نقيب قلبي الفصل السادس عشر 16 - بقلم شقراء

الجزء السادس عشر
#نقيب_قلبي

زينة...عافني ع الجرباية وكام ...
كمت اريد اشرد ولزمني...
طلع رباطين..
واجه دفعني واني اقاومه..
ماكدرتله شد كل ايد برجل حاولت اخلص نفسي..
بس رجال هو..
ويبقى اقوى مني...
شدني قوي وضل يتقرب مني يعض بكل مكان بجسمي وساد حلكي بيده..
كأن جوا فريسة..
شاهين ميعرف معنى بوسة..لمسه..همسه..
جان يعض بحقد ..
واخير شي تقربلي ..
حاول ياخذني بس هم ماكملها..
رغم الالم جان يموووت ..
وماكدر اعيط ساد حلكي بيده...
بس دموعي تصب واتمتم....
من شاف هيج ضل يسب بيه..
واني مفرفحة من الالم احسه يصل..

خلص وعافني ع وضعي ..
طلعلة جكارة دخن...
وكاعد كدامي واني متكوره وارجف ..
ضل صافن علي غمضت عيوني ..
فتحت بعيطة واني اشوفة مخلي الجكارة ..
ع فخذي الايسر...
وحط ايده قوي ع حلكي...
بس من حلات روحي عطت كلش قوي..
اجه تمدد يمي ويلعب بالفون..
واني ابجي ..
مصدومه ومقهورة..
متعجبه شاهين ماضريته بشي..
ليش كل هالحقد عليه ...
ليش جاي ينتقم مني شر انتقام..
ماصار الشي الجبير اليخلي هيج يسوي..
يعني حالي حال غيري بنيه ورفضته وخلاص...
ليش يستلذ بتعذيبي...
بس تالي عرفت شاهين مريض...
مرضه هو الحرام...
تعود وانغمس بالحرام..
ضل ميستمتع بالحلال..
يكلي انت من قبل لتصيرين حلالي اتمناج امنية...
بس من صرتي حلالي ماريدج..
شكد تعجبيني ..وبيج مقومات كل رجال ميقاومها..
بس ..اني احس الحرام اله طعم ...
يكلي اذا طخت براسي اطلكج واعاشرج...
بس حتى استمتع...
ضليت صافنه وافكر..
وين ذبتني الدنيا...
من ايد مازن وعقده ..
لايد شاهين وخباله...
منو يصدك هالحجي ..
صدك الانسان محد يدري شنو بداخله..
اليشوف شاهين ميتوقعه هيج..

بقيت مربطة وبلا ملابس ..
شوي وكام سبح وبدل وطلع...

زينة..شاهين بس افتحني عفيه...
اريد اسبح ..اخاف مترجع للاذان...
واريد اصلي...

شاهين...هه...شعدها القديسه..
مافتحج حتى لتنزلين..

لو يتفرجون عليج فلان وعلان..
وحتى الباب اقفله لحد مارجع...

شيضمنلي متصعدين ولد عمي لغرفتج!!!زينة...غمضت عيوني واستغفرت صدك مريض هذا..
بقيت ع وضعيتي حاولت اتحرك شفتها صعبه..
نمت بمكاني وما حسيت بعد الا ساع ب٨ وشوي...جانت جمعة ومعدهم دوام ويطولون بالكعدة والسوالف...
كعدت بس مكسرة تكسير..
زينه..صباح الخير...
شاهين..هلا..
_افتحني فدوة شاهين..
كام فتحني ونزل جوا ..
قبل لينزل انتبهت لركبته وورا اذنه طبع ازرك...
وحيل كبار واضحات...
كرهت نفسي ...لان يتقربلي ويتقرب لهيج قذارة...
نزل رحت سبحت وصليت بس كوة امشي...
لان تأذيت من تقربلي..
ونومتي مربوطه شنجتني ...

نزلت وصبحت عليهم...
كاعدين برا جوا السقيفه...
والاكل البنات يحضروا بالمطبخ..
ام فهد ..زيونه يمه البارحه سمعت عيطه..
طمنيني..
باوعت لركبتي..كالت الله يهديكم ...
ويهدي سركم...
كتلها ماتمت..كالت عادي بمرور الايام ...

طلعنا الاكل برا وكاعدين بس عرفت النصبه ع ركبة شاهين..
هه عبالهم اني...
ومن شافوا ركبتي تاكدوا..
ابن عمه يباوعلي بنظرات مقززة..
ونظرات الانزعاج بعين صقر واضحة...
بس يسوي نفسه مشغول بالفون..
وجان شاهين يتعمد يجيب حجي ع ركبتي والاثر وركبته..
كدام اولاد عمه حتى يغيضهم...
شكد احس بأشمئزاز واتقزز...
مر اليوم شي شي متوتر،..

مرت الايام واهلي قليل يجولي..
صقر اشوفه صدفة..
وشاهين ماتقربلي من ذاك اليوم..
وهالشي الوحيد المريحني بحياتي الحالية..

صقر..حاولت انسى زينة او اتناساها...
من ينسد الباب عليهم احس روحي تطلع..
وامبين متطورين بعلاقتهم..
ضليت اتعمد ما التقي بيها ...
ومستمر بطلعاتي وسهراتي وي حلى...
جانت تحاول تجر مني حجي..
لو تسليني...
بس ابد مافتح گلبي واحجي...
احسها تحاول تغريني لو تجرجرني حتى تورطني بطفل...
وتعرف لو صار طفل ماتخلى عنه...
بس اني حريص من هالناحيه...
ماخذ احتياط هوااااي..
ماخليلها فرصه او محاولة...
واكثر الاحيان اغلط باسمها اكلها زينه..
بس اكلها زينة تتعصب..
تكلي معناها اليوم حنضرب وتأذيني..
بس لو اعرفها منو ..
اعيط بيها تخاف تكلي ماجيب سيرتها بعد..

