج وزعلان

_ شلون ترضئ ؟

_ ما ارضئ

صفنت بوجهه ورها طخت براسي وابتسمت گال

فهد : شو تتبسمين عاجبج زعلي ؟

بنان : لا لا بس عرفت شلون اصالحك

_ شلون بلا

ابتسمت وبسته بخده گلت

_ هـاا رضيت

قلص عيونه وگال : لا لا اني ما اتقشمر بهيج بوسه

بنان : لعد شنو مو بستك انتَ مو تحب ابوسك

ضحك وگال : متعجبني هيج بوسه

_ لعد شلون

ابتسم بمكر وگال : فكريي شلون تراضين فهيدج

طخت براسي شنو قصده وگلت

_ لا لا عفيه استحي

_ لعد ما ارضئ

_ اووفف

جان اتقرب منه وابوسه بشفته هوه مصدك فـ جرني حيل وباسنيي بقوه ورها وخرت وگلت

_ هسه رضيت

_ اذا بوسه ثاني يمكن ارضئ

_ فهدد شنو

_ شبي فهاااد

ورها رجع باسنيي حيل وگال

_ هسه نكول رضيت وبس تخلص 40 مالتج واسوي الي بالي تروح ضوجه

_ متستحي

_ ابد والله

_ اووف

_ احبج

ابتسمت وگلت : اني هم

حضني اقوه وگلت

_ فهد نعسانه حنام مو تسوي سوالف محلوه

_ لا ما اسوي

_ اكيد

_ اي شبيج نامي بويه نامي

_ تمام

ورها غفيت ونمت وبعد ما ادري شصار ..

___________

روان
كعدت الصبح او بالاحرئ الظهر لكيت ياسر حاضني ونايم باوعت علئ شكله جان حلوو وشعره مخربط

بعدين استوعبت انو آسر ماكو فزيت وعطت گلت

_ صخااامم عزاا آسر ويننن ياسر اكعد

اباوع عليه نايم بسابع نومه طخيته بأيدي حتئ يكعد وگلت

_ ياسررر اكعد آسرر وينهه

بالاخير شفته مكعد جبت ايدي حيل وضربته علئ بطنه ..

كعد ولزم بطنه وگال

_ شبيجج ولج اهخخ بطني شبيج تجوعرين فوك راسي من صبح

روان : وين آسر ؟

ياسر : هااا قصدج الكوا* الصغير

گلت بعصبية : ولكك ياسر وين آسرر

جرني حيل للجرباية ونومني بحضنه وگال

_ بليل شفتج نايمه واني كعدت علئ صوت بجيه فأستغليت الفرصه وديته يم امي العزيزه واجيت نمت بحضنج الحلوو

لزمت گلبي وگلت : يمهه خفت فزيت لكيته ماكوو

_ ايي طركاعتي واجيتي عليه ضربتيني ورها مو

_ اي غير انتَ متكعد

داكوم منه جرني گال

_ تعاي وين كايمه خلي نكمل نومه

_ وخر خلي انزل جوه صارت ظهر واحنه نايمين

ياسر : ديلا نزلي وطفي ضوه وراج

روان : متنزل انتَ ؟

ياسر : لا عوفيني اكمل نومتي

روان : حياتك كلها نوم

ياسر : هوه اكو احلئ من النوم وانتِ

عفته ورحت للحمام غسلت وطلعت وكفت كدام المرآيه امشط شو ما اشوف غير آثار بركبتي فتحت عيوني وعطت

_ ياسررررو اني شكايلتلكككك ليش هيجج مسويي بيههههه

فز وگال : شكوو شبيججج

رحت يمه وگلت : هايي شنوو هايي ليش مسوي هيج بيههه

ياسر : بس اعصابج عادي مصار شي

_ شنو مصار شي شوف ركبتي كلها زراك ياسرر تريد تفضحني انتَ اني موكايلتلك لتسوي هيج

_ هسه شسويت قابل حتئ بهاي متقبلين

خنزرت وگلت : هاي بليل مو جنت نايمه موو ؟؟

ضحك وگال : ايي انتِ اذا كاعده متقبلين اسوي هيج فـ استغليت الفرصه واخذت راحتي وانتِ شفتج نايمه مكعدتي كلت اخليهن مفاجئه الج صبح

روان : انتَ شنو تريد تفضحنييي

_ لا عمي شسالفه اكو زوج يفضح زوجته وين صايره هاي

روان : اووف منك ياسرر اووف

ياسر : مشكلتج محد گال الج خلي عطر يسطر الواحد

عضيت شفتي السفلية وگلت

_ ما اسامحك ياسر

باوع علئ شفتي وگال : تعاي ابوسج ترضين

_ عوفني عوفني اهخخ شلون انزل

غمز وگال : البسي حجاب ونزلي ماكو مشكله

روان : عناد بيك مالبس وهسه اضمهن وانزل

رفع حواجبه وگال : بـكيفج اني بس نصحتج حتئ تضمين لوحتي الجميله

_ سرسري

_ يمج

_ قهرر يربي قهرر

_ سوده عليه

عفته ورحت لبست شي يحاول يضم هل آثار لان اذا شافوهن البنات يسوني مضحكة وخاصة ست ريم لان اليوم راح شرفنه لان مسوين عزيمه علئ سلامة آسر ..

وره مبدلت نزلت وعفته نايم ..

