نقيب قلبي الفصل الخامس عشر 15 - بقلم شقراء

الجزء الخامس عشر
#نقيب_قلبي

زينة..مرت كم يوم واهلي مااجو ..
بس خابرتني امي وحاجيتهم كتلهم سافرنا..
استغربوا بس كتلهم مسويها مفاجأة ..
حتى اهله ميدرون تفاجئوا..
يمكن صدكوني يمكن لا ..ميهم..
حاجيت سارة وهي يمها ..
وعلي حاجاني وتطمن علي..
بجيت من حاجيته شكد احتاج اخ..
سلمت عليهم وسديته ..

بديت اتحسن شوي بس ابد مطلعت من الغرفة...
خالتي ام فهد وجيان قايمات بواجبي..
ويحاولون يطلعوني من جو الكآبة الي اني بي..
مرت مقدام اسمها ايات..
بس ابد مابالعتني وشفتها مرة وحده ..

جانت جيان يمي..
ودخلت ايات سلمت بس احسها مسمومه..
اجتلي بتها ..
كالتلي خاله شبيها رجلج واوا..
عاطت ببتها تعاااالي..
لتقربين منها ماما لتتمرضين!!!

باوعتلها مستغربة!!!
هي حست ع نفسها..
كالت مو بي ميكروبات اللفاف..
واخاف عليها طفلة بعد..
وعزيزة عد ابوها لان تشبهني.!!

طلعت جيان شوي ودخلت ام فهد..
كلتلها ايات روحي لشغلج ..
المن مكابلة البنية تريد ترتاح..
شعدنا استعراض هنا؟
عاد هي طلعت بس ودها تاكلني..

وراها رحت فتحت الجبس وتحسنت بقت اثار بسيطة..
خالة كلتلي نصالحكم انت وشاهين..
وانسوا الي صار...
هو عرف غلطه وساعة عصبيه ومن هالكلام..
صراحه ماعندي حل بعد غير هذا..

وشاهين كالعادة رجع يسهر برا وشرب ونسوان ولا كأنه مسوي شي...
يعني بيه وبدوني ماشيه حياته..
كعدنا عمي ابو فهد وخالتي وحاجونا ثنينا ونصحونا..
وكلوله يلا اخذ مرتك واصعد...
صعدت لغرفتي راح هو نام ع الجرباية ...

شاهين...شوفي انت بالغرفة هنا...
لا ارى...لا اسمع ...لا اتكلم..
ترى تعرفين شسوي بيج..
والجربايه الي انام بيها وحدي..
انت بت فگور شعرفج بهيج سوالف...
نامي بالارض لو ع التكية ..

زينة...بعد احسن..طلعت جرجف من الكنتور..
واخذت مخدة وخليتها ع التكية..
الغرفة جانت واسعه..
والاثاث اسود وابيض بيها نزاكة وفخامة..
اكو تكية قريبة من الشباك..
والارض مفروشة زولية صغيرة..لون احمر..
وبيها حمام...
البيت جان بكل غرفة حمام..
والغرف واسعة يعني بيتنا يمكن غرفتين منه يخلص هه..
ولان بنائه جديد مصارله خمس سنين..
عمي ابو فهد صديقة مهندس وعنده شركة تصميم..
ومصمم البيت مثل ميحب..
وفعلا بيت عبارة عن صرح...
والاثاث مختاري بدقة..
بحيث يبهر ويصفن..
ماكو خرابيط لو اغراض زايده..
كلشي مرتب ونازك..
يشبه ديكور الغرب...
الوان هادئة وتحف ناعمة بس بيها فخامة...

رحت للحمام سبحت ولبست تراك بيج نص ردن فانيله..
وشعري رفعته كبه ..
جنت احاول قدر الامكان مالبس شي يثيره..
طلعت واجيت تمددت ع التكية...
جان شاهين عينه مني...
بس ملتهي بالفون مالته..
باوعلي بنص عين عوج حلكه ..
كال بت الفكر الكنتور متروس سيتات ..
شبيج لابسه هاللبس جنج دفان..

