رواية نصف شهر عسل الفصل التاسع 9 - بقلم غزل الحجامية

يـ برحية ..
العـطش مو مـاي

العطش ..
يــم رگـبتــج يــروى

يـ برحية ..
اليـحب انـسان
يشم برگّبـته الحـلوة

نگطيلي البيـاض البــيچ
تـرى الشـفتــيـن هــم تهـــوة

...

ريحانه واني قابل ابقه واكفه وحدي خليني اروح يم اسد بالسيارة احسن مشيت واني اصلا مضيعه الطريق منين اجيت ومنين راح اطلع

ياا هسه شنو شسوي انوب وحدي ياربي بعدين طلعت من السوك ع الشارع العام شفت شباب هواي واكفين

كلهم اجو يمي

تكسي تكسي اختي تكسي عيوني

ريحانه لا شكرا عفتهم وبقيت اباوع ادور ع سيارة مالتنه واكفه بنص الشارع ماحس اله شفت اسد علي دايعبر الشارع  واجه من ناحيتي

من شفته كلت لا نعلسنه هسه يكلي شجابج وشسوين هنا

اسد علي شجابج هنا وحدج شسوين هاا.

ريحانه تعبت من الوكفه وكلتلهن رايحه يم اسد علي

اسد علي وماعرفتي تجين للسيارة كبل شعندج واكفه بنص الشارع

ريحانه مالكيت السيارة نسيت احنه وين وكفناها

اسد علي خاب الفاهيه امشي كدامي امشي

ريحانه باوعتله برفعه حاجب ومشيت من كدامه ع اساس اعرف السيارة وين جرني من زندي وكفني بصفه وعبرني الشارع ورحنه للسيارة صعدت ورة وسديت الباب قوي

عود متعصبه

اسد علي راتبج هووواي بيج خير تصليحن باب السيارة سدي ع كيفج

ريحانه فتحت الباب مرة ثاني وسديته ع كيف واني اباوعله بالسيارة بنضرة تحدي

ضرب الاستيرن واستغفر الله وسكت واني اباوع وذني اتاخرن بعدين مدري اشلون والله بدون قصد شفت محل يبيع موطه فزيت كبل اني والموطه شي خيال

بقيت اباوع للمحل اذا انزل اشتري اسد يسويني موطه واذا اكله اخسر كرامتي بقيت اباوع وشفت بنيه تشتري هيه وطفله ضجت وغرت اني هم اريد

بس هنه شنو بقيت اكل بنفسي كلت بس تجي ساميه اكللها

فتح الباب اسد علي ونزل من السيارة

اسد علي ابقي هنا هسه اجي

درت وجهي منه هو راح بقيت اباوع من الجهه الثاني ماباوع ع المحل لانو ضجت اريد موطه شنو السالفه

عاد خمس دقايق ونفتح الباب باوعت بيدة موطه بتسمت لا اراديا  بس اشوو

هذا الخبيث منطانياها لا شمرها كدامه ع الجكمجه وحتى مباوعلي واني اباوع ع الموطه وابلع ريكي انوب هو ولا كانو

اني هماتين درت وجهي سويت نفسي ممهتمه يا زين اذا ماعت اشلون

عاد سكتت لحد ماجتي ساميه نزل فتح الصندوق الهن ردت اجرها بس كلت لا يمكن مو اليه بس انتبهت جاي النكهه الي اني احبها يعني اليه

غليت خلو الغراض بالصندوق

ريحانه مابقه شي ترة كلشي جبنا

شذى اي بس تعبت ترة

ريحانه اي والله حقج اني متت اليوم ماعدنه شي وباجر نروح للخياطه اخاف بيهن شي نرتبهن مابقه بس البيت عود نرتبه قبل العرس بيومين شتكولين

ساميه ياقبل العرس بيومين يومين هيج ونجي احنه كلنه اني وخواتي

ريحانه تنورن هله بيجن

ساميه يعني عوفن كلشي من نجي البنات يساعدنجن بكلشيي

ريحانه لا ع شنو احنه بسرعه نكمله بس هيج كتلها

ساميه يمعودة من نلتم احنه نخلصها سوالف وشغل يمكن نطرد اسد والحجي ونخلصها نسوي بيت نسوان

اسد علي هاا هاا بيها طردة

ساميه خالاتك واجتمعن لازم تنطرد

عاد وصلنه للبيت طبينه لكينه ابوي نايم كبل طبيت للحمام غسلت وصعدت بدت وشربت مي ونزلت لكيت اسد علي ياكل بالموطه

خاب سم وزقنبوت يارب وساميه تسولف وي هبه وشذى بالغرفه فتت من يمهن

ريحانه شذى وين

هبه بغرفتها

فتت ورحت لشذى شفتها كاعده ع الجربايه وصافنه ع الغراض

ريحانه هاا شبيج

شذى اشوف منسينه شي

ريحانه لا ماعتقد نسينه شي كلشي جبنه شوفي جنطه السفر طلعيها وجنطتي هسه انزلها ومالت اسد علمود باجر من نكملهن من الخياطه نرتبهن بالجنطه كلهن

