رواية نصف شهر عسل الفصل السادس والعشرون 26 - بقلم غزل الحجامية

..
هاك اخذني
اصلبني چن عيسى ابن مريم وين ما صحلك جذع
وين ما صحلك جذع بس لا تراويني گفاك

هاك اخذني الدنيا خلصانة وراك

..

غزل الحجامية

..

ريحانه طب ويباوعلي بقيت صافنه عليه كلت هذا شبي هيج يباوع معقوله سعد كاله شي كعد وبقه ساكت شويه بعدين حجه

منير هاي بنتج ماناويه تجيبها عدل

الحجيه ليش يمه خير

منير سعد يشكي منها يكول ماتسكت بس عرك هيه وزهرة يعني هيه جديده على سوالف زهرة

الحجيه يايمه شتسوي بنت عمتك هم ماتكعد راحه مخلصتها عرك وي اخيتك

منير يمه رحمه لوالديج لو مامسويه شي تعاركها زهرة وانتي تدرين بزهرة اضربيها واكلي وياها صح عصبيه بس ماتاثر عصبيتها على احد

الحجيه شبيدي يايمه من تجي احجي وياها وشوفها

منير يمه لا تحجين وياها بهداوة احجي وياها خوفيها كليلها رجلج يشكي منج عمتي تكرهج يعني قابل تخلصها عرك وي البنيه

ريحانه هيه زهرة هم ماتنبلع اذب حجايات اكبر من راسها اني انتبهت الها

منير حتى لو واذا هيه هاي اخت الرجال كلشي تسوي

ريحانه لا شسالفه وين عايشين تتائمر وتصنف ومايعجبها العجب حقها اطياف تحجي

منير هذا الحجي ماريدة كدام اطياف ابد هيه منا مجاي تسكت انوب هيج تحجون كدامها

ريحانه جاي احجي كدامك مو كدامها

منير لا كدامي ولا كدامها زهرة بنت عمي ممنوع احد يحجي عليها سمعتي لو اعيد كلامي

ريحانه شبيك تعصبت على شنو هسه اني شكلت

منير كلتي ماكلتي المهم زهرة ماينحجي عليها مفهومم

ريحانه بقيت اباوع عليه طلت هسه هذا شبي صدك يحجي مخبل لو اتخبل ولو هو مخبل اصلا عفتهم وكمت النار تطلع من خشمي

واذني من العصبيه انوب يحجي كدامي من كبر لفك ولفها اشلون يحجي ولا تحجين كدامي منو انته وماحجي كدامك

رحت للمطبخ غسلت الماعين بالسينك واحجي وي روحي  بس بعدين كلت بالطكاك اثنينهن اني شكو

هيه اختي لو اخته يطبها سم خليهم يكبون سوة هيه ورجلها شعليه وزهرة حماتها

وهيه اطياف اصلا عاجبها الوضع ساكته لحجي زهرة كله
يعني هيه عاجبها الوضع واني معاجبني شكوو شعليه اني ادخل نفسي

وبعدين ليش اضوج لانو منير يدافعلها يطبه سم

واني احجي وي نفسي اجه منير وحضني من ورة ضهري وخله راسه على ركبتي بعد شعري

منير امم ضجتي

ريحانه لا

منير متاكدة

ريحانه اي قابل اضوج من شنو

منير فديت امريتي العاقله ليش طلعتي لعد

ريحانه كلت امور عائليه ليش ادخل بيهن اني

منير وانتي مو من ضمن هاي العائله شنو

ريحانه ممبين هيج ابد

منير انتي اساس هاي العائله اصلا

ريحانه المهم اجيت شتريد

منير يعني حاضن امريتي هيج شريد

ريحانه ابتعد خلي اكمل

اول محجيت فرني صرت مقابيله صدري يم صدرة ويباوعلي

منير لا مريتي زعلانه مبينه

ريحانه كتلك مزعلانه

منير زين اذا مزعلانه اريد اراضيج لانو احس بيج زعلانه

ريحانه لا مزعلانه ع شنو تراضيني

منير اي عادي انتي كولي واني اراضي

ريحانه تراضيني على شنو

منير هيج اتعيقل واريد اراضيج تعترضين

ريحانه ابتعد منير اشويه خليني اكمل الشغل اروح يم خالتي

منير امم بس اني ماريدج تروحين

بدة يباوعلي ويقرب وجهه عليه هفه على شعري بعده من وجهي باوعتله وهفيت بتعصب

منير وي وي انوب متعصبه همين كفو

بدة يقرب وجه عليه وخله ايده على خصري بقيت اباوع عليه هذا شبي وخرت ايده من خصري

ريحانه وخر

رفع حاجبه وبقه يباوعلي !

