رواية نصف شهر عسل الفصل الاول 1 - بقلم غزل الحجامية

الكاتبة:غزل الحجامية

اسم القصه: نصف شهر عسل

شهر العسل ماعتقد اكو احل من اول شهر او اول سبوع للبنيه بعد الزواج طبعا العريس يدللها وحبيبتي وحياتي وكلشي يجرالج وشبيك لبيك

زوجج حبيبيج بين ايديج بحيث البنيه تحس نفسها قليله اله من كد ما يدللها

بس مو كل شي اسمه شهر عسل ينحسب شهر عسل مرات الزوج يطلع شهر نكد وضيم علئ راس العروسه ويخليها من اول شهر تفكر تقتله

بس هو هذا الزواج ساعه حلو وقرن نكد وضيم طبعا ريحانه سمحت النه نعيش حياتها بكل تفاصيلها اتمنئ تعجبكم مثل ماعجبتني

لوف يووووو

غزل الحجاميه. هلو بنوتتتات اشلونجن قصتي جديده اتمنئ تعجبجن

قصه عراقيه مثل كل مرة

واقع عراقي احداث عراقيه بس اكثرها خارج العراق صايرة اتمنئ تعجبجن

اترك القلم لبطلتي الجديده ريحانه

ريحانه هلو بنات اشلونجن : اني ريحانه فارس من العراق عمري حاليا 26 سنه عايشه وي ابويه ومرت ابويه وابنها وبنتها اني والدتي متوفيه

من جان عمري 15 سنه توفت بنفجار اني علويه لانو ابويه موسوي اني هادئه وجتماعيه واحب اسولف واحجي واضحك بس بحدود

عندي صديقات اهووواي بس قليلات الي قريبات مني ينعدن علئ اصابع اليد الوحدة

مرت ابويه اسمها هبه وابنها اسمه اسد علي وبنتها اسمها شذئ طبعا اسد علي وشذئ مو اخواني همه جهال هبه من زوجها الاول لانو هبه متزوجه جانت قبل ابويه ومطلقه

هبه مثلها مثل اي مرت اب عصبيه وخبيثه كلش وماريد احجي مثل باقي البنات انو الشغل كله عليه وهيه ماترحمني لا اني الي ردت الشغل مالت البيت اليه لانو هبه مو ذاك الترتيب ومن يجينه احد ينتقدنه كلنه واني ماحب هل شي

فاخليت شغل البيت كله اليه اني انضف وارتب بس الطبخ معليه بي هيه تطبخ وهيه طبخها زين

هبه انتي شجاي تسوين

ريحانه انضف المطبخ واخليج تطبخين الئ ان تطبخين اني اكمل تنضيف غرفت ابويه

هبه ديلا بسرعه وغرفت شذئ عوفيها نايمه بعدها

ريحانه تمام

ريحانه كملت تنضيف المطبخ دخلت هيه تطبخ واني صعدت لغرفتها انضفها

كملتها ونزلت سبحت وبدلت اجه ابويه واسد علي

ريحانه الله يساعدكم

ابويه ويساعدج بنيتي

اسد علي يمه سويتي غدة

ريحانه هيه بالمطبخ جاي تسوي

اسد علي وانتي اشبيج ماتسوين امي وشذئ 24 ساعه يفترن بالبيت وانتي نايمه لو تسمعين اغاني

ريحانه شي مايخصك واني النهار واليل كله افتر للبيت انضف واختك نايمه روح كعدها وامك هستوها طبت للمطبخ منين يفترن بعد

هبه بعد بعد كولي النهار كله اني نايمه همين

ريحانه ليش مو هو هذا الصدك حتئ ريوك ابويه وابنج ماتسوينه اني اسوي

هبه شفت فارس شفت بنتك اشلون تحجي هيج مو انته ماتقبل اسويلك ريوك تكول اتاخر اتريك برة

فارس كافي ريحانه شنو هل حجي ويله صبن غدة

ريحانه هو هذا الي الله كدرك عليه

صعدت فوك وعفتهم حتئ غدة ماتغديت

مرت ابويه زينه بس هيه اذا ماحد يندك بيها ماتندك باحد يعني اذا ماسمعها حجي وماجادلها تسكت مني وتنساني بس اذا سمعت حجايه مني لو واحد من جهالها حجه عليه شي كدامها تصدك وتكب بسرعه وابويه يصدك حجيها بسرعه

