رواية نصف شهر عسل الفصل الثلاثون 30 - بقلم غزل الحجامية

كلشي بيدك
حتى هاي الضحكه
تكدر انتَ ترسمها عله شفتي

حتى حزني بجلمة منك
ينجفي وتزغر دمعتي

- غزل الحجامية

...

من راحو اهلي حسيت الدنيا صغرت بيه حسيت روحي اختنكت وصدك اختنكت كعدت

بالكاع وابجي شنو ذنبي اني وهيج صار بيه ترة الي مثلي المفروض تشرد باول فرصه اجتها

شنو الي مانعني اني اشرد ومابقه هنا اني مكاني مو هنا اني طالبه النفروض هسه كتابي واقرة

العتب على منو الي هيج خلاني والله العتب مو على احد اني اني الي ماعرفت اختار اني

كمت ورتبت ملابسي ومسحت ادموعي

ريحانه حسبي الله ونعم الوكيل يارب حسبي الله ونعم الوكيل

منير وعلى منو تحسبنين شكو شصار

ريحانه لا والله كلشي مصار بله ماستحيت على نفسك ابويه طلع زعلانه وانته كاعد حتى ماكدرت تطلع ورا تراضي بكلمه بكلمتين

منير وعلى شنو اطلع هذا البيت بيتي محد اله الحق يدخل ازوج مازوج شي بكيفي

ريحانه بكيفك مو بكيفك انته رجال البيت واعتقد عيب تخلي خطارك زعلانين لو انته تعرف رجولتك بس من تريد تزوج

منير لمي السانج واحجي عدل شنو قابل اني مسوي شي غلط البنيه بنت عمتي ورايدتني ورايها بعد شكو ياهو جاي يحجي عليه

ريحانه على كيفك ترة كلشي صار كدامي شوكت صرت تريدها وتريدك لو ماسوتلها مصيبه واحنه الي سترناها

وعفته وطبيت بقه يدردم ورايه وشافني ساكته اجه وجرني من ايدي

منير لج اشو انتي صايرة متتحاجين هااا وتعوفيني وتروحين شنو استقويتي باهلج هسه اخذج الهم مكسرة ترة

ريحانه تاخذني مكسرة بمناسبه شنو اسمع لا عبالك بقيت هنا لسواد عيونك ترة بقيت هنا ولازم تعتبرة فضل هذا اني مسويته الك

جاي اعتني بامك لو مو اني انته تدري شصاير هسه

منير انجبي لج فد نعال انتي اوديج هسه واختي ومرتي يمها

ريحانه تدلل رايحه احضر غراضي واختك خليها تجي كل يوم عشر دقايق ونطيها فد 100 200 الف ومرتك الجديده بعدك شدراك بيها تسوي خير لامك مثلي لو لا

بقه ساكت هو محجه لانو يدري بحجيي صحيح

ريحانه باع لا عبالك خوفي ع اسد علي واخاف تشتكي عليه هو الي لازمني يطبه مرض هو هسه بالسجن تشتكي عليه ويبقه بعد فد سنه سنتين عادي زلمه ويتحمل خليني كاعده هنا برضاتي احسن ماتكعد يوم ماتلكاني

اني مجاي اعيرك ماقصدي هيج شي بس اكلك انته الي محتاجني مو اني لاول مره هيج احجي وياك بس كافي وصلت حدها تزوج وعيش واسكت مني

وخرت ايدي منه ورحت للمطبخ رتبته ومر الوقت عادي منير مطلع  هواي طلع شويه ورجع ويخزرني واني كاعده واكل باضافيري

خلصتهن وكلبي حاسسني راح يصير شي بس ماعرف شنو هوة

شويه وطبت اطياف

اطياف ها عيني اسلام وعليكم

منير هله ها شعجب اجيتي شصاير

اطياف ياخويه شحجيلك شكلك حتى مستحيه

الحجيه مو من صفاتج المستحه يمه احجي

اطياف اي يمه احجي المن جايه اني لعد
اسمع خويه اخوتها لزهرة كامو يحجون يكولون شنو بس 2ونص مليون منطيها ميصير هيه بعدها صغيره قابل عدها جهال وهيج منطيها مهر

الحجيه ليش يمه نسو انتي مهرج اشكد 1 ونص مليون والذهب والملابس والصالون والكيك والبلادت وكله من عدنه صار

