رواية نوارس مهاجره الفصل العشرون 20 - بقلم zeanab_almusawi

السلام عليكم حبايبي 💔
بعد متقرون بارت اليوم خليكم منصفين  بمواقفكم وتعليقاتكم

روان مراهقه  واكيد كلنا  مارين هالمرحله ونعرف  الخلط بالمشاعر بيها
ابتعدوا عن وصفها بالانحطاط
والانحلال ....
ترى كلنا تصرفاتنا مليانه اخطاء

😘😘😘😘😘😘😘😘😘😘😘😘

#نوارس_مهاجره21
#زينب_الموسوي

طلال

اماني ...واحلام ...
وعود... وخذلان

هكذا. تمضي  حياتها معي ...

اتحتاج  المزيد من الحسره ؟
لماذا أ تتبع  اثرها ؟

والاحقها  بلعنتي ؟

ماعندي ل اعطيها ؟

تلك التي ...انتظرت... واحبت وحلمت ...وصبرت

اياي اياي  ان دخلها سجني 

وتصبح .. كتلك الجريده المهمله ..
او مثل تحفة مركونه... ولوحه غطاها التراب...
وسجاده صلاه  لم يلامسها جبيني ...
——-
بمجرد سديت التلفون ويه ايه
عرفت. وعدتها وعد  مااگدر عليه
شسوي اروح
وليش انطيها امل مو كافي عمرها الضاع
خليها تبتعد عني افضل

انتظرت الصبح يطلع
جاوبت بكل لهفه تتصور وصلت

:الوووو حبيبي وصلت

:اسف ايه مااگدرت. اجي نعسان ومااگدر اسوق

مامتوقعه الي گلته تاخرت بردها
تدور على الكلمات

ايه : على راحتك

ساد الصمت ومااستمر وهيه تگلي

: تدري حضرت جنطي... وخليت ملابسي.... ومكياجي
وغيرت  ترتيب  الصاله ...
وحضرت ريوگ بس الك ...
تدري ماما  وملاك باركولي ...
تدري منايمه...  وانتظر دگت الباب ...
مو طبعك تكسر وعد 

مااعرف شجاوبها  غير  بكلمات مااعنيها

: ا غير مره اجي ازوركم

: ماكو داعي أ تعب نفسك

: بيوم من الايام راح تعرفين الي اسويه لصالحج

: اي اكيد
من رخصتك مشغوله شويه

مسألتها  بشنو مشغوله اعرف مشغوله بالدمع  واخفاء خيبة الامل

صوت بكائها  المكتوم. تحول بمثابة  اداة تعذيب
خلاني اقفل التلفون
وانزل من شقتي
لمعرض شاكر
حيث امثل عليه القوه ... والرجوله ... باختيار سياره مكلفه
ويمثل عليه دور الصديق النصوح

—————————-

رعد

قد اكون غلطان بتصرفاتي ويه ملاك ومجاملاتي ...
ويمكن بوقت معين استغليت اهتمامها..، بيه حتى اثير غيرة روان

واكيد من حقها تغضب ...
لكن روان... مو من حقها تطردني من گلبها... بالقسوه هذي

ايام  مرت مترد اتصالاتي
بهذي الايام عرفت الي سويته غلط
مكان  من الصواب اشغل گلبين يعيشون تحت سقف واحد
واسمح للمجامله  تتعدى حدود الابتسامه... وتتحول خنجر خداع
على الاقل بنظر ملاك وعائلتها

ورغم تاكدت. ارتباطي بروان بالوقت الحالي مستحيل
متراجعت عن قراري بطلاگ بام
واطوي هالصفحه الماسويه من حياتي
سافرت لكليفورنيا 
ومن وصلت هناك وجدت ماتغير شي ...

اخواني  نفس موقفهم
وبام  دتعالج من الادمان...
اخوي الكبير فاضل اصبح يدير شركة بام بالوكاله.. واكثر واحد معارض للطلاق ...
جلسنا نتناقش بالشركه الي كل مابيه اصبح تحت تصرفه ...
خبرته  بقراري
وهو يجلس على كرسي هزاز ...
ومكتب فخم  ...وخلفه نافذه تطل
على طبيعه  كانها اقتطعت من الجنه. ..
بين وبين  نفسي تذكرت  اول وصولنا هنا ..
والبيت الي سكناه. ...وسقفه المتهالك. ...وخوفنا ليسقط فوگ رووسنا
كل هذا  مخلاني استغرب رده عليه