منير ليش اوخر عيني

ريحانه شنو ليش توخر ابتعد مني اريد اكمل الشغل

..رجع خله ايده ايده علي خصري باوعتله ونزلتها

منير هاي شنو من شوكت

ريحانه شنو من شوكت

منير من شوكت ادفعين ايدي

ريحانه مدافعه ايدك اكلك ابتعد حتى اكمل شغلي

صدك ابتعد وبقه يباوعلي بس مبين عليه عصبي كلش بحيث خفته منه اني

منير سهله ياريحانه كلش سهله

وعافني وطلع من المطبخ

ريحانه اي ادري بيها سهله هو انته بس هاي الحاير بيها تتعصب وعود تخوفني كملت الشغل بالمطبخ وطلعت هو ماكو بالغرفه مالت الحجيه

رحت اني شلت الطاسه مالتها غسلتها وبقيت كاعده يمها اسولف وياها

شوبه ونامت وهيه تحجي وياي غطيتها وبقيت يمها شويه بعدين كلت خلي اصعد

فوك صعدت شفت منير نايم على الجربايه ومخلي ايده على راسه ومغمض

كلت شبسرعه نعس ونام  اني همين اتمددت على الجربايه ونمت كعدت المغرب منير كايم مو بالغرفه  نزلت لكيت الحجيه

بعدها نايمه بس الطاسه مالتها مليانه شلتها ذبيتها ورحت سويت عشه وهيه الاكل مو كله زين عليها

سويت شوربه وسلكت بتيته ورحت كعدتها

مرت تقريبا يومين وهيه حالتها بدت اتسوء اكثر يعني لا تتحرك الحجي بالكوة تحجي بطنها ماتطلع ابد والاكل متاكل واذا تاكل اليل

كله نهسر اني وياها يعني متنام باليل والادويه عبالك ضرتها مانفعتها

واني ومنير عركنه رجع مثل قبل واكثر يعني كام مايكعد يمي مايتحارش بيه مثل قبل اني كلت يمكن لانو اتجاهلته وكل مايجيني ابتعد منه

بس يعني اني حقي الحجيه تعبانه واليل والمهار اني يمها شريد شصيرله فاندام وكل شويه اروح يمه

هم غلست اني كلت يطبه سم ع اساس هسه احنه علاقتنه اشلونها بيومها اجه ابوي وهبه علمود الحجيه لانو مريضه وجابو وياهم فواكه وحلويات

وهبه جابتلي تراك وجابت شيله للحجيه وبقو يمنه تقريبا ساعه ونص الحجيه وهيه تحجي وياهم تنام كلش وضعها موزين

هبه ريحانه ديري بالج وحضري روحج لكلشي ترة مبينه الحجيه هاي ايامها

ريحانه لا ام اسد اسم الله ماعتقد مرض ويعدي ان شاء الله

هبه ان شاء الله بس صدكيني هاي ايامها لانو وكعتها ماتبشر بخير مبينه

ريحانه لا ان شاء الله العلاج ينطي مفعول المهم شذى شلونها

هبه اشلونها ملت كلش كليوميه تخابرني وتعالو اخذوني وتحجي وتشكي منه ومن اكللها جايتج دكلي لا وابني اشلون

ريحانه ليش بعده حيوان وياها

هبه وزايد هو وخواته عليها كلش واختي تدرين بيها لا حول ولا قوة

ريحانه هيه نطته مجال هيج يسوي بيها ولو الزلم تنطيهم مجال ماتنطيهم مجال مايغزر بعينهم كلشي

هبه انوب دكول صايرة انزف كلت بس لا صاير للطفل شي

ريحانه لا اسم الله ان شاء الله خير ومابيها شي

هبه انتي اشلونه منير وياج

ريحانه زين الحمد الله

هبه والله ولا جنه زين ابد

ريحانه لا والله زين يعني مابينه شي

هبه الله يوفقكم يايمه اني شريد اكثر من هيح زين اخته تجيج اتساعدج بامها

ريحانه وين بس بيوم الي جبناها من المستشفى اجتي سئلت عليها وراحت وبعد ماجتي

هبه يا كبر شهل كلب الي عدها هاي ماتسال على امها

ريحانه هيه هم عيال وجهال يجوز عدها ضروف

هبه ولو ضروف شنو الي تخلي الوحده ماتسال على امه

ريحانه اندري هيه هم مدري اشلونها حايرة بعيالها

هبه يمعودة كلشي نسوي نحصله بكبرنه شوفي جهالهت شيسوون باجر عكبه بيها

ريحانه اي والله

هبه زين صدك انتي هم تنسيتي على شي

ريحانه لا شسالفه بعد وقت ع هيج سوالف

هبه اكو بيهن من وقت يتنسن هسه شذى تتنسه على الحلويات دكول عمتي تجيبلي وترجع ورة بس اكل

ريحانه الله يكومها بالسلامه يارب

فارس ها ام اسد نكوم

منير وين بعدكم كاعدين بعد وقت

فارس لا والله اتاخرنه كلش هم يالله واحنه كبرنا نام من وقت

ريحانه محد كبر انته تطرد عيون بعدك بحيلك اشو

فارس راح الحيل بويه راح

ريحانه الله يحفضك النه صدك ماكو اخبار عن اسد علي

فارس لا ان شاء الله خير انتي شنو كليتج اداومين هاي السنه لا

ريحانه والله مادري اشوف يمكن اداوم

فارس انتي شوفي وضعج كون تكدرين داومي ماتكدرين اجلي على السنه التجي

ريحانه ان شاء الله

فارس يله احنه نكوم

طلعو وصلهم منير للباب اخذت الغراض الي جابوهن عزلتهن وبقيت احجي وي نفسي طبعا الكليه مبقالها شي

واني ممحضرة اي شي لا غراضي لا ملابسي وماعتقد اسيطر على المواد اذا اداوم لانو البيت صار الحمل حملين خالتي منا والحمل منا والبيت ومنير

