اتسوي روحك جاي تنسه
وما تجيهم..!؟
ومن بعيد اهواي تنشد
يمته ناموا..؟
يمته فزوا...؟
و القميص اللايگ اعليهم تبدل..؟
بعده نفسه..؟
اتسوي روحك تچذب وگلك صدگ..!!
غطي گلبك ذاااك هوه امبين بگلبك عشگ
...
ريحانه ياا انوب الولد هيج يكول كبر ليش خابرتي غير تعوفينه حتى يشتاقلج
شذى غير اني شتاقيتله
ريحانه ولج شذى اثكلي اليوم شفتي وباجر يمه بعد شوكت لحكتي تشتاقين
سهام انتي حابه قبل ريحانه
ريحانه لا وبالاصح مادري هو الحب شنو
سهام يعني منمتي فد يوم وانتي تفكرين بشخص
ريحانه افكر بس بالاكل
نور ههههههه هسه احنه همين نفكر بالاكل بس مرات يجذبنه شخص نبقه نفكر بي
ريحانه منو منجن حابه قبل
رهف بس بينه وبينج
ريحانه اي اكيد سرج بير
رهف نور انتي احجي هههه
نور اني احب اسد علي
شذى اخوي هههه اي عيني اخويه عنده معجبات هوواي
نور ولج بس مينطيني مجال دخت عليه حتى اراسله ميجاوب ويكلي انتي والتليفون شنو خالتي شلون تعوفه بيدج
ريحانه اي صح اسد ميحب يباوع لعرضه
نور بصراحه اني اضوج منج لانو اشوفه منطلق وياج مرات احسكم عدكم علاقه سوة لانو يشاقه وياج وانتي همين ويكفي انو انتو عايشين بنفس البيت هنيالج
ريحانه ههههه تعاي حبي عيشي ويا يوم واحد اله تقتلينه اسد ميعجبه العجب ودائما يكلي الفاهيه واني ماتحمل مخلصينها عرك واذا متعارك ويا اتعارك لو وي امه لو وي شذى
سهام زين اني احب ابن عمي وهو همين مخلصينها نضرات
رهف الله يطيح حضكم صارلكم سنتين وبس نضرات خبلتوني
ريحانه احسن لعد شتردين
رهف هسه اني مو مكبله بس نتشاوف من اروح للسوك من اطلع مرة طلعنه سوة ونتمشه سوة بس سهام لا فكريات
ريحانه مو كل ولد ينطلع ويا يمكن انتي تثقين بي بس الولد مو مالت ثقه ابد
شذى بس حسوني فديته
ريحانه رحمه الله اسكتي بعدج مزوركه من ورا
نور هههههههه كلنه يجينه الدور ونزورك
ريحانه ديله عوفن هاي السوالف ونامن باجر يوم طويييل
صدك منو تروح ويانه للصالون
نور اني ورهف بس سهام متروح تخاف من حبيب الكلب يلكفها
ريحانه ههههه وين يلكفها ولج روحي ويانه ميلكفج قابل يجي للصالون
سهام لا امي توصل الحجي لمرت عمي ويوصله الحجي ويزعل يكوم ميباوعلي
ريحانه صدك طفله نامن نامن
..
