رواية نصف شهر عسل الفصل التاسع والعشرون 29 - بقلم غزل الحجامية

ويگلي آسم الله لمن گلّبي يوجعني ..
وإذآ حس بيه من الدنيآ مآ مرتآح
يشآقيني يظل خآطر يضحكني !!♥️

غزل الحجامية
.. بداية الحجي ترة اني من 2016 لحد هسه اكتب يعني عيب هل حجي الي تحجون لو ادور تعليقات ولايكات جان اكللجن مانشر اذا ماتنطن لايك وتعليق هذا اول شي

ثاني شي بنات اني غلطت من البدايه المفروض اخذ كل الاحداث من البنيه يله انشر بس غلطت واخذت احداث بسيطه بحيث ماكدر اكتب هسه والبنيه ضروفها وماتكدر تحجي دائما

واي شي جاي ادزة اليه انشرة اني التاخير مو مني منها ولو ماكو كم ابنيه حبن القصه ويريدن يكملنها وداعه امي امسحها واكو اكثر من قصه موجوداع وكاملات عندي انشرهن

هاي الشغله الثانيه الشغله الثالثه والاهم الاغلبيه يعرفني بالانستا بالتلي يعني عيب دكولن موجودة بالانستا لو البارحه لعبنه سوة ببجي وهيه محتارة ومجاي تكتب هل حجي كلش عيب

اتمنى تستمتعن بهل بارت تحياتي

...

منير اذا ممعتبرج زوجتي الي ابطنج شنو لعد

ريحانه منير لا تضحك على نفسك انته تعرف واني اعرف الي ابطني شنو واشلون صار

منير حتى لو انتي مرتي

ريحانه المطلوب مني شنو

منير ممطلوب شي بس ترة والله تجيني وتندمين سمعتي او لا

ريحانه ع شنو اندم منير اني اصلا ندامنه من البدايه مبقت علي هاي حتى اندم تريد تزوج الله ومحمد وياك درب السلامه

منير ميخالف ريحانه بس نشوف شيصير بيج من صدك ازوج

ريحانه البس فستاني الاحمر شتكول حلو بالحنه

منير اني اعلمج ريحانه

بقه يباوعلي وطلع وصح اني خسرت كلشي بقت على هاي الله ويا يعني بالحالتين اني ممعتبرته زوجي بلكي من يزوج طلاقي يسهل منه ع الاقل تصير وحده ثانيه هنا

تكدر ادير بالها ع الحجيه عاد اكدر اطلك واذا ع البطني عادي منو يموت اذا يطلكون ابو وامه

رحت يم الحجيه بقيت كاعده وافكر باهلي اذا درو السالفه صارت صدك شيسسون جبت التليفون وخابرت على شذى

ريحانه الو ها شذاوي اشلونج

شذى هلو حبيبيتي زينه الحمدالله انتي اشلونج

ريحانه تمام بخير بابا هبه اشلونها.
شذى زينين ايسلمون عليج شنو شصار بالسالفه

ريحانه ياسالفه

شذى مالت زواج رجلج

ريحانه عكب باجر يروحون يعقدون

شذى شنووو دهر صابه صدك يحجي لا ريحانه لا تنطينه فرصه تعاي جيبي غراضج وتعاي

ريحانه على شنو خلي يزوج شسويله

شذى لج انجبي واسكتي ماكو مرة تتحمل رجلها ياخذ عليها تعاي عوفيهم وتعاي اني هسه راح اكول لابويه اخلي يجي ياخذج

ريحانه انجبي واسكتي لا دكولين

شذى شنو لا دكولين ولي اني هسه راح نجيج وي ابوج وامي يله مع سلامه

ريحانه اباوع على التليفون نسد بوجهي هاي شكد حيوانه بقيت صافنه اذا يجي ابوي شيسوي قابل يمنع الزواج

باوعت على الحجيه ساكته

ريحانه ها خاله

الحجيه شفتي يايمه محد يكدر يتقبل هيج فكره انتي اشلون ساكته مادري ولو ماعرفج اكول جاي تكابر بس يايمه انتي جنج راضيه كلش على هل زواج

ريحانه اي وداعتج عاديه عندي هو قراره وانتي تدرين بزواجنه احنه شنو ياخاله

الحجيه يمه لو جان عدوج مو زوجج هم كون تنقهرين على زواجه ويايمه اني زهرة ابد ماحبها ولو مانبراس ومنير مجان قبلت يخطبها

ريحانه بعد شنسوي خاله قسمتهم هو مادام بعد كل هذا الي صار رجعو اجتمعو يعني هو الها وهيه اله