ماعتقد اكدر بس الله كريم يجوز اداوم

واني احجي وي نفسي طب منير

منير كليه ماكو بعد لا تفكرين بيها

بقيت اباوعله هذا يريد عركه والحجيه نايمه وهيه اصلا مريضه بس تسمع صوتنه نتعارك ..تتمرض اكثر خلي اسكت احسن اليه واله

ريحانه اي ان شاء الله

منير شنو ان شاء الله تاخذيني على كد عقلي انتي شني

ريحانه لا حشاك هسه اني حاجيه شي كلت كليه ماكو هل سنه ماكو هل سنه بعد شكو

منير ماكلت ماكو هل سنه كلت كليه بعد ماكو

ريحانه مافهمتك شقصدك

منير شنو الي ماينفهم بالموضوع كليه ماكو بعد وهذا هوة

ريحانه هذا الشي مو بكيفك اني الي اداوم مو انته ويمكن صح هاي السنه ماداوم بس السنه التجي اداوم ومو من حقك تمنعني

منير شنو مو من حقك تمنعني اني زوجج لو نسيتي

ريحانه زوجي على عيني وراسي بس اذا تكلي كليه ماكو انسه انته زوجي وانسه كلشي وبيت اهلي موجود

منير اي بعد وبعد السانج طلع بنت القندرة

اجه وكف كبالي ولزمني من شعري قوي

اول مالزمني الحجيه صاحت

الحجيه ريحانه ريحانه يمه

منير بيج بخت هل مره بامي بس ياريحانه ونورة لمحمد اله اخليج تندمين على هاي حجايتج

دفعني على السينك وطلع باوعتله من الشباك فتح باب الشارع وطلع

رحت اني ركض للحجيه

ريحانه ها خاله شبيج

الحجيه شوكت راحو اهلج يمه

ريحانه هسه مصارلهم هواي شافوج نايمه وماقبلو نكعدج

الحجيه اندري شني ها النوم الي انامه يايمه

ريحانه بالعافيه نوم الهنا

الحجيه منير وين

ريحانه طلع هستوه ماجعتي

الحجيه اي يمه جعت

ريحانه الوقت متاخر اذا تاكلين شي هسه اليل كله متنامين راح اجيبلج بسكت وعصير

الحجيه اي يمه بكيفج

رحت للمطبخ طلعت البسكت والعصير والدواه مالتها ورحت كعدت يمها

نطيتها اكلت وشربتها علاجها اباوعلها وين اول ماتزوجت بحيلها وين هسه حتى حلكها يهتز

وايدها ترجف ماتكدر تلزم الكمه عدل سبحانك ربي الانسان اشلون من يكبر هيج ايصير بي

كملت شلت الاكل ورحت للمطبخ كملت تعزيل المسواك ورجعت كعدت يمها

ريحانه خاله راح اروح اسبح محتاجه شي

الحجيه لا يمه

طلعت منها اخذت ملابس ونزلت غرفتي صرت ماصعدها هواي ولو اني اصلا من تزوجت لحد هسه اكثر شي جوة ابقه

نزلت ملابس بالحمام الجوة وسبحت سمعت صوت بالبيت

طلعت شفت اطياف كاعده يم الحجيه

ريحانه ها ام محمد اشلونج

اطياف هله الحمدالله انتي اشلونج

ريحانه بخير الحمدالله معبالي راح تجين

اطياف ذكرت امي كلت خلي اجي اشوفها

ريحانه اي اليوم جانو اهلي يمي

اطياف هم كال منير امي اشلون صارت

ريحانه هاي كدامج تشوفينها

اطياف هسه اني وضعها ابد معاجبني جسمها كله يهتز اخاف العلاج مو زين

ريحانه لا بالعكس اصلا زين بس هو المرض قوي وهيه مجاي تقاوم

شوفيها كل شويه تنام واليل كله تسهر يعني المرض يزيد ماينقص

اطياف زين منو الها

ريحانه ليش منو الها لعد اني شنو شغلي هنا

اطياف تنامين يمها

ريحانه اي ليل ونهار

اطياف من هذا منير متعصب لا عيني ريحانه ديري بالج على رجلج ليش يملج

ريحانه ع اساس هو شايلني بالصلاوات شو اسكتي يمعودة مالي خلك هاي السوالف .

اطياف بشنو تحسين يايمه

الحجيه ماحس بشي يمه ليش اجيتي جان بقيتي يم جهالج يم رجلج يحتاجوج بشي

اطياف يايمه اذا ماجيج اشوفج شمحتاجه منو يجيج غير اني بنتج الوحيده

الحجيه لا يمه مارايده شي ريحانه يمي مكفيه وموفيه جذب جنه مثلها

اطياف اي سولفلي منير

ريحانه صدك الجنه الجديده اشلونها

اطياف اسكتي يمعودة اشلونها صديقت زهرة وعندج الاحساب

ريحانه انتي شبيج صايرة كابه كلش وي زهرة عوفيها يمعودة

اطياف وقابل اني اتحارش بيها من نفسي هيه كل حجايه تذبها شكبرها ورجلي الاغم صاف وياهن

ريحانه يمعودة لا تحتكين بيها عوفيها

اطياف يمعودة اني تعبت كل هاي المدة الي فاتت ساكته هسه صرت ماصدك تحجي حتى اكب  وياها

