تحميل رواية «نصف شهر عسل» PDF

..

-

من شفت الضباب الفوگ شباچك

     عرفتك ما متانيني ،

   بسفينه لوحدي وتغرگ

   ولا هالمنظر بعيني 👌🏻.

_نصف شهر عسل

غزل الحجامية ..

ريحانه رجعت من الكليه  شفت زلم هووواي بفرعنه وكلهم اجوي ناحيتي اني بتعدت كلهم مشو وشكلهم عصبيين كللش شفت جيرانه كلهم

طالعين كلت خير ياربي شكو شصاير

والناس تباوع عليه عبالك جايين عليه هاي الناس

فتت لبيتنه الباب مفتوح

طبيت شفت حسين وابو وزوج ساميه وزوج مرفد ولدهم كلهم وشفت رجال صارر هووواي مشايفته الي هوة ابو اسد

وشفت ابويه واكف بالنص وعصبي وابو اسد منزل راسه ومبين عليه مقهوور

وكلهم عصبيين الي يخابر والي يصيح والي يبجي بقيت اباوع عليهم بعدين رحت لهبه

شفتها كاعده تبجي وتلطم

ريحانه شمرت الجنطه وركضت عليها

ريحانه شكوو شصاير

هبه ولج ابني ابني

ريحانه شصاير ام اسد فهميني

هبه ابني ابني ريحانه راح مني ابني

ريحانه اسد علي شبي شصاير عليه

من كالت راح مني ابني احس ريكي نشف الدنيا تفتر بيه عيوني غوشت ماعرف ليش حسيت صاير شي ع اسد علي خفت ومن شفتها

هيج تحجي خفت اكثر

حتى لو اكو تصرفات موزينه اله بس هو مثل اخوي لازم اعرف شكو

ريحانه اهدي ام اسد وفهميني  شصاير ترة راسي موتتني فهميني شكو

وي حجي وياها دخلت شذى تصيح

شذى يمه اخوووي يمه احزام ضهريييي شصار وين اسسد

ريحانه طلعتلها كبل لزمتها من ايدها

ريحانه فهميني شذى شكووو شكوو.

شذى اخوي اخوووي

حسين طلع ع صوتها

حسين شجابج مو كتلج ماتجين

شذى وخر وخر

وركضت على ابويه

شذى اخوي اخوي اريده منك اخويه ماريد افقدة اريده منك يابه اريده منك

ريحانه طبيت يمهم

ريحانه فهموني شصاير شكووو

حسين اسد اليوم بالسيارة دعم واحد وهسه هو بين الحياة والموت

ريحانه شنووو شجاي تحجي انته مستحيلل مستحيل

شذى حجي اريد اخوي منك فهموني شصار

ريحانه كعدت بالكاع احس رجليه مشايلتني

واسمعهم يحجون

فارس يابنتي اجوي اهل الولد وكالو  اذا صار شي اببنه لو تعوفونه  لاسد علي بالسجن واعدام لو تسلمونه النه

شذى يمه اخوي يعني هيج وهيج ميت لا يابه كول غيرها

فارس هو هذا الصار ابنيتي هو هذا الصار

شذى روحولهم اتفاهمو وياهم لا تخلوهم ياخذون اخوي

حسين ولج شنروح انطونه عطوة عشر ايام  اذا مات الولد لازم نسلم اسد علي بيدنه واذا مسلمنا يجون علينه احنه

ريحانه زين منو يكول راح يموت بمكن يعيش

حسين الولد بي سكر والضربه قويه كلش يعني اذا ميموت ينشل وبالحالتين اسد علي رايح بيها

ريحانه كل الحجي صار كدامي واحس اني بحلم فجاة كمت الجي بهدوء مر اليوم علينه عبالك سنه

واحد صافن بوجه الخ ورة شويه من اجيت من الكليه كالو متبقون هنا كومن تروحن يم ساميه اخت هبه

اخاف يجون ويدكون البيت

هبه ماعوف بيتي ماطلع منه شنو يدكون ابني بالسجن ويدكون

فارس ام اسد افهميني لازم اطلعون مايصير تبقون هنا شذى تروح وي رجلها بس انتي وريحانه شلون

حسين لا عمي اني اودي شذى واجيب سلاح وي اخوتي ولد خالي ونجي نبات هنا اليوم اخاف يصير شي

شذى اني ماروح ابقه هنا

ابو حسين كومي بويه لا تعاندين رجلج روحي انتي والولد يبقون

ساعه 5 راحت شذى وبدو الكل يروح وي المغرب اجوي الولد حسين وضرغام وعلاوي وامير ولد ساميه ولد مرفد وابو اسد راح

بس اخذ تليفون ابويه علمود اذا صار شي يخابره

بقينه احنه حايرين شنسوي وبي لحضه ممكن يدكون بيتنه

سويت عشه واني بالي مو يمي اصلا بالمطبخ وطب ضرغام

ضرغام ها ريحانه شلونج

ريحانه عبالك عيوني منتضره واحد يحجي وياها حتى تبجي كبل دموعي نزلت عشرة عشرة

هو انتبه اليه

ضرغام افااا شبيج ريحانه شكوو ليش تبجيين يمعودة خير انشاء الله معليج بحسين خبل ترة هذا وداعتج ورة هاي العشر ايام يطلع اسد علي وتصير سوالف

ريحانه اباوعله واسوي بالعشه وعيوني تصب دمع

دخل علاوي شافني ابجي وضرغام يمي

علاوي وي شبيها ريحانه ولك شسويت ابو المصايب

ضرغام قسما بالله كلشي مسويت هيه بجت

علاوي خبله مثلا تبجي من وحده شبيج ريحانه شسوالج اخوي اسكطه وعلي بس احجي

ريحانه لا مابيه شي الله يحفضكم

علاوي ولج بس لا تبجين على اسد علي اخليج ويا اذا صدك تبجين عليه

ريحانه ليش قابل ميستاهل

علاوي اي ميستاهل ولج متذكرين عركم سويه واشلون من يشوفج تلعبين يطردج ويدخلج للبيت غصب

ريحانه عادي ولك غير اخوية

علاوي والله انتن البنات مخابيل ابدال ماتدعيله تبجي امشي امشي ام اسد جاعت ترة

ريحانه هسه كملت

طلعت همه اخذت العشه محد قبل ياكل من الولد كالو متعشين كعدنه اني وابويه وام اسد بالكوة تاكل

ساعه 11 ونص سمعنه صوت سيارات قويه وصياح

ضرغام لحد تطلع منجن

كلهم صعدو فوك يباوعون وبيدهم سلاح مطولو دقيقتين

والطلق صوته خبل الفرع اصوات قويه واحد منهم يصيح اخويه اذا صار بي شي البيت يوكع ع روسكم

.... اخويه اذا صار بي شي البيت يوكع ع روسكم ومايهمني نسوانكم ولزمكم حتى جهالكم احركهم  

.... وك كافيييي امشي نرجع

....وخر عني

وكام يضرب طلق احنه بالغرفه مالت شذى ونسمع صوت صياحهم والطلق يضربونه بالجو وع الستارة مالتنه والولد مكيدرون يسوون شي لانو هيه هاي العطوة لازم يجون يدكون عشر دقايق والسيارات تحركت

مرة علينه العشر ايام جحيم بين يوم ويوم يجون شيوخ ولد ساميه ومرفد وحيني واخوانه ميفاركون البيت اول خمس ايام بعدين لا كامو يجون بس باليل

وهبه 24 ساعه تبجي على اسد واني عطله ماعندي دوام ومخلصتها لو انضف البيت لو اكابل هبه وابجي

ورة 8 ايام راح ابويه وابو حسين وابو علاوي وابو امير رجل مرفد وساميه وابو اسد وشيوخ من عشيرتنه وزلم كبار من المنطقه لاهل الولد

بقينه اني وهبه كلبنه يدك

وساميه ومرفد خطيه كل شويه يخابرن عبالك كاعدات ويانه كل نص ساعه يخابرن يواسن بينه بس ميكدرن يجن زلمهن ميقبلون

راحو ورة 4 ساعات رجعو وجهم ميتفسر

هبه ها بشر حجي شصار

ابو امير اهدي خويه خلي يرتاح

هبه بشرني شكوو شصار

فارس شصار يامره شصار اسد راح يضيع منعدنه

هبه يمه ابني شكوو حجي احجي

ريحانه اهدي ام اسد

ابو حسين الولد مايكدر يمشي بعد الضربه قويه جايه على رجله وحتى البلاتين ميفيدة كاصين رجل لانو بي سكر وعايفين رجل بس ميكدر يحركها

هبه اي يعني مامات

فارس مايمشي معانتها مات بالنسبه الهم كالو لو يبقه بالسجن لو اطلعونه وتسلمونه بيدكم النه لو الدم للركب

هبه بقو بالسجن لا طلعونه اذا طلعتو ابني يروح بيها بقو بالسجن

فارس اذا بقه بالسجن لازم ندفع فصل الهم

هبه يمه الني راح من ايدي هو هل واحد منو عندي غيره منووو

فارس هبه اسكتي اسد ابني اطلعه يعني اطلع لو اعرف انام بالشارع

حسين حجي الي طلبو مو قليل

فارس 100 مليون مو اخر رقم لازم العشيرة تنزل منه واني اعرف اشلون ادبرها

ضرغام حجي يومين وندز عليهم ونروحلهم بلكي يقنعون بس بالفلوس وينسون اسد

امير اي ترة همه مبينين طمع عدهم مادام طلبو هيج رقم

ضرغام اني هم هيج كلت مادامهم هيج هذا هو نروح احنه وشيوخ ونلطب يقللولن المبلغ عادي يعوفون اسد علي

فارس الفلوس سهله اسد عمي مبقي يمي هواي غراض واني عندي اكملهن بس المهم مايصير بي شي اني اذا صار بيه شي محد للبنات ولهبه غير اسد علي هو ابو البيت مو اني بيتي ينهدم بدونه

ريحانه شبعت بجي ع كل حجايه من ابويه صح امي راحت بدون متخلفلي اخ سند اليه وهبه ماخلفت من تزوجت ابويه وبس اسد علي هو السند الي بالعائله يعني من بعد ابويه نضيع بدونه

اتفقو يقللون المبلغ ولحد هسه اسد بالسجن وبعدهم محاكمينه واحنه ممخلين قضيته عند محامي لانو قررنه نحلها عشائرين

هبه بدت حالتها تسوء هاي الايام اجتني ساميه ومرفد وام حسين

ساميه هبه لاتقسين على نفسج الي صار صار والحجي كال مينخاف عليه اسد رجال

هبه وج شلون مخاف عليه اسد حس عالي وكلب خالي اشلون متحمل السجن هسه وين ينام اشلون يتغطه يضربونه

مرفد لا هبه على بختج شنو اسد مو زلمه وهيج تفكرين بي والله اسد وهو اسد ماتذكرين مواقفه ويانه اسد رجال

ساميه وبعدين حتى اذا خايفه عليه ترة احنه هم خايفات عليه وهاي الايام مرت علينه عبااك سنين

ريحانه اسمع حجيهن وبديت اتاقلم ع غياب اسد علي

شويه ودخلو ابويه وزوج مرفد وساميه والولد وشيوخ جانو وياهم

حسين صاح جاي بسرعه

طبيت ركض للمطبخ غسلت القوري وسويت الجاي حضرت الاستكاين ونخبصو بالحجي همه وساميه واكفه يم الباب تستمع

كملته اجه حسين اخذة واحنه وكفنه يم الباب اني وساميه نستمع

فارس اذا ع 75 مليون سهله ادبرها

بهل اثناء حجه ابو اسد علي معتز

معتز واني اساعدك اذا تحب

فارس لا ابو اسد مشكور اني ادبرها بس اروح لاسد اشوفه واطمئن عليه وكلشي يدبر

حسين مادام هو يبقه بخير انعل ابو الفلوس نلمهن احنه

.

عرفت من حجيهم انو صح الناس هامتها الفلوس اكثر من حيات ابنهم بدو الكل يروح بقينه بس اني وبابا وهبه

هبه حجي شكالولك

فارس ولج مو 1000 مره عدتلج الحجي شبيج ياام اسد

هبه ريح كلبي ياحجي

فارس احنه رحنه حتى نتفاهم وياهم على الفلوس وصدك تفاهمنه اخر شي شيخ من عشيرة ثانيه كال 75 مليون وهذا الشيخ كلهم يحترمونه فسكتو واسد علي شترطو يبقه بالسجن هاي السنه

واذا شافو برة السجن بي مكان يكتلونه

والشيوخ وافقو على هذا الحجي كالو كفيان شر لحد ماتبرد كلوبهم

ريحانه والله احنه الي كلبونه محتركه مو همه  هامهم الفلوس واحنه ابنه بالسجن

فارس لا تنسين بويه ابنهم متاذيه وعنده طفل هو ومرته يعني صاحب عائله اني هاي الفترة مارحت لاسد علي ماجانو يقبلون بس عكب باجر نطوني تصريح اروح اشوفه وافتهم منه

هبه زين حجي اشلون راح ادبر الفلوس اخذ ذهبي كله وسيارته همين بيعها لا تداين

فارس لا ام اسد ذهبج محفوض وسيارته ماتنباع لحد ماهو يطلع بالسلامه

ريحانه منين راح ادبر بابا

فارس الله كريم يدبرن

ريحانه زين تاخذني وياك من تروح

هبه اي حجي اخذني اني وياك اشوف ابني كلبي منمرد عليه اريد اشوفه

فارس وين تروحن وياي سجن هذا سجن يعني الشرطه السجناء عيونهم مفتحه والضباط عيونهم تجدح وتريدن اتروحن برجليجن

ريحانه لا بابا شكو بيها نشوفه وياك والله كلبنه تكطع عليه

فارس لا بابا انشاء الله يطلع وتخلص انتي ادعيله

..

وبدت الاوضاع تهدي بس احنه كلوبنه محتركه ورة يومين راح بابا من الصبح لاسد علي كعدت ساعه 10 سويت ريوك اني وهبه

ريحانه اكلي ام اسد لا تصفنين

هبه ابوج اتاخر

ريحانه غير سجن تفتيش واجراءات اشلون ميتاخر

هبه لا مو هيج كلبي مابقه بي صبر اريد ابني ياريحانه اسد ميستاهل الشي الي صار بي

ريحانه منو يستاهل يا ام اسد اسد صح سوالفه مكسرة بس كلبه ماكو منه والله العضيم وهو مايعرف يتصرف والمصايب تركض وراه

هبه اووف يايمه وين كعدتك وين سوالفك وياي وين سوالفه وياجن

يجيني ويكلي يمه لا تخلين البنات يطلعن من اني مو هنا يمه يصير شي عليهن لو من يريد يضوج شذى يكللها كومي اقري لو يسد التلفزيون بوقت المسلسل واشوفه باليل يفتر على غرفتها يغطيها ويسد الباب

ومن يريد يضوجج يعاركج ويصالحج بموطه ومن نكعد على الاكل يتقصد ياكل بخاشوكتج حتى تضوجين وانتي ماتنتبهين لو من تنثولين كدامه يكلي يمه خبلتني هاي الفاهيه يكوم يكعد يصيح الفاهيه

ومن تتاخرين بالنوم وكال اصعدولها شوفوها شبيها يابو كلب الحنين وين اكو مثلك

ريحانه هيه تحجي والعبرة خنكتني اوف يااسد شسويت بنفسك

بقينه طول اليوم منتضرات ابويه ساعه 2 ونص دخل

ركضتله ها بابا بشر شصار شلونه اسد علي زين مو ماتعبان ماكلك جيبهن يشوفنه

فارس على كيفج يابابه جيبيلي مي

رحت للمطبخ جبت مي ولكيت هبه مستلمته اشلونه ابني شصار ببني تعابن ينام يتغطه خو ما يضربونه بالسجن حجي شكله متغير لو لا

فارس مرتاح وكال طمنهم عليه مابيه شي اني وخلي يدعولي

هبه داعيتلك يايمه داعيتلك

...

