رواية نصف شهر عسل الفصل الخامس وأربعون 45 - بقلم غزل الحجامية

🖤🎬
🖤🎬
وأشتــاگيــت ڪـــلي
لــڪل خــيالڪ ذاڪ
يــ لعايــف حــلاة ســوالفڪ بــذني
وماخــذ ڪــل حلاتــي ويــاڪ

..

ثاني يوم بالكليه من بعد ماحاول اسد وياي بالبيت هوواي يحجي حتى للغرفه اجه بس لانو شذى موجودة وجانت تحجي وي كرم مطلعت من الغرفه وهو هم غلس وراح

بالمحاضرة وجان عندي وقت قبل اخر  محاضرة طلعت بالكافتريا  شفت كرم

كرم هلو ريحانه

ريحانه هلوات

كرم امم منتضر شذى

ريحانه عدها محاضرات اليوم بكل وقت

كرم اي هم كالت البارحه هيه سولفتلج علينه مو

ريحانه امم اي سولفتلي

كرم خير ان شاء الله

ريحانه كرم شذى حبابه ترة واني مو من حقي ادخل بينكم انتو كبار بس بصفتي صديقه الكم ماكله هيه مثل اختي وكذا

كرم اي طبعا اتفضلي

ريحانه كرم شذى نجرحت بعلاقته بطليقها شوف ماكلك هيه حبته ترة محبته جانت طفله مناضجه ممفتهمه الحب والزواج عدل ومن نكسرت يله حست ع نفسها

وانته صديقنه وخوش ولد ونحترمك لا فد يوم تخلينه نكرهك لو نتندم لانو تعرفنه عليك

كرم انتي تدرين بيه وتعرفين طبعي يمكن منحجي هواي ومنلتقي هواي بس اني معروف يعني كلمه وحده مني تعرفين شخصيتي كلها

واني صدك حبيتها لشذى يمكن هل كلام بسرعه صار بس صدكيني حبيتها وهم ضجت من عرفت هيه جانت متزوجه قبل بس يعني هل شي

ماراح يخليني ابتعد عنها لو ماحبها بالعكس يعني سبب تافه عادي

ريحانه هو هذا الكلام الي اني اقصده وع العموم الله يديمكم سوة

كرم تسلمين

.. واني احجي ويا دك تليفوني طلعته بدون اهتمام بس من شفت الرقم لا اهتميت وحتى ارتبكت

لانو شفت اسد علي الي داك اترددت اجاوبه بس كلت خلي اشوف شكو

جاوبته بسكوت

ريحانه ...

اسد علي الوو

ريحانه همم

اسد علي اريد احجي وياج

ريحانه هاا

اسد علي اريد احجي وياج

ريحانه اي احجي

اسد علي مو هنا اريد اشوفج

ريحانه اي من نرجع للبيت

اسد علي لا ماريد بالبيت انتي عندج محاضرات هسه

ريحانه هاا

اسد علي عندج لو لا

ريحانه لا

اسد علي وشذى وين

ريحانه عدها محاضرات

اسد علي دطلعي اني بالباب مالت الكليه

ريحانه هسه

اسد علي اي هسه يله اطلعي

سديته منه وبقيت صافنه شيريد يحجي وياي زين

ريحانه كرم اني راح اطلع عندي كتب لازم اجيبهن تكدر من تطلع شذى تخليها تنتضرني

كرم اي ماشي ياريت ولو تتاخرين بعد احسن

ريحانه هههه ماشي

عفته ورحت امشي ع كيف خايفه من الي راح يصير وصلت للمدخل مالت الكليه باوعت شفته واكف بالسيارة بنفس المكان

من شافني ابتسم بقيت اباوعله ورحت للسيارة فتحت الباب الي ورة حتى اصعد

اسد علي ها خير ياستار

ريحانه ها

اسد علي شعندج ورة

ريحانه غير اكعد

اسد علي يعني مثلا اكو واحد صاعد كدام واني مادري

..بقيت اباوعله بدون فهم يعني شسوي هسه

اسد علي لا ريحانه ترة مالي خلك فهاوة تعاي اصعدي كدام

سديت الباب وصعدت كدام يمه ارتبكت بقيت اباوعله ابتسم بوجهي وحرك السيارة

ريحانه احم هو احنه وين رايحين

اسد علي نسولف شويه

ريحانه نسولف بشنو

اسد علي من نوصل تعرفين

ريحانه زين وين نوصل

اسد علي هسه راح نوصل

بقيت اباوع على الشارع وخايفه وين راح ياخذني هذا معقوله يكتلني زين وين راح ياخذني بقيت اسولف وي نفسي

