نقيب قلبي الفصل الثاني عشر 12 - بقلم شقراء

الجزء الثاني عشر
#نقيب_قلبي

شاهين..لج حيواااانة...شنو هذا؟؟
ويامن مصخمة فهميييني...
هذا الجنتي ماشيه ويا موووو..
اليوم انتقم منج ..

زينة.. ضلت الضربات تجيلي من كل مكان..
ما كأني بنت وضعيفه بيده..
كأنه داخل بجولة مصارعة..
ويحاول يفوز ويثبت نفسه..
وبالفعل اثبت نفسه..
فقدت الوعي ماحسيت بشي الا ورا مدة ..باوعت الضوا طالع..
وهو نايم والقذارة يمه..
حاولت اتحرك عطت..
كتمت صرختي اخاف يكعد..
جسمي كله كدمات ودم يابس وعظامي مرضرضة..
حلكي احسه منفوخ وعيني كوة مفتوحة..
زحفت زاد الالم..
ردت بس شي اتغطى بي..
تقربت للزولية..
صرت جواها وردت ارجع انام..
ردت اضوك النوم لان هذا اخر يوم الي ارتاح..
يمكن باجر انكتل..
النيشان..ليش ماكو..
اني محد لازمني ولا اعرف ولد قبل...
ليش هيج صار...ضليت افكر لحد مانمت..

بعدين كعدت ع صوته وهو يسب..
ضربني برجله ..كومي بدلي يلا خل نولي للبيت..
زينة..ماكدرت احرك جسمي ايدي ماصارلهن فترة من طابت ..
احس اليسرى ورمت والم يدك بالراس..
مكدرت اكوم..
كتله انطيني ملابس ماكدر اتحرك..
احسه شوي انقهر ع حالتي..
لان مدماية كلي..
طلع الملابس شمرها علي..
لبستها بس وي كل حركة روحي تشوغ..
لفيت الحجاب مخربط ..
هو اخذ الملابس خلاها بالجنطة..
بي طبع حلو جان كلش مرتب ونظيف..
خلصت كال كومي يلا..
جانت الساعه ب٧..
حاولت اكوم ما اكدر رجلي متتحرك منظرها يخوف..
اجه شالني وطلعنا بالمصعد..
خلاني بالسياره وكمل وطلعنا..

دخلنا للبيت جان اكو صوت الظاهر كاعدين...
خلاني بالطارمة بالارض ..جانت الطارمة كلش جبيرة تقريبا ٣٠٠ متر يمكن اكثر ..
مزروعه ومرتبه وبيها مرجوحتين ..
ومن جهة اكو ميز وكراسي وفوكهم مظلة ..
ضليت برا بالارض كاعده..

صقر..ضليت الليل كله مقهور..حتى مارحت لحلى..
افكر بزينه ..هسه حضنها ..
همسلها ..باس شفتها..
اااااخ گلبي..
هسه اكيد اخذها ..اكيد خافت بيده..
كون يدير باله عليها ..
اعرفها ترفه وبسرعه ترجف...
طلعت الجفية المحتفظ بيها..
باوعت لقطره دم من شفتها جانت..
ايييييه...تمنيت ازينها بنيشانج زينة..
تمنيت هالشي ينضم الي محد ياخذه غيري...
صارت بالخمسه الفجر وراه غفيت...

كعدت ستة وشوي سبحت ونزلت جوا..
جان الجو صيف ..
والسباحه تريح..
كعدت بالمطبخ افكر..
بس بالي يم زينة وكلبي محترك..
شلون رح اتأقلم وي الوضع ...
لازم اشيلها من بالي..
صارت زوجة اخوي وحرام هالشي..
حتى وان خدعتني خلاص انتهينا..
جان اكو بيض ع النار والميز محضر وصوتهم بالحديقه شوي ودخلوا..
اولاد عمي الي متزوج خالتي ٢عدهم وميض وضياء...
واولاد عمتي ام عبدالله وجواد وبنتها وبنت عمي واخواني كلهم ومرت فهد جيان ..
استغربو شافوني لوحدي بالمطبخ ..
كالو خرعتنا وحدك كاعد..
كتلهم شعدكم برا؟
كالوا الجو حلو لان صبح رشينا الحديقة..
تالي كعدوا يسولفون عيوني يمهم بس بالي بعيد!!!
صبو الريوك والتمينا شي واكفه شي كاعدة..
لمة حلوة..
بس صرت احس نفسي غريب..
بت عمتي وسن..
عيونها تتابعني بس اني متجاهلها من قبل..
ولاحظت شرودي ضلت تباوع بأستغراب..
بس ضليت احجي واسولف حتى اطلع نفسي من جو الكآبة..
ونفس الوقت مالي خلك الاسئلة لو انتبهوا الي..
بس حبيبة قلبي جانت منتبهة امي...
عبالها لان اجلت خطبتي..

للحكاية بقية...
للكاتبه شقراء(قمر كانون)