ريحانه شعجب ماجنتي هيج جنتي انتي دكولين اسكتو لا تحاجونها

اطياف اي لشوكت قابل ابقه ساكته مليت منهم

ريحانه الله يساعدج

عفتهم وصعدت امشط شعري نشفته ومشطته ونزلت لكيت اطياف رايحه

باوعت على الحجيه نايمه الطاسه اليمها اخذتها ذليت الي بيها

كلت شوف الحقارة العند اطياف حتى مكالت خلي اشوف امي شمحتاجه انضف غرفتها اذب الطاسه مالتها

صدك ربنا كال يوم لا ينفع مال ولا بنون يعني لهل درجه اجتي بس شافتها وراحت مكالت يمه ابات يمج يمه اسبحج

وهيه قابل صدك راح تبات لو تسبحها بس الحجايه الحلوة تنكال مو تجين مثل الخطار كلشي متسوين واطلعين الحمدالله والشكر

.

طبعا هذا الشي جان يقهرني اكثر شي بخالتي صح عدها ابنيه ولد بس بتها ممداريتها مدري اشلون ابدات الزواج جانت تجي يمها وداريها

وابنها بالشغل منو الها الله يرحمج نبراس يمكن هيه جانت اداريها

رحت كعدت يمها خليت الطاسه جبت تليفوني كمت العب بي الوقت اتاخر منير ماكو كلت خلي انام صدك فرشت يم الحجيه ونمت

مر  الشهر تمام بس الحجيه زاد وضعها اكثر واني كمت احس بتعب اكثر يعني الحمل اثر عليه كلش ومبقه شي للعيد اقل من عشر ايام كمت احس بتعب كلش

قوي ومرات اشوف دم بس اغلس اكول بسيطه ودكتورة ابد مرحت

الحجيه تجيها ايام تصحه وتجيها ايام توكع كلش

دنيا ضهر وخابرتني هبه استغربت يعني هيه مو من عوايدها تخابرني لانو تدري خالتي هيج وقت ابقه يمها ومنير يجي

ريحانه الوو

هبه الو ها ريحانه احنه بالمستشفى

ريحانه شنوو  ابويه بي شي شكوو شصاير

هبه لا مو ابوج شذى وضعها مو تمام ويمكن تسقط الجنين

رسحانه شجاي تحجين اشلون هيج صار

هبه مو وقته ريحانه مو وقته اني هسه يمها وكلت انطيج خبر

ريحانه هسه اجيكم راح اخابر منير

هبه لا لا تجين من نرجع للبيت انطيج خير يله يمه مع سلامه

ريحانه الله وياج طمنيني ..

سدت واني الدموع تجري كامت عشرة عشرة خفت عليها وعرفت السبب حسين الله لا ينطي

يمكن احسين هو المثال الاقوة ع انو الزلم مايغزر بعينهم شي

يعني شذى وكفت بعين اسد علي وكالت اريده ضحت بمستقبلها ودراستها وكالت اريده

تعرف كل مكسراته وسوالفه الطايح حضها وكالت عادي اني اغيرة

يعاملها مثل الحيوان ودكول احبه عادي وهو كل هاي مايغزر بي وهيج يسوي وياها

الحجيه شبيج يمه شكو

ريحانه خابرتني ام اسد وكالت شذى بالمستشفى وضع الجنين مو تمام

الحجيه لا حول ولا قوة اله بالله اشلون هيج اشصار

ريحانه والله مادري مفهمتني بس نطتني خبر

الحجيه دخل يجي منير وروحي انتي ويا الها

ريحانه لا كالت لا تجين من يرجعون للبيت ينطوني خبر

الحجيه اشلون يمه اخيتج هاي روحيلها

ريحانه المشكله حتى بيا مستشفى مكالت

الحجيه الله يكومها بالسلامه والله هيه من حجيها مبينه خوش ابنيه وحنينه

ريحانه ياحنينه بيها حنيه الدنيا كلها

بقيت كاعده يم الحجيه وابجي واباوع للتليفون والحجيه اسكت بيه واني خايفه عليها اذا صار بيها شي لو اببنها شي تموت شذى اني ادري بيها

واني ابجي طب منير

منير شكو شصاير

الحجيه اختها يمه بالمستشفى ويمكن تسقط ابنها

منير ياستار شصاير

الحجيه ماكالتلها بس نطتها خبر

منير خير ان شاء الله

وعافنه وطلع راح غسل

الحجيه دكومي يمه صبيله غده ختى اذا تخابرج ماعندج شي تروحين كبل

ريحانه اي خاله كايمه

كمت حضرت الغده لمنير خالتي جنتي مغديتها واني من سمعت هل خبر نسدت نفسي

بس الي ضوجني اكثر منير لا اجاني لا كليه لا تهتمين دكوم بالسلامه ان شاء الله ردت فعله كلش قهرتني يعني اصب بالغده ودموعي

عشرة عشرة على خدي متت من الخوف على شذى

وديتله الغده هستوة جان طالع من الحمام يمشط بشعرة

خليت الغدة بالكاع ورحت كعدت يم الحجيه

الحجيه ها يمه

ريحانه صبيتله خاله

الحجيه كومي اتغدي ويا مو ماتغديتي انتي

ريحانه لا ماشتهي

الحجيه مو زين يمه لاعليج ولا على الي ابطنج كومي اكليلج لكمه

ريحانه مو هسه لعد فد شويه اكل

الحجيه براحتج يمه

بقيت كاعده يمها كعد منير اكل وهو سمع حجي الحجيه ع انو اني مماكله بس مهتم اصلا ولا حجه يعني رجع مثل قبل واكثر

