نقيب قلبي الفصل السادس والعشرون 26 - بقلم شقراء

الجزء السادس والعشرين
#نقيب_قلبي

راحت ام فهد كعدت الولد وانخبصوا ..
كل واحد يخابر من جهة ..
بس مقدام خزرني..
واجه همسلي حسابج بعدين ومشى...

باد حيلي خفت..
كلت الله عالم ايات شنو متبلية عليه..
طلعو الولد واحنا واحد يصبر بالثاني ..
للساعه ١١ خابرو ..
لاكي بالمستشفى ..
مدعوم وناقلي للمستشفى ..
بس وضعه مو خطر زين ..
ضليت حابسة نفسي بغرفتي..
اخاف اشوف مقدام ..
مرت يومين واني ماطلع اخاف..
كالو تحسن شاهين..
وجابو للبيت..
استقر جوا بغرفه ام فهد..
البيت مخبوص ناس تجي ناس تروح..
شافني مقدام طالعه من الغرفه وبيدي صقر..

مقدام..زينة تعالي عندي حجايه وياج..
انطيني هذا!!!
جر صقر من ايدي ووداه لامه..
ركضت وراه ..
كال عد بيبيته تعالي..
طلعنا بالحديقة الخلفية..
جرني من شعري ودفعني ع الحايط..

مقدام..شوفي اني لحد هسه ساكت..
واكول لا مستحيل ومغالط نفسي..
ياتحجين كلشي هسه..
يا اذبح نغولتج بيدي..

زينة..شبيك مقدام!!شنو هالحجي ؟
ع شنو ساكت وشصاير؟؟؟
وشنو تكول نغولتج مو اولاد اخوك ذول !!!

_اي صح هم اولاد اخوي..
بس ياترى منو منهم؟؟؟
_شلك بهالحجي..
تتهمني بشرفي؟؟؟؟
_لا بس سمعته بأذني يكلج ذوله مو ولدي..
_سمعت شاهين مو؟؟
_اي لعد منو قابل صقر!!!
_شوف مقدام..انت ماسمعت شي..
الي سمعت هي ايات..
وبيومها فتحت الباب شفتها كدامي..
حتى جانت طالعه بروب النوم...
فهي وصلت الحجي الك..
بس وغلاة ولدي اذا تطخ براسي..
هسه اروح احجي كدام ابوك وصقر..
اشوف يرضون تمد ايدك علي..
لو تتهم شرفي..
انت تريد تعرف اساس القصة..
اوكي..
اني وصقر جنا نحب بعض وشاهين خطبني وميدري..
وهسه عرف وضل يشك..
واعتقد انت تعرف طبعه اكثر مني..
اخوك يشك حتى بيك ..
ولو الي مثلك ينشك بي..
مدام ضياء ابن عمك..
يحجي بيه ويتغزل كدامك..
وانت راضي..!!

عفته ودخلت مخليته ينطق..
صارت روحي بولدي اخاف يضرهم..
صارت بوجهي ايات..
كتلها حسبنا الله ونعم الوكيل..
ورحت لغرفتي لان شاهين يم اقاربهم..
افكر اخاف ذوله يأذون جهالي..
شكد حقدت ع ايات ..
مقدام مهما يكون رجال ..
ومن يسمع هيج شي ..
حتى لو ميصدك يشك..
وهذا عرض مو شويه..
بس هذا هم مينطي الحق هيج يتصرف..
ضليت كاعده فكره تجيبني فكرة تاخذني..
اخير شي كلت احاجي صقر..

رحت دكيت الباب عليه طلع..

صقر..جنت رايح اريد اسبح واندك الباب..
فتحته زينه بوجهي..
كتلها لحظه رجعت لبست تشيرت وطلعت..

زينة..صقر اريدك بموضوع..
ماشي وين تردين نحجي..

تعال بالسطح احسن..
طلعنا بالسطح.
زينة.. صقر رح احجي...
بس احلفك بأغلى شي عندك تاخذه بهداوه..

_ماشي ..لخاطرج بس ..
هذا اني هادئ تدللين ..
لان امبين الموضوع جبير من رجفة حجايتج..
ذكرتيني من جبتج للمكتب نفس الرجفه..
معناها هالمرة هم متهومة صح!!!
_فتحت عيوني بوجهة ..لعد هذا شكد يحس بيه..
صقر اوعدني متتعصب وتحل الموضوع..
_ماشي يابه لعيونج بس احجي..
لان بديت اقلق..
_حجيتله الكاله شاهين ومقدام وشلون عرف من ايات..
_من حجتلي شعلت بيه نار..
انقهرت من اخواني..
يعني رجلها يطعن بشرفها..
يجي اخوي يكملها..
الله يساعدج يازينة..
لا وهيج تهمة تكسر الظهر..
اففف لو اهلج بيهم حظ..
ما شافتج الناس فريسة سهلة..
..اوكي زينة بالنسبة لشاهين..
خل يستعيد صحته ونحل الموضوع..
اما مقدام دباره يمي..
لتخافين لا صيحه ولا هوسه..
راح احل الموضوع خارج البيت..
انت تطمني..
ولتخلين احد يستضعفج..
_دنكت راسي ماكدر اباوع بعينه من قبل..
تشكرته وترخصت..

مشى اليوم بين شاهين والخطار..
يوم ثاني اجا لواء كال مقدام رايدج بغرفتي..
رحت حاجاني واعتذر..
كال صقر فهمني الموضوع من اول..
واني اسف وباس راسي..
كال ترى اني رجال ..
وساعه عصبية ماينحكم ع تصرفاتي..
كتله مصار شي.
مشت كم يوم..
شاهين تحسن وضعه..
بس الي سمعته من صقر وابوه صدمني..
سمعتهم يحجون برا ..
شاهين بالحادث متضرر..
وصاير عنده عجز مؤقت...
يعني فاقد رجولته..!!!

للحكاية بقية....
للكاتبه شقراء(قمر كانون)