نزلت لكيت خاله بالمطبخ هيه ومريم ديسون الاكل ورزان وريم كاعده يم رزان تسولف وزوزو دتباوع علئ التليفزون وفرح هم

رحت كعدت يمهم وگلت

_ هلاا منو يمنه اليوم

ريم : صكارتكم

روان : دوليي من شوكت انتِ هنا ؟

ريم : ووو من الصبح جابني مؤملي جابني و ذبحوا ذبيحه وهسه ديسون الاكل وانتِ بعدج نايم انتِ واستاذج

روان : شسوي نعسانين

ريم : اوييي

روان : بنان وين؟

رزان : جانت كاعده يمنه صعدت فوك كالت حروح يم آسر

ريم : تدرين منو راح يجي

روان : منو

ريم : معرفتي

روان : لتكوليها ريم

ريم : مع الاسف

روان : لااا اهووو ليش شعدهم جايين

ريم : شمدريني زوزو حجت وي بابا كالت ميصير احنه نضل هيج مقاطعين بيت محمود مهما يكون ابني هذا فعزمه اليوم بابا بس فهد مقبل وصار نقاش حاد من صبح بس لخاطر بابا سكت

رزان : حيجون كلهم

ريم : كلهم

رزان : ايمن وليان يجون

ريم : ايي زوزو غير حن گلبها شو عليهم

روان : اووف

باوعت علئ فرح كاعده صافنه گلت

_ تعاي فروح

_ هاا خاله

روان : عزاا خاله شنو كولي روان روان اسمي

ريم : اوويي واذا صاحتج خاله

روان : ما احب بعدني شباب

ريم : اوييي

روان : اي فرح شلونج صارلنه هواي محاجيه اني وانتِ

فرح : اي صح

روان : يمه فدوه شهل كصايب الحلوهه

فرح : شكرا

روان : ايي صدك شوكت سجلين بالمدرسة

فرح : هاي السنه

روان : اي عفيه

ريم : شنو حان گلبج اليوم ؏ فرح

روان : يعني واحد ميحجي وياها

ريم : احجي عيني احجي

روان : الولد وينهم ؟

ريم : والله مؤملي و همام و ايهم وفهد كلهم بصالهه بس ناقصهم يسورتج

روان : اي خلي نايم الحقير

ريم : شو صار حقير

روان : مضوجني

ريم : ليشش

روان : خليها سكته

ريم : الله يسترر

كاعدين وسوالف تجي وسوالف تروح وجان يندك الباب گلت

_ بيت شرشبيل موو

_ يمكن

راحوا الولد فتحوا الباب ورحنه سلمنه واجت جمانه وليان كعدوا بصاله يمنه ...

جان تكول جمانه

_ اي وين بنان شو ماكو شنو متنزل لو متريد تشوفنه ابنها

همست ريم وگلت : بدت رحمة الله

جان تجاوبها خاله رحاب وتكول

_ هسه تنزل خطيه فوك هيه ملتهيه وي ابنها

_ اي اي زين

شو منشوفها غير اندارت علئ ريم گالت

_ وانتِ ريم شعجب مصار عندج حمل مو صارلج هواي مزوجه

ريم : بعد منريد هسه

جان تكول ليان بصوت ناصي بس ينسمع گالت

_ اكص ايدي اذا مطلعت عقيم

اباوع علئ ريم رادت تردها حجيت اني وردت اصير مثل حقارتها گلت

_ وانتِ ليان حبيبتي شوكت تتزوجين ؟

گلبت بعيونها وگالت : والله اني يوميه خطابه داكه بابي مو ماما

جمانه : اي حبيبتي صح

ليان : اي بس ميناسبوني مو مثل مستوايه

روان : يااا صدك بس مو مال تبقين هيج مو راح تعنسين شوفي شكبرج صرتي

زوزو : اي صح شعجب لحد الان مامزوجه

جمانه : غير ماكو عريس بي حظ

همستلي ريم وگالت : هوه خلي يجي العريس اول بعدين عود كولوا بي حظ او لا هوه منو يكلبها علئ الحقد الي بداخلها بس فالحه تهجم بالبيوت

اباوع رادت تكوم ليان گلت

_ وين ليان ؟

ليان : اروح اشوف بنان اسئل عنها

روان : حتئ توكعيها مره ثانيه موو

خزرتني واندارت علئ خاله رحاب كالت

_ خاله دشوفين احنه مو سدينه هل موضوع دشوفين شلون ادور مشاكل

جمانه : عوفيها ماما لتخلين عقلج وياها

روان : ايي ليونه سمعي كلام الماما ولتحطين عقلج وي الاكبر منج

رحاب : اي اي كافي كعدي ليان هسه تجي بنان تنزل وتشوفين الطفل

رجعت شعرها ليوره ورجعت كعدت

وكلسع هيه وامها يخزرونه ..

___________

بنان
صعدت فوك حتئ ارضع آسر ومدام فهد جوه اباوع عليه ناعم بس ملامحه مبينه حلوه وارموشة الحلوه طوال جانن ...

اباوع عليه شلون يرضع ومبتسمه جان احساس كُلش حلوو انو ابني يكون بين ايدي احلئ فرحة هاي ..

