رواية نصف شهر عسل الفصل الثاني 2 - بقلم غزل الحجامية

اني واحد كلها ضدي😩
حته كاع الله تكلي😿
شوي وخر💔ء
ماحب تمشي ع خدي🙊😿

...

فريد اكلك وهسه شراح تسوي ترة ذوله اذا مسويت الي يريدونه يمشونه بالباي باي

اسد علي انته ابقه الطم مثل المطلكه مدري شبيك

فريد ولك شبيك غير اكلك علمود اعرف شراح تسوي

اسد علي شسوي يعني مدكلي وذوله سالفتهم مو خاليه ترة

فريد اي كلش احسلك مشي امورك

اسد علي اكلك لعد هيه صحبه لو نعل ماتساعدني انته وبيع كم شريط ويايه

فريد تسلم كنتور كامل بعته اني وشايف شصار بيه يله كملتهن اليل مانامه

اسد علي كوم مني كوووم

رجعت للبيت من وقت بيومها جان يوم خميس طبيت للبيت شفت ريحانه جاي تاكل مدري شلون اجتي بالي فكرة اخليها تبيع هيه قسم من الي عندي وخصوصا هيه هسه

كليه واكثريتهم يتقشمرون ندارت عليه وخافت

بقيت اضحك ع الفكرة الي اجتني معقوله اني اخلي ريحانه الفاهيه تبيع حبوب وين بالكليه والله هيه تروح تبلغ ع نفسها لا لا مستحيل بقيت اضحك حسيت بيها رتبكت غمزتلها وكتله انزلي باليل نحجي

رحت كعدت اباوع ع التلفزيون ماحسيت بيها من نزلت دخلت شفتها واكفه حجيت وياها بس ع اعصابي ادري بيها راح ترفض بس مدري ليش كتلهل انتي تسوينها ومن هددتها تمنيت الكاع تنشك وتبلعني

اني اهدد ريحانه اشلون وهيج تهديد مقزز بس ماعرف شنو جان بداخلي يريدني هيج اسوي ومن لزمتها من شعرها تمنيت ايدي تنشلع عفتها ورحت مانمت بيومها من التفكير تمنيت ميت ولا هيج احجي

يوم السبت بالمحل كاعد اني وفريد طبعا فريد هو اكثر صديق مقرب عندي مثل اخويه

فريد ولك ساقط صدك تحجي

اسد علي صارت بعد

فريد ولك انته غبي لو غبي اشلون هيج تسوي هسه تكوم تكرهك فوك ماهيه تكرهك شكد عار

اسد علي بس نجب اني اليوم احجي وياها واخليها تنسه الموضوع

فريد اي اسد لا تسوي هيج كبر خيولن

اسد علي يصير خير

رجعت باليل وريحانه ماكو مختفيه نتبهت عليها من يوم الي حجينه هيه مختفيه وماتلتقي ويانه هواي صعدتلها باليل متاخر دكيت الباب وجنت مقرر اكللها تنسه الموضوع

دكيته وصوتها جان مالت وحدة نايمه طلعت وشكلها منعسه بس شكلها وكبرياءي خلاني انسه الي ردت اكللها ايا

وقررت اكللها تكمله للشغله وتبيعهن رفضت وبقينه واحد يجادل بالثاني لحد مسمعت صوت اختي شذئ هيه تكعد هيج وقت فتحت الباب بسرعه ودخلتها ورة الباب وسديت الباب بقيت ايدي ع حلكها حتئ متحجي

اذا سمعتنه شذئ ممكن ريحانه تفضحني نتبهت عليها مغمضه عيونها وكاطعه النفس خايفه الروب مالتها مفتوح ونص جسمها مبينه خليت الشريط ع الميز وعفتها وطلعت بسرعه

...

ريحانه من طلع من اسد علي خفت ومن شفت الشريط

خفت اكثر خليته بجنطتي وارتبكت ماجنت اعرف شسوي

ومستحيل ابيعه للطلاب اكيد هل شي راح يضرهم وحتئ اذا قررت امشي ورة كلامه وابيعه

اني ماعرف احد بالكليه حتئ ابيعه اله ماعرف غير نبراس واذا اريد احجي وي غيرها حتئ ابيعه الها مستحيل

هيج بسرعه يثقون بيه ويشترون ممكن يبلغون عني عند العميد ويفصلوني من الكليه

ومو بس فصل فضيحه همين ريحانه فارس تبيع مخدرات العب انفضح فضيحه القيمه بعاشور

بقيت افكر انوب عقلي الاجرامي كام يشتغل واتخيل من يلزموني واشلون ياخذوني للعميد واشلون يرفعون عليه دعوة ويحققون ويايه