اطياف يمه هذا زمن وذاك زمن هسه البنات تريد ومنير ميقصر ان شاء الله

منير كتلج هنه ذني العندي غيرهن ماعندي

اطياف خويه شسوي لعد الولد تعصبو كلش حتى عمي تعصب وعيب منه وهيه بنت عمتك غير كون تنطيها شي بي خير

الحجيه ولج يابنت بطني اشوكت تبطلبن سوالفج هاي كلج ماعنده منين يجيبلج من الفلوس الي جان ينطيها الج نطي ساعد اخوي

اطياف ياعمت عيني منيلي لو عندي انطي وبدون ماحجي

منير خصم الحجي كتلج بس ذني عندي عاجبها عاجبها معاجبها خلي تنجب وتسكت وباجر ترة نروح نعقد خابرت صديقي واتفقت ويا

اطياف خويه هيه تريد اتجيب الذهب باجر كون من تروحون تعقدون واني راح انطيها الفلوس الي انطيتهن اليه كلهن بس خويه الصالون والملابس ونيشان منين

منير صالون شنو مو كلنه ع كدنه نسوي المن الصالون

اطياف على بختك البنيه مامتزوجه قبل تريد تلبس تتمكيج تتفيك كدام البنات

منير اطياف الحجي كله جاي يتغير منتبها لو لا

اطياف ياخويه انته هم اعقلها بعدها صغيرة وتريد تفرح

منير تفرح بذني اني ماعندي بعد

اطياف زين ذهب ريحانه خلي تنطينيا ابيعه ونصرف بي

الحجيه دهر صابج كل هاي السوالف علمود ذهبات البنيه

اطياف يمه شكو بيها غير رجلها وكون تساعده بشدته

ريحانه اكلج تراج زودتيها كلش واني ساكته الج كلش واحترام لخالتي تجين ابيتي وتشمرين حجي وسكتت وهسه تريدين تاخذين ذهبي لحماتج لا عيني لهنا وكافي

ترة وصلت حدها تجين هنا بحترامج اهلا وسهلا ماتجين بحترامج الباب يوسع جمل ومن طلعين لا ترجعين

اطياف عاجبك هل حجي خويه مرتك تهيني ابيتك

الحجيه ومو بس هيه اني وياها البيت بيتي وبيت ريحانه اذا تجين وتقللين من حترامها بعتبار مقلله من حترامي وابني مايرضه على هيج شي

اطياف انوب التميتن عليه صدك ماتستحن

منير اطياف .. جاي تحجين وي امي ترة

اطياف عاجبك حجيهن يعني

منير امشي اطلعي ومن تريدين شي خابريني بعد ونتفاهم

بقت ساكته وتخزر بعدين كامت وطلعت بقه منير يباوع بس ولا جني بقيت اسولف وي الحجيه

مر اليوم عادي ثاني يوم الصبح لبس منير وطلع علمود يعقدون خالتي بيومها حالتها صارت كلش موزينه

حنجها صار يهتز اهوواي وماتحجي وبس تشخر بوقتها خفت اني كلش بقيت كاعده يمها خفت عليها ردت اخابر على منير بس كلت بس

اخابرة هسه يكولون لانو راح يعقد

بقيت احاول اكعد بيها  بلكي تاكل لو تاخذ العلاج بس ابد ماتقبل وصارت تقضي حاجتها هواي وعلى فراشها

يعني كل دقيقتين يمكن تبلل نفسها

لل 1 الضهر اجه منير شافني كاعده يمها وابجي

منير هاي شكو شصاير

ريحانه مادري شبيها مكعدت اليوم ابد من رحت لحد هسه هيه هيج

منير وليش مخابرتيني

ريحانه اخابرك شكلك يعني وانته رايح تعقد

منير زين وخري خلي اخذها للمستشفى

وكفت يمها بقه منير يحجي وياها بس هيه ماتحجي متحس بينه اصلا يمها بقيت ابجي اكثر رتبت شيلتها وعدلت ملابسها

وخليناها بالكرسي مالتها صعدت ركض اني لبست حجاي وصايتي ونزلت

منير شعندج انتي اني اخذها

ريحانه لا شنو ماعوفها اروح وياها اني اعرف حالتها انتي متعرف

منير لا تعاندين ابقي هنا اني اخذها

ريحانه وروح امي اروح انتي متعرف عن حالتها شي اذا سئل الدكتور شدكله يله منير امشي امشي

بقه يباوعلي بنفاذ صبر وطلع واني واكفه بصف الكرسي ودموعي تنزل لا اراديا

بوقتها حجيت وي نفسي اني كل الي دايصير بيه بسسبب طفولتي

يعني والدتي توفت واني اصغيرة ماهتميت بيها ماشتغلت وياها ماعتنيت بيها من تمرضت ماشفت شي منها واني صغيرة ماتت