: اقنعني بسبب يخليك تطلب  الطلاق

: اريد اتزوج  بنيه عراقيه

ضحك .. وهو يهنيني ويضيف

: اتزوج شنو المانع  عقد شيخ وفضنا

: اهلها ميقبلون بعقد شيخ البنت صغيره... ولازم موافقة اهلها للعقد ..يعني لازم عقد محكمه

اتفاجا بكلامي  وسالني
: يعني قاصر ؟
بربك تترك هذا الثروه... والحلال الي ماله رقيب ولاحسيب ...وتروح تاخذ قاصر  انت هم عاقل

: خلي الثروه الك 
اريد استقر...  واعيش مثل باقي الناس ...بيت ...وزوجه.. واطفال

تعصب وعيونه جحضت ...وهو يفكر بحق نفسه وناسي حقي

؛ واحنا  وضعنا شيكون اذا طلگت بام

؛ انتو صار سنين تغرفون من هالشركه افلوس ...واكيد رتبتوا وضعكم... اسهم ..وعقارات ...وسيارات 
لو تريدون ابقى مرتبط بام مدى الحياة
حاول  يثنيني  ويخوفني  وهو يذكرني  باتفاقية الزواج بيني وبينها

: تعرف بام اذا عرفت مقدم على الطلاك راح تحجز حتى عل الاسهم الي باسمك... واي شي صار ملكك من يوم تزوجتها لحد الطلاق

: متگدر في اوراق رسميه تثبت عملي بهذي الشركه سنوات وكل الي املكه من تعبي مو منها

: الظاهر انت عاجبك تتبهذل وترجع تداوم معلم ١٢ ساعه باليوم براتب ٣٠ الف دولار بالسنه
: افضل ماابقى زوج مدمنه

ترك كرسيه...  وكعد على كرسي قريب مني ...وبصوت مليان جشع
وبايد  متشبع من عد المال
مدها نحوي ...

: هاي انت گلتها... مدمنه يعني بيوم من الايام هالادمان راح يكون سبب لموتها ...وكل هذا يصير ملكك... يااخي فكر زين
روح تزوج... واقنع اهل البنيه بعقد... وكم فلس بايد اهلها ..وبيت باسم بتهم  المصون ..تنتهي المشكله

الكلام امام
فاضل  مثل النحت على صخر صلب... اجرد  ...اعمى.. اصم

طلعت من   مكتبه توجهت
للمصحى الي تتعالج بيها بام

بالمصحى سالت عن اسمها
ممرضه 
اشارتلي  لعجوز  جالسه امام
تلفاز.... وحول اكتافها  شال ازرق ..
وشعرها  بلون البلاتين
وجهها عباره عن  تجاعيد كانها شخابيط طفل  على ورقه رسم
بيضاء
صرت في شك ان هذي بام
اقتربت وسالتها  متعجب

:بام !!! انتي بام ؟
رفعت نظرها اليه وهيه تمد ايدها
وتبتسم بالم.
: عزيزي رعد.

من الصدمه گعدت يمها 
وظليت اسالها. عن صحتها وعلاجها
وعرفت ان ادمانها مسبب تليف بالكبد
بجت امامي  ...واعترفت بندمها
واخر لقائنا. ...اعترفتلها برغبتي بالطلاگ رسمي
وسالتني

: وجدت عروسه مناسبه
: نعم  عروسه  وحبيبه

باركت  بحسره... والم ..وندم

: مبروك  ... قدم اوراق الطلاق للمحامي ... واني اوقعها  من اطلع من المصحه
تعرف  طول مااتي اهنا. اي قرار مطعون بيه

اتفقنا على الطلاك ..
ودعتها وصيتها على نفسها وصحتها
وطلعت للمحامي قدمت الاوراق موقعه من قبلي 

بعد يومين رجعت لمشيگان

———————
روان

دخلت نفسي معركه اسمها مابعد الهجر ...
معركه خاسره للطرفين ...

شنو الفايده اذا ادعيت النسيان...
واني انام واصحى على صوت مسجاته...  وهو يردد كلمة.. بيبي... وباباتي
  واعيد المسج مره واثنين يمكن كلمة ماسمعتها
وانتظر جيته للمول حتى اشوفه
ابعد عيوني عنه وگلبي ينظرله

تعبت ...
خوفا   من   ملاك 
الي تبحث عن وسيله تنتقم من رعد
وخايفه اكون اني هذي الوسيله

