رواية نصف شهر عسل الفصل الثاني والعشرون 22 - بقلم غزل الحجامية

لكي يغازلها: حفظ ثمانية قصائد غزلية لنزار قباني وخمس مقالات حب لإيليا أبو ماضي ولما رآها مبتسمة، تلعثم وقال: "تبدين ضحيكة حين تجملين"

ترا فدوة

..

غزل الحجامية

..

اطياف انتي ومنو ..

ريحانه اني ومريم ومريم نزلت ابنها كالت اودي لابو ليش تسالين

اطياف لا هيج ماكو شي شبيج وجهج مخطوف صاير شي

ريحانه لا مصاير شي بس يمكن تعبت والحمل همين شويه ماثر

اطياف لا لا تعبين نفسج ديري بالج

ريحانه انشاء الله

الحجيه يمه وين منير خلي يجي ياخذنه

ريحانه خاله مايكدر يطلعنه لانو الناس ترست الفرع خلي يخفون واخلي يرجعنه

الحجيه اي يمه اكلج وين اطياف

ريحانه هستوها كامت تودي ابنها للغرفه يمكن  ليش تسالين عليها

الحجيه اريد ادخل للحمام يمه

ريحانه اي اني موجودة واخذج يله

دخلت للحمام خليتلها القاعده ودخلتها وطلعت انتضرها بالباب

عمتي اخر فترة صارت كلش موزينه تدخل للحمام هواي وكلبها ياذيها واليل مرات متنام من الوجع واني مثل الثول اذكر هيج سوالف بماكن غريبه يعني

شكد صارلي وياهم هسه يله نتبهت لهل شي

فتحت الباب وطلعت بالعربانه مالتها
اخذتها ورجعنه لنفس المكان اجتي اطياف تسولف وتحجي بس احسها بيها شي تحجي وتصفن وزهرة بقت ساعه تجي يمي وساعه تروح

اني هم ماهتميت كلت يمكن زهرة سمعت اطياف حجي بسببي خلي اسكت احسن

لحد ماخفت العالم رجعنه منير

طبعا كلش تعبانه بوقتها صح مسويت شي بس الهوسه دوختني كلش

الحجيه حلوة خطيبته مشوفوج صورتها

ريحانه لا والله باجر بالعري واشوفها عدل عود

الحجيه اطياف دكول موحلوة مدري اشلون حبها

ريحانه يا خاله الحب مو بالشكل يمكن فواد هيج يفكر

الحجيه فواد يمعودة هو فواد الي يفكر هيج هو الي يريد الجمال

ريحانه هو مو حلو كلش حتى يريدها حلوة

الحجيه فواد من زمان يريدها حلوة وموضفه كون

ريحانه اندري بعد يمكن غير رئيه دخلتها للغرفه على جربايتها واني نزعت صايتي وكعدت يمها

تمددت مقابيلها

ريحانه اليوم شلون صرتي

الحجيه لا يمه زينه الحمدالله

ريحانه باعي اني منتبهتلج هاي الفترة مو على بعضج شجاي تحسين

الحجيه لا يمه لا تخافين ماكو شي هو هذا العمر يخلي الواحد يتعب

ريحانه لا انتي هاي الفترة هيج  صار بيج شنو رئيج نروح للدكتور نسوي تخطيط لكلبج وفحوصات لجسمج

الحجيه لا يايمه شعندي بخير اني دامكم بخير

منير ليش شكو ليش تسوي تخطيط

ريحانه عدلت كعدتي وحجيت ويا

ريحانه لا هيج بس حتى نطمئن على صحتها

منير وكبر اي والله كبر واذا تريدين تطمئنين على صحتها تكليلها نسويلج تخطيط لقلبها لو تريدين تموتيها همين

ريحانه بقيت اباوعله هسه هذا شجاوبه حيوان هم قليله بحقه

الحجيه يمه منير شهل حجي اكو واحد هيج يكول لمرته

منير شتريديني اكللها واني اسمعها دكلج نسوي تخطيط لقلبج

الحجيه اسكت يمه طبعا اني صدك احتاج تخطيط لكلبي من وراك يمه البنيه شافتني تعبانه هاي الفترة وسئلتني مابيها شي وخلفله عليها انتبهت ابن بطني مانتبه عليه شبيه وهيه نتبهت

