أتمسّك بك بكُل ما أملك من وِدٍ و حُب .
>>>>>>>>>>>>>>>
بنان
اول ما خاله رحاب صاحت لفهد طلع يركض من الصاله اجه علية والكل التموا ..
بطني الألم يزيد عليه وبطني تتقلص ..
فهد كام يعيط : شبيهاا شصاير
رحاب : روح امشي شيلها ودينه للمستشفى راح تجيب يمكن ولادة مبكرة
روان : خالهه ممحظرين ملابس للطفل ممعقوله ولاده هسه وهي بعدها بشهر 7
كمت ابجي واعيط : ياااا ملااابس حموتتتتتت
بعدين عمو محمد كام يعيط : انتوا شتنتضرون ساعتين تخرطون مدتشوفون البنية
همام كال : امشوا يلا راح اجي وياكم
محمد : اني هم اجي
همام : لا يابه شعندك يجوز مو ولاده ميحتاج تجي
بسرعه شالني فهد وكبل لسيارة اسمع خاله رحاب تعيط : رزان خلي احد يضل يمها وروان وياسر جيبو هدوم للطفل ودكوا على ريم تجي خوووش
صعدت بالسيارة وفهد يكول : لتخافين حبيبتي
كمت ابجي واحجي : عفية بطني احس جاي تتكطع
فهد : تحملي هسه نوصل
بنان : يمهههه بطنيييي كله صوجي كله صوجيي
رحاب : يا خالهه شجاج شنو صوجج
بنان : اهخخخ فهد صوجككككك
فهد : شعليههه اني
بنان : اهخخ والله صوجكك ما ادري صوجي يمه بطني حموتتت والله
فهد : هسه صوجي شمسوي اني
بنان : اههخخ لا كُلشي ممسوي يمه بطني كله صوجج خالهههه
رحاب : اشو انداريتي عليهه يمهه اني شعليهه
بنان : كلكم صوجكم اهخخ يمههه
فهد : كافيي بنان
بنان : شنوو كافيي وبطني دتوجعنيي
فهد : هسه نوصل صبريي
بنان : اوووف
فهد صار يعيط بس ماعرف شيحجي بس يغلط وصاير نار ..
فهد : من خرب بالكوا* شهل وضعيه الطايح حظها مو بعد وكت لولادتها بنان انتِ شايله ثكل
هزيت راسي بـ لا واني ابجي
همام باوع لدربك لا تسوي بينه حادث
تجاهله وهو يحجي وياي : بنان بعدها بطنج توجعج ؟
بنان : اييييي يمههه
رحاب : دتصير عدها طلوكة تحملي خاله
خاله رحاب لازمتني تهدي بية واني ابجي افرفح صار الوجع كل ما اله يزيد اكثر وكل ما ازيد فهد يزيد بالعياط ..
مادري شلون مرت هل دقايق من اصعب اللحظات والوجع مينطاق وصلنا للمستشفى رأسا دخلوني الغرفه وفهد يعيط
_ الدكتورههه وين يمعودينننن
همام : هسه أصيح مَي
فهد : بويه لتخبلني مَي مو دكتورة
همام : عادي واذا
فهد : همام اسكتتت
لحد ما اجتي الدكتورة فوتتني للغرفة فحصتني گالت
_ عندج ولادة مبكرة
بنان : دكتورة شنو ولاده عفية لا مو هسه
_ بنتي شنو مو هسه هي لعبه
خاله رحاب انخبصت وفهد يلوب برا
وره شوية گالت : ميصير طبيعي راح تولدين قيصريه لان مو زين عليج وانتِ معندج توسع
بنان : لااا عفيه خاله لا اخاف والله
انتبهت على روحي كمت اجفص شنو خاله جان اكول
_ لا لا ماريد فهدددد تعااال والله اخاف
_ لج بنتي عادي متخوف هي بنج ومتحسين بكلشي
بنان : لا والله مادري
باوعت لخاله رحاب هزت راسها وگالت : اي عادي بس هسه العمليه
_ نعم هسه
كمت ابجي بالزايد تحولت لغير غرفه واني بعدها بطني توجعني ..
اجه فهد لزم ايدي وگال
_ درابين گلبي لتخافين خوش وصيري قويهه شغلة دقايق ويجي آسر
بنان : ماكدر فهد عفية اخاف
فهد : لتخافين عمري انتِ
بنان : فهد اخاف اموووت
فهد : بويه شنو تموتين شهل حجي بنان كافي هيه عملية مراح يصير شي متريدين يجي آسر تشوفي تشيلي بين ايدج ترضعي
هزيت راسي ودموع بعيني گلت
_ اذا صار شي عليه ابني بأمانتك فهد
فهد : هوه بكُل الاحوال بأمانتي لان ابني بس طبعا مو وحدي لان انتِ هم بأمانتج وانلصمي وكافي حجي هواي
لازمه بطني واحجي بلكوه گلت : والله خايفه امووت
فهد : شبيج شنو تموتين مسحي دموعج كافي بويه
بنان : اذا صار عليه شي اعرف اني احبك هواي واحب ابني هم عود كول اله امك جانت تحبك حيل ولتنساني فهد دائما ذكرني عفيهه ودائما ذكرني كدام ابني خلي يعرفني انو جنت رايدته واحب حيل
باس راسي وگال : ما اريد اسمع هيج حجي بنان مراح يصير عليج شي خوش هسه راح تفوتين وتطلعين نفس ما انتِ بس هل مره وي ابنه وشيلي هل افكار من راسج خوش
هزيت راسي وگلت : احبك هواي
_ اموت عليج درابين گلبي انتِ
اجت دكتورة وممرضات وكامت تحضر بيه وتحجي ويايه تهديني ورها دخلت للغرفه مال عمليات بعدين تبنجت وما حسيت بعد على اي شي ..
_______
روان
من كالت خاله رحاب بنان رح تولد كلنا انخبصنا وبنان ممحظره غراض للطفل لان مجنه متوقعين راح تجيب ولادة مبكرة ..
ركضت فوك على رزان وقبلها هم دكيت على ريم ..
روان : رزان كعدي
رزان : هـا شنو شكو
روان : بنان راح تجيب
رزان : شوكت
روان : هسه راحت للمستشفى
رزان : بعدها بالسابع شلون هيج
روان : مادري هسه قبل شوية راحوا
رزان : والله جان رحت بس رجلية بعدها يعني مر شهر واني علئ هل حال اوووف
روان : يلا هسه تطيب بس ترا متحسنه احسن من قبل
رزان : ايي
واني خاله رحاب كلتلي جيبي ملابس للطفل انتظر تجي ريم وياخذنا ياسر
رزان : اي ونضل اني وايهم هنا
روان : اي عمو زياد و عمو محمد هم هنا
دقايق وسمعنا صوت ريم جوا يلعلع ..
