رواية نصف شهر عسل الفصل الثالث وأربعون 43 - بقلم غزل الحجامية

عين الناس ما ترحم ضوه العشّاگ

وعينك رحمة من الله

شحلات الخوف من نخاف لا ننباگ

وتفز بلسانك أسم الله

..

اسد علي ديله اشويه واجيكم

ريحانه زين اسد سوال

اسد علي اسئلي

ريحانه شبيك اليوم الصبح ضايج ومتعصب صاير شي

اسد علي لا مصاير شي بس اشو كعدت ضايج

ريحانه هيج  بدون سبب

اسد علي لا بس خفت عليج كليه وحياة جديده واخاف يصير شي

ريحانه مثل شنو يصير

اسد علي مادري

ريحانه مثلا شتكول انخطف

اسد علي انجبي تنخطفين واني موجود

ريحانه امممم شسوي اذا انخطف مثلا

اسد علي اكللها ماتنخطفين واني موجود دكلي شسوي اذا انخطف شبيج بابا انتي بالكليه عوفي الثول عيب

ريحانه لا عادي شخصيتي هاي

اسد علي اشلون شخصيه ع اساس

ريحانه فديتني فدوة اليه

اسد علي باع الغرور باعع

ريحانه هههههه موغرور ثقه

اسد علي دمشي امشي لا اشوفج الثقه شسوي

ريحانه يله عيني منتضرينك

اسد علي ماشي عشر دقايق واجي

لست عصبي لکن ٱملك غغيرھ قد
تقتلك احيانا

...

سديته منه ورجعت يم شذى وكرم اباوع للولد مرتبك من يحجي وشذى عاديه منطلقه بالحجي

كرم زين ليش تركتي الدراسه انتي

شذى صارت سوالف ومكدرت اكمل بس هسه فهمت الدراسه شنو تريد

كرم اهم شي الدراسه

ريحانه اي عيني تره كرم من عائله كلهم مكملين دراسه

شذى صدك

كرم اي والدي والدتي دكاترة

شذى وشعجب انته دخلت قانون

كرم يمعودة دخت من ريحه الديتول بالبيت

شذى ههههههه والقانون تحبه لو بس علمود تشرد من الديتول

كرم لا مهنه حلوة القانون انتي شعجب دخلتي ماليه شكد معدلج

شذى جبت 74 بس اني مالي خلك هوواي للقرايه فختاريت هل شي شويه سهل

كرم صدك تحجين ماليه سهل

شذى اي يمعود عاد من اتخرج كبل اشوف  وضيفه

كرم بهاي صح قسم ماليه بسرعه يتوضفون لانو يتوزعون ع الشركات وع المصارف

شذى اي واني عندي عرف ابن خالتي بشركه ويمكن ورة نصف السنه ابلش بالشركه بدون راتب بس انعود ع الشغل

كرم لا مانصحج اتعبين نفسج من اول سنه ابدي بهل شي من ورة السنه الثالثه

شذى اني كلت من اول سنه حتى اتعود

كرم لا الشغل سهل بس اذا شغل ودراسه تهملين شي منهن خليها ع السنه الثالثه اني جنتي من اول سنه وي عمي عميد بالكليه ويانه وابقه بمكتبه واراقب الطلاب والاوراق وكذا بس تعبت

شذى عمك ويانه بالكليه

كرم اي عميد الكليه الاستاذ كامل

شذى ماعرفهم اول يوم اليه

كرم ريحانه تعرفه

ريحانه اي استاذ محترم

كرم تسلمين

شذى زين اني اروح اغسل واجي تجين ريحانه

ريحانه لا حبيبتي روحي انتي

شذى ماشي

..