منير لا يمه مو قصدي هيج

الحجيه اسكت يمه اسكت شقصدك فدوة لكلبك البنيه حسرة عليها تحجيلها حجايه تكب عليها بسرعه

منير وليش هيج مضوجه نفسج عليها

الحجيه واشلون ماضوج نفسي يايمه البنيه مباريتني ومثل امها معتبرتني حمامي اكلتي ملابس كلها هيه وفوك كل هذا تكللها تريدين تموتيها

ريحانه مقصده هيج خاله قصده انو فال موزين هيج اكلج

بقه هو يباوعلي وعافنه وطلع

رجعت كعدت يمها

ريحانه ليش هيج كتيله ياخاله هيج يزعل

الحجيه خلي يزعل يمه لازم يغير طريقته وياج لشوكت يبقه يعاملج هيج

ريحانه والله مادري

الحجيه زين يمه انتي هم مدري اشلونج ينام وياج بالغرفه خلي يتقربلج

ريحانه هو جايني مجايني بس ينام بالغرفه

الحجيه اي يمه انتي بادري بهل شغله

ريحانه شنو لو اموت ورةح امي شبيه مخبله

الحجيه يايمه شبيج مابيها شي عادي

ريحانه لا خاله اموت والله ماكدر استحي

الحجيه وين اكو وحده تستحي من رجلها يايمه

ريحانه اني والله استحي

الحجيه ابقي استحي لعد يايمه

ريحانه اني راح اصعد  وصدك خاله ترة باجر من العرس واروح لاهلي ابات يمهم خوماتحتاجيني بشي

الحجيه لا يمه الله وياج روحي حقج صارلج شكد مزوجه ومرحتيلهم

ريحانه ربي يحفضج يارب

الحجيه شكم يوم تبقين

ريحانه والله مادري مكلي منير شكد  بس اكيد ثاني يوم يجيبني

الحجيه لا اني احجي ويا اخلي يبيتج كم يوم

ريحانه انشاء الله

ريحانه يله خاله اني راح اصعد فوك رايده شي

الحجيه لا يمه سلامتج

صعدت فوك منير ماكو طبيت اخذت ملابس وطبيت سبحت وطلعت مالكيته بالغرفه حضرت ملابسي مالت العرس وكم قطعه ملابس اخذهن وياي من اروح لاهلي خليتهن بجنطه مو كلش جبيرة

بقيت احجي وي نفسي اني من راح اروح لاهلي شراح اسوي

اكللهم على معاملت منير وياي لو لا زين اذا اكللهم شنو اكللهم اكللهم هو دايعذب بيه

الي دايسوي صح دايهيني بس اغلب الرجال هيج يسوون وي نسوانهم زين اذا اكول لبابا انو منير ضربني شنو راح يكلي شذى تجي مزوركه وعاديه عدها ماتحجي وعيالها

مشوفينها الضيم وعادي كلشي متسوي وكلشي متحجي

اني اذا احجي هم راح يحجون عليه هم راح يكولون ليش لحد هسه ساكته

زين اذا كتلهم وكلولي اطلكي منه والطفل الي ابطني اشلون

بس ماعتقد يكلولي اطلكي شنو السبب الي اطلك عليه ماكو سبب مقنع واذا اريد سبب مقنع لازم اسولفلهم على كلشي من الحبوب ونبراس لحد مازوجت منير

وماعتقد عندي قدرة اكوللهم كلشي واذا اكوللهم يمكن يذبون كل الوم عليه

اصبري ياريحانه اصبري يمكن على رئي امه يتغير يمكن يحس ويصير زين وياي وهسه هو من صرت حامل صار ينام بالغرفه ويحجي وياي

صح مايحجي مثل الاوادم بس لانو هو مفاهم صح وماعتقد راح يكدر يفهم صح لانو رجل اخته شيكدر يسوي معقوله يهدم بيت اخته علمود وحده ميته