ابويه رجال طيب من اهل قبل الشغل تعبه ومبين اكبر من عمرة اني ماعندي عمام ابويه من جان اصغير متوفين امه وابو والرجال الي يشتغل ويا جدي مربي ابويه وي ولدة وكبرة وزوجه امي الله يرحمها

ريحانه صعدت فوك وبقيت كاعدة مانمت ندك باب غرفتي

ريحانه منوو

فارس اني بابا

ريحانه اتفضل ادخل

فارس امم شجاي تسوين

ريحانه ماسوي شي صافنه

فارس بابا ريحانه انتي عاقله اريدج تستحملين وانتي تعرفين مرت ابوج اشلون طيبه بس هيه تدبج بالحجي

ريحانه عادي هيه قابل اول مرة

فارس اشوكت تستلمين النتائج مالتج

ريحانه بعد يومين

فارس وقررتي شنو ادخلين

ريحانه علئ حسب معدلي انشاء الله يطلع زين

فارس الله يحفضج ويوفقج واذا حتاجيتي شي كوليلي

ريحانه تسلم بابا انشاءالله

طلع بابا بقيت اشويه بالغرفه مالتي بعدين نزلت بقيت اسولف وي هبه

ريحانه تدرين اني لازم اروح للسوك

هبه اي هم ابوج كال ريحانه تحتاج ملابس للكليه

ريحانه اي واحتاج هواي اشياء

هبه استلمي النتيجه مالتج واني اخذج لاي سوك تردينه

ريحانه انشاءالله

هبه ولج هاي بعدها لحد هسه نايمه شوكت تكوم

ريحانه هل سنه هيه سادس يعني هذا النضام مايفيد لازم تغير روتينها

هبه اني احجي وياها لازم تشد حيلها وتجيب معدل

ريحانه انتي شعجب كاعدة لحد هسه

هبه مفاصلي ولج موتتني ماكدر انام

ريحانه مو مرة بابا جاب عصارة للمفاصل ماتخلين منها

هبه ولج دورت عليها مالكيتها

ريحانه لا وي الادويه بالكاونتر هسه اني اجيبها

هبه اي ياريت

ريحانه لحضه ........ هاي هيه

هبه اي تسلمين
راح تبقين هنا

ريحانه اي بس يكمل الفلم واصعد انام

هبه يله اني صاعدة

ريحانه تصبحين علئ خير

هبه وانتي بخير طفي التلفزيون مو تعوفينه مفتوح

ريحانه اي

صعدت هبه بقيت اني اتفرج علئ التلفزيون اشويه وسمعت صوت باوعت شفته اسد علي يطوطح وسكران غلست هو شافني شمر روحه بالاستقبال يمي ونام ماراح لغرفته

بقيت اسمع صوت انفاسه وهو نايم تخوف سديت التلفزيون وصعدت لغرفتي

اسد علي ابن مرت ابويه اسمه مركب اسد علي خبيث يمكن اخبث شخص شفته بحياتي وانسان حقير لدرجه مايفكر غير بشهوته وبحاجته والي يريدة مايفكر بشي اذا مابي مصلحه اله

هو اكبر من بسنه بس الي يشوفه من خباثته يحسه اكبر من ابويه وكل يوميه جاي سكران مع انو اصغير علئ هيج سوالف بس هو هيج طبعه

وراها سمعت صوت عرفتها شذئ كعدت هيه تنام النهار كله وتكعد باليل

شذئ اصغيرة اصغر مني بسنتين بس الي يشوفها يحس الكهرباء طافيه بس العيون مبينه استغفرالله.