ويقصصون اضافري ويضربوني ويخلوني احجي سوالف اني ممسويتها ويحكمون عليه بالاعدام

ريحانه وسم شبيج انتي جاي ادرسين حقوق وتدرين ماكو هيج سوالفه واذا
صار شي

اعترف علئ اسد علي واخليهم ايسجنونه بقيت كاعده لحد الاذان وبس افكر كمت صليت ونمت من التفكير

كعدت علئ صوت المنبه

كمت سبحت وبدلت وخليت مكياج خفيف اشلون مجان ونزلت طلعت بسرعه بدون ماشوف احد

صعدت وي ابو الخط البنات يسولفن ويضحكن واني راسي موتني ومنايمه زين مبين التعب عليه نزلت شفت نبراس تتمشئ شافتني اجتي يمي

نبراس ريرو اشلونج

ريحانه بخير

نبراس شنو هاي شبي وجهج بس لا ماجبتي تليفون

ريحانه لا جبت

نبراس ليش مدكيتي عليه لعد كبر بقيت منتضرتج

ريحانه مصار عندي وقت والله

نبراس انتي اليوم ضايعه شبيج

ريحانه ها لا مبيه شي

نبراس ديله المحاضرة الاوله راح تفوتنه

ريحانه نبراس روحي انتي اني رايحه للكوفي اتريك واشرب جاي

نبراس ديله حبي اني ادخل اول ماتخلص المحاضرة اجيج

ريحانه تمام

راحت نبراس واني رحت للكافتريا وبالي مو ويايه بس افكر ولازمه جنطتي واني امشي نضربت بولد
الجاي وكع عليه

....عمه ماتشوفين

ريحانه اسفه ماشفتك

....شسوي بالاسف مالتج والجاي حركني حرك

ريحانه كلتلك ماشفتك وكتلك اسفه

عفته ورحت كعدت علئ كرسي والجنطه مقابيلي

ياربي وي جانت مضمومتلي هاي انوب مخدرات مخدرات عزة بعينج اشكدد فكر الله من وزع الحظوظ وين جنتي نايمه

بقيت كاعدة واباوع للجنطه بدون ماحس دموعي نزلت بقيت ابجي بس بدون ملامح بس اباوع علئ الجنطه وابجي دموعي تنزل بهدوء

...ترة الجاي وكع عليه مو عليج

مسحت دموعي ورفعت راسي شفته نفس الولد واكف كبالي

ريحانه شنوو

....يعني المفروض اجي اتعارك وياج واكلج اخذيني طبيب وجيبيلي جاي ابدال الي وكع بس هسه قررت اعزمج علئ جاي شتكولين

ريحانه لا مشكور

... بس جاي لا عبالج اعزمج علئ ريوك ماسويها ترة

ريحانه ههه لا صدك مشكور واعتذر مرة ثانيه علئ الي صار

... بالمناسبه اسمي كرم

ريحانه تشرفت اخويه يله عن اذنك

كرم شنو هاي هيج بسهوله

ريحانه نعم

كرم قصدي ماتكولين اسمج

ريحانه اسمي ريحانه

كرم اممم عاشت الاسامي

عفته ومشيت يم الشجرة الي نكعد اني ونبراس يمها كلت اكيد من ماتلكيني بالكافتريا تلكيني هنا وصدك اشويه واجتي