ومن منو راح يسمع ويصدك مني وهو شيصدك مني حتى يصدك الحجي الي احجي اله هسه  رحت للكنتور طلعت ملابس لمنير خليتهن بالحمام لانو اكيد يريد يسحب

رجعت مشطت شعري وطلعت الشسوار

اشسورة شعري انشفه وطب منير بقيت مستمره اني اشسور بشعري هو نزع ملابسه شمرهن على

الجربايه وراح للحمام يسبح اني كملت شعري كمت اخذت ملابسه غسلتهن وشريتهن كلت حتى ماعندي شي باجر وماعندة حجه ياخذني

فتت من غرفت الحجيه لكيتها نايمه صعدت فوك بعده مطالع شغلت التلفزيون ونمت على الجربايه

طب هو ينشف بشعره لبس بس برمودة ويباوعلي ونام يمي من الجهه الثانيه خليت الريموت على الميز الي بصفي وبقيت اباوع على التلفزيون

منير ديري شوفيلنه فلم

ريحانه هذا الفلم حلو .. اكلك باجر تاخذني كم يوم ابقه

منير ثاني يوم باليل اجيج

ريحانه تمام

منير شعجب ماكلتي ابات وابقه

ريحانه لا مابقه خالتي منو يمها

منير اذا على امي اطياف اخليها تجي يمها

ريحانه لا ملازم اني موجودة اروح ورة الزفه باليل وثاني يوم تعالي باليل

منير طلعه ماكو خليها ابالج

ريحانه يووو وين اطلع قابل اني رايحه اشوف اهلي اطلع شكو

منير اخاف عندج رئي وتريدين اطليعن

ريحانه اكلك منير متنطيني تليفوني باجر اني يم اهلي يصير شي احتاج شي انته من تريد تجي خابرني

منير ملازم اخابر على ابوج

ريحانه منير ليش اخلي اهلي يشكون بشي من يشوفون التليفون ماكو هسه يكولون شكو ليش ماخذه منها

منير عادي اكو زلم ميريدون التليفون عند نسوانهم واني مو كتلج من فتره الخطوبه التليفون ينوخذ

ريحانه وكلتلي اعيشج ملكه وادلللج واخليج اسعد انسانه بالدنيا وماتغير عليج حبيبيتي اني انغير عليج شبيه مخبل .. يعني انته عفت كلشي وركزت على التليفون

منير باجر انطي الج بس لا تفتحين السانج مترة كدامي

ريحانه صدك يعني تنطينيا هو وين

منير جوة بغرفه امي

ريحانه خير ان شاء الله لعد اشو من انضف ماشوفه

منير انتي فاهيه

ريحانه مشكور

ورجعت اباوع على التلفزيون

منير خاب ديري هو هذا شنو

ريحانه  يعني مسلسلات رمضان كلها خلصت شسوي اسويلك مسلسل جديد هو هذا الفلم عارضينه خلينا نباوعه

منير نطيني الريموت

ريحانه مادري بي وين

منير ريحانه اشلون درتي لعد

ريحانه هو فتحت التلفزيون شفته مديور عليه
بقه يباوع منا ومنا يدور على الريموت اني نزلت مخدتي حتى مايشوف الريموت على الميز 

بس لوتي شافه

منير شنو هذا لعد

ريحانه وينه

منير على الميز يمج

ريحانه مادري مشفته

منير نطينيا

ريحانه مبيه حيل

هو يحجي واني اباوع على التلفزيون

خله ايده يمي من الجهه اليمنه وجسمه يم جسمي ومد ايده ياخذ الريموت نص جسمه صار فوك جسمي  يعني ماشوف شي بس وجه وركبته

اخذ الريموت وباوعلي بقه يباوعلي ولزم شعري بيدة

منير تدرين اليوم طالعه تخبلين بالعرس

ريحانه دائما اخبل اني

منير بدينه غرور قصدي الفستان كللش حلو

ريحانه لانو اني لبسته

منير شوف الثقه زين ليش ملبستي الفستان الي شوفتينيا بالبدايه

ريحانه مو انته كلتلي مايلبس

منير وهيج تسمعين الكلام

بقه يحجي ويتقرب على شعري يلعب بي بيده دنك عليه وبقه يشم بشعري من يم ركبتي
لمسته وحدها ربكتني خلتني اشلون الانشل
واحجي بارتباك