جان يفوت فهد للغرفة فزيت گلت

_ فهد علئ كيفك فززتني

_ ايي مو اريد موبايلي وين

بنان : هذا هاك

اخذه وباوع علينه ابتسم ورها جان يضحك وگال

_ هاي شنوو

بنان : شكووو

فهد : هذا وين حاط ايده

بنان : شنووو فهدد

فهد : شوفي ايده علئ صدرج

خنزرت وجربت شالي غطيت صدري وگلت

_ اهوو فهد والله عيب كافيي

ضحك وگال : حتئ اشوفج لما الزمج متقبلين استاذ آسر عادي

_ غيرر ابني هذا وترا صغير بعده

_ واني مو زوجج

_ ؏ اساس انتَ مقصر ؟

ضحك وگال : يلا اني نازل يم الولد وترا حيجون بيت محمود و ها ليان راح تجي اني مردت بس الخاطر ابويه فبتعدي عنها ولتحجين وياها وبس تحجي وياج كُليلي خوشش

بنان : تمام

راح نزل واني ضليت العب وي آسر وصورته كم صورة ورها سمعت صوت جوه گلت اكيد اجوي فرحت بدلت ولبست آسر ولبست شالي وشلت آسر ونزلته ..

اول منزلت لكيتهم مجتمعين بالهول كلهم والولد ظاهر بالصاله فنزلت سلمت من بعيد لان مكاموا حتئ يسلمون عليه بعدين رحت كعدت يم البنات ..

جان تكول خاله جمانه

_ شو جيبي يمنه خلي نشوفه ترا مناكله

ابتسمت وكمت دانطيها جان تكول

_ لا لا ما اريد الزمه لا اتمصخ

تفاجئت من كلامها گلت

_ مفتهمت ليش تتمصخين؟

زوزو : ليش ولج تتمصخين قابل شايله انتِ بس كولي خاف تشيلي انتِ ويتمصخ

جمانه : هسه شحجيت اني ما اريد اشيله

عفتها ورحت كعدت جان تهمسلي روان

_ باعي اني ما اريد اليوم اتعارك بس بدوا يطلعوني من طوري

بنان : كافيي روان

جان تكول ليان : شو بنان مجبتي يمي اشوفه آسر

تجاهلته ومجاوبته سويت نفسي داباوع علئ آسر جان تجي تكوم يمي باوعت علئ آسر گالت

_ ايععع هذا شنوو

خزرته وگلت : شكوو ؟

ليان : هـاا هذا شو ميشبه فهد ابد يمكن يشبهج

بنان : يشبهني يشبهه فهد شنو الـ ايعع بالموضوع؟

ليان : موو محلو مدشوفين

روان : هوه شنو الموحلوو هوه بس رموشه تسواج وتسوه نماذجج

ليان : هاي ليش تحجين هيج وياي شحجيت اني هسه غير الصراحة

ريم : خلي صراحتج النفسج وروحي كعدي

ليان : واحد يحجي الصدك يبتلي علئ عمره

راحت كعدت وخازرتني استهضمت من حجيها بس مبينة

جان رزان تهمسلي تكول

_ لتهتمين هاي غيرانه

هزيت راسي وحضنت آسر .. بهل اثناء جان يجي فهد يفوت علينه واجه عليه گال

_ بنان انطيني آسر يريدون يشوفوه

ابتسمت وكمت انطيته آسر ابتسملي واخذه جان تكول جمانه

_ يتربئ بعزك ودلالك عيني ابو آسر

فتحت عيوني بصدمة واني بس شوفته الها محجت شي والبنات بقوا صافنات ..