طلعنا اني وايه للعلاج الدوري
وفحص بالمستشفى
والطريق  اسمع مقالات ايه ونصائحها  اليه  ... وتختم مقالاتها  بالحديث عن وضعها المأساوي  ... وتلوم
نفسها الي خلتها  في اطار الضحيه
ومخليه شخص  محطم من سجون... وتعذيب.. يتلاعب بمشاعرها ..
لحد وصلنا  حسيت نفسي متخومه بالمواعظ

وصلنا المستشفى بدوا بالتحاليل ...
والعينات ...وسحب دم

واجهت نفس الخوف والقلق

هالخوف ...والقلق ..صار جزءمن حياتي  مااعرف شوكت يخلص ...
تلفون ايه مابطل يدگ   من ماما تتصل بيها ...وهيه تاخذ التلفون بعيد ...وتجاوب ماادري تسال عليه ...لو على طلال. الي مااجى

وصلت رساله من رعد
كاتب ( طمنيني )
مسحت الرساله وقفلت التلفون

مر الوقت ...طلعت الدكتوره.. ونادت اسمي ...
سلمت علينا... ومشينا معاها بنفس الممر المخيف ... من كثر  انين المرضى  الي يحاربون من اجل حياتهم
امشي والقي نظره على كل غرفه
وكل مقاتل داخلها ... مرضى السرطان اعتبرهم  مقاتلين في حرب ضروس ... يحاربون ..وينتظرون في اي لحظه.. رصاصه تنهي الحرب بالموت...

وصلنا لغرفة الدكتوره  وجلسنا مقابيلها
ايد ايه ترجف وهيه مخليتها على ميز امام الدكتوره
وايدي ثابته ... تعودت على هذي المشاعر ... وماعادت تخيفني
  وايه من كثر خوفها  استعجلت الدكتوره بطلب الاجابه

: دكتوره  لاتكون النتيجه مقلقه

جلست على كرسيها  بهدوء  وبابتسامه امل  على شفاه متعبه  من رحلة حياة  اجزم. قضتها  بالدرايه والعلم
جاوبت

: بالعكس
العلاج اعطى نتائج جيده ..وجسمها متقبله ..

سمعنا الخبر  ردة الفعل الاولى هي البكاء  اني وهيه

كملت الدكتوره شرحها مع تواصل دموعنا

: عدها تجديد بالخلايا ..
ومناعه مرتفعه ارتفاع بسيط ..لكن دتزداد

: يعني زال عنها خطر السرطان

: مازال تماما... لكن جسمها بدى يقاوم وهذا يقلل احتمال اصابتها بيه

مكان امامي غير  اقبل الدكتوره في جبينها واشكرها

: شكرا دكتور 
اگدر اخذ نسخه من التحليل

: اكيد تكدرين

وهيه تنطيني نسخه بلغتني خبر ثاني

:هالاسبوع مافي داعي للابره

صار دور ايه تقبل الدكتوره

: ياالله. مااعرف شكول دكتور ه

وهيه تبتسم وتسمح النا بالخروج  ردت على ايه

: گوليلها الها هيه الي حاربت وانتصرت

الفرحه خلتنا نبجي بلا توقف
مره تحضني... مره تبوسني
وتگلي
:( وج روان  طبتي.. وج بعد لا تخافين )
اتصلنا بملاك  ..وماما  وخبرناهم
اخذنا نسخه من التحليل
وطلعنا

: شتسووين بالنسخه

: اخليها گبالي بغرفتي... كل متواجهني صعوبات اتذكر  اني هزمت السرطان

ايه : سباعيه والله وتفكير منطقي

واحنا ننزل السلم ... كان رعد يصعد السلم
اقتربنا منه سلم
: صباح الخير
: ايه سحبتني  ...وماردينا عليه
خفت اندار. واشوفه بعد واگف
هوه يعرف موعد الفحص واكيد جاي يسال على النتيجه

صعدت السياره
كتبتله رساله
( انساني ... لاتذل نفسك علمودي ...)

وصلتني ايه لشغلي بالمول

احاول انسى وانشغل

——————————

اتصل بروان ليليه مترد
رسائل تفتح ومتجاوب

واذا  رحت للمول  تشوفني تروح ل اخر المحل  وبعد مااشوفها

قررت اروح للبيت...  لملاك  واحل الاشكال وياها... وافهمها ان واثق رايدها زوجه
واعتذر. عن اذيتها