اسد علي ولك اياد رايح اني شوكت تعزل انته

اياد بعد بعد ماعزل هسه

اسد علي رايح اني

اياد الله وياك

اسد علي طلعت بالسيارة جانت عندي بوقتها جاي امشي واجانب تليفون بقيت احجي وي رقيه صار ازدحام كلش بقيت بالربع ساعه واكف بالزدحام وشوارع العراق شلونها سيارة منا وحيوان منا

المهم مشه الطريق اني هم حركت ع الطريق السريع مالت القناه الناس تعبر اهدي السيارة حتى يمشون اشويه واجه ولد عشرينات مبين بقه واكف بنص الشارع لا هو عابر ولا هو واكف

اني بقيت امشي ماحس اله وي السيارة ماجت يمه عبر هوة دست بريك السيارة نضربت بي قوي وكع الولد ركضت عليه كلها لتمت عبالهم راح اشرد

شلته بسرعه وللمستشفى محد قبل يصعد ويايه رحت بس اني

دخلو بس مقبلو يسون اله اي شي كالو لازم واحد من اهله

كتلهم اني انصدمت بي من سمعو هيج وهو حالته خطيرة وجان مبين بي سكر

بلغو المركز بسرعه اجوي واخذوني ماعرفت شنو مصيرة الولد واهلي درو لو لا وشصار وياهم

وماقبلو احد يشوفني من اهلي بالمركز عشت اول يوم مكسور السجن صعب غرفه 3 مترات بيها 70 نفر ويسوون مناوات على النوم نص واكفين نص كاعدين وشي فوك شي

اول يوم مر عليه جحيم والسجناء همين عافوني اول يوم محجو ويايه بس ثاني يوم لا بدو

يحجةن هذا الي يكول جريمه قتل غير متعمدة بس القاضي كوا.. وهذا الي يكول سرقه وهذا الي يكون نصب واحتيال على دوائر حكومي واني

همين كتلهم على شنو اني جاي هنا ...

مرت الايام وكلشي ماعرفه عن اهلي اشتاقيتلهم لامي لشوفتها لخوفها عليه لشذى وخبالهم لريحانه وفهاوتها للحجي بقيت اتذكر سوالفهم واتحسر عليها

اوف ياسد علي شسويت بنفسك وسفه وسفه انته مصيرك هنا

مرت خمس ايام صح اكو تلفزيون والسجناء كواوي.. ساعه يسمعون اغاني ساعه قران العقل يوكف من سوالفهم

مرت الايم ورة 12 يوم اجاني ابلاغ انو واحد من اهلي اجه يشوفني

فرحت بس ضجت كلت بس لا البنات اجوي ويا لانو هذا مركز شرطه ماريد يدخلله

طلعت لكيت بس الحجي حضني بسرعه وكام يبجي واني همين ابجي

فارس شسويت بنفسك يابويه شسويت بنفسك دمرت روحك ودمرتنه

اسد علي وداعتك ياحجي مامتقصد هو طلع كدامي

فارس اشلونك بويه شمحتاج لا تضوج يابويه فترة وتعدي وانته كدها انشاء الله  لا تعب نفسك

ايد علي لا تخاف عليه انته شلونك البنات امي شلونها حجي دير بالك عليها كول لريحانه ادير بالها عليها خليها تاكل ترة كلبي ماكلني عليها حجي ..

فارس لا تخاف عليها بخير احنه كلنه ويسلمون عليك ريحانه رادت بس تجي تشوفك هيه وامك بس اني مكدرت اجيبهن

اسد علي شصار بالولد حجي

فارس الولد يابويه بي سكر فاطرو يكصون رجله اخذت شيوخ اني والولد ورجل مرفد وساميه وحسني وابو واخوانه كلهم وشيوخ من المنطقه ومن غير عشيرة وابوك همين اجه

اسد علي شذكرة بينه

فارس لا بويه مهما كان هذا ابوك من يمع الخبر اجه بسرعه

اسد علي وشتفقتو وي اهل الولد

فارس اتفقنه على 75 مليون

اسد علي اي حجي ادفعهن بس المهم اطلع منا

فارس اسمعني بويه اهل الولد اشترطو 75 مليون وتبقه هنا سنه كامله يعني لازم تنحكم حقهم يتنازلون منا بس القضاء لازم يحكمك

اسد علي المن تنطيهم 75 مليون اذا ابقه هنا

لا تدفعلهم انعل ابوهم لابو الي ينطيهم شنو هل حجي الي يهمهم الفلوس لو صحت ابنهم

فارس ابنهم عنده طفل ومتزوج يعني متضرر

اسد علي استغفر الله زين حجي شراح تسوي

فارس اني اجيتك اسئلك الامانه الي يمي اتصرف بيها لو اتصرف بمعرفتي

اسد علي توكل حجي بيعها

فارس بس يابويه تعبت عليها انته شنو رئيك ابيع بس المشتمل

اسد علي ميجيب 75 مليون حجي بيع البيت كامل ويتعوض انشاء الله بس حجي المحلات اجرهن لا تعوفهن هيج ينكسر سوكهن تره

فارس لا تشيل هم اني اروح لواحد من جماعتك واشوفله مئجر لحد ماتطلع

اسد علي زين شوكت انحكم

فارس هاي الايام تصعد محكمه

اسد علي استعجل حجي

فارس لا تخاف جبتلك جكاير وملابس داخليه وخارجيه بويه دير بالك على نفسك ولا تنقهر كلشي يتعوض

اسد على لا تخاف عليه حجي

بقينه نحجي اني والحجي شويه وخلصت الزيارة وراح هو

صدك نقهرت على البيت من اشتغلت لحد هسه تعبت عليه اي فلس يجيني اضمه واسوي سلف بس حتى اشتري

ومصارلي 6 اشهر من اشتريته ورتبته صح مابي غراض بس مرتب يله الحمد الله والشكر الفلوس تروح وتجي

...

ريحانه بدينه نتاقلم ع غياب اسد علي انحكم سنه ونص وهبه موتت روحها من البجي بس خواتها حجن وياها ع انو بالسجن ولا بالنجف وبدت تهده والسنين تمر بسرعه بسرعه

واني عطله مخلصتها وياها علاقتي باطياف بدت تقوة دائما تخابرني وصدك افرح من تخابرني هيه مبينه خوش بنيه وتحجي وياي هووواي وتشكي من رجلها ومن عيالها

اليوم المغرب اجتي شذى طبعا شذى ماتجينه هوواي دكول مشاكل اني وحسين بس شذى عدها عادي تتاقلم وي الوضع مالها دخل بالمشاكل وطلعت حامل عليها شهر وعشر ايام وكلش فرحنه

بس ام حسين جابتها كالت تبقه هنا كم يوم بس شذى مقبلت كالت بيت رجلي اوله بيه

هبه تعاركها تكللها خلي يتادب يشوفج مو يمه يتعب شذى قافله دكول يتعود على غيابي واني حامله لازم ابقه يمه

شذى حبابه صح مشاكل ومخبله بس كلبها طيب شكد متتعارك وياها تسامح وتنسه

والله لو غيرها متكدر تعاشر حسين حسبن حيوان درجه اوله

وشذى تحبه وهو مستغل هل شي انو هيه تحبه

شذى يمعودة هيه مشاكل يوم يومين وتخلص

ريحانه بس انتو مشاكللكم مجاي تخلص

شذى ريحانه حقه اني جاي اخلي يتعصب وحامل محاي اهتم بنفسي

ريحانه شذى لا تضحكين على نفسج انتي من زمان حياتج جحيم ويا من اول ماتزوجتو هو هيج تذكرين اول جيه الج النه شلون زندج مزورك

واني انتبهت بس غلست كلت رجال ومرته انتي هسه بعدج عروس كون اطلعين ويا يدللج مو يصربج ع اتفه الاسباب

شذى يمعودة منيه تزوجت ومانضربت كلها تنضرب بقت عليه وهو يتعب بالشغل وين يذب عصبيته غير بيه

ريحانه انتي صدك تحبينه

شذى اي ابو ابني انشاء الله اشلون ماحبه

ريحانه واشلون متحمله هاي الاهانه النفسج منه زين حاولي تغيرينه

شذى يمعودة يتغير هيه اول سنه دائما هيج لازم تصير بيها مشاكل واني بعدني ماعرف طبعه

ريحانه زين وخالتج شلونها وياج

شذى خالتي وردة مالت الله مرات دكلي اني ضلمتج وي حسين بي امي اكللها واني احس روحي بجنه وي حسين

ريحانه زين وخواته

شذى هنه هنا المشكله يعاركني هوواي ع اتفه الاسباب وامهن تعاركهن دكللهن عوفنها بحالها ماكو والشغل ذاباته كله عليه واله ابوهن ..

يحاجيهن يله يكومن ويايه وكومتهن مابيها فايدة يخلصنها سوالف

يعني اكمل البيت كله وهنه بعدهن

ريحانه يا كبر ليش هيج شبيهن وياج زين قشمريهن اشتريلهن شي سوي اكل وصيحيهن اضحكي عليهن بكلمه بكلمتين

شذى يا ولج نص نيشاني اخذنه بدون مايكللي يطبن للغرفه ياخذنه ويطلعن وامهن تعاركهن يكللها فلوس اخونه

ريحانه ياا كبر كون يزوجن وتخلصين منها زين وحسبن شو رئيه بحجيهن

شذى يكلي طبج مررض اني اجي تعبان سوالف نسوان لا دخليني بيهن واني همين ماحجي ويا بهل موضوع اكول خطيه الي بي مكفي

ريحانه والله لو اسد هنا اله يموته على ايده

شذى اخوي الحنين الله يفك سجنه وبعدين ريحانخ بيني وبينج حسين يعيرني باسد علي يكلي ابو النسوان ابو السجون

ريحانه خلي ياكل خر.. هو وهل حجي شنو من يكلج هيج كليله تذكر الشقه لو لا اشو انته الي جنت اجيب بيهن كحا.. موزين اسد علي قبل بي وهو سوالفه كلها مكسرة

شذى يمعودة اتعارك وي ويضربني حتى خالتي ميخليها تدخل بهل موضوع

ريحانه خيولي الحيوان كليلها ذبحت نفسك انته الي اجيت تتوسل بينه حتى نوافق وهسه هيج تحجي الادبسزز

شذى يمعودة ريحانه المره يم الرجال ماتكدر تحجي اقل شي وكام وضربها هسه اني اريد اكمل حبالتي على خير

ريحانه ابوي يكول من كلت لاسد علي على حبالتج فرح كللش وكال اذا ولد تسمي ع اسم خاله

شذى يم ويطلع حلو مثل خاله

ريحانه لا تكبرينها وينه حلو اسد علي حلو

شذى خال اسكتي اسمه اسد وهو اسد عيونه تجدح وحواجبه سيف واسمراني والحيه مالته وجسمه خال غير خوات حيين مخبلات روحهن عليه عود الي متزوجه وكاتله روحها عليه

دكول رجلي العار بره اليجن واسد علي بالسجن ..

ريحانه كبل لفها اي والله اكلج شوكت تروحين

شذى هسه بس يجي ابوي اخلي ياخذني

...

مرت اول ثلاث اشهر عاديه بدينه نتاقلم ع فراك اسد علي 

ريحانه هلا والله

اطياف هله بيج حبي اشلونج

ريحانه الحمدالله وانتي

اطياف الحمدالله بخير يمعودة اجيت يم اهلي وبقيت كاعده يم امي نضفت وكملت كلت خلي اراسلج

ريحانه خطيه الله يساعدج واني جاي اغسل بالاماعين

اطياف كملي اذا تريدن

ريحانه لا يمعودة لابسه سماعات

اطياف نادرة نادرة

ريحانه لعد شعبالج

اطياف الله يحفضج والله اني جاي تصير مشاكل اكثر وي زوجي  بسبب جياتي ع اهلي هل فترة كثرانه واخويه همين ميكدر يبقه هوواي هنا وحايرة بيهم شسوي وامي ماكدر اعوفها

ريحانه يمعودة حقه الرجال ميفكر باحد يريد الاهتمام بس اله معليه باهلج واهله بس مع انو هو كرايبكم يعني كون يفرح بهل شي

اطياف يمعودة بلعكس الخباثه تصير بالكرايب

ريحانه صدكت نسيت اكلج شذى طلعت حامل عليها شهر وعشر ايام

اطياف اي ع الخير مبروك يتربه بعزها يارب

يوم الج

...

هنا وخلص البارت اليوم باليل انشر بارت ثاني تعوض عن هاي الايام

آنعـم آلله، ع آلوگـف 

وآلمـآ وگـف بلضيـج

...

ريحانه صدك نسيت اكلج شذى طلعت حامل عليها شهر وعشر ايام

اطياف صدك مبروك يتربه بعزكم يارب يوم الج

ريحانه خليني اتزوج وبعدين اخلف يول

اطياف اندري انتي ليش ممتزوجه لحد هسه انوب حتى ممكبله ولج ليش

ريحانه والله مادري بس مانجذب لاحد ماعرف ليش

اطياف زين اذا يتقدملج احد ؟؟

ريحانه يتقدمون بس بدون مايسئلوني اهلي يرفضون لانو يدرون بيه ماريد هسه اني حياتي دراستي اريد اكمل .

اطياف اي عادي اتزوجي واحد يقبل يخليج تكملين !

ريحانه وين اكو واحد هيج ماعتقد واذا يخليني اني الي راح تصير وياي مشاكل ماراح اكدر اوافق بين البيت والدراسه وخصوصا اني كليه يعني بعدلي 3 اسنين منو يتحمل ماكو هتمام لمدى 3 اسنين ؟؟

اطياف يامعودة هوواي والله انتي بس اشري وخصوصا انتي محاميه يعني الكل يرغب بيج بس انتي عقلج شغلي ...