كامت شذى وكرم بقه يباوع عليها بحيث ركبته نكسرت عليها

ريحانه احم احممم

كرم ها ريحانه

ريحانه ها كرم

كرم بدينه مووو

ريحانه لا عيني شبدينه

كرم هيه هاي بنت مرت ابوج

ريحانه اي

كرم بس علاقتكم حلو كدامي لو صدك هيج

ريحانه لا هو احنه هيج ساعه حبايب وساعه الله لا يشوفك ايانه

كرم ههههه الله يحفضكم  بس هيه مبين حبابه انتي وكحه ع كيفج وياها

ريحانه يااا انوب اني وكحه صرت خلفله عليك كرم

كرم زين هيه مرتبطه

ريحانه احمم ليش تسال

كرم هيج فضول

ريحانه لا

كرم شعجب عاد هيه حلوة ومبين خوش بنيه

ريحانه قابل كل الحلولت والخوش بنات يرتبطن

كرم اممم هم احسن الها ماترتبط

ريحانه اممم اي احسن

كرم زين عدها تليفون

ريحانه اي اكيد

كرم اذا اطلبه منها تنطي اليه

ريحانه لا ماعتقد

كرم اممم نحاول

ريحانه براحتك

.. واحنه محجي اجتي شذى

شذى يله كومي هسه اسد وصل

ريحانه اي تمام يله

كرم زين اذا ماجه كولن اني اوصلجن

شذى لا يجي خابرته

كرم براحتجن وفرصه سعيده اتعرفت عليج اتمنى ميكون اخر لقاء

شذى اي ان شاء الله يله ريحانه

ريحانه يله كرم مع سلامه

كرم الله وياجن

..

عفنه كرم ومشينه وهو بقه يباوع علينه

..

شذى شفتي اسويت بي خليته يكسر ركبته عليه

ريحانه والله مو قليله  ترة كرم هو هيج طبعه  بس هل مره اشو احسه وكع

شذى اي بابا شبيج غير اني شذى

ريحانه اهووو بدينه غرور من اول يوم

شذى ههههه لا بشرفج ترة حلو كلش

ريحانه اكلج حبي شاخذنه من الحلوين بس طيحان الحظ

شذى اي والله جربته اني وماريد اذكر التجربه

ريحانه ويعععع بس لا احسين جان حلو خاب اذاناته عبالك صحن ارضي

شذى لا هم ينطلع بي

ريحانه وحق الله لباب المطبخ مينطلع بي

شذى ديله امشي امشي

. طلعنه من بابوالكليه شفنه اسد علي جاي علينه يعني هسه وصل ومبتسم

وصلنه يمه صعدت شذى بالصدر واني ورة

شذى ها عيني الله يساعدك

اسد علي ويساعدج اشلونه اول يوم

شذى يخبل محاضرات وتعارف اتعرفت ع بنيه حبابه اسمها نور

اسد علي زينه هاي وانتي ريحانه

ريحانه هماتين محاضرات وتعارف بس متعرفت ع احد

شذى يا لعد شسوين بقيتي

ريحانه عاديه كاعده

شذى ولج بابا من اول يوم تعرفي يفيدن معارف وحده تطلع ابوها وزير ضابط نقيب اخوها بالداخليه

اسد علي وشسوين بذوله ست شذى

شذى خويه يفدونه بعد التخرج

اسد علي باع التفكير انتي شوكت تكبرين رحمه لربج

ريحانه عود اوصي اني وبعدين وين اكو بقسم ماليه بنات ابوهن وزير انتي ثوله

شذى تصير بنتي اتصير مو بعيده عن ربج

ريحانه ههههههه ثول

اسد علي زين شتكولن اغديجن بره اليوم بمناسبه اول يوم كليه وكذا

شذى اي ياريت خلي نتونس شويه

ريحانه بكيفك

اسد علي زين تختارن انتن المكان لو اني

شذى اي هذا المطعم الي مره اخذتني اله من سويت معاملتي مالت الخامس

اسد علي يووو شذكرج بي هذا

شذى خوش مطعم

اسد علي اي مالت صديقي يله نروح

..

وصدك بقينه نسولف لحد ماوصلنه للمطعم نزلنه وكلهم يسلمون ع اسد علي لانو صار هواي مشايفينه

قسم يعتذرون منه لانو ماجوي اله وقسم فرحانين بي

كعدنه اني وشذى وهو بقه يم جماعته

شذى تفكر شنو تطلب واني بقيت اباوع ع اسد علي

وحركاته ايده اشلون تتحرك من ينزعج ويريد يسد الموضوع اشلون يسد ايده قوي ويفتحها

اشلون يحك راسه من يجذب اشلون يرفع حاجبه من يكولوله شي حركات جسمه

انتبهت ع نفسي منتبه ع اسد علي هوواي صحيت نفسي بقيت احجي وي نفسي

اصحي الثوله هو صح مو اخوج بس مثل اخوج انجبي اعتقد حرام هل شي

بس ليش حرام اكثر البنات ينتبهن ع هيج شي

...

شذى اني اريد كص دجاج شتكولين

ريحانه اممم اي واني لحم

شذى اوك

..