طرقت الباب... ومدرك تماما  مامرحب بيه بالبيت

فتحت الباب ايه ...مجرد لمحت وجهي بدا عليها ملامح الغضب

: خير شرايد

: الانسه ملاك موجوده

: موجوده شرايد منها

: ممكن خمس دقايق فقط احجي وياها

: انتظر بمكانك اشوفها تريد تحجي وياك لو لا

دخلت وسدت الباب فكرت اترك المكان  واوافر الاحراج على نفسي
مكان في وقت طلعت ملاك وملامحها متقل غضب عن ايه
وجهها. بالعالي. وهيه تحجي ويايه

: تفضل شرايد

: ملاك من فضلج خلينا نتصرف تصرف عقال... ونتفاهم على سوء الفهم الي صار

بكل تجاهل واحتقار  عاملتني

: اي سوء فهم  تقصد
مااعرف عن شنو تحجي

: ملاك انتي فهمتي تصرفاتي خطا... تصورتي احملج مشاعر  او حب
واكيد اني سبب هذا الخطا ...
رغم هذي طبيعتي مع الكل اعتذر 

باوعتني باحتقار اكبر  وردت بكل عنفوان وشموخ

: طبيعتك تتغزل باي بنت تشوفها. ..وتغنيلها.. وتگلها البسي هاللون ..وهذا حلو. وتصيحها ملاكي..
اذا هذي طبيعتك فاسمحلي اگلك انت تافه... وتبحث عن كم كلمة تافهه مثلك ..
حتى تحصل اهتمام الناس بيك ..واكيد هذا نابع من عقده جواك ..
انصحك تتعالج
وبالنسبه لصديقك الي دزيته عليه بحجة زواج ..ومااعرف شنو
فبلغه مرفوض  مرفوض لسبب بسيط
لكونه صديقك واكيد مثلك واطي ...وحقير
ماسمعت ردي كملت كلامها بدون حتى متجر  نفس
وكملت وهيه تسد الباب بوجهي

الله وياك وهذا العنوان بعد لا توصله... انساه

سدت الباب ودخلت
بعمري مامريت بموقف يعادل هذا الموقف بالاحراج والذل

مر شهر  احاول ابرر  واصلح الامور  برسائل ابعثها لروان

وبمحاوله. يأسه ل استعادتها

رحت على المول الي تعمل فيه...
المحل الي تشتغل بيه ..
اكثر زبائنه نساء.. ومع ذلك دخلته

وگفت امام زجاج العرض ...اتفرج على ساعات نسائيه
اشرتلي العامله اهناك امريكيه بمعنى
(ادخل )
دخلت ...و روان واگفه بنفس المكان الي عارض ساعات ...
دارت وجهها  على الجانب الثاني

و العامله تعرض خدماتها عليه 

:تحب اساعدك باختيار ساعه

عليت صوتي

: نعم اريد اختار ساعه لزوجتي

سمعت الكلمه التفت نص التفاته..  ومثلت الانشغال بالترتيب حتى تسمع

والعامله تحاول تعرف طلبي بالضبط

:شنو الي تحبه زوجتك ساعات كبيره... ام صغيره..
في ساعات ..بالماس ..وفي ..ذهب وفي عاديه

عرضت الساعات امامي. واني ابين محتار بالاختيار

: اريد ساعه ثمينه الها ...
مفترقين صار سنين.. وهسه رجعنا اريد هديه تعبر عن حبي الها ...

سمعت الجمله روان  اندارت كلها وباوعتني
انشغلت مع العامله وهيه تعرض انواع الساعات
وبعدها گلتلها
: الافضل اصطحب زوجتي معي وهيه تختار

:اكيد يكون افضل

: اروح اجيبها وارجع
باي

النظره الاخيره... لروان عباره عن بركان متفجر 
طلعت ومارجعت حتى تبقى تفكر  .،،وتغار
بالليل اتصلت رنه وحده وسدته

دگيت اني راسا
مجاوبت
دزيت رساله

: ليش تتصلين  ...
: اسفه بالغلط

: ياغلط هذا زوجتي راح تتخبل من شافت اتصالج

بقت تكتب وتمسح
دزيت اني

: متردين .. بس تعرفين تورطيني ويه زوجتي

ردت

: ليش هيه يمك ؟

: طبعا يمي يله راح تتصل بيج

: شكو تتصل بيه ماريد احجي وياها

: بابا لازم تفهميها  انتي طالبه عندي وردتي  تسلمين عليه

: اوكي خلي تتصل

روان

الي سمعته بالمول خلاني اتصل
بيه ...بعدين ترددت
ظل يدز  رسائل ...وگلي زوجتي تريد تحجي وياج.. صدگت جاوبته