رب العالمين من خلقها طفه الكهرباء عندها وشعرها سيمم يكرم الله سيم اماعين علئ حاله وحلكها شكبرة بحيث تاكل لكمتين لكمتين وتغار مني اهوواي ودائما تحجي عليه يم امها ومن تحجي امها تجي تكب عليه اني مرات اسكت ومرات اكب عليهن اثنينهن اخليهن يسكتن وينجبن

وره يومين رحت جبت النتيجه مالتي طلع معدلي 74 ضجت كلش

هبه ها بشري شكد معدلج

ريحانه 74

هبه يا وشراح تسوين هسه

ريحانه اعيد السنه هاي ماكو غير حل

هبه يمعودة بيج حيل تقرين من البدايه اسكتي ادخلي اي شي والله كريم

ريحانه شلون اي شي

هبه تكدرين ادخلين بجامعه بغداد اي شي قسم احياء او تاريخ او حتئ اسلاميه اشبيج

ريحانه وبعد كل هاي اتريدين اصير مدرسه ولو الكي تعيين لو لا

هبه زين تكدرين ادخلين كليه حقوق ويكولون بس سنتين

ريحانه هم فكرت بيها

هبه اي انتي فكري احسن الج مالت تعيدين سنه حرامات

ريحانه الله كريم صاعدة ابدل

ريحانه صعدت ابدل ملابسي بس كلش مقهورة معقوله اني اجيب هيج معدل بس اتذكرت بوقتها اني ماقريت كلش وبقيت اتخربط بالامتحانات لازم اجيب هيج معدل

بس قررت بوقتها ادخل كليه حقوق وعاد اكدر افتح ورة التخرج مكتب محاما

نزلت لكيت هبه تسوي الغدة

وحجيت وي بابا وكال الي تشوفينه صح سوي وانو هذا مستقبلي لازم بس اني اقرر شنو اسوي بي

ورة التخرج بفترة كمت دائما انروح للسوك اني وهبه ونشتري ملابس ومكياج وشالات واحذيه كلشي كلشي كمت اشتري وملابس حلوة اكثريتها قمصان وبناطير وبديات وستر الوان

كلشي بوقتها اشتريت

مرت فترة واحس البيت تلخبط قبل دوامي بفترة اسد علي مو علئ بعضه سئلت هبه

ريحانه اكلج ام اسد سوال

هبه اسئلي

ريحانه اشوو هل ايام انتي معاجبتني شكوو شبيج

هبه مابيه شي ليش

ريحانه هيج بس اشوفج ساكته وتصفنين وحتئ متاكلين وماتحجين وي اسد علي

هبه اووف. يااسد علي موتدرين بي موتني تموت ياريحانه سوالفه مكسرة وما يتوب

ريحانه هو اسد علي يبقه هيج مايكول بعدني اصغير علئ هيج سوالف هسه الي مثله مرحله ثانيه كليه

هبه لا تذكريني ولج مرمر كلبي
انوب هاي الفترة كايم يكبسل ويبيع حبوب مخدرة

ريحانه عززة صدك تحجين

هبه والله وداعتج خاله لازمه يبيع وضاربه

ريحانه يمعودة اكعدي ويا احجي لازم يبطل هل اسوالف تضيع والله

هبه ولج مليت من الحجي ويا مليت

ريحانه الله كريم انشوف وين يوصلنه

...

اسد علي هسه اعرفكم بنفسي يمكن من حجت ريحانه حسيتو اني شيطان وهل شي الكل يعتقدة

والصح انو اني هيه ابين للناس اني عمري 20 عندي محل موبايلات ومحل ملابس نسائي وشغلي الحمدالله عايش وي ريحانه وابوها وامي واختي

اني من الصغر عصبي وسوالفي مكسرة الكل يعرفها بس طبعا ورة كل شي سيئ لازم اكو رده فعل او حافز يخليني هسج اسوي

اني صح سرسري وسوالفي مكسرات بس عندي حظ بالبنات يعني بحيث اكبر وحدة اوكعها وبدون حجي

وخاص بالمحل شكد يجني بنات واشكال الوان الي متزوجه والي بعدها بنيه وهنه الي يشمرن روحهن عليه صح استمتع وياهن بس كلبي مويمهن احسهن شكد رخيصات

اني اكرة البنيه الخفيفه البنيه بثكلها تنحب وماترادد واحله شي بيها المستحه وشحلاتها لو بيها فهاوة هههههههه.