رزان : بسرعه روان نزلي انتِ ريم روحن خطيه وبدربج دكي على خاله رحاب سأليها على بنان
روان : اي هسه
رحت كبل نزلت جوا صاروا بوجهي ريم وياسر
جتي ركض علية گالت
_ روان صدك بنان حتولد
روان : اييي يلا تعاي وياي يلا ياسر أخذنا لـ اي محل بس نشتري كم شغله
ياسر : يا شغلههه
ريم : نشتري هدوم لطفل لان محد محضرله شي يبقئ مكطم بس يجي
ياسر : شنو واني شعلية غير ابو وامه يشتروله
روان : يااااسر وصونههه
ضحك وگال : ابن فهد اجه بوقت غلط امشن يلا اخذكم
صعدنا بالسيارة وياسر ودانه لمحل قريب واني وريم نسولف
روان : شنو ومؤمل وينه
ريم : مؤمل ذبني وراح لفهد
روان : تمام وياسر من نخلص ودينا للمستشفى
ياسر : اي مو اني بنكلاديشي عدكم كضيت عمري اروح منا ومنا
روان : وهسه شكنالك احنهه
ريم : ترا ابن فهدددد تعرف شنو ابن فهد جا غير غصبا عليك تروحلهه
ياسر : اكيد عمي
وكفنا يم محل ونزلنا كلنا
اباوع بضحكه للمحل وملابس الاطفال
ريم راحت على هدوم عجبني اني هم ركضت عليهن وهي وصلت قبلي
روان : جيبيهن اني اختاريتهن
ريم : شنو أنتِ لا عيني اني اختاريتهن بالأول
روان : انجبي ريممم جييبيييي
ريم : والله معلية اني عجبني وأخذته قبلج
روان : معليهههه اني هم اريده
ريم : ترا اكو هواي بعد الا هذااا لحكتيني عليه
ياسر : شبيجن بنات الاوادم فضحتونا
روان : مدتشوف الحية الصفره حتى هنا تريد تاخذ العجبني
ياسر : استغفر الله يا الله امشي روان لزكتن بهذا اشترن بعد خل نولي نروح للمستشفى بسرعهه
روان : مااااا اريدهه
ياسر : هسه قابل انتن راح تلبسنه لا بعد شكو جيبوا وانلصمن
شمرته علية : هاجج بومهه
روان : هاي اني بومه
ياسر : انفضحنااااا
روان : انت اسكت شعليك
ياسر : شنو شعلية راح اموتجن اشترن بسرعه يلااا
بقينه نكلب بالملابس وجان يعجبني شي جان اكول
_ هذا حلووو
ريم : لاا محلووو هذا احلئ خلي ناخذه
روان : لا ناخذ هذا احلئ
ريم : والله هذا احلئ
روان : ذوقج محلو هذا احلئ
ريم : معليه والله هذا احلئ
ياسر : انلصمن جيبوهن ثنينهن بس انجبن فضحتونه اطلع كلب ابن كلب اذا اطلع وياجن بعد
ريم : ارتاحيتي
روان : شعليه انتِ ماعندج ذوق
ياسر : البنيه هسه تلكوها جابت وكملت وانتو بعدكم تتعاركن مخبلات
اشترينا ملابس ورحنه اشترينه حفاضات وبوطره وكلشيي نشتري ومنعرف شنو يحتاجوا والي لا شنشوف كدامنه نجيبه ..
خلصنا ودفعنا وبعدنا نتناكر وريم تكلب بعيونها وياسر روحهه طافره
ياسر : جيبن الهدوم هسه اخابر ايهم يرجعجن انتن مو مال عيني وگلبي
ريم : لا لا هاهيه بعد
روان : اي والله هاهيه يلا امشي ودينهه
ياسر : امشنننن خبلتوني
__________
همام
واكفين ننتظر برا لان فاتت مرت اخوية للعمليات ومؤمل اجه كعد يم فهد يحجي وياه وامي اباوع كاعده تقره ايات ..
عفتهم ونزلت جوه للقسم الي تشتغل بس مَي
شفته من بعيد رحت يمهاا گلت
_ شلونج مَي
تلبكت گالت : هاا شدسوي هنا صاير شي
همام : مو بنان بالعمليات راح تجيب
مَي : هـاا
تنهدت وگلت : بنان بنان راح تجيب ولادة مُبكرة هسه بالعمليات
مَي : هـاا يعني راح تجيب سبيعي
همام : ايي
مَي : خطيهه ان شاء الله تكوم بالسلامة
همام : ان شاء الله
مَي : هسه بس اخلص شغل مالتي وتطلع من العمليات اجي اشوفها
همام : اييي
مَي : اييي
اباوع عليه دنكت راسها وتلعب بسوارها گلت
_ مفكرتي ؟
_ هـاا
همام : مفكرتيييي
مَي : بشنو افكر ؟
همام : ربي صبرنيي بالحجي الحجيته الج يوم العرس
مَي : يا عرس
_ مال جديي
شهكت وگالت : ليش جدك زوج بس اني محضرت عرسه ؟ بس هوه مو متوفي شلون عرسه شدتحجي انتَ
همام : انتِ ثوله وفاهيه تدرين ؟
_ اني ؟ ليش تحجي هيج عليه
همام : سبحان الله هاي لكفتيها بسرعه بس مو الغي متلكفين ولا كلمة
_ هـاا
همام : سم
خنزرت وگالت : يلا اني اروح
_ الله وياج
جانت حاطه كهوتها علئ شي دتاخذها وجان تذبها بالغلط عليه گالت
_ عزاا عزاا والله اسفه ما ادريي اسفه اسفه
بقيت انفض بملابسي گلت بعصبية
_ شهل فهاوه مالتج متنتبهين
دمعت عيونها وگالت : والله ما ادري بالغلط
_ لا مو بالغلط هاي يسموها فهاوه وثول
_ هـاا
_ سم سم كُلشي وكلتي هـاا
مَي : هسه شسويت والله ما ادري ليش تعيط عليه
همام : روحي من يمي
مَي : رايحه اصلا وبعد ما اجي يمك
باوعت عليها راحت صحت گلت
_ مَي لحظه انتظري
ملتفت وكملت طريقها استغفرت ربي ورحت للحمام اغسل ..
___________
ريم
وصلنه للمستشفئ سئلنه بيا قسم وين مكانهم ورحنه نركض حتئ نلحك ..