هبه يله ولجن كووومن
نور اي خاله ايي شكوو
ريحانه لا بنات صدك كومن نتريك بسرعه ونطلع
رهف اي نازلين وراج انزلي انتي
ريحانه نزلت اني وهبه وسهام وشذى غسلت وطبيت سويت ريوك وي البنات
نزلت نور شغلت الدي جي وكامت تركص وي البنات وشذى سمعت اغاني مصدكت ركضت تركص وياهن واحنه كلنه نسوي الريوك ونركص ونهلهل
انوب جبت الريوك شغلو اغنيه بس هادئه ماذكرها شنو اجتي نور شدت الوصله ع خصري وكالت يله شوفينه بنات الكليه شلون يركصن
ريحانه ولج خلي نتريك
سهام ميطير الريوك اركصي
ساميه اي يله شوفينه احنه نتريك وانتي اركصي
مرفد ولجن خلن البنيه تاكل من الصبح
ريحانه ام اسد احجي
شذى دركصي ولج يله
ريحانه درت وجهي وكمت اركص ركص خفيف وياهن ونور تصفك يمي وي الاغنيه اركص وهادئه اني جسمي مالت ركص هادئه يعني هز خصر جتف مو شعر وللكاع ميلوكلي
واجتي نور خلت ايدها ع خصري وهزيت خصري للكاع اني وياها وشذى فرحانه
وهبه تصيح ولجن بعد ساعه ونروح للصالون كملن غراضجن
سهام لا خاله حضرناهن البارحه باليل كلهن
ريحانه ولج كافي تعبت
نور دردكصي اركصي
شويه واجتي ساميه ياه يله كافي
مالك ليش عوفيها تركص ركصها حلو
ريحانه ركضت عليه وشلته ها ولك تريدني اركص
مالك اي حلو ركصج
ريحانه زين ليش مركصت ويايه
مالك لا اني رجال
ريحانه واذا رجال تعال ركصني
اسد علي يله بسرعه الي تروح للصالون تكمل بسرعه حتى اخذجن
نور انته تاخذنه
اسد علي اي ريحانه سويلي ريوك
ريحانه اي
رحت بسرعه سويتله بيض ورجعت خليته يمنه كعد يمي ويم شذى ياكل وساكت وكلهن يحجن كملنه ساميه كالت روحن انتن اني اكمل البيت
وجناين مرفد كالن احنه نسوي البيت روحن
هبه طلعت ويانه راحت ع بيت حسين علمود الملابس تاخذهن وتفرش الغرفه
واحنه بالصالون لبست فستان بيجي وبي ورد صغار من جوة وصاعد لحد الخصر بس مستور لانو مالت عرس وشعري ومكياج
ونور فستان اسود الضهر مفتوح ومكياج وشعرها رفعته
ورهف لبست بنطرون وبدي بس كلش حلوات ومكياج خفيف
نور كلللووووووش نخبل موو
ريحانه تخبلن اكيد بس شذى احله شي
وصدك شذى طلعت تخبل مع انو هيه سمرة كلشش وسمارها مو طبيعي لا سمره من الشمس محتركه حرك بس هسه طلعت تخبل
رهف يمه يمه مو مكياج خيال عود خفيف وهيج
مريم ام الصالون
تدللن حبايب يوم الجن وهم تجن هنا وامكيج الج بيدي
ريحانه اني لا بعييد هاي السالفه مني نشوف البنات
مريم والله انتي الي اريد امكيجج
نور شذى خابرتي اسد
ريحانه لا اني راح اخابره
نور اي ريحانه نطيني اني احجي ويا
ريحانه اي هاج
خابرته نور حجت ويا
نور الوو
اسد علي منو انتي
نور اني نور
اسد علي ها نور وين ريحانه
نور شلون عرفتني
اسد علي شنو اشلون عرفتج
نور يعني شلون عرفت اني مو ريحانه
اسد علي اعرف صوت ريحانه المهم وينها نطينياها
نور اي هاي هيه ريحانه يريدج اسد