من اتزوجت وشفت ام منير اشلون مريضه وتحتاج هتمام اعتبرتها امي ردت احس بالشعور الي محسيته وي امي

صح ابوي اتزوج بس بعمري ماعتبرت ام اسد امي صح احبها واحترمها

بس معتبرتها امي من جانت تتمرض امشي وياها واهتم بيها بس مو الاهتمام الي البنيه تقدمه لامها

جنت اسمع ام اسد دكول الام من تكبر لبتها

يعني بتها لازم تعتني بيها اني معتنيت بامي بس اعتنين بام منير عتبرتها اكثر من امي والدليل جاي اضحي بحريتي وبسعادتي علمودها

ومنير صح اني تزوجته برادتي بس زواجنه لا هوة قسمه ولا هو نصيب زواجنه خدعه صار ..

صعدنه الحجيه بالسيارة واني كعدت يمها ومنير خله كرسيها ورة بالسيارة واني مخليه راسها على جتفي واباوع عليها واقرة قران بوقتها صدك خفت عليها

حسيت ايامها الاخيرة هاي

.
خليت راسها ع جتفي وابجي نقهرت عليها بيومها كلش حسيتها خلاص هاي ايامها منير يباوعلي بالمرايه وساكت

بقيت طول الطريق امسح بحلكها وابجي

لحد ماوصلنه نزلناها ع الكرسي ودخلناها للردها اجتي ممرضه شافت وضعها

الممرضه .. هاي شنو وين جنتو منها

ريحانه مابيها شي اليوم يله وكعت هيج

الممرضه اتي معتنيه باكلها

ريحانه اي والله اهواي اكلات مسويهن الها واصلا هيه البارحه باليل مبيها شي صاحيه بس اليوم الصبح ماعرف شبيها كعدت شفتها هيج

الممرضه ومن الصبح لحد هيه مجبتوها

تحجي وتقيس بضغطها

الممرضه ادرارها اشلونه (خروجها )

ريحانه دكتورة جانت كل نص ساعه كل ساعه بس اليوم الصبح لاختها كل عشر دقايق وحتى متكدر تمشي بفراشها

الممرضه خليني اشوف الدكتور

راح واني كعدت جوة رجلينها وابجي لحد ماجه الدكتور قاس ضغطها شاف عيونها بعدين نيموها ع السديه وحولوها لغير غرفه

منير شنو دكتور شنو وضعها

الدكتور نسويلها اشعه ونقرر

منير معليها شي دكتور صح

الدكتور بيد الله خلينه نشوف شغلنه

وصدك اخذوها لغرفه الاشعه بس لاحضه مفراس مو اشعه اني عبالي راح ياخذون سونار لبطنها بس من شفته مفراس لكل جسمها خفت عليها اكثر بقيت ساكته حتى دموعي تحجرت

ربع ساعه تقريبا وطلعوها رجعوها للردها منير بقه يم الدكتور واني رحت وياها

هيه بعدها نايمه متحس ع روحها

اجتي ممرضه وغطتها وخلتلها صونده لانو تددرر هواي

عمت يعني ياخاله ليش هيج صار بيج البارحه شلونج وتسولفين وياي وتذكرين رجلج وسوالفه شبيج اليوم

شويه واجه منير

ريحانه ها منير شكالولك

منير وضعها كلش تعبان المراره تعبانه ولازم عمليه بس هيه جبيرة متتحمل العمليه وكلياتها كلهن رمل

ريحانه عزة العزاني ريته كل هذا المرض بيه زين شنو الحل

منير راح ينطونه ادويه ويمكن اليوم تبات هنا

ريحانه اي عادي اذا تصير زينه اني ابات وياها

منير انتي وين بكل عزة لطامه وين تباتين

ريحانه شنو قابل اول مره هيه وبعدين انته شبيك اول شي ماردت تجيبني وياكم وهسه متقبل ابات وياها شبيك شكووو

منير صوتج صوتج ترة احنه بالمستشفى

بقيت اباوعله بخزرة وعفته ورحت كعدت وباوع عليها

نسيت نفسي نسيت الي ابطني شنو ذنبه من الصبح ممتريكه وبطني موتتني

كمت حتى اروح للتواليت

منير ها وين

ريحانه للتواليت

منير  يله

رحتت امشي ريحت المستشفى ويعع ادويه وديتول لعبان نفس بس المرضه الي يقهرون دخلت للحمام شفت دم قليل نازل مني وهاي مو اول مره ثالث مره يمكن اشوف دم ينزل مني ومادري هذا الشي زين لو لا اليه

