رواية نصف شهر عسل الفصل الحادي وأربعون 41 - بقلم غزل الحجامية

الوجع نفسة ،
من البارحة لهسه ،
تعودته .. وصرت مرات ما احسه ،

وبس ذاك الهوا الحاوط هدايانا
گدرت البارحة اتنفسه ،

شگالت عينك لعيني وبچت هلگد ..!
ذكرني تره اني انسه… !!

...

اغمه عليه كعدت ع الضوة مالت الشمس واني نايمه ع الجربايه بالمستشفى ويمي هبه وشذى واسد علي وابوي ومريم 

اول مافتحت عيني كلهم اجوي يمي

هبه هاي عيني اشلون صرتي

ابوي ها بابا بشريني اشلون صرتي

ريحانه الحمدالله شنو الي صار

مريم وكعتي من الدرج شجاج ياريحانه مدكليلي

شذى مووقتها عيني اهم شي سلامتها

مريم اي طبعا اهم شي سلامتها واني احجي هل شي بس علمودها

ريحانه مصار شي ع ابني مو

.. بقيت اباوع بوجهم كلهم سكتو بقيت صافنه عليهم

ريحانه ماتحجون شكو صار شي ع ابني

لزمت بطني ماحس اكو شي  صح اكو وجع بس ماحس اكو ثكل ابطني

..

هبه من وكعت نزفتي ومن سوتلج تحليل الدكتورة اكتشفت انو الطفل ميت ابطنج مابي نبض

.. من حجت هيج كبل عطت وصرت ابجي اوف يايمه حتى انته عفتني سامحني يمه سامحني اني هملتك وخليتك تموت بقيت ابجي

وهبه تسكت بيه هيه وشذى ومريم  انتبهت منير حتى ماجاني واطمئن عليه

ريحانه منير وينه لعد

هبه اجينه مالكينا لكينه بس مريم

مريم هو الي جابج واني اجيت ويا وبقه يمج لحد مادكتورة كملت فحص بس فاتحه والناس اطر يروح

ريحانه حتى ماكدر يبقه لحد ماكعد

مريم اعذري حبيتي ناس هواي واليوم اخر يوم بالفاتحه هسه يجيج قابل وين يروح

ريحانه ماريد ماريد اشوفه لا هو ولا مرته الحيه هيه الي وكعتني

مريم شنو

ابوي شجاي تحجين بابا

ريحانه اي اني ندفعت من الدرج ومن وكعت شفت زهرة نزلت وي منير وهيه جانت جوة شصعدها يعني هيه الي وكعتني

مريم اهدي اهدي

ريحانه شهدهه شهده ابني راح مني بسببها

شذى  اسكتي عيني نتاكد واذا صدك اني اعرف شسوي وحقج  ربج ادفنها بيدي

مريم يجوز حجيها صدك اني ماريد اثبتلكم بس منير من شال ريحانه حتى يجيبها للمستشفى باوع لزهرة وكلللها حسابي وياج بعدين يمكن صدك شافها من وكعتها

بهل اثناء اجه اسد علي وكعد يم راسي وخله ايده ع راسي باسني من راسي

اسد علي اهدي كلشي يتعوض

ريحانه اشلون يتعوض اسد اشلون ابني راح مني وابني بعدني مشايفته يرضاها ربك هيج

ايد علي اشششش اسكتي وحق ربج اذا صدك اكلب بيتهم كلاب

...

للضهر وطلعوني اخذوني لبيتنه طببتي شذى للغرفه مالتها هيه واسد علي لازميني

اباوع ع ابوي شكله تعبان وهبه لازمته من ايده طببووني كعدوني ع الجربايه

هبه ارتاحي شويه ع ما يروح اسد علي يجيبلج معلاك وشذى تسوي الج انتي خسرتي دم هواي

اسد علي صار تدلل رايح

.. بقه يباوعلي وراح

ابوي محتاجه شي بويه

ريحانه لا بابا سلامتك مرايده شي روح ارتاح انته

اجاني باسني  من راسي وطلع

هبه هم لحكته بقت يمي شذى

شذى تدرين الصدك

ريحانه شنو احجي

شذى صح ضجت لانو خيرتي ابنج بس احسها اجتي من رب العالمين نفس اليومين عمتج وابنج

ريحانه الله يرحمها بس شقصدج

شذى يعني الاسباب الي جنتي مخليتها لكعدتج وي منير وتحملج اله راحن تكدرين هيه تعوفين كل هل ضيم والهم وراج

ريحانه عزة العزاج شوكت لحكتي تفكرين

شذى ههههههه اول ماخابرونه وكالو انتي خسرتي الطفل والله

ريحانه يمعودة اسكتي اليوم اخر يوم لفاتحه خالتي الله يرحمها

شذى الله يرحمها

..

