رواية نور وعيسى الفصل الأول 1 - بقلم دعاء فرج

نور//عارف لو تبطل انحلال اخلاقي…..دقنك هتنبت
عيسي//تنبت ايه هي زرعة؟؟؟
نور//هتنبت انا واثقه
عيسي//نور ياحبيبتي انا مش مهتم دلوقتي تنبت ولا تزرع….انا كل اللي مهتم بيه طبق الورق عنب
نور//همك علي بطنك
عيسي//انا مش فاهم هحط همي فين لو مبقاش علي بطني؟؟؟؟؟
نور//نزلت لمامتك؟؟…..كانت بترن عليك وانت نايم لو جيت تنزلها عرفني….عملتلها الكيك
مكنتش مهتمه للكيك اصلا….بل كنت بعمله وانا من جوايا انه مش ليها…لكن كنت حابه افتح الموضوع بشكل غير مباشر….بطريقة التشيز كيك…ودي انا اللي اخترعتها عادي!
عيسي//عملتي الكيك؟؟
بيدخل ورايا المملكة الساحرة….قوقعتي الخاصة… المطبخ….وهو مستغرب ملامحة مكنتش مصدقة! عنده حق مين ممكن يعمل لسارة كيك؟؟؟
نور//ايوة…..وعملتلك برضو بس بالشكولاتة
بقولها بهدوء مع ابتسامة…..والعتاب حظه كان في عيوني….مكنتش عوزة الموضوع ينتهي….وفي نفس الوقت ميعملش مشاكل بينا…..عشر سنين جواز مش فترة بسيطة…..لكن مع الوقت المشاكل حساسيتها بتزيد؟؟…..
وفكرة ان مشكلتي دلوقتي مع امة…..خلتني لاول مره افهم يعني اية اتحكم في غضبي….القوة الناعمة!!!
عيسي//مش هتيجي معايا؟؟
سؤال معصب….خصوصا لشخصية نرفوزة زي….بتنهد وانا بجيب الشكولاتة من التلاجة….ونظراتي بتقابله للحظات بلا تعبير……وبنظرة تفهمه ان مينفعش يتجاهل…..واني منستش ولا عديت!!
أحياناً بنختار السكوت….ولغة العيون….لان تعبيرهم للمشاعر….ابلغ ما يكون….خصوصا لموقف زي ده ومحور الحديث امة…..وكرامتي!….
بخرج الكيك…..وببدا ازينها بالشكولاتة…..مع لمسات انثوية خاصة…..من إبداعي…وانا بستغفر…الحل الامثل لعصبيتي….وكان ومازال الحل الوحيد للمشاكل بينا طول فترة جوازنا….اللي من غير ولاد!!!
عيسي//نور….لو سمحت ثواني
انا وعيسي مكنش بينا قصة حب…..ولا قد ايه تعب عشان يوصلي…..بالعكس جوازنا كان سهل جدا…… لما اتقدم كانت اول مره اعرف انه عايش علي الكوكب!!
ارتحت لما شوفته…..قلبي قالي هو ده…..ذوقه في الكلام العفوي اللي باين انه مش تصنع……
نور//نعم…..محتاج حاجة
عيسي//…….ايه اللي حصل بينك وبين امي
نور//هي مقالتش؟؟
عيسي//حابب اسمع منك
بقعد قدامه……اوقات بحس اني مش قاعده قدام زوجي….بتحس روحي بآمان غريب…..وكأنه اب وانا بحكيله اللي حصل معايا…..عشان يجبلي حقي!!!!
لو حد كان قالي اني في يوم هبقي كده!!!….او مشاعري تحس بكده؟؟؟…..عمري ما كنت هصدق
بلمس ايده……اللي ايديا بتغرق فيهم…..حركة تلقائية مني دايما بعملها…..او دايما بكون تلقائية جمبه!!
نور//عيسي انت عارف كويس ان بحترمك…..وحجات كتيرة بتحصل بعديها عشان خاطرك……لكن انا مبقتش قادره استحمل واعدي اكتر……انا كرامتي بتوجعني ومش بحب احطك بيني وبينها بس بجد تعبت
بتنزل دمعة من عيوني…..وانا في بالي كل مواقفها معايا….وكلامها ليا……بتسبقني ايده وهي بتمسح دموعي….ومستني اكمل كلام…..
نور//مامتك بتغلط فيا…..موضوع الخلفه ده مش في ايدي…..والموضوع ده بجد بيوجعني…انا هعمل ايه يعني ده قضاء ربنا…..
عيسي//انا هتصرف…..ومتروحيش هناك تاني
نور//وبعدين انا عجزت يا عيسي وشكلي كبر!!؟؟؟؟؟
عيسي//كبرتي ايه ياحبيبتي اللي قدك منهم لسه هيتجوز
نور//بتضحك عليا انا شكلي كبر صح؟
عيسي//طبيعة الانسان ان شكله بيتغير مع المراحل العمرية
نور//عيسي انا مراتك مش مديرك في الشغل وبسألك عن التغيير البيولوجي
عيسي//اه عندك حق……بس عموما يانور عيني مهما تكبري بالنسبالي مش هشوفك كبيره
نور//ليه كنت ابويا!!!!!…..انت في الرومانسية صفر المفروض تستنكر اصلا ويجيلك حالة من الذهول والهلع ان معقول انا حاسة اني كبرت!!!!!!