غلست ورجعت كعدت يمهم وهو كاعد همين وساكت

منير ماباركتيلي ع العقد مالتي

ريحانه بقيت اباوعله هذا صدك يحجي يعني احنه وين وهو وين احنه بامه المريضه وهو بالعقد مالته خرب حضي

ريحانه لا اعذرني بس اتششوف الحجيه اشلون مريضه ماعتقد يبقه عقل بالراس مو صح

باوعلي بنضرا عود هو عصبي بكلبي كتله خاب طير اهمداك

بقه ساكت بعدين حجه

منير قررنه اني وزهرة نعقد سيد بيوم العرس افضل اليه والها شتكولين علمود الهوسه والناس وامي مريضه يعني ها افضل شي

ريحانه اي صح افضل شي بس كون دكوم بالسلامه الحجيه وبعدين عود نفكر بسوالف مالت ناس فايخه

وعقدت حاجبي اله هو همين عقد حاجبه احسه يريد يتحداني يعني واحد مثله بوضع امه كون ينجب ويسكت هذا شكال العرس وشحجه العرس بكلبي كلت هنيالي اشلون زلمه يريد بس يعرس

بقينه ساكتين وهو هم ماحجه شافني شيحجي افشله بقه ساكت

شويه وكام ماهتميت اني بقيت ساكته طلع تليفونه وخابر على اطياف

بقه يحجي وياها بالبدايه كللها اني بالمستشفى وامي لا زينه بس يمكن تبات بعدين بسرعه حولو ع العرس صارو يحجون ع العالم الي راح تجي والسيد الي يعقد واطياف دكله اني بالسوك وي زهرة نختار البدله

يعني احساس ماكو ع رئيهم نو احساس نوو  بالهندي نهي احساس نهي

الاحساس ماموجود بهاي العائله واني استمع ويحترك كلبي اكثر وبطني موتتني اذتني لانو مماكله

سد التليفون ورجع كعد

ريحانه منير بطني صارت تاذيني واني ممتريكه كوم جيبلي شي اكله

منير اجيبلج لفات يعني

ريحانه اي اي شي المهم اكله لانو جاي احس بدوخه

منير اي هسه ثواني

راح يجيبلي اجه الدكتور حجه وياي على وضعها

الدكتور التحاليل مالتها خلصت دكدرون اطلعونها او تبقونها هيه وضعها كلش تعبان ماعتقد كعدتها هنا تفيدها

ريحانه شنو قصدك دكتور

الدكتور الحجيه جبيرة بالعمر ماتتحمل عمليه وكلياتها والمراره كلهن رمل وقلبها منا وهيه مجاي تقاوم وماتمشي صح

ريحانه اي دكتور ابد متتحرك هيه

الدكتور هو هذا المشكله من تاكل الاكل يبقه بمعدتها حركه ماكو جسمها جاي ينشل ومتتعرض للشمس ابد يعني كل ها موزين عليها

ريحانه زين الحل شنو دكتور الادويه ماتفيد

الدكتور الادويه مسكنات ماتفيد بهيج شغلات الحجيه ماعتقد تكمل هذا الشهر

ريحانه لا دكتور اسم الله بيه ان شاء الله هيه قويه ان شاء الله تتحمل

الدكتور ان شاء الله بعد الاعمار بيد الله وان شاء الله خير 

عافني وراح كعدت على الكرسي ولزمت ايدها شفتها صحت تحركت

لزمت ايدها

ريحانه ها خاله صحيتي

الحجيه اي يمه صحيت يمه ياريحانه احس ايامي نتهت

تحجي كوة تجر الحجايه واني ابجي كمت من حجي الدكتور احجي بالكوة

ريحانه لا شهل حجي اسم الله مابيج غير العافيه

الحجيه شنو هاي يمه اشو الريحه مالت مستشفى اني وين

ريحانه اي خاله احنه بالمستشفى وضعج اتخربط شويه وجبناج اني ومنير

الحجيه صار شكد

ريحانه من الصبح انتي وضعج معجبني ومن اجه منير من المحكمه جبته واجينه للمستشفى والدكتور طمنه يكول تدلع عليكم تريد اتشوفكم تحبونها

