نقيب قلبي الفصل الاول 1 - بقلم شقراء

نقيب_قلبي

الجزء الاول

هم اجه هذا كدامي تاليتي اصير مجرمة لعيونك ياحلو ههه..يعني مينعرفله ثگيل لو زاحف لو شنو تشوفوه انتو؟

ويانه جنه صنم وكدامك يسرسح هههه خبلتي ولج خوش عندج مغناطيس يجر خلگ الله

اوش بله كافي امبين جاي يشمشم اخبار ويلكفله كبل منا منا يطلع عقده النفسيه بيهم ...
:

طبعاً جاي نحجي عن ضابط استخبارات مسؤول بالأمن مالت الجامعة ويلبسون مدني هم بس احنا عرفنا صدفة لان ميظهرون هويتهم اصلا شغلهم كله ع كاتم مثل ميكولون اسمه صقر وعمره ٣١ سنة ومن البصرة وفصيلة دمه B ههههه...

طبعا استغربتوا هالمعلومات بس رح احجيلكم شلون عرفت..

اسمي زينة ..طالبة مرحلة ثانية تربية حاسبات ..طولي متوسط بالنسبه للبنات طويلة وبالنسبة للولد قصيرة ..عيوني يسموهم شهل بيبي تسميني هيج كلش اضوج من لونهم لان احسه جاي خفيف واتضايق جنت استغفر الله..بيضة هواي وخشمي مرتب متناسق وي وجهي وحلكي يشبه حلك الاطفال هيج الناس تكلي..

بيوم جنت مخلصة محاضرة ساعه ٢ونص الظهر بشهر الرابع والجو جان حلو وشمس كلش قوية طلعنا من المحاضرة كل واحد راح لخطه..

اويلي عليج زينة ضليتي يتيمه بس انتِ لا خط ولا شط والدنيا ظهر هسه يخطفوووج..اوش شبيه تخبلت انا اكو عاقل يخرع نفسه..

وكفت انتظر تكسي ماكو..تعبت والشمس صهرت شعري وهو جوا الحجاب قررت اطلع مشي لحد الشارع العام واصعد كيات من برا لان تكسي خارج الجامعه اخاف ماصعد بس من داخلها...

مشيت حيل ساعه ٣ الا وظهر صيف محد هدوووء قاتل ..

حسيت صوت. سيارة وراي سرعت بمشيتي مشت السيارة صارت كدامي ونزل منها ولد..

^لحظة ..لحظة..

نعم؟؟

^تعالي اوصلج شكلج تعبانه من الطريق...لااا لا شكرا حوصل هسه معليك بيه..

*حتىصلين لو عندج موعد يا...

احترم نفسك وتأدب ..ضليت امشي سريع اجه وراي لزمني جمدت بمكاني ضليت ارفس بي وادفع فجأه سمعنا صوت سحب أقسام ورانا..

التفت شفت واحد لابس قميص اسود مكنف ردنه وبنطرون اسود ونظارة شيك كلش وبيده سلاح تقدم على الولد اليمي جره...وكال..

عدلي نفسج وصعدي للسيارة كدامي..

صعد الولد وصعدت ورا بس فاصله من الخوف بس ارجف...وصلنا لمكتب بالجامعة ودخلنا ثنينا وجان كلش غاضب صاح ع شرطي كله كهوة بسرعه وماريد طير يسال شي ..

صقر..اندار علينا ابتسم بستهزاء وكال...

يعني كلش حاصت الدودة ومتحملتوا الا تنكسون الجامعه؟؟؟

زينة..الخوف ماكلني وانصدمت من شفته هيج كال عبالي يعرف مظلومه هسه فسرت بروده من اخذنا ..

صقر..أحجي لو حتصيرين شريفه يمي وانت استاذ متعرفنا بحضرتك عيني!!!

ياسر..اسمي ياسر ..جيب الهوية..تفضل بس ياريت نحل الموضوع لان شوي مستعجل..