عيسي//..!!!!!!!!!!!!!!!
نور//عليه العوض…….انا هروح اجهز الغداء
عيسي//كل ده عشان بقيتي تلاتين!!!!!اومال لما تبقي في الخمسين هتعملي فيا ايه؟؟؟
بدخل اجهز الغداء….ايدي بتتحرك بين الاطباق…لكن عقلي كان في مكان تاني…..رغم ان متعرضتش لحمل و ولادة لكن ملاحظة تغييرات عليا……وحقيقي مش فاهمه تغير ايه اللي في السن ده!!!!….الموضوع بالنسبالي مكنش هزار كان فعلا مضايقني…… واللي ضايقني اكتر ان حسيت ان ثقتي فيا اتهزت!!!!
وده كان اكتر شيء مزعج بالنسبالي……بيحفز شعوري بالنقص….اللي بخبيه جوايا كأني بحافظ علي سر…. مكنتش قادره انظم مشاعري…..واكلم نفسي بكلام ايجابي…..لان مكنتش محتاجة ده…..انا كنت محتاجة عيسي يقولي ده!!…….لكن مستحيل يعرف ده
نور//الغداء جاهز…..
عيسي//هتروحي معايا الفرح بكرة!!
نور//…..ماشي بس تعزمني علي الغداء بره
عيسي//انتي تؤمري ياستي وماله…معاكي من ربع جنية لخمسة جنية بحالها
بنتغداء…..ومن جوايا ببقي شايلة هم الفرح ده…مش بحب الدوشة والازعاج…..والحركة السريعة اللي بتوترني…..لكن بحاول اهدى قلبي بأن كل حاجة هتكون كويسة….وانه معايا…مجرد ساعة وتنتهي!
بيدخل ينام……وانا بقعد في البلاكونة…لحد ما الساعة بدق 10….وبيجي معاد الثيرابي!!……مؤخرا مبقتش قادره اتعامل مع نفسي لوحدي….ومش قادره اكلم عيسي…..وحقيقي مكنتش فاهمه ليه عشان اقولها أسباب!!!
#//بيتجاهل مشاعرك!!
نور//…..بالعكس بيهتم جدا….بيقدر يفهمني ومش بيحسسني اني حساسة اتجاه حجات كتيره رغم انها حقيقة…..لكن مش قادره اكلمه….حاسة ان الموضوع بيجرح كرامتي…..او يمكن…….مش عارفة انا مشتته جدا اللي متاكدة منه اني محتجاه جمبي لكن برضو مش هقدر اكلمه….
#//وجوده هيحل مشكلتك
نور//ايوه…ده مش عشان مش بقدر اتعامل مع مشاكلي بس أنا بثق فيه….حتي لو فضل جمبي وساكت ببقي حاسة ان مفيش مشكلة اصلا
بنتكلم مدة محددة…..وخلالها بتعرف حجات كتيره….. خوفي بيهدى شوية……بتنصحني اعرفه انا حاسة بأيه
نور//خضتني انت هنا من امتي!!
قبل ما بتحرك من مكاني بشوفو قدامي….بحاول افهم من تعبيرات وشه هو سمعني ولالا…..لكن مكنش في اي حاجة بتقول انه سمع……لكن كان في حجات كتيره بتقول اني متوتره دلوقتي وخايفة
عيسي//مالك في ايه…كنت بشوفك عادي لما ملقتكيش
نور//كنت لسة داخلة دلوقتي……تصبح على خير
بسيبه وبدخل قبل ما يرد……او بشكل اصح بسيبه وبهرب من قدامه…..قبل ما اقابل عيسي كانت مشاكلي ومشاعري….حياتي كلها بكل تفاصيلها مسؤليتي انا!!! محاولتش قبل كدا اعتمد على حد بالشكل ده…ورغم اني دلوقتي واثقه ان الموضوع مجرد وقت وهقدر اتعامل مع مشاعري دي…..بس كنت عوزاه جمبي!!
وكان ده الشعور الوحيد الغريب علي قلبي
عيسي//نور……أخيراً
نور//في ايه ياعيسي بتصحيني ليه!!
عيسي//المغرب اذن وانتي نايمة
نور//معقول!!!!!!!!……نمت كل ده
بستغرب اني قدرت انام كل ده!!!…….وهو مش بيعلق وبيسبني وبيخرج يكمل شغل علي اللاب!!