الحجيه الله يحفضكم اليه يايمه

ريحانه ويحفضج النه ودكومين بالسلامه ترة قلقتيني عليج كلش

الحجيه مبين من صوتج ليش تبجين يايمه العمر بيد الله مو بيدنه

ريحانه لا مبايجه بس مماكله ودزيت منير يجيبلي اكل عاد حفيدج يريد ياكل موتني

الحجيه يايمه اريد اشوفه قبل لا موت

ريحانه اسم الله بعدوينج يارب

اجه منير وبيده لفات وببسي من شاف الحجيه كاعده كعد يمها

منير ها يمه صحيتي

الحجيه اي يمه صحيت جبت اكل لمرتك

منير اي يمه جبتلها انتي جوعانه اجيبلج شي تاكلينه

الحجيه لا يمه روحي ماتشتهي الاكل شوكت نرجع للبيت

منير يمكن نبات اليوم هنا يمه شنو اشتاقيتي للبيت

الحجيه يمه هيه المستشفى منو يريدها

ريحانه اجه الدكتور وكال اذا تريدون اطلعونها عادي مياثر

منير اة اذا هيج يله يمه ارتاحي ونروح

الحجيه يمه ريحانه اكلي لكمه الي ابطنج ايريد

ريحانه اجيبلج مي تشربين

الحجيه لا يمه ماريد اكلي انتي

منير خوفيتنه عليج يمه

الحجيه ريحانه دومها خايفه عليه مو شي جديد وانته اريد ادلع عليك على رئيك الدكتور اريد اشوفك تحبني لا صدك يمه اختك وين ماتدري بيه هنا

منير لا يمه تدري خابرتها راحت هيه وزهرة يشترن البدلات وشغلات العرس يمكن

الحجيه اي يايمه يامن تعب يامن شكه ويامن على الحاضر لكه

منير لا يمه هيه بالسوك وخابرته وعدهن هواي سوالف اعذريها

الحجيه لا يمه شعندي وياها اني معذورة بنت بطني معذورة والله لو ماريحانه مادري شجان صار بيه هسه بيدمن جان هسه اني بيد اطياف بيد زهرة

منير لا تحجين هيج يمه ان شاء الله دكومين بالسلامه وماتحتاجين احد

الحجيه وداعتك يايمه شكد ناس وكفولي بس مثل ريحانه يايمه مامو وكفتلي وكفه بنتي بنت بطني موكفتها اليه وبدون مقابل وحامل وتركض وياي وحده غيرها جان كيفت اموت وتبقه بدون عمه

ريحانه اسم الله خاله شهل حجي

الحجيه الله يحفضج لابوج يايمه ويحفضلج ابنيج

..

اكلت كم لكمه ونفسيتي احسها انسدت نقهرت عليها شويه ورجعنه للبيت اول مطببتها اخذتها للحمام هيه والكرسي

ريحانه لازم اسبحج واذا ماتردين اغسلج بس شتكولين

الحجيه لا يمه سبحيني سبحيني

ريحانه تمام اجيب ملابس واجي

طلعت من الحمام ذبيت شالي والصايه

منير ترة مريضه مو وقت سبح هسه

ريحانه ماياثر عليها السبح بالعكس اذا تسبح ترد روحها جسمها يصحه شويه والجو حلو نكعد بالحديقه تغير جو وهيه نايمه يعني متنعس هسه

رحت لغرفتها شلت الفراش والغطه شمرتهن بالكاع وطلعت غيرهن رتبت فراشها وطلعتلها ملابس ورحتلها

سبحتنا وليفتلها سمعت صوت اطياف واني بالحمام

بكلبي كلت شعجب هاي اجتي

الحجيه هاي صوت اطياف

ريحانه اي يمكن اجتي تشوفج

الحجيه هههه شبيج يايمه وين تشوفني بنت بطني واعرفها شوف شعدها

بقيت ساكته بعد هيه اعرف واطياف صدك مو مالت واحد يدافعلها ابد عدها كميه حقارة مو طبيعيه

كملت نشفتلها وخليت الغراض بالغساله وطلعتها لكيت اطياف ومنير واكفين على الدرج

من شافتنه اجتي بس مسلمت عليه

والله يالله فوكاها نوب

اطياف اشلون صرتي يمه

الحجيه بخير يمه بخير  شعجب مو جنتي بالسوك ليش اجيتي

اطياف لا يمه اجيت اشوفج منير كال بالمستشفى جنتي شنو وضعج انطوج علاج

الحجيه اي يمه نطوني

اطياف خير ان شاء الله

طببتها لغرفتها كعدتها على جربايتها وبقيت انشف بشعرها كعدت ورها وانشف بشعرها والمشط بحضني حتى امشطلها