كمل وراح نام واني رحت كملت شغلي شويه وخابرتي هبه

ركضت على التليفون

ريحانه الوو

هبه ها عيني جبناها للبيت سقطت

ريحانه شنووو

هبه سقطت الولد  وكع

ريحانه يله الحمدالله المهم سلامتها .وابجي

هبه على شنو البجي هسه يتعوض ان شاء الله اهم شي سلامتها هيه

ريحانه اني شويه واجيكم

هبه ديله يمه اروح اشوفها اني

ريحانه ديري بالج عليها

هبه ان شاء الله

سديته منها ورحت يم خالتي لكيتها نايمه

رحت لمنير للاستقبال

هم لكيته نايم بقيت حايرة شسوي هسه اكعد منو منهم

رحت لمنير كعدت يمها والدمعه بطرف عيني يعني بس احد يطخني ابجي

ريحانه منير منير

منير امم

ريحانه كوم منير

منير شكو شرايده

ريحانه كوم اخذني لاهلي شذى طلعوها من المستشفى

فتح عيونه وباوعلي

منير يعني هستوهم طلعهو انتي شعندج رايحه الهم هسه عوفيه ترتاح واخذج

ريحانه لا تزعل مني اذا مرحتلها وهسه هيه اكيد تعبانه اخذني الها واني كلت لهبه راح يجيبني

منير مابيه حيل هسه عوفيها يوم يومين واخذج

اول ماحجه هيح وكلي يوم يومين واخذج دموعي نزلن وحدهن وهو يباوعلي كلت معقوله لهل درجه ماعنده احساس يعني اختي

مسقطه طفل وحالتها خطير وهذا يكلي يوم يومين واني عود ممقصرة ويا ابد ليش هيج يسوي وياي

ردت اكوم جرني من ايدي نيمني بحضنه بحيت ايدي وجهي صارن على صدرة

وايده على شعري وايد جواي اول مجرني كمت اشهك بالبجي

منير هاي شنو شبيج يمعودة اخذج اخذج ليش هل بجي

بقيت ابجي واشهك لانو بوقتها صدك جنت خايف على شذى ونفسيتي بوقتها كلش تعبانه من الحمل ومن البيت ومن معاملت منير وياي

منير هش هش هسه شويه واخذج الهم اسكتي يله بدون بجي

بقيت ابجي عبالك ماصدكت ابجي

منير يمعودة هسه اخابر اطياف تجي يم امي واخذج الهم ارتاحيتي

ريحانه اي

منير وجعي ام حلك بس بجي كومي يله حضري نفسج راح اخابر اطياف

كمت منه عدلت شعري وهو طك ضهرة

منير نطيني  تليفوني

ريحانه وين هوة

منير على الشحن

جبت التليفون انطيته اله ورحت لخالتي بعدها نايمه صعدت فوك غسلت وجهي ورتبته وبدلت وحضرت جنطتي خليت عطر

ماطولت تقريبا نص ساعه نزلت لكيت اطياف ومنير واكفين يم باب المطبخ

ومنير نطه لاطياف فلوس

بوقتها انتبهت لاطياف كل ماتجينه منير ينطيها فلوس بس كلت اني شدخلني همه اخوان ولازم الاخ يحن على اخته

من شافتني ضمت الافلوس بصدرها واجتني

اطياف ماشوف شر ان شاء الله والله زعلت عليها متستاهل

ريحانه تسلمين

اطياف مكلولج اشلون مسقطه

ريحانه لا مكالو

اطياف زين انتي تباتين لو تجين

ريحانه مادري على حسب الوضع

اطياف لاي معودة لا تباتين امي منو يمها

ريحانه مو هيانج انتي يمها باتي يمها اذا ابات اني

اطياف لا يمعودة وين اكدر شوفيها وتعاي

باوعتلها صفح هيه خجلت

اطياف قصدي يعني اني جهالي ورجلي ولا تنسين اني عيال

عفتها وطبيت للحجيه شفتها هستوها كاعده

ريحانه خاله اني راح اروح

الحجيه الله وياج يمه واذا شفتي وضعها موزين باتي يمها اخيتج هاي يمه

ريحانه ان شاء الله ممحتاجه شي انتي

الحجيه سلامتج يمه سلامتج

ريحانه يله مع سلامه

طلعت اطياف طبت يمها كعدت واني ومنير طلعته طول الطريق ساكتين محجينه

وصلنه مصدكت نزلت قبله ودكيت الباب

طلعلي ضرغام عرفت ساميه وخواتها جايات

ضرغام هلو ريحانه اشلونج

ريحانه الحمدالله ضرغام انته شلونك

ضرغام بخير الحمدالله

ريحانه وينها ششذى

ضرغام بالغرفه جوة وين رجلج

منير نزلت وعافتني بالسيارة

ضرغام دومها فاهيه ع كولت اسد علي فوتي انتي تعال خويه تفضل

منير لا والله الوالده بالبيت وعفت المحل غير مرة اجي

ضرغام هله بيك البيت بيتك

منير ريحانه باليل امرلج

ريحانه ان شاء الله عفته وطبيت

شفت بابا بالاستقبال ويمه الولد عفتهم ورحت للغرفه مالت هبه

لكيت شذى نايمه على الجربايه وتبجي وخالاتها داير مدايرها وهبه على راسها اول مطبيت رحت حضنتها بس مبجيت