بقت شذى تسولف وياي شويه وطب اسد علي

اسد علي كومي عيني كومي جبت كيلو كامل بس كون يكفي لام حلك

ريحانه حتى واني هيج اداهرني

اسد علي شبيج  عيني كلشي مابيج هيه تاكلين هل معلاك تصيرين زينه وداعتج طازج هستوة ذبح الطلي كتله نطيني معلاكه

شذى باعي لا تصدكين حجيه وين اكو طلي بي كيلو معلاك

ريحانه هسه قابل راح اكل الكيلو كله

اسد علي انتن فاهيات اروح اني اسوي المعلاك احسن

شذى شنو انته

اسد علي اي اني شنو مو بعينج انتي بعدج مضايكه اكلي انتضريني اكمل واجيبه

شذى استر علينه بعد اختك

اسد علي ولي لج هسه نشوف

.. بقه يضحك وطلع بقت شذى يمي

ريحانه اكلج اريد اسبح اخذيني اسبح

شذى مو هيه اكلي وكملي يله حتى ورا  ماتسبحين تنامين اشويه

ريحانه اي هم صدك

..
شويه والريحه مالت المعلاك طلعت يبو

شذى اكلج هذا جنه صدك يعرف يطبخ جاي تشتمين

ريحانه اي

طبتت علينه هبه

هبه ها عيني

شذى شفتي ابنج راح هو يطبخ

هبه ادري جنت يمه كال روحي يمهن لا انوب عبالهن انتي طبختي

شذى هههههه الوتي

هبه انجبي ولج اندر منج اشتمي ريحه المعلاك

ريحانه ابوي وين لعد

هبه نام خلي للمغرب نكعده

ريحانه اي هو شكله تعبان

..

شويه وطب اسد علي بيده صينيه الاكل

اسد علي يله شوفن الاكل مالتي وغمن نفسجن ع طبخجن الفاهيات

شذى اهوو راح يلزمها علينه سنه

خله الصينيه يمي وكعد هو وشذى وهبه بس الريحه بوقتها تشبع شحال الطعم وصدك جان طيب اول لكمه هو لفها اليه

ونطاها اليه ابتسمت واخذتها منه اكلنه وكملنه شالت شذى الصينيه

هبه ولو الكلام مو وقته بس هل شي الي صار وصلتي لنهايه الطريق وي منير

ريحانه اي اني هم هيج كلت هذا هو الشي الي جان مخليني اصبر ع عيشته راح

هبه والفلوس تحبين نرجعها اله لو نبقيهن وانتي تصرفين بيهن
اسد علي يافلوس

هبه الحجيه الله يرحمها جانت موصيتها عدها فلوس وكايلتلها اريدج تسوين ثوابات وصدقه الها ولنبراس ولرجلها

اسد علي انطيهن لابنها وهو يسوي

ريحانه ماقبلت كتلها انطيهن لمنير كالت لا لا دكليله

اسد علي وشناويه تسوين بيهن

ريحانه خلي اكوم ع حيلي واخلص من منير  وكلشي يسهل

هبه الله كريم بس ترة اني حسبتهن هواي 3 ملايين ونص وي الذهب وعود اني مقدرت الذهب بهواي

ريحانه اي هواي صدك جان اكو مفتاح عندي وينه مالت غرفه خالتي

هبه اي مريم كالت عليه ماخذه منير

ريحانه خلي اكوم ع حيلي وهو شويه يرتاح اخابره واخلي يطلكني

اسد علي ممنوع بعد ماكو مخابرة ولا شي ابقي مو من يجي يشوفج اني احجي ويا وين تليفونج انتي

ريحانه مادري

اسد علي بعد احسن يمكن عايفته يمهم اني اروح اوقف خطج ونسكت

ريحانه ان شاء الله

....

مر يوم واثنين وثلاثه ومنير حتى مخابرة مخابرني اني بديت اتحسن من ثاني يوم كمت ع حيلي 

ورة الحادث ب 8 ايام جنت كاعد اني وهبه وشذى بالمطبخ نسوي بالعشه ونسولف وشذى لازمه كتابها لانو ضرغام كمل معاملتها