جان نلكه ماما ومؤمل و فهد كاعدين رحنالهم جان اكول
_ هاا جابت بعدها
مؤمل : بعدها بالعمليات
_ اي وشلونها
فهد : بعدها بالعملية مندري
ريم : اووف عبالنه جايبه اجينه ركض
ياسر : حرامات عبالنه اجه الصبي حتئ نصلي ؏ النبي
مؤمل : لا بعده
روان : اي جبنه غراض للجاهل لان انتو كُلشي ممحضرين
راحت روان انطتها الـ ماما العلاكه جان ماما تكول
_ هاي شنو محاطين شي مجايبي
روان : هوه خاله شنو شفنه كدامنه اشترينه
جان ماما تفتح بالعلاليك جان تطلع من العلاكه فستان لو احمر وترفعه جان تكول
_ هذا شنوو الفستان شنو نلبسه فستان
توجهت انظارنه الماما وياسر ضرب كصته وگال
_ هاي يا ثوله جايبة فستان
ريم : معليهه انييي
ياسر : لعد منوو الجني خلاه بالعلاكه
ريم : يمكن روان لان شفتها تكلب بملابس البنات
ضحكت روان بفشله وگالت : شمدريني شو عجبني گلت خلي اخذهه حلوو عادي ينلبس ترا
ضحك ياسر وگال : ايي نلبسه فستان شلون يطلع
اباوع علئ فهد ضايج ومهموم احسه ابتسم بتعب وگال
_ عادي مصار شي .. وتعبناكم ويانه بس معبالنه تجيب بهيج وقت فلهذا محضرنه شي
ياسر : لااا عمي شسالفه شوو صاير رسميات ويانه غصبا معلينه اصلا نجيب غير عمَ اني وهاي عمته الحيه صفرة وهذيج خالته الصاكه رواني
خنزرت علئ ياسر وگلت
_ اني مو حيه صفرة
ياسر : لا حيه
جان مؤمل يكول : لا تحجي علئ مرتي ما اقبل
ياسر : ايبااهه مو هيه الاميرة ديانا متقبل نحجي عليها
مؤمل : اي يابه ما اقبل
اباوع علئ ياسر واحرك بحواجبي بخباثه وياسر خازرني جان يكول
_ عابتلكم اي والله .. تعاي روانيي ننزل جوه احد يريد شي نجيبله
الكل مراد شي جان يكول ياسر
_ بكيفكم تعاي روان
راح اخذ روان ونزلوا
_____
روان
نزلنا جوا وياسر جان وياي گال
_ تردين شي جوعانه ؟
روان : لا ماريد
ياسر : خوش تعاي نكعد هناك
طلعنا برا المستشفى اكو مصاطب كعدنا عليها وهو صافن عليه
روان : شبيك اليوم تتصفن
ياسر : شمدريني
روان : خاف طالعه حلوه
ياسر : اي والله اليوم طالعه تخبلين بس شنو لو تلبسين حجاب وتفضيني اني بخير بس هل شغلهه هاي
روان : اوفففف ياسر عوف شغلة الحجاب يعني بعدين اما هسه ممقرره
ياسر : اي عمي شسويلج براحتج .. رواني ليش جبتي فستان لـ ابن سيادة الضابط
روان : والله مادري يعني شكله عجبني حيل واني احب الاحمر فـ مكدرت ما اشتري واشتريته
گال بضحكة : خرب اتخيل ابنه اول ميجي يلبس فستان
روان : هسه قابل راح يلبسه صدك يلبسوه غير شي عود
ضحك وتوجهت انظاره لـ ايدي شالها وكال : المحبس هذا لتنزعيه ابد خلي بـ ايدج على طول
روان : اصلا اني احبه حيل هذا المحبس ومقرره ما انزعه
ياسر : عفيههه .. اكلج نرجع نروح يمهم
روان : لا عود بس تطلع بنان ريم تدك علينا ونروح
كل ما اباوع عليه الكاه يباوعلي وحابس ضحكته گلت
_انتَ شبيييك هاا
ياسر : مابية شي أنتِ شبيج
روان : والله اكو شي احچيييي
ياسر : عمي ماكو شي شني هي بالكوه
روان : اي يلا كول
ياسر : ماكو شي بس عاجبني شكل شعرج ودا اضحك اتخيل تجينا بنية تشبهج اهخخ لو ولد يشبهج
ابتسمت لما گال هيج گلت : تريدهم يشبهوني ؟
ياسر : اي
روان : بس اني هاي شسمه احممم اريد يعني يشبهوك
ياسر : لا اني اريدهم عليج يطلعون
گلت بعصبية : لا اريدهم عليك
ياسر : واني اريدهم عليجج
روان : ما والله معلية اريدهم مثلك
ياسر : واني هم شعلية اريدهم مثلج أنتِ ويلا كافي
روان : اوووف ياسر اسكت راح اكوملك
ياسر : انجبي لج خوشش احترامات هاي مو اطيح حضج
روان : شحدك
ياسر : خبله
روان : اني خبله ؟؟
ياسر : اي انتِ
روان : يااا وخر من يمي هسه يلا دريت بعد وكت
ضحك وگال : مو اكول خبله محد صدك
روان : شوف خلي نصعد فوك خاف كلعوها من العمليات بنان
ياسر : اي تمام امشي
روان : بس هلي اخابر رزان ونصعد
ياسر : اوك
وكفت خابرت رزان ورها رجعنا طبينا للمستشفى ورحنه يمهم لكينه ريم وخاله كاعدات وحدهن ..
ريم : تعالوا وينكم بنان طلعت من العملية
روان : صدكك جان خابرتيني
ريم : هستوني ردت اخابركم اجيتوا
روان : اي شلونها طفل شلونه
ريم : الطفل هسه خلوه بالخدج اصلا مشفته وبنان بالغرفة وهسه فهد راح ديحجي وي الدكتورة ومؤمل يمه
روان : بيا غرفة يصير هسه نشوفها
ريم : دكتورة تكول انتظروا تكعد شويه عود فوتوا شوفها
ياسر : الطفل شلونه صحته
ريم : ما ادري هسه يجي فهد ويفهمنه
كعدنه شويه جان يجي فهد ومؤمل وياه
رحاب : هاي يمه شحجيتوا انتَ ودكتورة
فهد : بنان زينه تكول فد شويه وروحوا شوفوها والطفل رحت شفته بالخدج حطوا حيضل كم يوم لان ولادته مبكرة
ياسر : هلا اجه الصبي السبيعي وينه اريد اشوفه
فهد : هسه بس نشوف بنان اخذكم شوفوا
روان : شلونه حلو شكله
مؤمل : شفته كتكوت صغيروني ناعم حيل وعاكد حواجبهه شوفوا عليمن طالع " وباع علئ فهد "
ياسر : عاكد حواجبه ؟ لا هاهيه ربحناا من هسه واضح راح يطلع حقنه
فهد : انجب ياسر
ياسر : زين هسه اريد اشوفه اني
فهد : روح مؤمل اخذ ياسر خلي يشوفها بس خلصني منه وانتو بنات ترحون علئ بنان لو الطفل شوفوا
روان : لا بنان
ريم : بنان
راحوا مؤمل وياسر واحنه كعدنه شويهه ننتظر جان هم فهد يروح يسئل دكتورة .. دكتورة گالتله اي كعدت تكدرون شوفوها بس البنج بعده مفاكها
فتنه اني وريم وفهد وماما لكينه بنان شبهه كاعده وتحرك براسه ..