ريحانه مو قصة اسمع الكلام لو لا بس اني شفته كلش قصير كلت لا عيب

منير انتي بهذا الي لبستي وتمنيتج ماترحين للعرس تبقين بحضني لو لابسته لذاك جان صدك مخليتج ترحين للعرس ولحد هيج وقت مبقيج بحضني

ريحانه منير ال ال الفلم ديرة مو معجك

يحجي وياي بهدؤ بحيث جسمي كام يشتغل طبل بطني تركص صارت

منير عاجبني الفلم الي بيدي

قرب وجه من يمي اذني وباسني من اذني من جوة وبدة يشتم بيه من يم اذني وعلى طول ركبتي

اني غمضت عيوني ورفعت ركبتي اريد ابتعد لانو احس جسمي خاني بهل لحضه

منير هشش اثبتي

قرب شفايفه من ركبتي من النص من جوة حنجي وباسني وصعد على حنجي باسني بوسات خفيفه بس اثرهن قوي

وصل لشفتي باسني من طرف شفتي بوسه خفيفه وباوعلي

فتحت عيوني اعيوني اجتي بعيونه شكله اشلون السكران صافن بيه ويريد يشرب باسرع وقت

واني بعدلي اشويه وانتهي بيدة

نزل عيونه على شفايفي ودنك تقرب منهن راد يبوسني
غمضت عيوني مد ايده على ايدي لزمها

انفاسه بدت تتقرب من شفايفي بحيث ميفصل شفايفه عن شفايفي شي

منير تدرين انتي معايدتيني

ريحانه يحجي ومن يحجي شفايفه اطخ بشفايفي من كد ماقريب عليه

ريحانه كل عام وانته بخير

منير بس هيج يعني عيديه ماكو

ريحانه انته الي لازم تنطيني عيديه مو اني

منير لا شلج بيها هاي المره هم تنطي لرجلها عيديه

ريحانه اممم وشنو هيه العيديه الي المره تنطيها لرجلها

منير بعد على حسب مروتها اكو بيهن ينطن كلسي بدون مايححي الرجال

ريحانه مثل شنو يعني

منير اممم زين انطيج مثال وانتي تكملين

ريحانه لا ماريد

منير بس اني اريد

باوع لشفايفي وغمض عيونه على كيف حسيت هنا الثواني ساعات يمشن على كيفف جسمي احسه كزبر وبطني فراشات يتمشن بيها

لحضتها  دك التليفون مالته

باوعتله غمض عيونه وعض شفته باوعلي وكام شافه وجاوبه

اني لزمت كلبي كام يدك سريععع اريد بس اتنفس احس روحي انتهيت دهر صابني كلشي ممسوي وانتهيت لعد اذا يسوي شي اشلون

منير الووو .. ها سعد لا لا خويه كاعد لا وداعتك ماعندي شي احجي سعد اي باجر اي سيارتي اني وريحانه والحجيه ليش اي اي عادي اني ادبرلك ميخالف اشوفلك مالت ولد صديقي ميخالف خويه الله وياك..

سدة وبقه كاعد على طرف الجربايه اني درت وجهي وغطيت نفسي مدري ليش هيج سويت بس درت وجهي بسرعه وغطيت نفسي وغمضت عيوني كلت

حتى اخاف عنده امل يرجع ميرجع 😂😂😂

وصدك هو حسيت بي بقه يحوس بعدين كام طلع من الغرفه بقيت اني احجي ويي نفسي

عزة راد هيج يسوي وراد هيج يسوي واذكر بالقطات واكول لو هيج مسوي مو احسن ولو هيج مسوي وانوب بعدين كلت هسه اني المن

عاندت وكتله مانطيك الريموت لو منطيته اله من البدايه مو احسن

بس هو همين مدري اشلونه يعني اخذه وانته ساكته اله تسوي حركات اجانب وتشتم بشعري وكذا