كولو هم اطياف كالت امي مريضه خلي امشطلها اني اسولف وياها اغير من نفسيتها شويه ابد ماكو تسولف وي منير

اطياف يمه اليوم زهرة خطيه قهرتني

الحجيه ليش يمه شكو

اطياف يمه بالسوك ونختار بالبدلات والملابس وصفنت

كالت اني ومنير من نتزوج وين انام اني وين غرفتي اتصير يعني قصدها احنه بيتنه اصغير بس غرفتج وغرفه منير ومخزن اصغير

الحجيه اي ترتب المخزن وتاخذا الها اشو مابي غراض هواي

اطياف اي يمه اني هم كتلها بس حسيتها ضاجت كالت شنو بمخزن اني بعدني اصغيرة والمخزن مو كلش جبيرة فامها كالت اذا ريحانه موافقه ليش

ماتنزل هيه بالمخزن وزهرة تاخذ الغرفه الي فوك وغرفه ريحانه بعدها جديده حتى منير ميصرف ويجيب غرفه جديده

الحجيه ولج يمه اشو انتي زايحه المستحه كلش شنو ريحانه تنزل بالمخزن نسيتي هيه الاول وهيه الحامل شنو تنزل بالمخزن وانته منير شنو رئيك بالحجي

منير والله يمه مادري اني راسي احسها رراح يطك

ريحانه بقيت اباوعلها ولكم انتو شنو من بشر اعوذ بالله منكم حتى الشياطين مو هيج باوعت لخالتي كلت معقوله هاي مخلفه ذوله الشياطين

الحجيه غرفه ريحانه تبقه لريحانه وماتنزل منها

اطياف يمه هيه ريحانه اشو حتى متنام بيها نادرن تنام بيها كلها يمج تبقه نايمه من تنزل بالمخزن احسن بعد قريبه منج

ريحانه اي صح هل شي افضل اليه

الحجيه شو اسكتي انتي افضل الج شنو اسكتي غرفتج تبقه غرفتج ماتتغير سمعتيني لو لا

ريحانه خالتي اني صدك ماصعدها هواي ليش بعد مخزن وغرفه جديده اني عاجبني ابقه نايمه يمج وهيه زهرة عروس جديده يعني اكيد مراح تنزل هنا فخلي الغرفه الها اني انزل غراضي فد اشويه

الحجيه ريحانه يمه اسكتي انتي مخزن ماكو

اطياف يو اشبيج يايمه القاضي راضي انتي اشبيج

الحجيه اسكتي انتي همين لاتخليني احجي حجي ميعجبج

ريحانه هايهيه اذا ماتريديني بالمخزن انزل غراضي واجه يمج هنا شتكولين حتى ابقه قريبه منج

الحجيه يمه انتي متزوجه ورجلج بعده صغيرة راد منج شغله راد ينام وياج وين ينام وياج يمي

ريحانه شنو هل حجي خاله شبيج واني اصلا حامل هل سوالف ممنوعه وهيه اصلا ممنوعه مني من زمان وعود لحد ماجيب يحلها الحلال

انتو جبتو نيشانها صح

اطياف اي خطيه كله

ريحانه اني فد اشويه اصعد انزل غراضي الضروريات وانتي المغرب جيبي غراضها ورتبيهن

اطياف ماشي هذا الحجي يله عيني اني اروح اشوف الجهال مو تنسين ترة المغرب اجي يمه رايده شي

الحجيه لا يمه مرايده سلامتج   بس يمه حاولي من تجينه المغرب بيدج اخابر زينه

اطياف يا يمه اخبارنه كلها زينه ان شاء الله وانتي شدي حيلج اتشيلين جهال ابنج زهرة ناويه ع السبعه تحبل

الحجيه خليني اشيل جهال احبيبتي الاول

اطياف اليوم ادزهم الج اذا متشاقتلهم

الحجيه لا يمه مقصدي جهالج قصدي جهال ريحانة كلبي

اطياف ها يله اني اروح

باوعت بحقد وراحت

مر اليوم بوقتها  مشطت الحجيه وبقت تسولف وي منير اشويه

ريحانه خاله اني راح انزل غراضي رايده شي اسويلج اكل

الحجيه لا يمه مو هسه مالي نفس اكل

ريحانه منير شنو رئيك تجيب سمج شوي ترة زين الها المشويات

منير يله هسه اروح

ريحانه لا مو هسه خلي انزل غراضي ع ماتجوع خالتي وروح جيب

منير تمام

عفتهم اني وصعدت انزل غراضي

يمكن من تقرون هاي الاسطر دكولون انتي خبله لو انتي مسويه نفسج مثاليه كلش

بس صدكوني ابد يعني من تعيشين بمكان متحسين الج بي شي يكولون البنيه من تزوج حتى اذا وي عيالها تصير غرفتها مملكتها تعتني بيها

