رواية نصف شهر عسل الفصل الثالث والعشرون 23 - بقلم غزل الحجامية

..

فرهِدوُني ..
عيشة مصلاية عدهم
ذبو هموم على صدري وطبگوني !

غزل الحجامية ..

...

ريحانه نزلت اركض واضحك طبيت كبل للحجيه شفت اطياف كاعده يمهه واطياف شكلها متعصبه واني طبيت اضحك باوعتلي بعصبيه

ريحانه بكلبي كلت ياستار شكوو انوب اني طبيت الحلك واصل لاذاني

ريحانه ها اطياف انتي هنا

اطياف اي معودة

ريحانه خير شكو

اطياف ماكو شي بس تحاحيت اني وزهرة واجيت

ريحانه يا على بختج هو هذا وقت معارك شبيها هاي

اطياف مخبله يمعودة ادور سوالف من جوة الكاع كلت خلي اجي هنا اشويه لحد ماتنسه وبعدين ارجع

ريحانه اي احسن يمعودة طنشيها عادي

اطياف ولج شطنش مطنشتها ومحترمتها وماكو فايدة

الحجيه يله يايمه بنت عماح ماتكدرين تحجين شسوين قابل

اطياف شسوي يمه اصبر هو منين يجي الخير منها لو من رجلي الغبير عود هم حاسبينه رجل عليه

ريحانه عادي كلنه هيج يمعودة وانتي تدرين

اطياف انتي بعدج جديده اني عشرة عمرر وبنت خاله ملازم هيج يسوي بيه

ريحانه ليش شنو الفرق هذا زواج وهذا زواج وربج يعرف ينطي لمنو

اطياف ريحانه ترة مالي خلك ابد لو تسكتين وتكعدين لو اطلعين بغرفتج

ريحانه وعلى شنو اسكت ولا شنو اطلع شحاجيه هسه اني وبعدين اني كاعده بغرفت عمتي ام رجلي وبيتي

اطياف وبيت ابوي اذا نسيتي

ريحانه اي طبعا بيتج ابوج وعلى راسي انتي شبيج كبل كبيتي اني جاي احجي الحق الدنيا دوارة مثل ماتسوين الناس تسوي بيج بس انتي بعدج كلشي مشايفه

المهم خاله البسج الشيله
الحجيه لا يمه بعد وقت وين منير

ريحانه جاي يبدل هسه يجي

الحجيه من ينزل ابدل انتي كملتي يايمه

ريحانه اي معندي شي .. زين اطياف انتي محتاجه شي مكياج شي

اطياف اي اريد ارتب مكياجي

ريحانه كومي نصعد فوك ورتبي مني

الحجيه واستعجلن يمه ليش سعد يحجي عليج يكوم

ريحانه لا بسرعه ننزل وي منير

صعدنه منير شاف اطياف بس متفاجاء يعني يدري بيها

منير زين انتي عفتي بيتج واجيتي شكوو شبيج

اطياف خويه اسكت ترة اني ماحمله هواي عليهم وهمه انته تدري بطبعهم مايحسون

منير انتي علمتيهم من البدايه هيح شتريدينهم يسوون

اطياف يعني هاي جزات الي تمشي عدل وي العيال يدوسون بطنها

ريحانه ليش همه شبيهم

اطياف انتي شتدرين عيالي اني مشوفيني الضيم وماكو زلمه بي خير ويصير وي مرته يوكف وياهم ضدي

ريحانه يعني على شنو شنو الاسباب

اطياف والله شنو تجادلين امي متحترميها خواتي شيحجن اسكتي معليج بيهم اكعدي قبل الجناين

اخدمي اكثر من الجناين وانوب هسه جنه جديده يعني راح يلعبون بيه فلك

ريحانه شعجب عاد مريم حبابه مبينه

اطياف هيه حبابه بس رجلها ميخليها تشتغل هواي يريدها يمه بالغرفه وعمتي همين ماتخليها تشتغل

ريحانه اي يعني الصوج من رجلج ممسويلج قيمه كدامها هسه محمد رجل مريم يعرف اشلون يريح مرته

اطياف هو لهذا اني اكول ماعندي زلمه بي خير

ريحانه دعوفج من هاي السوالف همه العيال هيج تعاي رتبي مكياجج

منير خويه انتي مدري اشلونج الزمه السعد باليل واقشمرة لو متعرفين خويه شنو نسيتي

اطياف هو اني لازمته حتى اقشمرة اليل كله جوة

منير اي انزل ورة جوة تصير احله السوالف بالختلات

اطياف دروح انته والله بطران اني معاول اكمل الشغل والف راسي وانام

منير هو ابقي لحد مايشرد منج اني اكلج

اطياف انته شايف نفسك وحدك ابيت ومريتك معتنيه بيك وين مجرب الختلات البيت كله الك

منير اي كله اليه وشمحصل .. ويباوعلي برفعه حاجب واني صافنه على حجيهم ذوله شكد سفله لعد

اطياف مو اني الي نسيت ريحانه الي ناسيه لعد اذا بيت وحدكم وماكو ختلات

منير اي والله ياخويه يرادلها تعلوم 

ريحانه اني راح انزل يم خالتي كملو انتو وانزلو

منير شوفي خويه مخلصتها شردات

ريحانه بقيت اباوع عليه هذا شبي صدك يحجي اشو متغير صاير يحجي حجي ماصخ

شعجب اتغير فجاةء يعني يمكن لانو صرت حامل هيج تغير وياي فجاءة بقيت صافنه واحجي وي نفسي طبيت يم الحجيه

ريحانه يله خاله خلي البسج

لبستها شيلتها وعبايتها وكعدتها على عربانتها

نزلت اطياف

اطياف ها جاهزات

الحجيه اي يمه ومن اطبين لبيت رجلج انسي ماجن اكو شي هو عرس اخو يايمه وانتي فواد زين وياج لا تخلينه يكول سوتلها عركه بعرسي

اطياف اي يمه هو اني ادري كلشي يرجع عليه بعدين

ريحانه دمشي وين منير

اطياف نزل يمكن يشرب مي من المطبخ

طلعنه من الغرفه
طلع منير من المطبخ

منير ها كملتن

اطياف اي يله ابسرعه

منير ها هيه ستعجلتي هسه خابرني سعد كال كول لختك خلي تجي هيه ام البيت

اطياف اي هسه يله عرفني ام بيته

منير اسكتي وامشي

طلعنه هوسه وسيارات هووواي بالفرع طبينه نسوان هواي اكثر من البارحه الجيران كلهم وكلهم من دخلت يباوعون عليه ويحجن

هاي الجنه الجديده وهاي الجنه الجديده وزهرة تباوعلي صفح

رحت اني وخالتي وكفت يمها واطياف طبت لغرفتها ومريم اجتي سلمت عليه وكفت يمي

مريم عمي النسوان تسودنن

ريحانه ليش

مريم منين جابها ومنين جابها

ريحانه منيه ولج

مريم ولج يحجن عليح يكولن حلوة

ريحانه تسلمين

مريم اكلج شنو اطياف جانت يمكم

ريحانه اي شنو متدرين

مريم لا والله بس سمعت سعد يكول شنو تطلع بدون مدكلي وزهرة همين حجت بس مافهمت

ريحانه والله مادري

مريم يمعودة هيه علمتهن على هذا الطبع وهسه يله تريد تغيرهم  مايتغيرون اذا مو من البدايه ماتصير

ريحانه بعد كلمن وطبعها اكلج شوكت نطلع للزفه

مريم بحدود ال 3 ونص

ريحانه اي زين وبنفس البيت الي رحنالها بالخطوبه

مريم اي وانتي وين رحتي بوقتها مشفتج بالبيت

ريحانه اي هوسه ومدخلت للبيت دخت

مريم انتي تضوجين من الهوسه

ريحانه لا بالعكس اصلا احب هيج اجواء بس مجنت اعرف اخد فاستحيت

مريم اي اكول لانو بعرسج من اجينه هواي عدكم بنات

ريحانه ذني بنات اخت هبه

مريم هيه هبه مرت ابوج مو

ريحانه اي مرت ابوي تصير

مريم الله يحفضها مبينه تحبج

ريحانه هيه كلبها طيب والله تصدكين مشتاقتلهم صارلي شكد ممسولفه وياها مشتاقتلهم

مريم انتي شعجب متروحيلهم

ريحانه علمود الحجيه والبيت محد بي بس اليوم اروح ورة الزفه وابات يمهم

مريم اي يمعودة  وحي انوب عيد يعني عيدي وياهم

شويه وطلعت اطياف من غرفتها واجتي يمنه كعدت

بقت تسولف ويانه بس مبين عليها الضوجه وزهرة ممقصرة كل شويه وحجت حجايه

طب منير وبقه يسلم على عماته وعلى كرايبه والبنات يشاقن ويا وهو منطلق

بعدين اجه وكف يمي وخله ايده على جتفي

منير بس عمه شنو رئيج بختياري بنات شتكولن اشلونها

البنات تخبل ماعدها ذوق وقبلت بيك

منير ها ولج ام خشم شبيه اني اشو اخبل شتكولين ريحانه

ريحانه انته وياها تفاهمو هيه عدها ذوق مبين

منير يعني اني مو حلو ..وباوعلي

ريحانه لا مو قصدي هيج بس هيه كرايبك يعني شايفتك وتعرفك

منير هسه عوفينه من كرايبي انتي شتوكولين ..وضربني براسه على راسي بشقه

ريحانه ماكول شي

منير يعني زوجتي وماتنطيني ذوقج بيه هسه اني اشوفج تخبلين انتي ششوفين

ريحانه اممم اشوفك عادي مابيك شي معيوب

منير تعرفين تسولفين  وتجاوبين

مريم ها منير ترة بدينه نغار زلمنه وين جيبوهم

منير ها مريم شسوين بمحمد هسه اخابره الج

مريم لا ليش انته تخابرة اني هسه اخابرة

منير فنج تجيبينه عنده شغل لفوك راسه

مريم واذا جبته

منير انطيج خمسه وعشرين الف والله

مريم حلفت ترة

منير اي والله لانو متعصب والشغل هواي

مريم باعن كدامجن حجه اذا منطاني شنسويله

منير يابه كلمه رجال يله

راحت جابت التليفون وخابرته  وكفت اباب غرفته وتحجي ويا مسمعنه شحجت بس تبتسم وتحجي سدته للتليفون وبقت واكفه

منير ها شكلنه مو كلنه مايجي عنده شغل وين النسوان

مريم لا تستعجل

صدك لحضات ودخل محمد مبتسم لمريم كلنه بقينه صافنين عليه راح وكف يمها يم الباب خلت ايدها على صدرة وتسولف ويا وهو يباوعلها عبالك هستوهم متزوجين صافن على حركاتت وجهه

شويه باسها من راسها وراح

اجتي هيه كعدت يم منير

مريم يله وينها الخمسه وعشرين

منير مو نساوان صدك كيدجن عظيم صارله ساعه يتعارك ويصيح حتى على ذبان وجه بله الله عليح شكتيله

مريم اسرار دوله يله لا تغير السالفه نطيني الفلوس

منير اخوج اني وتاخذين مني فلوس

مريم اخذ حتى من ابوي جيب الخمسه وعشرين بسرعه انطيها واجب لعمتي 😂😂😂

منير جاي احس قطيتيني

مريم لا سامح الله شنو بعدك ممقطوط نقطيت ورحت

ريحانه يابه مريم قدرات عندج انتي

منير ددتعلمي منها والله اجيج ركض

ريحانه ههههه لا اخذ راحتك تتعب بالركض

مريم اذا هيه كلشي ممسويه وصارلك بومين تفتر وراها وتكعد اله يمها اذا تسوي اشلون تشيلها كدامنه

منير عادي اسويها واشيلها مبيها شي

نطاها الخمسه وعشرين وبقه يسولف بعدين اجا اتصال وطلع ماشفته بعد لحد ماكالو الزفه راح نروح صعدت اني ويا بالسيارة وخالتي

هوسه وسيارات هواي وشباب وهو مشغل اغنيه ويهز وركص وي الشباب والحجيه تصفك وتضحك واني اباوع عليهم

وصلنه لبيت البنيه كلها نزلت وياهم

منير ريحانه عوفي جنطتج هنا مترجعين ويانه اني اوديج لاهلج

ريحانه لا ورة الزفه اودي خالتي للبيت يله

منير لا اليوم امي تبات يم عمتي

ريحانه صدك حجيه

الحجيه اي يايمه اطياف كالت تباتين يمي

ريحانه بعد احسن حتى اطمئن عليج

نزلنه من السيارة وعفت جنطتي بيها نزلنه طبينه للبيت النسوان كلها تنطي كولاتت وفرحانات ويركصن باوعت للعروس ومريم وكفت بصفي

مريم وج عيني شنو هاي

ريحانه استغفر الله من ذنبها مو حلوة ابد

مريم ولج ياموحلوة تبزع

ريحانه زين ليش مويكولن عن حب وميت عليها

مريم ولج عشر ايام ميطب للبيت بسببها لانو امه ماقبلت بيها

ريحانه يله يمكن خوش بنيه الله يسعدهم

مريم ياخوش بنيه انتي اطياف متسولفلج

ريحانه لا منلتقي هواي تدرين

مريم اني بعدين اجيج واسولفلج

ريحانه انشاء الله

بقن يهوسون وياخذون صور بعدسن كامت العروس والعريس ووزفوهم للسياره والنسوان كلهن طلعن سلمت على عمتي ورحت للسيارة وعمتي صعدت بسيارة ثانيه

اجه منير صعد ويبتسم

ريحانه ها شبيك

منير مابيه شي هيج

بقينه كول الطريق ساكتين

منير اجيج باجر صح

ريحانه اي اني اخابرك

منير ماشي ريحانه ماكو داعي تسولفين لاهلج على الي صار بينه

ريحانه وليش اسولفلهم عادي

منير خير انشاء الله

وصلت للبيت وحجينه قليل اني ومنير نزلنه دك الباب طلع ابويه

فارس هله هله نورتو

منير بنورك عمي اشلونك شخبارك

فارس على الله بخير بنتيتي وباسني وحضني

ريحانه اشلونك ياعمري شخبارك

فارس الحمدالله بخير حفيدتي اشلونها

ريحانه بخير

طبينه وتلكتنه هبه

هبه هله بالبذاته هله

ريحانه هله بيج

رحتلها وحضنتها لانو جنت مشتاقتلها ومشتاقه لبيتنه

هبه اشلونج ريحانه اشلونه الحمل وياج

ريحانه زين الحمدالله

طبينه اني وهبه للمطبخ وابويه ومنير بالاستقبال

هبه خو ماتتاذين اول اشهر تصير مضاعفات خصوصا اول حمل

ريحانه اي والله اتاذيت ورحت للمستشفى همين نطتني مقويات وسويت سونار همين

هبه يعني صار عندج نزيف

ريحانه لا مونزيف تقلصات

هبه ترة يصير عندج نزيف اول طفل يصير هج سوالف فلاتخافين ادري بيج ثوله

ريحانه اندري زين شذى شلونها

هبه لو اليوم لو باجر تجي هم اجتي زعلانه قبل كم يوم

ريحانه ليش

هبه يمعودة حامل ويضرب بيها دكول صار عندي نزيف قوي رحتلها جبتها غصبن عنها واجيت

ريحانه ليش مقبلت تجي

هبه موتدرين بيها تحبه ماتكدر تعوفه دكول كل الزلم يضربون عادي

ريحانه يمعودة ماتتغير شذى ابد

هبه انتي اشلونه وياج منير احسج متغيرة

ريحانه لا بخير هو اول الزواج هيج منتفاهمين بعدين لا الحمدالله

هبه زين وياج لو هم حيوان مثل حسين

ريحانه بكلبي كتلها نفس النمرة هوة ويا

ريحانه لا زين الحمدالله

صبينه العصير وكليجه مسويه هبه

هبه سويتي اكليجه لا

ريحانه لا مسوينه لانو عرس حما اطياف اجيتكم من الزفه

هبه خير انشاء الله عمتج اشلونها

ريحانه زينه الحمدالله خطيه راح تبات يم بتها اليوم

هبه خطيه انكسر كلبي عليها ديري بالج عليها يمه تاخذين بيها اجر

ريحانه اي لعد اشلون

اخذنه العصير والكليجه ورحنه يم منير وابوي يسولفون شويه ومنير راح بقينه اني وابويه وهبه

فارس كومي جيبي التليفون خلي انخابر اسد علي احجي ويا

ريحانه صدك وين تليفونك

فارس على الشحن بالغرفه

رحت جبته واجيت متلهفه صدك مشتاقتله صار شكد محاجيه ويا

انطيته التليفون دك عليه

فارس الو ها بويه اشلونك

اسد على بخير الحمدالله حجي انته شلونك امي اشلونها

فارس بخير الحمدالله اليوم يمنه ناس

اسد علي منو همه

فارس ناس تعرفهم هاك احجي وياهم

ريحانه الوو

اسد علي ريحاناتي

ريحانه اشلونك اسد شخبارك مشتاقتلك

اسد علي بخير الحمدالله انتي اشلونج شخبارج متشتاقيلي بكدي

ريحانه كل عام وانته بخير وانشاء الله العيد الجاي يمنه

اسد علي وانتي بخير ريحانتي اشعجب اليوم اجياتي

ريحانه شنو ماتريدني اجي

اسد على لا بس من اتزوجتي لحد هسه كل ماخابر واسئل عليج يكولون ماندري متخابر

وماتجي هيج الزواج عجبج اذا حلو اول ماطلع اتزوج

ريحانه لا والله مانصحك يطيح حضك

اسد علي ها تندمتي بعدج

ريحانه تندمت من زمان اكدر دكول من اول يوم العرس

اسد علي اشلونه وياج هوة

ريحانه بخير الحمدالله

اسد علي خو ماياذيج 

ريحانه لا

اسد علي متاكدة

ريحانه اي لا تشغل بالك ماكو شي صعب عليه

اسد علي هو انتي فاهيه ياماكو شي صعب عليج اتوقعج يعيد الحجايه 100 مرة يله تستلمين

ريحانه لا وداعتك طلعلنه كلب

اسد علي تصدكين اشتاقيت  لفهاوتج

ريحانه مبقالك شي واشبعك فهاوه صدك اشكد بعد

اسد علي مابقه شي انشاء الله المحامي جاي يشتغل

ريحانه ان شاء الله خير والله اشتاقيت ليامنه سوة

اسد علي دخل اطلع وارجعهن كلهن  ريحانه راح اروح هسه لانو راح يصير تفتيش يله حبيبتي مع سلامه

ريحانه الله وياك ..

فارس ها شكلج

ريحانه راح يصير تفتيش فسدة

فار اي بين فترة وفترة يسوون تفتيش يمه

هبه شكلك المحامي عم خابرته

فارس اي خابرته وحجيت ويا فهمني انو مباقيله هواي هذا الشهر هو طالع انشاء الله

هبه طك كلبي عليه

فارس خير انشاء الله لا تشيلين بالج 

كام ابوي وبقينه اني وهبه نسولف صعدت فوك غيرت ملابس ونزلت

ريحانه تصدكين احس روحي ممتزوجه

هبه اول جيه للبنيه لاهلها هيج تصير تحس روحها ممتزوج قبل

ريحانه يمعودة والله الزواج مبداء فاشل مدري ليش اخترعو

هبه لا الزواج حلو ومحلو مثل الدنيا يوم وياج وعشرة ضدج بس الشاطرة تعرف تصرف بي

ريحانه صدك ساميه والبنات شلونهن

هبه البارحه جانن يمنه رادن يباتن وشكد سئلن عليج

ريحانه والله مشتاقتلهن هوواي

هبه هنه همين

جاي نحجي وندك الباب

رحت فتحتها

ريحانه منو يجي هسه

هبه اخاف  شذى

ريحانه رايحه اشوف .. ريحانه منوو

شذى هله هله انتي هنا

فتحت الباب دفعت حسين وطبت

حسين ولج خبله شبيجج

شذى اشلونج مشتاقتلج ولج دايحه ليش متسالين عليه

ريحانه اني اكثر والله دتعاي طبي للبيت ام اسد اجتي شذى

شىذ من شوكت يمهم

ريحانه قبل شويه اجيت مصارلي ساعتين

شذى همزين اجيت اليوم لعد حتى اشبع منج

ريحانه دتعاي اشلونك حسين كل عام وانته بخير

حسين وانتي بخير صحه وسلامه

هبه هله يمه هله

شذى ها ماما اشلونج

هبه مو ع اساس تجين باجر

شذى عدنه شي اليوم وهو راح يبات يم جماعته كتله وديني ابات يم اهلي لعد

هبه اي احسلج تعاي احسين طب

حسين لا خاله مستعجل والله

هبه دفوت يمعود اشرب شي

حسين لا والله منتضريني الشباب اروح اني

هبه الله وياك

ريحانه جريت شذى للمطبخ كعدت اني وياها نسولف

شذى سولفيلي هيج مفعوله منير قوي صرتي حتى متخابرين

ريحانه ولح يامفعول اليوم يله نطاني التليفون وبالشغل ماكدر اخابر منه

شذى ليش اليومي يله نطا الج

ريحانه مو من فترة الخطوبه كال هيج

شذى وشعجب رجعه هسه

ريحانه اني كتله

شذى زين اشلونه وياج

ريحانه زين

شذى ماصدكج والله

ريحانه ليش

شذى مبين عليج تعبانه

ريحانه مو جان عرس والبارحه حنه مالت حمه اطياف ولا تنسين صيام اجيت من لزفه

شذى عمتج اشلونها اكلج ريحانه اشلون هاي تمشي نفسها اذا لا تشوف ولا تتحرك هواي

ريحانه هيه تمشي بس للتواليت وحدها سبحها اني صرت اسبحها بس هيه مو متعبه زينه شايله روحها

شذى اي يمعودة خطيه نكسر كلبي عليها ديري بالج عليها اكلج صدك انتي تباتين

ريحانه اي باجر اروح

شذى مثلي يعني بس اني يمكن ابات اكثر

ريحانه شعجب راح تباتين

شذى مو راح يبات هوة يم جماعته

ريحانه بعده نفس طبعه لو تغير

شذى اي اتفير للسوء وداعتج

ريحانه يا ليش انوب

شذى اندري خاب حضي انوب هسه اني حامل يعني ماكدر على هيج سوالف منه احس نفسيتي صايرة زفت

ريحانه زين احجي ويا

شذى شحجي يمعودة هو حيوان  وخواته يرادلهن خلك بس خالتي شويه زينه

ريحانه والله احنه مدري اشلونه حيوانات ويانه وماينطينه كلبنه ننطي بيهم

شذى يمعودة مخبلات وعلي سامعه بالمثل الي يكول القط يحب خناكه

هبه تلاكن الخوات وبدت السوالف هاي

ريحانه هنه من يتلاكن بس هيج يحجن بس على الزلم

شذى اني جوعانه طبعا الحمل جاي يخليني اكل هواي

ريحانه اني بالعكس حتى ضعفانه

شذى اي ولج اشو ضعفانه شكو هسه يطلع بيج بنيه

ريحانه اي كلهم هيج يكلولي

هبه كومن سون الج شي اكلنه

شذى لا عوفيه على العشه فد مرة

هبه اي كومن سون عشه مابقه شي والحجي جوعان

شذى هاي كل ما اجيهم تخليني اشتغل

ريحانه اي لعد بس لعمتج تشتغلين كومي لبيت امج همين

شذى اكوم ليش ماكوم ..

كمنه اني وياها سوينه العشه نسوي ونسولف واسمعها من تحجي على رجلها واشلون يعاملها نفس معاملت منير اليه بكلبي

كلت هنيالها تكدر تحجي اني وين اكدر اكول حتى اذا اكول تنكلب السالفه عليه

كملنه العشه كعدنه كلنه ناكل سوة ونسولف ونشاقه

كملنه كمنه للمطبخ نضفنا اني وشذى ونضفنه الاستقبال والهول والحمام انضف ونسولف اني وشذى وهبه يمنه تحجي  ويانه

كملنه لحدود ال 11 ونص كعدنه ناكل حب ونسولف بالاستقبال

ودك عليه منير

شذى اي عيني مثل حضي حسين هسه قافل التليفون حتى مادك عليه

ريحانه شبيج ولج خلي اشوفه شيريد

ريحانه الوو

منير الو ها ريحانه

ريحانه شنو خير صاير شي .
منير لا بس حضري نفسج جايج هسه

ريحانه شنو ليش .
منير بدون ليس حضري نفسج بسرعه ...

..

هنا وخلص البارت اتمنى يكون عجبكم اليوم اتاخرت اشويه لانو نت ضعيف اول شي وثاني شي اخويه مريض وكاعده يمه انتضروني باجر بنفس الوقت بارت جدييد

تحياتي

غزل الحجامية