لاتغث روحك
لوّن حنيت ليهم
جيس گلبك
بلچي تطفه حرورة ايدك
ايدك الماغفت اله بسد شعرهم
لَچن مامش چف يريدك
ولا تغنّي ،، لوم گلبك
لو فرغ منهم بريدك
مره خليهم بدرب الشوگ صفنه
هلبت يحنّون لاسمك
هلبت الذكرى ترد بيهم لرسمك
.
غزل الحجامية
.
ريحانه ليش منير شكوو
منير بدون شكو حضري نفسج بسرعه راح امرلج
ريحانه لا ماجي احنه تفقنه ابات ليش تغير حجيك اني صارلي هواي مشايفه اهلي اريد ابقه
منير خرب د... كتلج حضري نفسج هستوني جاي من المستشفى
ريحانه شنوو شكووو شصاير احجي
منير امي جبتها هستوني من المستشفى بسرعه حضري نفسج
ريحانه صدك تحجي
منير اهوووو
سدة بوجهي بقيت صافنه اني
شذى شكو ريحانه شصاير
ريحانه يكول هستوني جايب امي من المستشفى وراح يمرلي ياخذني
شذى ياخطيه شبيها
هبه منو الي هستوها جايه من المستشفى
ريحانه ام منير
هبه يا خطيه شبيها
ريحانه مادري مافهمت شي بس منير كال حضري نفسج جايج
هبه اي يمه حقه منو الها بس انتي
كمت بسرعه نزلت غراضي ولبست ملابس والحجاب وبقيت واكفه
فارس زين خليني اخابرة وافتهم منه
ريحانه لا يابه لا تخابرة ولا شي هسه هو بالطريق
هبه هيه بيها ضغط سكر
ريحانه اني شاكه بكلبها هيه هلايام مو زينه كلش
هبه الله يساعدها
ندك الباب فتحه ابويه
فارس هله بني شنو خيرهة الحجيه شكو
منير والله عمي كلبها فجاءة اخذتها وصارلها فوك الساعتين بالمستشفى مغيات وفحوصات وراح تبات بالمستشفى
فارس اوكف عمي ابدل واجي وياك
منير لا ميحتاج عمي همه اصلا مراح يخولني وياهم بس ريحانه لانو ريحانه تعرفلها
فارس اي يله بويه استعجلي
ريحانه شلت غراضي واجيت
ريحانه ها منير شبيها خالتي
منير دمشي ياعيني بعدين افهمج
ريحانه يله بابا مع سلامه
بسته وسلمته عليهم وطلعت صعدنه السيارة اني ويا شكله مقهور
ريحانه شبيها مكتلي
منير مادري فجاءة من رجعنه من العرس جاي ياكلون اختنكت ولزمت كلبها
ريحانه عمت عيني ليش
منير مادري اني هم نصدمت كالت النفس نكطع مني يمه شلتها اني وسعد والولد للمستشفى شدولها مغذي وسوولها فحوصات
ريحانه اي وشطلع عدها
منير كلبها كلش تعبان ومعدتها همين بيها قرحه
ريحانه عزة العزانيييي اشلون منتبهت عليها اني ادري بيها وجه اصفر وترجف بس معبالي هيج
منير هسه شنسوي اصلا بلعكس انتي نبهتينه بس اني مامشيت بحجيج
ريحانه وهسه شنو شكال الدكتور
منير كال تبات بالمستشفى لانو خلولها مغدي مدته 15 ساعه يكولون على كيف يقطر ماعرف شنو
بقيت ساكته لحد مازصلنه للمستشفى شفت سعد واخوانه ثنين بالباب والحجي
مشيت اني ومنير واريد بس افوت اشوفها
الحجي ها بويه اجيتي
ريحانه اي وينها لعد
سعد بغرفتها بس الوقت متاخر طلعونه احنه دخلي انتي وياها
منير اني ابقه هنا انتو روحو حجي
سعد لا وين نروح نبقه وياك يمعود
منير ماكو فايدة بقيتكم اني راح ابات بالسيارة انتو روحو والصبح اطمنكم
الحجي براحتك بويه واحنه همين عفنه الزلم هناك خلونه نروح
سلمو علينه وراحو دخلني منير حجيت وي الدكتورة انو اني رفيقتها لانو منسموح لاكثر من وحده تبقه كتلها بس اني منير طلع
منير اي شي يصير خابريني تليفونج وياج
ريحانه اي وياي ليش متروح للبيت انته والصبح تعال
منير لا وين اروح ابقه بالسيارة جوة بس ريحانه ديري بالج عليها واي شي يصير خابريني
ريحانه ميخالف بس نام
منير يله محتاجه شي
ريحانه لا سلامتك
راح هوة واني رحت للردها مالتها اول مطبيت شفتها نايمه وشاديلها كانونه قهرتني رحت كعدت يمها على الكرسي وبجيت انقهرت عليها
وبقيت افكر بيها امداني شوداني اني لاخلهلي وعفتها وحدها بقت هيه نايمه للصبح ماكعدت والمغدي على كيفه يخلص نمت كعده على الكرسي
اجتي الممرضه فحصتها وشافت المغدي نصه رايح بحدود ال 6 الفجر
الممرضه . انتي وياها
ريحانه اي وياها
الممرضه تمام راح اشيل المغذي هذا واخليلها مغذي ثاني نص ساعه واطلعونها اذا تريدون
ريحانه تمام زين اشلون صارت هسه
المرضه حالتها زين بس انتبهو لاكلها البقوليات لا تنطوهيا باليل خليها تخفف الاكل موزين عليها
ريحانه انشاء الله زين تخطيط القلب
الممرضه قلبها كلش تعبان هيه
ريحانه الله يكونها النه بالسلامه
وكفت الممرضه شالت المغذي وخلت المغذي الثاني بدت تصحه فتحت عيونها اني كبل ضحكت
ريحانه حمدالله على سلامتج
الحجيه الله يسلمج يمه شجابج
ريحانه يعني اسمع بيج بالمستشفى وابقه ماجي
الحجيه يايمه صارلج شكد مشايفه اهلج
ريحانه فدوة الح عادي
ابتسمت وسكتت بلكوة تحجي اني خابرت منير اول مخابرته جاوب
منير ها ريحانه بيها شي
ريحانه لا اطمئن كعدت
منير صدك اشلون صارت ريحانه
ريحانه بخير والممرضه شالت المغذي منها
منير ليش
ريحانه شالت القديم وخلت واحد جديد دكول نص ساعه ونكدر نطلعها
منير صدك تحجين يعني صارت زينه
ريحانه اي والله وحجت وياي
منير ديله اني منتضرجن من يخلص الوقت خابريني اطب اساعدج
ريحانه تمام
سديته منه وبقيت واكفه يمها واباوعلها ساعه تغمض وساعه تفتح
لحد ماجتب الممرضه شالت المغذي وقاست الضغط وراحت
لبستها شيلتها عدل وعدل عبايتها وجبت كرسيها يمها كعدتها عليه
وخابرتي منير سدة يعني جاي
طلعت بيها من الغرفه شفته منير باخر الممر اول مشافنه اجه يركض وكعد كبالها لزم ايدها وباسها
خلت ايدها على شعرها
الحجيه شبيك يايمه
منير خفت عليج يمه اشلون صرتي
الحجيه بخير يايمه بخير كوم كوم
كام واخذها من الكرسي ومشينه بيها صعدناها السيارة بالطريق وخابر على سعد كله راح نرجعها للبيت
وصلنه بسؤعه لانو ماكو زدحامات بهيج وقت وكف يم الصيدليه جاب علاجها كله
وشمرة اليه
منير تعرفين تنطين ادويه بمواعيدها
ريحانه اي اعرف
منير تمام احفضي ترة لازم بالوقت والابر اخلي اطياف تجي تضربها
ريحانه ليش اني اعرف
منير اي لعد ديري بالج من علاجها
ريحانه تدلل
الحجيه يمه شكلك الدكتور
منير كال الضغط صاعد يمكن من الدهن الي بالاكل
الحجيه يمه الوجع بكلبي ياضغط
منير اي الدهن واكف على كلبج بعد ماكو هيج اكل ريحانه تنتبهين زين لاكلها دهون ممنوعه منها
ريحانه اي تمام الممرضه فهمتني
وصلنه للبيت شفنه سعد واكف بالباب مالتهم
منير خطيه سعد منتضرنه
الحجيه الله يحفضهم يايمه خوش ولد
ريحانه بكلبي كتلها اي كلش وخوش ولد ساقط هذا والله يستر من البقيه
نزل منير حجه ويا ومبين عليه سعد لحد هسه كاعد
رجع منير وسعد طب جوة
ساق السيارة وكفها كبال الباب ضبط
نزلت اني طلعت الكرسي مالتها واجه منير ساعدني
نزلنها وطببناها للبيت
لغرفتها رتبت فراشها ونامت عليه
ريحانه ناميلج شويه
الحجيه اي يايمه وروحي انتي نامي صوتج مبين منايمه
ريحانه لا نمت يمج على الكرسي نامي انتي
الحجيه ونومت الكرسي شني يايمه اخذ رجلج واصعدي
ريحانه لا ماصعد اني انام يمج هسه اخاف تحتاجين شي
الحجيه لا يايمه محتاج شي
منير دعوفيها يمج يايمه تنام يمج خاف تفزين تريدين شي
ريحانه اناه روح نام منايم اليل كله
منير لا راح انام هنا
ريحانه وين يمعود روح ابدللها اغسسللها روح انته نام اذا صار شي اكعدك
منير ديله رايح
ريحانه طلع منير
نزعت الحجيه شيلتها ونميتها على الجربايه
الحجيه يمه اريد مي
ريحانه اي خاله تدللين
رحت للمطبخ جبتلها مي واجيت كعدت يمها شربتها
ريحانه عمت عيني لو ادري بيج هيج يصير ولا رحت لاهلي
الحجيه يايمه وانتي شذنبج اني اكلت هواي واني منا كلبي يوجعني
ريحانه سلامتج من عمري على عمرج
الحجيه زين يمه الدكتور شكلج
ريحانه مكال شي كال زينه بس مثطله بالاكل بعد اكل محدد تاكلينه
الحجيه ان شاء الله خير دكومي يمه ناميلج شويه
ريحانه نامي انتي واني انام يمج هسه
عدلت نومتها غطيتها وكمت نزعت ملابس بدلت وذبيت المخده نمت مقابيلها بحيث اشوفها من تتحرك بقيت اباوع عليها
بدون ماحس عيوني غمضت
نمت وماحسيت على شي شويه وحسيت شخص نام يمي
فتحت عيوني شفته منير نام على مخدتي وهم يباوع لامه
ريحانه شنو كعدت
منير لا ارجعي نامي
باوعتلها صدك نايمه كمت ردت اجيب مخدة
منير وين رايحه
ريحانه اجيب مخدة
منير المن تعاي
جرني من ايدي ونيمني على ايده وجهي صار مقابيل ركبته خله ايده جوة راسي وايد الثانيه على خصري ورجليه بين رجلي
بقيت صافنه شنو هل وضعيه الفيطي هاي معقوله راح ابقه انام هيج
بقيت احوس اريد اوخر
ريحانه منير خلي اجيب مخدة وخر
منير اشش منايم خليني انام
صدك سكتت ونمت واني اصلا نعسانه مابيه حيل اجادل نمت
وهو هم نام بس بالي يم الحجيه
فزيت على صوت اطياف تحجي وي منير
واني نايمه بحضن منير ومنطيته ضهري وهو رجله فوك رجي وايده جواي وجسمي طبك وي جسمه وهو يحجي وياها ومخلي ايده على شعري يلعب بي
كمت وباوعتلهم بصدمه لانو هستوني فزيت
ريحانه بيش ساعه
اطياف ساعه 10
ريحانه صباح الخير
اطياف صباح النور
منير صباح النور
ريحانه مكعدت خالتي
منير لا مكعدت يمكن الدوة ثكيل
كمت رحت يمها خليت ايدي على راسها مامصخنه ونفسها زين بس اكو صوت بكلبها يعني اشلون خرخاشه نفسها ثكيل
شلت شعري وطلعت من الغرفه غسلت وجهي وخليت الجاي على النار سويت بيض سلك لخالتي واني ومنير سويتلنه ريوك
رحتلهم للغرفه شفت اطياف تباوع للحجيه وتبجي
ريحانه شنو اطياف مايصلح صارت زين لاتكعد وتسمعج تبجين وهيه هم تبجي ومو زين عليها
اطياف شسوي ياريحانه هل مره شو كلش مريضه جنها
ريحانه لا ماكو شي الله يحفضها المهم متريكه انتي
اطياف اي متريكه اجيت اشوفها واروح
عفتهم وطلعت سويت بس اليه ولمنير
طفيت الجاي ورحت يمهم
اطياف اني راح اروح والضهر هم اجي
ريحانه براحتج
اطياف ديري بالج عليها ريحانه
ريحانه بعيوني
اطياف فدوة لكلبج ماتقصرين
عافتنه وطلعت رحت للحجيه اني حتى اكعدها
منير ليش تكعدينها
ريحانه لعد اشلون خليها تكعد اكعدها بالحديقه بالشمس واخليها تتريك واشربها علاجها مايصير تبقه نايمه
منير ديله براحتج
ريحانه خاله خاله
الحجيه ها يمه
ريحانه يله خاله كومي نتريك
الحجيه اي يمه صباح الخير
ريحانه صباح العافيه اشلون صرتي
الحجيه والله يايمه خرخاشه بكلبي احسها
ريحانه لا هسه تتريكين وتشربين علاجج وتصيرين زينه انشاء الله
الحجيه انشاء الله يمه وين منير
منير صباح الخير حجيه
الحجيه هله يمه صباح النور اليوم هنا مطالع للشغل
منير اطمئن عليج وبعدين الشغل
الحجيه زينه اني يمه كوم لشغلك انته
ريحانه خلي يتريك وبعدين يكوم
كام منبر يغسل واني شلت الغطه من الحجيه بقيت اباوع الغطه بي مي
ريحانه خاله ابدلج
الحجيه يمه جني مسويتها على نفسي اشو الفراش مبلل
ريحانه لا يجوز واكع شي
الحجيه لا يمه وريحه مسويتها على نفسي
ريحانه يله عادي فدوة واذا هسه اغسلج وابدلج
الحجيه اووف يايمه هيج وصلت بيه المواصيل اسويها على نفسي مثل الجهال اوف يايمه
ريحانه من حجت هيج مصبرت كعدت يمها وابجي وهيه تبجي
طب منير متفاجا
منير شكو شصاير شبيجن ثنينجن تبجن
واني ولا جني هيه تبجي واني ابجي
منير اجه باوع لامه باسها من راسها
منير يمه شبيج فهميني ليش تبجين
الحجيه رحت يايمه رحت راح الحيل مني يامنير يايمه راح
منير تحجي شكو شصاير ريحانه شكوو
ريحانه ماكو ششي بس لانو مريضه نقهرت وبجيت
رفعت اشويه الغطه باوع افتهم باسها من راسها
منير تكضي وداعتج يايمه تكضي كلشي يروح لعيونج فدوة
بقه واكف شويه بعدين طلع
كمت اني
ريحانه كومي خاله اوديج للحمام تسبحين واني اضف الجربايه ولا يهمج
الحجيه لا يمه جيبي اطياف هيه تنضفها لا تنضفيها انتي
ريحانه ليش قابل اني غريبه اني مو هم بنتج كومي اني اكمل
جبت الكرسي مالتها وكعدتها بي وديتها للحمام
نزعتها ملابسها وغسلتلها جسمها وهيه تنحب اي يايمه مابيه حيل اكوم للحمام منا وهيج وتبجي
واني ابجي وياها
ريحانه عوفي هل حجي واني راح اجيبلج ملابس واجي
طلعت اخذتها ملابس والمنشفه ورحتلها منير ماكو
رحتلها نشفتها وبدلتلها وطلعتها للغرفه بقيتها على الكرسي كاعده مشطتلها شعرها وعطرت جسمها بعطر يصيح مسح ومو بشيشه لا
بعلبه صغيرة هيه دائما تخلي منه
ريحانه اليوم نتريك بالشمس جسمج يرادله شمس وع واهسنه بالحديقه
الحجيه بكيفج يمه
ريحانه هسه اجي اني
رحت خليت كراسي ثلاثه بالحديقه وخليت الريوك وطبيت للاستقبال شفت منير كاعد بيها وشكله جان يبجي
ريحانه منير لا تسوي هيج ولا يهمك تكوم منها بحيل الله ورسوله
منير ريحانه ديري بالج عليها بس هيه عندي اذا صار بيها شي اروح اني
ريحانه ولا يهمك بعيوني كوم انته تريك ويانه وبعدين روح لشغلك
كام وياي لغرفت الحجيه
ريحانه ها خاله يله امشينه
منير اني اخذها وانتي جيبي الادويه مالتها
طلعها من الغرفه واني فتحت الادويه قريتهن يبو هواي همزين الممرضه كتبت عليهن الوقت
عشر حبايات وكبسولات تشربهن قبل الريوك انصدمت كلت يمه الله يساعدها اشلون راح تكدرلهن
اخذتهن ورحت بقها منير كاعده على كرسيها
ريحانه يله خاله هاي الادويه مالتج
منير شني هاي ولج قريت المواعيد
ريحانه اي والله
منير وذني كلهن هسه
ريحانه اي كلهن قبل الافطار
الحجيه شني يمه شكد هنه
ريحانه لا مو هواي قليلات
خليتهن بيدها
الحجيه يمه يامنير يايمه شني هاي كلهن اشربهن
ريحانه فترة وتعدي
الحجيه وهاي كل يوميه هيج
ريحانه لا كالت بس شريطين تشربيهن وبعدين نوديج للدكتور يعني فد عشر ايام ونروح للدكتور
الحجيه خير ان شاء الله
شربتهن وحده وحده ونقهرت عليها يمه ذني كلهن بس قبل الريوك لعد الي قبل الغده والعشه اشلون
كعدت يمها سويتلها البيضه ومصبيتلها جاي لانو موزين عليها
الحجيه يمه اشلون اتريك بدون جاي
ريحانه الجاي مو طيب عصير اطيب
الحجيه لا يمه صبيلي
ريحانه بداعتي لا موزين عليج اشربي عصير اطيب واني اصلا مجبت القوري وياي
منير دعوفي الجاي وشوفي العصير اشلون طيب يلوك لحلكج
سكتت وشربت العصير صدك تريكنه ونسولف منير يسولف على سعد اشلون تلكانه الصبح من الفجر واشلون يكول خوش ولد بكلبي كتله اي كلش خوش ولد
منير صدك قبل شويه ابوج خابر
ريحانه صدك شراد
منير سئل على امي وعليج كال خو مامحتاجين شي
الحجيه الله يحفضهم يايمه خوش انسابه طحت بيهم
ريحانه تسلمين خاله من ذوقج
منير وكال كم يوم ونجي نطمئن على الحجيه
الحجيه هله بيهم يمه بكل وقت بيت بتهم
ريحانه عفتهم يتريكون وكمت اني لغرفت الحجيه
شلت الغطه والفراش والمخده كلهن وديتهن للحمام بالغساله شغلتها وخليتلهن معطر وزاهي
ورجعت للغرفه مسحتها ومسحت الجربايه وخليت فراش جديد ومخده وطلعت غطه من النضدة الي بالغرفه مالتها
رتبت غرفتها وطلعت
رحتلهم منير يلعب بالتليفون وهيه ساكته
ريحانه ها خاله كملتي
الحجيه اي يمه الحمد الله
ريحانه زين يله امشي اوديج للغرفه
الحجيه يله يمه
ريحانه انته شوكت تروح للشغل
منير هسه راح اروح محتاجين شي
ريحانه لا سلامتك
بقيت اباوعله طلع وسد الباب ورا
اخذت الحجيه ورحت للغرفه نيمتها على الجربايه
ريحانه ها خاله محتاجه شي
الحجيه لا يمه سلامتج مارايدة شي
ريحانه اروح اكمل البيت واجيج
الحجيه الله يقويج يايمه
ريحانه شغلت القران الها وطلعت من الغرفه وبقيت الباب مفتوح علمود اخاف تصيحني رحت للحديقه شلت الريوك للمطبخ
ورجعت شلت الكراسي ورتبت الحديقه
رحت رتبت الصينيه وغسلت الاماعين ومحست المطبخ بعدين رحت للفراشات لكيتهن يجففن طلعتهن شريتهن بالحديقه
ورجعت خليت ملابسها بعدين رحت اريد انضف الاستقبال وسمعت صوتها تصيحني رحتلها
ريحانه ها خاله شبيج
الحجيه راح حيلي يايمه راح
ريحانه شبيج خاله شكوو
الحجيه يمه ماسيطر على روحي كمت كل شويه ومسويتها على نفسي
(طبعا بنات اكو علاج ينطو لابو القلب يعني للي قلبه ضعيف يخلي كل شويه يريد يروح للحمام ومايسيطر على نفسه عبالك بي سكر
اني بيبتي هماتين هيج واكثر )
ريحانه اي خاله عادي يمكن من العلاج مابيها شي
الحجيه يمه اشلون مابيها شي مره شكبرني وعبالك طفله اسويها على نفسي
ريحانه لا تحجين هيج فترة وتعدي ان شاء الله
الحجيه لا يمه ماتعدي وكعتي هاي الاخير مبينه
ريحانه لا تحجين هيج خاله خليني اغيرلج الفراشات ونشوف حل عادي مابيها شي
الحجيه شنو الحل يمه اكلج بدون مادري بروحي من اتبلل يله احس على نفسي
ريحانه وداعتك تكضي لانو مريضه واليوم اجينه من المستشفى لا تنسين يمكن مضاعفات العلاج
بقت تنحب على حضها وتحجي كومتها على كرسيها وديتها للحمام غسلت وبدلتلها ملابسها بعدين شلت الي بالغرفه هم خليتهن بالغساله
بقيت صافنه كلت اذا تبقه هيج مسيطر على نفسها معناته كل شويه فراش مايصير
رحت للمخزن الجوة دورت شفت نايلون جبير شايفته من زمان كصيت على كد الجربايه وطلعت
فرشت الافراش وخليت النايلون وفوكا جرجف خفيف وخليت المخدة وجبتها نيمتها على الجربايه حست بالنايلون
الحجيه اي يمه عفيه خوش سويتي
ريحانه بس شوفي اذا تنزعجين منه اشيله
الحجيه لا يمه احسن هيج
ريحانه زين خاله شتكولين اجيبلج شي تقضين حاجتج بي اذا ماصيطرين
الحجيه مثل شنو يمه
ريحانه مثلا طاسه صغيرة شي مو احسن
الحجيه يمه اذا هيج معناتها مالازم اصلي
ريحانه انتي مريضه عادي اني سامعه بيها مادام مريضه عادي
الحجيه لا يمه اشلون
ريحانه خاله انتي اصلا مجاي تكدرين تحجين مايصير
الحجيه بكيفج يمه شوفيلي
طلعت رحت للمطبخ دورت على طاسه صغيرة بحيث اسيطر عليها
لكيت وحده اخذتها هيه وطاسه اكبر منها تخلي بي باليل
ورحتلها
ريحانه هاي طاسه صغيرة شوفيها تسيطرين عليها وهاي طاسه اكبر منها راح اخليها يمج جوة الجربايه اخاف دنيا ليل مو يمج اني تخلينه بي
الحجيه الله يحفضج يايمه
ريحانه زين هسه انتي شبيج اشو وجهج اصفر
الحجيه يمه اريد انام خليني انام
ريحانه يله براحتج
نامت غطيتها وبقيت كاعده يمها ومخليه ايدي على خدي بعدين كمت سويت غده لانو منير اكيد يجي
بسرعه حمست الحم وخليته على النار يويت المركه هدرتها وخليت التمن على النار
ورحتلها شفتها بعدها نايمه باوعت للسطل بي يعني كاعده وراجعه نايمه شلته ذبيته بالحمام وغسلته ورجعته يمها
صعدت سبحت وبدلت رتبت الغرفه وبقيت بابها مفتوح تتهوة شويه
ونزلت يمها بالمشط امشط جوة يمها
اول منزلت الدرج نفتح الباب
طب منير ابتسمتله طب هوة وصل يمي
ريحانه ها الله يساعدك
منير ويساعدج امي شلون صارت
ريحانه لا زينه الحمدالله نامت
راح يمها بالغرفه بقه يباوعلها وهيه نايمه شاف الطاسه الي يمها
منير هاي شنو
ريحانه مو ماتكدر دكوم للحمام جبتلها هاي تسيطر عليها
منير ليش اني اشيلها واخذها
ريحانه مو حجي هذا منير انته بالشغل باليل اشلزن هاب اتسيطر عليها احسن الها
منير زين هيه قبلت
ريحانه اي وسيطرت عليها
راح كعد يمها بالكاع مقابيلها وبقه يباوعلها وهيه نومتها مو طبيعيه وشكلها تعبان صدك مشطت شعري اني وطلعت للمطبخ سويت الزلاطه وفتحت النار
ورجعت للغرفه
ريحانه منير كوم اسبح حتى اكعد خالتي ناكل سوة
منير اي كايمه
كام يسبح واني جنت محضرتله الحمام رجعت للغرفه اني
ريحانه خاله خاله
الحجيه ها يمه
ريحانه ياه خاله كومي نتغده وتشربين دواج
الحجيه اي يمه كايمه بس ماشتهي نطيني بس العلاج
ريحانه لا مايصير خاله لازم تشربين
الحجيه يمه ماكدر مامشتهيه
ريحانه زين ائجل غداج لحد ماتشتهين
الحجيه اي يمه
عفتها وطلعت كلت اخاف تريد تاخذ الطاسه ومسنحيه مني
طلعت منير صاح
منير ريحانه
باوعتله مطلع راسه من الباب
ريحانه ها
منير وين الخاولي
ريحانه بالحمام
منير ماكو
ريحانه لحضه يمكن عفته فوك
صعدت لكيته صدك على الجربايه نزلت حتى نطيهيا دكيت الباب
ريحانه منير هذا الخاولي فتح الباب مد ايده حتى ياخذه
نجر الخاولي ونجريت اني ويا بعده بالشورت مسابح بس جسمه مبلل
ريحانه ها ها شكو
خلاني ورة الباب وهو وكف كبالي ومخلي ايده على الباب
منير شكو ماكو شي
ريحانه ليش جريتني لعد
منير مجريتج انتي طبيتي
ريحانه اني شوكت انته جريتني
منير هسه اني جريتج انتي طبيتي المهم انتي يمي هسه
ريحانه ليش شتريد يعني
منير هيه المرة من اطب للحمام وي رجلها شسوي
بدة راسه يتقرب مني كلش بحيث نفسه تقرب مني اكثر
ريحانه مادري
منير زين اكلج اني شيسوون
ريحانه لا
منير ليش ...وبقه يباوع لشفايفي وعيوني وتقرب مني اني درت وجهي منه هو بدة ينزل راسه لركبتي من النص
انفاسه تقربت من ركبتي بحيث مسيطرت عله وهو واكف كبال حتى ماكدر اطلع من جوة ايده
خله شفايفه على ركبتي وباسني بوسه خفيفه بعدين بدة يشم بركبتي اني شهكت جوة ايده ماعرف بوقتها احساسي شنو مو استمتاع لا ماعرف شنو
بحيث بديت اشك بنفسي اي باردة
بدة يوزع بوساته على ركبتي وصعد لحنجي باسني غمضت عيوني خله ايده على خصري وجرني عليه
وصل شفايفي باسني من الجه الي يم شفايفي ..
وانفاسه بدت تثكل ..
وندك الباب فتحت عيوني اني وهو همين
منير لا تره لو متفقين عليه مو هيج
اني بقيت اباوع وهو ابتعد شويه مني فتحت الباب وطلعت كبل
امشي بالكوة من رجفتي
رحت لخالتي شلت الطاسه منها بسرعه غسلتها ورجعتها يمها
ورحت للباب يندك
ريحانه منو
سعد اني اني
ريحانه لحضه ابو محمد
رحت جبت شالي لبسته وضجت من جيته شعنده جاي وبكل عين صلفه بس صدك ان لم تستحي افعل ماشئت
رحت لمنير دكيت الباب
فتحه وطلع بس راسه
منير ها
ريحانه سعد بالباب
منير اي طببي هو هذا الفكر بس بهيج اوقات لو هو لو مرته
بقيت صافنه عليه وعفته ورحت فتحت الباب
ريحانه تفضل منير بالحمام وخالتي جوة
سعد اشلون صارت
ريحانه بخير الحمدالله تفضل
مديتله ايدي حتى يفوت طب فات قبلي لغرفه الحجيه واني طبيت للمطبخ جبت مي ورحتلهم لكيته يحجي وي الحجيه وهيه تبجي وتشكيله
الحجيه راح الحيل يايمه راح كبرت يايمه وصرت ماكدر اسوي شي
سعد هيه هاي الحياة حجيه شنسوي قابل هيه دنيا وان شاء الله دكومين منها بسلامه
ريحانه تفضل ابو محمد
نطيته المي وهو يباوعلي بنضرة مقززة درت وجهي منه بعصبيه شرب المي ونطاني الكلاص
سعد مشكورة
اخذته الكلاص وردت اطلع طب منير
لابس بس برمودة وينشف بشعره باوعلي وابتسم ضربني ابجتفي
طلعت للمطبخ جعت بقيت اكل شويه بعدين رحت يمها
لكيت منير كاعد مقابيل سعد والحجيه كاعده كعدت يم الحجيه اني وهمه بقو يسولفون انتبهت لمنير يباوعلي بين فترة وفترة ويبتسم
باوعتله غمزلي وكمل الحجي وي سعد
اشويه وسعد طلع طبعا اني شكد حركات يسوي منير بس مانتبه عبالك ثوله
طلع منير وي سعد بقيت اني احجي وي الحجيه شويه وطب منير متعصب
ويباوعلي ..
هنا وخلص البارت اتمنى يعجبكم وتنطني رئيكم بي تحياتي
غزل الحجامية
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!