جان تكول ليان

_ فهد الف مبروكك والله يخليه الك والطفل يخبل ويشبهك حيل ابد مينطي شبهه البنان

جان يجاوب وهوه يباوع عليه گال

_ لا ميشبهني بس يمكن ممنتبه زين عليه انو يشبه بنان وحلو عليها

ابتسمت اله وليان باوعت علينه وخنزرت راح فهد اخذ آسر والبنات يمي يتمضحكن

ريم : فديت اخويهه

روان : اشوو هاي بكيفهم يغيرن كلامهم

بنان : عوفيهم لتهتمون الهم احسن

روان : ما اوعدج تدرون اريد اروح واكوم انتف ليان وامها

ريم : استهدي برحمان اختي العزيزه

روان : اهخخ بس

رزان : اكلج ريم

ريم : كولي

رزان : احنه بس سلمنه مشفت ايمن

ريم : اي صح ما اجه صارله هواي

رزان : همزين لان ايهم يضوج منه

ريم : اي خيولي

ورها كالوا راح يصبون غده فراحت خاله رحاب وجمانه ومريم كامت وياهم ريم گالت

_ انتو ضلوا ميحتاج تكومون

بنان : لا خلي اروح اكوم اساعدهم

ريم : دكعدي كعدي

ضلينه كاعدين وليان كدامنه جان ينزل ياسر من درج گال

_ هاي شلونكم بنات

ريم : بعد وكت

ياسر : محد سئل عنج .. اي شلونج بنان رزان انتِ شلونج رواني مرتي الحلوه

بنان : زينه وانتَ

ياسر : علئ الله .. مرتي الحلوه شلونج

روان : زينههه بعد وكت لو ضال فوك احسن

ياسر : شسوي غير اشغال عندي وهيج يعني

ريم : اي اي اشغالك النوم

ياسر : انجبي انتِ

ليان : شنو ياسر اشو متريد تسلم عليه

باوع علئ ليان من فوك ليجوه ورها هز بيده وراح يم الولد گالت

_ هذا شبي ليش ميسلم

روان : معاجبهه

ليان : عسئ لا سلم

روان : ربيي انطيني صبر

صار هدوء ورهاا جان تندار علئ رزان گالت

_ سمعت بيج سقطتي صدك عود

رزان : ايي صح

_ اي خطيههه يلاا ربج يرزق بس الانسان الزين

جان اجاوبها واكول

_ وين تريدين توصلين؟

ليان : ما اتوقع حجيت وياج بنان؟

بنان : واتوقع كاعد تحجين علئ اختي

ليان : لتدخلين انتِ

روان : وليش متدخل

ليان : اكلج رجولتج هاي طلعيها علئ ياسر مو عليه

ريم : كافيي ليان شنو تريدين بضبط

بنان : شنو جايه سوين مشاكل انتِ؟

ليان : شكد مكروهه

روان : لهنا وبس خلي اكوم احسن

ليان : شنو تكومين لعبالج اسكت مثل كل مره جربي مدي ايدج شوفي

ضحكت روان وگالت : يالله شكد مشتهيه العراك

كومي روان علئ ليان وتكافشوا انتِ وياها كمنه حتئ نفاككهم

كمت اريد بس اجر روان شو ما اشوف غير يجيني راجدي قوي من ليان مهتمت الضرب روان اله اول مشافتني ضربتني لزمت خدي ..

اجت خاله رحاب وجمانه وزوزو كامت تصيح لان اصلا جانت ممنتبهه علينه منتبهه علئ التليفزون روان شافت ضربتني ليان لو تخبلت ..

كامت تجر بشعر ليان كطعته جان ريم تجر روان وبسرعه تجي ليان ضربتني علئ بطني حيل ودفعتني بالكاع عبالك جانت مقررة تسوي هل عركه
حتئ بس تريد تضربني ..

من قوة الضربة كمت ابجي واحس عمليتي تأذت الم فضيع اجوي الولد ركض الكل التم بالغرفة اجه فهد عليه گال

_ شبيج بنان

جان تنب روان گالت

_ ليان ضربت بنان قوي علئ بطنها وكعتها

ريم : حتئ ضربتها راجدي

كمت ابجي حيل ولازمه بطني وآسر يبجي شايله جان همام واجت ريم اخذته من همام كامت تسكت بي وروان ورزان اجوي يمي ..

فهد سمع هيج بدون محجه كلام ولا شي راح جر ليان من شعرها وكام يضرب بيها راجديات ويعيط

_ انتِ شلون بيج فهميني شلون بيججج اني كم مره امسلت كم مره احجيي مكافي مبزعتي

وجان يجيبها براجدي وهيه بس تبجي اجه عمي محمود يفاكك ويكول

_ شلون تضرب بنتيي شلون تمد ايدك عليها

جان فهد يهد ليان وجان اكو ميز كوم دفرة وعيط

_ بنتك عرمة كح** اله احجيها هيجج اخلص عليه كم مره نبهاا تعوف بنان تعوفها بس لزكهه ولا تريدون ابدي صفحه جديده وياكم ما ابدي ولا اريد بعد

اجت جمانه جرت بنتها وگالت

_ الله ليوفقك

ياسر : الله ليوفقكم انتو و بنتج ام عطوب الي لازم كل متجي تسوي مشكله قبل الاكل هاي لازم سيناريوو دائما يصير

اجه مؤمل جر فهد يريد يهدي بي بس ماكو فهد صار اعصاب احسه فقد واباوع علئ آسر بالاخير ريم اخذته وصعدت فوك ورزان لحكت ريم ..

وروان يمي كاعده تريد تكومني بس مدتكدر .. وصار حجي هواي وعياط

جان بالاخير يعيط فهد بصوت عالي گال

_ هسه يطلعون اطلعوا بعد ما اريد اشوف وجههم ما اريد يوصلون للبيت ابد خلي ياخذون بنتهم وينكلعون منا

محمود : ترا هاي ثالث مرا تطردنا

فهد : اي اطردكم واطيح حضكم اخذوا بنتكم وبعد محد يوصل لهنا

جان يحجي عمو محمد وي عمو محمود علئ صفحه ورها اجه گال

_ امشي جمانه بعد منوصل لهنا ولا نريد

فهد : احسن بعد لتوصلون وكل ما اشوف بنتك او المحها احطها واكتلها واشوف يا خنيث يمنعني

كامت جمانه تدعي ادعيه اخاف اصلا احجيها بيني وبين نفسي .. بالاخير راحوا طلعوا

واجه فهد يمي وگال

_ بيج شي

حسيت بشي دينزل مني تقربت عليه همست

_ فهد احس دينزل دم مني

هز راسه وگال : روان بس جيبلها شي صايه عبايه صخام

راحت ركضت روان فوك واجت بسرعه لبستني شلون مجان واجت كومتني دنريد نروح للمستشفئ اسمع يحجي بينه وبين نفسه يكول

_ صارت المستشفئ بيتنا من هلكد منروح حتئ حفظونه

رحنه ركبنه بسيارة ورها راح فهد صاح همام حتئ يجي ويانه .. ركبنه وكام يروح للمستشفئ الي صارت دربنا ..

وصلنا للمستشفى وفهد صاير نار صار عصبي حيل بسبب بيت عمو محمود ..