عاف ايد علي جماعته واجه يمنه كعد

طلبنه الي نريده اكلنه وبقينه نسولف طولنه بالسوالف وتونسنه رجعنه للبيت واخذنه ويانه غده لهبه ولابويه

..

مرت اول ايام بالكليه وبالبيت عاديه مرتبات وضعنه اني وشذى بين البيت والدراسه لانو هبه ماتكدر هم كبرت

وكل يوميه تروح زيارة وي جيرانه حمله دار وكذا

اليوم خميس وقررنه نبقه كاعدات اني وشذى نسهر شويه

وصدك بقينه ع التلفزيون ساعه 11 اسد علي اجه بس هو وصديقه بقو كاعدين بالاستقبال سوينه الهم عصير وفرش اسد علي وبعد مطلعو

نسمع بس ضحكهم وصوت الاركيله

واحنه نباوع طبت علينه هبه

هبه ها بعدجن كاعدات

شذى اي

هبه اني الفجر راح اروح للزيارة اجي باجر العصر

شذى متاخذينه وياج

هبه ع غير مره لو كايلات من وقت بيها مجال بس السيارة قبطت

شذى يله ع غير مرة

هبه المره تجيني ساعه 2 عود كعدني من وقت

ريحانه ماشي

هبه يله تصبحن ع خير

شذى وريحانه وانتي بخير ..

ريحانه اي كملي وشكلج الدكتور

شذى شكلي كلي اطلعي بره

ريحانه هههه احسلج هيج اشدخلج انتي

شذى شنو اشدخلني غير الكرسي مالتي

ريحانه قابل كتبتي اسمج عليه

شذى خيولي اني احب اكعد من يم الشباك حتى من اضوج اباوع ع الطلاب وهذا الغبي عايف الاماكن كلها كعد بالكرسي مالتي

ريحانه وين رحتي من طلعتي

شذى خابرتج مغلق جنتي بمحاضرة رحت كعدت بالكافتريا وشفت كرم

ريحانه اممم اي هنا الحجي وكعد يمج

شذى اي واصدقائه كلوله عدنه محاضرة مهمه بس ماقبل يروح

ريحانه اممم اي وبعدين

شذى بقه يسولف ويعرفني عن عنه طلع خوش ولد وعائلته زينين

ريحانه اي

شذى وطلب رقمي

ريحانه اي ونطيتي اله

شذى لا كتله ماكدر

ريحانه اي احسن اني هم طلبه مني كتله ماعتقد تقبل شذى

شذى اي خلي ابيع ثكل شويه

ريحانه مو شغله ثكل بابا بس ع شنو تنطي رقمج

شذى زميل زميل بنتي

ريحانه هجم بيت الزماله الي تنكط منج

شذى لعد شعبالج

...

بقينه اني وشذى كاعدات من فلم لفلم لحد ساعه 2 وصدك ندك الباب اسد علي ماكام فتحه يعني نايم هو وصديقه كمت اني فتحته

ريحانه منو

.. اني عيني كعدي امج راح نطلع

.. فتحت الباب وحجيت وياها

ريحانه اي خاله تدللين هسه راح اكعدها انتي ام احمد

ام احمد اي يمه شنو لحد هسه مكاعده ام اسد

ريحانه كالت كعدني ساعه 2

ام احمد اي يمه دكعديها مبقه شي

ريحانه تمام

.. واحنه نحجي اجه ولد من وراها وحجه وياها شافني بقه واكف باوع عليه اني صرت ورة الباب

.. يله يمه شمنتضرة

ام احمد اي يمه هاي كملت بس منتضرة ام اسد

.. ديله تعاي

..استاذنت مني وراحت اني سديت الباب ورحت كعدت هبه بدلت وكملت وراحت

..