ريحانه ها اطياف ضامتلي عرسي احسج

اطياف اي ليش لا يجوز ضامتلج عريس توافقين لا اذا نجي وانتي اشو تخبلين  و100 واحد يتمناج والي ضامته الج يتمنه منج حجايه

ريحانه ههههههه تحجين صدك لو تشاقين

اطياف طبعا احجي صدك اني صار فترة اريد افتح الموضوع وياج تدرين بيت اهلي ماحد بي بس اخويه وامي وامي مره جبيرة يتحتاج عنايه واهتمام وبصراحه ماعتقد انتي تخونين الامانه

ريحانه قابل الزواج بس هيج يا اطياف اني اخوج كلشي ماعرف عنه بس حجي قليل من نبراس جانت تكولي عليه خوش ولد وحباب بس ماعتقد اني ويا نتوالم

اطياف ليش متتوالمون هو يشتغل ومايخليج تحتاجين شي واذا ع الدراسه اصلا هو يقبل تكملين والاهتمام بالبيت اني اجيج يمعودة بين فترة وفتره ومن عندج دراسه ادزلج حماتي تساعدج بالبيت

ريحانه ماعرف شكلج فاجئتيني بصراحه يعني مجنت متوقعه هل شي

اطياف اني من زمان حاطه هله فكره ابالي وجنت منتضرة الوقت المناسب

ريحانه ماعرف شكلج ..

اطياف فكري اليوم ورديلي خبر علمود نجي نحجي وي اهلج شتكولين

ريحانه ماشي يصير خير

اطياف يله ياعمري اني اروح اكمل شغلي

ريحانه الله وياج

..

سديته منها وبقيت افكر بالي كالته الي هو اني اصلا اسمه ماعرفه هذا الواد اشلون اوافق !

بس عادي قابل عندي علاقه ويا علمود اعرف اسمه ونبراس جانت تحجي حجي حلو عليه انو خوش ولد وحباب وحنين.

اي بس حتى لو حنين يمكن حنين على نبراس بس مو عليه

يمكن يطلع خبيث ؟

وليش يطلع خبيث اذا اني زينه ويا واني اول وتالي اتزوج قابل ابقه هيج بدون زواج واني دراستي ضامنتها ومابيها شي نتفق من البدايه على الدراسه اذا وافق خير اذا موافق عادي هيه قسمه

قررت اليوم احجي وي هبه وهيه تحجي وي ابويه بس كلت اشلون احجي وياها وهيه ابنها بالسجن مصارله كم شهر كلت اخابر شذى واخذ رئيها

خابرتها جاوبني حسين

ريحانه الو السلام وعليكم

حسين هله وعليكم السلام اشلونج ريحانه

ريحانه الحمدالله تمام انتو شلونكم شذى شلونها

حسين زينه مثل الحصان

ريحانه عايشه بخيرك لازم تصير مثل الحصان وينها هيه نطينياها

حسين اي

شذى الوو هلو ريحانه شلونج شعجب اليوم ذاكرتني تردين تموتين

ريحانه على كيفج ههههه بخير انتي اشلونج

شذى دومج ابخير اني

ريحانه اكلج ماعندج جيه علينه

شذى لا والله ماعندي وقت مو قبل كم يوم جنت يمكم ليش شكو صاير شي امي بخير

ريحانه اي الحمدالله يمكن نامت

شذى اي شلونج شخبارج

ريحانه بخير الحمدالله اكلج شذى اكو موضوع اريد احجي وياج بي بس ماعرف اذا الوقت مناسب لو لا

شذى شكو ولج احجي

ريحانه يعني تعرفين اطياف حمات نبراس صديقتي الله يرحمها

شذى اي اعرفها الي اجتي بحنتي شبيها خيرها هم ماتت

ريحانه ولج انجبي لا بس اليوم حجت وياي بموضوع

شذى اي وشنو هو الموضوع

ريحانه اخوها الوحيد وهيج

شذى شنو اخوها الوحيد وهيج

ريحانه يعني طلبتني لاخوها الوحيد كالت فكري ورديلي خبر عامود نجيكم

شذى اي شكو بيها اندري انتي شعندج باقيه لحد هسه المثلج عدهن جهال بطولهن

ريحانه كلي تبن ولا تمضرطين

شذى احجي الصدك اني ترة

ريحانه اي ادري بيج المهم شتكولين

شذى اي ليش لا ريحانه  احسلج ومادام من طرف صديقتج يعني خوش ناس وانتي مره كتيلي محد عدهم بس امه وعميه يعني ماتعبين هواي حتى لو ماتنضيف وتكليلها نضفت تصدك

ريحانه ههههههه خاب كبر انتي عيالج سوولج حاله نفسيه من اشغل

شذى ولج ياحاله نفسيه يا ضيم خبلوني همه وابنهم

حسين هاااا شهل حجي

شذى اكلك رحمه لوالديك تره مالي خلك اسكت مني

ريحانه يااا كاعد يمج وتحجين على اهله ولج اسكتي لا يكوملج

شذى يمعودة انتي من خابرتي كام مني تعب من الضرب

ريحانه لج لا تخلينه يضربج شنو هيه هيته انتي حامل لا يصير بيج شي

شذى يمعودة شيفهمهم بهيج سوالف  المهم هسه شقررتي

ريحانه اني اشوف مابيها شي بس استحي  افتح الموضوع وي امج

شذى مبيها شي انتي كولي للبنيه انو انتي موافقه ومن يريدون يجون اني اجي واكول لامي

ريحانه ماشي لغد متفقين

شذى يله حبيبتي اني اروح اشوف شكو ورايه

ريحانه الله وياج بس ديري بالج على نفسج ولا تعبين نفسج موزين عليج

شذى انشاء الله سلميلي على امي

ريحانه يوصل الله وياج

..

ريحانه بقيت طول اليوم افكر بالموضوع ساعه واحجي وي نفسي ساعه لليل ساعه 10 تقريبا وخابرت اطياف ترددت اجاوب عليها

بعدين جاوبت

اطياف ها السلام وعليكم

ريحانه وعليكم السلام حبيبتي

اطياف شلونج حبي

ريحانه والله الحمدالله تمام

اطياف اخاف عندج شغل

ريحانه لا يمعودة جنت اباوع على التلفزيون

اطياف اهاا اي شقررتي

ريحانه ها

اطياف شقررتي بالموضوع الي حجينه بي

ريحانه مالكه احسن منك بي وقت هله بيكم

اطياف اي الحمدالله ولج شلعتي كلبي كلت هسه متوافق

ريحانه لا مناقصكم شي

اطياف بعد عمري اذا هيج باجر العصر جايينكم

ريحانه هله بيكم

اطياف يله مع سلامه اروح ابشر اخوي

ريحانه الله وياج

...

ريحانه سديته منها وخابرت على شذى هيه جاوبتني كتلها باجر العصر يجون كالت اني باجر الصبح يمكم مدري اشلون

نمت بيومها واني احس اكو شي راح يصير تغيير بحياتي للاحسن او للاسواء المهم نمت كعدت الصبح ع صوت شذى

اجتي من الصبح هسه اني كتلها تعاي بس مو هيج باوعت للساعه ساعه 9 ونص يااا لعد بيش ساعه كعدت هاي نزلت لكيتها تحجي وي هبه وتسلم عليها

ريحانه صباح الخير

شذى هله هله بالعروس صباح النور

يمه من الصبح هيج خجلت وبقيت صافنه صنم هبه حست بالنكرة

شذى ها شقررتي تلبسين

ريحانه نلصمي متريكه لو لا

شذى اي متريكه واريد اتغده اصلا

ريحانه بيش ساعه كاعده ولج

شذى من ال 6 خبزت الهم واجيت

هبه ولج انتي حامل لا تشتغلين هواي

شذى ديله هو قابل شنو لازك بعلج مايصير شي

المهم يمه رتبو الاستقبال ترة اليوم خطار يجون يمنه

هبه هله بيهم منو راح يجي

شذى خطابه على ريحانه

هبه منين ذوله وغير دكللي يعني اليوم يله تحجن من راح يجون

ريحانه والله ام اسد هيه البارحه كالتلي وخابرت شذى علمود تجي دكلج

هبه منين الي راح يجون

ريحانه اخو اطياف حمات صديقتي الي اجتي بحنه شذى

هبه اي اي عرفتها زين غير تنطيني خبر اكول لابوج

اخذ رئيه

ريحانه ام اسد همه اليوم راح يجون بس اخته وشوف منو وياها لانو ياخذن رئيي

وانتي عود كولي لبابا وشوفي يوافق لو لا يعني ؟

جيتهم هسه عاديه

هبه يصير خير زين انتي شنو رئيج

ريحانه هاا

شذى موافقه طبعا غير هيه البارحه كالتلي

ريحانه انيييي

شذى لا اني كومي كومي سويلنه ريوك وخلي  نحضر البيت

هبه لا تستعجلن اني راح ارجع انام وانتن كملن كعدني ساعه 12

ريحانه ماشي

اخذت شذى ورحت للمطبخ

ريحانه ولج بطنج شويه مبينه مو هوواي

شذى يمعودة تبين منبين عادي بس تدرين كلبي يكلي بنيه

ريحانه اي اذا بنيه على اسمي

شذى انجبي اذا ابنيه اسميها هيام

ريحانه شهل اسم

شذى اي لانو اني هايمه بابوها فلازم اسميها هيام

ريحانه اييييع اندري شتحبين منه هذا مامر يوم بدون مايضربج بيه

شذى عادي كتل الحبيب ممثل اكل الزبيب

ريحانه الله يطيح حضج مو هيج زين اذا ولد شتسمينه

شذى اسمي اسد علي يطلع مثل خاله

ريحانه اكلج عود اذا صارت اشلون اكول لاسد هسه ميكول عليه ماتحبني وماحترمتني اني بالسجن وهيه تفكر بروحها

شذى لا يمعودة شكو غير قسمتج اصلا يفرحلج

ريحانه والله بعدها مصايرة السالفه ومستحيه منه

شذى عادي يمعودة سوي ريوك تره ميته من الجوع صدك البارحه احنه نحجب ويا اسد علي

ربحانه صدكك شلونه ليش ميخابرني لعد

شذى ولج ابوج منطي رقم حسين من سمع بيه حامل رايد يباركلي

ريحانه زين منين جاب التليفون

شذى يمعودة اكو تليفونات بس غاليات ابوج كايله اشتريلك بس هو مقابل يكول التليفون ابو ال 25 الف هناك ب 250 الف

ريحانه ليش  شدعوة شكوو

شذى مو مسئوليه وشايفتهم بين يوم ويوم يسون تفتيش واذا يلزمون التليفون ياخذونه وتعالو اشترو واحد ثاني

ريحانه خطيه زين هو منين خابر

شذى واحد هناك متعرف عليه خوش ولد مخلي يخابر من تليفونه ولج سئل عليج شكدد

ريحانه ولج لا تذكريني بي والله لحد هسه من اذكرة ابجي بس شبيدي عليه

شذى والله حتى اني بس هو كال لا تهتمون مابقه شي انشاء الله وهاي ثلاث اشهر فاتن وماحسينه بيهن

ريحانه اي هم صدك

كعدنه تريكنه ورتبنه البيت اني وياها لحد ماكعدت هبه نضفنه الاستقبال بعدين سوينه ريوك لهبه ونشاقه ونضحك ولا

عبالك اسد علي بالسجن وشذى تزوجت عبالك كلشي مصاير ويانه

ريحانه شبيج ام اسد

هبه بالي يم ابوج البارحه منام اليل كله

ريحانه خير شكوو

هبه والله مادري يشتكي من كلبه وايده يكول كلش تعبانات

ريحانه اسم الرحمان اليوم من يجي اخلي يحجز عند دكتور

هبه ولج حجيت ويا يكول كلشي ماكو يمكن ضغوطات الشغل

ريحانه لا مايصير هيج لازم يهمل نفسه

شذى اكلج ريحانه شتلبسين اليوم

ريحانه تكدرين تسكتين لو لا

هبه اي اصعدي شوفي شتلبسين اليوم

ريحانه مو هسه بعد وقت

هبه من يجي ابوج اصعدي واني احجي ويا

ريحانه تمام

...

سوينه الغدة صدك شويه واجه ابويه ومبين عليه التعب

فارس هله هله هاي منو اليوم يمنه

شذى الله يساعدك حجي اشلونك

فارس ويساعدج يابه اني بخير اذا انتو بخير

ريحانه الله يساعدك ياب

فارس ويساعدج بنيتي

هبه شلون صرت حجي

فارس الحمدالله بخير

شذى شنو حجي كبرت اشوو

فارس اي والله بويه كبرت والمرض اجاني

ريحانه لا اسم الله مبيك شي انشاء الله بخير نروح للدكتور ونشوف شنو شبيك

فارس لا بويه ميحتاج هو تعب زيادة

شذى لا تدلع علينه حجي روح للدكتور احسن طمنه عليك لا تخوفنه

ريحانه اي نشوف دكتور ونروح اني وياك لو انته وهبه

هبه حجي اسمع كلام بناتك وروح للدكتور شوف كلبك شبي هل ايام وضعك معاجبني ابد

فارس انشاء الله ولجن لا توكفلي انتن كلجن اشوف وقت مناسب واروح

شذى كومي ريحانه خلينه نصب الغده

كمنه اني وياها للمطبخ

شذى هسه امي راح تحجي ويا 

ريحانه زين شتكولين يقتنع لو يرفض

شذى ياا ليش يرفض هو قابل العرس اليوم انتي ليش مكبرتها هنه نسوان يجن يشوفنج اقتنعتي خير على خير ماقتنعتي عادي قابل اول مرة يجونج خطابه ..

ريحانه تسوي الزلاطه سوي

شذى ولج عيالي هوش الله بارض الله الزلاطه اسوي جدر كامل امهات خيسه مسويات رجيم وياكلن كله زلاطه

ريحانه بس ممبين عليهن سمان ترة كلهن

شذى ولج يكعدن الصبح يتريكن ريوكين ويتغدن التمن والمركه وبس العشه عيني رجيم ياكلن زلاطه وهمه 100 مره ياكلن

ريحانه ياا كبر رجيميش هذا

شذى ولج يتعيقلن بس شنو ميتات عليج يكولن تخبل الجسم شنو والاسم شنو والوجه شنو

ريحانه يمعودة خيولن لعبان نفس كرهتهن من سولفتيلي على حقارتهن وياج

شذى يمعودة اهم شي حسونتي معليه بيهن

ريحانه اني اذا اصير مثلج انتحر وج بابا الرجال مايصير يدلل هيج اكسري واجبري لا تلزكين بي هيج

شذى ولج يامالزك شايفتني يتعارك وياي واروح احضنه اكله مشتاقتلك وهو يدفعني واني الزك زيادة

ريحانه يااا ولج شبيج مو هيج هيج انتي تعبين وحقه يضربج يشوفج تحبينه يكول عادي شسوي تسكت

شذى شسوي لعد ابو طبع ميغير طبعه

ريحانه انتي فاهيه حاولي تغيرين من نفسج

شذى الله كريم ولو مايفيد بيه اني ادري

ريحانه يمعودة اني شريد بس الله يريح كلبج ويساعدج

شذى امين

اخذنه الغده لكينه هبه كاعده

شذى وين الحجي

هبه يغسل بالحمام

شذى كتيله لو بعدج

هبه كلتله كال هله بيهم

اجه ابويه تغده ودخل للغرفه نام لانو تعبان اني وشذى غسلت الماعين واخذنه الجاي وصعدنه للغرفه بدلت ورتبت شعري ومكياج خفيف كلش ولبست ساعه بيدي وكلادة على

الركبه وشذى هم بدلت  ونزلنه رتبته الصينيه خلينه بيها الاستكاين

شذى ولج خلي عصير يمعودة مو جاي

ريحانه انجبي عصير شنو جاي اذا عصير هسه يكولون مامصدكات

شذى ولج العوبه واذا يكولون ممصدكات عادي

ريحانه وخري مني وخري

نسولف وسمعنه الباب يندك

راحت هبه فتحت الباب سمعنه صوتهن يسلمن عليها

...