بكلبي كتلها الطيبون للطيبات ومنير لزهرة مبين من خبثه وخبثها

عد عيناك ياربي كون تستوة ع نار هاديه وتخلي يشيب من وقت زهرة وكحه ادري بيها تسويها

بس يمه عزة بس لا تستوني اني هم ويا

الحجيه ها يمه اشو سكتي

ريحانه لا ماكو شي اني راح اسبح لانو اهلي راح يجون

الحجيه يله يمه براحتج  المهم اني كتلج

ريحانه يصير خير

كمت صعدت فوك طلعت دشداشه اليه وطبيت سبحت مافكرت بي شي حتى كلبي ماحترك انو زوجي راح يزوج عليه

قبل جنت اسمع انو المره اذا زوجها يزوج عليها تحس بروحها نقص تكره روحها اني بالعكس كلشي مصار بيه عاديه مهتميت وهذا الشي لانو منير

مجان محسسني اني زوجته طبعا اني حجيت اشياء قليله عن حياتي وي منير واشلون خلصتها بجحيم

طلعت من الحمام  مشطت شعري ورتبت وجهي ونزلت اول منزلت ندك الباب عرفتم اهلي رحت فتحته صدك ابوي وهبه وشذى

ريحانه اهلا وسهلا هله بابا نورت تفضلو تفضلي ام اسد

فارس هله بويه اشلونج

ريحانه بخير اذا انته بخير طبو ليش واكفين

هبه تعاي بالبدايه هذا الي سمعنا صدك

ريحانه ددخلو وبعدين نتفاهم

شذى شنو صدك قابل ماتصدكون بيه من احجي شنو قابل اجذب عليكم

ريحانه لا عيني حشاج من الجذب طبو بابا تفضلو

طببتهم لغرفه الحجيه بس بابا يباوعلي بنضرة انو الي دايصير ابد معاجبه يعني نضرة جاي يلومني بيها

طبو يم الحجيه

ريحانه خاله ابوي وام اسد وشذى اجوي

الحجيه ياهله نور البيت نورتو

فارس بنورج حجيه

هبه بنورج حجيه اشلون صرتي

الحجيه بخير دامج بخير يايمه لو ماريحانه اني رايحه بيها من زمان

فارس وجزات هذا الشي حجيه ابنج يروح يزوج عليها

الحجيه والله يمه حقكم حقكم تحجون بس يايمه شسوي اذا هيه البنيه ساكته وقابله بهل شي شسوي اني

فارس حجيه ساكته حقها تسكت يعني بنيه  شابه ووطالبه جامعيه ضيعت سنه من عمرها...

لعيونكم وتحملت وياج وياة وكلشي ممسويه الكم شي يضركم تاليها ابنج يريد يزوج ععليها لازم تسكت .

شتحجي مثلا اذا هو هيج يعض اليد الي توكف ويا ؟

ريحانه بابا انته فاهم الموضوع غلط

فارس ريحانه اسكتي لافاهم الموضوع غلط ولا شي اني اريد منير اريده ينطيني عذر  واحد

ع الي سوا بشنو بنتي قصرت ويا حتى يزوج عليها مرايدها خلي يطلكها هسه اخذها وياي

هبه حجيه احنه نحجي من حركه كلبنه احنه ريحانه نعرفها ونعرف شخصيتها وحنيتها وكل ماتجينه ماتقبل تبات علمودكم وهيه من تزوجت لحد هسه شكم مرة اجتي مرتين مصارن ثلاثه ..

وهيه عروس العروس تطلع اطب ريحانه كلشي ماكو وجها تغير ورة الزواج نهائيا

ريحانه وهيه تحجي طب منير باوعلهم تفاجاء بجيتهم بس محجه شي

منير السلام وعليكم ها حجي اشلونكم اليوم البيت منور بيكم

فارس وعليكم السلام

ابويه يحجي ويا صار بس مبين عليه ضايج

منير لو ادري بيكم جايين جان ماطلعت ماخابرتيني ريحانه

فارس ماعتقد مبايل ريحانه بي رصيد اذا هو قبل فترة يله رجعته الها لحكت تشدله رصيد

منير اي حجي ليش لا اذا اني مموجود انته موحود وتشد الها

فارس بنتي وتاخذ من جيبي بدون ماتكلي منير وانطيتها الك مدلله اني وشفت دلالك الها اشلون ذبلها

منير لا عمي هل حجي ممقبول  اني بيتي ممقصر بي بشي

فارس وبنتي مقصرة وياك شني

منير لا ليش حجي شكو

الحجيه يمه ابو ريحانه ماخذ على خاطرة اشلون تريد تزوج على بنته

منير وشنو هل شي عيب لو حرام بنت عمتي واني رايدها من زمان وهسه الوقت المناسب لهل شي

فارس واذا رايدها المن اخذت بنتي

منير حجي مبيها شي مثنى وثلاث ورباع قابل اني اول واحد يسويها

فارس مثنى وثلاث وربعا امنا بالله بس عند الحاجه عند التقصير بنتي مقصرة وياك بشي

منير لا كايمه بواجبها وواجب امي بس اني رجال ومن حقي افكر بوحده وثنين وثلاثه مادام الله منطيني عافيه

فارس هذا حجيك منير بنتي اذا صار فوكاها مره اخذها وماتبقه يمك

منير وتاخذها شنو ابني ابطنها وهيه مرتي وهل شي موغلط وهيه قانعه

فارس هيه قانعه اني لا

هبه منير ابني ريحانه اخذتها وردة مفتحه وشوف شكلها هسه من اخذتها لحد هسه ماعتقد ارتاحت يوم واحد

منير هذا اسرار بيت ماعتقد احد اله دخل بيها

فارس منير اخر حجي اذا تزوج بنتي بيتها ورقتها توصللها

منير وهيه مرتي وابني ابطنها واذا تحب تروح وياكم خلي نسمعها منها وهيه تعرف شنو السالفه وشنو ممكن يصير

صدك عمي اسد علي اشلون طلع لا

ريحانه من حجه حجيت حسينه دكني بسمار انو خروجي من البيت متعلق باسد علي واذا طلعت اسد علي الي بالسجن وشذى كالت بس هل اسبوع ويطلع

اذا رحت وي بابا ممكن منير يشتكي عليه بسبب الحبوب وممكن يطول اكثر بالسجن واني هيج هيج مراح اكدر اعوف الحجيه وحدها

باوعت لابابا 

ريحانه اسمع بابا منير ممعتبرته زوجي ولو 1ب 100 حاله حال الغريب اني هنا علمود الي
ابطني وعلمود الحجيه غير هل شي لا والمره من يوكع رجلها من عينها حتى لو يموت متهتم بعد

واني راضيه ع زواجه عادي لا راح يقدم ولا ياخر زواجه بشي خلي يزوج

اني عايشه ويا علمود خالتي وعلمود الي ابطني

فارس ريحانه اخر حجي الج هذا

ريحانه ماقصدي اكسر كلمتك بابا بس هو هذا الحجي الي اني مقتنعه بي

فارس كومي ام اسد

هبه دكعد حجي خلي نفتهم

فارس كتلج كومي

كام بابا وطلع بسرعه حتى مسلم وام اسد باوعتلي بنضرة معناها شسويتي ولج وشذى همين بس منير نضرته حقارة حتى مكام ورة ابوي ولا كال خلي اطيب خاطرة

طلعو كلهم رحت وراهم اني لزمت بابا قبل لا يفتح باب الشارع

ريحانه بابا اني ماعندي غيرك بس خالتي والي ابطني كاسريني لا تضوج مني وداعتك موهينه عليه طلعتك هيج مني

فارس لا تهتمين بابا ديري بالج على نفسج وعود تعالي يمنه نشوفج

ام اسد ولا تضوجين يمه الي ابطنج اهم ديري بالج عليه

شذى لا تهتمين نعال وجاي تبدلينه بس بعدج ادورين

ام اسد الصمي انتي مووقت حكمج ومواعضج

فارس يله بويه محتاجه شي

ريحانه رضاك وسلامتك يابه

فارس الله يحفضج بويه

وطلعو كلهم بقيت اباوعلهم من طلعو من الباب ولحد ماصعدو بالسيارة وشذى تاشرلي بالتليفون وبابا ماباوعلي اصلا وام اسد تاشرلي بيدها عود ماكو شي

سديت الباب واحس روحي اختنكت شنو الي سويته حتى هيج يصير بيه ماستحق هيج شي اني ابد ماستحق هيج شي

....

هنا وخلص البارت اتمنى يكون عجبكم  وطبعا قبل نص ساعه ريحانه خابرتني ساعه 8 وربع تقريبا وحجتلي الحداث هاي ونقطع الخط مكملتي البارت وكتبته ونشرته فاي اخطار وسحكات اعذروني عليها وان شاء الله البارت الجاي هاي الايام لانو اتفقنه اني وياها حتى لو خمس دقايق باليوم تخابرني هم عادي

تحياتي

غزل الحجامية