نبراس لج هنيالج ماحضرتي هل محاضره تخزي ودوخه ومالها لازمه

ريحانه ليش

نبراس الاستاذ خلصها تعلس علينه المهم وين تليفونج نطيني رقمج

ريحانه نطيني رقمج خلي ادك عليج اني

نبراس مو نطيته الج

ريحانه مالي خلك ادور

طلعت تليفوني من الجنطه وسجلت رقم نبراس الرقم الوحيد بتليفوني

نبراس اكلج تريكتي

ريحانه لا

نبراس دكومي جيبي لفتين الج واليه وجيبيلي عصير

ريحانه كومي انتي

نبراس كومي لج ذيج المرة اني رحت وراسي يوجعني

ريحانه احسبي احسبي رايحه

طلعت فلوس من جنطتي ورحت اجيب لفات

مشيت لكيت نفس الشخص اكرم كاعد وي شله شباب من شافني ابتسملي
اني دنكت راسي

اجه وكف يمي

كرم هممم لو تستحين لو حرام تحجين مووو

ريحانه شنوو

كرم يعني انتي وصديقتج من دخلتن الكليه لحد هسه الشباب يكولون مايحجن وي اي احد

ريحانه ويخصك بشي

كرم اممم اعتقد والله واعلم انو احنه زملاء يعني الكلمه الطيبه صدقه

ريحانه مالي خلك اتصدق هسه بعدين

كرم امم يعني ماتتصدقين علئ شخص طيب وخوش ولد وحركتي ايده

ريحانه شبيك يامعود راح تجدي

كرم خلف الله عليج سويتيني مجدي

ريحانه مو قصدي يله اترخص

كرم عندج تليفون

ريحانه اي

كرم واشكد رقمج

ريحانه شنو المناسبه

كرم اضيفج بكروب الجامعه الي مسوينه

ريحانه لا مشكور ماريد يله مرخصتك

عفته ورجعت شفت اصدقاءه
سمعتهم يحجون عليه بس اني مهتميت اخذت الي اريده ورجعت لنبراس شفتها لازمه راسها

ريحانه هاج ولج

نبراس وين العصير

ريحانه هذا هو شبيج لازمه راسج

نبراس يوجعني ولج صدك غراضج وكعن من جنطتج وشلتهن

ريحانه اي اذا انتي جيبي لفات جيبي اخذت الفلوس علئ السريع

نبراس غير جوعانه وسم

..

مر وقت المحاضرات واني بالي مو يمهن اصلا

رجعت للبيت لكيت اسد علي كاعد منتضرني
اول مشافني بقه يباوعلي ومبتسم

من شفته ماعرف ليش خفت. راد يحجي ويايه بس اجتي امه ارتاحيت اشويه
هبه ها ولج اجيتي

ريحانه اي

هبه اشبي وجهج. اصفر

ريحانه راسي موتني وعيوني همين

هبه اخاف فلاونزه

ريحانه اي يمكن

هبه دروحي غسلي وتعاي تغدي

ريحانه اول ماشفت الاكل واسد علي من يباوعلي حسيت نفسي تلعب كبل رحت للمطبخ اتقيئت

هبه ياا ولج شبيج خيييررج شكووو

ريحانه بوقتها راسي موتني

اسد علي اشبيج ريحانه ناخذج للمشفئ شمسويه

ريحانه مابيه شي بس يمكن افلاونزة صدك وراسي افتر هسه ارتاح واصير زينه

هبه دصعدي لغرفتج ارتاحي يمكن ماكله شي موزين علئ معدتج

ريحانه لا مماكله بس لفات بالكليه

هبه اي يمكن اكلهم خربان لا تاكلين عدهم بعد يله اصعدي نامي ارتاحي

ريحانه اي

صعدت لغرفتي شمرت غراضي نزعت حجابي والسترة بقيت بالبدي والبنطرون

شمرت نفسي علئ الجربايه ونمت وماحسيت بشي كعدت المغرب مطنكرة

بدلت ونزلت بكفشتي لكيتهم كاعد يتعشون

شذئ ههههه ها شكو اليوم

ريحانه مالي خلكج ترة

اسد علي خيرر شكالتج هيه هسه

شذئ اندري شبيها هاي كبل تكب من اقل كلمه

ريحانه اهوو كعدت شبيج ماتسكتين لو تبقين النهار كله نايمه لو تكعدين
وتعاركين

فارس بس شنو هاي الحجي واني كاعد

شذئ بابا فارس ماتشوفها بسرعه تكب عليه

اسد علي قابل اول مرة عادي شذاوي طنشي

فارس كلت كافي بابا خيرج يكولون تعبانه

ريحانه اي بابا راسي يوجعني

فارس سلامتج يمكن متعبه نفسج بالتفكير والدراسه وانتي جسمج مايتحمل

ريحانه اي يمكن

هبه اسد علي صعدلج الغدة بس لكاج نايمه

ريحانه اي نمت حتئ ارتاح

هبه ديله اكو عشه بالمطبخ اتعشي اكلي اشويه

ريحانه بابا اريد موطه بالمشمش جيبلي

فارس تدليين من اجي باجر من الشغل اجيبلج

ريحانه ماراح تطلع هسه

فارس لا والله

ريحانه طبيت للمطبخ سويتلي لفه اكلت وشربت مي وكعدت حتئ اغسل الاماعين وراهم

كملو جابت الاماعين شذئ غسلتهن وهيه سوت جاي اني كعدت اشويه اسد علي راد يحجي ويايه بس منطيته مجال اشوين وطلع واني هم صعدت فوك لغرفتي

قريت ونزلت برامج تواصل شفت نبراس نشطه

دزيتلها رساله
..هلوو

مجاوبتني ورة ساعتين هيج ندك الباب مالتي

ريحانه منوو

اسد علي اني

ريحانه ...