هنا وخلص البارت **

غزل الحجامية

.

.

غزل الحجامية☆☆

..

اغيب وما يفكدوني

ازعل ما يراضوني

واذا عنهم يسألوني

اكول احباب

واذا بالصدفة شافوني

احس كوة يحاچوني

ومنهم تستحي عيوني

واشيل عتاب

وكلت لابد يذكروني

برسالة ومايخلوني

وراسي احتار بظنوني

وطلع جذاب

كل دكة جتف واندار مو همة

كل فزة رسالة وتالي مو همة

وضليت انتظر كلمة

وابد ماحاسبيلي احساب

وانة متانيهم بصحرة

فياي وماردت مطرة

وبگلبي بقت حسرة

منهم جف يدك الباب

...

ريحانه اندك الباب فتحته هبه ودخلت وياهم للاستقبال

شذى شوفي اني راح ادخل قبلج وانتي ورايه جيبي الجاي مو تعثرين الفاهيه

ريحانه دمشي امشي انتي هم كمتي دكولين الفاهيه

شذى ع كولت اسد علي بس لريحانه تلوك الفهاوه

ريحانه مرجعني ورة غيرج وغيره ههههه

شذى مثل مكتلج

راحت شذى دخلت يمهم واني اتوترت ادخل بس كلت عيب وخصوصا مر ع كعدتهم هوواي كلت خليني ادخل والله كريم

شلت الصينيه وامشي بخوف والله احس مدري شبيه بالكوة وصلت للباب .

اطياف هله بمرت اخوي هله

شذى مستحيه المدام من هسه نكلج مدام

هبه تعاي حبيبتي

ريحانه ضيفتهم وسلمت عليهم اطياف وام زوجها وامها بس هنه جايات وام اطياف متشوف

الحجيه مرت ابني امبينه تجنن

اطياف اكثر من التجنن ايه من الجمال

هبه من ذوقجن هذا حبايب

اطياف والله احنه ماعدنه اي خلل كليتها وموافقين عليها وبيتها مثل  مكتلج على الوضع

عمت اطياف اي والبيت تعيش بي ملكه بس هيه بي وماتجي غيرها هو هل وحيد هنيالها

اطياف هيه القسمه بعد من تحجي

هبه يصير خير اني هم اخذ موافقت البنيه اخذ موافقت ابوها واخوها

اطياف براحتكم

الحجيه مرت ابني موافقه مبينه بس انتي اخذي الحجي من الزلم وتريدون تسالون هله بيكم كلها تعرفه ابني اشلون خلوق ومؤدب والشارع كله يحلف بي وباخلاقه

هبه والنعم منكم واحنه هذا الي نريده

اطياف مبروك شذى يتربه بعزكم يارب

شذى حبيبتي تسلمين اشكرج

اطياف هسه منا وهيج راح تكرهين الدنيا ومابيها اني جربتها هاي الشغله مرتين

شذى يا ليش هو طفل عادي

اطياف شوفي اني عندي اثنين جهال بنيه ولد وابوهم الثالث الرجال طفل ويمكن والله زوجي يتعبني اكثر من جهالي

شذى يمعودة عادي هيه الدنيا تعب بتعب بقت على الرجال

..

بقو يسولفون وطلعو واخذو رقم هبه علمود يعرفون من عدها الجواب

شذى ورة المغرب خابرت حسين واجه واخذها

كعدت اني وهبه بالاستقبال نباوع ع التلفزيون

هبه انتي شمقررة ريحانه

ريحانه والله مادري ياام اسد حايرة

هبه اني انطيج رئيي انو مبينين خوش ناس وماعندج هواي عيال يعني بس هو وامه واخته صديقتج يعني ميصير بينكم شي

ريحانه اني هم هيج فكرت وانتي جاي تشوفين شذى شصاير بيها من حمواتها

هبه يمعودة انتي شجابج على شذى شذى متكول لا وليش عدها كلشي عادي بس انتي متتحملين ادري بيج .

المهم اني من يجي ابوج انطي عنوانهم واخلي يسال عليهم واردلهم خبر ...

ريحانه اي يصير خير انشاء الله

..

ورة يومين ردينه خبر الهم انو احنه موافقين ابويه راح سئل عليهم كايليله خوش ناس والولد حباب وماعدهم احد ..

خابرو علينه وقررو ورة ثلاث ايام راح نعقد سيد ولحد هسه ماعرف اسمه للولد ومشايفته غير من جان يجي لنبراس ياخذها من الكليه بس مجنت اشوفه

يعني راح اتزوج شخص مشايفته ابد ولا اعرف اسمه

باليل خابرتني اطياف

اطياف السلام وعليكم مرت اخوي اشلونها

ريحانه الحمدالله حبيبتي انتي اشلونج

اطياف بخير الحمدالله شخبارج

ريحانه والله تمام على حطت ايدج

اطياف اكلج احنه عكب باجر نجيكم بس اخوي كال بلغيها سيد يجي نعقد اذا رايده اي شي خلي تكول

ريحانه لا حبيبتي تسلمون قابل شريد

اطياف بعد مادري هو منير كال كوليلها اخاف رايده شي

ريحانه منير منو

اطياف هههههه زوجج المستقبلي

ريحانه اهاا

اطياف يله حبيبتي اني اروح

ريحانه مع سلامه

..

اخيرا عرفت اسمه منير شهل اسم لا هو امير ولا نمير يله عادي زين هذا اذا اريد ادلعه شكله ميمو منيموو  يا حتى دلع ماكو لاسمه

.

يوم الخطوبه لبست فستان وردي فاتح ونازك الردن تور والصدر مفتوح بطريقه حلوة فراشه ونازل عليه تور

وشعري رفعته ونزلت خصل بسيطه ومكياج فاتح ولبست عدسات صرت اجنن والكل طبعا اجه ساميه ومرفد والبنات

ورتبن البيت وشذى حامل وتركص وبطنها بدت تبرز كدامها وبدت تحله الحمل لايكلها حتى بيضانه ملامحها برزت بالحمل

نور ولج قبل شهرين كلتي ماتزووج اني والزواج شنوو

رهف اي عيني وماريد وماحب واني والزواج واييع انتن تزوجن واني لا

ساميه ولجن عوفن البنيه شبيجن وياها

ريحانه ههههههه يابه ياحجايه رجعي لمكانج ههه

رهف ماكو ارجعي لمكانج ماكو انتي كلتي ماتزوج شكو هسه شتغير

نور عيني منير خلاها تغير كلامها

شذى ولجن اريد اشوفه حلو لا شسالفه محد شايفه الرجل الغامض

ريحانه دخل اشوفه اني بالبدايه وبعدين انتن

رهف خاب شسالفه اول مره تصير هيج سالفه غير قبل العقد يجي تشوفينه يشوفج يمكن يطلع مخلو اسلوبه ماحلو قابل يريد يورطج ههههههه

ريحانه اني شايفته مره وحده بعرسج شذى بس مركزت عليه كبل سديت الباب

نور اي اي طلعن السوالف كمل كملي شجان لابس

ريحانه وجع ولج اكلج مشفته سديت الباب لانو

شذى ولجن لا تنصبن عليها عوفنها

بقن البنات يركصن وفرحانات بس نور تصفن هواي عرفتها علمود اسد علي بصراحه تمنيته اليوم يمي بهل يوم مثل مجان وي شذى بهيج يوم

هبه الف مبروك

ريحانه يبارك بيج ام اسد تسلمين

نص ساعه وكالو الناس اجوي دخلت اطياف ونسوان هواي وبنات يهلهلن ويركصن فرحانات يعني

اطياف باستني  وبقت تحجي كولات والنسوان يهلهلن

اجتي امه هماتين باستني لازمه اطياف وتمشي لانو متشوف

الحجيه الف مبروك بنيتي شايفه كل الخير يمه

ريحانه يبارك بيج خاله تسلمين خير الي يصيبج

بعدين كعدن يمي البنات قدمن الهن ببسي وكيك اشويه وكالو راح يدخل السيد لبست رداء الصلاه ع راسي وكعدت شذى يمي ومطلعت مني وهبه وابويه ودخل السيد ومنير ممركزة على وجه لانو منزله وجهي

بدة السيد يحجي وياخذ رئينه ماعرف شوكت طلع السيد وشوكت طلعو اهلي وشوكت بقينه وحدنه بس اني ومنير

محسيت بس من رفع مني الرداء وباس راسي

منير الف مبروك

ريحانه باوعت لوجه اسمراني وعيونه خضر فاتح وحواجبه ثخان ولحيته خفيفه تجنن بقيت صافنه بوجه هذا شنو انوب شامه بخده وجه عصبي بس بخشونيه  بس مبين حنون

عيونه تلمع شفايفه مرسومه وي لحيته وطويل وجسمه حلو

‏المرأة دائماً 🍭🙆‍♀

تقع في حنية الرجل الخشن 🙆‍♂😻

وفي خشونة الرجل الحنون 👫♥️

ريحانه مبروك الك

منير طالعه تخبلين

ريحانه تسلم من ذوقك

بعدنه محاجين دخلت شذى تهلهل وي البنات واطياف هو شويه وطلع

شذى ولج شنو هذا يبووو

رهف يمه يخبلل يخبللل

اطياف هذا اخوي

نور ماعندج ثاني نفس الاصدار

اطياف لا حرامات ماعندي هو الوحيد ع الجايات انشاء الله

شذى نريد اربعه منه واحد اليه ولنور ولرهف ولسهام

سهام عندي الي يكفي ويوفي

شذى خاب طيري خشمه جنه نافورة مضفر

سهام عاجبني عادي

شويه ودزو على اطياف وامها والبنات الي اجني وياها وكلهم طلعو

بقن البنات يركصن وفرحانات للعشرة يله طلعن

مرفد الف مبروك ريحانه يوم اشوف الطفل بيدج

ريحانه يبارك بيج تفرحين بولدج انشاء الله

ساميه مبروك ريحانه ولو هو صاك لازم نخطفه منج

ريحانه هههههه نحجز بعد ماتكدرين

ساميه شوفي هو حلو بس مو احله من ولدي ضرغام يخبل

نور اني اشهد عليه القزم

ريحانه وشهد شاهد من اهله

ساميه ولج يخبل بس هاي تغار

بدو الكل يروحون بس شذى طولت يمنه وراهن يله راحت متقبل تبات

ابويه باركلي وباس راسي

فارس الف مبروك بويه

ريحانه الله يبارك بيك يابه تسلم

فارس اليوم خابرني اسد علي ويسال عليج عبالك يدري بيج اليوم خطوبتج

ريحانه كون كتله يابه

فارس لا يابه مكتله مو هسه كم يوم واروحله واكله

ريحانه الله يطلعه بالسلامه

فارس امين

..

ريحانه صعدت بدلت ومسحت الميكاج وشمرت نفسي واحجي وي نفسي على منير شكله غير اسمه كلللش الشكل وين الاسم وين

بقيت افكر مثل اي ابنيه بعريسها

شويه ودك التليفون بس جان الوقت متاخر رفعته شفته رقم غريب

مهتميت شويه واجتني رساله اني منير

رجع دك ارتبكت هسه شسوي عود اجاوب هسه لو شذى يمي مجان هيه كالت شسوي

رفعت الخط وجاوبت

الوو

منير هله والله همزين سمعنه صوتج

ريحانه ماجنت يم التليفون

منير اشلونج

ريحانه الحمدالله بخير وانت

منير بنص الخير اليوم طالعه تخبلين

ريحانه ليش اني دائما شنو

منير دائما احله بس اليوم يمي وبصفي كاعده فلازم طلعين احله

ريحانه ليش وين شايفني قبل علمود هسه احله

منير هوو اشكد شايفج من جنت اوصل نبراس للكليه اشوفج بس انتي متركزين

ريحانه اهااا

منير اي اهاات صدك ماتريدين تعرفين عني شي

ريحانه امم بكيفك الي تريد تحجي كوله

منير اوك شوفي حبي اني منير عمري هسه 26 سنه خريج ادارة واقتصاد بس ممتوضف لانو تدرين الوضائف بالعراق تخبل

عندي سوبر ماركت كلش جبير يم بيتنه لانو تعرفين امي وضعها وماكدر ابتعد من البيت

خطبت مرة وحده بس فصخت مكملت وياها

ريحانه ليش

منير متكبرة زيادة عن الزوم واني منير ماحب احد يتكبر يمي

ريحانه  اممم مغرور حضرتك

منير ويحقلي مو صح ههههههه

ريحانه ع كيفك يمعود

منير لا جذب اشاقه وياج بس هيه جانت مو مثلي عصبيه وتحجي هووواي

..

بقينه اني ويا نسولف لا ساعه ولا ساعتين عرفت اغلب الاشياء عنه وهو يحجي واني ساكته

كل الحجي عليه هو عبالك يريد يعرفني عن نفسه مايريدني اعرفه اكثر واكثر سديته منه واني فرحانه ميته من الفرح شعور الخطوبه شي حلوو

بقينه دائما نتخابر مر على خطوبتنه سبوع وهو كل شويه يخابر وكل مايسوي شي يدزلي صورة بالشغل هو وامه وانوب هو يجنن يربي اخرب

ومن يدزها كبل ادزها لشذى تبقه تصيح وتستريح يمه يخبل يمه يجنن وبقينه نحجي اني واطياف

منير زين انتي اشلون مقرره توافقين بين البيت وبين الكليه

ريحانه خير انشاء الله

منير زين اني عندي اقتراح ليش متاجلين هاي دراستج لحد ماتكدرين تتاقلمين اكثر

ريحانه لا منير اني دراستي احله شي بحياتي ماكدر اعوفها

منير اعرف لهذا اني هيج جاي اكلج ليس مستواج ينزل وبعدين تكرهيني اني وتكولين انته السبب

ريحانه لا ميصير هيج شي وانته ويايه تساعدني اكيد

منير زين عندي اقتراح ثاني بعد شكد لدوامج

ريحانه 3 اشهر تقريبا

منير ليش منسوي الزواج هل شهر علمود تعرفين طبيعت البيت وتتاقلمين ويا وتعرفين اشلون تنضمين وقتج

ريحانه مادري مامفكره بهيج موضوع

منير اني راح اخابر ابوج واتفق ويا هل الشهر الزواج واني مكمل الغرفه بس الذهب وغراضج تجيبيهن

ريحانه الي انته تشوفه ..