فجاءة وكف السيارة مقابيل عماره

اسد علي يله انزلي

ريحانه وين

اسد علي دنزلي هسه

ريحانه مانزل اذا مادكلي وين موديني وشنو هل عمارة حتى مابيها مطعم انته مو كلت تريد تحجي وياي

.. ضرب الاستيرن وحجه وياي بعصبيه

اسد علي كتلج انزلي

ريحانه اسد الله عليك شتريد تسويلي الله عليك لا تخوفني منك اكثر والله جاي تخليني اكرهك ليش هيج تسوي وياي

احجي ويا وابجي بس هو ماهتم بوقتها

نزل من السيارة واجه يم الباب مالتي فتحه

اسد علي يله انزلي

ريحانه ما مانزل

اسد علي ريحانه انزلي لا اجرج كدام العالم وانزلج انزلي فضيني

..بقيت اباوع عليه وع السيارة بعدين باوعت ع العمارة ونزلت بهدوء لزمني من ايدي وقفل السيارة ومشه

واني ورا بخطوة وحده صعدنه ع الدرج وهو يباوعلي بين خطوة وخطوة وصلنه يم شقه فتح الباب ودخل

ودخلني ويا عافني بالباب بقيت اباوع ع الشقه تصميمها حلو بقيت اباوع ع الوحات الي ع الحايط وع القنفات يعني

بقيت اباوع ع اي شي غير اسد علي ماريد اباوع بوجه يمكن لانو خايفه شنو يريد يكول

شمر المفاتيح ع الميز الي موجود يم القنفات كمزت اني من الصوت وباوعتله اشرلي ع القنفه بمعنى اكعدي مشيت بخطوات ثقيله

وكعدت حجه وياي

اسد علي لشوكت نبقه هيج

ريحانه احمم شلون يعني

اسد علي لا انتي تحجين ولا اني احجي وانتي متجاهلتني كلش

ريحانه اعتقد عندي اسبابي

اول محجيت اجه وكعد مقابيلي ع الميز الي مقابيل القنفه الي كاعده عليها اني خله ايده ع رجله وحجه

اسد علي شوفي ريحانه تدرين بيه اني شكد احبج واذا متدرين اني اكلج وحق الحق اني احبج

وادري اني ماستاهلج انتي نضيفه واني وصختني الدنيا بس تدرين كل الي صار وياي مو بيدي يعني ربيت بهل شارع وهل شارع هو الي علمني

على هل سوالف وانتي تدرين بيه موبيدي ..بس انسان واغلط والكل يغلط ودفعت الثمن والثمن جان بعدت عنج واسمع انو انتي بحضن شخص ثاني وصرتي حامل من شخص ثاني

واني حلمي جان اشوفج تبتسمين اليه بحب واشوفج لابسه بدلتج البيضه اليه وتنامين بحضني اني نفرح بخبر حملج اني وياج جنت احب اتعارك وياج هواي حتى اشوف عصبيتج وخبالج اتعارك وياي ع الاكل حتى اخذ خاشوكتج واحس بطعم شفايفج اجيبلج موطه حتى اشوف الفرحه بعينج بسببي

اخلي شذى تعاركج من ماشوفج جوة واشوفج كاعده بغرفتج اريدج تنزلين ومابيدي شي اخلها تعاركج وكل ينتبه عليها بس مادري يفتهمون لا

وحق ربج اعشقج واريد بس رضاج عليه واتعب من تتجاهليني وادري انتي تعرفين كل مكسراتي وكل سوالفي بس غلطت ريحانه وتعاقبت عليه غلطتي ليش تريدين انتي هم تعاقبيني

...اسمعه من يحجي وصافنه علي شفايفه من يحجي واحس هذا مو اسد علي يعني هو هذا اسد علي الي يحجي اسد علي العصبي والي بس نتعارك اني ويا يعني صدك يحبني

وكل هل السوالف الي  حجاها صح صارت بس انتي مجنت منتبه الها معقوله هسه يله انتبهت من هو نبهني ماعرف شنو احساسي بوقتها صفنت اول ماسكت دموعي نزلن بدون وعي

وكفت باوعلي بعدم استفهام

اسد علي شبيج ريحانه

ريحانه اريد اروح للبيت رجعني

اسد علي شنو استغفرالله . مسح لحيته وحجه وياي

اسد علي باعي ريحانه ماريد خبال شوفي اني شحجيت وانتي شتحجين

ريحانه يله اسد كوم اخذني للبيت .. شلت جنطتي وومشيت ع الباب جرني من ايدي وحجه بعصبيه