واني ملامحي مابيها شي طويل واسمراني وشعري طويل وعيوني بيهن جرة مكحلات ولحيه خفيفه عندي يعني مواصفاتي مثل مواصفات اي شخص

المهم جنت كاعد اني وابنيه بالمحل وسوالف وضحك وهيه تحاول تلزك بيه

رقيه اي شنو هسه

اسد علي اخذي الي تردينه

رقيه اي شي اريدة يعني

اسد علي اي

اشوو هاي اجتي وكفت يمي وصارت تبوس بيه

لزمتها من ايدها شبيج ولج تخبلتي

رقيه مو انته كلت اخذي الي تردينه اني اريدك

اسد علي وشايفه هذا مكان مناسب لهيج سالفه

رقيه شكو بيها هسه انسيك المكان كله وصدك دخلتني لغرفه التبديل وبقت تبوس بيه واني عندي طبيعه اضعف كدام الصاكات
كملت وكامت

رقيه ها نسيت المكان لو لا

اسد علي هههههههه يعني موهواي

رقيه كل هاي ومانسيته

اسد علي مفعولج سريع بس مو عليه

هيه ضاجت كتلها انتي وي عايشه

رقيه قريبه هنا

اسد علي ديله روحي وقت الغدة اريد اروح

وصدك هيه بدلت ملابسها واخذت غراض وطلعت اني رتبت وجهي وطلعت عزلت المحل ومريت بعمي فارس ورحنه للبيت
طبيت شفت ريحانه

سلمت علينه

وصحت ع امي تسوي غدة ريحانه كالت هيه بالمطبخ اني احب اتعارك وي ريحانه اطلع عصبيتها وصدك كبينه اني وياها وصعدت ومانزلت

اسد علي شذئ كومي صيحي ريحانه تتغدة

شذئ كالت ماريد

اسد علي دكومي صيحيها

فارس لا عرفها اني اشوبه واصعدلها

وصدك شويه وشفت. عمي فارس صعدلها

اني بدلت وطلعت وي جماعتي

فريد ها حجي اليوم وين

اسد خلينه نشوف الولد وبعدين نقرر

فريد اليوم مبين ضايج شكوو

اسد علي لا مابيه شي بس ضايج شويه

فريد خير احجي شكوو

اسد علي. ماكو شي دكوم كوم وصدك خابرنه الولد وطلعنه رحنه للشقه مالت ولد صاحيي وخلصناها شرب ونسوان لحد ماقفلت رجعني فريد طبيت ومامركز اصلا شفت ضوة بالاستقبال رحت لكيت ريحانه

تباوع علئ التلفزيون بقيت واكف دارت وجها عليه اني شمرت نفسي ونمت بدون ماحس

.....

ريحانه اجه الدوام طبعا اني وصديقاتي فترقنه هاي الي عادت سنه وهاي الي معدلها مايجيب نفس تخصصي وهاي الي معدلها اعلئ من التخصص مالتي ومو نفس كليتي فافترقنه كلش

قبل الدوام بيوم رتبت ملابسي كلها والمكياج وحضرت الملابس الي راح البسهن الصبح رتبت كلشي نمت بيومها من وقت ممصدكه اني صرت بالكليه كعدت ساعه 6 ونص سبحت بسرعه بس جسمي شعري لا ومكيجت مكياج خفيف

لانو ماعرف امكيج مكياج قوي وبدلت ولبست شالي وعطرت وكملت كلشي ونزلت

لكيت بابا

ريحانه صباح الخير

فارس صباح النور ها بابا جاهزة

ريحانه اي ممصدكه تدري

فارس الله يوفقج ديري بالج علئ نفسج

ريحانه لا تخاف عليه

فارس تعاي اكلي اشويه اليوم اني سويت الريوك وباجر انتي

ريحانه مو تدلل

هستوني كعدت علئ الاكل اجه ابو الخط

ريحانه مامقسوملي اكل من اكلك يله باي

فارس ههه الله وياج

ريحانه صعدت وي ابو الخط جيرانه رجال جبير ويايه اثنين بنات ماعرفهن من شفتهن كلت يمه شنو هاي من الصبح صايرات زرق ورق

خابطات الوان والمكياج عبالك عرس كلت معقوله مسموح بهيج شي

وصلنه نزلن هنه اني بقيت خايفه انزل بصراحه ومن شفت الشباب والبنات اهواي شي يسولف وي شي خفت اكثر

ابو الخط ها بنيتي ماناويه تنزلين

ريحانه ها اي عمو اعتذر

ابو الخط لا عادي مصار شي بس لا تخافين هيه بس اول يوم هيج بعدين عادي

ريحانه اي صح شكرا

نزلت اباوع بالوجوة حسيت نفسي كلش بسيطه يمهن للبنات كلهن لبسهن قصير ومكياج قوي وقليلات الي مثلي