بطني توجعني والوجع يزيد علية وابجيي وفهد يهدي بيه
دخلنا علئ غرفة الدكتورة وفهد ضل برا

كعدت واني ابجي وهي شافت مكان العمليه وكالت
_ هاي شنو ليش هيج بطنج صايرة ؟

بنان : وكعت بالغلط

كالت : بنتي لازم تنتبهين هاي وكعه قوية بطنج متأذيه حيل ودتنزف

هي كالت تنزف واني زدت ابجي

بعدين گالت : همزين مو هواي يتعالج بس أنتِ تدرين شصاير بيج ؟

بنان : شنو دكتورة لتخوفيني

باوعت علية وگالت : الرحم متأذي هواي انتِ شوكت وكعدتي

بنان : اليوم

_ حيل متأذي عاي وكعه قويه حيل شلون صار هيج

بنان : دكتورة يعني شنو ؟

_ احتمال السنوات الجايه مراح تكدرين تجيبين اطفال بس بالمستقبل يمكن

نزلت دموعي گلت : شلون هيج

-_ والله مادري شكلج بس الضربه قويه وجايه علئ الرحم فـ متكدرين هالسنوات هاي تجيبين اطفال بس بالمستقبل يمكن يصير لتفقدين الامل

كعدت تكتبلي وصفة علاج واني ابجي
كله بسبب ليان وحقدها وصلت لهل درجه ..

وادري جانت متقصده تضربني بس متوقعت بضربتهت هيج تأذيت ..

اخذت الورقه منها وطلعت ودموعي على خدي
اجه علية فهد بسرعه گال : ها بنان شكو

جاوبته واني ابجي : ماكدر

فهد : شنو ما اكدر ؟

بنان : فهد بعد ماكدر اجيب اطفال

فهد : شهل حجي هذا

راد يفوت عالدكتورة لزمت ايده حيل : شبيك فهد الدكتورة شعليها

فهد : شنو هل كلام امشييي احجي وياها

بنان : وشعليها الدكتورة بية بطني متأذيه حيل وكالت السنوات هاي ما اكدر اجيب بيها بس بالمستقبل يمكن

فهد : نروح دكتورة ثانيه هاي متفتهم

حجيت والغصه بكلامي : جيب العلاج واني اكعد هنا انتظرك .. ماكو فايدة بعد الي صار صار مو معناتها الدكتورة مو زينه چانت واضحه من البدايه راح يصيرلي شي

مسح دموعي وكال : دقيقه واجيج كعدي هنا بس اجيب الدوا وأشوف حل لهل سالفه الطلعت صفح

كعدت واني ابجي ليش هيج ديصير بية .. حياتي مخربطه و مدا ارتاح بيها .. فهد الشي الوحيد الصح بحياتي .. جنت حاسه راح يصير شي الي من نظرات ليان الي وصل حقدها تضربني هيج وتأذيني ..

كُل ما اكول هاهيه ارتاحيت يطلعلي شغلة صفح ..

_____

هُمام
رحت ويه بنان و فـهد للمستشفى
لما راحوا للدكتورة كمت امشي وادور عليها
كُل مرة على هاي السالفه
طلعت من وحده من الغرف تمشي

صحت عليها گلت : دقيقهه مَي

اندارت علية شافتني وكفت گلت

_ شلونچ ؟

مَي : ها اني ؟

همام : لا اني اي شلونج

مَي : زينه

همام : عندج وقت نحجي شويه

_ هـاا

همام : اريد احجي وياج

مَي : هـاا اي اي بس عندي شغل

همام : ما اخذ من وقتج هواي

صفنت عليه وگالت : تمام بس بسرعه

بعدين گالت

_ هـاا همام احجي صاير شي ؟

حجيت واني اجر الكلام حتئ ما اكعد اعيد گلت

_ بارحههه جوييي اهلييي

نزلتها راسها وگالت : اي صح

_ وشكلتي موافقه ؟

_هـاا

_ موافقهههه ؟

مَي : ما ادري متوقعت تجي تخطب

_ بـس اني احبج

_ هـاا

_ اني احبججج واحب فهاوتجج

ابتسمت وگالت : بس اني مو فاهيه

_ ابد اني الفاهي اصلا حقج عليه

مَي : ما ادري شجاوبك

_ بس خطوبة

_ حايرة هواي همام

_ انتِ تحبيني ؟ لتكليلي هـاا رحمه المدري منو تحبينيي لو لا

_ ما اعرف مشاعري متخلبطه وانتَ فاجئتني واني ما اعرفك زين

_ وافقي وبس خطوبة واخليج تعرفين شخصية همام هـاا شكلتي؟

صفنت عليه گلت

_ شو صفنتي

_ شعرك حلوو همام

همام : هـاا شعري؟

_ شنوو

ضحكت وگلت : كلتي شعرك حلو ترا سمعتج

ابتسمت وگالت : هـاا مو شسمه كيرلي حلو

_ هسه عوفينا حلو لو محلوو شكلتي؟

_ هوه اهلي قابلين بس اني ما ادري خايفه

_ من شنو ؟

مَي : مو قصدي اشبهك بحد لا والله انتَ ماكو مثلك بس اني من حياة اختي خايفه اتزوج

_ خايفه تزوجين شخص يطلع نفس زوج اختج مو ؟

مَي : هـاا

_ مووووو؟

مَي : اييي

_ مراح اكعد امدح بنفسي واكلج اني زين لو لا بس خلي فترة خطوبة وراح تعرفيني اكثر انتِ كولي اي ومن باجر اجيج خطابه