اسد علي شوفي ابتلي بيج وحق ربج اموتج واموت نفسي فهمتي اني وين وانتي وين

ريحانه وين اسد تلي وييينن انته تعرف شجاي تحجي هاا تعرف اذا بابا لو امك عرفو هل سالفه اذا ما ماتو يطلكونن تعرف شنو يعني هيج يصير شنو نكول للناس الي معتبرينه اخوان كل هل سنين وتزوجت وطلكت وهسه جايني دكولي احبج انته ليش عذابي كله منك

تزوجت وانته ماجنت يمي تعذبت مو يمي انته تعرف اني شنو عشت هاا تعرف انته عبالك اني يوميه نايمه بحضن منير لا لا عيني غلطان جنت انام بحضن دموعي وبحضن تعبي 

انته تعرف شنو يعني طفل يصير من اغتصاب اي اي منير اغتصبني اغتصبني ورة عرسي بايام ومن اغتصابه صار ابني الي ماشفته الي اخذه مني منير

كافي اسد كافي وحتى هسه بعترافك هذا اليه جاي تعذبني تريد تعيشني بحلم بحلم كل بنيه تتمنى بعدين تعيشني منه بخيبه وكسر كاف

واني احجي وابجي قاطعني خله شفايفه على شفايفي لزم وجهي بثنين ايده دموعي على خدي ينزلن واعصابي نار وهو باسني بوسه هادئة وبيه كل الترافه والاحساس وكعت

جنطتي من ايدي بدون ماحس رفعت ايدي ولزمت ايده الي ع وجهي بعد شفايفه من شفايفي وخله كصته ع كصتي وتنفس بقوة بقيت مغمضه عيوني ماعرف شنو اسوي شنو احساسي جنت خايفه لا يخليني بحلم اشو هذا خلاني بقيت ساكته وانفاسي هادئه

فجاءة ابتعدت عنه بقيت صافنه بوجه وعيونه الذبلانه خليت ايدي ع حلكي وشهكت وكعدت بالكاع شنو شنو سويت

اسد علي اني كتلج اني احبج واريدج انتي تكليلي امك وابويه اني ذوله ميهموني ومن حجيتي ع علاقتج انتي ومنير متحملت وحتى لو مجانت علاقه طبيعيه

ريحانه اسد الي انته سويته حرام وميصييير

اسد علي ريحانتي لا تحجين هيج معقوله اني حبي الج من طرف واحد معقوله انتي مرايدتني مثل مااني رايدج

..بقيت ساكته واباوعله ماعرف شنو اجاوبه وشنو اكله معقوله صدك احبه بس اي صدك احبه الاحساس الي حسيته من باسني ومن حجه وياي وعصبيتي وخوفي ودموعي كله لانو اني احبه وخايفه احجي

وماجانت عندي قوة احجي بهل موضوع حتى وي نفسي

بقيت صافنه بعيونه نزلن دموعي وبقيت ابجي بسكته

اسد علي كافيي كافي تبجين وداعت امي جاي تحركني حرك دموعج هاي

..
برطمت شفايفي وبقيت ابجي

اسد علي يابويه اكله لا تبجين تبرطم وين اتحمل اني
..

حضني وخله راسه بركبتي وساكت حسيت بدفو دفو غريب واني كاعده حضني حضنه بحنان احساس ترافه احسه حاضن ورده مايريد ياذيها بس يشتم بيها

ايدي نرفعت وحضنته خليتي ايدي ع ضهرة وسندت راسي ع كتفه وغمضت وجهي صار مقابيل ركبته شتميت ركبته وغمضت

اسد علي اوووف اووف وحق علي هسه يله احس نفسي عايش هسه اووف ياريحانتي اوف يابنت كلبي اووف يانفسي اووف

بقيت حاضنته وهو حاضني ويشتم بيه فجاءة دك التليفون مالتي سمعت صوته وبقيت مثل ماني وهو همين بقه يدك فتح عيوني وبعدت عنه بخجل باوعتله مبتسم باسني من راسي

درت وجهي وطلعت التليفون

ريحانه الوو .ها شبيج ..لا لا وي اسد علي مو جنت محتاجه كم شغله . انتي وين منو وصلج ها اي زين اي اي احنه بالطريق اي جايين يله باي

سديته منه خليت التليفون بالجنطه وتنفست قوي

ريحانه احمم شذى خابرت يله كوم خلي نروح اتاخر الوقت وو وهيه بالبيت راجعه وي صديقتنه بالخط مالتها

وكفت ومنطيته ضهري واتنفس بصعوبه اني شسويت بحالي يبووو حضنته وبسته لا لا ريحانه هو ادبسزز وباسج وحضنج انتي مالج دخل احاول اضحك ع نفسي بس حتى اهده