شذى خليني ارتاح شويه واكوم اشوفهن شنو يحتاجن وانطلع المكينه واخلي خالتي تسويهن المن خياطه وهيه خالتي تبقه ورة العشه يله تروح

ريحانه بعد احسن اكلج شذى اشوو هذا جاب موطه وكعد ياكلها منطاني

شذى خاب كبري بعدج دورين موطات

ريحانه شوف منو يحجيي اي اريد لعد بس هو ياكل

شذى غير هو جابها

ريحانه واني اخته ليش مينطيني

شذى من شوكت اخته ههههههه

ريحانه ها تبريتن مني

شذى لا مو القصد هسه شويه ويجيبلج تدرين بي ميهون عليه زعلنه

ريحانه لا والله يهون الي سوينا مو قليل

واني احجي دك التليفون مالتي

باوعت اطياف جاوبتها

اطياف الو السلام وعليكم

ريحانه وعليكم السلام

ايطاف اشلونج حبيبتي

ريحانه هلو ياعمري تمام وانتي اشلونج

اطياف الحمدالله والله ماعندي شي كلت خليني اخابرج

ريحانه نورتي حياتي واني هماتين معندي شي

اطياف شبيج اشوو صوتج تعبان

ريحانه اي والله جنت بالسوك نجيب غراض لاختي عرسها بعد كم يوم وانتي اول المعزومين

اطياف هاا اي غراض لاختج اي الف مبروك يارب

ريحانه تسلمين حبيبتي

اطياف يله ياعمري ابني دايبجي اشوفه وانشاء الله اخابرج

ريحانه براحتج حبي بي وقت

شذى هاي منو

ريحانه حماتها لصديقتي

شذى وليش تخابرج

ريحانه هيج تسال عليه بين فترة وفترة

هبه ريحانه هاج هاي موطه

كمزت اخذتها منها يمه فدوة

ساميه ها ولج هيج تحبينها

ريحانه خجلت منها هسه شتكول ماماكله

هبه هيه ريحانه اذا تريدين ترضينها جيبيلها موطه تمووت عليها

ساميه اي اخلي ابني يشبعج موطات بس اقبلي ههههه

ريحانه قابله قابله بس خلي يجييي هههههههه

طبعا ساميه تدري بيه اشاقه وياها لانو هيه عفويه وتحجي بسرعه فاماتقيد بالحجي وياها هيه الوحيد الي هيج احجي وياها

شذى خاله لشويه اطلع المكينه واذا بيهن خلل انتي اترتبيهن

ساميه اي كومي هسه

وصدك كامت شذى ع الملابس واني رحت للمطبخ جبت عصير وكيك ورجعت يمهن

ساميه تذكرين نيشانه اني وياج هبه

هبه لاتذكرينه قلم حمرة واحد ودشداشه والبدله اجتي مشكوكه واحنه نخيطها وفرحانات هسه وين كلشي عدهن ومراضيات

ساميه يمعودة اذكر البدله كل شك بيها شكبرة وانوب اخته لزوجي هيه المراضيه شافتني اخيطها دكلي وين جنتي هسه يله

خيطتيها

هبه يمعودة ايام ومشت الحمدالله

ساميه وعوضج بابو ريحانه صح ماكو عرس بس شوفج الاحلى من العرس

هبه الحمدالله والشكر

ريحانه شذى البسي اول شي الدشداشات التراكات ماعتقد بيهن شي

لبست اول وحدة سمائيه ولاطشه ع الجسم بس طويله

ريحانه هاي بس طول انزعيها والبسي الثانيه ع ما اجيب المكينه

طلعت جبت المكينه وبقينه نسوي بالملابس لحد المغرب

ساميه ولج جيبي هذا البنطرون همين يرادله تخصر

ريحانه لا هذا هو موديله هيج

ساميه اي خلصنه

ريحانه عفتهن يسولفن ورحت للمطبخ طلعت دجاج مسلوك بس كملته وكليته وطلعت كبه وهمبركر كلشي وسويت الزلاطه ع ماكملو صلاة العشه جاهز

دخلت هبه

هبه يا عود كلت اجي اكلج شنسوي عشه

ريحانه لا كملت بس كملو حتى اصبه

هبه لا اليوم تعبتي كلش

ريحانه لا يمعودة تعب شنو عادي

هبه الله يبارك بيج واشوف يومج قريب انشاء الله

ريحانه هههههه انشاء الله وغمزتلها

هبه ها ولج رايدة تزوجين

ريحانه واني اثرم بالزلاطه واحجي وياها

لا ام اسودي الله يبعدنه قصدي يوم تخرج مالتي

هبه ههههه سباعيه مينخاف عليج انتي

ريحانه انشاء الله وهاي الزلاطه خلصت وينها ام علاوي

هبه كملت صلاة

صبينه الاكل شفت ابويه ستحيت اكعد كلت لو اموت سويت لفه وكعدت بالمطبخ وشذى راحت كعدت عادي واني من البارحه متجنبه ابويه وابد ماخلي يشوفني