اسد علي وينج

ريحانه شرايد تعبانه اريد انام

اسد علي كومي افتحي الباب

ريحانه ذبيت الشال علئ جتفي وكمت فتحت الباب

ريحانه خير

اسد علي هاج هاي موطه

ريحانه ماريد

اسد علي ابوج كال جيبلها

ريحانه نطيني مشكور

ردت اسد الباب

اسد علي وين

ريحانه خير اكو شي

اسد علي ريحانه لا تغشمين نفسج شسويتي بالي نطيته الج

ريحانه ماسويت شي افهم ماسوي اي شي من الي كلته اول ماعرف احد بالكليه حتئ ابيعه اله ثاني مستحيل ادمر مستقبل احد

بيدي

اسد علي ريحانه ترة زودتيها تدرين بيه شنو ممكن اسوي

ريحانه شتريد اتسوي سوي

اسد علي هاا تمام اكلج ريحانه اكو بنيه قبل فترة اهلها كتلوها لانو شكو بيها حامل بس تتقيئ وراسها يوجعها فاشكو بيها

ريحانه شنوو شقصدك

اسد علي قصدي اذا تلميح بسيط لامي شتكولين شنو ممكن يصير

ريحانه انته شنوووو شكد حقير

ريحانه اول ماحجيت ضربني راشدي قوي علئ خدي

باوعتله ومقهورة منعندة ردت ارجعه اله كد ماعصبت

اسد علي هذا حتئ تعرفين اشلون تحجين ويايه. واسمعي كدامج بس هل يومين اذا مجبتيلي افلوس الشريط الي يمج تدرين شنو ممكن اسوي

ريحانه شسوي سويييي سمعتني وانتضر لحضه

رحت لجنطتي جبت الشريط ورجعتله

ريحانه وهذا شريطك ولا تفتح هيج موضوع ويايه مرة ثانيه مفهووم

اسد علي ههههه اممم بايعه بس حبايه وحدة

ريحانه شنوو

اسد علي الشريط ناقص حبايه

ريحانه مابايعه شي وروح امي

اسد علي شنو يعني شربتيها انتي احجييي

ريحانه لا ورحها لامي لا بعت ولا شربت

اسد علي وين راحت دوري بجنطتج

ريحانه ركضت علئ جنطتي فتحتها وكلبتها بالكاع مالكيتها

اسد علي ثول شوفي وين اموكعتها المهم يومين بس يومين عندج

عافلي الشريط شاف تليفوني علئ الميز اخذه يلعب بي

اسد علي شبسرعه نزلتي كل هل برامج ومراسله همين

ريحانه مايخصك

اسد علي منو هاي نبراس

ريحانه صديقتي ذب التليفون من ايدك

اسد علي مو عيب عندج سيمكارت وماعندج رقمي

سجل رقمه ورجع التليفون لمكانه وطلع وسد الباب

ريحانه وين راحت هاي الحبايه ياربي معقوله شربها احد واني مادري بس اني ماعرف احد بس نبراس

بسرعه اتذكرت نبراس من كالت غراضي وكعن من الجنطه وراسها يوجعها

مسحتيل تكون نبراس شربتها مستحيل

واني افكر راسلتني نبراس كمت للتليفون بسرعه

نبراس هلوات حبي

ريحانه اشلونج

نبراس بخير وانتي

ريحانه تمام الحمدالله اكلج نبراس سوال

نبراس اسئلي حياتي

ريحانه اكو شريط حبوب بجنطتي انتي شاربه منه

نبراس اي ولج من وكعن غراضج شفته وراسي يوجعني اخذت وحدة

ريحانه غير تقرين تشوفينه مالت وجع راس لو لا يله تشربينه

نبراس لج ممكتوب عليه اسم وشكلهن مالت وجع راس ليش مالت هنه

ريحانه مالت الضغط مالت ابويه

نبراس يااا اكول ليش حسيت بدوخه بالبدايه بعدين خلصتها صفنات يمكن لانو مالت ضغط

ريحانه اي يمكن يله حبي مع سلامه

نبراس اي باي

...
سديته منها شفت اضافه جهه اتصال رقم اسد علي عفته بدون اسم مجرد نقاط
وبقيت افكر بنبراس
عزة العزاني ولج شنو هاي انوب صديقتي