مجاوبته درت وتمددت بس ماحسيت بيها مريحه لان مقوسه من جهة هي...
رحت نزلت نمت ع الارض...
ضليت اتكلب..
صارت ب١٢ ونص ..
كام شاهين وبنزلته من السرير بلا ميحس والظاهر جان نازل متحمس..
اجت رجله بخدي الايسر..
عطت من الالم ..
باوعلي كال فگر خرعتيني ملكيتي غير هالمكان تنامين بي...
وراح بدل وتعطر وطلع..
رجع ب٣ للبيت واني كاعده وحدي ...
جان شارب بس واعي...
دخل باوعلي بطرف عينه...
شاهين ..شنو بعدج كاعده!!؟

زينة..اي منعسانه...
_اخاف جاي تنتظرين حصتج ترى حيلي مهدود من تاج راسج مالي خلك عوجات مثلج..
_كلشي ماريد منك بس خفت انام وحدي..
_اهااا...خو مانزلتي منا منا...
_لا استحي..
_اي احسن...
وهذا لبسج متنزلين بي..
عندي اخوان ماريد تصخمين وجهي كدامهم...

باوعتله مستغربه من تفكيره..
شاهين كلش شكاك..
بسبب البيئه الي منغمس بيها...
يشك حتى بأبو ..
يكلي لتاخذين راحتج كدامه..
هو رجال وتفكيره متعرفي..
من يشوف بنيه كدامه مدام مو حلاله يشتهيها..،
صدك قززني تفكيره وتمنيت لو اطلع عقله واغسله بقاصر...

وراها ..اجو اهلي ع اساس رجعت من السفر ...
نسوان اخواني يباوعن بغل..
واشوف الحسد والبز بكلامهم..
عبالهم متنعمه بعيشتي...
اخواتي خطيه فرحانات ..بس سارة حاسه بيه شي...
سالتني خو ماذاني صقر او حجه شي..
كتلها بالعكس كلش مؤدب وياي..
ضلو يمي شوي تالي راحو...

اني لحد الان مشايفه صقر..
اعتقد جان يحاول ميصادمني..
الا ان جنت بالمطبخ..
ام فهد..يمه زيونه تعرفين للدولمة...
_اي خالة اعرف..نسوي؟
_اولا مو خالة اني يمه..
وثانيا اريد نسوي دولمة مرتبة بالليل تجي اختي ...
وهم يحبوها ع عشا...
صار يمه هسه احضر..
صاحت ع جيان وايات كالتلهم ساعدوها...
كتلها ماعرف اشتغل واحد يساعدني..
اني اكملها كلها وهم يسوون غير شي..
كالت لجيان تطلع لحم..تسوي تشريبه..وتطبخ التمن..
وايات تتبل الدجاج وتشوي...
وهي كالت رح اسوي البقلاوة والكنافه..
كلش مشهورة ببقلاوتها..
بلشت بالدولمة وعدد هواي سويت هواي وام فهد راحت جوا تستراح وتجي..
ضلينا بالمطبخ شوي واجه مقدام ولواء...
ضلو يسولفون ولواء يكلي اول مره اشوف وحده بكدج تسوي دولمه..
رح تحرمينا من العشا اليوم..
هسه تسويها مسيسة وتكرط ويضحك..
كعدت ايات تتدلع ع مقدام كدامي..
وتكله مشتهية زنود الست جيبنا كلش عاجبني..
جنك مسوي بيه جريمه ومحبلني ..
كلها مقدام دنجبي بله..
هو منو متقرب منج .. مقدام ميحترم ايات كدام اي واحد يعني شوي لسانه خشن وياها..
المهم الكل ضحك ..صراحه لزمتني الضحكة...