طب رجعت غمضت عيوني فتحت على كيف باوعت بالمرايه مالت الكنتور شفته ينشف وجه وايده ويباوعلي

بعدين خله التليفون على الميز وطفه التلفزيون ونام

اني همين شويه ومن حسيت بي نام نمت

كعدت الصبح على صوته

منير يله كوومي ساعه ب 10

ريحانه اي كمت صباح الخير

منير صباح النور .  ريحانه طلعيلي قميصي الزيتوني والبنطرون اكويهن اليه

ريحانه تمام مكويات بس ترة هنه

منير اي عادي عيدي كويهن اخاف معقجات شي

ريحانه تدلل

ريحانه كمت رتبت شعري وطلعت غسلت ونزلت شفت الحجيه كاعده

ريحانه ها خاله صباح الخير

الحجيه هله يمه صباح النور 

ريحانه اسويلنه ريوك وادخلج اسبحج شتكولين

الحجيه ان شاء الله

ريحانه شلزن صرتي اليوم

الحجيه على الله يمه

رحت سويت الريوك وخدرت الجاي ورحت لغرفه الحجيه منير كاعد يمها

خليت الريوك وكعدنه ناكل سوة

الحجيه شكم يوم تعوف مريتك يم اهلها يمه

منير دكول باجر تعالي اخذني

الحجيه ليش يمه ابقي اهلج كم يوم انتي وين شايفتهم صارلج شكد

ريحانه لا خاله اذا اروح اليوم منا لحد باجر اشبع منهم

الحجيه دباتي يم عيد اطلعين وياهم شي

ريحانه هو منا لباجر اسوي كلشي شعندي

الحجيه بكيفج يمه بس ديري بالج على نفسج التعب موزين على الس ابطنج

ريحانه لا تخافين خير ان شاء الله

منير اني يمكن راح اصعد اكمل نومتي نعسان

الحجيه مكعدت من وقت شعجب بعدك نعسان

منير لا يمه البارحه اليل كله كاعد اني

الحجيه ليش يمه شعندك ..

منير ادور على الريموت يمه دوخني ادوخ باليل.

ريحانه هو حجه واني عفت الاكل وصفنت عليه وهو يحجي ويسوي حركات بحواجبه يعني شكو

الحجيه جان كلت لمريتك ادوره الك

منير يمه هيه مريتي ضامته مني

الحجيه يا يجوز بادي شي هيه تريد تباوعه

منير اني وياها جنه نباوعل فلم يمه حلو الحجي

الحجيه اي يمه حلو

منير نباوع اني وياها وصافنين وشحلاتنه اشو شويه دك  التليفون سعد الفكر رجل بنتج كملت المخابرة درت وجهي لكيتها نايمه يايمه وضامه الريموت

الحجيه هاي يمه انتي الي تتحارشين ببني

ريحانه والله خاله مصار هيج جذاب الريموت على الميز بس هو ميشوفه

منير وداعتج يمه شفته ولزمته بس فجاة اختفى

الحجيه يايمه انته مشوف من تريد شي كول لمرتك بعد

منير انتي هيج دكولين يمه

الحجيه اي يايمه

بقه ياكل ويباوعلي بعدين اني كمت لانو خجلت فولل

كمت للمطبخ رتبت كم شغله بعدين شفته كام راح يغسل طبيت اني يم الحجيه شفتهم مكملين اخذت الصينيه ورحت غسلتهن ورتبت المطبخ

ورحت يم خالتي منير طلع يم الولد يساعدهم

ريحانه يله خاله كومي اسبحج

الحجيه يله يمه وين عربانتي

جبتلها العربانه ودخلتها للحمام سبحتها هيه ليفت بطنها وصدرها وايدها واني ضهرها ورجلها غسلتلها شعرها وبقيت افركلها بي

وهيه تليف بجسمها بعدين ذبيت عليها مي

الحجيه يمه نطيني المحجارة

ريحانه شنو هاي شسوين بيها

الحجيه يم اسوي بيها رجلي تلكينها يمج ورة المرايه

رحت جبتها شفتها اشلون الطابوكه لونها اسود

ريحانه علميني شسوين بيها واني اسويلج

الحجيه لاي يايمه ماتعرفين اني اسويها
ريحانه عفتها هيه تسويهن واني اخذت ملابسها غسلتهن بيدي