واسد علي بالحمام وابوي ع التلفزيون  ندك الباب

كام ابوي فتحه طلع منير جاينه

طببه ابوي للاستقبال

شذى شعنده جاي شنو اذكر

هبه اسكتي انتي هسه يجي ابوج ونفهم

طلع اسد علي لاف شعره بالمنشفه

اسد علي  ها شبيجن وجهجن مخطوف

هبه  لا يمه ع شنو وجهنه مخطوف بس منير اجه وكاعد وي الحجي بالاستقبال

كبل باوعلي اسد اني وجهي مجان بي اي صدمه عاديه

شمر المنشفه بالكاع وراح

يمهم

بالبدايه سكاتين هدوء بعدين طلع صوتهم واسد علي يصيح

كبل ابوي صاحني

ومافهمت شكو شصاير

طبيت منير يباوعلي بنضره لحد هسه ماعرفت افسرها

ابوي بويه من وكعتي من الدرج شنو جان عندج

ريحانه شنو مافهمتك بابا شكو

ابوي رجلج المحترم يكول افلوس امي مختفيه

ريحانه يافلوس منير

منير الفلوس مليونين جانن بغرفه امي والمفتاح عندج والفلوس اختفن

ريحانه واني شدراني مو انته ماخذ المفاتيح مني واني بالمستشفى

منير اي اخذتهن بس الفلوس مجانن بالغرفه

ريحانه يعني شقصدك اني ماخذتهن

منير منو غيرج لعد المفاتيح جانن عندج لو لا

اسد علي والفلوس ابيتك يعني هيه ابنها راح وهيه بالمستشفى قابل ماخذه الفلوس وياها شوف منو من كحابكم الي بالبيت ماخذتهن

منير احترم نفسك شنو هل حجي نسوانه احنه نعرفهن ومحد تسويها

اسد علي انته تعرف نسوانك عمي اسكت لا تخلينه نحجي واحنه هم نعرف ريحانه
وندري بيها ماتسويها

منير شوف هسه انته غلطت على عرضي واني ابيتك وهل شي ممكن اكاومك عشائرين بس اني خسرت امي وابني ومالي خلك مشاكل

اني اجيت اخذت مرتي

ريحانه شنو شنو عيد شوف منير انته تعرف واني اعرف زواجنه اني وياك جان ع شنو
اني عمري ماعتبرتك رجلي انته من اول يوم زواج هيج خليتني افكر والي جان مصبرني عليه راحت وراح وراها ابني

يعني ماكو اي شي بعد يخليني ابقه وياك
واذا ع الفلوس اني مستعده احلف اني شايفتهن بعيني بالخانه مالت خالتي الله يرحمه ولو شاك بيه هنه دومهن جانن يمي

ولا يوم فكرت اخذ فلس منهن شمعنه هسه اخذ فكر عدل فكر عدل منير واعرف ناسك كافي اصحه امك راحت واختك ومرتك السبب وانته بعدك وره حجيهن سوالفهن

منير شقصدج امي راحت من وره اختي ومرتي

ريحانه شنو مكللك انو هنه من ماتت خالتي مجانن بالبيت وطالعات من 11 الصبح للضهر يله اجني

منير ها فلم جديد منج ريحانه

ريحانه لا فلم ولا شي وانته كلش زين تدري مو اني الي اسوي افلام منير كلش زين تدري واذا تريد تتاكد احجي وي رجل اختك وي مريم وهمه بوقتها عبالهم اني بالبيت وي خالتي   بس عمت . عيني عليها ماتت ومحد جان يمها

منير انتي شتحجين ولج مو من رجعت كالن هستوها صلت ونامت

ريحانه ماكو هيج حجي ذاك سعد ومريم وعيال اطياف كلهم موجودين واسئلهم

ابوي هسه بابا هذا حجي احنه مالنه دخل بي اختك ومرتك واتفاهم وياهن انته

جيتك هسه انته ع مرتك وبنتي اني اكلك
حتى اذا هيه تريد ترجع اني ماخليها طلكها بهدوء وخلي كلمن يروح بطريقه

منير مو قبل مالكي الفلوس مالت امي

اسد علي شوف ترة وحق محمد متحملك بالكوة ولو ماالحجي كاعد اعرف شسويلك هسه اخليك تطلع زحف

اختك ومراك هناك يمك وافهم منهم وريحانه ورقتها توصلها هل اسبوع واذا ماوصلتها اجيك لمنطقتك واني اعرف اتصرف وياك

ابوي الحجي مو هيج بويه اسمع منير بنتي وانته وصلتو للنهايه سوة طلكها بهدوء بويه واذكر حسناتها وياك وي امك الله يرحمها واني ع حسب كلام بنتي امك موصيتك ع ريحانه لا تعذبها لامك وهيه بكبرها

منير يصير خير حجي هل اسبوع احنه بالمحكمه وغراضج دزي عليهن بي وقت اخذيهن

عافنه وطلع طلع ويا ابوي وااسد علي بقه كاعد يمي

اسد علي اكلج

ريحانه ها كول

اسد علي شنو انتي طابه بدون حجاب

.. انتبهت صدك اني بدون حجاب بس يعني قابل البس كدام منو منير ورجلي بعده يعني ليس البس كدامه حجاب ...