راح فهد يمها باس راسها وگال
_ شلونج بنان
بنان : امممم
فهد : اكوو شي يوجعج
اشو اباوع علئ بنان سوت حركه بحلكها شلون البوسه وگامت تكول
_ انطيني بوسهه
اباوع علئ فهد عكد حواجبه وگال
_ شنو شبيج بنان
كامت تسويي بحلكها حركة بوسه وصارت تبجي وتكول
_ بوسنييي فهدد اريد بوسهه
هيه گالت هيج واني وريم صرنه نضحكك وخاله رحاب حاطه ايدها علئ حلكها وتضحك
بنان : اهخخخ يمههه بوسني فهدد بوسهه اريد
اباوع علئ فهد متفاجئ ميعرف شيسوي گال
_ شبوسج بنان
كامت تبجي وتكول : مااا بوسنيي بوسنيي تعال ابوسك انيييي مااا ماا بوسنيي هسهه تبوسنيي
ضحك فهد علئ كيف وگال
_ ولج فضحتينهه شبوس منج
كامت تبجي بزايد وتكول : مااا بووسني بوسني اريد بوسهه تعال بوسني
وفهد واكف يسد بحلكها وهيه توخر بيده وتكول
_ بوسنيي هسه تبوسني اريد بوسهه ماا انتَ متحبنيي لو تحبني جان بستنيي
_ ولج ضحكتي الاوادم علينههه كافي بعدين ابوسج كافيي حبيبتي انتِ
بنان : ماااا بوسنييي انتَ متحبنيي هاي لوو ليان كايلتلك بوسهاا جان بستهاا بس بنان متبوسهاااا
فهد : من انعل ابو ليان ولج فضحتينهه
واكفين اني وريم ميتين من ضحك عليها وفهد كُلسع يسد بحلكهاا وخاله تضحك ومسويه نفسها متسمع
ريم : خطيهه خويه بوسهاا معوزه بوس
فهد : انجبي ريم
روان : ولجج ريم هاي مو نفسها بنان المعقده شغيرهااا
ريم : كله من البنج هسه بس يفتح البنج متعرف شحجت وشمسلتت
روان : يمهه حموت من ضحك عزا العزاههه
جان تعيط بنان بصوت عالي
_ بوسنييييي تعال ابوسكك انييييي هسه تبوسنييييييي كولوله خلي يبوسنييي
فهد : بعدين ابوسج والله
بنان : هسه تبوسنييي معليههه معليهه دائما تبوسنيي هسه صرت متحب تبوسنيي
كام يسد حلكها بيده شو جان تعضه وتفر براسه وتكول
_ انتَ متحبني والله متحبنيي تحب ليان اني ادري تحب ليان
فهد يضحك وگال : ما احب احد والله بس انتِ
اشرت علئ شفتها بأصبعها وگالت
_ لعد تعال ابوسك
فهد نزل اصبعها وگال : كافي بنان
دارت وجهه لجهه الثانيه وگالت بصوت ناصي
_ متحبنيي انتَ متحبنيييي
گلت الريم : مال هسه اصورهااا
ريم : اي والله وخلي بس تكعد تشوف نفسها
جان فهد ينتبه علينه وگال
_ كعدن راحه محد يصور كافي تمضحك
هوه گال هيج واحنه طكيناها بضحكه بزايد ضحك ؏ ضحكتنه وگام يهز بيده ..
جان تكول خاله رحاب
_ بنات يلا امشوا نطلع خليهم وحدهم
ريم گالت بهمس : ايي خليي يتباوسون براحتهم
روان : ولج صوتج راح يسمعونه
ريم : يمهه فد متت ضحكك عزااا بنانن فضيحههه
روان : اي والله فضحت فهد خطيه
ريم : سوده عليك خويه
طلعنه من الغرفة جان نلكه الولد كاعدين ..
همام : هاا شلونها
ريم : زينه زينه
ضحكت وگلت : حيل زينه بس هسه نامت يمكن فهد يمها
همام : اي الحمدالله .. رحت شفته للصغيرون ناعم كُلش
ريم : زين خلي نروح نشوفه
همام : كلسع واحد رايح جاي هسه بس يطلعوا عود شوفوا
روان : المن يشبهه؟
همام : ما ادري بعده صغير ممبين شكله
ياسر : لا لا يشبهنيييي
همام : منين جبت هل سالفه ميشبهك
ياسر : لاا يشبهني غير اني عمهه
همام : اييي
ياسر : شو متعاركت وياي؟
همام : لازم يعني اتعارك
ياسر : اكيد .. شنو ضايج
همام : لا كُلشي ماكوو
ياسر : لا والله اكو حاس بيك احجي شصاير
همام : لتلزك ماكو شي
ياسر : براحتك
همام : هوه مصيري اجي اسولفلك بس مو هسه بعدين
ياسر : شسولف وانتَ سالفتي
همام : طاحضك
ياسر : وحضك
_____________
ريم
واكفه صافنة جان يجي يم مؤمل گال
_ ريم نرجع للبيت
ريم : شنو نرجع لا يابه
مؤمل : دنيا ليل صارت
ريم : ابقى هنا
مؤمل : انجبي وامشي نروح
ريم : اذا تاخذني ازعل منك
مؤمل : شلون طلابة وية اخت فهيدان
ريم : مشكلتك تضل هاي
مؤمل : لا والله بسيطه اني اعلمج
ريم : شتعلمني والله اكول لـ اخواني
مؤمل : حلوة هاي لازمتهاا اخواني واخواني
ريم : اي والله اضل هنا يم فهد وبنان
مؤمل : أستغفر الله يا ربييي
اجه يمنا همام : ها شلونكم
مؤمل : كملت
رحت يم همام اضحك گلت : اخوية الحلو شلونككك
همام : شنو قابل مشايفتني صدك مؤمل اليوم ريم تبقى يمنا
مؤمل : شطلعت هاي هم تحسبوني متزوجها
همام : اسكت هي قابل شكد باقيه
ريم : اي والله مؤمل حباااب اضل يم بنان
مؤمل : يابه ماااكوو متضلين
دمعت عيوني وكلت لهمام : همااام احچي وياا
همام : شني بكيفك انتَ اذا متخليها هسه اطلكها منك
مؤمل : اذا انتَ تطلكها اني اكدر اعتقلك
همام : فهد يطلعني
مؤمل : شلون راح اتخبل عليكم هسه
ريم : هسه شصار بس اليوم
خزرني وگال : يا يوم بت الاوادم
همام : ماكو مو يوم تضل اسبوع يمنا
مؤمل : اعتقل البيت كله
همام : اطلك اختي
ريم : عفية لتتعاركون شبيكم شصاار يلا عادي ما ابقى
همام : متبقين شنو الا تبقين
ريم : لا ما ابقى يلا امشي مؤمل نرجع
مؤمل : لا هاهيه عادي ابقي مصار شي
ريم : ها مصار شي ؟ بطلت اصلا ماريد
مؤمل : عادي ابقي شكد متردين
أندار يباوعلي ويخزر وراح
جتي مَي من بعيد شفت همام يتبسم وهي بلكوه جتي سلمت علية : هلو ريم شنو طلعت بنان
همام : اي يمكن طلعت
ريم : شنو خلصتي دوام
مَي : اي خلصت هسه حرجع للبيت
همام : احمم شسمه اوصلج ؟
باوعتله صفح وهو يضحك
مَي : هـاا ؟
همام : اوصلج لو لا
مَي : لا لا ليش توصلني هسه اروح اني ومنا انتوا ملتهين يلا باي
همام : بايات خو.. احمم
راحت هي وهمام يضحك
ريم : ردت تكلها خوية
همام : بعد اخوج انه ملك الچفصات
ريم : واني اكول عليمن طالعه طلعت عليك
همام : فديتني .. صدك وين رجلج التحفه
ريم : مادري يمكن زعل
همام : ليش يزعل خيروح شسالفه نريد اختنه
ريم : لا خطيه حرجع ويا ما اكدر
همام : لا تبقين يمنا
ريم : لا لا يزعل حروح وباجر الصبح هو عنده دوام ف يجيبني بطريقه عود
همام : خوش بس مو يغلس
ريم : لا لا
_________
بنان
كعدت من نوم تقريبا بليل هيج راسي جان يوجعني لكيت فهد كاعد يمي لازم تليفونه وكاعد ..