ترتبها واذا بيت وحدها تحسه هو قصرها اني مجاي احس بهل شي هنا اني جاي احس نفسي خطار لا اكثر ولا اقل مجاي اعتبر نفسي زوجه لمنير ولا جاي  احس ها البيت القصر مالتي

لكيت غراضي ملابس ومكياجي ودفاتري وكم شغله اليه ونزلتهن رتبتها الكناتير خليت التعلاكات اخذت قران اصغيؤ مالتي ونزلت

ريحانه اليوم احتل غرفتج خاله

الحجيه كله الج يابعد الخاله واهلها

ريحانه بعد روحي انتي شعندي غيرج

الحجيه فدوة رحتلج يمه رتبي اغريضاتج وين ميعجبج

وصدك كعدت اني من اسفط الملابس ارتبن بطريقه حلوة صغار اسويهن كلش رتبت غراضي صارن كلهن بخانه وحده بس المكياج خليت بالعلبه وخليت بالمجر والذهب خليته بالخانه مالت خالتي

ريحانه خليت ذهبي بخانتج تره

الحجيه اي يمه شعليه عوفي راح منير جاب سمج اكلنه اني وياها ومنير بعدين صبيتلهم جاي بس خالتي صبيتلها قليل ومخليتها شكر مرادت كمت نضفت البيت شريت الملابس

ورتبت المطبخ ورحت كعدت واحس هم اكو دم طبيت للحمام وصدك اكو دم قليل غسلت وطلعت

طبيت يمهم للمغرب واجتي اطياف جايه غراض كومه مثل اي غراض عروس محجت وي امها

اصلا كبل اخذت الغراض وصعدت ترتب بيهن اني همين مهتميت بقيت كاعده يم الحجيه الحجيه مرادت اكل لانو تغدينه متاخرين شويه نطيتها علاجها  ونامت اني همين طفيت الكلوب ونمت وياها

محسيت ع اي شي مادري باطياف شوكت راحت بمنير شوكت طلع شوكت رجع مادري

كعدت ساعه 9 الصبح خالتي كاعده لكيتها

مرت الايام عاديه وخالتي حالتها نفس الشي لحد قبل عرس منير بيوم باليل كاعدين واجتي اطياف

اطياف يمه ضهري انكسر من كد ماجوي خطار ايدي راحت من صب الجاي والاكل

الحجيه هيه هاي الاعراس يمه

اطياف يمه تعبت بس زهرة تستاهل خطيه يمه ترة عماتي كلهن هنا بس من درن بيج مريضه كالن منريد ندوخها فراح يباتن يمنه

الحجيه الله يكثرهن شعندج اجيتي

اطياف لا يمه بس اريد اخذ افلوس من منير مالت العشه

الحجيه مو كال اجيب طباخ باجر

اطياف لا يمه ماقصدي عشه العرس قصدي العشه مالت اليوم دزيته من برة كلت عيب اطبخ وهو عرس

الحجيه يمه ترة اليوم مو العرس منير شعليه بالعشه

ايطاف يايمه اشلون شعليه غير عرسه

الحجيه يمه منير مو هنا خابري واحجي ويا اني كلبي خلص منج كومي مني اريد انام

اطياف يله اني اروح من يجي عود كليله ريحانه

ريحانه الله كريم سدي الباب وراج

كامت ومعاجبها الحجي هزيت ايدي

ريحانه خاله شطلعلج يا دشداشه تلبسينها اطلعلج النيليه حلوة عليج ومالت مناسبات

الحجيه لا يمه هاي لبستها بعرسج مالبسها بعرس زهرة

ريحانه شطلعلج يادشداشه لعد

الحجيه بكيفج يمه الي يعجبج
كمت فتح الخانه مالتها وطلعت وحده سودة يلبس فوكاها تور وطلعتلها شيلتها الجديده وعطرها

خليتهن بالخانه فوك ورحت كعدت يمها

الحجيه يمه انتي شراح تلبسين

ريحانه شلبس يمكن جتى ماطلع اني شعليه ابقه كاعده هنا

الحجيه ها يمه شنو شبيج تخبلتي تريديهن كلهن يحجن عليج

ريحانه يا ليش يحجن عليه

الحجيه والله يمه ناسي واعرفهم بس يشوفونج كاعده وساكته هسه يكولون مقهورة على رجلها

انتي البسي ومكيجي واضحكي وخليهن يكولن اشلون اخذ على هاي الكمر زهرة وهيه زهرة عبالك بسطال جندي

ريحانه هههههههههه يمه كلبي خاله صدك تحجين

الحجيه اي يمه وداعتج اريدج اتلبسين وتتانقين

ريحانه ماشي تدللين من ابدلج الصبح ابدل وياج

.

