نقطة لقاء الفصل الثامن وخمسون 58 - بقلم دينا _ الكاتبة نور

بارت عن حياتهم الحاليه 💖 .

‏ذهبتُ نحوكَ بوجهٍ ذابلٍ
وعدتُ بكُل ورودِ الأرضِ .

>>>>>>>>>>>>>>>>>>

بـنان
كاعده بالغرفه واتفرج بـ تليفوني و هل وقت دنيا ظهر ..

آسر چان يلعب وي بنات روان جوه يم زوزو و خاله رحاب ..

اندفعت الباب وفات فهد مثل العصبي
باوعت عليه وغلست وهو يلوب مدري شبي .. سويت نفسي ما ادري عنه ..

اجه كعد بصفي وكلسع يسوي حركه يريد يبين انوا هو مثل الضايج واني ساكته ..

اخير شي گال : بنااااان

_ ها فهد شنو شبيك

باوعلي وخنزر : مابية شيييي

بنان : لا لا كول شبيك تريد تتعارك والله افرح

فهد : ها تفرحين على العركات ؟

بنان : ايي والله كوم طلعلنه عركة خلي نتعارك

فهد : تحجين صدك ؟

ضحكت وگلت : اي اي شبيك حتى تنكتب بالواتباد

خزرني وگال : اشو مخرفة انتِ فد مره شنو سالفتج ؟

_ يااا اني مخرفة

_ حيل اكللها عوفيني ضايج تكلي تعال نتعارك

_ هسه قابل شحجيت بس علمود تنكتب بالقصة ويصير اكشن

_ والله خبصتيني خبصهه خلي يفيدج الواتباد مدري ياهو ساعة سوده انطيت الموافقة بيها

_ ياا عساس بسرعة انطيت الموافقه اله ذليتني ذل اله وافقت

غمز وگال : ليش الي يطلب بوسه و ن**** يعتبر ديذل صاحبه

فتحت حلكي بصدمة وگلت

_ فهدد لتحجيي هيج ويايهه ما احب هيج حجي

_ اي صح نسيت انتِ تحبين الافعال ادللي اليل طويل

_ اووف فهدد

_ شبي فهاااد

_ شبيك ضايج ؟

_ تعبان

_ بية ولا بيك

_ انلصمي

_ فهد شبيك من شنو تعبان احجي

تنهد وگال : تعبان من كُلشي بنان

بعدين كام وحط راسه بحضني گال

_ العبي بشعري احب هاي الحركه مالتج

ابتسمت وگلت : اوك

فهد : خوووش

بنان : اوووك

فهد : شلون وياج خليني ساكت

بنان : لا احجي احجييي شكد متريد لتسكت

فهد : شحجي ؟

ضحكت لا إراديا عليه چان يخزرني ويكول

_ واني شكايل وتتمضحكين

_ اوك اوك ما اضحك .. حتى الضحكه حرام كُلشي حرام حرام حراممممممم

_ ادبسزز

_ عساس انتَ شلونك

_ مو اكوملج صاير لسانچ مترتين

_ اسفه زوجي العزيز

_ ما مقبول اعتذارج

بسته براسه وگلت : وهسه مقبول ؟

_ لا ميعجبني هل مكان

_ لعد تريد بشفتك موو ؟

ضحك وگال : بويه صايره نچرة فد مره

_ اعرف اسوالفك

_ ابنج جوة يم الزوج مال ياسر

_ شنوو زوج دخلي يسمعك موهنديس ياسر كُلشي ولا بناته

_ هارج الدنيا جوا

فجأة كام بسرعه وگال

_ عفت ابنج يمهم خرب وهذا ياسر لسانه فالت ليروح يتعلم منه شي ، ماكدر اعوفه يم ياسر ما أمن

بنان : خوش جيبه

بعدين ديريد يطلع ورجع أندار وگال : باجر العقد مال صديقه الصدوق حميدان

بنان : احمد راح يعقد ؟

فهد : ايي

_ وراح تروح ؟

_ ايي

_ فهددد

_ شبي فهااااد شبييي

بنان : مو تلبس الاسود ترا متطلع منا لهنا

صغر عيونه وگال : وأنتِ شعليج بيه بكيفي

_ ها بكيفك ؟

_ لعد بكيفمن ؟

_ فهد الاسود مااااكو

_ لا اكو ويلا كافي حنزل وتعاي وراي

_ ما أنزل

_ ها تعاندين عود يلا عادي اخذ آسر ونطلع ومنرجع بعد ومتشوفينه

_ فهد لا كل مره تهددني هيج

ابتسم بخباثة وگال : اني ما اهددج بس انتِ قشمر

_ شكرا

_ العفوو

راح نزل واني لبست الشال ونزلت وراه ...

______

روان
كاعده ويمي مَي والجهال يلعبون يمنا بس آسر ذكي حيل مرات انتبه عليه يصفن علينا وشلون نحجي
بناتني الجميلات فديتهن كاعدات وساكتات ابد مو وكحات بس لا رنوسه زينه بس ريناد نار وشرار
اما دانيا بنت همام و مَي كلش هادئه مَ نسمع الها صوت ..

كاعدين نسولف فجأة نسمع صوت اغاني والديجي نزل ياسر من فوك يغني ويركص ..

ضليت اباوع عليه مصدومه شبي الوليد تخبل علينا ..

گلت بصوت عالي : يااااسررر هاي شنووو

گام يضحك وعلى صوت الاغاني ويركص

_ وهاااا وهاااا تعالن تعالن يلا ركصن وي ابوجن يلا حبايبببب

ما اشوف غير بناتي كامن وكفن يم ياسر ويهزن بنفسهن ويكمزن وكلسع يوكعن ..

وصاح آسر يجي وگال

_ تعال انتَ يلا ويانه علواهس يلا فرح انتِ هم بعد عمج

روان : ياسررر شبيك تخبلت علينا

زوزو : ولك يمه شبيك تسودنت

رحاب : لك ياسررررر شكووو

نعم صوته وگال بضحكه

_ غير حموده راح تعقد باچر شلون ما تريدوني افرررححح ولكممم اركصووووا

ويعلي ويركص صار الردح بفلس ..

بلحظتها نزل فهد وعاط وگال

_ ياسر شبيك تخبلتتت

ضحك ياسر وگال : ها شنو منين طلعت انتَ

فهد : من جوا الكاع انچب وسده ترا افتهمنا صديقك راح يعرس شكو هاجم البيت

ياسر : يا اخي عوفوني ارفهه عن نفسي شكد نفسيين

فهد : يلا عاد يلا كدامي سدههه

ياسر : والله ما اسده واليوم اشعلها شعل عليكم

روان : فهددد عفيه احچي ويا ترا دوخنا وخبل الجهال

نزلت بنان وجتي يمنا گالت : هاي شكو شصاير شبي ياسر

مَي : ديخبل الجهال

روان : ولج رجلي هذا مدا اصدك شوكت يعقل

بنان : الطيور علئ اشكالها تقع

مريم : يلا اهمشي متوالمين

بنان : هو هم هيج .. باع آسر ديركص خو ماخذ راحته وي بناتج

مَي : عادي عادي بالنهاية راح يتزوج وحده منهن وشوفو اذا متزوج وتذكرووووني

روان : اووي عيني

بنان : بالنهاية القرار قرار آسر عوفونا من هل موضوع الولد صغير عمره 4 ونص واحنه نفكر منو نزوجه