شويه شوفته ابويه دخلي للمطبخ

فارس اي بويه وصايرة تاكلين وحدج ماتكولين عندي اب اسئل عليه

ريحانه ها مو مو وكبل بجيت

فارس يا هاي شنو بويه شبيج تبجين شكو شصار

ريحانه كلت اخاف زعلان مني وماريد اشوفك وجهي

فارس يعني تدرين بالي سويتي غلط

ريحانه بابا انته تدري بيه موقصدي والله ومن وصلت يله دريت

فارس ادري بيج اسد حجالي كلشي يله كومي كومي تاكلين لفه هو انتي لفه تشبعج

ريحانه بصراحه لا

عفت الفه وكمت وي ابويه واني امشي عثرت ابويه الله الله

وخله ايدة ع جتفي

اسد علي ثول يالفاهيه ومشه من يمي كعد ع العشه

اني مهتميت كعدت اكل وياهم

ساميه ام اسد عكب باجر كلنه نجيج شمحتاجه كولي من هسه

هبه ممحتاجه شي والله كلشي موجود والبنات من يجن عود يساعدن ريحانه وشذى بالترتيب

ساميه اي طبعا اول منجي

كملنه اني وشذى غسلنه الاماعين وصبيتلهم الجاي اوا مكملت الجاي اجه ابنها ياخذها وصدك سلمنه عليه وراحت مر ثاني يوم عادي سبت وماكو دوام مر عادي بين حجي شذى وصايه هبه اله

هبه ولج يمه اثكلي عيب ولا تخابرينه المثلج هسه كون تزعل رجلها ماخذها لهيج مكان

وهيه ولا كانو جاي نحجي عادي الاحد صبح كعدت بدلت ومكيجت مكياج حلو وطلعت للكليه والطلاب يتفقون ع حفله راح نسويها بعد كم يوم لانو هل اسبوع اوف (ماعدنه اي شي ) كاعده ع الستول واجتي بنيه كعدت يمي

تسولف شنو راح نلبس اني كلت مادام ماعدنه شي وهل اسبوع كله ماكو شي اني مالي خلك حفلات اغيب عادي

وصدك كلت لابو الخط هل اسبوع كله مايجيني اول طبيت لاكتني هبه

هبه ها عيني اجيتي

ريحانه اي شبيج ويامن تحجين

هبه وي اختي كالت مانجيكم اليوم باجر لانو صبيحه اختي عدها شغل وجناينها مفاضيات

ريحانه اي خير انشاء الله اني راح اصعد والله كلش تعبانه انام شويه

صدك صعدت رتبت الملازم مالتي ع صفحه كلت اكيد من يجن باجر يباتن البنات فاماريد الغرفه هوسه بالملازم رتبت كلشي المكياج

والنشرة الي ع الجربايه ونضفت الفرشه ومسحت الاخشاب وكبل نمت كعدت ساعه تسعه باليل

نزلت ميته جوووع

لكيت شذى تباوع تلفزيون

سويتلي اكل وكعدت يمها نباوع ع التلفزيون جانو بوقتها عارضين مسلسل حلقه اول ياباني ماعرف صيني وكعدت ابا ع وياها

ياربي اشلون مرتبين وملابسهم واشلون يسلمون ع بعض بقنه ليوين نباوع لحد ماسمعنه الباب اجه اسد علي ويضحك بالتليفون

اني شلت غراضي ورحت للمطبخ اجه هو همين ورايه يحجي ويفتح الثلاجه

اسد علي دنجبي صدك تحجين ..لج بابا تشردين شنو واهلج ابوج مريض ... انجبي حتى لو متعبينج غير مرت ابوج اذا متتحملينها لخاطر ابوج تحمليها ... دولي هسه اتعشه واجيج اي مع سلامه ..

ريحانه غسلت الاماعين وصفنت ع حجيه شنو تشرد ابنيه تريد تشرد من اهلها يااا صدك عود اعوذ بالله طلعت من المطبخ صعدت فوك كبل لغرفتي رتبت وجهي كريم وماعرف شنو

وبقيت العب بالتليفون للفجر نمت وكوة نمت لانو شبعانه نوم

كعدت ع صوت جهال يم باب غرفتي

باوعت ساعه 12 ونص كمت كبل بدلت وطلعت شفتهم جهال مرفد اخت هبه

بوستهم وخرت منهم غسلت ورجعت لكيتهم كاعدين بغرفتي

ريحانه ها ولك شسوون هنا

صادق منتضرينج اشوكت تروحين للكليه  عبالنه انتي مو هنا

ريحانه لا اليوم معندي شي وعلمودك غبت

مالك اريد اشوفج وانتي مكيجه امي دكول حلوة تصيرين

ريحانه يعني هسه ماحلوة اني اله اخلي مكياج يله اصير حلوة

صادق لا حلوة

نزلت وياهم لكيت مرفد وبناتها ثلاثه نور وسهام ورهف كاعدات يمها هنه بعمري تقريبن بس سهام حبابه بيهن