ريحانه اشلون صرتي يعمري

شذى اشلوني اشلوني ريحانه وكع ابني وكعه العار الله لا يسامحه الله لا يوفقه

هبه اهدي يمه موزين عليج انتي خسرتي دم هواي

ساميه اشلونج ولج ريحانه

ريحانه الحمدالله انتن اشلونجن شخبارجن

ساميه والله الحمدالله اشتاقينالج ولج هاي الحمل شمسوي بيج

ريحانه يمعودة مدمرني وعلي هو هذا الزواج الي ردنا من امدا

ساميه يمعودة مو كل زواج زواج انتن ماتعرفن تصرفن

ريحانه شنصرف همه الزلم ينحملون

هبه ولج اسكتي مو وقته الحجي هيه البنيه تعبانه

ريحانه لعد البنات مجبتيهن وياج

سهام لا وين مكدرت اجيت فجاءة

هبه دكومن احنه نطلع منهن انخليهن بس هنه يحجن

ساميه يله كومن

طلعت ساميه وسهام وهبه واني وشذى بقينه وحدنه

شذى شفتي شسوة بيها ريحانه اني الي ضحيت بكلشي علمودة هيج يسوي بيه هيج يكسرني

ريحانه اهدي وفهميني شصار

شذى شصار شصار خسرت ابني ريحانه خسرته

ريحانه اشلون هيج صار فهميني

شذى جنت نايمه باليل فزيت احس بوجع قليل كلت خلي انزل اشرب مي نسيت مصعدت يمي وانزلج الكيلج باب الشارع مفتوح

رحت حتى اسدة واشوفلجيا هو وبنت جيرانه الي مقابيلنه سوة وتباوسون بنص الشارع

فقدت بوقتها ردفتحت الباب على حيله وكمت اصيح هيه طبت وهو اجاني سد حلكي وطببني ضرب موتني تموت نزفت كدامه غير يكومني يصيح امه عافني بمكاني مغمه عليه وشرد

ومن كعدت عمتي الصبح وشافتني مغمه عليه كايمه صرخ واخذوني للمستشفى

ريحانه ياحقير ياكلب اشلون كدر هيج يسوي ولج انتي مرته عرضه يعوفج مدمايه ويشرد

شذى ولج عافني اني طبني سم ولج ريحانه ابنه ابنه عافه وراح اريدة اريد اشرب من دمه بيدي

ريحانه انتي كبرتي راسه ياشذى انتي مايسوة فلس وسويتي الملك يامه حجينه وياج وكنالج ولج مو هيج مو هيج الدلال بس انتي ماكو .. قافله على الاخير

شذى جنت احبه احبه بس هسه لا وداعت امي وشدة اخوي ياريحانه مارجعله يعني مارجعله يطلكني احسن اله والي

ريحانه هسه انتي متعصبه فكري زين والله كريم

شذى فكرت اني ماريده مارسده اني ضيعت نفسي بنفسي اني

ريحانه ع شنو ضعتي يمعودة انعل ابو لابوه الخلفه اذا متردينه اطلكي منه و100 الف واحد يتمناج هو شني ع حورة الغبي هذا

شذى بس خلي يجون اذا مازفه زفه المطي بالسوك

ريحانه هههههه جديده هاي

شذى كومي كومي مني اني وين وهيه تضحك

ريحانه طبعا والله صدك لو كالو الي يشوف مصيبت غيره يضحك على مصيبته

شذى ليش شكو شبيج خير

ريحانه يمعودة ياخير لو ماعمتي مريضه وبس اني الها وينكسر كلبي عليها والله اطلك وانعل ابو لابو الخلفه

شذى ليش هم حيوان

ريحانه يروح فدوة للحيوان احساس ماكو عبالك غريبه ويا بالبيت مو مرته يحجس وياي بالقطارة

شذى هو هذا حضنه ماكو زلمه بي خير  زين رجعتي للكليه لو لا

ريحانه لا وين داومو اصلا كلت ع السنه التجي ان شاء الله

شذى اني اذا اطلك ارجع

ريحانه اذا اطلكتي ونويتي ترجعين لازم من هسه تقدمين مبقه شي وينسد باب القبول

شذى لا حتى لو ارجع استضافه عادي اني ضيعت مستقبلي بيدي اني

ريحانه لا ضاع ولا شي وداعتج ارجعي والله كريم

شذى ان شاء الله اليوم تباتين يمنه مو

ريحانه مادري والله بالي يم عمتي

شذى مو عدها بنيه

ريحانه يمعودة تجي خمس دقايق مطول

شذى هيه شلون صارت

ريحانه موزينه والله تكسرت كلش

شذى خطيه الله يساعدها ويساعدج

واحنه نحجي نفتح الباب وطبت ام حسين (جنان)

جنان ها يمه اشلون صرتي

شذى الحمدالله خاله بخير

جنان اشلونج ريحانه شخبارج

ريحانه الحمدالله خاله زينه انتي شلونج

جنان نشكر الله حسين اجه وفهمني كلشي ومتندم كلش ن درة الطفل راح

شذى خلي ندمه يفيدة خاله ابنج بعد لو يصير الملك فيصل هم ماريده صدك جذب رضيت بالهم والهم مارضه بيه