اني شلتها من بالي..
بس لا ارادياً تجي..
اقنع نفسي هذا حرام وعقلي موافقني..
بس كلبي مالي سلطان عليه..
بس ابد مانظرتلها نظره مو شريفة طول ماهي زوجة شاهين..
مرات اطلع الجفية واضل اشم بيها..
اني ماباجي من جنت بالروضة...
يكلولي انت مو بشر ..
لان مابحياتي بجيت..
بس وي زينة ضلت الدمعة تزورني هواي..
:
زينة...قرب موعد الدوام وفرحت لان شوي اشوف مينا والبنات...
جنت اسأل جواد عنها..
يكلي تسلم وتسأل عنج..
ولان فون ماعندي اخذه شاهين...
يخاف اصادق من وراه..
كلاً يرى الناس بعين طبعه هه...

جانت الدنيا ليل..كاعدين كلنا ونسولف بس احس وضعي مخربط..
والعفو اروح للحمام هواي...
غالطت نفسي كلت متوهمة..

ام فهد..زيونه شسالفه اشو كلساع ترحين بيج شي؟
_مادري يمه هم اني لاحظت نفسي مالحك اكعد شوي...
واحس ريحة غريبه بالادرار...
_ريحة؟؟روحي انت ارتاحي شوي واجيج...

شوي وصاحت عليه كالت جبتلج اختبار من جيان...
انصدمت اختبار!!!!
لااا مستحيل..
شبيها الدنيا وياي..
هو انا عايشه اصلا حتى اجيب طفل...
لا وابوه شاهين..
خررب حظج الاكشر زينه...
بله طفل يشوف ام وابوه هيج شيطلع...
نيوتن مثلا...
اففففف...
رحت سويت الاختبار ..
وطلعت فعلاً..
حامل...
زينة...خاله خطين...
ام فهد...كللللللللوششششششش مبروك بعد عيني هسه حياتكم تستعدل...
الكل صاح شكوووو فرحونا...
اخذتني ام فهد وكلتلهم زيونة حتجيبنا حفيد...
مارفعت راسي لان ماريد اباوع لردة فعل صقر...
حتى لو نهيته من حياتي .....بس ماريد اجرحه...
شاهين كام حضني كدامهم كال مبروك...
انصدمت ههه...
الكل باركلي...
وايات كالت اي جيبونا بنوته حلوة وي البنات...
ام فهد..شجيب زيونه نعمه من الله..
لواء...بشرفج زينة خلي الزناد ع الصلي ههههههه...
الكل ضحك ....
_اي شبيج لعد بس امج مخليته ع الصلي...
وكله تجيب زوجي...
احنا هم نريد زوجي..
بشرفج توم بنات ولد اي شي ..
حلوين ترى...
ضحكني كتله قابل بيدي...
الكل ضحك ..
وتسلل من بينهم الصقر المجروح..
وطلع...
مرت الايام وشاهين ابد متقربلي...
واصلا محاسبلي حساب..
يسهر برة ويسكر ويعربد ويجي ينام..
بس اقل نقاش يضربني ..
والسب والغلط مستمر..
اجه الدوام ..وماخلاني اداوم..
توسلت ردت..
كال اجلي..
لان حامل ومتكدرين واجلت السنة...
بديت اتعب هواي ووضعي تخربط..
اخذتني اهم فهد للدكتور..
وطلع هم بيه توم اولاد...
فرحت كلش وخابرتهم..
ومن رجعنا ذبحوا جوا رجلي ذبيحتين..
بس وضعي تعبان..
ولازم نايمه ع ظهري..
وشدت وياي ايات شدة...
لو بيدها تجي تجفص ببنطني...
حتى تسقطني..
مرة تكلي ميعيشون..
مرة تكلي مشوهين..

ضليت نايمه ع ظهري ميصير اكوم ابد حدي بس للحمام..
صقر ماشوفه ابد..
لواء يجي يمي يسولف...
شخصيته حلوه وسلس...
يونسني بسوالفه..
يسمي ايات ابو جهل..
لان ضخمه وخشمها جبير...
اكله وين شايف ابو جهل يكول يتخيلي هيج شكله ههههه....
قريب عليه هواي احجيله ويحجيلي هواي امور..
صار عرس رانيا..
ماكدرت اروح بسبب وضعي..
بس خابرتها من شاهين باركتلها..

عدت الايام وحددولي موعد عملية صادف الاحد ..
رحت للمستشفى...
ودخلوني عمليات بس جان ضغطي هوي يعلك لان نفسيتي صفر..
وخافو مني كلش....

صقر...دخلوها عمليات ووصتنا ع اطفالها..
كلبي معصور عصر...
اتمنالها السعادة..
عاشت وي زوجها وعاشرته..
ورح تصير ام...
الله يسهل الها...
رحنا اني وامي وشاهين والوالد..
جابت وطلعوا الاطفال بس هي حالتها خطره...
شفت الاطباء يركضون بس رجلي جمدت وكعدت...

للحكاية بقية...
للكاتبه شقراء(قمر كانون)