: هاي

جاوب وهو يضحك
: ياهاي  ..خليتي بيها هاي ..
المره طلعت زعلانه بهالليل كله من وراج

: صدوك اني غبيه وصدگتك

: صدوك انتي متجيين الا بالغيره.. وشلعان الگلب
وتالي روان تبقين مقاطعتني

: ماادري  شسوي

: وشوكت تدرين  مو شلعتي گلبي
اني مالي ذنب اذا ملاك افتهمت غلط ...وانتي تعرفين بالمدرسه اضحك مع الكل واتشاقى

: وهذا الشي غلط مو صح

: هسه عرفت غلط  افتهمت
كافي تعاقبيني

: ملاك متاذيه حيل واذا عرفت اراسلك تذبحني وراح تتقلني من الاعداديه

: صدوك تنقلج  اتخبل اذا سوتها
گوليلها مااريد انقل 

؛ حجيت هالحجي صايره ابد متتحاجى حتى ايه هم مثلها

: والدتج شلون صارت

: احسن شويه

: اذا اخطبج منها توافق

خفت من گال خطوبه  وحاولت جهدي اشيل الفكره من راسه

: اصلا لاتحاول.  تصدك يزوجوني اني الصغيره ..ومنك انت الي ضحكت على اختي الكبيره

: ياناس ماضحكت عليها ماطلعت وياها. مااگتلها شي خارج اطار الصداقه

: هذا حجيك انت اما هنه فتفسيرهن يختلف

: زين هيه ليش رافضه واثق

: ماادري حتى ماما تگول مدام عن طريقك مابيه خير

: شكرا

: اي قابل اني گايله

: اففففف

: يله اني نعسانه اريد انام

: تريدين تسدين التلفون سديه اني مااسده

: اريد انام

: نامي  وخلي الخط مفتوح اسمعيني بدون متردين

: اوكي  داسمعك

من هذي الليله اصبحت الاتصالات ليليه

مرات تخلص الكلمات ...وماعدنا شي نحجيه
يسمعني اغاني

——————

قربت المدارس ..وملاك نقلتني لمدرسه ثانيه بعيده
ونقلتني بدون علمي  وبلغتني النقل قبل يومين من الدوام

ناقشتها بسبب النقل

؛ على شنو نقلتيني اذا على رعد فمراح يدرسني هذي السنه

: اشو الميانه عندج زايده وياه صار رعد

: هذا مو موضوعنا  مااريد انقل صديقاتي والمدرسين تعودت عليهم

ردودها. كانت بلا اهتمام

: وراح تتعودين على الجديدين
يله كافي لاتدوخيني  نقلتج وخلص

صرت امام امر واقع
منو اشكيله .. ماما مريضه واحاول ابعدها عن المشاكل
ايه  تعيسه  وعايشه على رنة تلفون من طلال
وملاك تفرغ  ثار رعد بيه

اتصلت بصديقاتي خبرتهم انقلت
الي بجت .. والي اتصلت بملاك تتوسل بيها

اما اني

انفرض عليه الدوام بالمدرسه الجديده... نسبة الامريكان عاليه ..
والمدرسين العرب قليل

كرهت الدراسه... واهملتها
الدرس يمر... تفكيري بصديقاتي ..
ومدرسيني.. ومدرستي

مروه تزورني كل اسبوع
ورعد يتصل بيه يوميه
ولان نشتاق لبعض ...ظلينا نفتح كاميرا  انشوف بعض ويوم الجمعه نهايه اسبوع نبقى سهرانيين للصبح ...
ومرات  ...يخلص الليل يساعدني بحل واجب ..او كتابه مقال

بديت اكره تصرفات ملاك ويايه
وخاصة الصبح... من ترجعني مرتين لغرفتي  اغير ملابسي ..
واعرف حجه حتى تفتش جنطتي ...
وبديت اعاندها... واستفزها
ومااهتم. لتعليماتها الصباحيه
وهيه تستعرض سلطتها امام ماما وايه  وتبدي بالمكياج

: شنو هالمكياج رايحه حفله
وارد عليها. بنفس اسلوبها صوت عالي

: كل البنات هيج شتريدين اروح وجهي اصفر

بعد المكياج والملابس تتحول لمستواي  الدراسي

: شوكت نتائج اول فصل

: الجمعه العصر لازم تجين توقعين وتاخذيها

: خليهم يدزوها بالبريد ماعندي وقت اروح

: شعجب اشو العام كل جمعه تنطين للاعداديه

الجواب استفزها  ضربت الميز

: تادبي واحجي عدل  لا اگوم اكسر راسج

صوتها العالي ماعاد يخوفني بل يدفعني ل استفزاز. اكثر

: اعصابج عيني
ترى انتي سويتي مشكله ويه رعد ...بلا داعي ونقلتيني ..
الولد هذي طبيعته.. روحي اسالي المدرسات الكل يعرفه ...
مو لان گلج ملاكي يعني ذاب بيج