دخلت للكليه شي ثاني تجنن تجنن بقيت امشي بكل مكان بيها وماعرف احد اجه وقت المحاضرات لانو اكثريتهم دخلو بقيت حايرة شسوي شفت بنيه سئلتها علئ القسم مالتي

دلتني رحت دخلت ودخل الاستاذ ورايه كعدت باخر مدرج الاستاذ عرف بنفسه واحنه هماتين عرفنا بنفسنه. اكو بينه عرف نفسه واكو لا اني بقيت كاعده

محجيت شي. مر اليوم كلش عادي باخر محاضرة كعدت بنيه يمي

نبراس هلو اني نبراس

ريحانه هلوات واني ريحانه

نبراس تشرفت بيج ليش كاعدة وحدج

ريحانه ماعرف احد

نبراس مثلي حمايه جابني وراح واني كلشي ماعرف

ريحانه ههه نفس حضي بس اني ابو الخط جابني

..
بقينه نسولف اني ونبراس لحد ماخلص الدوام مالتي طلعت لكيت ابو الخط منتضر رجعت للبيت

مر علئ الدوام سبوع يله اتاقلمت اشويه مو هواي وبقيت اني ونبراس نسولف هواي والكليه بيها سوالف تموت ضحك خوب الاعترافات تجنن وتضحك هههه

نبراس لج ريحانه اجاني ولد قبل اشويه يريد يعترف بحبه

ريحانه الله عليج شكال

نبراس يكلي من ذيج السنه مخلي عيني عليج وكلت خلي اصارحها هسه يله اجتني الجراءة احجي وياج

ريحانه وشكتيله

نبراس كتله اني مزوجه وحامل ههههه

ريحانه وشسوه😂

نبراس كام يهز بيدة يكلي هذا هم حضي انوب حامل😕😕

ريحانه 😂😂😂😂😂

نبراس والله اذا اكول لاخو زوجي عليه يجي يموته

ريحانه اكلج اشو انتي كله اخو زوجي حماي شنو زوجج وين اشو متحجين بي ابد

نبراس اني زوجي متوفي

ريحانه اسفه مادري

نبراس لا عادي

ريحانه بس انتي اصغيرة اشوكت مات

نبراس قبل اربع اسنين اني اتزوجت عمري 15 سنه وره اربع اشهر اتوفه زوجي الي هو ابن عمتي بس اني ماعندي احد لا اب ولا ام متوفين كلهم فاهل زوجي بقوني

عدهم واخو لزوجي هو الي يهتم بيه لانو زوجي جان يوصي عليه دائما

ريحانه الله يحفضه زين مافكرتي تزوجين

نبراس ههههه اني ازوج مستحيل شعندي بالزواج اشوو طالبه وعايشه وي اهل زوجي احسن عيشه شعندي بالرجال

ريحانه هم صدك زين وعمتج

نبراس عمتي ماتشوف واني مداريتها ماعدهم احد بس بنتها ومتزوجه تجينه بالشهر والشهرين مرة فاعمتي متعلقه بيه

ريحانه خطيه الله يساعدج زين حماج ليش مايتزوج

نبراس مايقبل يكول مو هسه

..

ريحانه بقينه بالكليه بس اني ونبراس مانحجي وي اي احد ومحد يحجي ويانه والحجي بحدود وي الشباب والبنات بس اني ونبراس لا من نحجي سوة كلش شقه وضحك وسوالف ماتخلص

ورة تقريبن 4 اشهر

ريحانه شراح تسوين اليوم

نبراس ماسوي شي انام ميته تعب وانتي

ريحانه اني اذا اشوف مخدة هسه اشمر نفسي بالشارع وانام

نبراس باجر عطله. ورتاحي يومين

ريحانه لاجر اروح اشتري تليفون

نبراس صدك اي لعد اكتبي رقمي علمود تخابريني اول ماتشترينه

ريحانه تمام يله باي

ريحانه رجعت للبيت صعدت نمت الدراسه موتتني اريد ارتاح اشويه كعدت ساعه 8 باليل

نزلت جوة لكيت هبه وشذئ يتعاركن

ريحانه ها شكو

هبه ولج موتوني هاي اربعه وعشرين ساعه نوم وعايفه دراستها والثاني مخلصها شرب ودياحه موتوني والرجال مريض اذا مات منو النه فهموني