ريحانه اي الوو ها اسد وينك
اسد علي كملتن
ريحانه اي كملنه تعال قبل لا تجي الزفه
اسد علي ماكدر اجي اني
ريحانه ليش منو يجي ياخذنه اذا مو انته
اسد علي ماكدر اشوفها ريحانه
ريحانه اسسد لا تبجيني والنبي لازمه بجيتي بالكوة والله صبر نفسك وتعال اخذنه
اسد علي ديله لعد عشر دقايق واني يمجن
ريحانه ولا تبين انته زعلانه حتى ماتبجي شذى
اسد علي تمام
ريحانه سديته منه وباوعت لشذى هيج يوم ماعرف ليش نبجي يعني هيه راح تزوج لو تموت
وحتى هيه شذى صح ماتبين بس ضايجه كلللش ومن اجينه للصالون لحد هسه ساكته واذا تحجي حجايه حجايتين وتسكت
متريد تبين هيه زعلانه بس هو هيج يوم يبين ع البنيه من تضوج ومن تنقهر
بقيت اباوعلها وكل شويه امسح دموعي هيه تسولف وي البنات بس بهدوء عن غير عادتها
شويه ودك عليه اسد
ريحانه يله بنات اسد بالباب
نور اي وين حجابي
ريحانه كلهن بالجنطه الغراض مالتنه يله بسرعه
رهف اني جاهزة
غطينه شذى بالبركع وطلعناها اول مشافنه نزل من السيارة جاي وحده اجه ع شذى ويباوعلها من جوة البركع ومبين عليه اشلون ضايج
صعدها بالسيارة ولازم ايدها باس يدها وهيه بتسمت اله والعبرة خانكتها
رهف صعدت بصفها واني ردت اصعد بصفها
اسد ريحانه اصعدي بالصدر
ريحانه تمام سديت الباب وصعدت كدام ونور يمها
هل مرة مشغلنه اغاني
ريحانه ها اليوم شنوو راح نودعج شتكولين نبدل ونكللهم البنيه ماتريد
شذى ليش ولج
ريحانه ها بعدج رايدته يعني
نور لعد اشلون ابن خالتي حلو وكلها تتمنا
ريحانه شو اسكتي حلويش يععع
اسد علي شذى مرتاحه بالكعده
شذى اي مرتاحه
بقينه نسولف لحد ماوصلنه فتح الباب اسد ونزلنه نساعد شذى بالنزله وكلها تلكتنه تهلهل وجكليت والنسوان هلهلن
اني طبيت شلت البركع منها ونزعت الصايه وشمرتهن هيه والبركع ورة شذى جبت القران خليته بيد شذى
وبقيت كاعده يمها وكلهن يهلهلن ويركص داير مدايرها بس اني ساكته وبس اضحك واسولف وي شذى
شويه ودخل ابوبه سلم على شذى وباس راسها واخذ وياها صور
بعدين هبه اجتي همين اخذت صور وخالاتها والبنات واني واكفه وراها بعدين اجه اسد كعدني بصفها وكف هو بالنص واخذ ويانه صور
خله رايه ع راسها وعيونه مبين عليها يريد يبجي ع فراك اخته
بعدين خله وجه ورة ضهري وايدخ ع ضهري حسيت بي اختنك درت وجهي عليه حضنته وبجيت بحضنه لانو صدك
بوقتها نقهرت شعور انو يكون عندج اخ ويسلمج بيدة لرجلج بقيت حاضنته وابجي بس شذى منتبهت بس ساميه نتبهت علينه دانبجي
ساميه لا تبجون كدامها مكياجها يخرب
درت وجهي منه هو حضنها باس راسها وطلع
واني عدلت وجهي وكعدت يمها
هيه لزمت ايدي بدت كلش تنهار شذى بدت تخاف اكثر واكثر
نور اجتي الزفه اجتي
ريحانه خليت البركع ع رايها واني لبست الصايه مالتي وكفت وراها دخل ابويه واسد وحسين وابو والنسوان يهلهلن ويركصن وام حسين تهلهل وخواته همين وصاير وجهن زرق ورق شذى تباوعلي وخايفه