ريحانه السلام وعليكم

مرفد هله هله اشلونج

باوستهن وسلمت عليهن هسوتني كعدت واجتي هبه

هبه هاي شنو مرايحه اليوم عبالنه بالكليه

ريحانه لا نسيت اكلج البارحه ماعندي شي هاي الاسبوع وراح نخلصها حفلات وسفرات كلت اكعد شعندي اجتي من الله اصلا

هبه اي احسن الج دكومي كعدي شذى كوليلها خالتج هنا

ريحانه اي

كمت كعدتها اول مطلعنه من الغرفه اجتي خالتها الثانيه صبيحه هيه وثنين جناين وبناتها ثنين واطفال يمه البيت صارر سووك سوك

بس حلوة المه  مالتهن وهنه حبابات

سلمنه عليهن رحت اني للمطبخ جبت عصير وكيك وهنه لازمات شذى اليوم نصلخ بالشيرة منخلي جسمج يرتاح وشذى تضحك ودكللهن اي اي

عاد هبه كالت لا ع شنو هيه وريحانه يكعدن قبل الحنه بيةم يعني باجر وكلشي يكملن

وصدك هيج اتفقنه باجر البيت ينكلب كلاب هو اليوم وانلكب هنه اجني كاان متغديات بس احنه سوينه اكل وكعدنه كلنه ناكل ونسولف ونشاقه

للعصر مرفد اسكتي عيني مايفيد بيهن ولاعبالك بيتهن حايرات بس ميكاج ورجال خوب الجديده كلشي ماكو

هبه وانتي همين مرفد على كيفج وياهن انتي ماعرفج قابل اني

ساميه لا ولج مطلعاتلها عين صايرة متحجي

هبه احسن ولج هيه جنه شتريدينها تسوي

مرفد شنو شسوي يعني جنه تصبح ع عمتها ها عمه تريكتي عمه عوفي الغدة اني اسوي عمه لا تعبين نفسج

هبه اكلج مرفد رحمه لوالديج هنه بناتنه هيج يكولن حتى الجنه هيج دكول

ساميه اي والله صدكتي

سهام اكلج ريحانه شخبار الكليه حلوة

ريحانه اي حلوة مبيها شي

سهام زين  تجمعات وكذا وحفلات

ريحانه ولج هذا الاسبوع كله حفلات لانو ماعدنه شي مبقه شي ونكعد

سهام وانتي كعدتي ياحضي شبيج

ريحانه ولج خطيه شذى وام اسد وانتن شنو متريدني اكعد يمجن

نور لا موقصدها بس قصدها الي تشوف حفلات تنسه روحها مو عاد تذكر مرت ابوها وبنتها

ريحانه ام اسد مثل امي وشذى اختي الصغيرة اذا مافرح وياها بهل يومين شوكت افرح

شذى ريحانه ماكو منها صح هيه ثولة وفاهيه وخبله بس حبابه وكلبها طيب هنياله الي ياخذها

رهف هسه انتي جاي تمدحين تذمين ترة شعلتيها

ريحانه هيه هاي بنت خالتج مشاعرها معوقه عوفيها تفكر بحسوشها

شذى ولج هسه اجي

ريحانه شوفن موكتلجن تفكر بحسوشها

راحت واني اسولف ويا البنات بالمطبخ ماطولت بسرعه اجتي

رهف ها شكلج

شذى يكلي عندي شغل

.. بقينه نلف كبه ونسوي اكل للعشه اني والبنات وكملنه بسرعه لانو كلمن تسوي شغله بحيث حتى القوري سوينا صح كل شويه نكسر ماعون والضحك للستار بس عادي متونسين مر اليوم وتعشينه

البنات كالن نام فوك يم ريحانه وصعدت سهام وشذى ورهف ونور صعدن يمي والبقيه يم امهم بالاستقبال واسد علي ماجه بيومها لليل يله اجه

علمود ناخذ راحتنه وابويه اجه بس بقه بالغرفه عايفهن ع راحتهن

ثاني يوم كعدن من وقت من ورة الجهال

هبه اليوم تروحن تشوفن البدلات

شذى لا حسين خابرني البارحه كال المحل موجود بس نروح ناخذ البلادت منه حتى الفلوس دافعهن

