نقيب قلبي الفصل الخامس والعشرون 25 - بقلم شقراء

الجزء الخامس والعشرين
#نقيب_قلبي

زينة..احترمي نفسج ايات..
شنو هالحجي الماصخ..
زوجج حماي يعني حاله حال اخوي..
ليش متحترمين نفسج..
اذا اروح واكله هيج كلتي يقبلها؟؟؟
وربي العالي هالمرة فوتتها وسكتت..
المرة الجاية اكلب البيت ع راسج ..
لتشوفيني ساكته عبالك فقيرة..
ترى الف مصيبة طاحت براسي..
خلتني اتوحش مو بس اصير شرسه..
فحذري مني يا ايات..
تطخ براسي هسه اطلع من يمج احجي لمقدام..
ونشوف منو الي تفوز..

عفتها وطلعت ..
صح استغربت من دافعت ع نفسي..
لان دومي هبلة ولساني ينربط..
بس صعد الدم براسي..
يعني هاي كل عقلها احط عيني ع رجلها..
استغفر الله..
شاهين يصيح عينج ع صقر..
ايات تصيح عينج ع مقدام..
ادري ششافوني فيفي عبده..
الحمدلله ياربي صدك ..
المتعوس يبقى متعوس
لو خلو براسه فانوس..

مرت كم يوم..وشاهين ملتهي..
محاسبني موجودة..
يجي تالي الليل ..
الركبة مطبعة..
ومفرفش..
واني لاغيته من الوجود..
كل همي اطفالي..

بيوم العصر اجت مينا وكعدنا نسولف...
حجيتلها الصار كله...
مينا..شوفي زينة اني عرفت بنفس يوم المهر..
من شفت جواد بالقاعة واكف وي صقر ..
استغربت كلت شجاب صقر ..
وين يعرفه جواد..
بس دخلت خابرته ..
وسالته كال هذا ابن خالي..
واخو العريس يصير...
صح وقتها ماحجيت ..
بس من ضل يسولفلي جواد ع عيشتج..
من يحجيله شاهين ع معاملته واذيته الج..
رغم جواد ينصحه..
بس هو حاقد ودائما يكول لاعبة من وراي..
وعدها علاقة..
اني كلت لجواد ترى زينة جانت عدها علاقه بصقر..
بالاول انصدم بس حجيتله كلشي...
وهو كال حكول لشاهين....
لان هو متهم زينة باطل..
وكل ظنه لاعبه وي التحبه قبل..
وممخلية شي ممسويته..
ويكول جواد من كتله انصدم وتأثر..
وراد يطلكها بس بعد..
انتي رجعوج اهلج..
وحتى خاله هو حجاله..
كله البنيه جانت تريده..
واهلها غصبوها ع شاهين..
الحل الافضل ينفصلون لخاطر ولدك ثنينهم...
لهذا عمج قابل..

بس زينة دربالج ..
ترى شاهين ممصدك مابينكم شي..
جواد يكول شاهين متخبل ..
جاي يراقبكم ثنينكم..
عباله بعدكم علاقه انت وصقر..
ضلينا نسولف اني ومينا لحد مااجه جواد تعشوا عدنا وراحت...
ضليت افكر بكلامها..
وهواي كلام..
كاعدة يمهم بس صافنه..
لواء كال..
شعندج صافنه وايدج ع الخد..
كتله نعسانه وابالي محد ههه ..
ضلينا نتشاقة ونحجي ..
ماحسينا الا صوت وكعة..
ايات وكعت من الدرج....
كامو عليها ركض ..
هي تبجي ولازم بطنها..
اخذوها لغرفتها شوي وطلع مقدام..

مقدام ..يمه ايات تنزف شسوي ..
اخذها للمستشفى تعالي شوفيها..
راحت ام فهد ..
وصدك شوي وراحو للمستشفى..
خابرتهم جيان..
طلعت حامل عليها رابع ..
والطفل ببطنها وضعه خطر..
خطية انقهرت عليها..
الطفل عزيز..
يوم ثاني مات ببطنها..
ضلت يوم وطلعت..
ووجها تعبان بس بعدها شريره ههه....
طبعا خلال هاليومين شاهين ميجي الا الصبح يبدل ويطلع للدوام..،
ضل ميبات بالبيت..
سمعت ام فهد تخبلت..
ولزمته وحاجته..
يكلها مافوت للغرفه مدام زينه بيها..
بله هذا هم حظي..
رزلته امه بس ميقبل يبات يمي..
يروح لو بالصالة لو بغرفه الخطار..
للغرفه ابد ميوصل واني بيها..
ضل ع وضعه هذا..

بليلة جنت كاعده بغرفتي ..
ولدي نايمين وشاهين برا..
كآبة وين اروح اخذت الفون خابرت ع لواء..
طبعا هذا فون البيت ..
يعني حاسبي مثل الارضي..
متاح للكل منو يحتاجه يخابر بي..
هو قديم ابو اللايت..
بس ام فهد خلته يمي..
وشاهين حجه بس هي ردته..
اني من احتاج شي اخابر ع الولد مرات ..

المهم رد عليه لواء..
كال اني اليوم يم الحب رح ابات..
سديته منه ضليت كاعده..
ملل ولوحدي..
كمت فتحت الكنتور ..
ضليت اباوع للملابس..
عجبني البس وانزع..
ردت اجرب لان نصهم ملابستهم..
طلعت بدلته لونها ازرق..
وتوصل للفخذ..
وبيها ريش مال طاووس ملتف ع الرقبه..
شكلها حلو ضليت اباوع ..
احاجي نفسي..
بله مال حفلات هاي..
شكد عيب واحد يطلع شبه مصلخ..
انفتحت الباب فات شاهين..
باوعلي من فوك لجوا ..

شاهين..شنو اليوم عندج سهرة عبالج اتأخر..
يلا بالعافية..
ياخذ فضالتي..
دخل اخذله ملابس والفت علي...
كال حكعد بالصاله اخذو راحتكم..
بس بشرفكم اريد الصوت عالي..
خصوصاً صوتج..
كلش احب هالشي..؟؟؟
صفنت عليه ياصوت هذا شبي..
يمكن سكران ضل يعربد..
طلع سديت الباب قفلته..
ونزعت ورحت نمت..
يوم ثاني هم طلع بالليل بس تأخر صليت الفجر وهو ماكو..
نزلت كلت لامه ..
خابرو عليه اجهزته ثنينهم مغلقة...

للحكايه بقيه....