.

غزل الحجامية

طبعا اسفه اسفه اسفففه هوواي ادري مقصرة وياكم هووواي بس والنبي النفسيه زفت هل ايام

انشاء الله هل مره اكدر اكملها باسرع وقت لانو هل مره صدك صارت بدون ملح ادري جاي اتاخر هوواي بالنشر

وادري بيكم تتحملوني 😍😘😘

وبطله القصه تزن ع راسي ولج يله ولج يله هسه بارت والله واللله باليل بارت ثاني لعيونكم واريد منكم تتوقعون الاحداث الي تجيي شتكولون شرااح يصيرر

اسفه مره ثانيه ع التاخير ويارب تكون القصه عاجبتكم وانشاء الله بهل  اسبوع هي مخلصه واتمنى تشوفن القصص مالتي البقيه وتنطوني رئيكم تيحاتي ...

..

غزل الحجامية 👉

.

الم الرأس الذي يأتي بعد البكاء هو بمثابة عتاب من عقلك لتفاهة مابكيت لأجله 🤒💔

..

منير اي عادي اني اتصل بابوج ونتفاهم اني ويا ونخلي الزواج يصير هل شهر

ريحانه الي تشوفه انته بس منير اني بعدني كلشي ماعرف عنك يعني حتى بيتكم مشايفته خطوبتنه مصارلها سبوع

منير انتي بكيفج حبي اني ماجبرج بس اكلج ليش تسوين ضغط على نفسج اذا اداومين بدايه زواجنه راح تعبين نتزوج هل شهر

علمود تاقلمين وقتج بين البيت وبيني ..

ريحانه افهمك منير بس اذا تزوجنه هسه ممكن يعني ممكن

منير افهمج ممكن تصيرين حامل لا حبي لا تخافين ناخذ حتياطنه شتكولين

ريحانه منير انته حجي وي ابويه ويصير خير

منير والله حبي اني اشوفه هذا افضل حل  ماتعبين بي

ريحانه زين اذا ماكدرت اوفق بين الدراسه والبيت وبينك اشلون

منير لا توفقين وداعتج اني وين اروح لعد هم اساعدج

ريحانه هيه بس بالبدايه تساعدني بعدين الله يعلم شسوي

منير لا حبي وداعتج اساعدج شعندي غيرج منتضرج تجين لبيتي ع احر من الجمر

ريحانه انشاء الله زين يله اني اروح اكمل شغل

منير واني راح احجي وي ابوج

ريحانه ماشي

..

سديته منه وبقيت احجي وي روحي فعلا كلامه صح اذا نزوج هسه اتاقلم ع البيت بسرعه واعرف طبعا حتى من تجي

الدراسه اعرف اشلون اوفق بينهم زين والدته اشلون عادي اذا نتزوج هاي الفترة اعرف شنو تحتاج واني هاي ثاني سنه اليه مالازم اتاخر بي شي

هذا مستقبلي اني جنت منتضرته وانشاء الله منير يساعدني

صح خطوبتنه مطولت بس احس روحي نجذبت اله ماحبيته بس نعجبت بشخصيته

بس عود ليش محبيته ؟ بس حقي تره مصارلنه سبوع من نخطبنه وماجاني منهد العقد مالتنه بس بالتليفون نحجي والصور يعني ماكعده

يمه علمود اعرف طبعا حقي لحد هسه محبيته

هبه الحلو بيمن صافن

ريحانه ههههه مصافنه بس افكر

هبه بشنو

ريحانه والله يا ام اسد ماعرف شكلج بس منير حجه وياي بموضوع

هبه شنو هو الموضوع ياستار

ريحانه يكول ليش منخلي زواجنه هل شهر

هبه هو خوش فكره بس شعجب هيج قرر فجاءة مصارلكم هواي بس سبوع

ريحانه يكول علمود اتاقلم وي البيت بسرعه علمود من تجي الدراسه مانصدم

هبه خوش فكره صح احسلج ياعيني من هسه تعرفين طبعا طبع امه البيت ومن هسه تنضمين وقتج ع هل اساس

ريحانه اي هو هم هيج كال راح يخابر بابا ويحجي ويا

هبه اي خير انشاء الله

ريحانه اذا وافق ابوي اخلي يخابرلي اسد علي واحجي ويا بنفسي شتكولين

هبه اي لازم تكليله عود خابري واحجي ويا

..

ثاني يوم الضهر ع الغده وابويه فتح الموضوع وياي

فارس بويه تره خطيبج حجه وياي البارحه وكال اريد اقدم موعد العرس

ريحانه بكيفك ياب هو حجه وياي اني كتله شوف ببا وانته بكيفك

فارس اني اشوفه خوش حل وانتي ادرسين احسلج من هسه علمود تنضمين وقتج

ريحانه هو هم هيج كال

فارس بويه انتي مرتاحه بهاي الخطوبه

ريحانه ليش هل سوال بابا

هبه مابيها شي ريحانه يريد يتاكد منج

ريحانه اي الحمد الله منير خوش ولد وحباب ماعتقد بيوم راح يضوجني ويخليني اتندم

هبه ابوج يشوف غير هل حجي ممرتاح لمنير ابد

ريحانه ليش يابه مو انته رحت وسئلت عليه بنفسك

فارس اني صح سئلت عليه بنفسي بس الي يعاشر غير الي يسال اني اشو كلبي ممرتاح اله

ريحانه بكيفك يابه تريد نلغي كلشي من هسه ومادام النهر ضيك معبره ع كولت اسد علي

فارس اني ماكتلج هيج علمود تكولين نفض كلشي اني حجيت وياج علمود اعرف رئيج مرتاحه ويا

ريحانه اي يابه مابي شي منير خوش ولد

هبه ياحجي مادام هيه مرتاحه هايهيه الحمدالله احنه شنريد اكثر من هيج

فارس راح اردله خبر لعد

هبه بس حجي همه لحد هسه معاقدين محكمه بس سيد

فارس عادي يمعوده اكو بيهم يخلفون يله يعقدون وانشوف هو شوكت ناوي يعقد

.رد بابا الخبر لمنير وقررو بعد اقل من الاسبوعين يكون زواجنه هو ماعنده شي البيت والغرفه كامله بس اني اكمل شغلاتي

منير اتلحكين والله هنه ملابس وذهب والصالون ماعندج شي

ريحانه زين اشوكت اجيبهن ذني السوالف

منير بكيفج انتي شوكت يعجبج تجيبيهن اني ادزلج بيد اطياف الفلوس وشوفي منو يروح وياج وجيبيهن

ريحانه ليش ماتجي انته وياي وع ذوقك وذوقي

منير ههههه مالي خلك هيج سوالف وانتي اذا رحتي لازم وحده تروح وياج واني ماعرف اهلج كلهم

ريحانه مو علمود اعرف ذوقك بالبس شجيب يالون

منير انتي شتلبسين حلو عليج

ريحانه اممم ماشي اكول لام اسد شوكت انروح وادزلك خبر

منير ماشي

ريحانه اني انزل اشوف ام اسد لانو سمعتها تصيحني

منير ماشي حبيبتي الله وياج

..

ريحانه ها ام اسد صحتيني

هبه ابوج جاي يحجي وي اسد علي مو ردتي تحجين ويا

ريحانه اي

ريحانه كعدت يم بابا اسمعه يحجي وي اسد علي ويباوعلي ماعرف شحسيت اشلون راح احجي ويا اشلون راح اكله نخطبت

احس الدنيا توقفت بيه ونضرات بابا اليه غريبه

نطاني بابا التليفون

اسد علي الوو

ريحانه هلو اسد اشلونك

اسد علي الحمد الله ريحانتي اشلونج شخبارج

ريحانه الحمدالله بخير انته شلون صحتك اشلون متاقلم يمك

اسد علي بخير الحمدالله مشتاقلج ولج ليش لحد هسه متخابريني متسالين عليه

ريحانه وداعتك اسد كلبي يوجعني كل ماشوفهم يحجون وياك ماكدر احجي وياك انقهر

اسد علي واني انقهر من ماتحجين وياي ولج اشتاقيت لفهاوتج

ريحانه فدوة رحتلك طورت فهاوتي صرت احسن

اسد علي هيه الفهاوه بس الج يمعودة اشلونج امي اشلونها

ريحانه زينين الحمدالله مناقصنه غيرك تمنيتك وياي بهل ايام

اسد علي ياخبيثه بس بهل ايام

ريحانه اسد اني نخطبت

اسد علي شنوو

ريحانه اني نخطبت قبل سبوع وبعد سبوعين لزواجي

اسد علي صدك تحجين ريحانه

ريحانه اي وداعتك تمنيتك يمي هل ايام وانته تسلمني بيدك مثل مسلمت شذى

اسد علي ...

منين تعرفينه

ريحانه حماها لصديقتي

اسد علي حبيتي

ريحانه ههههه تدري بيه مومالت هيج سوالف مصارلنه سبوع من نخطبنه

اسد علي المن نخطبتي لعد ريحانه

ريحانه القسمه من تحجي بعد

اسد علي وليش مكتولي ليش ضامين عليه

ريحانه اني مكدرت اكلك لانو ستحيت منك انته بالسجن واني اخطب وفرحانه وانته تدري بمعزتك عندي احس قطعه من روحي راحت مني من رحت

اسد علي مع سلامه ريحانه شايفه كل الخير

ريحانه وين بعدني مشبعت منك

اسد علي الولد يريدون التليفون مع سلامه سلميلي

ريحانه الله وياك دير بالك الى نفسك

..

فارس ها شكلج

ريحانه كال الولد يريدون التليفون

فارس اي مو هو مالت اصدقائه

هبه شلون شكلج بخير

ريحانه يكول زين وسئل عليج

هبه بعد روحي يايمه  اني برة واشتم الهوة وانته مخنوك بالسجن

ريحانه حكم الله ام اسد شنسوي

هبه ونعم بالله شكلج على خطوبتج

ريحانه زعل بالبدايه يكول ليش ضامين عليه بس بعدين كال شايفه كل الخير

هبه الحمدالله

..

ريحانه من حجيت ويا صدك حسيت روحي مو كامله صح هو عصبي ونفسيه بس حنين اسد علي ماكو مثله مره ام اسد كالت اسد علي ماكو منه كتلها

كولي غيرها ام اسد اسد علي ماكوة منه بس صدك هسه طلع اسد علي ماكو مثله من راح يله حسيت بحنيته عليه من ماتعشه يسال

تعشت لو لا  من اطول بالنوم يصعد لو يدز شذى يشوفني شبيه من اوصي ع موطه لو ع حلويات يجيبلي من يشوفني ضايجه

يعاركني بس علمود يشوفني شبيه

...

دزينه خبر لشذى ع عرسي وخبر لساميه ولمرفد وام حسين وهبه عزمت الجيران ع حنتي شذى كالت اجي قبل الحنه بيوم ومرفد والبنات كالن نجي بيوم الحنه وساميه كالت همين اجي وي البنات

رحت اني واطياف وهبه جبنه الملابس كلهن بيوم واحد والمكياج والذهب

قبل الحنه بيوم رحت للصالون حجزت البدله مالت الحنه لون بيجي تجنن وبيها ورد لونها فد شي والبدله مالت العرس همين تخببل تخبل اطياف ذوقها حلو ساعدتني هوواي اشياء

..

شذى كبر غير تاخذين صورة للبدله اشوفها

ريحانه ولج مو شرحتلج شكلها بعد شيوي نسيت اخذ صورة

شذى اني مايفيد الشرح وياي

ريحانه عوفي البدله هسه شعجب راح تباتين تريدين تموتين

شذى لا والله عمتي رزلتني كالت عيب هيه وكفت وياج بعرسج وانتي ماتوكفسن وياها لازم ترحين

ريحانه ياحقيرة يعني لو ماعمتج ماتجين اليوم

شذى ريحانه يعني تقبلينها ابات بحضنج نو بحضن حسونتي ولو هو مايحضني بس يله المهم المثل

ريحانه الله يطيح حضج وحضه ولج صدك الحمل لايكلج ترة صايرة حلوة تخبلين انوب خدود خدود صايرتلج

شذى الله واكبر عيونج على كيفج شبيجج تحسديني

ريحانه صدك شسويتي

شذى والله مسويت شي اصلا ممركزه صدك عود متغيرة لو تضحكين عليه

ريحانه وروح امي متغيره صايرة تخبلين ملامحج بارزه وبيضانه حتى شوفي

خليت ايدي يم ايدها فرق صح اكو بس قليل

شذى ول يعني صدك اني بيضانه وصايرة هيج حلوة مادري

اشو حسين يكلي بعدج زركه مثل مانتي

ريحان سم ابكلبه يارب خيولي تخبلين والنبي ملامحج صايرة تخبل شايفه الاجنبيات اشلون سمرات وملامح انتي هيج صايرة

شذى اي اني هم احس اكو فرق صار بس حسين ماملاحض

ريحانه اندري انتي على شنو تحبينه هل عقدة هذا خرب لو عندي اكضه واحركه

شذى لا ريحانه حباب والله

ريحانه دولي حباب هوة

...