انتبهه عليه جان يسد تليفونه ويجي يمه لزم ايدي گال
_ شلونج بنان
_ زينه بس ابني شلونه؟
اباوع عليه ساكت گلت
_ عفيه فهد احجي صار عليه شي
فهد : لا لا مابي شي مثل الورد هسه حاطيه بالخدج
بنان : صدك شلونه اريد اشوفه
فهد : بعدين تشوفي هسه ارتاحي خلي اصيح دكتورة
بنان : اوك
فهد : فكج البنج ؟
بنان : يا بنج
ضحك وگال : ليش متدرين فضحتينه
بنان : اني ؟ ليش
فهد : مو فضحتينه وخليتي الاوادم تضحك علينه
بنان : يااا شلون مداذكر
فهد : حقج متذكرين اذا كدام الكل كمتي تعيطين تكولين فهد بوسنيييي فهد بوسنييي
بنان : عزااا اني مستحيللل
ضحك وگال : اييي وكلسع اسد بحلكج وتعضيني وتكليلي فهااااد تعال ابوسك فهاااد بوسنييي
اسمع واحس ما مستوعبه كمت اهز براسي وگلت
_ لا مستحيلل محجيت هيج عزاا
فهد : براحتج بسس حبيت انطيج علم قبل متسمعين من ريم و روان
سديت عيوني بفشله گلت : هنه جان موجودات؟
فهد : اييي وعمتج هم
غطيت وجهي بيدي وگلت : عزاا شكد فشلههه لعد بعد شجفصت
فهد : وكلتي انتَ متحبنيي متحبنيي تحب ليان
بنان : عزا عزا هاي كله اني كلت
فهد : اي والله فضحتينهه
بنان : اووف شيخلصني من ريم وروان هسه زين لحظه لحظه
فهد : شنو؟
بنان : شسمهه انتَ بستني كدامهم؟
ضحك وگال : شايفتنيي ابوسج كدامهم لا هاهيه
بنان : يمهه همزين
فهد : شايفتني انتِ ابوسج كدامهم شنو تخبلت
بنان : مو اكول
فهد : بس لتخافين بستج وره مطلعوا
بنان : بستنييي
فهد : ايي بستج وهسه هم ابوسج
جان يقرب عليه ويبوسني يم شامتي وگال
_ الحمدالله علئ سلامتج ام ابني
ابتسمت وگلت : اريد اشوفه
فهد : اي تشوفي وره متاكلين و يجبوا حتئ ترضعي
بنان : بس ما اشتهي
فهد : لا لازم تاكلين حتئ تتقوين وتكومين ترضعين ابنج وتشربي من حليباتج
بنان : زين شنسمي؟
فهد : احنه مو جنه متفقين انو آسر نسمي
بنان : يعني سميته آسر
فهد : اييي ليش معاجبج
بنان : لا هاهيه حلوو
فهد : خوش ام آسر يلا خلي اروح اصيح دكتورة
بنان : اوك
راح طلع اجت دكتوره شافتني وفحصتني وگالت
_ وضعج تمام
_ زين دكتورة وآسر ؟
ابتسمت وگالت : وضعه هم تمام يبقئ كم يوم بالخدج ورها عادي طلعوه بس هسه انتِ اكلي حتئ ورها نجيبه ترضعي تمام
جابولي اكل كعدت اكل و فهد يوكل بيه وره مخلصت اكل تمددت ..
لان جنت كُلش تعبانه بسبب العمليه ..
دخلت ممرضه وبيدها " آسر " ملفلف
تجمعت الدموع بعيني واني اشوف فهد كام اخذه منها
ضل يباوع عليه وهو مبتسم رجع باوعلي وگال
_احسه يشبهني
ضحكت وگلت : من اول يوم شنو هاي حتى الملامح ممبينه
ضل يمه شوية واني اسمعه يكبر بـ اذنه
الموقف چان لطيف باوعتلهم واني مبتسمه ..
ابتسمت وگلت : زين جيبه اخذه
انطانياه و شلته بيدي : فهد شوفه مداصدك هذا يعني ابنه
فهد : اجه بسرعه الصغيرون
لزمت ايديه الصغار ونزلت دموعي : هذا روحي من الدنيا .. هو زين مو ؟
فهد : اي زين ما بي شي الدكتورة كالت .. ليش هاي الدموع مو شليتيني شل
مسحت دموعي وضحكت : شمدريني غير مال فرح .. بس شوفه شلون عاكد حواجبه چنه انتَ
فهد : فديت ابني السبع وفديت امه
دخلت الدكتورة وجتي علية تحجي وياي بصوت ناصي ..