وتحولت ايه للجبهة ملاك بالهجوم  عليه

: هلا هلا شنو هاللسان السليط  ...والميانه رعد والولد ...وتتجاوزين على اختج وماما موجوده

باوعت. على ماما نظراته اليه غضب 
هديت وحاولت استمالتها
لان صارت. تأيد ملاك بكل تصرفاها ويايه  كنوع من المواساه الها.  وهالمواساه على حسابي

: اسفه عيني العائله كلها على حق واني الي بس افتح حلگي اصير بلا اخلاق
اروح افضل

مقبلت ايه اطلع الى ان يكتمل مشهد الذل اليومي

: تعالي اهنا متطلعين اذا متعتذرين من ملاك وهسه

:: اسفه 
بعد في شي ثاني

؛ انتظري اوصلج

: ميحتاج اروح ويه صديقاتي كلهن يسوقن
اخر جمله ل ملاك
: صديقاتج امريكيات ؟

: المدرسه انتي اختاريتيها وتعرفين طلابها اكثر امريكان

طلعت تمشيت وصعدت سياره
صديقتي نانسي

واستمر. وضعي. بالبيت  اني موقف مدافع  والبقيه هجوم
لحد صار  موقف غير حياتي

بيوم. جمعه  اتصل بيه تحسين
وبقينا نسولف 
احاديث عاديه.  عن اصدقائنا.
ودراستي  وعرفت هو تارك الدراسه  حتى يشتغل
اثنائها  اتصل رعد 
ا نهيت اتصال تحسين وجاوبت رعد
گلي ان شاف ابو كوثر بالجامع  وفاتحه يدخل واسطه خير
ويحجي مع ماما حتى يخطبني هسه
ومن ادخل الجامعه نتزوج

انرعبت من كلامه وظليت اتوسل يغير رائيه وهو يسالني عن السبب
: اخاف. من ماما واخواتي
الله يخليك ااجل الموضوع لحد اصير بالكليه

: وشنو  الفرق هسه لو بالكليه
: يمكن ملاك تنخطب. وتنسى
فدوه اذا تحبني ترى والله ازعل عليك
مثل مازعلت عليك من بستني

سكت وقنعته   يأجل
گلي راح اتصل كاميره
رديت انتظر ابدل
لان كانت ملابسي ( تاب وشورت نوم ) لان الاتك حار
دخلت ابدل وهو يتصل كاميرا
اندفرت بابي ودخلت ملاك
اني واگفه  ودابدل
اخذت التلفون

: عزا العزاج شدتسووين
ويه منو تحجين
انهارت  تصرخ بس شافت الاسم

واني احاول البس  التشيرت
وابجي
: ملاك والله اريد ابدل قبل لا افتح كاميرا
وروح بابا افتهمتي غلط
اخذت التلفون من ايدها
وهيه تضربني وتگلي
سافله حقيره

ركضت على المخزن.. دخلت بيه وگفت على الباب ..وهيه تدفع ..
اريد احذف المكالمه واحضر الرقم مااگدر

طلعت تصيح على الدرج
؛ ولج ايه  تعالي  وج يمه
تعالي شوفي هالمعزايه فضحتنا

ظلت تدفع لحد وگعتني بالمخزن
واسمع وقع اقدام ايه على الدرج
وتصيح (شكو شصاير )

اخذت ملاك التلفون وصرخت

رعد  هالكلب الحقير
استاذج  متصل بيه واني سمعتها تتفق وياه تبدل وتفتح كاميرا  وج شوفي ايه شلابسه

جرتني ايه من رجلي برى المخزن
ومصدگه حجي ملاك
واني افهمهم
: هذي ملابسي من اتصل وگمت ابدل وروح بابا
خنگت انفاسي وهيه تگلي لاتجيبين طاري بابا على لسانج ياوصخه

  ضاع  مني الحجي
واني اسمع ايه تريد تتصل بالبوليس

؛ هسه اتصل بالبوليس هسه
هذي جريمه يروح بيها النذل

زحفت يم رجلها. ركلتني حيل واني اتوسل تسمعني

: ايه اسمعيني والله مشافني  بهذي الملابس كنت ابدل وانتي تدرين ليليه اهنا ابات  بهذي الملابس
بيدها تلفوني. وتدور بيه وتضرب على وجهها