هبه ولجن كووومن بسرعه تاخرتن اليوم وراح يجن البنات

ريحانه اي اي ام اسد كايمه

شذى شعجب خالاتي بعدهن مجايات

ساميه ويننن البنات كلللووووششش

ريحانه ها يالفكر هاي صوت ساميه اجتي كومي

شذى عيوني قويه ليزر هههههههه

كمنه غسلنه ونزلنه لكيت ساميه ومرفد والبنات جايات وام حسين وخواته كلهننن

سلمت عليهن نور ورهف  وسهام فرحانات بيه بس خوات حسين لا شايطات عبالك جايات غصب

ساميه ولج شبسرعه ملابس الخطبه بعدنه مغاسليهن

ريحانه ياا صارلهن شهر يعني بالغساله

ساميه اي شفتي شكد نادرة اني

ريحانه اي كلش اكو شذى عليمن جانت طالعه هههههه

ام حسين لا عيني جنتي نادرة ماكو منها ثنين

ريحانه اكيد وين اكو مثل شذى

نور ولج جبت ملابس يخببلللا روحي وتعاي وشوفينه اله تموتين

سهام انجبي اني احله شي يي

ريحانه شو شوفني

سهام لا لا

رهف لا طبعا من تجين ومحضراتلج مفاجائه

ريحانه شنو هيه

رهف من ترجعين انتي ومنو تروحين للصالون

ريحانه شذى تروح وياي اكيد

هبه بس هيه وشذى انتن رتبن البيت وياي

رهف اي خاله اكيد يله ريحانه بيش ساعه تروحين

ريحانه بعد ساعه تقريبا واروح

هبه دصعدي جيبي الذهب خلي يشوفنه قبل لا تلبسينه

ريحانه اي

ساميه شعجب استعجلتو

هبه احين علمود تتاقلم وهيه دراسه حتى تتعود على الوضع

مرفد احسن الها

جبت الذهب ونزلت الهن

ساميه اللهم مصلي على محمد يخبل ومبين زين

ريحانه ذوق اطياف حماتي

ساميه ولا زين يخببل

ريحانه اي اني عجبني كلش

مرفد ايطالي موو

ريحانه اي هيه مرضت نجيب غير شي كالت الايطالي احسن شي

شذى دكومي ولج اخذي واصعدي كملي نفسج علمود نطلع

منو يوصلنه

ريحانه مادري انشوف بابا

صعدت بدلت واخذت الذهب ورحت اني وشذى بابا وصلنا للصالون وكال من نكمل مخابرة

لبست البدله كلللها صفنت عليها بدت تمكيج اليه وشذى بدلت فيتان بنفسجي يخخخبل منفوش من فوك فاتتح ونازل تدرجات البنفسجي وشال لفته بطريقه كلش حلوة ومكياج وهه حامل صارت تخبل

مكيجتني وكل اشويه اخذ صورة وشذى تاخذلي يخبلن صارن كملت مكياج بس ملبست الذهب ام الصالون كالت عوفي زوجج يلبسه الج اليوم

وصدك ضمته شذى خابرت ابويه اجه اخذنه ساعدني اصعد بالسيارة وشذى تشغل بالاغاني وتصيح تذكرين بعرسي شسويتو بيه انتي واسد علي وتركص وفرحانه وكفنه يم سيطرة  ازدحام

وكفت يمنه سيارة شباب ثنين

سحلو روحهم على شذى

شذى يااا ولج ريحانه صجموني صدك يعني صايرة حلوةةة

وصلنه اول منزلتني شالت البركع وكامت تسمي بوجهي وتهفي بعدين هلهلت والبنات كلهن هلهلن باوعت البيت يخببل مسوياته بنص الاستقبال كوشه مسويات تتتخبل والورد والطبله مقابيل يعني شي خيال

البنات يركصن وفرحانات ونور ورهف وسهام يكللي دوسي على رجلنا بعدين نزعني الحذاء وكامن يكتبن اساميهن

ساميه دهر صابجن ولا تستحن

هبه دعوفيهن يمعودة عادي هنه مصيرهن الزواج

اشويه ودخل ابويه باس راسي واخذ وياي صور وطلع علبه بيها كلادة وبيها قران تخببل القران كلش جبير اول مشفته دمعت عيوني بس راسه وهو حضني واجتي هبه هم باستني

وشذى ولج هذا شكله ثكيل مو ينضحك عليج وينباع ثاني يوم العرس

نور هواي ثاني يوم العرس بيوم العرس يكللها اوفي ديني يعني باجر

ساميه ولجن عوفنها البنيه معليجن بيها

شويه واجه منير واهله كلهم لبسن حجابات وخلن شالات ع جتفهن طبت اطياف  هيه وكرايبهم امهم مجايه  وكرايبها تهلهل

دخل منير لابس قاط نيلي يخبل وقميص يجنن يجنن كعد يمي وكلهن صفنن عليه واطياف ججابت الكيك والعصير شربته وشربني وفرحانه صدك جنت اني بس ماعرف ليش

بعدين شذى جابت الذهب نطتا لمنير لبسه اليه بس كلشي محجه ساكت كلت يمكن خجلان من البنات

كمل اخذنه صور وطلع اطياف اجتي باستني 

اطياف الف مبروك

ريحانه الله يبارك بيج

اطياف ريحانه الزواج حض وبخت سامحيني

ريحانه على شنو اسامحج

اطياف على اي شي يمكن اني حجيته وياج

ريحانه شبيج اطياف صاير شي

اطياف لا بلعكس بس كلت اخاف زعلانه مني سامحيني

ريحانه لا حبيبتي على شنو ازعل

باستني وطلعت وراهن

شذى هاي شبيها اشو مرتاحيت الها

ريحانه اندري

هبه عادي يمكن همه هيج عاداتهم

......

هنا وخلص البارت

غزل الحجامية

..

⠀⠀

⠀⠀

‏و كأنها إِبتلعت آلة موسيقية ليبدو صوتها

بكل هذا الجمال . 😴🎷

هبه يمعودات لا تكبرنها يمكن همه تقاليدهم هيج كلمن وحجيه

ساميه لا عيني شنو الحجي مو هيج شنو سامحيني شنو موقصدي بس لا اخوها بي شي

شذئ دكافي يمعوده همه الزلم كلهم هيج موزين هيه دكلج من البدايه اخوها شلونه هيه صح مجابتها الج بالمباشر بس لمحتلج وع العموم الزلم كلهم الله غاضب عليهم مو شي جديد

مرفد دكومن كومن شغلن اغاني شي شبيجن بنجرتن

ريحانه كامن البنات صدك ركصن وفرحانات نسن الحجي  اصلا بس اني بقه ابالي ليش هيج كالت زين اكو وحده

تحجي وي عروس هيج بيوم حنتها يعني اني خايفه وهاي تخوفني بالزايد

هسه شسوي اخابر منير واساله لو اغلس ع كولت شذئ كلهم الله غاضب عليهم

افكر واجتني شذئ درت بيه خفت بقت تحجي وياي  واطمني

شذئ ولج لاتفكرين بالموضوع موزين اعترفتلج من البدايه مثل حضي

ساقط ودايح وسرسري واحبه ومانطي بي عادي انتي اعرفي علمود ماتنصدمين

ريحانه خاب اسكتي بس اني انصدم بيوم حنتي يعني اذا اريد افلت شسوي هسه ماكو حل

شذئ يا اذا انريد نفلت جان كلنه فلتنه وماتزوجنه جا همه الزلم كلهم هيج

رهف لا عيني حبيبي مو هيج بس زلمجن هيج

شذئ دسكتي ماريد احجي اذا ازوجج اذكريني وكولي شذئ كالت

رهف هوووو انتي هيي لا تخوفينه شبيييج

ساميه ولج شجاي تحجن كوومن النسوان جاي تروح كومن 

شذئ منتبه ب كل عرس ساميه ترزل بينه

ريحانه ذاك العرس اني ترزلت هسه انتي

نور يوم الي الي وعادي حتى لو عروس رزلوني

شذئ دهر صابج هيج مفلفله ع الزواج

نور نتعلم منج حبيبتي

شذئ يمه اني هيج جنت مفضوحه واحجي

ريحانه واكثر وداعتج

شذئ يعععع لو يرجع بيه الوقت بس 5اشهر هم هيج احجي وافكر

ريحانه تبتي موو

شذئ لا حسوني حباب  فدوة لكلبه خلي اخابرة

ريحانه عزة العزاج

نور عدها قابليه بالحب موطبيعيه

ريحانه يمعوده الله يحفضهم هو حسين مدري شلونه وين يلكي مثل شذى بنيه تحبه

نور يمعودة شذى حتى صايرة حلوة حليانه كلشش مساعه سمعت خالتي ام حسين تكول لام شذى بناتي صايرات يغارن من شذى

ريحانه هنه دومهن هيج يمعودة غيورات وحقودات

نور الله يطيح حضهن وهيه شايفتهن امي تسولف دكول حنينه عليهن ومتخليهن يشتغلن ابد

ريحانه هيه هاي الجنه الزينه محد يريدها

ساميه ولجن شسولفن انتن كومن للنسوان

نور اي اي كمنه

كامن البنات يسلمن ع النسوان الي طلعن بعدين رتبن البيت مقبلن ابدل كالن ناخذ صور يله يله

نور اني اول وحده البس البدله والله

ساميه خفه خفه

شذى بنات اخذنها البدله واصعدن فوك والبسنها كلجن

ريحانه اي صدك كومن نصعد بغرفتي

صعدنه بقن البنات يلبسن وياخذن صور واني افكر بموضوع اطياف ليش هيج كالتلي صدك خفت من ججيها الله يستر

..

شذى يله ريحانه كومي حبيبتي

ريحانه بعدني نعسانه والله

شذى دكومي اتاخرنه كومي البنات كلهن كامن

ريحانه باوعت البنات كايمات وشايلات فراشاتهن وبس اني نايمه

ريحانه هاي شوكت كعدتن

شذى من وقت بس عفناج نايمه

ريحانه هسه ح اكوم

كمت غسلت لكيت شذى ترتب بغراضي

شذى ترة غرفتج جاهزة كلش بس هاي كم شغله اخليهن بجنطتي وهناك انطيهن الج شتكولين

ريحانه اي ماشي

شذى بسرعه بدلي وننزل نتريك ونطلع باعي ناخذ منو من البنات ويانه

ريحانه الي تريد تروح خلي تجي

شذى لا يمعودة سيارة تجينه من يكول تكفي النه كلنه

ريحانه مادري شوفي منو يريد يجي ومن يرجعنه

شذى ماشي هسه اني انزل واشوفهن

ريحانه بدلت والارتباك بدة عندي يعني البارحه الحنه مرتبكت هيج يمكن كل البنات ارتباكهن يصير بالعرس مو بالحنه

وكلام اطياف خوفني اكثر بس يمكن اني كبرت الموضوع يمكن صدك همه هيج تقاليدهم

لا تخلين هيج شي ياثر عليج اليوم عرسج وهاي الحضات متتكرر لازم اعيشها لحضه بلحضه

جاي ارتب بوجهي

ودخلت شذى

شذى اي خويه بخير اذا انته بخير .. الحمدالله .. لا زين وياي تدري بي انته ... ليش خويه .. لا لا ممقصر .. اي انشاء الله مبقه شي ... تطلع وداعتك تطلع وتصير سوالف ... اي اي هاي يمي .. اي هاي وياك

ريحانه عرفتها من حجي تحجي وي اسد علي

نطتنيا حجيت ويا 

ريحانه الوو

اسد علي الوو ها عروسه اشلونج اليوم

ريحانه زينه الحمدالله انته شلونك

اسد علي بخير الحمدالله خو ماخايفه

ريحانه مرتبكه اسد علي تمنيتك يمي بهيج يوم

اسد علي اني اتمنى اموت قبل هل يوم

ريحانه لا اسد خايفه والله كلش خايفه  ومرتبكه

اسد علي لا ماريدج تخافين هاي القسمه واريدج ترفعين راسج ابوج اليوم وكل يوم وتنسين الفهاوة

ريحانه انشاء الله

اسد علي ولو اني ادري بيج الفهاوة بدمج

ريحانه لا اسد هسه اني بمرحلت نضوج هههه يعني الفهاوة وحدها راح تروح

اسد علي احله شي بيج فهاوتج ريحانتي المهم اليوم يومج افرحي واتونسي

ريحانه انشاء الله يوم الك

اسد علي مشكورة يله مع سلامه

ريحانه الله وياك

سديته ونطيت التليفون لشذى

ريحانه منو خابرة

شذى هو خابر وكال ماكدر احجي نطوني ريحانه اسلم عليها

يمه يهل ولد كاسر كلبي بعد صغير وللسجن شنو ذنبه

ريحانه الله ويا انشاء الله مبقه شي ترة

شذى يمعودة يامبقه شي بعد6 اشهر

ريحانه يمرن يمرن

نزلنه رحت بس اني وشذى البنات كالن نمكيج بالبيت مكياج خفيف لانو زفه ويطلعن يستحن وبابا كال اني اجيبجن

وصدك رحنه واخذت ذهبي وياي لكينه هوواي عرايس هناك وهوسه صاير المكان كعدت اني وشذى نباوع بالمجلات ونختار المكياج

والتسريحه الي تصير وي البدله مالتي

اختارينه اجه الدور اليه كعدت وبدة الارتباك يرجع خفت اشوويه مو هوواي بقت البنيه تميكج بيه بعدين اجتي لشعري سوت التسريحه رفعته كله ونزلت بس من

كدام كم خصله ومن ورة ع شكل باقه ورد صار يجنن ولبستني التاج بعدين شذى مكيجت مكياج يجنن صارت

وبدلت خابرت بابا قبل لا نطلع لبستني الذهب مالتي

اجه بابا طلعنه اني وشذى ساعدتني بالسيارة

وبابا مبين عليه يبجي واني همين مسيطرت بجيت من شفته

شذى ترة مايصير هيج المكياج راح يخرب والله

حجي لا تبجي البنيه جاي تبجي وياك

بقت تسكت بيه بس دموعي وحدهن ينزلن

وصلنه تلكنه البنات يهلهلن شافني باجيه وهم بجن

شذى طبعا والله ولا تستحن شنو هل بجي هذا عود شيسمونها مكياجها راح يخرررب

بقت تسكت بينه كلنه سكتنه وشغلن اغاني شربني مي واخذنه صووور كوومه بيومها اشويه وشذى ختفت

راحت نور ادور عليها جابتها لكتها بالمطبخ تبجي ماتريد تبجي كبالي

حضنتني وبقينه نسولف سدن الاغاني وكعدن يمي يسولفن ويضحكن

بعدين اجتي هبه باست راسي وكعدت يمي تسولف وتضحك وياي

ساعه ونص تقريبا وكالو اجوي الزفه  كامن البنات لبسن الحجابات على جتفهن دخلت اطياف ونسوان هووواي يهلهلن وفرحانات نسيت كل شي الارتباك الخوف

بدن يركصن ويحجن كولات صارت كللش هوسه دخل منير وابويه ابويه باس راسي وكعد منير يمي ضربني بجتفه

منير الحلو خايف لا

ريحانه خجلت معرفت شجاوبه بس باوعتله يضحك

اطياف شيل البركع منير خلي نصوركم

منير اذا اشيله اي واحد يباوع ينطيني الف وجه مرتي حلو

شذى يا يا وهيج رخيص وجه مريتك وبس الف تاخذ

منير لا ادري بيجن حدايق كلجن

شذى همزين من هسه نفتح الدفاتر حتى مدكول غشيتوني وغشيتنه ههههههه

بقه يحشش ويسولف وي البنات اجه بابا وكومني حتى يطلعني وي منير وصلت لبابا الشارع وخفت لزمت ايد ابويه قوي هو خله ايده على ايدي وصعدني بالسيارة

منير مشكور عمي

الحجي دير بالك عليها تره هيه الوحيده العندي وهيه اني اضمن الك راح ادير بالها عليك

منير بعيوني حجي بعد صارت مرتي وانشاء الله نعيش احله عيشه

الحجي انشاء الله بني

.

صعد يمي ومشت الزفه الكل يركص واغاني اني البركع كلشي ماشوف من ورا

طولت الزفه سيارات هووواي ولد يركصون اصدقاءه وبناتنه بسيارة وحدهن وصلنه للمصور نزلت وياي شذى وهبه ساعدني بعدين

اجتي اطياف بقن واكفات دخلت بس اني ومنير اخذنه صور حركات تجنن

هو صار ياخذ ويكول للمصور هيج اريد وهيج اريد عبالك محضرهن

بعدين دخلت شذى وهبه اخذنه سويه بعدين اطياف همين اخذنه صور فوك ال 18 صورة اخذنه والحركات تجنن

طلعنه من المصور ساعدتني شذى صعدت للسيارة ومشت الزفه نص الطريق وكفت السيارات نزلو الشباب يركصون ويضربون طلق بالجو

بعدين تحركت السيارات ربع ساعه تقريبا وطبينه للبيت البيت مو كلش جبير وهاي جانت اول مرة اشوفه اول مدخلت حديقه صغيرة بنص الكراج

ومقابيل باب الشارع الاستقبال وبعدين اكو باب وبي شبابيك هوواي مبين مطبخ

ذبحو الدجاجه جوة رجليه وطبينه اني ويا البنات يهلهلن وفرحانات بس نور وشذى وبناتنه لا مركصن كالن عيب بس كعدن يمي

بدت بناتهم تركص والكل يباوع عليه وعلى منير بقه كاعد يمي ويسولف وياي وي بناتنه وهنه نطلقن بالحجي

  منير شوفي هذا الدرج

ريحانه شبي

منير نصعد منه لغرفتنه

ريحانه ....