هبه اي اخذي خالتج وروحي

ريحانه ع بختج ام اسد واني همين بعدني ممشتريه ترة

هبه اي روحي وياهن

وصدك بدلنه ورحنه وي سايمه لانو ساميه خفيفه وماطلع احد وياها اخذت ثنين فساتين واحد للحنه  يخبلل واحد للعرس بس مستور علمود اطلع بي بدون صايه عادي

رجعت مر السوم عادي واني والبنات لزمنه شذى صلخناها

ع كولت خالتها

ساميه اكلج ريحانه شنو متحجن وي اسد علي

ريحانه ها لا نحجي ليش

ساميه هيج اكول اشو لا اجه لشءى ولا حجه وياهت معقوله متعاركين وهيه باجر حنتها

ريحانه لا خلاف بسيطه اليوم نحله انشاء الله

ريحانه صدك ضجت كلت لا لازم اليوم نخلي شذى تصالح وي اسد علي وهو اخوها وباجر تروح صح هو متعصب بس بكلمه كلمتين يسكت

لليل سمعنا اجه نزلت اني وشذى لكينا بالمطبخ وكفنه بالباب وحدة تدفع بالثانيه

جان راد يطلع اني وكفت

ريحانه اسد شذى تريد تكلك شي

رفع حاجبه بوجهي وهو اطول مني بقيت رافعه وجهي بعدين باوعت لشذى

منحجين شبيج

اسد علي احجن شكو محتاجات فلوس

ريحانه لا بس شذى رادت تصالحك دكول باجر رايحه اني واخويه الوحيد زعلان مني

شذى اسد لا تزعل مني اني اختك وغلطت ومصار شي بس هو دفعني لهل شي

ريحانه لا مو هو انتي مستخفه

بقيت اباوع يا اني شحجيت ردت اكحلها عميتها

ريحانه قصدي اسد ممعقوله تبقه زعلانه من عدها اضحك وفكها عادي

اسد علي يعني عندج الي سويتنه عادي

ريحانه ياا عادي ولك غير ردت اموووت انوب الفاهيه عافتني وحدي تعال تعال اكعد

جريته هو وشذى من ايدهم كعدتهم واسولف وياهم

وشذى اتاشرلي اسكت

ريحانه لا تاشرين انجبي

شوف عافتني وراحت وي خطيبها الهتلي انوب لا كدرت اركب ملاعيب ولا شي بقيت مثل المخبله وحدي لحد مانته اجيت

اسد علي فاهيه جاي تكحليها تعميها

ريحانه لا اكحل ولا اعمي سالفه صارت انسها عادي وهل راح نخلص منها باجر حنتها شتلبس

اسد علي واكو اخ يفرح بحنت اخته حضن شذى وهيه هم حضنته بقو يحجون واني اسولف وياهم نسينه الزعل صعدنه فوك نمنه باجر اصلا ورانه مو بس تعب باجر مووت شغل عدنه

ثاني يوم عفنه البنات كلهن بالبيت ورحنه اني وشذى وام اسد للصالون والبنات كالن احنه نرتب كلشي

.

رحنه ومكيجت وشذى صبغت شعرها واختارت المكياط واني جنت مختارة فستان اسود الصدر

خفيف ونازل بس من جوة مفتوح والقماش فوكه تور اسود خفيف كللش وبي نقاط متناثر بيجي وذهبي واني بيضه صار فد شي عليه ورفعت شعري ومكياج يجنن صار عليه الكل بالصالون بقو صافنين عليه

شذى شطالعين

ريحانه احاول اصير احله منج بس ماكدر ههههه

شذى يوم الج لعد واني اطلع احله منج بحنتج

ريحانه ههههه الله يبعدنه يارب

ام الصالون مريم يعني انتي مامتزوجه

ريحانه لا

ام الصالون طالبه

ريحانه اي كليه

مريم مكبله

ريحانه اكيد لا

مريم شبيهم عميان

ريحانه هههههه لا بلعكس عيونهم سته ع سته بس اني مايعجبوني

هبه ولج اشو اتاخر اسد علي علينه وينه

ريحانه هسه راح اخابرة

ريحانه الوو اسد وينك

اسد علي جايجن بس البيت هوسه

ريحانه عوف البنات يكملن وتعال مابقه شي

اسد اي جاي

ريحانه جاي بالطريق

كمت لميت غراضنه وخليت قران بيد شذى

ريحانه شذى اني صح مرات ازعجج واحجي حجي ميصير ينحجي بس تدرين بيه معتبرتج اختي والله ولا فد يوم كرهتج

بس انتي تنرفزيني بس اريدج تبقين مذكرة اني اختج الجبيرة اي شي تحتاجين وشوكت ماتحسين روحج محتاجتني تجين لا تكولين ماجي لو تستنكفين مني وبقي قويه وعرفي اكو ضهر وراج واني واسد وهبه وابويه نشاله يمج