وفهد كام طلع گالت : تكدرين ترضعيه ترا والحليب زين اله وانتِ ما شاء الله حليبج بسرعة نزل
بنان : اي صح
الدكتورة : اي هاهيه تكدرين عادي بس جيت لحتى اكلج وشوية واجي اشوف حالتج اذا زينه تطلعين عادي
طلعت وراها بشوية فات فهد گال : شنو شبيها
بنان : هيج .. شسمه فهد عادي تطلع
فهد : ليش اطلع لازم هم تشتمين ريحه ومدري شنو ترا راحت فترة الحمل
بنان : لا لا مو هيج قصدي بس فد شغله يعني
باوعلي مبتسم : شنيه
بنان : فهددد شبيك اطلع
فهد : اشتعل فهد شبي فهااااد
بنان : شبيك اطلع فهد ماكدر يعني
فهد : هو شكو لتخليني اعيط
حجيت وعيوني مدمعه بفشله گلت
_ هاي شسمه علمود الطفل ارضعه
ضحك وگال : على هاي ؟
بنان : اي
فهد : لا بوية باقي هنا خاف تحتاجين شي
بنان : لا ماكو اطلع
فهد : ما اطلع هنا كاعد وماكوم يلا اشتغلي أنتِ شعلية بيج اني
بنان : ادبسزز
فهد : هاي عليمن
بنان : على آسر
فهد : هو صح هم مصيره سرسري ودايح بس اعرف علية .. حعبرها هل مرة
بنان : فهدد اطلععع عفيههه
ضحك وگال : يابه ما اطلع قابل مشايف اني
بنان : اوووف منك
كمت ارضعه لـ آسر وهو يضحك ويذب حجي واني مدمعه من الخجل جان يكول
_ اي اي شعليه استاذ آسر متهني وديشرب مثل حظي
_ فهددد دتحسد الطفل علئ هل حليبات
_ شبي فهاااد ترا حقيي شنو يشرب من صدرج هنياله والله
شهكت وگلت : فهد عفيه لتحرجني لتحجي هيج ويايه
ضحك وگال : سكتت بوية يلا كملي عيني شربي الاستاذ الصغير
رضعت آسر وره شوي اجتي الدكتورة وكالت : هسه الطفل كلشي مابي وزين هم بس راح يضل بالخدج كم يوم بس أنتِ زينه تكدرين تطلعين هسه
فهد : يعني شكد ونطلع الطفل
_ هي حسب حالته اذا زينه هل اسبوع يطلع واذا موزينه و مومستقره لا بعد أكثر
فهد : خوش
طلعت الدكتوره وهو اجه يمي گال
_ اكلج راح يطبون يسلمون عليج لبسي شالج
بنان : اي هسه
لفيت شال عدل و طبوا كلهم للغرفه
اول واحد طب ياسر يضحك : يا الله السلام عليكم اختي كيف حالكِ ام آسر الحمد لله على سلامتچ
ضحكت وگلت : الله يسلمك
وراه طبت خاله رحاب تحمدتلي وراها طب همام : الحمد لله على سلامتج خوية بنان
بنان : الله يسلمك
اخر شي طبن روان وريم يباوعن علية ويضحكن مدري شبيهن
فهد گال : يلا امشوا انتوا اطلعوا وبنان حضري نفسج حتى نرجع للبيت
همام : شو بسرعة غير لازم تضل يومين
فهد : لا عادي بالبيت نهتم بيها
همام : وين صايرة هاي وشلون يقبلون
فهد : احجي وي دكتورة عود هناك بالبيت احسن
همام : ما ادري بعد بس اذا وضعها زين هاهيه
ياسر : وين هذا الكوا* الصغير جيبي اشيله ابو الوصخخ
فهد : انجب لك هاي عليمن
همام : على ابنك ديحجي
ياسر : حاروكههه انجب
همام : فهد سمعته
فهد : تنطمون لا اكتلكم بنص المستشفى
ياسر : سكتت بس جيبي اشيله
بنان : بس خطيه على كيفك صغيروني
نبت روان بضحكه : شنو عيني حياكله قابل
ياسر : شمدريني والله يعمي
بنان : هاك هاك
شاله ياسر ويضحك ويحجي : بعد عمك شني شهل صاك المصكصك هذا من هسه طالع علية خوش واريدك مثلي دايح ويتمركص لتصير مثل ابوك ترا متعيش حياتك صح
فهد : اذا يطلع عليك لا هاهيه ربحنا
همام : جيبه اني هم اريد اشيله
ياسر : دوخر واني وين شلته
همام : كلت جيبه ترا اني هم عمه
ياسر : هاك أخذه من هسه تريد تسويلك مشكله خل اخذك على كد عقلك
همام : عفية بَطل
أخذ منه آسر ويضحك ويحجي ويا : هلووو اني عمك الثاني همام شوف عمي من هسه ماريدك تطلع على ياسر لان راح تخبل الاوادم خوش اطلع عليه وبس لا على امك ولا ابوك ولا ياسر ولااا احد
ريم : تفتهم اخويهه المعقد
روان : لعد هسه جيبو اني اشيل ابن اختي
وهم كعدن ريم وروان يتناكرن عليه وهو صغير عاط فهد : شو وخرن جيبو ابني بعده صغير وخلصتوا عليه يلا اطلعوا برا
ياسر گال بصوت ناصي : نفسيه
همام : فهد ياسر يكول عليك نفسية
فهد : بسيطه امشي كدامي
أخذ الطفل وطردهم ونضحك عليهم
جني كعدن يمي ريم وروان يتمضحكن : ها بنان هااا
بنان : شبيج
روان : طلعتي تدورين احم احم
بنان : اسكتن لحد يفتح الموضوع خوش
ريم : سمعتي روان تكله تعال ابوسك
روان : اي وبعدين كلتله بوسني بوسني
بنان : نعالات اسكتننن متستحننن
روان : هو شنو منستحي ترا أنتِ المتستحين والله حلوة هاي عود انتِ العاقله هيج سويتي لعد شخليتي النه
ريم : اي والله فوك ما هي ام الانه مو تدورين بوس
بنان : انجبنننن حقيرات يلا كافي
روان : ليش كافي
ريم : دخليني ساكته بنانو
بنان : امشن يلا ولن اطلعن
راحن طلعن يتمضحكن ورها ..
اجه فهد گال : كلت للدكتوره يصير طلعين هسه بالبداية مقبلت كالت لازم يومين تضل بس گلتلها بالبيت نهتم بيج فكالت تمام بس اذا صار شي مضاعفات جيبها
بنان : يعني اطلع هسه موو لان تعبت اضل هنا
فهد : ايي بس اذا حاسه نفسج مو زين نضل
بنان : لا والله زينه
فهد : عمليتج تأذيج؟
بنان : جانت بس هسه لا احسن
فهد : خوش
اجن ممرضات ثنين ساعدوني ولبست ملابسي ولبست شال وجابولي عربانه ..
طلعت لكيت الكل متجمعين بباب الغرفه
بنان : والطفل شلون
رحاب : اني راح ابات يمه وهمام حيضل يمي
فهد : خوش لعد احنه راجعين
رحنه طلعنه اني وفهد ويدفع بي بالعربانه ورها اجي سندني علئ كيف وخلاني بسيارة
وريم ومؤمل هم رجعوا و ياسر وروان هم بقوا بس خاله يم طفل وهمام ..
لما رجعنا بالليل دخلت للغرفه اجه علية فهد سندني علئ كيف ونومني علئ الجرباية ..
باسني بخدي وگال : تعبانه مرتي الجذبيه
بنان : مو جذبيهه بعد صرت ام ابنك
فهد : هم صحيح .. من شلت آسر حسيت بشعور غريب وحلو .. ابني واني شايله اهخخ
بنان : شوف من هسه مو تكعد تحبه أكثر مني
فهد : انتوا اثنينكم احبكم مافرق اني مثلج
بنان : عزا اني افرق
فهد : اي لعد منو
بنان : شوكت مفرقة
فهد : مو تشربي حليبج هاي مو تفرقه
بنان : يعني شنة تريد تشرب انتَ هم حليب
ضحك وگال : رعنهه
بنان : مو انتَ تكولي تفرقين
فهد : ترا داتشاقهه لتزعليييين يمعوده
بنان : شقاك يضوجني
فهد : تعاي ماضوجج بعد
بنان : وخر مااا
فهد : هي شنية تسويلي من الحبه كبه
بنان : ممسويه انتَ كلت علية افرق
فهد : اتشااااقه يا أمة الاسلام اتشاااقه
ضحكت وگلت : شبيك لتعيط فضحتنا هاهيه
فهد : شو تعاي
بنان : وين
فهد : غير ابوسج مو اليوم ترديني ابوسج
بنان : لاااا مكلت
تقرب عليه وجان يبوسني حيل من شفتي دفعته علئ كيف وگلت
_ عمليتي علئ كيفك
_ توجعج ؟
_ شويه بس اريد انام
فهد : تعاي بوسني مو ردتي
بنان : فهد اريد انام
فهد : بس ترا ماوديج بعد لـ آسر
بنان : لا فهد عفية لتسوي هيج
فهد : شعلية اني شمسوي اصلا انتِ كلتلي ابوسك
بنان : لتكعد تساوم فهددد
باوعلي يضحك ويقلد : فهاااااد ماكو الا تبوسيني
بجيت وگلت : مابوسك لتلححح
فهد : يلا اني ابوسج مرع ثانيه
بنان : مو بستني هسه
فهد : وحده ثانيه متأثر وترا اني هم خطيه مخلصت من حملج حتجي 40 يوم لازم انتظرج علئ اقل صبريني بوسه
بنان : اي يلا انتَ بايس وگلت لا بوس عادي
فهد : هاي منية ولكم
بنان : هـاا خلي انام نعست
فهد : نامي بويه ارتاحي
غطيت راسي بالبطانيه واسمعه يضحك علية ويقلد بعدها نمت من التعب وألم العمليه ومحسيت على شي ..