منير لا ترة مو وقت السكته يومنه طويل كلش

شذى هاا شتحجون

منير منحجي شي 😉

شذى يله مجربه اني هاي السوالف حجاهن وياي حسين بيوم العرس

منير لا اني سوالفي غير

شذى ليش ماركه مثلا

منير تشوفين بعدين

عافنه وطلع وبدن البنات يسولفن وياي ويضحكن مطولت بالكعده لانو المغرب راح ساعه 6 ونص زفوني للغرفه اني ويا والبنات

صعدن وياي

هو بس دخل وبقه كاعد والبنات خباثه بقن كاعدات واني مصدكت كعدن لانو رتبكت وخفت

نور ولج شبيج صرتي صفرة

شذى عوفيها مماكله شي

اطياف هسه انجيب الاكل وياكلون على راحتهم

شذى اي عفيه وجيبيلنه النه همين ترة مماكلات

اطياف تاكلن هنا

شذى اي شكو بيها غرفت اختنه العريس ماعنده مانع صح

منير لا بس راح اخذ ملابسي وانزل يم جماعتي عيب

شذى اي براحتك

صدك اخذ ملابس وراح واطياف لحكته

شذى ها شنو رئيج خلصناج موو

نور اي يمعودة رب الخلصناها شوفي وجها اشلون صار اصفر هسه يله رتاحت وبدت تتنفس

ريحانه ولجن اسكتن خفت والله هاي كلمن تزوج هيج

نور اني ممجربه بعدني اسئلي شذى

شذى اني خفت بس مو هيج

اطياف ها بنات

شذى اي اجيتي بوقتج متت جوع

اطياف اي تفضلن وخلن العروس تاكل

شذى اي طبعا اكعدي ويانه انتي

سهام اي اكعدي اكلي

اطياف لا حبايب بالعافيه اني اكل جوة

..

شذى هاي شبيها ساعه فرحانه وساعه مخطوف لونها يمكن رجلها يرزلها كل نص ساعه

نور ولج اي صدك مو جانت تضحك شمالها هسه

شذى كومي ريحانه بدلي وتعاي اكلي

ريحانه اي تصدكن جوعانه

كمت طلعت دشداشه لون وردي ردت البسها

شذى يا ولج شسوين البسي سيت النوم مالتج لاتلبسين هاي

ريحانه لا استحي شكلها مخلع مالبسه

شذى واذا ريحانه لازم تلبسينه اليوم البسي واسكتي

ريحانه وروح امي مالبسه لو شيصير

نور عوفيها على راحتها من تريد تلبسه تلبسه

كمت لبست الدشادشه وبقيت المكياج والتسريحه وكعدت اكل وي البنات

شويه ودز عليهن كالو راح يرجعون سلمن عليه ونزلن وبدة البجي يبوسني ويوصن بيه ويبجن ومحد يمنه بس احنه سلمني عليه وراحن

بقيت وحدي بالغرفه شلت الاكل خليته على الميز ردت اطلع بس استحيت

كلت يجي منير يله

بقيت كاعده على الجربايه حرت شسوي فتحت الكناتير بقيت اباوع على الملابس مالتي ومالت منير

فتحت التلفزيون اريد اضيع وقت واضيع الاترباك والخوف مني

بدة الهوسه تخف الصوت بدة يختفي محد صعدلي ساعه 11 ونص ومحد صعد يمي واني ميته تعب حتى منير مصعد

نمت بدون مادري ماحسيت على نفسي اصلا اجتني من الله

فزيت ساعه 8 ونص على صوت منير

منير كومي اهلج جوة

ريحانه اي صباح الخير

منير صباح النور

ريحانه باوعتله شكله متعصب ماعرف ليش يمكن لانو نمت البارحه بس هو ماصعد باوعت على الجربايه اصلا منايم بالغرفه بس اني نمت على الجربايه بالكاع

ماكو فراش يعني مصاعد للغرفه اصلا ليش متعصب لعد

شصاير

كمت غسلت وجهي وبدلت نزلت ملكيت احد منير نازل جوة واستحيت انزل وحدي بقيت واكفه على الدرج انزل لو لا ياربي هسه شنو اسوي

منير محتاجه عزيمه ماتنزلين

ريحانه هاا

منير انزلي اهلج راحو كالو متاخرين

ريحانه اي

نزلت رحت للغرفه الي مقابيل الدرج غرفت امه طبيت مره كاعده على جربايه غرفتها بسيطه بيها بوفيه وبردات وجربايه وميز عليه

تلفزيون

طبيت بست راسها

ريحانه صباح الخير خاله

الحجيه هله هله صباح النور يمه

ريحانه تريكتي

الحجيه لا يمه انتي اخذي ريوكج اتريكي وي رجلج واني تجي اطياف ونتريك سوة

ريحانه ليش خاله خلينه نتريك سوة

منير يمه اني طالع

ريحانه طب منير مباوعلي اصلا حجه وي امه شنو يطلع اليوم اول يوم لزواجنه ويطلع شكوو

الحجيه وين يومه

منير للشغل يعني وين وترة اليوم اطياف متجي

الحجيه تريك وي مريتك يايمه واطلع

منير ماشتهي مسدوده نفسي

الحجيه ياستار

عافنه وطلع بدون ميحجي شي اني بقيت صافنه والحجيه عيونها تمشي بكل مكان ولانو هيه ماتشوف مشافتني واني دمعت عيني بس حست بيه

الحجيه يمه صار شي البارحه بينكم

ريحانه لا خاله مصار شي

الحجيه شبي من الصبح متعصب

ريحانه مادري والله مثلي مثلج

الحجيه اخاف مسمعته حجايه

ريحانه خاله اصلا مشفته البارحه مصعد يمي

الحجيه يااا شنو جا وين نام اليل كله

ريحانه والله مادري اني من شفت غرفتج عبالي نام يمج

الحجيه لا يمه من البيت خف الهوسه عزلو البيت وراحن البنات هو جاني وكال صاعد فوك

ريحانه والله مادري اني الوقت اتاخر ونمت كعدت على صوته الصبح

الحجيه يمكن اجه وانتي نايمه وماراد يكعدج انتي تعاي نتريك سوة وشوفي البيت عرفي

غراضه انتي مشايفته وسوي الغده هسه شويه ويجي ويايمه لو اشوف اني جان سويت الغده انتي عروس مايصير تسوين شي هل اسبوع

ريحانه لا خاله لا تحجين هيج شعندي قابل هو صار بيتي

الحجيه الله يحفضج يايمه

ريحانه كمت جبت الريوك الي جابو اهلي اليه وكعدت يمها تريكنه سوة وهيه تسولفلي على منير وعلى البيت

وعلى زوج اطياف

ريحانه يعني هو كرايبكم

الحجيه اي هو ابن اخت رجلي الله يرحمه

ريحانه ممسولفتلي اطياف عليه ابد بس الي اعرفه عدها ثنين ولد

الحجيه اي يوسف ومحمد اصغار

ريحانه الله يحفضهم اني كملت اجيبلج مي تغسلين

الحجيه اي يمه

ريحانه كمت جبتلها مي غسلت وشغلتلها التلفزيون على قران بقت تسمع بي واني شفت البيت

المطبخ بي كاونتر وثلاجه والسينك مرتب بسيط ومرتب وشباك مقابيل باب الشارع والاستقبال بيها تخم بسيط ومفروشه مبين محد يدخللها بس شفت تخم عليه مخده عرفت

منير نايم هنا البارحه

زين ليش مصعدلي شكوو

بقيت افتر بالبيت شفت الحمام اكو حمامين واحد جوة والثاني فوك وبس غرفه وحده فوك وجوة الدرج مكتبه

اذكرت نبراس من جانت تسولفلي عليها وتكول اكعد بيها واقرة

رحت كعدت يم الحجيه معرفت شسوي

ريحانه اكلج خاله بيش ساعه يجي منير

الحجيه وي الصلاة يصلي ويتغده وينام ووالعصر يرجع لشغله

ريحانه مابقه شي ويجي زين خاله شسوي غدة اني ماعرف هو شيحب

الحجيه منير كلشي يحب مايكول لا كومي انتي للثلاجه وشوفي شنو بيها

ريحانه اي تمام

كمت للمطبخ شفت ياقي اكل هواي مالت العرس كلت اطلعه عادي ياكل اكل بايت

رجعت للحجيه

اكلج خاله ..تاكلون اكل بايت صح لانو اكو اكل مالت العرس

الحجيه اي يمه عادي

ريحانه يعني ماسوي شي لانو كله موجود

بقيت كاعده يمها تسمع قران وتسولفلي على رجلها وعلى ابنها الله يرحمه وعلى نبراس

الحجيه الله يرحمها لعبت بروحها يايمه

ريحانه شلون يعني خاله

الحجيه يايمه البنيه لازم تكون تعرف شتصرف شسوي نبراس ندفع وماعرف هيج شسوي بروحها لحد ماماتت

ريحانه ليش هيه شنو سبب وفاتها

منير السلام وعليكم

ريحامه والحجيه ..وعليكم السلام

الحجيه هله بالعريس هله بله يمه عايف هل كمر وطالع من الصبح شبيك

منير مالي خلك يمه

ريحانه بقيت اباوع عليه هذا شبي شنو مالي خلك يمه .. هيه هاي هم حجايه تنحجي

ريحانه كمت وعفتهم وصلت للباب سمعتها تكله شبيك يمه خوماصاير شي

منير لا يمه شصاير قابل بس المحل اليوم تعبني

الحجيه دكوم كوم صلي واتغده واخذ مريتك واصعد فوك

منير اي بس خلي ارتاح

ريحانه من سمعته يكول تعبان كلت خلي اغلس هيه كلمه عادي صعدت حضرتله الحمام عبالي يسبح فوك وكلت ع ما يطلع احضرله الغده

جاي اصب الغده ودخل لزمني من جتفي

منير النسوان من يجي رجلهن من الشغل ويشوفنه تعبان يكلفن نفسهن ويحضرن الحمام قبل الغده .. لو هاي ممتعلمتها

ريحانه شبيك منير ايدي جاي اتاذيني.

منير ويطبج سم هنه ساعتين اجي اتغده وانام اذا حمامج لحد هسه مجاهز شوكت انام شوكت اتغده

ريحانه لا انته بيك شي موطبيعي وخر ..دفعت ايدي منه بقه يباوعلي ورجع جرني

منير هاي دفعتيمن ولج

ريحانه منير لا تعارك ذبان وجهك حمامك جاهز فوك شدراني بيك تريد تسبح جوة وانته اجيت حتى حجايه وياي محجيت قابل اشتم ايدي

منير هسس انوب اتلاسن امشي نزلي الملابس

ريحانه تكدر تصعد تسبح فوك

منير اي انوب صعديني بيدج امشي اكلجج

ريحانه شفته يداهر بيه كلت خلي اسكت منه احسن عفته وطلعت كلت يجوز من يتعب هيج يتعصب والبارحه عرس وتعبان اشو عفته

ردت اطلع جرني من ايدي

منير لج قندرة شنو احجي وياج. وتعوفيني وتطلعين تربيه شوارع

ريحانه يووووو شبيك الخاطر الله صدك تحجي رايحه اجيبلك ملابسك مثل ماكتلي بعد شسوي اكثر من هيج خبلتني

ريحانه بعدني محاجيه ضربني راشدي معرفت بوقتها شسويله صدك يحجي هذا بقيت ساكته ماعرف شحجي ويا معقوله اول يوم عرسي انضرب

جرني من شعري

منير شوفي صوت عالي اني ماريد وتصرفاتج عدليها واذا متعدلت انيواعدلها الج تربيه شوارع

دفعني وطلع بقيت واكفه ع السينك لا بجيت ولا سويت عبالك نصدمت معقوله هيج يسوي بيه زين ليش بوقتها ماعرف ليش دورت اله اعذار ماحبيت انطي بي ساعه اكول تعبان خطيه ساعه اكول

يمكن هو يحب يسبح هنا ساعه اكول لانو نمت وعفته بيوم عرسه عباله ماحبه حتى الراشدي نسيته

....

..

تگلــي #تـهــون 😕..؟!

#بــيش تـهــون 🤔   📍

أعمى ومـاا #موجودهہ عِنـديّ عيون 😞-_-)

#تايـﮭﮧ وبـدرب مـسكون 😥🍂

،

امـشي بيـاا #درب گلـي 🔕 …

كبر #جرحي وصفـﮭﮧ بحلـي "(👋🏻

واحضنـﮭﮧ گـبال #شمـاتي 😻💕]

'

#واگلهم ههــذا اثـر خلـي ☹️💔

..

ريحانه عافني وطلع بقيت ادورله اعذار ماعرف ليش معقوله حبيته اني صح مرتاحتله ومرتاحه لسلوبه بس مو لدرجه يضربني ..

صح ع رئي امه تعبان بالشغل والبارحه عرس ..بس مو هيج يامنير

حضرت الغده ورحت يم عمتي اني اكللها خاله

ريحانه ها خاله شسوين

الحجيه اشوف العلاج مالتي يايمه

ريحانه لحضه اشوفه الج

ريحانه خليت الاكل يمها على الجربايه .. خاله ترة الاكل يمج على الجربايه مو تتحركين ..

الحجيه لا يمه حسيت بيج من خليتي ليش مصعدتي فوك انتي ورجلج تاكلين واني صبيلي وحدي.

ريحانه هذا شلون حجي خاله ليش تاكلين وحدج لعد احنه وين نروح

دورت العلاج مالتها فتحت المجرات لكيته

ريحانه هئا علاج سكر صح

الحجيه اي يمه مالت السكر

ريحانه خلي اجيبلج مي واشربي .. رحت جبت مي وطلعت لاكيت منير بوجهي ابتسمتله هو دار وجه يرتب شعرة عفته .. وطبيت للغرفه

ريحانه هذا العلاج تفضلي خاله

ريحانه بحركه سريعه منير دخل للغرفه وجر العلاج مني وكعه بالكاع..

منير محد ينطي العلاج لامي غيري فهمتي لو لا

الحجيه شبيك يمه اني كتلها

منير يمه حجيت حجايه لاتخليني اعيدها لاتدخلين بعلاج امي مفهوم

ريحانه تدلل بس اذا انته مموجود اشلون منو ينطيها

منير لا تصيرين فرد نوب معليج بيها فهمتي

الحجيه يمه شبيك استهدي بالرحمان

ريحانه عفتهم وطلعت صعدت فوك .. اني عبالي عايشه شهر عسل هسه يصعدلي يراضيني

بقيت اكل بنفسي اكل اريده يصعد يعبرني يحجي ويايه يعني هم يضربني وهم يتجاهلني .. انوب كدام والدته ليش ..

