الفصل الثاني

عيسي//نور…..انتي بتعملي ايه هنا!!
نور//عوزة اروح حاسة…..اني تعبانة شوية
فضلت واقفة بعيد……البنت مشيت وهو فضل مكانه… لحد ما اتأكد انها خرجت من المكان كله……وانا رجعت وركبت العربية……غمضت عيوني وانا باخد نفس…. وبفكر…..هو عيسي ممكن يعملها بجد؟؟…..روحي وقلبي كل حاجة بتقولي مستحيل…..
لكن عقلي كان رده مختلف….وان ليه لا؟؟؟…..مش بعيد يكون متجوزها اصلا…..انا مش بخلف!!….وهو طول العشر سنين مفكرش يقولي انه هيتجوز!!!….ده مش غريب؟!!!!
عيسي//تعبانه ازاي….نروح مستشفى؟!!
نور//لا انا عوزة ارتاح شوية بس
عيسي//مالك يانور؟؟!!…..انتي بتعيطي!!!!
نور//ابعد عني….متلمسش ايدي
بقولها بهجوم غريب…….وانا نظراتي لشباك العربية….. ودماغي تحليلاتها كتير……وروحي بتصرخ من الصراع المرهق اللي جوايا…….مكنتش حابه اسأله….طبيعي هينكر حتي لو بينهم حاجة…….
بيبعد ايده…..في صمت….ومش بيتحرك بالعربية… لحظات وبتكون البنت دي رجعت تاني….بتقرب علي العربية بأبتسامة…..وهو بينزلها!!!!!!!
رنا//هي دي نور!!
مش بنزل من العربية…..وللحظات بحس ان عيسي اتكسف….ببعد نظراتي عنها….وبتجاهل وجودها…
عيسي//احنا هنمشي دلوقتي….ممكن تيجي نوصلك معانا
إلحاح رهيب منه لتوصيلها…..بعد رفضها بحجه انها مش عوزة تتعبه….لكن في النهاية بتوافق….وبتجيب ولد صغير معاها…..وهنا ببدأ اركز لكن مع الولد….
للحظات بحس ان دموعي هتخوني وتنزل…..مكنتش فاهمه مشاعري الفياضه بشكل مفاجئ…..روحي اللي بتحن للنسخة التانية مني…..نسختي كأم!…..وفطرتي اللي بتصرخ جوايا…..زي طفل مجروح!!……
بشكل تلقائي….اطراف ايدي بتلمس بطني….لكن في لحظات بحس بأيد تانية…عيسي!!!….اللي بيمسك ايدي
عيسي//رامي ناوي يرجع من السفر امتي؟
رنا//ممكن الشهر الجاي….وقتها لازم تنورنا بقي وتتغدا معانا انت ونور
عيسي//اكيد ان شاء الله….
بنوصل عند بيتها…..وبتنزل….وعيسي بيفضل موجود لحد ما بتطلع بيتها…وبيتحرك بالعربية تاني…..وانا بتفرج علي الطريق…..الهواء والليل……بيقف بالعربية وانا مش بتحرك….نظراتي زي ما هي….
عيسي//في ايه يانور!
نور//في ايه هو حصل حاجة؟
عيسي//تعالي ننزل…..
نظراتي للحظات بتكون علي الطريق….الوقت متأخر…. غالبا مفيش ناس غيرنا…..مفيش بينا غير صوت البحر الهادي….بينزل….وانا بفتح باب العربية وانا حاسة اني مش قادره….وعوزة انام!!….بيحط الچاكت بتاعه علي الأرض…..قدام البحر!!
عيسي//اقعدي….
بقعد علي الچاكت….وبيقعد جمبي….والصمت بينا بيستمر لدقايق….قبل ما عيوني تركز معايا….وينهي الصمت بينا
عيسي//رنا ورامي دول قصة حب زي روميو وجوليت كده…..الجامعة كلها عارفة ان رامي واقع من الدور السبعين وهي مش واخده بالها انه عايش علي الكوكب
نور//كانت واقفه معاك ليه
عيسي//….ما ده بقي اللي قعدنا هنا عشانه….انا سمعتك بليل…..ومحبتش اتكلم معاكي وقتها
نور//سمعت ايه بظبط
عيسي//كل حاجة يانور…..ليه مش عوزه تتكلمي معايا وليه مخبيه عني مشاعرك….وانتي عارفة اني مستعد اسمعك
نور//……مشاعري دي مسؤليتي انا….وانا الفترة دي مش افضل حاجة
عيسي//وانتي كلك مسؤليتي….من امتي في بينا اسرار اصلا!!……لما قررتي متتكلميش معايا بدأتي تشكي فيا…..انا اكيد خدت بالي يا نور
بهرب من نظراته وانا عيوني علي البحر…..وبعدها علي اطراف ايدي اللي بفركهم في بعض بتوتر……وانا بحاول بكل الطرق عيوني متقابلش نظراته……لحد ما بيتنهد وهو بيبعد ايديا عن بعض…..
عيسي//نور……انا سامعك
نور//عيسي انت مش عاوز ولاد!!!!