مرت فترة حلوة بين الكليه والبيت  وكرم وشذى الي بدو واحد ينجذب للثاني

لحد ورة مراحت هبه للزيارة ب 3 ايام جاي نسوي بالعشه اني وشذى وطبت علينه

هبه اكول بنات تذكرن من رحت للزيارة

شذى اي ليش

هبه منو فتحت الباب لام احمد

شذى ريحانه

ريحانه اي اني ليش

هبه اي زين ابنها شايفج

ريحانه والله مادري بس من جنت احجي وياها اجه ولد وحجه وياها بس اني وكفت ورة الباب ماعتقد شافني

شذى ليش تسالين

هبه اليوم من رحت جبت ريوك شافتني وكالت انريد نجي انزوركم

شذى اي شكو بيها

هبه وكالت انو ابني شاف بنتج المحروسه ويريد يخطبها يجي

ريحانه يعني عبالها اني شذى

هبه اي عبالها انتي بنتي بس هو الولد رايدج انتي

شذى اي بلكي تصير بس كون يطلع خوش ولد هو منو شايفته اني

ريحانه انجبي انتي شنو بلكي تصير شعندي ماريد

هبه شنو ماتردين ميصير هيج دكولين

ريحانه ها شنو تريديني اتزوج

هبه شوف تفكريهن يالله قصدي مايصير دكولين ماريد بنتي كولي بيد الله حرام اطردين النعمه ربج ياخذها

شذى ونعم بالله بس اني ماريد هسه ساده هل موضوع مافكر بي

هبه باجر يمكن تجي المره العصر من ترجعن من الكليه وهيه من درت بيج بالكليه كيفت

ريحانه يااا وليش تجي ماسديتي الموضوع انتي

هبه ليش اسده قابل كنالج وافقي تجي المره صارت القسمه خير ع خير مصارت هذا هو

شذى اي صح ريحانه هسه شخسرانين اذا يجون

ريحانه مادري بكيفجن

هبه باجر تجي حضري نفسج انتي

ريحانه ماشي

عافتنه وطلعت واني وشذى بقينه نسوي بالعشه

.. شذى بربج شفتي من اجه

ريحانه لا والله ماركزت ع ملامحه

شذى اني سامعه بي احمد الي ياخذ حمله دار وي امه دائما بس اني ادري بي عنده ولد

ريحانه يعني متزوج

شذى لج لا هذا يمكن من اسد علي دخل للسجن زوجته توفت بنفس الفترة حتى صار ياخذ حمله دار هووواي حتى ينساها وينشغل بالشغل

ريحانه خطيه الله يرحمها

شذى اي بس اذا هو يمكن غيره لانو هواي ياخذون حمله دار

ريحانه اي يمكن

.

وصدك ثاني يوم رجعنه اني وشذى ك العاده وي اسد علي بالسيارة وحجت شذى بالموضوع

شذى يبو هسه امج تستقبلنه سون وسون

اسد علي ليش شكو

شذى جايين خطابه عيني

اسد علي شنو خطابه ع منو

شذى عليك خويه

اسد علي جاي احجي  عدل ولج

شذى اي شبيك جايين ع ريحانه

اسد علي شنوو  منو هذا انوب

شذى هذا الولد الي بالمنطقه الي ياخذ حمله دار احمد

اسد علي هذا الي مرته متوفيه بس عنده ولد

شذى اي شكو بيها بس هو خوش ولد

اسد علي وانتي شنو موافقه ريحانه

ريحانه هو اني شايفته للولد حتى اوافق

اسد علي لعد منين اجاج خطابه اذا مشايفج

ريحانه من راحت امك قبل كم يوم باليل للزيارة فتحت الباب لامه وشافتني وحجت وي امك

اسد علي وانتي شعندج تفتحين الباب باليل ماكعدتيني

ريحانه صديقك جان يمك

.. بقه يباوع عليه بالمرايه وشكله متعصب دار وجه ع اشارع وبقه يسوق بسكوت بس مبين عليه عصبي كلش وشذى تباوعلي بالمرايه وترفع حاجبها بمعنى شكو

اشرتلها مادري

كلت هذا يمكن لانو طلعت باليل عباله الولد شايفني

وصلنه وكف السيارة قوي نزلنه اني وشذى بهدوء عرفنا عصبي

طبينه بدلنه ملابسنه وطبينه للمطبخ صبينه الغده ابوي طب ورانه وهبه بالغرفه صحناها وكعدنه نتغده

بس اسد علي ماجه بقه فوك بغرفته

هبه وين اسد لعد

شذى مادري اجه ويانه بس بقه فوك

هبه وحده منجن دكوم تصيحه

شذى معليه اني جوعانه

هبه كومي انتي ريحانه

ريحانه اي

..