: لج شوفي الرسائل شوفي اتصالات الكاميرا

: وج ايه خلي التلفون عندج بين متجي الشرطه

مفاد وياهن سمعن صوتهن ونسن يسمعني 
وگفت ادافع عن نفسي

: اذا اتصلتي بالشرطه وروح بابا اكتل نفسي والله اسويها ...
رعد يحبني ..واحبه صار سنه واكثر

صحت ماما بصوت بكاء الي صعدت گوه وتلهث

: شنو هاي شصاير
رحت عليه احتمي بيه

: ماما والله ممسويه شي
ورعد مستعد يتزوجني  ويريد يجي عليج يخطبني ويخاف من ملاك  ترفض

: رعد يتزوجج انتي

: وج ماما يضحك عليها فاتحه كاميرا وياه هيه مصلخه وهو اكيد مصلخ

جرتني على السرير وظلت تضرب بيه

: احجي  شنو سوى وياج احجي
الكلبه الحقيره والله لا احبسها اهنا
واني اله هالوسخ

: ماما لحگيلي خنگتني

واستنجادي بماما مفاد وصارت ضدي

: ولج فضحتينا ياعار ...
مصلخه وتراسلين ولد

ظلت ماما تصيح لحد وگعت من طولها

ملاك وايه يحركن بيها متتحرك

ويصرخن ويعيطن وملاك تحملني  مالاطاقه لي على حمله

(: كل منج ماتت بسببج مثل ما بابا مات بسببج
اطلعي برا
ياريت ميته وبابا باقي

اتصلي بالاسعاف ايه ماما دتموت )

رعد

: عرفت الموقف الصار  من ملاك فتحت الكاميرا

اخذت سيارتي وطلعت لبيتهم
اريد اوصل قبل لياذوها
ازيد السرعه واحس السياره متسرع
الشارع صار اطول
اول موصلت تركت السياره تشتغل واني اشوف الاسعاف بابهم

دخلوا المسعفين... دخلت وياهم

اول وجهه شفته روان على الدرج ...تبجي  وجهها مجرح ...
شعرها منكوش ..
فتت بدون ماافكر باي بشر ثاني
رحت على الدرج اخذتها من ايدها ...
ملاك تحركت بسرعه وبيدها
مجموعه مفاتيح بسلسال
ضربته براسي
نزل الدم  من گصتي 
دفعتني باثنين اديها بصدري

: اطلع برا حقير
ماعندك غيره ...ولاشرف
لعابك سال على طفله... معتبرتك ابوها
وتحرفها... وتشجعها على التعري
يابه وروح بابا بس اطمئن على ماما... الا اذبك بالسجن واشهرك بين الجاليه ..
حيوان هذي طفله

المسعفين  يتفرجون 
ماضربتها لكن ماسكتت

: كافي تغلطين... وكافي حقد عليه... وعلى اختج ..والناس

صرخت بوجهها

احبها... سمعتي ...احبها
واريد اتزوجها  ... ومااريدج افتهمتي
استوعبتي .
لو اريد استغل استغلج انتي وانتي تدرين  انطيتيني بدل الفرصه الف

الكلام دمرها. وخاصة في جوارين عراقيين وعرب داخل بالبيت 
وردت عليه بتهجم  وتحاول تنبه الموجودين

: تتزوج قاصر..،  وانت متزوج متعرف ممنوع ..وجريمه.. تعتبر اغتصاب

: اغتصاب لان حضرتج مموافقه من حقدج ..وغيرتج
باعي بمشيكان كم واحد متزوج بنت بعمرها ..وبموافقة  اهلها ..
لاتسووين نفسج حريصه عليها لو حريصه مافكرتي تشهريها بس حتى تبردين غلج بيه

: ليش مااجيت تخطبها ها

: اسالي ابو كوثر اليوم وسطته يخطبها واتزوجها من تدخل الكليه وهاي  گدام الجوارين  اريدها وداخطبها
يله وافقي اذا مهتمه بسمعة اختج وتخافين عليها

: لو تموت متنول شعره منها  اذبحها ولا اخليك توصلها

: اذا انتي الي تدورين الفضايح
وتريدين تظهرين راعيه الاخلاق وخايفه عليها ...
شگد جنت احترمج  ...اتضحلي ماانتي الا قناع وهم... وحقد ..وغل

ضربتني برجلها  وتصرخ

؛ اطلع برا ساقط  مسوي نفسك مراهق ..وتفتح كاميرات ..عمى بعينك وعين الخلفوك. والله افضحك بكل مكان