شذى ريحانه لا تبجيني اللله عليج شبيج

ريحانه لا بس اشلون راح ابقه وحدي بالبيت بدون ماتعارك وياج

شذى تعاركي وي امي على بختج ههههه

ريحانه لا العرك وياج احله يصير هسه راح اسد يكابلني ويكعد وجيبي ياريحانه وحطي ياريحانه هههه

شذى اي على اساس انتي مقصرة ويانه صدك ريحانه اني ولا فد يوم عتبرتج مرت الرجال الي متزوجته امي بالعكس دائما احسج

اختي ومن اسولف وياج ومن تقريني لو من تنصحيني احسك صدك اختي وامي بنفس الوقت

ريحانه امج بعينج بعدني صغيرة اني اخلف بغل مثلج

شذى ههههههه خلي الخلفه اليه اله من اول يوم احبل

ريحانه خبله وتسوينها والله

شذى وداعتج خيه من اول خلفه اله تؤم ونشوف

ريحانه تره مرجوعج علينه يعني على كيفج بالخلفه من تجينه اني اروح بيها وجهالج هوستهم ع الخاله يعني عليه

شذى اذا ماشلع كلبكم

ريحانه هههههه نتحمل كلشي منج 

درت وجهي على ام اسد لكيتها تبجي

ريحانه يا يااا شكو شبيج ام اسد

هبه والله يايمه موتني اثنينجن ساعه عرك ومحد يتحمل الثاني وهسه شوفن نفسجن شحلاتجن

وصدك الخلفه مو الي تنولد لا الي تتربه

ريحانه ههههه وهسه انتي كبل بجيتي والله يا ام اسد لا تخافين شفتي بنتج اشلون تهدد تكول اخبلكم بالخلفه هههه

هبه خليها تخلف شرايدة منها

ريحانه اي اني الي اروح بيها 

هبه هيه قابل ماراح تزوجين ياريحانه

ريحانه ام اسد دكول من اول شهر احبل يعني هاي السنه تؤم

هبه هههههه خليها تزوج بيوم الحنه تتعاركن على الخلفه

ريحانه كاعدات ودك التليفون

ريحانه اي اسد طالعات

يله ام اسد الولد بالباب

طلعنه لكينه اسد جايب سيارة جبيرة ومزورقها

ريحانه ها شنو هل شياكه

اسد علي خليني اشوف عروستنه اشلون شياكتها

ريحانه تجنن العروس كسرتنه صعدنه اني واسد شذى وساعدناها تكعد

اسد شدعوة ماكو اكبر من هل بدله

شذى هههههه ذوق ريحانه

ريحانه شبيها معاجبتك جنها

اسد لا عمي شكايلين بس جبيرة يمعودة هسه اشلون تكعدن

ريحانه يله طبي جوة شذى

وصدك صعدت اني جنت لابسه صايه فوك الفستان بس مسادتها صعدت كعدت يم شذى

وغطيت رجليه بدلت شذى

اسد علي ههههه بطانيه هيه

ريحانه ديله سوق

صعدت ام اسد واسد شغل اغاني

هبه ياع بختك يمه انته اخو العروس وتشغل اغاني

اسد علي يايمه ماصدكنه نخلص منها شتكولين ريحانه

ريحانه يا اسودي صدكت بهل احجايه

وركصت اني واسد واحنه بالسيارة واسد يباوعلي بالجامه ويغمزلي عود ركصي احركي بكلها اكثر ههههه

بس شنو شذى يحترك كلبها لا عيني لا

شذى اكول انتو تغورون بيه حتى اركص وذبت الغطه من وجه وصارت تهز ويايه هههههه

اسد شوفي يمه هيه تريد تزوج بسرعه بنتج طبقت مثل زفوني ماريد الشعه

وصلنه نزلنه اول مطبيت نزعت الصايه وشمرتها ع القنفه وكفت شذى وشلت البرقع شويه شويه واني اسمي بوجها

ريحانه اللهم صلي على محمد بسم الله سور اسليمان

والكل صار يهلهل والبنات علكنها كعدت شذى خليت بحلكها علج

ريحانه لا تعلجينه بس خلي بحلكج

شذى ماشي

رحت للمطبخ جبت كيك وعصاير وزعت ع الكل وماخليت هبه دكوم لانو هيه حسبت ام البيت  وساميه ومؤفد والبنات يركصن والجوارين كلهم اجوي وفرحانين بالعرس

ويركصن والاغاني فد شي

اشويه ودخلت ابنيه مشايفتها قبل بس عرفتها اطياف اول مشفتها رحتلها

ريحانه اطياف صح

اطياف اي وانتي ريحانه

ريحانه اي نورتي البيت حبي تعاي تفصلي

اطياف حبي بنوركم

ريحانه شذى هذا اطياف حمات صديقتي

شذى اهلا واسهلا

اطياف اهلا بيج حبي الف مبروك يارب

سلمت على شذى ونطتها 75 الف خلتهن بيدها شذى بقت صافنه يعني هيه مو من الاقارب حتى هيج مبلغ تنطي معقوله همه هيج تقاليدهم بس غلسنه اشويه وصاحو اجت الزفه