لزم ايدها اسد وكفها واجه عمها باس راسها
اسد يله خويه نطلع
شذى لا اسد ماريد رجعني
اسد علي شنو متردين مو هذا كتلتلي نفسج عليه ولو هو لو ماريد يله خويه جاي ينتصر بالباب
شذى خايفه اسد خايفه
ريحانه يله شذى ماكو شي يخوف الولد منتضرج وابو يمه عيب الزمي وامشي
شذى لا لا ماريد
ريحانه لزمتها من ايدها الثانيه وباوعتلها واسد لازمها من ايدها الثانيه ومشت ويانه والقران بيدها
وصلنه للباب كامت ترجع بخطواتها
ريحانه يله خيتي سمي بسم الله
شذى يا الله
ريحانه ولج كلتج سمي هههههههه
اسد علي شافت حسين القرد سابح اليوم داخت بيه ترة وعلي خايس يسبح من جمعه لجمعه
شذى لا كل يومين
اسد علي شدراج حتى بهاي مسولفين
ريحانه هههههه وكعتي روحج يالعوبه
اجه حسين لزم ايدها وساعدنه نصعدها بالسيارة وصعدت امها يمها
واحنه بالسيارة كلنه
راحت شذى وبوقتها ماجنت ادري شنو شراح يصير بيها بقينه وياها لحد العشه بعدين رجعنه بس ساميه باتت وياها
احنه رجعنه كلنه اول مطبينه بديت ابجي اني والبنات يسكتن بيه بعدين البنات همين اجوي اخوانهن اخذن غراضهن بعد ماكملن البيت كله وراحن
واني وهبه كاعدات ونبجي
واني الفطيرة ابجي ياربي ليش ابجي قابل هيه ماتت ليش ابجي واشهك بالبجي
هبه يمه بنيتي البيت بدونها وحشه
طبيت لغرفتها لكيت اسد علي كاعد بغرفتها ويبجي عليه اول مشافني دار وجه ومسح دموعه رحت كعدت يمه وخليت راسي ع جتفه وبديت ابجي
ريحانه مكانها خالي اختك البيت محلو بدونها
اسد علي موجنتي مخلصتها عرك انتي وياها هسه ويامن تتعاركين
ريحانه اي اسد ويامن بعد اتعارك هيه مو كالتلك ماريد ليش ماكتلهم البنيه ماتريد ليش خليتها تروح وابجي
اسد علي دسكتي يالخبله والله ردت هيج اسوي بس شسوي قابل اخلي الناس تحجي علينه
بقيت ابجي عليه شويه لحد العشرة اجه ابويه اسد علي طلع من البيت واني صعدت فوك بدت ومسحت المكياج ونمت
كعدت ثاني يوم ع صوت هبه
هبه ريحانه كومي ريحانه
ريحانه ها ام اسد
هبه رايحه اودي الريوك لشذى
ريحانه اروح وياج
هبه لا ولج وين مايصير اروح اني واجي
ريحانه سلميلي عليها ام اسد
هبه انشاء الله
راحت هيه واني رجعت نمت مدري ليس كعدتني واني راح ارجع انام
للضهر كعدت لكيت الكل كاعدين
جاي يتغدون مر اليوم عادي بين سوالف هبه واسد وابويه وشقه بس مكان شذى صدك خالي بيناتنه
..
اجه يوم السبعه وطبعا لحد هسه محاجين وي شذى احنه من نخابر حسين يكول اني طالع لو شذى جاي تشتغل بس هبه دائما دكول احجي وياها
مو تخابر ع اختها ام احسين وتحجي وياها
رحنه للسبعه اني وهبه واسد وابويه وخالات شذى كلهن واخذنه الهدايه والغراض معفنه شي كلشششي اخذنه
رحنه لشذى وجنه صدك مشتاقيلها
...