عيسي//اكيد عاوز……عاوز ولادنا…..انا وانتي….اكيد وقتها هنقدر نربيهم كويس…..
نور//لا قصدي….تتجوز
عيسي//انتي اصلا مش قادره تقوليها بتفكري فيها ليه
نور//عشان…..
عيسي//نور عشان الموضوع ده ينتهي انا بحبك انتي واختارتك انتي شريكة لحياتي…..وانا برضو اللي اخترت اكمل حتي لو هنحاول مليون مره وفي الاخر مش هنجيب ولاد……انا راضي وكفايه انك معايا وبس
نور//بس كده هظلمك معايا
عيسي//ده لو مكنش اختياري انا
نور//بس انا اصلا مش كويسة ياعيسي
عيسي//وعشان كده كنت واقف مع رنا……هي دكتوره وانا كلمتها وعرفتها بالتحاليل اللي عملناها وكلام الدكاترة وكل حاجة….وانا عملت كده عشانك….. هنحاول تاني…..المهم تكوني انتي كويسة
نور//انت سمعت كلامي كله؟؟؟؟
عيسي//ايون….كله كله…..وفي الحاله دي انتي مضطرة تعرفيني كل حاجة…..واهمهم ليه مكنتيش عوزة تكلميني عشان جرحت قلبي الصغير
نور//التجسس حرام علي فكرة
عيسي//بس ده مكنش تجسس….انا كنت جاي اقولك اعمليلي نعناع
نور//عموما انا كنت شاكة فيك بصراحة…بس خلاص طلعت بريئ
عيسي//نور انا بتكلم جد…..انتي انثي….طبيعة جسمك وهرموناتك…..هتخلي في تغيير انتي انسانة مش لعبة وده طبيعي جدا….ليه عوزة تكوني برفيكت….ليه الفيك!!!!
نور//مش كده بس حسيت اني بكبر
عيسي//وفين المشكلة!!! ما احنا هنكبر…..والعمر هيعدي….بس احنا اللي بنختار نكبر مع مين وازاي…. ومش مطلوب منك تداري حاجة هي فينا كبشر لانها مش عيب عشان نداريه
نور//تصالحك مع نفسك مخليك معندكش مشكلة في دقنك
عيسي//شكلي وسيم من غيرها ومش موضوعنا دلوقتي
نور//……..يمكن محتاجة اتصالح مع نفسي ومع حجات كتيره ظهرت مؤخرا…..لكن مقولتليش بقي امتي!!!
عيسي//امتي ايه؟؟
نور//هنتخانق…وتعايرني وتجيب نقط ضعفي في الخناق وتضغط عليا بيها والكلام ده وتطلع حقير نرجسي سايكو
عيسي//!!!!!!!!!!!!!!!……بكرة…..بكرة هجهز نفسي ونهيئ البيت والعيال لمحكمة الاسرة
نور//بس احنا معندناش عيال!
عيسي//خلاص يبقي نجيب عيال…وبعدين نبدا السيناريوا ده عنيا الاتنين……عارفة لو شوفتك بتقرأي روايات تاني
نور//هتعمل ايه
عيسي//مش هعمل حاجة…..هقعد جمبك نشوف البطل السايكو ده بيبقي عامل ازاي عشان اظبط الدور
نور//مش محتاج والله انت شكلك بيقول انك هتطلع اكذوبة في طريق قصتي
عيسي//اكذوبة؟؟؟؟؟؟؟؟؟؟؟؟
بيحاول يدور حواليه علي اي حاجة يحدفني بيها….. حقيقي عنده حق….انه مستحملني لحد دلوقتي ده في حد ذاته مثير للقلق!!!….بتحرك من مكاني….وانا بجري علي العربية…..وهو غالبا مصدق يطلع عصبيته مني في الهزار….!!!!!
وحقيقي مش فاهمه انا بعمله ايه؟؟؟؟؟……
رنا//نورتي…شكلك صالحتها نظراتها ليك مش قاتله زي امبارح
بنبدا رحلة علاج جديدة!……حقن….ادوية…حجات كتيره مرهقة….مؤلمة…لكن كنت بكمل علي امل بسيط ودعوة خفية بين سجودي……
عيسي//نور….ايدك بترتعش ليه!!
نور//انا تعبت اوي….بجد تعبت من كمية الحقن دي بطني وجعتني ومبقتش قادره
بيدخل وانا قاعدة علي طرف السرير…..ايدي بترتعش…وانا ماسكة الحقنه…اللي مش فاكرة عددها… وانا بعيط!…مكنش في رد….لا انا ولا هو كان عندنا طاقة لاي حاجة…..الامر كان مرهق اكتر مما توقعت
بيحضني….وانا بعيط….ومن جوايا بدعي كل ده ينتهي واخلص…..فترة بين الامل واليأس….والتعب والارهاق والتمني…..
عيسي//مش هتاخديها؟
بيوجة كلامه ليا…..بعد ما بيشوفني بحطها تاني علي الكومود جمبي……
رنا//هصلي الاول……
بتوضي وبدخل الاوضة….اللي المفروض اوضة الاطفال….لكنها مقفولة حتي مبقتش قادره انضفها من التراب!!!…..