جنان حقج يمه شتحجين حقج بس شنسوي هذا طبعه وانتي تدرين بيه مايتغير بس عوفي سالفه الطلاك واهدي وفكري زين

شذى وداعتج انتي وداعت امي وداعت ابني الي راح وبدون ماشوفه ياحسين بعد ماتصيرلي رجل لو تنكلب الدنيا

طبت هبه وساميه وسهام

سهام شنو هل حجي شذى اهدي ابن خالتج ورجلج مايصير هيج تحجين بين اي رجال ومرته هيج يصير

هبه لا خيه مايصير هيج رجال يعوف مرته امدمايه بالكاع ويشرد ومايكول تموت تعيش لا رجلها ولا يشرفنه يبقه رجلها

اسمعي خيه جنان اني وياج خوات وماريد اخسرج بسب هيج شغله بس خيه ابنج مايبقه لبنتي رجل يطلكها باقرب وقت شنو بنتي تايهه عنده وانتي تدرين واكثر وحده تدرسن شكد بنتي ضحت

علمود ابنج بس هو ابد مغزر ولا وكفت بعينه شي

جنان اني الي يهمني شذى صبرت لابني وعاشت ويا على مره واني ادري بابني مابي شي حلو وماعيشها حياة مثل اي رجال ومرة واذا

سعادتها بطلاكها منه اليوم قبل باجر اخبي يطلكها وغراضها كلهن
اجيبهن الها

ساميه شذى اذا متاكدة من قرارج هسه نخابرة نخلي يجيب سيد ويطلكج ومحكمه على كيفكم وانتو اثنينكم رادين تطلكون اعتقد

شذى متاكدة اني بعد ماريدة وماريد اشوفه كبالي

جنان الي انتي تريدينه يمه هسه اخابره واخلي يجي يطلكج

ريحانه بقن كاعدات ويسولفن حاولن يغيرن الموضوع علمود شذى ماتضوج بس هل مره شذى صدك عبالك اخذت قرار صح بحياتها

خابرت جنان حسين بس طلعت برة شويه وطبت كالت راح يجي هو وابو والسيد يعني قنع بسرعه العار كبل كايل اي اجي واطلكها

بقينه نسولف شويه جعت كمت صبيتلي اكل صارت ساعه 7 ونص تقريبا طب حسين وابو وسيد وياهم

ابوس مثكل كلش على خسين حتى الولد مسلمو ولا حجو وكاعدين على اعصابهم يريدون يكومون ويكتلونه وهو ولا جنه كاعد واثقه عبالك اليوم عرسه

مطولو طبت جنان كالت للسيد كلشي مافقين عليه وبس انطلك

كومنه شذى بالكوة كعدت بالغرفه يمه ومباوعت لوجه اصلا وهو همين كام يحجي السيد  وهمه يحجون اول مطلكها جنان باست شذى

وكلتلها مبروك يمه

حسين عقج وجها وطلع ابو اتعذر من ابوي وطلع هو والسيد

فارس بويه شذى ماتشوفين نفسج اتسرعتي

ضرغام عمي الله يخليك شنو اتسرعت اصلا هو اتسرع وطلع من البيت ومحمد ناوي اكسرة تكسر

علاوي ومحمد الي حلفت بي كاعد على اعصابي اريد اكسرة بدون ماتزعلين خالتي

جنان لا يمه حقكم ابن بطني ولعبت نفسي منه ومو كدامها شذى سوت سوالف علمودة ماكو وحده تسويها

علاوي تحصل الي احسن منه والله

كومتها وديتها للغرفه بجت

ريحانه ها شني اتندمتي

شذى امداني اني اتندم على هذا بس اتندم على سوالفي السويتهن اله حسبي الله ونعم الوكيل بيك ياحسين حسبي الله ونعم الوكيل

ريحانه يمعودة انسي ولا كانو اكو شي

واني احجي وياها دك التليفون

ريحانه هذا منير

شذى باتي ولج لا ترحين

ريحانه يمعودة اشوف خالتي اطياف اعرفها ثوله ماتعرف لخالتي

شذى دشوفيها اذا بخير وبتها يمها باتي

رسحانه اي تمام

جاوبته الوو

منير هاي ريحانه اجيج لا

ريحانه خالتي وين

منير هاي كاعده كبالي

ريحانه واطياف

منير راحت لبيتها تسوي عشه وترجع

ريحانه زين خالتي شربتها علاجها

منير لا هو اني اريد اسئلج ششربها شنو وشنو

ريحانه هيه تعشت

منير لا بعدها

ريحانه شسالفه شبيك باع بيش ساعه

منير هيه دكول ماشتهي

ريحانه وانته شعليك بيها صبلها وهيه تاكل لو اكلك تعالي منير اني جاهزة

منير يله جايج

..