وصدك نمنه واني تفكيري  يم اهلي اشتاقيتلهم وحسيت بيهم عرفو باجر عرس ولهذا كمت افكر بيهم لانو بالهم يمي

.

كعدت ثاني يوم من الصبح رتبت البيت لانو ناس راح تجي وسويت ريوك اليه ولخالتي من تكعد عود تتريك واني كاعده اتريك نزل منير

شافني واكفه بالمطبخ بقه واكف بالباب

منير صباح الخير

ريحانه صباح النور

منير ريحانه عماتي راح يجن اليوم كرايبي كلهم يجون ماريد مشاكل وحده تسمع حجي لهاي وحده لهاي

ريحانه شنو هل حجي من الصبح يايوم مسويه مشاكل اني وشعليه بيهن يجن مايجن ع شنو اسمعهن حجي

منير اني ماكتلج مسمع حجي انتي قبل بس جاي انبهج

ريحانه هزيت ايدي الحمدالله والشكر

محجيت شي بقه يباوعلي

منير يعني انتي هسه موافقه على زواجي هذا هوة

ريحانه اني الي راح اتزوج لو انته شهليه اوافق لو لا

منير لا بس يكولون رجلج مو صح

ريحانه همه يكولون بس اني وياك نكول انو اجنه بعمرنه ماجنه رجال ومرته ومنير الله يخليك اكثر من مره ترة حجينه بهل موضوع كافي عادي ماتمل وراي شغل وانتي اكيد

مشغول اليوم يله ماعطلك

وكمت اخذت الماعون للسينك غسلته وشربت مي درت وجهي لكيته طالع

رحت لغرفه الحجيه باوعت ..
شفتها كاعده

ريحانه ها خاله صباح الخير

الحجيه هله يمه صباح النور

ريحانه اجيبلج مي تغسلين حتى اجيبلج ريوك وابدلج شتكولين

الحجيه يمه ماشتهي العسل

ريجانه لا خاله بداعتي لازم تاكلين حتى تاخذين علاجج

الحجيه يله يمه امري الله

وصدك جبتلها مي غيلت وبعدين انطيتها علاجها وكمت رتبت شويه البيت ساعه ب 11 جبت ملابسها وبدلتلها لانو سمعت هوسه بالفرع يعني ناس اجوي

بدلتلها وعطرتها ولبستها محابسها

بعدين رحت طلعتلي ملابس حتاريت شلبس

ريحانه اكلج خاله شتكولين البس بنطرون لو فستان

الحجيه لا يمه شنو بنطرون البسيلج فستان ولا تلبسين حجاب هسه يكولون ابيتها ولابسه حجاب

ريحانه ماشي

بقيت ادور بالفساتين بعدين اجه بيدي فستان احمر حرير لونه جاي على الماروني كلش حلو عندي بس لانو كلش قصير مالبسه وهو مو قصير

هو منه جوة صاير اشلون المثلث نازل عجبني مره شفته على منيكان وجبته كلش حلو طلعته ورحت سبحت طلعت شسورت شعري ومكيجت ولبست الحذاء سودة كعب لفيتها على رجليه باوعت للساعه 12 ونص

ريحانه اني كملت بس البس ذهبي

الحجيه عطرج وصلني يايمه امنيتي اشوفج

ريحانه بعد عمري ياخاله ان شاء الله تفتحين عيونج وتشوفين الكل مو بس اني

الحجيه ونعم بالله يمه

طلعت تراجي عندي صغار نازكات لبستهن وطلعت حجل والحلقه مالتي هم لبستهن طلعت اجنن

كلت خلي اروح اشوف الاستقبال اخاف بيها شي

وي طلعتي صار بوجهي سعد بقه صافن عليه بلحضه وحده مجر ال.....

...
هنا وخلص البارت اتمنى يكون عاجبكم
تحياتي

غزل الحجامية