___________
روان
بعد ما رجعنا للبيت كعدنا بالصاله يم رزان وأيهم وعمامي يمنا يعني كلنا ونسولف
ياسر : زوزو ابشرج ابن فهد طالع عليه
زوزو : لتكولها
ايهم : ها يعني مفرحانه لان يشبه ياسر
زوزو : اي عيني مفرحانه لان كل ما الولد يصير ثكيل كل ما يصير هيبة
روان : شنو بيبي قصدج ياسر مو هيبة
ياسر : اي اي هيج قصدها
زوزو : اي اقصد ياسر وحتى همام بس ايهم وحسن وفهد يختلفون
رزان : اوي فديت زوجي
روان : راح تنركعين
رزان : واني شكلت اصلا متكدرين تركعيني لان رجلي مكسورة
روان : رزان انجبي احسلج
گال عمو محمد : زين شوكت يلا يطلع
ياسر : مادري اسبوع لو أكثر
زياد : يعني بهيج يطول بالمستشفى
روان : اي ولازم بنان تروحله ترضعه
رزان : روان عليج الله ما صورتي اشوفه
روان : لا ماصورته بس شبعت شوف منه
رزان : حقيرة ليش ما صورتي اوففف شوكت يطلع و اشوفه تحمست
روان : دقيقه يمكن ياسر مصورة
رزان : شي اكيد ياسر مصورة اذا هو ينقل الأحداث اول بأول
روان : اي دقيقه اسأله
رحت اسأل ياسر : أكلك طاك صورة لـ آسر
ياسر : شتسوين بيها
روان : اتمعن بيها غير اشوفها لرزان
ياسر : اي هسه ادزها الج وشوفيها
دزلياها ورحت ركض على رزان شوفتها الصورة
روان : هاج شوفي
رزان : اوي حبيبي فدوه شكد حلو
روان : وين الحلو ترا بعده اول يوم حتى ملامح ماعنده
رزان : اي بس هذا هسه يطلع حلو اني متأكده
روان : منين متأكده
رزان : هيج احساسي
روان : خل نشوف عود
كعد ياسر يحجي هو وأيهم وحسن وية زوزو يشاقوها ..
حسن : زوزو شنو رائيج بـ اسم ابن فهد
زوزو : معجبني
ياسر : ليش عيني ما عجبج غير يطك بالكاع
ايهم : اي والله حلو ترا
زوزو : سكتوا سكتوا عود تعرفون بالذوق
حسن : اي بس حلو آسر
ياسر : شمدريني يا خوية .. فديتني عمي فديت ذوقي ترا فخر من هسه يسألون منو سماه يكولون عمَ ياسر
ايهم : يا فخر ترا مجرد اسم
ياسر : دروح انتَ متعرف
حسن : عساس انت لتعرف
ياسر : اي اني اعرف
بعدين ياسر ورا شوية كام وترخص ورحنا صعدنا للغرفه گال ..
_ يوم الالنا ويجينا .. شيجينا شتردين أنتِ ؟
روان : والله مادري يعني اي شي بس اني احب البنات حيل
ياسر : مبين تحبيهن من علاقتج وي فرح دسكتي بالله
روان : بالعكسس والله احبهن بس اني احب اضوجها لفرح
ياسر : خوش اني هم اريد بنية تطلع عليج
اخذت خصله من شعري والعب بيها واضحك گلت
_ ايييي .. يَسورتييي صاير صاك بالازيد هل ايام
ياسر : اني صاك من زمان
روان : دكعد لتهمبل علية
ياسر : ترا والله بدون تكبر بس اني صدك " الأمير الوسيم "
روان : ايييييي واني هم الأميرة الوسيمه
ياسر : اي شلون لعد عمي
اجه علية وحط راسه على رجلي وگال : العبي بشعري
روان : ليش
شال ايدي وحطهن على شعره : معليج بس العبي بي
ابتسمت وكمت العب بشعره وهو شعره اشكر بس طوخ كعدت اسوي بس ظفاير وابتسم وهو يغفي ويحجي وياي : رواني شفتي ابن فهد
روان : اي صلوات بكد اصبعي الصغير
ياسر : اي .. هيج ويطلع على عمه ياسر الوسيم
روان : هواي واثق من نفسك انتَ
ياسر : شسوي اذا اني حلوو
روان : اووف ربي شو شايف نفسك انتَ
ياسر : يلا لتزعلين انتِ بعد احلئ مني
روان : امممم
ياسر : احس يطلع يشبهني
روان : لا رزان تكول يطلع يشبه ابو
ياسر : شمدريها هاي
روان : شمدريني هي كالت وتكول حاسه
ياسر : اني هم حاس من عكدة حواجبه حرام چنه فهد
روان : اي فدوة
ياسر : معرفتج هيج تحبين الجهال
روان : اني احبهم بس ما ابين احب اضوجهم
ياسر : احبج طركاعتي
روان : اني هم يَسورتي
ياسر : هاي شمسوية بشعري
باوعتله بضحكه وكلت : شنو
كام يتلمس شعره وحجه بعصبية : شمسويه بشعري
روان : شمسوية قابل غير انتَ كلتلي العبي بشعري شمسوية قابل
ياسر : مو هيج قصدي خرب
روان : اوي شبيك شسويت قابل
ياسر : ممسوية شي يلا ميحتاج خل انام رح يصبح الصبح علينا
روان : اي ديلا نااام فوك ما العب بشعرك والله يا الله
بس ترا لايكاتلك الظفاير
باوعلي ضايج وكال : انجبي ويلا تعاي بحضني خلي نام
روان : ميحتاج يوميه انام بحضنك
ياسر : تراا اخذتج بتعب فلازم تنامين بحضني
روان : اي سوده عليه لدرجه سهرت الليالي يلا حصلتني
ياسر : ترا صدك مو بسهوله حصلتج اذا انتِ راسج يابس
روان : لازم نبيع ثكل شويه
ياسر : اهخخ يلا اهمشي حصلتج وصرتي بحضني
بسته بخده وحضنته حيل وگلت : نام يلا
ياسر : نامي انتِ بالبدايه
روان : لا انتَ
ياسر : انتِ
روان : انتَ
ياسر : خلي ننهمد ثنينه احسن
_______
ريم
من رجعنا اني و مؤمل
جانت خاله ام مؤمل لحد الان كاعده واسيل ماكو نايمه ..