مؤخراً بدأت تجيلي مشاعر غريبه……قلق وخوف وغيره!!!……بقيت حاسة ان في بنت تانية في حياته!! مجرد شعور انا عارفة انه مش حقيقي لكن…..مؤلم
نور//نمت كتير اوي…… مش عارفة ازاي محستش بالوقت
عيسي//براحتك……كده كده مش وراكي حاجه
بيرد وهو عنية في اللاب…….وانا بحاول افوق وبفتكر فرح صاحبة……وبتنهد وانا بدعي من جوايا يكون الفرح كان الصبح وهو نسي
نور//اه صح هو فرح صاحبك امتي
عيسي//لسه هيبدا 9…..
نور//جهزت هدومك؟؟
عيسي//هي فيها ايه يتجهز!!!
نظراته بتقول انه مفكرش يفتح الدولاب…..بتنهد بيأس منه ومن عشوائيته الغريبه……برفع شعري وانا واقفه قدام الدولاب……مش عارفة البس ايه!!!!…..
لحد ما بستقر علي فستان سادة اسود!!…..وبقرر اغير في شكله عن طريق الاكسسوارات……ونفس اللون بختار بنطلون وقميص لعيسي…وانا عارفة اول جملة هيقولها هتكون ايه………
عيسي//كله اسود!!!…..ده فرح مش عذاء
نور//اللون الأسود شيك…..واحنا مش من قرايب العروسة يبقي نلبس شيك مش مبهج…….
عيسي//!!!!!!!!!! انا صاحب العريس
نور//اقولك فكرة….خلي صحابك يلبسوا زيك عشان العريس يكون مميز بينكم
عيسي//مميز ايه….البدلة اللي هو بيتجوز بيها دي كلنا اتجوزنا بيها….دي هتتوارث مع الاجيال
نور//!!!!!!!!!!!!!!!
عيسي//وبعدين لازم كلنا نلبس زي العريس…..يعني تخيلي القميص بتاعه اتبهدل….يكمل الفرح ازاي!
نور//ازاي؟؟؟

عيسي//حد فينا هيبدل معااه سهلة انتي معقدة الموضوع ليه…..هاتي بس قميص أبيض
بغير بين السلاسل…..وانا مش عارفة اختار بينهم…. وبقرر اغير اللبس كله….وعيسي نظراته بيني وبين الساعة…..وبنتهي من حيرة الدريس وبنبدا في الشوز!
عيسي//يانور والله مش فارقه الشوز بكعب ولا من غير كعب…..الاتنين شوزات
نور//انت بذات متقولش رأيك في اللبس…..وبتفرق جدا علي فكرة والاتنين مش شوز ولا حاجة….الشكل بيتغير
عيسي//!!!!!!!!!!!!!!!!!!
بخلص لبس بعد معاناة…..وملامح البهجه اللي بتترسم علي عيسي…..وان أخيراً هننزل……مش فاهمه فين المشكلة لما اختار لبس والبس وبعدين اغير لبسي كله!
بنوصل الفرح…..وعيسي بيبدا يسلم علي طوب الأرض وانا فجاة حسيت بالملل اللي كان حاسس بيه لما كنت بلبس
نور//زهقت…..
عيسي//لحقتي؟!!….لسه جايين
نور//عيسي انت بجد ممكن تبدل هدومك مع صحبك!
عيسي//؟؟؟؟؟
نور//عيسي اوعى تعمل كده عشان بجد هقرف منك
عيسي//؟؟؟؟؟
بسلم علي العروسة وانا اول مره اشوفها اصلا….ولكن كأننا نعرف بعض من سنين وبتشدني وبقف جمبها مع اصحابها!!!……وعيسي بيسبني وبيقف مع صحابه
شكلها كان مميز فعلا…..ومميزة بينا بالفرحة اللي في عنيها…..شكل العيون وهي بتلمع….بيكلمنا عن قد ايه في فراشات جوانا…..
بنقف حواليها وهي بترقص…..بخفة وكأنها مش علي الأرض…..مش معانا…..بتتحرك حركة انثوة…..طبيعيه بفطرتها لحب الدلع……مشاعرها انها مش مضطرة دلوقتي غير فطرتها…..كانت بتتكلم في حركتها… ونظراتها اللي بتقابل حبيبها لثواني وتبعد تاني
عيوني بتبدا تدور علي عيسي…..اللي مكنش بين صحابة…..اختفى فجاة…..وهنا بيبدا احساسي مرة تانية يقلقني….روحي بتتقسم لاتنين….صوت جوايا بتقولي ان في بنت غيري…….وصوت تاني بيدافع عنه
مش بقدر استحمل التناقض ده…..وبقرر اخرج بره خالص واحاول اهدى مشاعري الغريبه دي…..لكن بتحرك خطوات بسيطة لقدام…..لما بشوفو عند العربية!!
وبقرر استغلها فرصة….عشان نمشي……لكن مع كل خطوة تانية زيادة…..بيبدا يوضح انه مش لوحده….. وبحس اني مش عوزة اقرب أكتر……لكن…….دي بنت!!!!
نور//عيسي!!!!!!!!