الحجيه شسوين يمه

ريحانه اغسل ملابسج خاله

جبت المنشفه نشفتلها وطلعتها لغرفتها مشطت شعرها وعطرتها وخليت شيلتها يمها هيه وعبايتها

ريحانه هسه انتي تمام راح اصعد اني احضر ملابس واحضر نفسي وانزلج تمام

الحجيه اي يمه اتاخرتي

ريحانه لا بعد وقت بس اكوي ملابس منير اريد

الحجيه ديله يمه استعجلي

صعدت طلعت الملابس الي كلي عليهن  كويتهن وخليتهن على الجربايه

طبيت للحمام سبحت ونشفت شعري وطلعت

مابدلت بقيت بالروب كلت امكيج يله البس الملابس

وصدك مكيجت مكياج حلو برزت بي عيوني وسويت شعري نعمته بس اني راح البس حجاي يعني عادي النهم نشفته ونعمته وكمت طلعت ملابس لبستهن اول مسديت الدكم (الازرار) مالت القميص

طب منير يعني لو متاخره ثانيه جان هسه شاف كلشي

طب شافني مبدله ومكيجه كلت خلي انزل لا سالفت البارحه تنعاد

ريحانه منير حضرتلك غراضك هنا والحمام جاهز اني ارح انزل انطي لخالتي العلاج ....ا خذت الجنطه والحجاب وطلعت بدون حتى ماخلي يجاوبني

منير والتليفون ماتردينه

ريحانه رجعت باوعتله

ريحانه اي اريده وينه

منير وشنو المقابل
ريحانه شنو تريد مقابل هو غير موبايل

منير بكيفج اني بدون مقابل مانطي انطيني مقابل يله انطي الج

ريحانه شنو تريد مقابل

منير انتي المابيل شكد مهم عندج

ريحانه يعني مو هواي بس حتى اخابر اهلي من اشتاقلهم

منير بس اهلج واني شنو كرفس

ريحانه موقصدي بس انته مكابلني اربعه وعشرين ساعه اهلي لا

منير انوب ضايجه لانو مكابلج

ريحانه ها منير تريد عركه حتى متنطينيا

منير على شنو العركه اكدر مانطي الج من البدايه

ريحانه هسه وين التليفون

منير ابجيبي

ريحانه نطينيا

منير تريدينه اخذي

ريحانه هاي شنو هو جيبك لو جيبي

منير موبايلج لو مبايل

ريحانه انطينيا ابتسمت ومدين ايدي

هو بقه يباوعلي وطلع التليفون مد ايده كدامي وبيها التليفون اني مديت ايدي حتى اخذه لزم ايدي وجرني لحضنه قوي خله ايده وره ضهري على خصري وايد لازم بيها ايد

جسمي كلش طخ بجسمه مو بس طخ لا لزك

ريحانه شكو

منير المقابل

ريحانه وشنو هو المقابل

منير انتي شتكولين بهيج وضع المقابل شنو

ريحانه منيرر

منير هههه اشبيج هيج بالج وصخ وين راح مو احنه البارحه فطرنه شبسرعه شيطانج تحرر

ريحانه مو اني مقصدي شي

منير المهم يله اريد المقابل

بقه قريب مني ويناكر بيه واني مخليه ايدي على صدرة وايد لازمها هوة
وبيها التليفون لزمت اتليفون بيدي ودفعته وركضت اضحك

منير الزمج قابل وين تروحين الزمج

ريحانه الله كريم عود

نزلت يم خالتي شفت اطياف يمها وضايجه بقيت اباوعلها باوعتلي صفح

ومتعصبه واني دخلت اضحك كلت ياستار ياربي شكو شصار ...

...

هنا وخلص البارت اتمنى يكون عجبتكم الاحداث انتضروني باجر بارت جديد واطول من هذا بهووواي تحياتي

غزل الحجامية ..