ابتسمت وگالت : تمام

_ يعني موافقههه

_ هـاا

_ موافقهههه ؟؟

مَي : اييي بس لتجي باجر

_ ليشش ؟

مَي : حاليا دتصير مشاكل بيتنا واضاع متخربطه فتعال بعد شهر هيج بين متهده اوضاعنا

همام : براحتج انتظرج شهر وسنه ويوم هم

مَي : حروح اني

ابتسمت وگلت : روحي روحي

_____________

بنان
رجع فهد علية و بـ ايده العلاج و حسيته من نظراته حاير .. گال

_ هاي جبت اني كل العلاج بس وين همام

بنان : ما شفنا من اول مطبينا

طلع تلفونه يتصل عليه جاوبه همام وكله هسه اجي

رجع كعد يمي ولزم ايديه وگال : اخذج دكتورة ثانيه هسه

بنان : لافهد ماريد بس خلينا نرجع للبيت وبس

فهد : لج بوية لتخبليني امشي هسه اوديج اعوف هذا همام يرحع وحده واحنه نروح ما معقوله من دفعه هيج صار

بنان : ماكدر فهد بطني توجعني وهيه مو بس دفعتني ضربتني حيل بطني

فهد : اهخخ بسيطهه

كلسع تنزل دموعي وامسحهن وهو صار نار
اجه همام من بعيد علينا

همام : احمم تأخرت لان جانت عندي شغله هنا

التفت علية وگال : شلونچ بنان ؟

جاوب فهد بدل عني : زينه يلا امشي نرجع

أخذني ورجعنا للبيت وطول الطريق كاعده وعيوني علئ الشارع .. معقوله مراح يصير عندي اطفال بعد غير آسر !

تنزل دموعي وما اكدر اسيطر عليهن
اوف بنان بعد شحيصير بيچ أكثر من هذا ..

انتبه على فهد وجهه احمر وعيونه حمر .. هذا شكله من يرتفع ضغطه

رأسا گال همام : جيب فهد اني اسوق ضغطك ارتفع شصاير ؟؟

گال بعصبية : ما بيهه شييي

همام : على كيفك واني شكلت

مسح على وجهه وجاوبه : مابية شي

بعدها وصلنا للبيت ونزلت كبل صعدت للغرفه لگيت ريم تنيمه لآسر ويمها رزان .. روان وياسر ما شفتهم

كعدت ساكته ما بيت شي بس سالوني وجان جوابي

- كُـلشي ما بية بس العملية متأذيه وأخذت علاجات وهاهيه

كالت ريم وهي مصغره عيونها : نهجم بيت بيان الحقيرة وهل عيون الحُمر لتكولين مابية شي مبين اكو شي

رزان : اي صح بنان كولي صار شي ؟

بنان : لا ماكو شي مو كلتلكم بس شوية بجيت من الوجع

اخذت آسر من ريم وحطيته بحضني .. چان نايم
صفنت بوجهه وملامحه البريئه ، معقوله يضل راح هيچ وحده بدون اخ او اخت ..

ريم : والله اعرف وراچ شي بس حسكت امشي رزونهه عينييي يمكن زوجها يريد يضل يمها

رزان : اي ليش لا امشي عيني

طلعن هنه واني بس ابچي .. مكدرت اسكت لحظه ليش هيج ديصير بيه ..

حضنت آسر خيل وبسته ورها خليته علئ الجرباية
انفتحت الباب ، وفات فهد علية ..

تقرب علية وتمدد بصف آسر وصافن علية ولحد الان عيونه حمر ..

مسحت دموعي وگلت : فهد خاف بيك شي عيونك حُمر

فهد : مابية شي

بنان : ضل ضل كول مابية شي ومابية شي .. تعلمني بيك اني اعرفك

باوع على أسر وگال : مقهور

بنان : اني هم فهد

گلت هل كلمتين وانفجرت ابجي
كام واجه كعد بصفي حضني ويمسح على شعري .. ويحجي بهدوء گال

_ اشششش كافي سكتي عمري انتِ لتبچين هذا اختبار من ربج ولازم نرضى باللي مكتوب النا .وهسه اوديج دكتورة ودكتورات هم واكيد اكو علاج

بنان : لا فهد تدري شنو هي كلتلي بعد ميصير عندج هل سنوات بس بالمستقبل يعني اصلا يمكن ميصير عندي بعد

فهد : لتبچين كافي شنسوي هاهيه الحمد لله آسر وكافي علينه اصلا .. كافي تبچين شنو هذني دموعج شو ميخلصن؟

بنان : شلون ماكدر اتقبل الفكره دا اموت متعرف شنو احساسي

فهد : احساسي هم مثل احساسج بس بعد هذا المكتوب النه وآسر كافي مو اله نجيب اكثر من طفل علئ اقل عدنه طفل اكو ناس تتمنئ اظفر طفل

بنان : الحمدالله

فهد : احترك محمود وبنته اهخخ ليان دخلي المحها مره ثانية ..

حضنته حيل حط راسه ؏ راسي ويحجي : كافي لتبچين يلا امشي كومي امسحي دموعج

هزيت راسي وكمت غسلت ورجعت نمت ..