ريحانه ليش البس

قابل منو الغريب

اسد علي شنو منو الغريب لمي نفسج واذا يجي مره ثانيه حجاب كدامه

ريحانه اي ان شاء الله

...
طلع منير وصدك مر 3ايام وصلتني ورقه من المحكمه واطلكت اني ومنير ماخذت اي شي منه بس غراضي وذهبي كله دزة اليه

بديت صفحه جديده وي نفسي نسيت منير ونسيت زواجي ونسيت كلشششي

وبدت شذى تمتحن واني اقريها وسادس خطيه تكعد من الصبح انوب حلوت صارت تخبل سمارها صار يجنن ع بياض

لونها صار حلو ولا جنها هيه نفسها الزركه الي جنت اعيب عليها

وحتى اني بده جسمي يرجع وجهي هماتين تحسن بقيت اني وشذى بغرفتها جوة واسد علي اخذ غرفتي

وطبعا مشاكلنه وبلاوينه بعدها

خلصت شذى متحانات وحياتنه رجعت مثل الاول لحد ماستلمت شذى النتيجه ونجحت وجابت معدل زين

وبدت تروح للكليات تقدم ومنتضرة وين يطلع قبولها

واني هماتين راجعت اوراقي وبصعوبه يله كدرت ارجع للكليه مالتي مرحله ثانيه

وشاء القدر اني وشذى بنفس الكليه

قبل الدوام بفترة رحنه اني وشذى وجبنه ملابس كوممه للكليه ومكياج وعطور وشذى ممصدكه

الحلو بشذى صار شكد هسه اني يمهم ولا ذكرت حسين ولا كالت هيج جان وجان نسته

مع انو اني مرات اذكر فترة زواجي واذكر خالتي الله يرحمها

منير من يوم طلاكي ماسمعت عنه اخبار ابد وماعرفت شسوة ومنين اسمه عنه اخبار اذا اصلا مبايلي ماعندي

...

ريحانه اكلك بابا اريد مبايل اذا تكدر من تجي من الشغل جيبلي وياك

ابوي تدللين بابا باجر يكون عندج

اسد علي شسوين بي

ريحانه يعني كليه منا وهيج لازم تليفون يكون عندي

اسد علي بعد شكد للكليه

ريحانه 3 ايام

اسد علي مابقه شي اليوم خميس يعني الاحد

شذى اييي الاحد يبو ممصدكه والله

هبه شدن حيلجن مستقبلجن هذا

شذى بله اني قسم ماليه سهل حاجي هاي

ريحانه لا سهله ان شاء الله شعندي قابل

اسد علي مينخاف عليجن 

ابوي صدك اسد شوكت ناوي تروح للمعارض تجيب سيارة

اسد علي باجر جمعه والمعارض كومه بيها سيارات اروح تجي وياي انته

ابوي اي عادي شوكت تروح

اسد علي من اجي من المحل يعني العصر نرتاح ونروح

هبه مخلي ابالك نوع

اسد علي انروح ونشوف الاسعار

هبه الله يرزقك يايمه

شذى اي عيني تصير عندك سيارة وتودينه وتجيبنه انته من الكليه

ابويمو عندي اني سيارة اشو ماجنتي تقبلين اخذج وياي

شذى لا هيه كليه واخوي بعده صغيره البنات يطشرن داير مداير انته كبرت حجي

هبه انجبي لج بعده شباب

ريحانه اي ابوي  بعده شباب اسد علي شنو والنسوان يلتمن عليه

اسد علي شنو ولج معاجبج اشو اخبل بغمزة اوكع خمسه

ريحانه مايستقر الي يوكع خمسه

هبه ابني يخبل يحفضه الحسين اليه

شذى اثنينكم حلوين وتخبلون بس دبرولنه سيارة حلوة حتى تاخذونه بيها

....

وصدك راح ثاني يوم اسد علي وجاب سيارة بيضه عاليه كلش حلوة وهبه اول مجابها طكت عليها بيضه من الحسد

واجه اول يوم كليه كعدنه اني وشذى من الصبح رتبنه وجهنه وبدلنه ملابسنه وكملنه ونزلنه لكينه اسد علي منتضرنه

بس شكله متعصب

ريحانه صباح الخير

اسد علي .....

هنا وخلص البارت اتمنى يكون عجبكم انتضروني ابارت جديد

تحياتي

غزل الحجامية