ريحانه اهدي اهدي اشبيج شذئ عوفي النوم واقريلج اشويه غير انتي سادس هسه يعني لازم تجيبين معدل زين

شذئ وشتريدني اسوي جاي اقرة ولحد يحجي هسه من يجي المعدل عود احجن

ريحانه دمشي روحي لغرفتج امشي

صعدت شذئ فوك هبه كعدت علئ الكرسي

ريحانه شبيج يامعودة تحركين بكلبج شذئ ماينخاف عليها

هبه ولج موتتني اني ادري بيها لا تفلح بزواج ولا بدراسه ومنو ياخذها هاي المحتركه

ريحانه لا لا لاتحجين هيج شذئ حبابه

هبه شو اسكتي انتي الثانيه

ريحانه يا فوكاها

هبه اشلونج بالكليه

ريحانه زينه باجر ع الوعد لو نخلف الوعد

هبه لا ع الوعد لا تخافين

ريحانه همزين عبالي خلفنه

هسه اني جوعانه متعشيه لو نتعشه سوة

هبه لا ماشتهي

ريحانه هو انتي شمسويه عشه

هبه مسويه عروك

ريحانه راح اطك عليهن بيض وناكل سوة وجاي

هبه يله علئ واهسج

ريحانه تمام

مرت ابويه بسرعه تتقشمر وبحجايه تغير رئيها بس كون ماتعاندونها كلشي تنطيكم

سويت العشه وكعدت اني وياها نتعشه كملت اغسل بالاماعين واجه اسد علي

اسد علي ها شسوين

ريحانه ششوف

اسد علي سويلي عشه

ريحانه بالثلاجه تلكي عروك وزلاطه سويلك لفه

اسد علي اكلج رايدج بشغله ضروريه

ريحانه درت وجهي عليه يباوعلي ويبستم

شنو هيه الشغله احجيها هنا

اسد. علي لا ماريد احد يسمع باليل اصعدلج ونحجي

ريحانه وين تصعد اني عود انزل هنا ونحجي

اسد علي ميخالف انزلي ساعه11 ونص قبل لا شذئ تكعد

ريحانه ميخالف

طلع من المطبخ وغمزلي بعيونه
يمه اسم الله هذا شيريد وشنو الشغله الضروريه ادري بي هذا فكر بس البلاوي يجيبهن النه

شوف شيريد مني هسه بيا مصيبه راح يوكعني

صعدت فوك قريت اشويه ورتبت غراضي باوعت للساعه 11وربع نزلت جوة كلت اكل اشويه

كعدت بالمطبخ اكل لفه وماحس اله واحد لزمني من جتفي

ريحانه يممه

اسد علي ومرض شبيج

ريحانه اشبيك خوفتني كول احم شي

اسد علي مادري بيج نزلتي من وقت وصافنه

ريحانه المهم كول الي عندك

اسد علي شبيج مستعجله

ريحانه اسد ترة مالي خلك باجر اجازة واريد اتفرج تلفزيون اشويه وانام احجي شعندك

اسد علي علئ كيفج يا قاضيه بغداد بعدج مامتخرجه ترة

ريحانه اهوو انته فاضي ماعندك شي مبين

ردت اكوم لزمني من ايدي

اسد علي كعدي واسمعيني زين

شوفي اكيد امي سولفتلج عليه باخر فترة يعني اكيد عرفتي سوالفي كلها وشنو جاي ابيع واشرب

ريحانه اي عرفت بس لا خجلان مني ترة مو طبعك هذا

اسد علي انجبي واكلي نعل واسمعيني الشغل هل ايام يخوف ومجاي اكدر ابيع اي شي

ريحانه وتريدني اشتري منك مثلا

اسد علي ريحانه راح اضربج انجبي واسكتي

ريحانه كمل

اسد علي اكو نوعيه جديده نزلت للطلاب تخليهم يتحمسون للقرايه وتبقه المعلومه ابالهم اريدج تاخذين قسم منها تبيعينها بالكليه مالتج