كمت لازمه خاشوكتي بيدي لانو جنت كاعده واكل

شذى دعوفي الخاشوكه

ريحانه لا عيني حتى من يجي اسد وياي مياخذها

شذى كبر لفكم اثنينكم

.. صعدت اله حتى اخلي ينزل دكيت الباب عاط

اسد علي منوووو

هنا خفت كلت خلي انزل شكله عصبي ليش احصل ارزاله  بس هو فتح الباب من شافني عقد حاجبه

اسد علي شكو

ريحانه ها امك امك كالت صيحي

اسد علي شكو شتردون

ريحانه جاي نتغده غير تنزل ويانه

اسد علي ماريده هسه فد شويه لو ماعدجن وقت تسون فد شويه

ريحانه ها لا شعدنه قابل ماسي راح اكللهم فد شويه يريد

..

درت وجهي حتى انزل فجاءة جرني من ايدي وطببني للغرفه وسد الباب وكفني ورة الباب وهو مباشرة يمي

بلحضتها ماعرفت شصار لو ليش هيج سوة اتفاجائت لانو فجاة هيج سوة

بقيت واكفه يم الباب وهو مقابيلي ولازمني من ايدي وايده الثانيه ع الباب

..

ريحانه شبيك اسد

اسد علي يعني متعرفين شبيه

ريحانه لا والله شكو صاير شي

اسد علي شافج موو

ريحانه منو الشافني

اسد  علي ريحانه لا تستغبين تعرفين

ريحانه والله مجاي افهمك

أسد  علي  أحمد النعل شافج  لو لا

ريحانة يا أحمد

أسد علي  ريحانة  لا تستغبين

ريحانه قصدي الي جاي يخطبني اليوم

اسد علي اي هو

ريحانه لا ماعتقد اني من شفته وكفت ورة الباب بسرعه

اسد علي يعني انتي شفتي

ريحانه لا بس انته ليش تسال

اسد علي يعني ريحانه ممكن توافقين علي

ريحانه هو امه بعدها مجايه لحد هسه وين اوافق عليه

اسد علي يعني اذا تجي ممكن توافقين

ريحانه ليش تسال

اسد علي اريد اعرف

ريحانه زين ابتعد واني اكلك

اسد علي احجي وابتعد

..

أحببتك حتى وأنت مع غيري ، ألا يكفيك هذا ؟.☹️

ريحانه اني شايله هل فكره من بالي بس اذا خوش ولد ليي

.. واني احجي ردت اكله اذا خوش ولد ليش لا

ماحس اله شفايفي صارت دافيه بلحضه ايد اسد علي صارت ورة ركبتي وايده الثانيه ع خصري وباسني بدفو برقه

بدون حركه بس مجرد خله شفايفي بين شفايفه

مغمضه عيوني واحس بطني فراشات بيها تتحرك جسمي رجف 
رجلي ماكدر اسيطر عليها احس اول مره سخص يلزمني بطني الي ماتهده صدري الي يصعد وينزل

اول عشر ثواني احس روحي طلعت مني احساس حلو وغريب

بعد شفايفه مني بهدوء وهو مغمض فتحت عيوني ع كيف شفته صافن ع وجهي ونفسه يصعد وينزل سريع وعيونه حمر وايده ع ركبتي

بس ايده الثانيه ع خصري قوي بحيث راد ينشلع بيده ماعرفت شنو قصده وليش هيج سوة

اسد علي اني ماردت هيج اسوي بس انتي جبرتيني

ريحانه هممم

اسد علي اياج ريحانه اياج تفهمين كدامي ترة اسوي جريمه

.. صحيت ع نفسي ليش هيج سوة وشقصده   دفعته  مني ولزمت شفايفي بتفاجاة

ريحانه شنو هاي شسويت

اسد علي شسويت يعني بستج

ريحانه انتي مخبل اشلون هيج اتسوي اني اختك

اسد علي لا مو اختي لا ابوج ابوي ولا امي امج لا تضحكين ع نفسج ريحانه

.. من سمعته هيج حجه ماعرف شصار بيه لكيت ايدي فجاة تنرفع وضربته راشدي

....

هنا وخلص البارت اتمنى يكون عجبكم وبنات احب اوضح شي الكم

اني من اكتب البارت مرات اكول بعد يومين لعد ثلاث ايام هيج صار

هل شي مو تمام مرات الاحداث ورة شهر وشهرين بس اني ماحب اكول بعد شهر وشهرين فاكول بعد يومين يوم هيج شي

يعني اني داخذ الاحداث المهمه من القصه واكتبها فامن تشوفن اخطاء بسيطه اعتذر عنها طبعا اني بس لا تركزن 😊

تحياتي

غزل الحجامية .