ببدا صلاة…..وبحس ان طاقتي انتهت…كل الحلول خلصت….ومعاها طاقتي….وفلوس عيسي!!!
بسجد ودموعي بتسبقني في الدعاء……كل حاجة جوايا كانت بتدعي نيابة عن لساني….روحي اللي تعبت من الامل اللي كل فترة يجي ويتاخد مني في لحظات!!!…….وقلبي اللي بيحس بندبة كل ما يشوف طفل صغير……
بخلص صلاة……وبفضل مكاني ادعي….بدموعي.. وللحظات بوصل لحالة الانهيار….وكفوف ايدي بتحضن ملامحي……اللي اعلنت انهزام تام…..
مش بحس بيه لما بيدخل……يمكن كان بيحاول يفهمني ان الموضوع بالنسباله عادي وانه قضاء الله…. لكن…..كنت واثقه انه بيداري…..وقد كان
نور//عيسي الباب بيخبط……
عيسي//طيب
بيعدي اسبوع…..وبحس اني احسن نفسيا…..وبقرر اصبر واستغفر…..ومع الوقت بقيت راضيه….لكن باخد بالاسباب…..قلبي بقي هادي….مشاعري اخف…مش بشك في عيسي….لاول مره عقلي يوافق قلبي والاتنين يدافعوا عنه؟؟؟؟؟عقلي بيدافع عن راجل!!!….لقد وقعنا في الفخ!!
عيسي//تقريباً دي التحاليل…..
نور//رنا كانت قيلالنا ان بنسبة كبيرة مفيش حمل
عيسي//هدخلها جوه
بيدخلها جمب اخواتها…….وانا بتنهد وبكمل استغفار… وانا بعمل كيك…..وبتجهز وباخد منها…..وبعمل قهوة لعيسي وعصير ليا…..وبدخلهم البلاكونة
عيسي//ريحة الكيك تعبر عن

الابداع
نور//حطيت شكولاتة اكتر المرادي
بيحب الكيك بالشوكلاتة بشكل غريب!…..بيقطع كلامنا صوت موبايلة….بيفتح الخط لدقايق…..وبيقفل وانا مش قادره افهم ماله!!
نور//عيونك يابني هتخرج من وشك…..مالك
عيسي//رنا!!!!!!!!!!!
نور//مالها….متقولش انها قالت علي علاج تاني هعمل نفسي مسمعتش حاجة
عيسي//…………..قالت انك حامل!!!!!!!!!!!!!!!!!
لثواني باخد نفس وضع عيسي……بحس ان كل حاجة وقفت لثواني مفيش صوت!!!!!……عيوني بترمش اكتر من مره يتبعها ابتسامة سخرية……غالبا اتجننت!!!
نور//مين؟؟…..ازاي!!!
بيبدا عيسي يخرج من الحالة اللي سيطرت عليه لثواني وهو بيضحك…..وانا بضحك علي ضحكه لكن مكنتش فاهمه حاجة!!!!
عيسي//قالت انك حامل…..والله
نور//عيسي الموضوع ده مفيهوش هزار ولا مقلب من بتوعك….
عيسي//والله العظيم مش بهزر……
وهنا بتأكد ان احنا الاتنين مجانين اصلا!!!!……صوت ضحكتي مع دموعي…..مع الطف يوم عدا عليا في عمري……صوت دقات قلبه اللي كنت بسمعها وقت السونار…….والانتظار…جسمي اللي اتغير وانا مبسوطه!!!!!!!…..
نور//انا خايفة…..
عيسي//متقلقيش….عدت حجات كتيره وكنتي قوية وانا جمبك
بيخبي ايديا بين كفوفه……وانا بتنهد براحة
يمكن عيسي كان عشوائي…..حركي…..عنيد نوعا ما.. لكن كان اختياري الوحيد الصح في حياتي…..وزي ما بيقولو «مؤنسي….ألِفتُ الانس بجوارة»
ليا//يا ماما خبيني بسرعة بسرعة……
بتدخل ورايا…..وهي مقتنعه انها كده مستخبيه ومحدش شايفها…..وهي حاطة ايديها علي شفايفها وبتضحك وبتداري ضحكتها…..عشان صوتها….الاهم من الشغل ظبط الشغل
عيسي//قدرت تهرب مننا يا يآمن تفتكر راحت فين…
بيضحك يآمن وهو بيعمل نفس حركتها….وبيداري بأيده ضحكته….شيء متوقع بما انهم تؤام ودايما بيبهروني……..بيقرب منها عيسي وهو بيشدها وهي بتضحك
وللحظات بسيب قميص بتاع عيسي اللي كل اسبوع لازم يكون مفيهوش زرار واحد سليم….والبركة في ليا
وبتفرج عليهم…..وانا مكملة استغفار….وقلبي فيه فراشات!!!
عيسي//هاتي بوسة واسيبك
ليا//بس ياولا بتكسف
مكنش عندي شك…..انه هيكون اب هايل!!!!…..زي ما قدر يكون الجزء التاني لروحي.
تمت