:  الفضيحه راح تشملج لاتنسين

توجهت لروان الي ضامه راسها بحجرها وتبجي
شلت راسها  ... دم يجري من خدودها
حجيت وياها بهدوء

روان بيبي. لاتخوفج هذي انتي ممسويه غلط
حبينا بعض بغض النظر عن العمر... والمركز

ردت بخوف اعرف سببه

: اطلع الله يخليك

: طالع لخاطرج 
رايح للمستشفى اطمئن على الوالده ..،وانشالله تعدي ازمتها واخطبج منها

انتظرت بالشارع  ...وتجي الجوارين تسالني شصار
واجاوبهم ( مشاكل عائليه .. ماكو شي .. شكرا على السوال
مافي داعي للتجمهر گدام الباب )
لحد طلعوا السديه عليها ام ملاك صعدت ملاك وياها ...
وايه لحگتها بالسياره

واني بعدهم 
كل الي صار بهذي الليله خطأ
وكلنا مخطئين
ماعدا  روان ماخطئت
لازم الخطوه الي بعدها تكون صح  وبلا تشهير  بروان
بالطريق اتصلت بابو كوثر يجي للمستشفى  حتى يفهم ملاك وايه وامهم. روان مغلطانه
واكدلي راح يجي
وصلنا للمستشفى

وقرروا عمليه عاجله للقلب ..،
رحت على الممرضات يطببون الضربه براسي ...
وبعدها ظليت بالاروقه انتظر  انتهاء العمليه

روان
بقيت لوحدي بالبيت
دورت على تلفوني ملگيته اريد اطمئن على ماما

اذا ماتت اني السبب
وملاك وايه راح يطردوني من البيت ...
لبست ملابسي.. واخذت جنطتي
وطلعت من البيت... امشي
المسافه بينا وبين بيت ام كوثر تقريبا تسع دقايق ...
مشيتها لحد وصلت دگيت الباب طلعت ام كوثر

شافتني  جمدت بمكانها

: روان شجابج بهالليل

كنت محتاجه شخص   يلمني بحضنه اي شخص
ينظرلي بحنيه وبلا اشمئزاز مني
دخلت بيتها وحضنتني وهيه تشوفني ابجي

: ماما وگعت. خاله فدوه اخذيني للمستشفى اشوفها

: شبيها ياستار

: ماادري والله

: هسه اجيب المفاتيح واخذج
وجهج شبيه منو ضاربج

؛ اني ضربت نفسي ودكيت

: انشالله مابيها الا العافيه  لاتخافين

اخذتني بسيارتها المستشفى بعيد
وصلنا للاستعلامات سالنا جاوبوا بردهة القلب
صعدنا المصعد وصلنا للطابق
ام كوثر اتواجهت مع اخواتي
وفهمتهن اني خبرتها
رعد واگف بعيد وظل بعيد
ايه وملاك ميباعوني
بقينا ساعتين ننتظر
وبالي كلام ملاك ( انتي السبب بموت بابا ) ابجي واسكت وارجع ابجي
لحد طلع الدكتور
ركضنا تلاثتنا عليه وصرخه وحده
(ماما)
خبرنا  القسطره ناجحه

طلبنه منه نشوفهه

رفض وهو يشرح حالتها

: حاليا تحتاج راحه شويه ..،
ومنريد اي تاثير عليها ..،
اليوم حالفنا الحظ ونقذناها من جلطه. اكيده ...
ارجوكم. حاولو  تبعدوها عن اي اخبار سيئه ...

شكرته ملاك
: حاضر دكتور. وشكرا لمجهودك
——————————
طلال

صار. لازم اسافر لمشيگان ...واوكف  مع ايه واخواتها... بازمتهم

سافرت يوم احد. الفجر
و الصبح  ...وصلت للبيت

فتحت ايه الباب ...
التعب والسهر مذبل جفونها

تفاجاءت بجيتي ...لكن منست ترحب

: طلال  مگتلي جاي تفضل
دخلت واني اسلم عليها ( هلوووو ايوته ) ولو هيه توقعت عناق وقبل
وكفت جانب  واني اشرحلها سبب الزياره المفاجاه

؛ خفت اگلج  ومااجي وتفتهميها غلط

: هلا بيك تفضل تفضل

—————-الي يعلقون تعليق فارغ  وملصقات
تقبلون انزل الكم بارت فارغ او كله ملصقات
التعليق هو تشجيع  اما الفراغ فمعناها ان القصه ماوصلت  وهذا احباط لاي كاتبه
شكرا