وصدك كلها دخلت تهلهل وتنطي كولات

وخوات العريس ذبن لحم بس استبرق جانت ضايجه ومبين عليها بس انسام ودينا لا فرحانات ويغنن

انسام اخونه خوش اخو ويستاهل الهوسه واليوم ادبج دبج محد دابجه عرس الغالي خلوني

دينا اشكر ويخبل كل القوط تلوك عليه وهو شكالج وانتي غمزتيله هههه كلللوووش واحد واحد واحد حسوني احله واحد
رحت اني جبت الكيكه والحنه والعصير

وصدك دخل حسين واحنه لابسات الشالات اني واكفه ورة شذى طلعت ام حسين

الذهب ونطتهن لحسين لبسهن لشذى وهو يلبسها بعدين حنه ايدها وحنت ايده هيه همين وسووة الكيك والعصير وشذى مبين عليها فرحانه اول ماوكلها الكيكه

اني هلهلت وكلها سمعتت من اني هلهلت لانو اني اخت العروس وقتي هسه

بالحجي اليوم اكطع الشارع لجل عيون شذاوي

لا دكول ماعدها خوات ناكلك اكل بالعباس

وكلللوووووشششش وكلها تهلهل بعدين طلع حسين واهله وراه طلعو شويه وكمنه ناخذ صور وفرحانين والبنات حركات وكذا

بعدين دخل ابويه باس شذى وكف يمي وباسني من راسي

فارس يوم الج باباتي

ريحانه الله يحفضك النه يابه

لبس شذى اساور سته بس يجنن مبرومات برم وكلها بقت صافنه هيه باست ايده

شذى الله يحفضك النه بابا

فارس ويحفضج باباتي

طبعا والد شذى حتى ماكلف نفسه ويجي لعرس بنته بس احنه هم غلسنه همه مامتعودين على تواجدة

طلع ابويه ودخل اسد البنات كلهن يباوعن عليه هو باس شذى

اسد ها يلخبله ارتاحتي

شذى ياخويه اليوم يمكم باجر يم رجلي

ريحانه ههههههه ولج استحي

اباوع للبنات يركصن كدام اسد وهو ولا جنه هو  بيه طبع ميباوع على بناتنه بعدين كوم شذى وركصها والبنات يركصن داير مدايرة شلت الكيكه وكعدت ابمكان شذى

هبه ها ولج جنج تردين تزوجين

ريحانه ههههههه ليش

هبه اول وحدة تكعد ابمكان العروس من تكوم هيه الي تزوج وراها

ريحانه هههههههه شلج بيها ام اسد

بعدين اجه اسد وجرني من ايدي

اسد دركصي شكد تحجين وصدك فستاني مالت ركص فد شي واني ركصي هاده وكمت

اهز خصري ع كيف وي شذى واسد لازمنه من خصرنه وهو لنصنه ونركص وهو شكله فرحانه وضايج

بعدين بدت تخف اشويه اشويه الجوارين عاد البنات كامن اخذنه صور كومه وي ابويه واي

اسد وي هبه وي الكلل والجهال هوسوتهم وفرحانين بعدين حسين دز العشه النه كلنه لفات بس هوواي كلش

كعدنه ناكل وضحك والمكياج وبعدنه بالفساتين

اسد علي دكومن بدلن سوون كبل للاكل بس شذى بينه بدلت لانو بدله متكدر
وكلها بدت تروح تبدل طبت هبه يم شذى بالغرفه واني بالمطبخ لميت كم شغله طبعا البنات قبل مايورحن يبدلن  ساعدني  واني اشتغل اتذكرت اطياف من راحت

اطياف يله عيني اني استائذن

ريحانه حبيبتي اذا كدرتي باجر موجودة كون

اطياف لا والله وين زوجي بالكوة اليوم

ريحانه حياتي حقج بس انتي من ريحت المرحومه مو تكطعين

اطياف لا حبي بيناتنه موبايلات

ريحانه ماشي كلبي

وصلتها للباب وجان ولد منتصرها بالباب من شافني وجه عصبي اني وكفت ورة الباب سمعته يكللها تاخرتي

ومشو كلت يمكن زوجها 

مهتميت كمت كبل بدلت وغسلت وجهي من المكياج وكعدت وي البنات سوالف بس نمنه بسرعه لانو باجر فره وابو فره والبنات كالن

نروح وياجن للصالون لانو عرس فاسد يحير بالبيت

..