طلعوا هم هي باوعتلي كالت شدعوه حتموتين من الضحك؟؟؟
لو هي غيره تخافين احبل وانت بعدج؟؟
عاد اني زوجي يبوس تراب رجليه وشوكت ماريد احبل...
انت ميشتهي يشوفج اصلا...
سمعت صوت...نتر..
صقر..ايات هذي اخير مرة اشوف هيج تصرف..
المرة الجاية اخلي مقدام يربيج من جديد....
رفعت راسي ونزلته بسرعه...
اجه اخذ جداحه شعل جكارته وراح...
ضلت هي ملصومه وتخزر بيه بس ماحجت بعد...
كملنا ولليل واجوا بيت عمهم وتعشوا..
كلش عجبتهم الدولمة..
ابن عمه كال اذا اكو ضميلي بالليل نمزمز بيها..
لواء كال اسحب كلامي..
حجية زينة دولمتج مال مسيح تخبل..
وضلو سوالف وشقا..
وشاهين احسه يريد يكومني منهم بكل وسيلة..
يشوف روحه نفسه دنيئه..
عباله الكل هيج...
خالته كلتله شاهين مريتك تخبل .. الله يهنيكم..
كال ابن عمه منو يصدك شاهين الارعن يتزوج..
الكل ضحك..
شاهين...ارعن بس تزوجت ..احسن من بعض الناس مخلصتها زحف وبلا فايده..
جاوبه ابن عمه بضحكة حقك يابه تفتخر..،
مرتك جامعتها من كلشي هم جمال وهم ادب وهم شهادة..
حقك ضليت تتكلب علينا...
حسيت شاهين وجهه انكلب بس مابين على تصرفاته..
كمت رحت للمطبخ سويتلي لبن وردت اصعد انام ..
جان صقر ومقدام وابن عمهم بالمطبخ...
طبعا قليل التقي بصقر كلللش...
هو يتحاشي هالشي واني هم...
منريد الحرام يدخل بينا...
سويت اللبن ومقدام كال سويلي وياج..
كتله تدلل..
صقر طلع لان جان مبدل وتلفونه بيده..
سويت اللبن وصبيت لمقدام وابن عمه واجه شاهين هم اخذ ..
وترخصت ورحت صعدت..
جاي ابدل وفات شاهين وكبل جرني من شعري..
وعيونه تخوف وغاضب عاف شعري وعصر ايدي حيل وتراجع...
شاهين..لج لو ما المشاكل الا اكسرج تكسر هسه...
مو كتلج من يكعدون الولد متكعدين يمهم؟؟؟
زينة..صاحتلي امي وخالتك..
ماكدر اكسر كلمتهم...
جان شاهين يصيح بس بصوت ناصي كلش ...
بس الغضب واضح عليه...
تقرب مني وصاك اسنانه والحجي يطلع من بين اسنانه مجرح ويجرح...
لج بت ال...
لج تعرفين شيحجون عنج..
لج سمعت هذا النذل بأذني شيكول لمقداااااام...
نياله شاهين هاي بيها شغل للصبح مايخلص...
تسوي واهس للشايب!!!!قبل الشاب
لج فشلتيني كدام اخوتي واقاربي... اني انصدمت ..
من حجه شاهين هيج كرهت نفسي...
يعني شلون يباوعون هيج ..
واني اعتبر عرضهم...
ومقدام شلون يسمحله هيج يحجي ع مرت اخوه..

يعني اني مرت اخو يقبل ابن عمه يحجي بيه..
وحجي ماصخ..

معقوله هذا ماعنده غيرة ع عرضه..
معقولة الشرب يموت الغيرة....
عفت شاهين ورحت للحمام سبحت ولبست شورت وتشيرت اطول منه بس خفيف..
لان شرجي وحارة والنوم بالشي الثكيل يحرر اكثر..
طلعت من الحمام انصدمت بشاهين كدامي...
لزمني من شعري وذبني ع جرباية..
شاهين...الكل يتغزل بيج واني ما ضايكج لهسه...
اريد اخذ حصتي...

للحكاية بقية..
للكاتبه شقراء(قمر كانون)