آسر جان نايم بنص وفهد نايم بصفه ويلعب بـ ايده ومبتسم وهو يباوعله .. ابتسمت لمنظره چان حلو گلت

_ فهد يعني اذا ميصير عدنا اطفال تطلكني

فهد : اني اطلكج ؟

بنان : اي

فهد : لا بوية شنو اطلكج وثاني شي موجود آسر بعد شكو ماعدنا اطفال

بنان : مو اكو هواي يريدون اكثر من طفل

فهد : لا بوية آسر وكافي الحمدالله وحتئ لو ماعدنه طفل ما اطلكج غير روحـي معلگه بيج

بنان : لعد تزوج علية ؟

فهد : هاي شبيج شنو اتزوج عليج

بنان : ما ادريي

فهد : شلون راح اكفخج

بنان : فهد شلووون

فهد : خر* بفهاااد

بنان : گلبي يوجعني

فهد : اسم الله على گلبج درابين گلبي

بنان : فهد لتعوفني

فهد : اعوف روحي وماعوفچ

بنان : احبك هواي

فهد : مو بكدي ام آسر

_________

رزان
كعدت وحدي بالليل ضايجهه وأيهم يم الولد
واني وحدي اكلب بالتليفون ..

اجتني فكرة لـ مقلب اسوي بي عبالك بس انتَ تحجي وية البنية بسيطه ايهم ولو ادري بيك من ذيج المره بعد مَ حچيت وي بنية بس يعني شسوي فارغهه اصبرلي ..

دكيت عليه رأسا جاوبني

_ ها رزان رايده شي

رزان : لا مرايده بس شسمهه شوكت تجي

ضحك وگال : ترديني ؟

رزان : اييي ليش لعد

ايهم : تمام شوية وجاي

سد المكالمه بسرعه كعدت انتظره شوكت يجي اباوع جوا الباب اذا اكو ظل رجلين تبين

لحد ما سمعت صوت
كمت حطيت التلفون على اذني بالچذب وانداريت احجي ..

_ عمرييي اي شلونك والله اني هم مشتاقتلك صار هواي مجاي تدك علية ليشششش مو اشتاقيتلللك هااااا ملتهي وية اصدقائك اي اي خليييي يفيدوك

ماحس غير انسحب التلفون مني بحركة سريعه انداريت عليه وگلت : هاي شبيك ايهمممم

ايهم : وي منو دتمسلتين رزاااان

رزان : شنوو ايهمي ؟

باوع عليه وگال: شلون طافي وتحجين بيه ؟

جريته من عنده وصغرت عيوني : شبيك عصبي مو انتَ هم تحجي وية المانيات مدري منووو

ايهم : خر* بيهن و بألمانيا ساعة السوده رحتتتت وأنتِ سويتي هيج جذب حتى تحركين دمي موو

ضحكت ب استفزاز : اييي سويت هيچ مو احرك دمك لا عيني لا بس حتى تشرب من نفس الكأس مثلل مااا هذيج المره حجيت وي بنية أجنبية مدري منية شمدريني مجاي تكلها احبج وعمري وحياتي ومن هذني ومستغفلني واني ماعرف وماخذ راحتك انتَ هم تخوف بس شنو لا اني اثق بيك

ايهم : أنتِ ضلي اخرطي اخرطي بعدين كولي اثق بيك هاي هم سالفههه تسويها

رزان : ايييي عادي اصلا مصار شي

اباوع عليه مخنزر

ضحكت وگلت : شبيك ترا مجرد مقلب

ايهم : وخري

زعل وراح كعد ؏ الجربايه ضايج

رحت يمه كعدت واني اضحك گلت

_ شبيييك ترا مقلب خلي روحك رياضيه بس چان بنفسي صراحه حتى تحس بـ احساسي

ايهم : راح احطج واكتلج شوطتيني بس يلا شسوي هذا هم حظي

رزان : احلى حظ حظك اصلا ودير بالك تعترض

ايهم : اكيد

رزان : ها رضيت

رجع عكد حواجبه وگال : لا

رزان : لعدد شنو أضل اليوم لصبح اراضي بيك

ايهم : لا

رزان : شبيييييك كله لا لا احجي كلمه

ايهم : ضايج يعني شكووول .. تعرفين تراضيني بشي على ما اعتقد

ضربت كصتي خفيف وگلت : خاف تريد حلويات اجيبلك من مال فرح ؟

ضحك وكال : يا فرح يا صخاممم ترا تعرفين شلون

رزان : لا والله ماعرف شلون بلا دكتوري ؟

باوع بمكر وگال : ترا بسيطه مرايد الها علم

رزان : عزااااا

ايهم : هاا وصلت

رزان : كافي ايهم

ايهم : ليش كافي چا لعد منو يبوسني كُل يوم جدي يمكن

رزان : ايهممم شبييك

ايهم : يلا صالحييييني

رزان : وخر يلا زعلت منك هسه انيييي

ايهم : ام باچه تزعل فوك ما مسوية السالفه وتتمضحك

رزان : خلي انام احسن

ايهم : نامي نامي زين النوم

____________

روان
مَر شهر ونص تقريبا وبدت المدارس وبدت رحلتي بالسادس اني وريم .. ورزان هل سنة راح ترجع للدراسه وتكمل الخامس ..