وكف يمي ولزم ايدي

باوعتله ابتسم اليه بحنان بلا وعي ابتسمت اله

اسد علي يله خلينه نروح

فتح الباب ومشينه اني ويا وهو ايده بيدي وصلنه للسيارة فتح الباب اليه باوعتله وصعدت وصعد يمي

وشكله فرحانه ويباوعلي واني عيني على الجام

ابد محجينه وصلنه للبيت قبل لا انزل باوعت لاسد

ريحانه اسد مراح دكول شي الهم موو

اسد علي ليش

ريحانه احسن لا تكللهم شي هسه

اسد علي بكيفج بس ترة ماوعدج ابقه هواي ساكت

. نزلت واني مادري فرحانه لو متوترة بس الي عرفته انو اني صدك احبه والشعور الي بداخلي هسه اربد اعيشه كل يوم وكل لحضه

طبيت تلكتني شذى من الباب العوبه

شذى لج وين جنتييي هاا ويننن

ريحانه جنت محتاجه كم شغله ورحت وي اسد علي

شذى وينهن الشغلات لعد

ريحانه شنوو

شذى  الشغلات وين الي محتاجتهن

ريحانه مو مو ملكيتهن كلت غير مرة نروح اني وياج نجيبهن

عفتها وطبيت لغرفتنه طبت ورايه هيه

شذى لج ريحانه لو شايفه كرم اليوم اشلون اخذني بسيارته وفررني ويتغزل بيه ويشغل اغانييي يبوو ولج احس نفسي مراهقه من جديد يبوو احله احساس بالدنيا

..هيه تحجي واني صافنه لا ياشذى احله احساس بالدنيا الي اني حسيته اليوم بحضن اخوج والامان والدفو الي حسيته اليوم احله احساس بالدنيا شعوري الي جاي احسه احله شعور بالدنيا

شذى هايي وين رحتي موجاي احجي وياج

ريحانه ها اي اي وياج الله يهنيكم حبيبتي

اخذت ملابش وطلعت حتى اسبح

طبيت سبحت واحجي وي نفسي يبو ع الي صار وياي حتى بالخيال ميتصدك مافكرت بالعواقب الي تصير بسبب هل شي عفتها ع الله

نشفت شعري وطلعت من الحمام صار  بوجهي اسد علي

ابتسم واني هم بس بعدين درت وجهي لانو خجلت

اسد علي ريحانه صبيلي غده اني وياج لانو الربع متغدين بدونه

ريحانه اي اي تدلل

رحت مشطت شعري ع السريع حتى منشفته عدل وصبيت غده ع السريع بعدين صفنت شنو شنو يعني راح اتغده بس اني ويا يعني راح اكعد يمه بس اني وهوة يبوو اني اشلون مفكرت بهل شغله طبت شذى

شذى يله يمعودة الولد جوعان

ريحانه ها اي اي

شذى باعي اذا راد شي انتي سوي اني اريد احجي وي كرم وامي وابوي بالغرفه

ريحانه ماشي

طلعت هيه واني اخذت الصينيه وطلعت لكيته كاعد بالاستقبال منتضرني ابتسم وكعد عدل

خليت الصينيه وردت اطلع بس اني صابه مالت نفرين حتى جايه خاشوكتين

اسد علي يله اكعدي

..
كعدت وبديت اكل بخجل احسه صافن عليه بعدين اتذكرت هو مو يعاركني دائما حتى ياخذ خاشوكتي ليش هسه معاركني

سئلته بدون مانتبه ع نفسي

ريحانه اشو اليوم معاركتني علمود الخاشوكه

اسد علي جنت اعاركج حتى احس بطعم شفايفج بس اليوم اني ضكتهن وبرضاتج محاجه اعاركج

ريحانه شنو برضاتي مو برضاتي

اسد علي اممم يعني غصبن عنج

ريحانه لا بس

اسد علي المهم ضكتهن ريحانتي

ريحانه شووف اني واحد سافل وحقير واني صوجي اجيت يمك هاا

عفته وكمت رحت ركض للغرفه حتى متغديت عدل طبيت لكيت شذى تحجي بالفون مهتميت شمرت نفسي ع الجربايه

حقير وسافل ضاكهن هو الكلب يخجل بيه كوة وانتي هم مدري اشلون المن سئلتي من كبر يكبرج

غمضت عيوني وبعد تفكير طويل نمت

هنا وخلص البارت اتمنى يكون عجبكم

بنات ترة اني هم  تعبت اريد اختمها للقصه مبقه شي تقريبا اربع بارتات شجعني الله عليجن خلني اختمها بسرعه

تحياتي

غزل الحجامية