ماخذة منه يعني ممكن تصير مدمنه بسببي

ياربي شنو اسوي الله لا ينطيك اسد علي

الله لا ينطيك الله لا يوفقك
سنو ممكن اسوي شنو ممكن يصير شنو اسوي لنبراس

ماعرف اشلون نمت باليل ثاني يوم رحت

للكليه بقيت ادور علئ نبراس ماكو اول

محاضرة ادور عليها وماكو ادك علئ رقمها هم ماكو خفت عليها

وهيه ماتعرف احد ممكن اسئل منو عليها

بوقتها متت خوف انوو ممكن يصير شي الها بسببي واني اصلا ماعرف شنو اعراض هذا الحبوب

طلعت تليفوني ادك عليها ماكو شفت رقم اسد علي دكيت عليه

مجاوب من اول مرة رجعت دكيت عليه

اسد علي الوو شكوو

ريحانه انته وين

اسد علي شعليج كوو

ريحانه اسد الله يخليك اسئلك سوال وجاوبني عليه

اسد علي ابسرعه ريحانه مالي خلك

ريحانه الغراض الي عندي شنو اعراضهن

اسد علي هو هذا امشي ولي اشكد فاضيه

ريحانه اسد علي الله يخليك جاوبني شنو اعراضهن

اسد علي ليش شكوو

ريحانه صديقتي ماخذه منها حسبالها مالت وجع راس ومجتي اليوم خاف صارلها شي

اسد علي هو اول شي تخليج تنامين. فد ساعتين

هيج بعدين تخليج تبقين كاعده طول اليوم

ماتنامين لمدة يومين وتحسين بجسمج قوة لاول

مرة بس ماتحسين بشي وفجاءة تتخربطين

وترجعين طبيعي بس تبقين تحتاجينها

ريحانه بس هيه مجتي اليوم

اسد علي شوفي شعدها يله ماعندي مجال باي

...

سديته منه واني عقلي موتني يوديني ويجيبني وين رحتي يانبراس معقوله يصير شي غير الي يكول عليه اسد علي الله يحفضج ياصديقتي

.. اسد علي من رجعت من الكليه اني جنت مراقبها وادري بيها لعبانه نفسها مني ختئ اني اتمنئ اموت نفسي بس شسوي ماعرف شنو الي جاي يدفعني هيج اسوي المهم تعاركت وي شذئ الخبله من تتعارك تصحه

حبيت انرفزها تعاركت وياها وابوها صاح شبيك ياعمي دسكت خلينه نصحيها

المهم بس هدت رادت موطه عدها الموطه امها وابوها صعدت وابوها كال جيبلها انته صدك جبتلها وصعدت انطيها الها.

فتحت الباب وشامرة شال ع جتفها نطيتني الشريط بس ناقص وحدة عبالي باعتهن بس من كالت لا خفت تكون هيه شاربتهن بس من حلفت بامها صدكتها. كامت ادور ومالكته الشال نزل من جتفها ردت اطلع بس شفت تليفونها الثوله عندي محل وتجيب تليفون من غير محل

المهم سجلتلها رقمي شفتهت منزله كل البرامج فتحتهن بسرعه ممراسله احد بس صديقتها عفت التليفون وطلعت

رقيه يعني شبيك متكدر ع هيج طلب صغيروني

اسد علي ههههه هذا طلب صغيروني انتي خبله

رقيه انوب صرت خبله مطلبت منك شي قوي ترة وانته مصلحتك من مصلحتي وماقصرت وياك بشي اني

اسد علي هسه قابل اني مقصر وياج بشي بس هذا زواج مو لعبه ترة

رقيه وقابل اني كايلتلك تعال نلعب

جاي حجي وياها ودكت عليه ريحانه شكو

جرته مني رقيه

اسد علي شنوو هايي

رقيه منو هاي ريحانه جاي تخوني انته

اسد علي جريت التليفون منها وضربتها راشدي بقت لازمه خدها وتباوعلي

حجيت وي ريحانه وسديته منها

اسد علي شوفي رقيه هل مرة صارت مرة الثانيه انسي تعرفين واحد اسمه اسد علي فهمتتتي

رقيه شبيك اسد هو اني شسويت وبعدين منو هاي

اسد علي ميخصج ويله عندي شغله

رقيه تطردني انوب

اسد علي اي فهميها شلون ماتريدينها يله

لبست وطلعت
وبقيت افكر بصديقت ريحانه معقوله صاير بيها شي

.....

هنا وخلص البارت اتمنئ يعجبجن وتتفاعلن اشويه ويايه حتئ اشجع انشر باليوم اكثر من بارت