رواية نوفيلا الوقوع في الغرام الفصل الثامن 8 - بقلم هند الحجار

دخلت المكتب وهى حاولت تمنعني، فزقتها. هادي أول ما شافني وقف وجه عندي وقال: _هند تعالي ادخلي في أي حاجة! اتكلمت السكرتيرة: _حضرتك دي زقتني ودخلت بالعافية، إزاي حضرتك تعرف الأشكال البيئة دي. بصيت وقلت بزعيق: _سامع يا هادي بتقول إيه وبتغلط فيا إزاي؟ أنا ساكتة لحد دلوقتي لأني محترمة وجودك. أنا آسفة يا هادي أنا ماشية. أنا اتزهقت هنا بما فيه الكفاية! كنت ماشية ودموعي نزلت غصب عني. هادي مسك إيدي وقال: _استني هنا رايحة فين؟

ده هي اللي تمشي وإنتي اللي تقعدي. اخشي اقعدي على مكتبي يا هند. بصيت ليها بابتسامة انتصار ودخلت ومسحت دموعي وقعدت. أما هو فسمعته وهو بيزعقلها وبيقول: _أما إنتي فهكتفي بتحذيرك بس. هند دي خط أحمر، فاهمة ولا لأ؟ وتقدر تروحي تمسكي قسم الحسابات وهند هتمسك مكانك. واتعلمي بعد كده تعاملي الناس باحترام. إحنا كلنا بشر ومافيش بينا فرق، فاهمة ولا لأ؟ اتكلمت هي: _يعني حضرتك بعد خدمة معايا خمس سنين، تعين دي مكاني؟ قال

وهو رايح يقعد على المكتب: _أنا ماكنتش هعينها مكانك ولا حاجة. أنا كنت هخليها معاكي تساعدك. بس بعد الأسلوب ده واللي اتعاملتي بيه معاها، أنا هكتفي بيها بس. على الأقل هي بتعرف تتعامل مع الناس باحترام وأدب. اتفضلي اطلعي. بصتلي بغيظ وطلعت وقفلت الباب. بصيت لهادي بابتسامة وقلت: _ده انت طلعت مسيطر جامد على فكرة! قال وهو بيقعد على المكتب:

_امال إيه يا بنتي. بصي أنا هزر معاكي بس لوحدنا. إنما قدام الناس هيبقى فيه رسمية شوية. لأن أنا هنا صاحب الشركة، فاهمة؟ هزيت راسي بمعنى ماشي. هادي ابتسملي بلطف وقعد يشرحلي هعمل إيه بالظبط. وأنا حاولت أفهم على قد ما أقدر. وفي الآخر بعد ما خلص قال: _هااا فهمتي يا هند هتعملي إيه؟ لازم تكوني واعية وعارفة ده ملف مين ومين وتظبيط المواعيد وكل ده. جيت أرد لقيت لؤي دخل ومعاه يوسف. لؤي وهو بيقعد:

_تعالي شوفه المجنون ده أنا تعبت منه بجد. يوسف كان واقف وبيبصلي ومتفاجئ إن موجودة في الشركة. هادي وهو بيقوم وبيروح عند لؤي: _إيه في إيه مالك يا يوسف؟ يوسف مردش وراح ناحيتي وابتسم وقال: _هند إيه ده انتي بتعملي إيه هنا؟ قومت وأنا بسلم عليه: _أنا هشتغل هنا مع هادي. ازيك؟ ألف مبروك على الخطوبة. سلم عليا وقال بحزن: _الله يبارك فيكي. إنتي عاملة إيه؟ جيت أرد لقيت لؤي قطع الحوار وقال: _متوهش الكلام وقلت إنك عاوز تتجوز سوزي؟

هادي بص بصدمة وقال: _يعني إيه تتجوزها؟ انت اتجننت يا يوسف؟ سوزي كل هدفها إنها تسيطر على ممتلكاتك. ومش بتحبك. إحنا وافقنا على خطوبتكم عشان نرضيك لكن مش هنشوفك بتضيع قدام عينينا ونسكت. يوسف قعد وقال واتكلم وهو بيبصلي كأنه بيغيظني: _إنتوا ظالمينها على فكرة. أنا اكتشفت إنها بتحبني وأنا بحبها ولازم اتجوزها في أقرب وقت!! الكلام كان بيوجعني أوي وكنت حاسة إن تكة وهعيط بجد. لؤي:

_اممم. طب اشبع بيها بس فلا تلومن إلا نفسك تمام. أنا ماشي. لؤي قام ومشى. وأنا كنت ساكتة وقولت: _طب أنا خارجة يا هادي عن إذنك. خرجت وقعدت على المكتب وأنا محتارة. هو إيه ده بجد؟ أنا مالي أنا بحب يوسف ولا هادي؟ ليه مدايقة إنه هيتجوز واحدة غيري؟ وليه أنا منجذبة لهادي ولشخصيته؟ أنا تعبت بجد. أحسن حاجة ليا بجد إن لا أفكر في ده ولا ده. أنا لسة صغيرة. فاهمة يا هند إنتي لسة صغيرة. فجأة لقيت سوزي دخلت وقالت:

_إنتي بتكلمي نفسك ولا إيه؟ بصيت ليها وقولت: _لا أنا لا بكلم نفسي ولا حاجة. ازيك؟ مكنتش متخيلة إن ممكن أشوفك تاني. سوزي وهي بتبصلي من فوق لتحت: _ولا أنا الصراحة. أوحش حاجة حصلتلي في يومي إن قابلتك تاني. معرفش هادي اتجنن عشان يعين عيلة صغيرة زيك سكرتيرته. مردتش عليها لأن مكنتش في المود. حسيت إن التجاهل أحسن حل ليا وليها. هادي: يوسف انت بتعمل كل ده ليه؟ انت واعي للي انت بتعمله؟

انت أكتر واحد عارف سوزي. وقد إيه هي إنسانة مش كويسة. يبقى ليه تعمل كل ده؟ يوسف: _مش عارف أنساها يا هادي. وعاوز أنساها بيها. هادي بحزن: _مينفعش يا يوسف. إنت كدا بتظلم نفسك. مع واحدة استغلالية. وهند صغيرة عليك. سيبها تشوف مستقبلها. إنت مش شايف قد إيه هي بريئة. لسة الحياة قدامها ومحتاجة تخوض تجارب. يوسف وهو بيخبط على المكتب: _ما هي برائتها دي اللي بتجنني بجد. بتخليني عاوز أقوم أحضنها. هي جميلة أوي بجد.

هادي وهو بيبتسم وقال: _سيبها للنصيب. وهي لو من نصيبك فصدقني هتاخدها غصب عن أي حد. ولكن متوقعش نفسك في غلط أكبر. ابعد عن سوزي يا يوسف. يوسف بص لهادي وسكت وكأنه بيدور في باله أفكار. أميرة: ندى إنتي فين ي ندى الحقيني. أه بطني بتتقطع. ندى كانت نايمة خالص. أميرة راحت وفتحت الأوضة وصوتت ووقعت على الأرض. ندى قامت مرعوبة: _إيه في إيه زلزال ولا إيه؟

بصت لقت أميرة واقعة على الأرض. صوتت أول ما شافتها. حاولت تفوقها بكل الطرق مش عارفة خالص. اتصلت على لؤي مش بيرد. في الآخر رنت على هادي. هادي فتح عليها وكان يوسف قدامه: _إنتي بتقولي إيه مال أميرة؟ ندى بعياط: _مش عارفة الحقني يا هادي وقول للؤي. أنا مرعوبة ومش عارفة أعمل إيه. هادي وقدامه يوسف وسامع كل حاجة. يوسف قال: _أنا هتصل بدكتورة سارة وهخليها تيجي في أسرع وقت. متقلقوش إحنا جايينلكم في الطريق.

كنت قاعدة برة وفجأة لقيت يوسف وهادي خارجين وبيجروا بسرعة. وأنا مش فاهمة في إيه. قولت أكيد في حاجة بس مش عارفة إيه هي. فضلت قاعدة زهقانة. فجأة لقيت في وسط ما أنا قاعدة. سوزي والسكرتيرة اللي اتخانقت معاها الصبح بتاعتها كانوا قصادي. سوزي قالت بشر: _مش قولتلك إن مسيرك هتقعي في إيدي؟ فاكرة إني كنت هسكت على اللي عملتيه فيا كده بسهولة؟

جيت أرد لقيت فجأة لقيت السكرتيرة بترش في وشي حاجة غريبة. الدنيا فجأة بقت سودة في وشي ومحستش بأي حاجة بعدها و!!!!!!!