شذى ها وين

ريحانه يمعودة بتها عايفتها ورايحه ولحد هسه لا متعشيه ولا منطيها علاجها

شذى يا خطيه هاي شني من كلب عد بتها

ريحانه منيلها كلب يمعودة حيوانه

هبه الولد راحو يجيبون عشه حتى نتعشه كلنه سوة

ريحانه اني راح يجيني منير واروح

هبه هاي شنو شعندج رايحه باتي

ريحانه وين ابات مو تدرين بخالتي

هبه بتها شني فلمها ماتجي يمها

ريحانه جايه ورايحه حتى ممعشيتها

هبه يا سم شني هاي الكلب الي عدها

ريحانه يمعودة اروحلا اني لا يصير بيها شي

هبه اي يمه روحي اذا هيج

بقيت كاعده يم شذى رمشي منير ع انو هو بالباب

طلعت فتحت الباب هو طببته يم ابوي كعد وسلم عليه

فارس شفتهمنه من ريحانه بعدني مشايفها

ريحانه غير مرة واجي ان شاء الله بس هسه خالتي تعبانه

فارس مابيها شي ان شاء الله بويه

ريحانه ان شاء الله

اجيب جنطتي واجي

فارس دكعدو اتعشو يله ترحون

منير لا والله مشكور عفتها وحدها واجيت

ريحانه يله لعد خلي نكوم بسرعه

رحت جبت الجنطه وسلمت على شذى وعلى خالاتها ووطلعت سلمت على ابوي ورجعت وي منير

عم ماحجينه بالسيارة بقينه ساكتين وصلت طبيت للحجيه كاعده تسمع قران

ريحانه ها خاله سلام وعليكم

الحجيه هله هله يمه وعليكم السلام

ريحانه رحتلها لزمتها من صدرها

اشلونج هسه

الحجيه لا يمه زينه الحمدالله

ريحانه راح ابدل وانزل اسويلج عشه

الحجيه لا يمه ماشتهي

ريحانه اني اجيت بدون عشه ترة كلت اتعشه وياج

الحجيه يمه من اكل هواي بطني تموتني باليل

ريحانه لا اجيبلج بسكت وعصير خفيف شتكولين

الحجيه ماشي يكه الي يريحج شلون صارت اختج

ريحانه يو صارت سوالف خلي اكمل واجي اسولفلج  باوعت على الطاسه مالتها على حطتي الها يعني اطياف كلشي ممسويه كاعده وساكته كبر

صعدت بدلت وغسلت ورتبت الغرفه ونزلت طبيت للحمام ملابس منير بالحمام اخذتهن خليتهن بالغساله وشغلتها

ورحت للمطبخ سويت اكل اليه والها ورحت كعدت يمها نطيتها العلاج وكعدنه ناكل

ريحانه رجلها ضاربها لانو لاكفته وي وحده بالباب تصير جيرانهم وكايمه تصرخ فجايها ضاربها

الحجيه فوك شينه كوات عينه انوب ضاربها

ريحانه اي العار انوب شايفها تنزف عايفها وشارد الاغم

الحجيه يايمه يامنير راحت الزلم خلصو من مات الحجي

ريحانه ههههههه الله يرحمه بس هيه قررت تطلك منه وصدك جابو سيد وطلكها ومابقه بس بالمحكمه يطلكون

الحجيه والله يايمه احسن الها هذا مو زلمه

ريحانه اي الاغم ولك شفتها تنزف غير تكعد احد تاخذها للمستشفى وانته ادري بيها حامل

الحجيه يله يمه تتعوض بالاحسن منه

ريحانه ان شاء الله  وهم خالاتها كلهن يمها اجني ولد خالتها

الحجيه ليش اجيتي يايمه جان بتي يمهن اذا مجتمعات

ريحانه لا كلت اشلون اعوفج وحدج واطياف عدها جهال ورجلها

الحجيه يايمه شبيج قابل هيه جايتني من كيفها لو مالفلوس الي ينطييها منير مجان اجتي

ريحانه فلوس شنو مافهمتج

الحجيه يايمه اطياف كل ماتجي وتكعد يمي منير ينطيها فلوس

ريحانه اي يعني لانو اخوها غير

الحجيه لا يمه ينطيها حتى تقبل تكعد يمي

ريحانه شنو لا خاله مستحيل يجوز انتي فاهمه غلط ممعقوله انتي امها اشلون تاخذ فلوس حتى تكعد يمج

الحجيه يايمه تعليمين ابنتي اني اعرفها ادور مصلحتها وبس

من حجت هيج الحجيه فرت ابدمي معقوله اكو هيج بنات يعني امها هاي امها اشلون هيج تسوي

طبعا جنت بوقتها يوم عن يوم ينكسر كلبي عليها لا بتها بيها خير ولا صحتها زينه

شلت الاكل وبقيت اسولف وياها اجه منير صعد نام فوك وبقيت اني وياها نسولف

لحد مانمنه واني من التعب ذبيت نفسي فجاءة فزينه على صوت صريخ وبابنه تفلش

الحجيه فزت

الحجيه ياستار شكوو  شصاير

ريحانه والله مادري شصاير

طلعت من الغرفه منير طفر الدرج طفر وباوعلي

منير شكووو

ريحانه مادري الباب تفلش

منير طبي جوة

بقيت واكفه وراح منير فتح الباب .....

هنا وخلص البارت شوفن والله التاخير مو مني من بطل القصه تحجي وياي بالقطارة ماتفتح نت هواي ومن تفتح تحجي وياي قليل يعني نص الاحداث اكتبهن مني ومادري اذا صدك لو لا فاتمنى ماتنزعجن مني

وانتن قاريات قصصي البقيه جنت انشر بارتين وثلاثه بيوم واحد وعادي يعني لا اهتم لتعليقات ولا مشاهدات فاتمنى تعذرني

تحياتي

غزل الحجامية ...

...