اسد علي بيوم الحنه بناتنه خبلني وكل اشويه وحده منهن تحجي يمي بمياعه يبوو اشلون يتحملن هيج يسون

اني بيه طبع بنات كرايبي استحي او مو استحي بس ماتجراء اتقربلهن يعني اشاقه اركص وياهن بس غير شي لا ابدد

والبيت هوسه خابرتني ريحانه ماصدكت خابرتني حتى اخلص من ذني وصدك اخذت سيارة مالت صديقي اكبر من سيارت الحجي ورحتلهن خابرتهن طلعن سبحان الخالق يخبلنن

بقيت اناكر بشذى اني وريحانه بس ادري بشذى ماتهتم ومشغل اغاني وباوع من الجامه عليهن اشلون فرحانات

.
طلعن يخبلن سبحان الله انوب البدله شكبرها ولجن شلون راح اطب بالسيارة

صعدن وريحانه صعدت ورجلها كلها طلعت فستانها بي فتحه ع طول الرجل وكفت كبالها واباوع اخاف احد شافها

بس هيه فاهيه ماتنتبه بقيت اناكر بشذى

اول مطبينه شمرت الصايه ولا اتوب من هل طبيعه بقيت ابوعلها  اشلون تقرة بوجه شذى وتسمي بسم الله والناس تباوع عليها

بعدين طكتها بهلهوله وبدة ركصهن كعدت شذى والبنات ذبن لحم ههههههه

المهم راحت جابت الكيك ونطت للكل اني طلعت اشويه واجتي بنيه هيه ولد الولد حجه ويايه

.. خويه هنا بيت ابو ريحانه

اسد منو حضرتك

... اليوم عدهم حنه وهيه صديقت اختي وعزمتها بس ممحددة البيت بالضبط

اسد تفضلي خوية هذا البيت

البنيه بقت تباوع للولد يله طبت بعدين طبت والولد استأذن وراح

شويه واجتي الزفه  سلمو علينه اني والحجي حسين وصل يمي يسلم واني ردت اروح بس الحجي جرني سلمت عليه من ورة خشمي

وطبو والهلاهل شتغلت مالت النسوان شويه ودخل حسين متاخر هواي طلع واني والحجي طبينه الحجي لبس شذى اساور سته بيدها اباوع للنسوان كلهن صفنن اشلون رجل امها هيج يلبسها بس الحجي مامعتبرنه

هيج بلعكس يعتبرنه مثل ريحانه طلع الحجي واني سلمت على شذى والبنات يركصن كبالي المهم كومت شذى واركصها والبنات يركصن ريحانه شالت الكيكه وكعدت على الكرسي مالت شذى

وسمعت امي دكللها الدور دورج رحت ع ريحانه وجريتها من ايدها وركصتهن هيه وشذى البنات من شافني اركص وي ريحانه وشذى بتعدن وريحانه شوفتهن الركص النازك شلون يصير مو ركص هوسه لا وفستانها

يجنن عليها وكامت تهز على كيف بخصرها واني لازمهن من خصرهن ثنينهن وهنه فرحانات بعدين حضنتهن ثنينهن

امي بقت تباوع عليهن وشكلها فرحانه وشذى فرحانه وتضحك بس الي جذبني البنيه الي اجتي هيه واخوها لريحانه شكلها مو ع بعضها

شويه شويه وبدت الكل يخف والبنات ساعدن ريحانه بالتنضيف امي طبت يم شذى وريحانه بالمطبخ طبيت يمه ترتب بالمبطخ

اسد علي اكلج ريحانه صدك منو هاي البنيه الي اجتج

ريحانه ليش

اسد علي هيج مجرد سوال

ريحانه اممم متزوجه ترة

اسد علي هههههه ثوله ماقصدي هيج بس اشوفها مو ع بعضها

ريحانه ماعرف بس هيه حماتها لصديقتي

اسد اهاا

هبه شسوون

ريحانه تعالي جاي نسولف

هبه لا تعبانه رايحه انام

ريحانه براحتج

اسد هماتين راح نام واني رحت يم شذى

ريحانه هاا عروستنه شسالفه اليوم

شذى اليوم عرسي اليوم ههههههه

ريحانه اي عبرت ال 12 يعني مابقه شي ونشوفج بالبدله

شذى يمه يمه فديتني

ريحانه شذى انتي مرتاحه

شذى اكيد مرتاحه اني مو مالت دراسه وحسين يحبني واني اموت عليه

ريحانه يعني مخايفه

شذى من شنو اخاف عادي

ريحانه الله يسعدج زين شعجب حسين مخابرج اليوم

شذى خابرته اني كال اليوم ميصير نتخابر وسدة

ريحانه ههههههههه صدك تحجين انوب الولد هيج يكول

..

بقينه نسولف اني اني وشذى وغفيت يمها من التعب كعدنه الصبح ساعه تسعه

اليوم المنتضر الي ريحانه راح تتغير بي وشذى راح تشوف بس الزواج الي اختارته شراح يسوي بيها

....

طبعا للبارت هل مره كلش جبير اتمنى يعجبن وتصوتن عليه وتعلقن وانشاء الله عكب باجر نفس الوقت باجر جديد واطول من هذا

غزل الحجامية oz___3 انستا