طبينا ورحنا كعدنا يمها شوية سولفنا وصعدنا للغرفه
مؤمل : اني اعلمج ريم صايرة عرمه
ريم : انيييي ؟ ليش شمسوية اني
مؤمل : خطيه ممسوية شي بس يلا جيتي يمي ليش اصير عصبي
ريم : عفية صير حبااب
ابتسم الي وحضني : ماكدر اعوفج دقيقه شلون يوم كامل ؟
بادلته وكلتله : اني هم ماكدر اعوفك بس هم لتنسى بالبيت مخبوصين خطيه
مؤمل : شعلية بالبيت اهمشي يمي أنتِ
رحت كعدت علئ الجربايه وفتحت تلفوني لكيت روان دازتلي صورة آسر ابتسمت واني اشوفها : مؤمل شوفف شلون حلو
مؤمل : اي الله يحفظه
انتبهت عليه صافن عليه سديت التلفون ولت : شبيك اليوم
مؤمل : مابيه شي بس شويه تعبانه فـ داباوع علئ وجهج حتئ يروح التعب
نزلت واسي بخجل وابتسمت ..
ورا شوية كام مدري شيدور بين اوراقه بس طلع من بينهم دفتري
فتحت عيوني بصدمه .. هذا دفتري الي جنت اكتب بي عنه ..
كمت بسرعه اخذته وگلت : لتكول قريته !
سكت وهو يباوعلي مبتسم
ريم : لا مؤمل عفية مالتي هذاا
مؤمل : من هسه صار مالتي
ريم : بس كول قريته ؟
مؤمل : اي قريته
ريم : لااا ليشش شلون تقراه اصلا هذا دفتر خاص
مؤمل : ليش خاص مو جنتي تكتبين بس عني
ريم : اي اكتب عنك بس يعني
مؤمل : مو بس ولا اي شي
جابه سحبني وكعدنا علئ الجربايه وهو يحجي وياي
گال
_ 3 سنوات تحبيني ؟ كل هل مشاعر وضامتها
دمعت عيوني وگلت : هو يعني المفروض متقرا هذا الدفتر
مؤمل : ليش ما اقراه مو نفسه اني الي تكتبين عني .. لو ادري من اول لحظة حبيتيني بيها اجي اخطبج
ريم : جنت صغيرة مؤمل حيل بس جنت احاول اجذب على نفسي اكول هذا حب مراهقه وهيج بس طلع مو حب مراهقه ولا عابر انتَ جنت بقلبي حبك يكبر وياي
حضني حيل وكام يكول : والله اني هم احبج .. ريم احبج بكد رحمة الله
ريم : اني اموت عليك هم ، تذكر مرة شفتني بالمستشفى جنت جايب امك
مؤمل : اي ؟
ريم : جنت متخربطهه لأن سمعت بيك حتخطب بنت عمتك مدري خالتك ما اتذكر بس حتخطب اني انقهرت وصخنت يعني تمرضت مرض قوي وتخربطت
ابتسم الي وباسني براسي : راح اعوضج عن كل ثانيه بجيتي بيها بسبب حبج الي ..
ريم : اهخخخ شكد احبك
مؤمل : مو بكدي
_________
بنان
مَرت الايام وصار اسبوعين آسر بالخدج لان بعده صغير واني شويه بديت اكوم علئ حيلي ..
خاله رحاب ما قصرت ويانه ضلت تبات يمه وفهد يوديني عليه حتى ارضعه واشوفهه وهم نرجعه ويانه اذا حالته مستقره ..
شكله جان حلو رغم ممبينه ملامحه زين بس بي شي حلو ..
واليوم خاله راحوا همه وروان وريم على بيت مَي حتى يخطبون لـ هُمام شغلة نسوان بيناتهم ورجعوا بالليل وگالوا بعدين يردونه خبر ..
وبوقتها فهد هم جان موجود أخذني على آسر بالمستشفى حتى نشوفه واذا نكدر حتى نرجعه ويانه
سألنا الدكتورة وكالت عادي يطلع بس انتبهو عليه كلش زين ..
كلش فرحنا بوقتها وطلعنا آسر من المستشفى وهسه نوَر بيتنا ..
فهد قرر باجر يسوي عزيمه ويسوي ذبيحه على سلامة آسر
تجمعنا كلنا بالهول نسولف بالليل بعد ما خليت آسر بالغرفه ونايم .. وريم مؤمل كللها فد شوية اجي اخذج ..
كالت روان : بنات شعري حلو ؟
ريم : اي والله حيل حلو
روان : عاجبني اسرحه بس هذا هم احبه
بنان : لا لا حلو خلي هيج ياسر شيسوي بينا يتخبل غير
رزان : لا روان حلو شعرج وحتى ريم لونه حلو وسرح
بنان : عاجبني اكص شعري
ريم : عادي اني اعرف اكص
بنان : مو هنا المشكله فهد ميقبل واني بنفسي اكصه وميقبل
روان : دروحي يا فهد بابا كصي اهمشي رأيج
بنان : مو خاف يصير عصبي علية
ريم : لا كصي وبعدين هي تصفى
رزان : ليوين عاجبج تكصين شعرج ؟
بنان : مو هواي جوا الجتف بشوية
هزت ايدها روان تضحك : شيخلصج من فهيدان يروح كل هل طول
بنان : لتخوفيني
ريم : دمشي لج مثل ما صبغت شعري بنفسجي عادي تقبلوه وانتِ هم عادي هسه يسكت ميكول شي
بنان : هيج برأيج
ريم : اي
رزان : لعبن لعب بعدين تجي الرزايل طايرة
بنان : بيش طالبتني لجججج يلا ريم
جتي ريم وياي ركض وبالغرفه سوينا الجريمه
حددتلها ليوين اريد اكصه وكامت تكصه وخلصنا بسرعه ..
نفشته بفرحه گلت : الله شكد حلو شكد جان بنفسي
ريم : اي وديري بالج من فهد وصيتج
بنان : لا هو يحبني ميسوي شي هسه يقبل
ريم : واضح واضح
بنان : يلا لحد يفاول علية
طلعت تضحك علية واني فرحانه اباوع لنفسي بالمرايه حسيت وجهي طلع شوي ..
كعدت يم آسر صافنه عليه والزم بـ ايده وفرحانه بي حيل .. ولحد الآن هم ما اجوي بيت عمي محمود ولا سألوا علينا بس احسن هيج خلينه بدون مشاكلهم
سمعت طكطكه برا لحد ما انفتحت الباب وفات فهد
باوعلي مفتح عيونه بصدمه .. ثواني تحولت ملامحه للعصبية وصرخ علية حيل
_ هاي شنو بنااان
نهاية البارت
يتبع ..
( لاتنسوا التصويت)
أن شاء الله يعجبكم البارت وترا طويل بال 5000 كلمة
7.nldn حسابنا الأنستا
إلى اللقاء يا أعز العابرين في قلبي ♡.
الكاتبات دينا & نور
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!