ريحانه اكيد تشاقه موو

اسد علي هاي الشغله مابيها شقه

ريحانه انته اشلون اصلا تفكر بهيج شي ماتفكر بيه اذا احد درة بيه هيج اسوي شنو ممكن يصير لك ممكن انسجن لو انطرد من كليتي وماكو اي كليه تستقبلني

اسد علي انتي اذا تبيعيهن بدون ماحد يحس بيج ماتلكفين

ريحانه وبابا وامك يدرون بهاي السالفه

اسد علي لا بس اذا تردين تكوليلهم روحي كعديهم وكوليلهم بس اريدج تفكرين بيها اول شي راح تحصلين شي

من الارباح ثاني شي راح تشترين صداقتي احسن ماكل اشويه مصيبه اذب عليج وتدرين بيه. شكد حقير موو

ريحانه الي بيده شي الله يقوي شتسوي سوي

اسد علي زين شايفه اذا هسه اضربج واصيح واخلي الكل يكعد ومن يسئلوني اكللهم لكفتها وي شخص بالباب والولد طفر واكللهم جنت تبوسين بي وتحضنين شنو ممكن يسوي بيج ابوج واكيد راح يصدكوني

ريحانه ماتكدر تسويها

اجه وكف كبالي وبقه يباوعلي. ولزمني من شعري بطريقه مقززة

اسد علي اكيد اكدر اسويها تحبين تشوفين

ريحانه نطيني فرصه افكر بيها

اسد علي عندج مجال منا لحد الاحد ولاتفكرين تكدرين تفلتين اكو هواي سوالف اكدر اسويها

ريحانه عفته وصعدت لغرفتي ركض ابجي من الخوف هذا نذل واكيد يسويها واذا ماسويله الي يريده ممكن ياذيني واذا اكول لبابا يتاذه اكثر شنو اكدر سوي

بقيت طول اليل افكر ثاني يوم راحت هبه وحدة للسوك جابتلي تليفون مانزلت من غرفتي ابد

حتئ التليفون صعدته اليه هبه بقيت بس افكر شنو اكدر اسوي ومانفذ الي يريده اسد علي
بقيت طول الايام افكر وخايفه

هيه هاي الي ماعدها ضهر لا اخ لا ام لا اخت وحتئ الاب موجود وماموجود

يارب لعد من خلقتنه المن واحنه ماعدنه احد منو النه الولد يطلع حتئ لو يبات بالشارع مايهتم بس احنه البنات مو اعز شي علئ قلبك من تخلقنه غير تنطينه الراحه

ليش هيج نتعذب ياربي شنو ذنب الي ماعدها ضهر اتضيع

بيوم السبت باليل اندك الباب عليه باليل جنت نايمه

ريحانه منو

اسد علي اني

ريحانه شرايد

اسد علي افتحي الباب

ريحانه نايمه شنو افتح الباب

اسد علي اطلعي لعد

ريحانه لحضه

كمت لبست روب لانو جنت لابسه فانيله وشورت لبست وفتحت الباب وطلعت وكفت يمه وسديت باب الغرفه

ريحانه خير

اسد علي شقررتي

ريحانه اسد علي الله يخليك افهم مستحيل اني هيج اسوي اني مثل اختك فكر بيه

اسد علي لا مو اختي واني كتلج الي عندي واذا تنفذين اي شي اكوله الج محد يشك بيج وهيه مرة وحدة لو مرتين مو دائما لا تخافين

ريحانه مستحيل ماسويها

اسد علي يعني تريدني اذيتي

ريحانه موو اذيتك بس ماكدر

ريحانه فجاءة سمعنه صوت يصعد علئ الدرج بسرعه اسد علي فتح الباب ودخلني للغرفه وخله ايده علئ حلكي واكف كبالي وسد الباب علئ كيف اني بقيت مغمضه وخايفه

اشويه اواخر خله شريط حبوب علئ الميز وطلع

فتحت الكلوب شفت الشريط بي حبوب تقريبن 10 وكاتب ورا الحبايه ب 10 الاف

خليت الشريط بجنطيتي وكلت انطي اله الصبح ومستحيل اسويها وابيعه

-----

.......

قصه جديده واتمنئ تعجبجن واحداثها مشوقه اتمنئ تتفاعلن بيها موووواح

غزوله