نقيب قلبي الفصل الثالث عشر 13 - بقلم شقراء

الجزء الثالث عشر
#نقيب_قلبي

كاعدين بين سوالفنا وشقانا انفتح الباب وفات شاهين...
استغربنا وحتى الكاميرات جنا مطفين شاشتها..
مندري تفاجئنا..
ام فهد..خير يمه ..اشو جاي من هسه مو بالعشرة نجيكم؟؟
مريتك وين يمه خرعتني...
شاهين..لحد يحاجيني صاعد انام..
صقر!!!!شاهين اوكف شنو متحترم انت؟؟
بت الناس وين ؟؟؟
وتعال فهمنا شصاير؟؟؟
شاهين..معليييييييكم بيه....اني صاعد واليصعد وراي ارمي..
وبت الفگور ذيج برااا..
خل يجون اهلها واعرف شغلي وياها.....

صقر...من كال هيج ركضت بدون وعي برا شفتها مرجعه راسها ع الحايط ..
من باوعتلها احس واحد وشلع كلبي من نص ضلوعي...
حسيت شي تكسر بصدري...
ساعتها احس نغزات بس بشي اعمق من الگلب..
يمكن صدك تكطعت نياط گلبي...
ركضت قبل الكل وتقربت منها...
اجو الكل وراي..
الوالد جان وي عمي كاعدين بالحديقة الخلفية..
مكانه المفضل من يحب ينفرد بأحد...
بس احنا موجودين..

زينة...طلع صقر يركض وامه والكل وراه اجالي...
صقر..خرررررررررررب غيرتك شاااااااااهين....
ام فهد ...صوتك يمه فدوة لعمرك ..
يمه البنيه منتهية ولك اوكف...
صقر ...زينه شتحسين حاجيني...
زينة..باوعتله بس بالكوة نطقت...
كتله ..ولله اني شريفة وعمري ماخنتك ...
وراها ماعرف شصار...
يمكن جنت صامده لهاللحظه...
لان اعرف رح الكى من انسند عليه...
كعدت اني بالمستشفى مداويني ..
لاصقات ولفافات بكل جهة...
الشي الوحيد الريحني المسكن...
ضاربيني ابرة تخفف شوي..
تالي جبسوا رجلي وايدي متخالفات..
ايدي اليسرى ورجلي اليمنى..
ايدي اليمنى مرضوضة ....
منظري طالعة من معركة مو البارحه زواجي..
اجتي ام فهد يمي ..
ام فهد... يمة اني خابرت اهلج كتلهم جددتوا الحجز بالفندق مارجعتوا..
ماريد يشوفوج بهالحال ..
وجهي اسود منهم انت امانة يمي...
_شبكتها ضليت ابجي بحركة واناشغ متخيلت هيج ابجي...
_كافي يمه اهدي ..
كافي وفهميني شصاير بينكم ..
ابني اعرفه اعوج..
بس انت بت ناس ومن شفتج عرفتج فقيرة..
وع نياتج..
صقر جان واكف ع جهة ووجهه ميتفسر ..
بس كدرت اشوف القلق الواضح بملامحه..
ماكدرت اطاوع قلبي واركز وياه..
هو اخو زوجي صار..
يعني بمقام اخوي..
صح عمري ماحسبه اخوي..
يبقى يملك المساحه الي خصصتها اله بقلبي..
بس رح اهمل هالمساحه من القلب..
اعيش بشوية قلب ..
لان هو يملكة كله الا القليل الي حاولت اخلصه منه...
_خالة قبل لنطلع اريد منج طلب..
_امري يمه .. كولي...
نزلت راسي.. خاله اريد دكتوره تفحصني!!!
اريد اشوف نفسي بنيه لو لا....

ام فهد!!! مااخذج شاهين يعني؟؟؟
_لا تقربلي بس مطلع شي...
_يعني ضربج بسبب هالشي...
_اي خالة وناوي ينطيني لاهلي من يجون بعدين..
اعرف نفسي بريئه..لأن محد متقرب مني لو لازم طرف ثوبي...
بس محد حيصدك بيه..
وحتى لو مصدكوا وكتلوني..
اني اموت مرتاحه ..مغلطانه

صقر..محد رح يلمس اصبع من اصابعج ..
واليحجي ارده ببطن امه..
اخذيها يوم كملوا شغلكم اني انتظر...
ااااه شكد حلوة حجايته...
الغيرة العندة نادره بهالزمن..

زينة...رحنا اخذتني خالة بكرسي متحرك..
فحصتني الدكتورة من شافت وضعي انصدمت ..
باوعتلها دمعت عيونها..
فحصتني كالت بعدج بنيه..
بس غشائج صلب..او يسمو صامت..
يصير طبقات..
يا اما نفتحه الج هنا بالمستشفى ..
او يضل زوجج يتقربلج بكثرة وبأحكام يفتحه بس مو بسهولة...
كتبت تقرير وانطتنه لام فهد...
كلتلي تعالي وياي ماخليج تطلعين الا تسوين بلاغ...
حالج يصعب ع الكافر اني ماعرفج احس كلبي انمرد..
بجيت...كتلها لو قدمت بلاغ حنكتل..
اهلي حيكولون شهرتينا..
ماقنعت لحد ماقنعتها ام فهد كوة..
لان اني انطق بالكوة ...

طلعنا اخذنا صقر بس احس بعيونه اسئلة ويمكن يحب يتطمن...
صعدنا بالسيارة امه كلتله خلي هالتقرير يمك...
واريد من نرجع تراوي شاهين شي عمره مشايفة...
يا يمه البنيه شريفه وعفيفة..
طلع غشائها صلب يسمو..
وهو عباله مو بنيه ومسگطها..
باوعلي صقر بالمراية ودار نظره بسرعة..
كأنه تذكر شي...

دخلنا للبيت الكل بعينه الف سؤال ..
اخذتني ام فهد لغرفتها ..

صقر...الكل يسأل شنو الي صار واولهم الوالد..
كعدت حجيتلهم حسب مافهمت من زينة..
وطلعت التقرير شوفتها الهم..
الوالد صار نار وتعصب وضل يصيح ع شاهين...
صعد لشاهين لغرفته وصعدت ويا....
لكينا سابح ومتمدد بالغرفه ويخابر!!!
ابو فهد..
كووووم حيوااااان ..اله اربيك من جديد..
هجم على شاهين ..صرت اني بنصهم حجزت وهديت الوالد...
كتله يابه خل نفهم فدوة لعينك..
_شاهين احجي كلشي ...
من اول للاخير...
شاهين... حجي لا تتعب صحتك رح احجي كلشي...
يابه تقربتلها ومتقبل اخذها ..
حاولت وياها بكل الطرق مافاد..
بعدين اخذتها كوة وماطلع نيشان...
حاجيتها كالت اي غلطت وي واحد جنت احبه!!!!!

للحكاية بقية...
للكاتبه شقراء(قمر كانون)