بهل أثناء فات عمي محمد وياه همام چانوا طالعين

عاط عمو على ياسر گال

_ طفي الاغاني فضحتنه ناس شتكول علينه

ياسر : عمي هي شنيهههه ليش تزعلوني انتوا

همام : يلا يلا امشي سدهه خزيتنا

صار عصبي ياسر وطفى وگال : دوخرواااا هاا اها سديته يلا ارتاحوووا حتئ متخلوني افرح الصديقي اتونس والله هاي حلوة

فهد : هاي مو ونسه هذا خبال

همام : ياسر كُل مدا يكبر يتخبل زايد

ياسر : انچب حمام

همام : وانتِ هم انچبي ست يسرى

ياسر : لو كالولي ترجع للماضي وتصحح غلط راح اكللهم رجعوني ثلاث سنوات ما ادري اربعه حتئ اضرب ايهم علئ حلكه وما اخلي يحجي ويطلع هل لقب عليه

فهد : لتدوخووووني يابه شوفهم شديسون ولا چن كل واحد متزوج

ياسر : اهخخ منكم شو خلي اروح احسلي

انتبهت عليه اجه عليه مبتسم واشرلي بعينه فوك
رحت صعدت وراه وهو طب يبدل حتى يروح لـ احمد ..

روان : هاي وين حتروح

ياسر : وين يعني لـ احمد

روان : شلون بهذا احمد تراااا مراقب نفسك بعد شوية وتعيش يمهه .. اصلا منو اني منو روان بيش كيلو

ابتسم وتقرب عليه وگال : ليش تغارين ترا مرايح يم بنية

دفعته خفيف وگلت : لا عوزك تروح يم بنيه

_اي ليش ما اروح

_ لا بلا

_ اي شكو بيها اروح يم بنات مو بنية

_ منو تباوع جهرتك اصلا

تقرب عليه طخ ظهري بالميز وهوه صار قريب حيل عليه جان يگول

_ ليش شبيه عمي اشو بعدني وسيم وبعدني شباب

دفعته علئ كيف وگلت : اي يلا وخر روح شسويلك

_ يعني اروح ؟

_ اي روح عادي قابلة

_ اي بس ترا اسوي وياهم نفس الي اسوي وياج

خنزرت عليه وگلت : ليش قابل شسوي وياي انتَ

ضحك وگال : اغـتصبچ

دفعته وگلت : لتصير سرسري وخرر

_ لا اصير

_ اي روح ياسر

وخرت من يمه اجه جرني وحضني وگال

_ لا عمي اني واحد مؤدب وفي ما اخون زوجتي

ضحكت وگلت : وفي گالكلب

اشو ما اشوف غير كفخني وگال

_ والله انتِ مو مال واحد يحجي وياج عدل

_ ديلا موهنديس لتتنعوص هسه شحجينه

_ اروح اني احسلي

_ اي يلا روح روح

_ وين اروح

_ لصديقك

_ لا بطلت مبين زعلانه انتِ فما اروح اله اراضيج

_ هاااا ايييي كلت تراضيني تعرف بشنوو مو ؟

ياسر : اهوووو هم موطهه راح تروح فلوسي علئ الخالي بلاش

خنزرت عليه وگلت : ها يعني اني خالي بلاش

ياسر : لا لا

_ روحي ياسر لتحجي وياي

ياسر : ولج لزعلين حقج عليه ام ريناد وريناس ما اعيدها بعد

روان : يعني موطه تستحيف جيبلي وابو هارون حتئ بس ترضئ عليه ام هارون جابلها جي كلاس

ياسر : عمي ذوله ناس فايخه

روان : مااا معليه

ياسر : ديلا لزعلين باجر تلكين جي كلاس باب البيت

روان : ابقئ ابقئ قشمر عليه

ياسر : هسه شبيج متكليلي شبيج

روان : ياااااسررررر

ياسر : شبيج ياسر ياسر ياسر خرب ياسر

روان : اكُلك ياسر

ياسر : هااا

روان : بس انتَ تطلع وعايفني اني هم ضايجه طلعنييييي

ياسر : وين

روان : شمدريني وين اني ضايجهه مو بس تفرفر انتَ وي احمد مدري وينننن

ياسر : يابه اي اطلعج عوددد .. اكلج شلبس هذا لو هذا

روان : شمدريني التريده

ياسر : مو دا آخذ رأيج ليش تزعلينيييي

روان : اييييي هذاك .. بعدين ترا رايحله انتَ مرايح تتكشخ لا ابقى بهدومك ذني

بهل اثناء سمعنه صوت بجي ياسر فتح الباب ولكه ريناس تبچي اجت وحضنت ياسر

نزل المستواهه مصدوم من شكلها وگال ..

_ ها ريناسي شبيچ بابا ليش تبچين وشلون صعدتي الدرج

ريناس : آسر تتلنييييي

ياسر : ياااا ليش كتلج هل كوا*

روان : ياااااسررر شبيييك

ياسر : اي بابا ليش

ريناس : ما اعلف ( ما اعرف )

ياسر : امشي تعاي نروح عليه شلون يمد ايده علئ بنتي الحلوه ويبجيها

ماشوف غير لزم ايدها وطلع هداده لزمتني الضحكه على اشكالهم ..

_____

بنان
گاعدين گلنا بالصاله بـ أمان الله و آسر و بنات روان كلسع يتكافشون و يتعاركون ..

فجأة سمعنا صوت ياسر يعيط وصوت بچي ريناس ..

اجه علينا وهو عصبي گال

_هاي شنو عيني ابنك ليش كاتل رنوسه اليوم اعلمه لهل كوا..

هنا فهد عيط على ياسر وگال

_ ولكككك ياسرر شلون بيك لتفشر كدامهم

ياسر : والله هاي حلوة فوك شينه كوات عينه

فهد : انچب اول شي عراك زعاطيط وانتَ يعني هم اصلا زعطوط وياهم اعتبرك ثاني شي فشارك بطله كدام الجهال هم ابني وهم بناتك

ياسر : اني زعطووووط سمعتوووو شديكول عليهه

همام : مجذب

ياسر : حمام انتَ انجب احسلك

همام : يمه يمه خفتتتت

محمد : هذولة شلون زوجتهم انييييي

ياسر : شلون زوجتنا يعني غير راح نشيب .. المهم نرجع لعركتنا الاصليه ابنك ليش ضرب بنتي

ورجعت ريناس تبجي ..

بنان : همه بينهم جهال وبنتك على كيفها عيني هي كفخه خفيفه شهل بجي

ضحك ياسر وگال : والله هل بجي وارثته من خالاتها شعليه اني

ضحكت وگلت : خوش بسمار

فهد : امشي ولي مابية حيلك أخذ زعاطيطك واصعد ولو انتَ هم زعطوط

ياسر : ما اصعد الا أخذ بـ ثار بنتي

خمام : على كيفك حميت هواي

لزمهه ياسر لـ آسر من شعره بس خفيف وگال

_ لك ليش ضربت بنتي

آسر : مااا ضلبتها

ياسر : لا لا كول ليش ضربتها

آسر : مادلي ( ما ادري )

ياسر : شنووو مادري

آسر تعصب ومن يتعصب يدمع ويعكد حواجبه

فهد عاط بي وگال

_ وخر لك وخر عوف ابني تعال بابا

راح آسر حضن فهد وفهد گال

_ بابا ليش ضربت ريناس مو خطيه نونو هاي

آسر : ماا ماا تستاهل

فهد : ميصير هاي نونو شوفها شلون دتبجي خطيه

بقه آسر صافن علئ ريناس وعاكد حواجبه جان يروح يم ريناس ويبوسها بخدها وگال

آسر : لتبتين ( لتبجين )

نباوع علئ ريناس سكتت وخنست ودارت وجهها وحضنت ابوها احنه كلنه ضحكنا شو منشوف غير ياسر عاط وگال

_ يبوووو شلون تبوس بنتي هاا كوا* شلوون

فهد : هسه متكلي شسوهه

ياسر : شنو شسوه غير باس بنتي الفقيرة خطيه خنست روح ادب ابنك وعلمه ميبوس بنات العالم

جر فهد آسر وگال

_ بابا لتبوسها بعد هنا ابوها حضرة جنابه ميقبل

هز آسر راسه بنفي وگال : مااا

جان يشيل ياسر ريناس وراح علئ ريناد هم شالها وگال

_ تعالن حبيباتي تعالن هنا الوضع صار فيطي وهنا ابنهم مو راحه

فهد : شو دروح جاي على ابني المؤدب ناس ماعدها شغل وعمل

ياسر : بسيطه نردها الكم تعالن عيني تعالن

أخذ بناته وصعد ..

وراها نزلت مَي وبنتها دانيا عمرها سنة تقويباً .. بس بنتها جانت تبجي ..

كام همام عليها وگال : هاي شنو شبيها

مَي : مادري شبيها بس تبجي مداتسكت

همام : نوديها للطبيب لو لا

مَي : لا لا بس هي مادري شبيهاا

ردت عليها خاله رحاب : لعد انتِ شربتيها حليب ماكله

مَي : هاا

همام : دتكلج شربتيها حليب

مَي : هاا ما ادري

رحاب : تعاي يمه جيبيها هسه اسكتها

جاوب همام بضحكه : خبرة بالجهال

رحاب : شعبالك مربيه اجيال اني

____________

روان
چنت كاعده وفات ياسر والبنات هم يتعاركن مو صافيات وحده فاهيه وحده عرمهه ..

ياسر : اكلج طركاعه

روان : هـا كول

ياسر : بطلت ماروح لأحمد

ضحكت وگلت : احسن

ياسر : رواني

روان : خيرك شكو احچي صارت بيها رواني

ياسر : هو عندي فكرة

روان : الله و ايدك بس كون شي بي حظ

ياسر : اي اي .. باعي رزان و ايهم ماعدهم شي راح اودي بناتي يمهم خوش ونطلع اني وياج .. وين تردين نطلع

روان : اوكف خل افكر هاا اي ودينه بحديقة

ياسر : خوش

رحت بدلت وطبعاً ياسر بدل قبلي وأخذ ريناس وريناد ونزل ..

ابتسمت ورحت فتحت الكنتور وطلعت حجاب منه
لفيته علية وماكو اي شعره طالعهه طبعا صارلي فكرة افكر اتحجب والحمدالله اقتنعت .. واحسه كلش حلو علية ..

اخذت الجنطه ونزلت جوا .. ياسر جان واكف يم الدرج التفت علية بس شكله چان مصدوم يغمض ويفتح أكثر من مرة .. ورها گال

_ صلوات هاي شداشوف ؟

روان : تحجبت عمييييي

ضحك وگال : وأخيراً الله هداچ

روان : الحمد لله واصلا يعني اني من زمان جنت مفكره بهل موضوع واقتنعت بي

ضل يباوع علية ويوزعلي ابتسامات

روان : ياسر شبييك تضحك خاف محلو

ياسر : عمييييي تخبلين تموتين وربي شنيي تجننين طالعه فلك فلك بكل حالاتج حلوه

روان : ديلا يلا لتحسدنيي

ياسر : بس كلش لايكلج طركاعتي اهخخ تعاي ابوسج

دفعته وگلت : وخرر ياسر مو بغرفتنه احنه

ياسر : ها ايي صح عيب عيب .. يلا امشي نروح الايهم ورزان

دنطلع جان بنان تصيحني : هاي شنو روان تحجبتي

_ اي تحجبت

بنان : شكد حلوة طالعه ولج

روان : شنووو هاي دتخجلوني

ضحكت وگالت : حتطلعون

روان : لا عيني حودي بناتي يم اختج الدكتورة

بنان : اوكفي اوكفي

طلع بوجهنا فهد واسر مضل احدد ما عرف بينا طالعين ..

فهد : بالله اخذوا وياكم آسر لان احنه هم يمكن نطلع وراكم

اندارت بنان عليه وگالت : ها شنو وين نطلع

فهد : اشوف وين

ياسر : تعال تعال عود اني اطلبك ثار بس شنسوي
لزمه من ايده ويه البنات وطلعنا رحنا على بيت رزان وايهم

دكينا الباب انفتحت وطلع منها ايهم

_ هاي شنو تفضلوا تفضلوا

ياسر : دروح يا اتفضلوا اصلا بيت بيتنا

فتنا جوا ورا شوية طلعت رزان سلمت علينه ..

ياسر : يلا عيني احنه طالعين وهذولة بـ امانتكم

ايهم انصدم وگال : شنو يمنا مو رزان عدها قرايه

ياسر : يا قرايه والله بطران تعالو بابا تعالوا وهذا ابن فهيدان عيني يمكن هم حيطلعون يلاااا خليهم يمكم بلا زحمه

رزان : لا يا زحمه تعالوا تعالوا يلا عندي جوا الكم العاب هواييي

همه فاتوا بسرعه وأيهم مدلغم

ياسر : يلا عمي بالتوفيق

ايهم : دمشي ولي

ركع الباب بوجه ياسر واني خربت ضحك

روان : هاك استلم يلا امشي امشي

رحنا ركبنا بالسيارة ورحنه للحديقة ..

_________

رزان
اول ما فاتوا الجهال ضليت ماعرف شسويلهم
فـ گلت اطلعلهم العاب واسكتهم ..

كعدتهم يم عمو زياد وضلوا بالاول ساكتين
رجعت بالغرفه و ايهم جان نايم ..

كعدت اكمل واكلب بالاوراق مالتي

ورا شوية واسمع صرخه وبجيي ..
فزيت بخوف وايهم على ركضتي ركض وراي
اول مطبيت لكيت البنات ديتكافشن ويتعاركن وعمو زياد ماهوا يمكن نام .. هو ميتحمل هوسة جهال
وآسر يجر بيهم ..

كعدت افاكك بيهن گلت

_ ولجن عيب انتوا خوات

بعدين اصفن عليهن اكول هذني شمفهمهن

_ لج هدييييي شعرها وهاي ريناد مجلبه بشعر ريناس

خرببب هسه شسوييي وخرت ايدها بصعوبه شلت ريناد وديتها لـ ايهم : هاك هاي خليها يمك لتخليها يمهم عدائيه كله بس تتعارك

اشر بعيونه على آسر وريناس : وهذولة

رزان : تنحل بعدين عود

ايهم :خربيومك ياسر على هل دكه

رزان : اهخخخ يمهه

كعد يمهم بالصاله وريناد يمه اباوع عليه الكاه كلسع يشيل ريناد ويشمرها بالهوه وهيه تضحك ويكول

_ يمه يمهه للبنيات يمه حبيبات عمهم

بالاخير كعد ريناد بحضنه وميخليها تتحرك جان تكول

ريناد : اموو وهرر اليد العب ( عمو وخر اريد العب)

ايهم : ماكو لعب عمو انتِ وكحهه

شو منشوف غير ريناد كامت تبجي وتكول

_ آسر ميهبني ميهليني العب يلعب بس ريس

جان يبوسها ايهم ويكول : هذا منو اي ميخليج تلعبين تعال آسر تعال

جر آسر وگال

_ ليش متخلي ريناد تلعب وياكم

آسر : رينات وكحهه وتضرب رنوس

ايهم : حتئ لو خطيه شوفها تبجي

آسر : يلا تافي تبتين العبج

عفتهم رحت اكمل قرايه مادري شلون بس اريد اخلص ما اكدر من ورا الصوت والعياط مالتهم
رحت دا اطلع هم لكيتهم متعاركين ..

انتبهت على آسر ديلعب طوبه وكبل شمرها على رأس ايهم ..

رزان : عزا بعينك آسر

رحت اضحك وأيهم صار عصبي

_ هذولة شنو شسويلهم راح اتخبل

رزان : والله مادري هسه بلكي يرجعون روان وياسر وياخذوهم

ايهم : لج بابا يا رجعه هذولة مطولين خلوهم يمي بلوني

رزان : وهسه شلون

ايهم : مادري مادرييي

حسيت بلوزي كاعد ينجر من ورا انداريت لكيت ريناس تبجي : شبيج ريناس

ريناس : ماما بابا

ايهم : ياااا طلابتك ياسر خل يرجع بسيطه

ادور ماكو أندار منا يصير شي منا راسي كام يوجعني

ايهم شالهم كلهم وگال

هسه اني مو ادري هذولة مخابيل على اهلهم شجانييييي وقبلت يبقوووون

رزان : وين موديهم ؟

ايهم : ما ادري الي يطلع كدامي اشمرهم عليه راسي راح نفجرر

رزان : خوش

راح ايهم واني صعدت فوك تمددت وره شويه اجه فات تمدد يمي گلت

_ ها وين وديتهم

ايهم : شفت بنان وفهد خليتهم يمهم

رزان : اي زين

ايهم : اي والله راسي نفجر ما اتحمل هوسة الجهال

رزان : شنو يعني متريد طفل مستقبلا

اجه خلني بحضنه وگال

_ لا طبعا اريد

رزان : مو راسك ينفجر من الجهال

ايهم : اذا منج الجهال مينفجر بس هسه اني مال اريد طفل

رزان : ليش ؟

ايهم : انتِ عندج دراسة اريدج تهتمين دراستج وطفل يجي بعدين

رزان : يعني متريد طفل هسه

ايهم : شسوي بالطفل وانتِ موجود

رزان : اني طفلة ؟

ايهم : واحلئ طفلة

رزان : كل هل كبر ويكلي طفله

_ تدرين اني شعتبرج

_ ايي شنو

_ انتِ بنتي وامي بنفس الوقت

_ هاا

_ اي شبيج اني معشت حنان الام بس لكيته يمج

_ اووي ايهم عفيه لتحجي هيج راح ابجي والله

ضحك وگال : ليش تبجين تفاحتي

_ احبك هواي ايهمي

باسني بخدي وگال : چالعد اني اموت عليج تفاحتي

___________

بنان
لما ياسر وروان راحوا اخذوا الاطفال فرحت احضر نفسي حتئ نطلع لان فهد گال فحضرت نفسي وداحط شويه مكياج شو ما اشوف غير فهد والجهال احتلوا الغرفة گلت

_ هاي شنو مو راحوا يم رزان وايهم

فهد : غير ايهم گال علئ اساس رزان عدها قرايه ما ادري شنو

بنان : وين اكو قرايه هسه

فهد : شمدريني هاج اخذيهم

بنان : والطلعه فهد ؟

باوع عليه من فوك ليجوه وگال

_ نأجلها

فتحت عيوني وگلت : مو بدلت وخلصت وهاي شنو فهدد

_ اشتعل فهاااد شمدريني اني شسوي هسه اذب الجهال بشارع مثلا شسويي

دلغمت وگلت : يلا عادي ماكو مشكلة

رحت يمهم كعدتهم و فتحت التلفيزون كتلهم شتريدون اطلعلكم كام آسر يعيط ويكول

_ الوان الوان

ضحكت وگلت : تدلل

طلعتها الهم وكعدوا يغنون كلهم واني اضحك وعيوني مدمعه .. صفنت على آسر وحركاته ويغني ويصفك رحت بسته بشفته وگلت

_يمههه فدواتت اروح لوليديييي الحلو

شو ماحس غير كرصه بخصري عطت

_ يمهههه فهد شبيك

خزرني وسحبني من ايدي على صفحه وگال

_ شنو هاي شسويتي؟

بنان : شنو شسويت

_مو بستي ابنج تعرفين منين لو اني وحد

بنان : شنو وحد اوييي شبيك فهد

فهد : اشتعل فهااااد ياويلچ اذا شفتج بايسته من شفته مرا لخ

بنان : تراا ابنييي

فهد : ديلا انلصمي لا ابنج ولا هاي ممنوع هل سوالف

بنان : انتَ مخب..

فهد : كملي كملي اني مخبل؟

بنان : لا لا انيي

فهد : لا كلتي اني

بنان : شبيييك لا

فهد : بناننننن

بنان : هـاا

فهد : هل حركة متنعاد خوش؟

بنان : خوش خوش

ضجت منه حيل ودرت وجهي اريد اروح يمهم ..

سحبني من ايدي حيل ومبتسم بوجهي بخباثهه گال

_ايييي تسوين هل سوالف لـ ابنج ولرجلج متسوين

بنان : وخر فهد

فهد : ما اوخررر راح ترجع تلح مااا اوخر

بنان : شتريد فهيد

فهد : تعرفين شريد

بنان : وخرررر فهد مو هذولة الجهال هنا

فهد : هسه شمفهمهم همه بس هو انتِ تسوين لـ آسر واني مسوية علية حصار

ضحكت عليه وگلت : وشنو انتَ تغار من أسر ترا ابنك

فهد : ما اغار بس انتِ اخخ منج

بنان : فهيد عوفني

لزمني حيل قرب وجهه عليه ديريد يبوسني من سمع غير صوت آسر صاح

_ ماما

دفعت فهد حيل وگلت : ها آسر شنو

آسر : الوان هلصت اليد هيرها (الوان خلصت اريد غيرها )

فهد : بابا حبيبي الا هسه تجي متوازي ؟

هز راسه آسر : اي اي ولنوسه متحبها واني ماحبها حبابههههه ماما تعاي

انداريت لفهد وابتسمت صفح وگلت لـ آسر : اي حبيبييييي ابني الحلووو اجيت

فهد : روحي درابين گلبي روحي بسيطة

شو ما اشوف غير آسر صاح وگال

_ ترابين گلبي

ضحكت وگلت : شكلت ؟

بقه صافن عليه وگال ورها

_ ترابين گلبي

اجه فهد شال آسر وگال هوه يضحك

_ لتعيدها ولك خوش

كام يضحك آسر ويصيح

_ مااا مااا

بنان : شفت الاطفال من اقل كلمة يسمعوها او يشوفون شي يكومون يقلدون الواحد وانتَ تريد نسوي حركات استغفرالله

رفع حاجبه وابتسم وگال : مثل شنو الحركات ؟

_ ابتليت احجي شي

_ دهاج اخذي ابنج الوتي

گلت بهمس : علئ ابوهه

شو ما اشوف غير فهد خزرني بس بضحكة وگال

_اشتعل ابوه اني اليوم اشوفج الوتي شلون يصير

ابتسمت بفشله وجريت آسر ورحت العب وي الجهال وطلعتلهم اغاني اطفال وفهد عافنه وطلع ..

_____

هُمام
چانت دانيا نايمه بهل وقت ومَي موجوده تلعب بالتليفون گلت

_ اكلج ترا طلعت القميص مال عقد احمد روحي اكويه

مَي : هاا شنو ياهوه

همام : هذااااكك محضره كدام عينچ

مَي : اي اي هسه

شفتها كدامي كامت راحت تكويه وتعدل بي

أخذني الواهس وكمت احجي وياها گلن

_ اكلج مَي

مَي : هاا

همام : ممفگرة ترجعين لدوامج ؟

مَي : صراحةً لا هو اني اريدد ارجع بس مادري احس ما اكدر اعوف دانيا هيچ وحدها خطية

ابتسمت الها وگلت : اي لتعوفيها

مَي : شبيك تضحك

همام : اصلا مرات احسج يعني متنفعين للتمريض

تخصرت وهي تباوعلي گالت

_ ليش عيني ما انفع ؟

همام : شوفي يعني ما اقصد فدشي بالعكس اني احب البنية الي تشتغل بس انتي تخافين من أقل شي حتى الدم مادري شلون دخلتي هل تخصص وساعتين بس تشدين كانونه يعني بهيج حاله الواحد ميت ومودع وأنتِ تشدين كانونه

مَي : قصدك فاهيه موو بس لا راح ارجع اداوم

همام : متأگده ؟؟

مَي: لا همام ماكدر اعوف دانيا

لحد ما اشتميت ريحه عطاب وگلت : هاي شنو مي من شنو هل ريحه

مي : عزااااا احترك القميص

همام : هلو هلو هسه تذكرتييي

راحت شالته وعيونها مدمعه گالت

_ بسببك انتَ نسيتني والقنيص احترك

همام : لا والله اني نسيتج وانتِ شنو لعد مو واكفه يمه ما انتبهتي

مي : شنووو شصير وهاا هسه حتذبها براسي وانتِ الفاهيه وانتي هيج وهيج

ابتسمت ورحت عليها ، اخذت البلوز من ايدها وشمرته وگلت

_ عوفي ما اريده ترا عادي مصار شي .. ثاني شغله لتصيرين حساسه هيچ محچيت عليج اني خوش بس مرات يعني اتعصب فـ لا ارادي وانتِ تفتين الگلب ف اعذريني يـ الفاهيه

مَي : يلا عادي هسه اكويلك غير قميص

همام : مو خاف هم تحركي

مَي : هسهه شنوو همام من الاخير شنووو ؟

همام : طالع لسانج ؟

مَي : ايي عادي يلا بسرعه تحركك

هزيت ايدي وگلت : صرتي نفس الجماعه الله يرحم ايام زمان بس هـاا وهـاا بس يلا من عاشر قوماً اشبههم

مَي : هـاا ؟

همام : هيچ خو.. اقصد زوجتي العزيزه

______

ريم
لازمه بطني وعيوني مدمعه .. بطني جاي تتحرك واحس بنغزات بيها هم .. صحت گلت

_مؤمل مؤملللل

اجه علية بسرعه وگال : ها ريم شنو

ضحكت وگلته : تعاي شبيك تعال

مؤمل : هسهه شكووو

ريم : حط ايدك على بطني

حسيته كأنوا فهم ابتسم و اجه حط ايده ؏ بطني
بعدين فتح عيونه وگال : ماكو شي

ريم : لا لا والله حسيت بنغزات

مؤمل : تتوهمين سندريلا

ريم : لا والله شلون اني متأكده

ضحك وگال : تصير علئ الجايات وانتِ بعدج بداية حملج فتي بالثالث

ابتسم وحضني حيل وگال : اهخخ شكد احبچ

ريم : والله اني هم احبك بس شنوو صدك مؤمل اخاف لا تكبر بطني ومنا خاف اسمن لو اصير محلوة ومادريييي شايله هم

مؤمل : ليش تشيلين هم ترا توچ عرفتييي يعني ليش تخبليني هاي بالبداية وهيج و اصلا عادي واني لما احبج يعني شنو مثلااا على شكلج ؟

ريم : لك لا مو هيج اقصد يعني

مؤمل : ما اريد هل حجي مديعجبني

ريم : عوف هل سالفه لعد انتَ شتحب يكون الطفل ولد لو بنية

مؤمل : عادي اي شي من الله نعمه

ريم : لا لا كول شنوو احس بنفسك شي

مؤمل : هو تردين من الاخير مو ؟

ريم : اي

مؤمل : ولد

ريم : شوف عرفتتتت

مؤمل : وانتِ شتردين

ريم : مادري اي شي ؏ كولتك

مؤمل : اي هاذهوه

أندار كعد كبالي ويباوع عليه گلت : شبيك مؤمل

مؤمل : هيچ اباوع عليج

ريم : ليش

مؤمل : غير أنتِ حلوة اني شسوي يعني

ريم : اوييييي تخجلنيييي

مؤمل : لما تحجين هيج احسج مايعه

ريم : شنووو اني مايعه عليمن عليمن مايعه ؟

مؤمل : ؏ الحايط

ريم : اي عبالي

مؤمل : شحديي احجي عليج

ريم : اووي حبيبي

مؤمل : مو اكول هل بنية مايعه تجذبوني

ريم : ترا داسمع

مؤمل : مو وياج حبيبي مو وياج

ريم : اي المهم صدك اريد اسألك و انسى

مؤمل : اسألي

ريم : اسيل شلونها مرتاحه وي عيالها ؟

مؤمل : اي مرتاحه زينين وياها

ريم : هل فتره ما صايرة تراسلني هواي ف كلت اسألك

مؤمل : لا زينه الحمد لله

ريم : أكلك حروح ابدل حتى نروح لبيت اهلي

مؤمل : خوش

رحت بدلت ملابسي ونزلنا ورحنا لبيتنا .. مسوين عزيمه ؏ العشا

وصلنا ونزلت أني بالبداية لكيت باب بيتنا مفتوح ابتسمت لان اصواتهم طالعه .. مشيت ودخلت للبيت ومؤمل وراي وكلسع يعيط : امشي على كيف وين تركضينننن

ريم : شبيك دامشي والله

اول ما فتت صحت : السلاااااام عليكم يا قومممم

طفر ياسر يركض گال : اختيييي العزيزه الحية الصفررررهههه

حضني ويضحك ويكول : يا هلا يا هلا والله مشتاقلج تعاي فوتي

باوع على مؤمل وگال : شبيك ولك تخزر بينااا

مؤمل : ولي يلا وخر عن مرتي

ياسر : ترا اختي قبل لتصير مرتك

مؤمل : بعدين نتناقش

ما احس غير روان طلعت وراه تكمز وتحضني

_يمااااا مشتاقتلج والله حيل صارلي شكد مشايفتجججج

ريم : والله اني همممم شو تعاي لج روان صايرة حلوة ومتحجبه هاي شنوووو

روان : لعد شعبالججج انييي طركاعه بعد

جتي بنان ورزان ومَي سلمن علية بالسره وراهن رحت كبل ركض اسأل امي وين يكلولي بالمطبخ .. اوف يا رحاااب كضيتي عمرج بالمطبخ طبيت سلمت عليها وبكل جية لازم نبجي وزوزو ويانه علواهس تبجي وبابا وعمي زياد موجودين الأجواء جانت تجنن وية اصوات الجهال ..

ابتسمت بفرح ورحت وياهن اسولف : لج روان الحيه شوو مكلتيلي تحجبت

روان : والله سويتها مفاجأه

ريم : اويييي والله تخبلين فديتججج

روان : عمرييي انتييي

رزان : كل مرة تشاوفن ؏ هل حاله

ريم : اي شنسوي

روان : رزان متحب جونا وجو الحش والنميمه تحب جو ايهم

رزان : ادبسززز

بنان : ولجن خرببب شلون ويه المناكر مالتجن

ريم : شنسوي لا شغلة لا عمله

رزان : بنان شوفيهن ينرفزني

بنان : كافي يلا ولا كلمه

فاتت مَي وهي شايله بنتها رحت عليها : اوي يمههه فدوة .. مَي لج هاي تشبهج

ضحكت وگالت : اي اي همام هم كلي

ريم : هي ماخذه من الاثنين

روان : وين متشبه لا مَي ولا همام

رزان : اهوووو هم حچتتت

روان : شبيج انتييي عقلج وياي

عاطت بينا خالة رحاب : ولا كلمههه لتتخبلن تعالن يلا شيلوا الاكل ودوا بالصاله

ريم : يلا امشن

كمنا شلنا الأكل وديناه بالصاله وكلنا متجمعين سوية ونسولف والجهال يم الولد ..

كعدنا نتعشا ونسولف اشكال سوالف وزوزو مطنكره متقبل احد يحجي ؏ الاكل ..

ونسولف اني والبنات حتى مريم وحسن وفرح جانوا موجودين ..

فـ دنسولف شو منشوف غير آسر صاح وگال

_ كوا*

كلنه نصدمنه قسم كتم ضحكه وقسم كام يضحك بس فهد رأسا خنزر عليه وگال

_ عيب لك بعد لتعيد هل كلمة ميصير

أندار على ياسر وعاط عليه : ارتاحيت مو كمت تعلم بي واني كايلك لتفشر كدامه هذا طفل يتعلم

همام : ميفيد سيادة الضابط ميفيدددد

فهد : انتَ اسكت ياسر بعد متفشر كدامه

ياسر : هسه اني شعليههه قابل معلمه شلون ي*****

گال اخر كلمة بهمس لان عيب بس اني سمعتها فهد گال

_ مو اكوملك لصير طايح حظ

ما اشوف غير آسر دمع وكام من الاكل

رأسا كاموا وراه بنان وفهد واحنه نضحك عليه ونقنع بي يكعد ماكو راسه يابس واهم شي كرامته وكبريائه

جان زوزو تكول

_ دلال مال فكر طلعتوا عين الولد

ياسر : اتفق وياج زوزو

زوزو : علئ اساس انتَ شلونها تربايتك اضرب منها

ياسر : ليش شبيهن بناتي مؤدبات

زوزو : كل وحده السانه بطول نعالي

ياسر : ولج زوزو لتحجين علئ بنياتي

ايهم : يلا تعالي خلي ياكل بعد ميعيدها هو حباب

ياسر : يلا تعال اكل بعد عمك آسر الك.. اقصد سوسو تعاي سوسو الحلوه اكلي

فهد : هاي سوسو شنو

ياسر : مدام متريدوني اكول كوا* بعد حصيح سوسو اله يلا

فهد : انتَ شنو بعقلك

ياسر : روان

فهد : طاحضك

همام : اكعدي راحة يسرئ

ياسر : اني بعد مراح احجي شي حلتزم الصمت

ايهم : هوه هذا المطلوب

گملنا العشا وهم كعدوا يسولفون وضحك وشقهه
مؤمل چان كاعد بصفي وبصف مؤمل فهد ..

فـ سمعت مؤمل يكول لـ فهد : اختك حامل

فهد : اي ديربالك عليها لا افصمك

مؤمل : شنو غير بعيونيي وكام يغمزله

چان فهد يكله : مؤمل تمشي عدل لا اكوملك واخلي ريم يمي خوش

مؤمل : لا مو خوش وترا اختك حامل مني

فهد : اي وهسه شتريد

غمز مؤمل وگال : اني حبلتها

فهد : جلدك يحكك حبيبي ؟

مؤمل : شكتت

فهد : ترا اهدلك الباقين هذولاك اخليهم يعضعوك

مؤمل : لا يابه سكتت

فهد : عفيه

تفشلت من يمي وسكتت هذا مؤمل حاط عقله وي اخوانييي وبس يذبلهم بسامير وكلسع لو يلزم ايدي لو يكلي حبيبتي ريمتي وفهد يخزر بي ..

______

بنان
كاعدين اني والبنات بغرفة روان نسولف وبناتها و آسر ديلعبون بالالعاب وصايرة هوسه راح تنفجر الغرفه ..

كالت روان لريم : اي شلونه مؤمل وياج وامه

ريم : والله حبابين وياي حيل حتى اسيل جانت حبابه بس تزوجت مرات اتذكرها وافتقدها مگانها خالي .. وأنتِ رزان شلونج هناك

رزان : الحمد لله علئ الله يعني ماشين

بنان : اكلج انتي دتقرين

رزان : اي اكيد

روان : هاي من جماعة الدرجه الكامله

رزان : اي لعد عيني شعبالج مو بعض الناس التاخذ تايرات

ريم : شوفي شوفي البسامير

مَي : ترا عادي يعني واذا اهمشي نجاح

بنان : عفيهه

ريم : وهذني بناتج راح اكلهن اكلللللللل لج ينكرطن

مي : هنه بس بنات روان ما شاء الله حتى آسر صاك

بنان : عليه اكيد

رزان : والله مَي انتي هم بنتج حلوة

مَي : وين بعدها صغيرونه حتى ملامحها مو هلكد تبين لما تكبر

بنان : اي بس ترا حلوة مبينه من ملامحها هم تطلع صاكهه

ريم : اي والله هو احنه كلنا حلوين

روان : اتفق واولهم اني

ريم : صدك مو جوه احنه كاعدين سمعت باب يحجي علئ بيت محمود وهاي ليان متعاركة وي رجلها

روان : وحترجع للعراق ؟

ريم : لا ما اعتقد بس شنو سمعت هم من ماما رجلها عود ضاربها متعاركين يعني

بنان : خطيه ليش يضربها

ريم : متكعد راحه

بنان : حتئ لو ميصير يضربها خطيه صح حقيرة هيه واذتنه هواي بس احس لا

ريم : اكيد دايسه بطنه

روان : عوفيها هاي كلبها رجيج نست سوت ليان بيها

بنان : كافي سدن موضوع .. دقيقة انتظروني هسه اجييي اني

رحت لغرفتي وطلعت من بين أغراضي علاكة جان بيها اختبار حمل .. حطيت ايدي على گلبي والدمعه بعيني .. يارب اطلع حامل وكل شكوكي تتأكد هسه
دخلت للحمام حللت وطلعت ..

شفت النتيجه فتحت عيوني بضحكه وردت ابجي
_ اني حامل !! يمه اي اي اي انييييي حامل يمهه مداصدكك

ضميته وطلعت ركض على غرفة روان ..

فتت عليهم واني اضحك : بناااااتتتتت

انداروا علية مصدومات گالت روان : يمه خرعتيني شبيج

بنان : اني حامل انييي حامل

طفروا كلهم بسرعه وكالت رزان : كولي والله

بنان : والله والله

طلعت الاختبار چان خطين وكلهم فرحوا وياي

ضحكت و گلت لريم : لج يعني اني وياج هسه حوامل

ريم : اي ايييييي بلكت بنية حتى اخذها لـ ابنييييي

روان : شوف هاي انتي تدرين هسه بنية لو ولد ؟

ريم : لج لا مو مؤمل يريد ولد فـ مادري احس عندي شعور ولد

بنان : واذا بنية

ريم : سألت زوزو كلتلي توقعاتي ولد

رزان : ها وعلمود زوزو كالت هيج صدكتي ولد

مَي : ترا عادي والله كلشي حلو بنات لو ولد بالنسبه الي اني احب البنات بس ريم ما ادري هم ليش حسيت بيها ولد

ريم : آمين يارب يسمع منچ .. بس اني خايفه من الولاده من هسه كاعده انوح على راس مؤمل

روان : الولاده اني اكلج شوية صعبه بس تحسين بفرح بعدها وانتي تشوفين طفلج بين ايدج هلفرحه تسوا الدنيا ومابيهاا

بنان : يعني هسههه اني حامل يمههه مداصدك

نط آسر گال : سنو ماما

رزان : ولك امك حتجيبلك أخو لو اخت ثانية

مَي : تشبه دانيا هيجي نونوه صغيرووونه

آسر : عزا ثدكك اكول الفهد

بنان : اول شي كول بابا مو فهد عيب و عزاا ولك لا يمصخم تريد تفضحنا لتحجي

آسر : لا

بنان : لعد روح العب يم الجهال واسكت

روان : شوكت تكولين الفهد

بنان : اليوم

ريم : شتنتظرين روحي بس لا لا اول شي سوي اجواء وهيج وراها روحي

بنان : شسوي يعني

روان : خليها احجيها من النهاية روحيي تفرعي

ريم : حلتها

بنان : طايحات حظ عوفوني

روان : اووي اني هم خلي اروح يم يسورتي احسلي يلا تعالن بنياتي

راحن البنات كل وحده غرفتها وريم هم رجعت وي مؤمل ورزان وايهم راحوا البيتهم ..

_________

روان
رحت لغرفتنا ونومت ريناد وريناس وكعدت اكلب بتليفوني جان بهل اثناء يجي ياسر ويتمدد بصفي ..

نمدت ايده طختني وگال

_ روان

دفعت ايده وگلت : اممم

_ روانيي

_ هااا

_ روانن مجاوبين

انداريت عليه وعكدت حواجبي وگلت

_ هاا ياسر هاا شكو شتريد

ياسر : مو اصيح روان ليش مجاوبين

روان : يلا هسه جاوبت شتريد

ياسر : اي سمعي

رجعت نظري لتليفون وگلت

_ ايي احجي ؟

ياسر : شدتباعين حتئ هيج ملهيج تليفون عني

روان : بس اصبر خلي اقره هاي

ياسر : شتقرين؟ لحظه لحظه لتكليلي دتقرين هذا البرنامجج مال قصص

روان : اي ياسر ايي

ياسر : اهووووو هم واتباد مدري شسمه شلزكتي بي كُل ما اجي الكاج تباعين قصص مشبعين من القصص

روان : اسكت ياسر هاي مو اي قصة عوفني اقره

ياسر : يعنيي هيج القصة مهمه اكثر مني ؟

روان : شبيكك ياسر داقره قصتنا

ياسر : هسه افتهمت دتقرين القصة الي فضحتونا بيها
انتِ وذنيج المشخوطات موو ؟؟

روان : اي عوفني خلي اركز داعيد بيها

ياسر : بلا هاي يامره دتقرين بيها

روان : ما ادري بس دائما اعيدها

ياسر : شوو بلا اسمها خلي اقراها اني

ذبيت تليفون وگلت

_ دير بالك تفكر تقراها اصلا

عكد حواجبه وگال : ليش عمي ؟؟

_ مو شسمه ميصير واصلا كاتبات ميقبلون يقروهاا الابطال واصلا احنه منريد تقروها

_ وليش عمي متريدونه نقراها ؟؟

گلبت عيوني وگلت : حتئ يعني لتنصدمون بالمكتوب بيها

اخذله صفنه عليه ورها گال

_ ظاهر انتِ فاضحتنا فضيحة الكشرة مووو؟

خليت شعري وره اذني وگلت

_ تراا انتو هم فضحتوا نفسكم ؟

ياسر : شلون بلاا

روان : تذكر مو اجي يمك واكلك ياسر شصار بذاك اليوم وهيج وانتَ تكعد تحجيلي بتفصيل وسوالفك وي الولد و كل هل امور

ياسر : ايي

روان : كل الي تحجي الي اروح احجي الـ دندون و نويرة حتئ يكتبوا بالقصة

ياسر : لاا ودلعهم هم

ضحكت وگلت : اكيد غير ذني عزيزاتي

ضحك هوه هم ورها لزم موبايله واني رجعت اكلب موبايلي جان يندار عليه ويكول

_ زين انتو مو نشرتوا القصه هم تجي تعليقات عليها ؟

_ اي اكيد تجي

_ زين شيكولون عليه ؟

_ هاي رايدلها كعده

_ ايي احجي

_ بس لا لا خاف اجرح مشاعرك الرنانه

_ احجيي روان

_ شوف كلهم يكرهوك ويكولون عليك متنبلع ونفسيهه

فتح عيونه بصدمة وگال : اني ؟؟

روان : لعد جدي

ياسر : ليش خاف انتِ وعزيزاتج مطلعيني بصورة محلوه بالقصة ؟

روان : لا لا هوه نفس ما انتَ حطيناك بالقصة

ياسر : لعد شعجب محبوني

روان : شنسوي بعد حظك

ياسر : من انعل ابو الحظ اذا هيج

ضحكت عليه وگلت : اووي يلا عاديي

جان يغمني ويكول : عود تضحك الي يسمعج يكول انتِ تنحبين

روان : لو ما انحب جان محبيتني

ياسر : بهاي صح

_ اكيد

_ اموت عليج عمي

_ اني هم

_ اكلج عمي ؟

_ كول

_ ليش احسج سحارتني يم ام عباس ؟

_ ياا اني

_ اي والله اشو مدتحلئ بعيني بنيه غيرج

_ هاا حبيبي بهاي مادخلها ام عباس لان هذا سحر خاص بيه

_ فديتج عمي

ذبيت تليفون ورحت كدام المرايه احط مكياج وحمره وترست نفسي عطر گال

_ شدسوين

_ داحط مكياج واتأمل شكلي الجميل عندك مانع ؟

وصلت داحط بالحمره شو ما اشوف غير ياسر شغل اغنية وكام يغني وياها

_ انـتَ مـن گـد مـاحلـو .. تحـتاج المـرايـه بـشنو

وكام يأشر عليه بيده ويغني

_ انـتَ وبـعد مـاكو حلـوو .. فـدوه لـجمالـك

ضحكت وگلت : عزا ياسر البنات نايمات

_ عمي ميكعدن رايحات بسابع نومه .. شو تعاي يمي انتِ خلي اشوف شغلي وياج

_ ولك ياسر

رحت يمه كعدت وصرت بحضنه جان يكول

_ تدرين صرت اخاف احضنج لو ابوسج لو اسويلج شي ؟

_ يااا ليشش ؟؟

_ مو اعرفج تروحين تشهرينه

_ ياا ياسر ليش معقد الامور ولا لتخاف ما احجي

_ من هاني رمزي متحجين

_ لكك ياسررر شبيك

شو ما اشوف غير تقرب وباسني بشفتي ورها وخر ورجع حضني وگال

_ مو تنسين عود كولي العزيزاتج يكتبون هل فقرة بالقصة

_ لك ياسر

_ متستحين انتِ رحتي وفضحتينه

_ يلا عادي تكبر وتنسئ

_ ربي صبرني علئ هيج طركاعهه

_ فديتهااا

_ اي والله فديتهااا

__________

بنان
وره معرفت اني حامل مشاعري تخربطت كمت ابجي من الفرح .. ممصدكة بنفسي حامل ..

رحت بحماس حتئ احجي وافرح فهد هم لان هوه جان يتمنئ نجيب اخت الآسر او اخ ..

قبل ميجي رحت نومت آسر ورحت بدلت وحطيت مكياج وسويت اجواء بالغرفة ردت تصير هاي ليل حلوه ومميزة وغير عن كل مره

انتظرته يجي جان يفوت شافني ابتسم وگال

_ هاي منو انتِ بنان متاكده ؟

كمت رحت يمه وكفت وگلت : فهد شبيك تحجي هيج

_ لا صدك انتِ بنان هاي من شوكت هيج سوين واجواء وحركات لا مداصدك خاف مبدليج

ابتسمت وگلت : لا اني بنان ومحد مبدلني لتخاف

_ شو مو من عادتج سوين هيج هاي اكيد اكو سالفه بالموضوع ؟

لزمت ايده وشبكتهن بيدي وخليت عيني بعينه وابتسمت وگلت

_ عندي خبر الك حلو حيل

_ شنوه ؟

جريته وكعدنه علئ الجربايه وگال

_ يلا احجي مو شلتيني شل

ضحكت علئ كيف وگلت : فهد شوف يمهه ما اعرف شلون ابدي الموضوع وياك

_ احجي درابين گلبي بس خاف مسويه مصيبة

_ لا لا شي حلوو

_ يلا احجي ترا علئ اعصابي كاعد

ابتسمت وعيوني دمعن شلت ايده وخليتها علئ بطني گال

_ شكو شنو

_ معرفت ؟

_ لا احجي شكوو

_ اووف فهد

_ شبي فهاااد

_ اني حامل

اني كلت هيج وهوه صفن بوجهي گال

_ تحجين صدك ؟

_ اي والله

_ يعني هسه انتِ حامل

_ ايي

_ شلون حامل

_ عزا شبيك فهد شهل سؤال

_ لج مو هيج اقصد يعني بس شلون وحجي الدكتورة

_ اني هل فترة حسيت نفسي حامل بس جنت خايفه واذكر كلام دكتورة بس حللت اليوم وطلع حامل

_ متأكده

_ ايي شو احسك مفرحان

وخر ايده من بطني وفرك بيها عيونه ورها لزم وجهي بيدينه وگال

_ احلئ خبر اسمع هل فترة

ابتسمت وگلت : متوقعت ابد الله يرزقنا بطفل من بعد آسر بس الحمدالله

حضني حيل وهوه يتنهد وگال : اهخخ شكد فرحت ممصدك والله

_ حتئ اني ممصدكة

_ شكد احبج يا بنان جانت عائلتنا مكتمله وهسه الي بطنج راح يكملنه

تقرب عليه وباسني براسي وراها تقرب علئ وجهي وباسني بشفتي حيل وگال

_ باجر من صبح نروح للدكتورة

_ تمام

_ بلكي تطلع بنية

_ مو هسه يبين

_ حتئ لو اريد بنية

_ أن شاء الله

_ ايي

بهل اثناء جان منشوف غير آسر كعد وكام يبجي گلت

_ مو هسه نومته شكعده هذا

رحت شلت آسر وسكته وكعدته يمنه عجرباية گلت

بنان : تعال حبيبي ليش تبجي ترا احنه يمك

حضني آسر چان يكول : ترابين گلبييييييي

وراها جرها ببجيه ..

فهد : هم گال درابين گلبي ؟

ابتسمت وگلت : اييي

فهد : باكها منيي

بنان : عادي غير ابننا الوحيد

فهد : اي اي ضلي دللي بي دلليييي وارجعي ليورا

بنان : ترا انتَ هم مدلله يعني هو مدلل اصلا لان وحيد ومعنده اخوان وخوات وياه

فهد : أن شاء الله يجوه اخواننن حلوين

بعدين آسر كام يمسح بعيونه وگال : ماما هامل

ابتسم فهد وگال : هذا شمدري

ابتسمت وگلت : يعرف لان سمعني احجي وي البنات

فهد : يعني قبلي ؟

بنان : اي

فهد : يعني كايله للبنات قبلي

بنان : اييي شبيك يعني تريدني لما اعرف اطلع كدام الكل اجي اكلك اني حامل

فهد : اي بس لازم اني اول واحد اعرف

بنان : هي صارت هيج اني شسوي .. لتزعل

فهد : مو صرت بنان حتئ ازعل

بنان : اووف فهد

رجعت اباوع لـ آسر غفه بنصنا ابتسمت وتمددت بصفه وفهد هم تمدد وآسر صار بنصنه

فهد : يلا بعد فترة اختها او اخو ينامون يمنه

بنان : ان شاء الله

فهد : اووف شكد احبج واحب ابني واحب الي بطنج

بنان : مداصدك اني حامل والله

فهد : الحمدالله .. احبج بنان

بنان : واني اكثر ..

‏انتِ كل الأماكن الدافئة
انتِ الطرف الرقِيق من الحياة .

النـهاية

________________

اغلبكم راد انزل بارت هديه عن حياتهم الحالية فنزل هذا البارت الطيف ان شاء الله يعجبكم 💖 .

والحمدالله بنان وفهد الله رزقهم بطفل ثاني بعد كُل الي مروا بي والله يتمملهم وتولد بنان بالسلامه 💖 .

وبس احبكم طركاعاتي 💖 .

( لاتنسوا التصويت والتعليق بين الفقرات 💖 )

7.nldn حسابنا الأنستا

رابط قناتنا التليكرام

إلى اللقاء يا أعز العابرين في قلبي ♡.

الكاتبات دينا & نور