بعد سبوعين جان اخر امتحان اليه بالكليه لهاي السنه والحمدالله احس نفسي كلشش زينه مع انو ضغوطات البيت مجاي
تخليني اقرة بس احس نفسي مجاوبه
بقيت بالكليه لانو اخر يوم وكذا اجه كرم سولفت ويا بعدين اخذني يم صديقاته هم سولفت وياهن شقه بضحك يله رجعت
كرم صدك ملعب ويعترف باليوم لعشرة
بس احسه انسان طيب يدور ع الحب بس ميلكا
كرم هااا وين صافنه
ريحانه مصافنه بس هيج اجتي شغله ابالي
كرم ريتني هوة
ريحانه منو
كرم الي ابالج
ريحانه هههههه خالي والله مبي احد
كرم تسمحيلي اجي اني
ريحانه لو مادري بيك تشاقه جان عفتكم وكمت
كرم ههههههه الله عليجن بنات اذا اكول لوحده منجن فديتجن لو ريتني ابالج شتكولن
استبرق اكلك ماكو غيرك بالي والله ههههه
حسين اي لانو زاحفه
هدى حتى اني هيج ردت اكله
حسين انلصمي انتي وهاي السوالف شنوو
هدى هسه اني شكايله غير الصدك
حسين ااا يعني كرم ابالج
هدي اي ومن زمان
بقه حسين يباوعلها وعافنه وضرب الكرسي وكام
ريحانه شبي حسين
كرم هدي انتي غبيه تدرين بيه ميميز الشقه من الصدك
هدى بس اني صدك جنت اتشاقه تدري بيه معتبرتك اخويه
كرم لعد ليش هيج حجيتي كدامه انتي لشوكت تبقين تغشمين نفسج
هدى كرم رجا اسكت
كرم اني اسكت بس خليها ابالج اذا ملحكتي عليه يطير منج وهو جان مقرر اليوم يعترفلج وكال اذا رفضت اخلي امي تخطبلي واسافر
يعني انسي شي اسمه حسين من اليوم
ريحانه الي فهمته حسين يحبها وهيه همين بس تكابر
بقينه نسولف بس هدى تباوع ع مكان حسين شويه وعافت جنطتهه وغراضها وكامت
ورة حسين
كرم يمه بنات الة بالعين الحمرة يله تجرن عدل
ريحانه ههههه ليش
كرم هدى نعرفها صار 3 اسنين من جنه ندرس بالسادس بالمعهد خصوص ولحد هسه ومن اول مشافها حسين نعجب بيها وباخلاقها
ريحانه وليش مخطبها
كرم ولج هيه منطيته فرصه تتغزل بالكل اله هو تدري بيه يحبها ويغار عليه وحايرة تغور بي
ريحانه يعني هو يدري بيها تحبه
كرم هو واحنه ندري بيه بس هيه تكابر وشوكت ماراد يفتح الموضوع وياها تغلس وتغيرة
ريحانه ياا ليش ع شنوو
كرم والله هاي عقولجن غير
ريحانه شبيها عقولنه متحجين استبرق
استبرق شحجي زين انته مناوي تعترفلي
كرم لو تموتين هههههههههه
ريحانه نسولف وشويه واجتي هدى لازمه ايد حسين ويضحكون احنه نسوينه نفسنه عادي
حسين اي متباركولي
كرم بالعافيه مبروك ع شنو
حسين كم يوم واخطب
وهدى خجلانه ومدنكه
كرم اي ع الخير منيه الجكمه الي قبلت بيك
هدى اتادب لك شنو جكمه جكمه بعينك
كرم هيه انتي شعليج خطيبته وبكيفي احجي عليها
هدى اني خطيبته عيني
كرم هاا دكولين اني الي بالج وبي اني وبس اني
هدى لا هذا حجي ههههههه
ريحانه مبروك يارب دوم مع بعض
..
رجعت للبيت ساعه 3 ونص الضهر شفت الفرع هوسه وطلعو زلم هواااي من فرعنه صرت ع صفحه فاتو كلهم لانو جانو اهواي
واهل المنطقه كلهم يباوعون عليهم لحد ماراحو اني فتت للفرع واشوفهم كلهم يباوعولي كلت ياستار شكوو
طبيت للبيت بيتنه مخبوص حسين وابو وابويه كلهمم موجودين وشخص لاول مره اشوفه الي هوة ابو اسد كاعد على صفحه وكلهم يسولفون ومتعصبين
مفتهمت شصاير شكوو ليش هيج كلها متعصبه وابو اسد متاثر وابويه الدموع بعينه
طبيت للمطبخ لكيت هبه ادك وتلطم ع وجه
خفت كلت شذى صاير بيها شي
ربحانه يمههه شكووو ام اسدد شكوو احجي شذى صاير بيها شي
هبه ولج ابني راح مني ابني
ريحانه من حجت هيج قسما بالله محسيت ع شي راسي افتر احس شفايفي تشككن عيوني غووواش واحس الدنيا تفتر بيه بهدووء
ريحانه بلعت ريكي وحجيت
شكو ام اسد شبي اسد
هبه راح راح مني راحححح
ريحانه احجي وياها وهيه متنطيني فرصه افتهم بس راح راح
بوقتها عرفت اسد علي راح مني ايدنه
.....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!