صقر؟؟؟هههههه ابن اسعد الوزان والنعم كاعد تتكرص وي صاحباتك بنص الكلية ماستحيت ابوك اشهر جراح بالبصرة وانسان مشهودله بالخير..

زينة..كمت ارجف كلت احجي ادافع عن نفسي احسن ..كتله..استاذ ترى هو تعرضلي وتعدى عليه اشو تسولف وياه وتكله صاحباتك..شفته عيونه زادت حقد ووجهه ضل يذب نار هنا كلبي صار بين رجليه من صدك الا شوي يغمى عليه قاطعني ياسر..

سيدي احنا عدنا علاقة وصراحه جنا نروح للشقة سوا بس هالمرة مستعجل عدي شغل وصارت بالكليه!!!

زينة ..عطت بلا وعي كذااااب الله ياخذك ليش تتهمني بشرفي منين اعرفك اني مشايفتك ابدددد،. جان صقر مخلي الجكارة بحلكه ومخلي رجل ع طبلة ورجل بالارض ومآخذ صفنه متتفسر ابد اخاف حتى اباوع بس خلاني اكمل كلامي كال..

صقر..انسه زينة شبعنااا من الكلام كل وحده قبلج تجي نفس الموشح ..اني ميهمني تتباوسون تت...!!!..

وكف عقلي شنو من الفاظ هذا شبيي فقدت كتله لو اعرفه مانكر وهو لزم ايديه راد يبوسني وقاومته وحجيتله ليش طلعت بهيج وقت تدخل ياسر وضل يعيط ويكول كذابه تريد فلوس!!

صقر طلع جاب الكهوة شوي طول بقينا انا وياسر ضل يهدد اذا ماغيرت كلامي ينتقم مني وهيج وهيج يسوي بهالاثناء دك فوني وفات صقر ...بلا زحمة اهلي ضل بالهم بس اطمنهم بليز!!كال حجايتين وسدي..الوو ايي قلبي شوي واجي ..لا لا محصلت بعد ومشيت للشارع يلا باي...

صقر..دقايق اشرب كهوتي واعدل المزاج واصفنلكم ...

كانت نظراتة مستفزة ومحرجة كلشش..دك الفون جاوب كال فوت شوي ودخلو ثنين شرطة...همسوله وطلع ضل واحد يمنا واحد ويا رجع ورا شوي بس كال للشرطي اطلع وقفل الباب وبعصبية وعياط والدمارات تريد تنفجر من العصبية...

صقر..لك ناااقص دون تتهمها بشرفها بدل متحميها تشوفها وحدها ودنيا ظهر ..لزمته دك وكتله شفت كلشي بالكاميرات وخلال ضربي اله زينه وكعت...

زينة..كعدت جان يمي انطاني ماي وكلينسه بيها عطر انا دايخه ودوخني العطر ههه...كال اعتذر واحترامي الج ولتربيتج عدلي نفسج شوي وارجع حتى ترحين لبيتكم..

الي عرفته شايفين بكاميرات الجامعة الي صار واخذو ياسر وبقوني بالغرفه وقتها احتفظت بالكلينسة لان عطرها خرااافي وباوعت شفت هويته بيها اسمه وصورته ومعلوماته اخذتلها صوره وكعدت عاقله..المهم شويه ودخل

صقر..اني اعتذر وبس كملي الإجراءات مالت الشكوى واخذي راحتج..

زينة..لااا ماريد اشتكي فدوووة اهلي معقدين الى درجه ميصدكون بيه يصدكون بي هو واخاف يبطلوني فدوة سد الموضوع ضليت ابجي،،،طلع جكاره كال لتخافين اوكي..كتله حروح لاهلي ليضل بالهم ..كال اوكي روحي وحقج رح اخذه مربع ...

تشكرت منه وطلعت كال حدز شرطي يوصلج رفضت كال مطلقا مترحين ..طلعنا كتله نزلني بعيد شوي اخاف يشوفوك اهلي وأصير مشكله..فتت للبيت ...

للحكاية بقية..

بقلم الكاتبه شقراء (قمر كانون)