كعدت علئ صوت ياسر گال

_ كومي كومي ست روان

روان : شكووو خيرر

_ كومي باع ساعة بيش راح تتأخرين

روان : خوش كمت كمت

ياسر : بعدج تعبانه

روان : لا احسن من بارحة بس بعده لعبان النفس ودايخه

ياسر : اوديج دكتور

روان : لا ميحتاج

ياسر : لعد غيبي اليوم

روان : شنو اغيب من اول يوم لا لا مابيه شي

رحت بدلت بسرعه وعدلت شعري جان يكول

_ اووفف شعرج طركاعة

روان : ادري يلا تأخرنه وانتَ تأخرت علئ الجامعه

ضربت كصتي وگلت

_ خاب يا جامعة نسيت تخرجت انتَ

ياسر : بعد وكت زين ذكرتيي امشي يلا

روان : لحظه بس اخذ جنطتي ورزان تجي ويانه موو

ياسر : اي اني اوصلكم البنكلاديشي مالتجن

روان : اووي فديتناا

رحنه طلعنه بسرعة واخذت رزان لكيته محضرة نفسها ركبنه بالسيارة وگال

_ روان هاي سنة جديده وانتِ سادس ما اريد تسخت تمام وخففي المشاكل

_ شقصدك يعني اني اسوي مشاكل واني شعليه هيه المشاكل تجيني

ياسر : حتئ لو حاولي تخففين انتِ سادس حيري بدروسج اوك

_ اوك اوك استاذ ياسر

_ عفية برواني

_ فديت روانك

اندار علئ رزان وگال

_ شلونج رزان

رزان : تمام وانتَ

ياسر : الحمدالله بس اختج شالعة گلبي شلع

روان : انييي شالعة گلبك ؟

_ اييي بجمالج اقصد

روان : هاا عبالي وانتِ عيني شكو ضحكين

رزان : لا ماكو شي

بالطريق گلتله

_ اووف هل سنة ريم متوصلها

ياسر : يلا احسن خلصنا من حية الصفرة

روان : هوه صح بس وجودها جان حلوو

ياسر : ديلا لتبجين هسه شوفيها بالمدرسة وعساس ريم مقصرة اشو يوميه مكنبصة يمنا وشسوين بريم رزان اجت بدالها

رزان : اي صدك شنو مو بعينج اني

روان : لا شلون تؤامي انتِ

ياسر : كافي كافي هيجتولي مشاعري الاخويه

روان : تدري شو بسرعة تمر الايام

_ هيه هاي الحياة نامي وكعدي تلكين ابنج لو بنتج بطولج

_ هم جاب سيرة الجاهل

ياسر : يلا سكتت بطلت ما اريد

روان : اي عفية بَـ يسورتي

وصلنه قبل ما ننزل گال

_ شو وجهج اصفر

_ لا مابيه شي

ياسر : تمام يلا اني رايح

_ تمام

نزلنا وفتنا للمدرسة جان تتلكاني ريم

ريم : هلاا وينكم تأخرتوا

_ شمدريني ياسر اخذته النوم

ريم : اي خوشش اكلج

_ كولي

ريم : شو وجهج اصفر شبيج تعبانه

روان : لا مابيه شي بس شويه لعبانة نفسي

ريم : يعني اليوم منكدر نسوي مشاكل موو

روان : لا لا بكل قوتييي اني جايه متعناية للمشاكل شفتي مروة وسجئ ؟

ريم : اي شفتهم هناك

روان : اي زين اني شايله حقد كومه عليهم اتمنئ يحجون علينه حتئ اتكافش وياهم

رزان : بعدنه مكايلين بسم الله وبديتوا تخططون شلون تتعاركون

ريم : شنسويي علئ اقل نونس نفسنه بالعركات

رزان : ايي ويوميه مؤمل جاي لعركات ريم ويعرف حقيقة مرتهه

ريم : غصبا معليه يتحملنيي اني ريمه

رزان : منو يكدرلج .. يلا اني حروح صفي

روان : اوك

ريم : يلا ام المكافش امشي نروح احنه هم للصف

روان : نروح للطيحان حظ برجلنا

_ يلا يلا

فتنه للصف وكعدنه عادي وبقت معلمات يحجون ويانه محاضرة اليوميه ولازم بكل جملة يكولونها يكولون

_ انتو سادس سادس سادس سادس تفتهمون شنو انتو سادس يعني سادس

هاي الجملة اذا ميحجوها ميرتاحون كل ما معلمة تقرينه الدرس لازم تذكرنا بأنو احنه سادس ..

وطبعا ميخله الدرس اذا متجي المديرة علينه وترزلنا رزايل ناشفة بدون سبب مترتاح لازم من اول يوم ..

مَر اليوم عادي بس كل اليوم اني تعبانه وخامله شويه وهواي تلعب نفسي وصلنة للدرس الاخير گلت

_ ست عادي اروح للحمام

_ لا ماكو كعدي

روان : ست بس اروح ما اطول

_ شكبرج تصيرين كعدي شنو انتو صغار ترحون للحمام ترا سادس وين جنتي بالفرصة

رجعت كعدت وهمستلي ريم گالت

_ شبيج

روان : اريد اروح للحمام لعبانه نفسي احس راح استفرغ

كامت ريم وگالت

_ ست خطيه روان شوفي وجهه اصفر ولعبانه نفسها

صفنت علينه وگالت

_ لعد نزليها للادارة خلي يخابرون علئ اهلها

سندتني ريم وگالت

_ شجاج روان

_ ما ادري احس دايخه

نزلنه وبسرعة رحت استفرغت بالحمام وغسلت وجهي ..

وراها رحنه للادارة وگالوا

_ حافظه رقم احد من ولي امرج

ريم : اي ست هذا رقم زوجها ياسر

اباوع علئ المعاونة دكت علئ ياسر وره شوية جان يجي ياسر سلم ورها اجه عليه گال

_ شبيج روان

نهاية البارت
يتبع ...

(لاتنسوا التصويت)

أن شاء الله يعجبكم البارت + ترا بال 5000 كلمة 💖

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور