رواية نصف شهر عسل الفصل الرابع وأربعون 44 - بقلم غزل الحجامية

❣

وشوف چم شوغة عطش

بشفافي شوف

طويرة روحي بحضرة شفافك تطوف

،
،
،

ريحانه فجاءة لكيت ايدي ترفع وتضربه راشدي

بقه يباوعلي ومتفاجاء دفعته مني وفتحت الباب ونزلت ركض

ماعرف شنو قصده بوقتها ليش هيج سوة احس جسمي موجسمي احس شي راح مني بوقتها مادري فرحانه

ضايجه بحيث هو الدرج 14 بايه احسه سنه يله نزلت منه وافكر ليش هيج سوة شقصده يعني هو كل مره هيج يسوي ويومعني بمصيبه

زين شقصده وليس هيج حجه لزمت اشفايفي واحجي وي نفسي زين ليش باسني ..

شذى ها عاط بيج مووو

.. صحيت من تفكيري ع صوت شذى وهيه تحجي وياي

ريحانه هاا

شذى عاط بيج اسد علي مو

ريحانه ها اي اي متعصب

هبه يعني ميتغده

ريحانه لا كال فد شويه

هبه عوفي لعد فد شويه عود نصبله

.. عفتهم ورحت للمطبخ

شذى وين تعاي اتغدي

ريحانه ماريد بعد شبعت

شذى ولج هو انتي شكلتي

ريحانه لا شبعت

.. طبيت للمطبخ ماعرف شسوي وكفت يم السينك فتحت المي وغسلت وجهي اكثر من مره احس وجهي نارر اريد اطفي النار الي بيه

وكفت احجي وي نفسي يعني هو الموضوع جبير لو اني مكبرته ليش هيج سوة

اووف منك اسد علي شتريد مني بس فهمنيييي شتريد كل فترة تسويلي مصيبه يعني

خلاني بدوامه ماعرف اشلون اطلع منها لزمت اشفايفي واذكر شفايفه من باستني

غمضت وانفاسه باذني احسها بعدها  احس اخذ شفايفي اله يعني حتى مكدرت ادفعه لو ابتعد عنه بس ليش ليش هيج

وشـفايفك بيهن رطـوبة
يصير انشـفهن الك

..

اسد علي يمعود اجيب البنات من الكليه انته روح

فريد يمعود  صارلنه هواي ممجتمعين بالولد

اسد علي ولا اريد اجتمع بيهم فريد اني ماصدكت ربك تاب عني ونسيت الشرب وصلاتي الحمدالله عوفني بعد اخوك

فريد براحتك يله روح

اسد علي يله مع سلامه

..
سديت المحل مالتي وعفت المحل الثاني بيد العامل ورحت حتى اجيب البنات كلت اليوم افوتهن من المحل الي يبيع موطه اشتري لريحانه صار هواي مجايبلها

وصلت شفتهن طلعن من الكليه ويسولفن صعدن يمي وبدن يسولفن لحد ماشذى كالت راح يجي خطابه

اني كلت يجي لشذى بس اتفاجائت وتعصب من كالت لريحانه  زين منين وليش يعني راح يجون موافقه هيه شنو

بقيت اباوعلها بالمرايه حتى السيارة مسيطرت عليها وهاي شذى دكلي جيرانه يعني شايفها ويمكن هيه هم شايفته

ومن كالت شايفتني امه تعصب اكثر هنه ذني الامهات حايرات يخطبن

وصلنه للبيت وعصبي كلش احس اريد اكسر البيت وهنه نتبهن عليه عصبي عافني ونزلن اني هم صعدت فوك كبل

للغرفه صار شكد اني انام بيها وهيه اصلا جانت غرفتها لريحانه بس ريحتها بيها كل ماطبلها واتعمد اسد الباب دائما مابقي مفتوح حتى ريحتها ماتروح

وهيه من تصعد تنضفها احس عطرها يفتر بالغرفه

بقيت افتر بالغرفه وعصبي

واحجي وي نفسي وحق محمد اكسر راسها اذا توافق

شنووو هاي البنيه ثوووله يعني معقوله ممبين عليه احبها وميت عليها واريدها معقوله ممفكره بيه ابددد وحق محمد اموتها ع ايدي

ماسمحلها هل مره تعوفني وتروح

يعني شكد ابتعد عني واتزوجت وادري بيها وشفتها حامل وكدامي واخذتها لبيت عيالها بيدي بس بعدني احبها

اريدها وماريد غيرها  من اول  ماشفتها من اول ماتزوج ابوها امي وشفتها فكرت بيها مريتي

وهسه هذا مدري منين اجاني هو اني بالكليه ماريدها تروح ماريد احد يشوفها انوب خطابه

مهمآ تغيب تبقى الحبيب البي بنيت أمآلي !!🧡

واني احجي وي نفسي ندك الباب عطت منووو محد جاوب فتحته شفتها رادت تنزل

جان كالت تتغده ومدري شنو

ردت اسطرها راشدي اصحيها من فهاوتها اني متعصب وروحي طالعه وهيه لازمه خاشوكتها واكفه كبالي تريدني اتغده

مادري اشلون جريتها لو شنو جان قصدي بهل حركه بس لكيت ايدي تجرها

وكفتها وره الباب وهيه ثوله مافهمت ليش هيج سويت واني بوقتها هم نثولت ليش هيج سويت

بس من اسئلها وهيه جوابها اثول يكطع الكلب ماتحملتها ومن سئلتها توافقين ردتها دكول لا طبعا اني الك

بس الثوله دكلي اذا خوش ولد

متحملت اخليها تكمل لكيت فجاءة شفايفي ع شفايفها

اوف ياهل لحضه ماردتها هيج ردتها مريتي وابوسها احضنها اشتمها بس لكيت نفسي فجاءة شفايفها بين شفايفي وخصرها بيدي يريد ينشلع لزمتها قوي من خصرها

وهيه بالبديهه تفاجاءت من حركتها مبينه بس احس بيها مسيطرت ع نفسها جسمها مو الها يمكن بوقتها لانو بوستي جانت صادقه

مشاعري حقيقيه واني هم ماكدرت اتحرك ابدد عود اني مو اول مره اليه هاي ولا هيه لانو هيه جانت متزوجه

بس احس روحي تلميذ بالروضه مافتهم شي بحيث شفايفي مكدرت احركهن ع شفايفها بس اريد احس بطعمهن

ابتعدت ور شويه منها فتحت عيوني مغمضه وفتحت عيونها وهيه ذايبه بيدي

بوقتها انفاسي احسهن راح تشك صدري من قوتها دفعتني ودكلي انته اخوي

عصبتني بوقتها يعني ثوله وحق محمد ثوله اني ابوسها وهيه دكلي اخوي وين اكو اخ يبوس اخته من شفايفها

بس موجديد الثول ع ريحانتي بس اتفاجاءت منها من ضربتني راشدي هاي شبيها

ضربتني ونزلت

بقيت اني بالغرفه صح ضجت منها لانو ضربتني بس فرحت لانو اخيراا اخيرا

كدرت اعترفلها يمكن ماكتلها اني احبج بس هل شي لازم يخليها تعرف انو اني احبها 

ممعقوله بعد هل راشدي وماتفكر انو اني احبها لازم تفكر

كعدت ع الجرابايه وافكر بيها هيح اتمنى اكل شفايفي لانو لزمت شفايفها بديت اغار من شفايفي احجي وي نفسي ع طعم شفايفها وانفاسها الي نضربت بوجهي

حركه جسمها رجفتها بيدي

بقيت كاعد وافكر بيها ومادري شصار بيها هيه جوة بس المهم سويت الي سويته

.. بقيت بالغرفه حتى منزلت اتغده لل4 ونص وسمعت بالباب يندك فتحت الشباك شفتها ام محمد جيرانه وياها بنيه ومره جبيرةة

كلت اهووو اجوي

نزلت بسرعه شفت امي تريد تفتح الباب بقيت اباوعلها راحت واني بقيت اباوع ع البيت اريد اشوفها وين راحت هاي الثوله

طبيت للمطبخ ماكو لا هيه ولا شذى يعني بالغرفه

بقيت بالمطبخ ع انو تجي بس ماكو اجتي شذى

شذى ها اسد اصبلك غده

اسد علي ها اي صبيلي اكلج وي ريحانه

شذى بالغرفه جاي تبدل

اسد علي ليش شعدها

شذى مو كتلك جايينها خطابه

اسد علي اي وليش تبدل

شذى يا هاي شبيك اسد قابل تكعد يم المره بدون ملابس غير لازم ترتب نفسها

اسد وهيه قابل راح تواافق حتى ترتب نفسها

شذى يبوو باع التفكير فدوة لربك اسكت روح اكعد ع التلفزيون ع ما اصبلك غده

عفت شذى وطلعت كعدت بالهول الي بين الاستقبال وغرفه البنات وبقيت اباوع ع الباب مالت الغرفه مسدود

وشذى بالمطبخ جابتلي غداي وراحت للمطبخ شويه وطلعت من المطبخ وطبت للغرفه وره تقريبا خمس دقايق طلعت وراها طلعت ريحانه

اني اباوع ع الاكل وع الباب حتى ماكلت

هيه من شافتني كاعد وكفت بالباب مالت الغرفه حتى متحركت ومبين عليها الارتباك بقت تباوعلي احس عيونها دمعت ردت اكوملها هاي شبيها

معقوله كارهتني وماتريدني

بس اجتي شذى وجرتها من ايدها وطببتها للمطبخ شويه وطلعت لازمه الصينيه وطبت للنسوان وشذى بقت بالمطبخ

بقيت اكل واباوع ع باب الاستقبال هسه ذوله شيحجون معقوله توافق هل ثوله

اجتي شذى شالت الصينيه مني وجابتلي جاي

ورة شويه طلعت ريحانه من الاستقبال باوعتلي وراحت للغرفه بسرعه
وشذى لحكتها

اسمع صوت شذى تحجي وياها بس مامفهوم حجيهن مو واضح

شويه وطلعن النسوان وامي همين طلعتهن واجتي

اسد علي ها شنو وافقت

هبه لا يمه شبيك هستوهم طلعو

اسد علي  يعني موافقت ريحانه

هبه لا يمه بعدني محاجيه وياها احجي وياها واشوف

اسد علي ع شنو تحجين عوفي البنيه بالكليه تكون نفسها احسن من الزواج

هبه يا يمه شبيك قابل شايفني لازمه سيف المره اجتي وشافتها وبعد بقت يم ريحانه

عفت امي وصعدت فوك بقيت افكر بالي صار اليوم

..

شذى ها شكلتي

ريحانه شكلت يمعودة طبعا لا

شذى اكلج انتي شبيج بس فهميني

ريحانه شبيه شذى لا تلحين

شذى احسج ضايجه صار شي

ريحانه لا مصار شي

شذى زين تعاي خلي نتعشه سويت الشعه وحدي اليوم

ريحانه لا ماشتهي

شذى بكيفج

..

عافتني وطلعت شذى بقيت دايخه يمكن بوجه نضر البعض اني كبرت الموضوع بس ترة هو الموضوع جبير يعني اني مجنت مفكره باسد علي ممكن هيج يسوي وياي

مر الوقت واني افكر ليش واشلون هيج صار وطبعا ماوصلت لاي حل

نمت وكعدت ع صوت شذى تكعدني للكليه

شذى ولج كومي فضينه

ريحانه اي كمت كمت

كمت بالكوة غسلت وحضرت ملابسي كملت رحت للمطبخ اسوي الريوك بس طبعا 100 صفنه وصفنه تجيني وابقه ثابته بمكاني

اسد علي صباح الخير

..طب عليه واني اسوي بالريوك كمزت بس مبين بقيت ساكته
وماعرفت اجاوبه اصلا

حسيت اتقرب عليه اكثر

اسد علي صباح الخيرر

ريحانه نعم رايد شي

اسد علي يعني شرايد كتلج صباح الخير

ريحانه صباح النور

ابتعدت منه واني احضر بالريوك طفيت الجاي
واجه وكف يمي

اسد علي ريحانه اريد احجي وياج

ريحانه بخصوص شنو

اسد علي بخصوص الي صار البارحه

ريحانه ماكو داعي نحجي بي شي

اسد علي يعني شقصدج

..

ريحانه ماعرف ارتبكت لو خفت لو ماجانت عندي جرئه احجي ويا ماعرفت بوقتها شحجي خليت لساني يحجي من وحدة

..

ريحانه مقصدي شي وانته زين مذكر اني عبالي الي يشرب مايذكر

اسد علي شنو اشرب

ريحانه اي انته البارحه سكران واني عاذرتك
وعادي انسه مصار شي

عفته وطلعت من المطبخ بسرعه حتى بدون مانطي مجال يجاوب

رحت كبل للغرفه

شذى ها كملتي الريوك

ريحانه اي كملت

شذى دمشي يله نتريك بسرعه ونطلع

راحت شذى للمطبخ واني ماتجرئت اطلع من الغرفه هو اني ليش كتله انته جنت سكران وهو اصلا مجان شارب يعني وين

اكو واحد يشرب الضهر شهل غباء ياربي هذا الي يمشي ورة لسانه

طلعت ورة شذى للمطبخ لكيتها تصب جاي واسد علي  واكف طبيت وسويت نفسي ماكو شي بس بداخلي متخبله

كعدت اتريك وابد ماباوع بوجه كملت بسرعه وكمت هو كام قبلي وطلع

اسد علي بسرعه يله

شذى اي صار

كمت اني وياها بسراعه رتبنه المطبخ وطلعنه شفنا منتضرنه
بالسيارة

شذى مبين عليه عصبي كلشش

ريحانه اي اسكتي ولا تحجين فاهمه

شذى اي اي راح ابقه ساكته

وصدك صعدنه ويا وصلنه والهدوء جان سيد المواقف السيارة بس صوت الانفاس تنسمع بيها وصلنه نزلنه بدون صوت شخط السيارة قوي وراح

شذى هذا اشبي

ريحانه ماعرف يمكن صاير شي بالشغل

..

طبينه اني  وشذى كلمن راحت للقسم مالتها واليوم جان كله محاضرات ع حضي بس مكدرت اركز بي شي محاضرة ورة محاضرة وصافنه لحد اخر شي الاستاذ بس نطانه ملخص وطلع

طلعت اني للكافتريا شفت شذى وكرم كاعدين ويسولفون من شافوني سكتو

كرم هلو ريحانه اشلونج

ريحانه هلو كرم تمام

كرم يله اعوفجن اني اخذو راحتكم

شذى تمام

عافنه وكام كعدت بدون حجي

شذى لو شايفه شطلب مني

ريحانه منو

شذى كرم يعني منووو

ريحانه شطلب

شذى رقمي وللمره الالف

ريحانه وشكتيله

شذى نطيته اله وبقه يلمح ع اعجاب وكذا

ريحانه اشلون عرفتي

شذى من طلب رقمي كتله ليش هيج تلح ع الرقم شسوي بي كال اريد اطور علاقتنه وهل شي طبيعي ويباوعلي بنضرة حلوة

ريحانه اممم بيها الخير كرم خوش كرم

شذى شنو كرم خوش كرم شبيج بنتي

ريحانه مابيه شي شذى بس تعبانه

شذى زين خابري اسد علي خلي يجي مابقه عندي محاضرات ترة اني صار محاضرتين كاعده بالكافتريا

ريحانه ليش

شذى ماعندي شي

ريحانه امم وكرم وياج

شذى طبعا يكدر يعوفني المهم خابري اسد خلي يجي ياخذنه

ريحانه ماعندي ماعندي رصيد خابري انتي

شذى ماشي

.. خابرته شويه واجانه اخذنه شكله طبيعي عصبي بس ممبين كعدنه بهدوء بدون حجي

مر الوقت بين الدراسه وشذى وكرم مر شهر ع مخابراتهم سوة ودائما يحجون ومعتبرته صديقها وكلشي تسولفله واني واسد

علاقتنه بارده كلش حتى مانحجي سوة ابد واذا كاعد بمكان اكوم منه اني يعني ابد مانلتقي سوة

طبعا هو مبين عليه ضايج بس اني ماعرف ليش هيج اسوي

اكثر من مره حاول يحجي وياي بس اني اغلس لو اعوفه وابتعد لو اكعد يم شذى حتى ميجي يمي

والدراسه ماخذه وقتي وخصوصا وقت امتحانات

..

ريحانه باجر عندي امتحان كلش مهم

شذى اممم اي

ريحانه شنو امم اي شبيج

شذى لا مبيه شي هيج

ريحانه امم هيج شكو احجي شصاير

شذى بس ماتنجلبين وتحجين عدل

ريحانه اي شكو

شذى كرم

ريحانه يبو ياكرم بالكليه وبالبيت شكو شبي

شذى اليوم اعترفلي

ريحانه شنووو جذب ماصدك شكال

شذى شنو ماتصدكين اكللها اعترفلي

ريحانه اي اي فهمت اشلون

شذى شنو اشلون طلعت من القاعه مالتي شفته منتضرني رحت يمه كال اريد احجي وياج بموضوع

ريحانه اي وبعدين

شذى بقه يحجي حجي ممفهوم ويجيب سالفه ابطن سالفه لحد ما كال اني معجب بيج واحبج واريدج تنطيني فرصه

ريحانه زينه هاي وشكتيله انتي

شذى سكتت

ريحانه بسس

شذى لا كلي احجي جاوبيني كتله نطيني فرصه افكر

ريحانه وشكال

شذى كال اني مجاي اضحك عليج وصدك انعجبت بيج من اول مره شفتج بيها واذا تحبيني وتكور علاقتنه نهايتنه حلوة تكون

ريحانه قصده زواج

شذى مادري

ريحانه زين هو يدري بيج جنتي متزوجه

شذى لا اني محاجيه ويا بالموضوع

ريحانه اني برئيي احجي ويا بالموضوع يله

شذى اني هم هيج جنت افكر بس مو هسه

ريحانه انتي شوكت تنطينه جواب

شذى مادري

ريحانه هو خابرج

شذى لا اليوم اشو مخابرني يمكن يريد ينطيني فرصه افكر

ريحانه اي يجوز

...

مر يومين بعد هل شي وكرم يحاول يحجي وي شذى وشذى تتهرب منه من اباوع لهفت كرم البسيطه من يشوف شذى

اذكر اسد علي ولهفته من يريد يحجي وياي واني اعوفه واروح صح ماحجي ويا لحد هسه بس بين فترة وفترة انتضرة باليل من يجي بس مجرد اشوفه مادري ليش بس

شي ابداخلي يدفعني لهل شي

اني صح ضجت من الحركه الي سواها بس تفاجاءئت اكثر من ما ضجت يعني هو فجاءة فجاءة هيج سوة

موضحلي قبلها

بس يعني اني ثوله حتى لو اموضحلي مافهم

طلعت من القاعه شفت كرم وشذى يتمشون رحت يمهم شكلهم شويه ضايجين

ريحانه ها خير

كرم هلو ريحانه يله اني اروح هسه

ريحانه براحتك

عافنه وراح باوعت لشذى ساكته

ريحانه شكو شصاير

شذى كلتله

ريحانه شكتيله

شذى كتله اني جنت متزوجه ونفصلت وسولفتله ع كلشي مر بيني وبين حسين

ريحانه اي وشكال

شذى مكال شي بقه ساكت وبعدين كال اني احترم صراحتج اليه وانو فاتحتيني بهل موضوع قبل لا تردين جوابج

ريحانه يعني قصده ينسحب لو شنو

شذى مادري

ريحانه يمعودة عوفي عادي انسي الموضوع

شذى اي صح انسه

..

بقيت اباوعلها شكلها ضايجه بكلبي كلت حبته وهل مره حب نضج حب وعي مو حب حسين ضحك وبدله وعرس وانسه اهلي لا

وخصوصا بعد الي سوا كرم صار من يشوفنه ميجي يمنه يكعد وميخابر شذى ابد جانو هواي يتراسلون بس من اعترفتله انو هيه متزوجه مصار يراسلها

وشذى هم نفسيتها تعبت بهل شي يعني مر اكثر من اسبوع وهو ابد محاجي وياها انتبهت عليها اشلون ضايجه

وتصفن هواي لحد يوم جنه كاعدين واجه كرم

كرم صباح الخير

.. باوعت شذى لكرم ودارت وجاوبته بعاديه يعني مبينت انو هيه ضايجه منه لو مشتاقتله غليت ع اساس مصاير شي

شذى وريحانه صباح النور

كرم شنو وينكن مختفيات

ريحانه محاضرات وامتحانات دوخه راس

كرم والله اني همين محاضرات وانشغلت هل فترة وماسولفت وياجن

ريحانه ها لا حقك

كرم زين شذى تسمحيلي بلحضه

شذى اي احجي تفضل

..

ريحانه بقيت اباوعله شكله يريد يحجي وحدهم كلت خلي احس ع نفسي واعوفهم واكوم

..

ريحانه زين اني راح اجيب عصير احد يريد شي

كرم لا اني ماريد شكرا

عفتهم وكمت رحت للحمامات رتبت مكياجي وحاولت اتاخر انطيهم وقتهم بعدين رحت للكافتريا شويه ورحتلهم

شكلهم مبتسمين يعني عادين صح شذى شويه تبتسم بتصنع بس شكلها احسن من كل يوم كلت شوف كرم شنو كللها

رحت يمهم ..

ريحانه ها عيني

شذى ها يله نروح

ريحانه اني ماعندي شي بس انتي عندج محاضرة

شذى ها لا مو مهمه خلي نطلع عادي

ريحانه بكيفج يله كرم مع سلامه

كرم الله وياجن وانتي راسلنيني مو تنسين

شذى اي اوك تمام باي

كرم باي

..

عفنه كرم ومشينه ابتعدنه منه شويه وشذى دزت رساله لاسد علي حتى يجي جاوبها انو هو راح يوصل

..

ريحانه شكو احجي شكال

شذى اعتذرلي لانو صار هواي محاجي وياي

ريحانه بس

شذى وكال انو هل موضوع عادي وماياثر ع علاقتنه وهل شي ميوكف مقابيل حبه اليه

ريحانه شوف شوف ههههه

شذى اني مصدكته كتله انته مصارلك فترة تعرفني
كال بس حبيتج واريد نتعرف اكثر  وعاتبني لانو ماحاولت احجي ويا اني

ريحانه شكتيله

شذى كتله حبيت اعوفك ع راحتك

ريحانه يصير خير كرم حباب وخشو ولد يمكن ماعرفه اني هواي بس شخصيته حلوة شتكولين

شذى اي اني انطي فرصه وماخسر شي اني صح

ريحانه اي صح

..

طلعنه شفنه اسد علي بالباب صعدنه وبدت شذى تسولف ويا وهو همين يسولف وياها ويباوعلي بالجام صار هوواي محاجيه اني وي اسد علي

اسد علي شتكولن انجيب موطه لو مو وقتها

شذى يمعود يامووقتها اكو وحده مستعده حتى بالشتا تاكل موطه بس المهم من نفس المكان القديم

اسد علي يله خلينه نروح نجيب

..

احس بي يباوعلي بالمرايه ويحجي وشذى انتبهت  عليه اشلون يباوع لانو من اباوعلها بالمرايه الصفح الي صايرة بالباب اشوفها تباوعله وترفع حاجبها

صدك نزل جاب موطه وصعد وحده خلاها يم شذى وحده خلاها يمي ع الكرسي اني مهتميت حتى ماباوعت بقيت مغلسه

رجعنه وبدة اسد علي يتحارش بيه يعني يحاول يخلق حجي بينه بس اني ابتعد ماعرف ليش بس طبعا اسد علي مينغلب

وسوة شي خلاني اتفاجاه منه اكثر

......

هنا وخلص البارت اتمنى يعجبكم

تحياتي

غزل الحجامية