هسه صح اني نمت وعفته بس موهيج تعامله همجي وين اكو وحده اول يوم عرسها هيج تتعامل

يله الحمدالله من اول يوم اتعلم على طبعه الخره.. بقيت كاعده وافكر من يصعدلي شراح يحجي وياي اكيد راح يكلي لا تزعلين لا تضوجين مني

بس اشو هذا مصعد

شويه ونزلت جوة لكيت الصينيه بالمطبخ دخلت للغرفه مالت عمتي عمتي تسمع قران وتسبح

ريحانه خاله اكلتي

الحجيه اي يمه الحمدالله

ريحانه زين ومنير خاله

الحجيه اي يمه اكل .. يمه شبي منير اشو معاجبني وين اكو عريس ثاني يوم عرسه هيج يسوي .. مسوي شي يضوجه

ريحانه لا والله خاله ممسويه شي موسمعتي انتي كب عليه فجاءة

الحجيه الله يساعده يايمه لا تزعلين منه هو شغل وتعب هسه شويه ويهده هذا ابو كلب الحنين

ريحانه انشاء الله خاله تردين شي

الحجيه لا يمه بس طفي التلفزيون اني اخذلي نومه

ريحانه براحتج

طفيت التلفزيون وطلعت كلت اذا مو بغرفت امه وين راح

رحت للمطبخ رتبته واتغديت وافكر بي هذا شبي ...بس حقه هو ولد شاب يمكن راد تبقه كاعده نسولف نشاقه

اي ياريحانه شبيج نمتي مدكليلي احسلج هيج اخذتيلج راشدي ورزاله كبر

كملت غده ورحتله بالاستقبال فتت لكيته نايم على التخم ومخلي ايده على راسه

ريحانه منير كاعد

منير خير شرايده

ريحانه مرايده شي بس ليش نايم هنا اصعد نام فوك

منير مالي خلكج اطلعس وسدي الباب

ريحانه شبيك منير اكو شي ليش ضايج

منير ريحانه كتلج اطلعي وسدي الباب

ريحانه اي براحتك

شفته تعصب عفته وطلعت كلت مالي خلكه صدك هذا شبي هيه نومه عساها نومت الكشرة

صعدت فوك لغرفتي نتبهت عليها تصميمها قديم جنه موجديد طلعت ملابسه مرتبات هنه 

طلعت قميصه وحضنته عود ردت اصير رومانسيه وكذا اشو الباب ندفع شمرت

منير شداتسوين انتي

ريحانه ارتب الملابس

منير والي يرتب هيج يسوي خبله انتي

ريحانه منير بيك شي مصخن ضايج

منير شقصدج ب المصخن يعني اني مخبل اشو انتي متستحين

ريحانه منير لا تسوي الحجي بالمقلوبي افهمه عدل كتلك انته بيك شي اشو شكلك ضايج مني مسويه شي

منير وخري مني وخري مالي خلكج

ودفعني بيده

ريحانه اوووي شبيك صدك مخبل واني مخبله اكثر منك لانو جاي احجي وياك

ريحانه حجيت هيج ورفعت ايدي بالهوة احجي وعفته وردت اطلع محسيت اله ع ايد شخص جرني من شعري

ريحانه ااااه ااه شنوو  منيرر شبيكك

منير منو منو المخبل شو عيدي

ريحانه مو عليك والله مو عليك

منير اني مخبل موو انتي صدك متستحين واني ساكتلج هوواي من الصبح لحد هسه تلغبين وعايفج بس انتي مو مالت عيني واغاتي

مبين عليج مالت سب واهاين

ريحانه وهسه ع اساس معيشني باغنيه اليسا اشو من الصبح لحد هسه ترزل وشماله ضربتني

منير واكسر راسج فهمتي لو لا اتجاوزي بعد وشوفي اله تتكسرين هنا

ريحانه شوف اكلك ترة اني مالي طاقه لهيج سوالف شبيك منير معقوله داتختبرني تشوفني اتحملك لو لا شبيك هيج عصبي

منير خاب روحي انتي وتفكيرج هذا مالت زعاطيط

ريحانه شوف منير اذا حجيك هذا صدك خابر اهلي لانو ماكو عروس اول يوم عرسها هيج البارحه مبايت يمي واليوم ترزلني وشماله تضربني

منير اهلج شنو اني رجلج يعني بيتج هنا واهلج انسيهم واحجي هيج بعد وشوفي شيصير بيج ياريحانه ونومه يمج لا تفكرين تصير سمعتي لو لا

دفعني على الجربايه واخذ ملابس وطلع

بقيت كاعده هذا صدك خبل لعد المن اتزوجني ياربي معقوله راح اصير مخده مالت غلط واهاين والنبي اقتله اذا هيج رايدني

نمت بدون مادري فزيت المغرب ع صوت يم الباب مالتي كمت شفتها اطياف

رفعت خشمي عليها اكيد قصدها شي من سولفتلي بالحنه

اطياف صح النوم عروستنه اشلونج

ريحانه انتي شتكولين اشلوني

اطياف ها ريحانه شبيج خير

ريحانه اطياف لا تغشمين نفسج انتي تدرين بيه شبيه اخوج شبي وياي وحجيج بيوم الحنه وياي شنو معناته فهميني

اطياف ممعناته شي ريحانه بس الزواج كسر ضهر يعني امشي بجنازة ولا تمشي بعرس واني كلت اخاف انتي مرايده اخوي ويصير

شي وبعدين تدعين عليه اني

ريحانه اطياف منير بي شي اشو بس عصبي حتى حتى ..

اطياف حتى شنو

ريحانه حتى ضربني

اطياف صدك تحجين شوكت هاي الحجي

ريحانه اليوم الصبح  ورزايل من الصبح لحد هسه

اطياف زين البارحه باليل شصار

ريحانه شصار يعني كلشي مصار

اطياف شنو كلشي مصار البارحه يوم عرسكم

ريحانه اكللهم رزيال من البارحه لليوم دكلي عرسكم نام جوة عيني

اطياف شنووو عزززة ليش نام جوة وانتي شسويتي

ريحانه كلشي مسويت اني جنت نايمه كعدت الصبح عرفته نايم جوة وطلع للشغل ومن رجع ضرنبي

اطياف يااا فضيحه انوب طلع للشغل همين

ريحانه اي فضيحه على شنوو

اطياف دتعاي اجتي وياي عمتي واخت رجلي لا دكولين متقربلج كولي تمام

ريحانه المن اكول

اطياف لعمتي وبتها

ريحانه وهنه شنو قابل راح يسالن

اطياف شي اكيد يسالن انتي طنشي امشي امشي اني اشوفلي حل ويا

ريحانه ولج لا تكليله انوب يتعصب ازيادة عوفي هل يومين واذا متغير عود اني اشوفلي حل

اطياف بكيفج

ريحانه صدك اطياف تليفوني مشايفته شذى عافته اليه بالجنطه بس اشو ماكو

اطياف لا والله هيه هم كالت غراضج بالجنطه الصغيرة

ريحانه ماكو دكي عليه

اطياف اي

طلعت تليفونها دكت عليه مغلق

اطياف خاف خلصان شحن

ريحانه لا متروس ترسته بيوم الحنه

اطياف لعد شذى غلقته يمكن دوري بالغرفه وتلكينه

ريحانه ميخالف

نزلت امي سعد وبتها سعد رجل اطياف

ام سعد هله يمه هله بالعروس

ريحانه اهلا وسهلا

ام سعد اي عيني عروستج حلوة هل مره ام منير عرف يختار المحروس

اطياف ريحانه هذا عمتي وهذا زهرة اخت زوجي

ريحانه اهلا وسهلا

ريحانه كعدن يسولفن المره تحجي ونص حجيها بسامير تذب حجي واطياف تضحك من تشوف عمتها تحجي والبنيه ساكته ورافعه خشمها ماحجت اصلا

كمت اني للمطبخ اجتي اطياف ورايه

ريحانه اكلج اطياف هاي شبيهن اشو حجيهن نصه بسامير

اطياف يمعودة لا تشيلين زهرة جانت خطيبت منير

ريحانه يا من هذا هيج رافعه خشمها عليه

اطياف اي نخطبو سنه ونص بس بعدين صارت مشاكل وفصخو

معليج بيها حبيبه تلكينها غيرانه شويه حقها سنه ونص موقليله

ريحانه واني شعليه همه الفصخو قابل اني كايلتلهم افصخو

اطياف فصخو قبل زواجكم بشهر

ريحانه شنو السبب

اطياف محد يعرف السبب بس منير يكول طلباتها صارت هواي وهيه تدلل باخر فتره مع انو هيه

تحبه كلش بس ماعرف شصار بينهم بالاخير عركاتهم كثرت  وصارو يدخلون الكل بينهم لحد ما منير كال نفصخ احسن

ريحانه ومصارت مشاكل بينج وبينهم من فصختو

اطياف يمعودة اكيد صارت مشاكل بس اني اسكت شسوي قابل يحجون ويسكتون

ريحانه همزين تتحملين

اطياف شنسوي قابل العيال كلشي يسوون عبالج مثلج ولج ماعندج احد من اهلج رجلج اني عندي كوومه

ريحانه اكلج نضربتي باول يوم عرسج

اطياف لا بس ورة اول يوم هوواي نضربت

ريحانه اسكتي لعد لا محضوضه ولا شي اصلا حضي اسود من ازوجت اخوج

اطياف والله بالعكس منير حباب بس شوفي شبي  واعذري ريحانه

ريحانه شعذر مدكليلي قابل الي سوا قليل من اول يوم اهاين وضرب اذا اليوم هيج باجر شيسوي يطردني ساعه السودة الي خطبتيني بيها اله

منير اي خاتون وبعد ساعه السودة وحض اسود بعد بعد كملي

ريحانه من شفته واكف يم باب المطبخ ويستمع كلت يمه رحت بيها وصدك ترة رحت بيها سمعني اغلط بس عادي هو من الصبح لحد هسه شيسوي قابل هم جان يعاركني ويضربني ويداهرني

ريحانه قابل مجذبه اني انته مو هيج

منير انوب تحجينها بوجهي لج جلبه

اجاني وجرني من شعري

اطياف يمه خويه على بختك اهده اهدة وانتي اسكتي واستهدي بالرحمان خويه مو عليك مو عليك

ريحانه لا عليه ممجذبه اني من الصبح لحد هسه هيج يسوي ويضرب ويهين شيريدني شحجي من ورة ضهره

منير ومحمد اليوم تتكسرين على ايدي

اطياف بروح ابوك كافي ياخوي عمتي وزهرة يم امي لا تخليهن يشمتن بينه وتدري بيهن اشلونهن اسكت

منير ويطبهن سم ومحمد اليوم تنكتلين ع ايدي ياريحانه

ريحانه شوف اكلك لا عبالك ماخذني فصليه عندي اهل يودونك ورة الشمس انته شني من الصبح لحد هسه ماخذني حاصل فاصل هدي لعبك احسن ترة وصلت حدها وياي

اطياف يا دهر صابج ابدال ماتهدينه هيج تحجين اسطتي ولج

منير وخري اطياف سحب اطياف من كدامي وكف يمي اي بعد بعد احجي

ريحانه شحجي يعني قابل مجذبه اني ساعه السودة مصخمه الي قبلت بيك

ماحس اله راشدي فر جهرتي فر لزمت السينك علود اثبت باوعتله ودفعته ومشيت طلعت للغرفه اسمعه هو واطياف يتحاجون ويريد يصعد بس اطياف لزمته صعدت لغرفتي

طلعت ملابس كلت ابدل واطلع اروح لاهلي مابقه هنا لحضه وحده فتشت الغرفه كلها ماكو مبايل قابل وين راح

بقيت افتش واسمع ضحكهم والعينتين يضحك ويشاقه ويمي فار حلكه ويتعصب ع اقل شي اني الك منير وروح امي اله اعلمك

شويه ودخلت اطياف

اطياف يامعزايه شداتسوين

ريحانه اسكتي مني احسن عساها بحضج وابختج زةجتيني اخوج مخبل شدعي عليج مدكليلي بيمن اماذيتج شسويتلج اني اشو لاعرفج ولا تعرفيني ورطتيني ورطه اكبر مني ليشش

اطياف اني جنت فاهمه غلط بس بيوم حنتج فهمت كلشي صح سامحيني وحقج هيج تحجين بس الغلط مو مني من الاكبر مني سامحيني حقج عليه واهدي اهدي منير مايكرهج بس الي صار اكبر منج ومني

ريحانه شنو هو الي صار فهميني احجي خليني اني اقرر

منير شتفهمج وشتقررين وشنو هل لبس هذا بهل ليل

ريحانه اني مابقه لحضه وحده بهل مهجوم اطلع يعني اطلع اروح لاهلي هسه سمعت لو لا

منير ومحمد طلعه من البيت ماكو وعيديها ياريحانه وشوفي راسج اشلون راح يتكسر على ايدي

ريحانه خاب اسكت شنو يتكسر شنو ومحمد ماطلع يابه وروحها لامي اله اطلع مابقه يمك

لحضه وحده سمعت لو لا انته مخبل مكانك مو هنا مكانك مستشفى المجانين ولو حتى المستشقى مايتحملونك مخبل رسمي

ماحي اله طفر الجربايه وجرني من شعري ونيمني على الجربايه ويضربني واطياف اصيح

بصراحه ضربني ضرب حسيت بيه اعضامي تكسرت جسمي ازورك ازورك بحيث ماكدرت اصيح

اطياف ولك خويه البنيه ماتت ماتتتتتت ولكم الحكونننني ي

منير لا ماتموتت ماتموووت شمر عليه مي وصحاني بقت اطياف تحجي عليه واني جسمي مكسر تكسر منه

دفعت اطياف وكمت

ريحانه هسه اروح لاهلي هسه

منير كعديها لا ومحمد اموتها صدك مخبل واسويها

اطياف ولك خويه اهده اهده واطلع انزل يم امي وحدها كاعده انزل

ريحانه نزلو للنجف يارب الله ياخذك الله ياخذككككك

اطياف ولج صمي حلكج

راد يجيني لزمته من جتفه وطلعته

اطياف ترة سويتها ماصخه كلشش اطلع ياه اطلع

طلعته وبقت يمي

ريحانه وخري انتي همين ماتفرقين عنه بشي ترة نفس الطينه الله لا ينطيكم عائله مخابيل

اطياف نصي حسج لا يسمعج ولج استري على روحج

ريحانه شو اسكتي استر على روحي ليش ماعندي اهل شنوو ماعندي اب والله لا اخليهم يموتون اخوج لا ماخليهم يخلوج تبجين على كبرة هل عار فلا اني ريحانه

ماحس اله ضربتني راشدي بوقتها ضحكت كلت اشو ذوله العائله ياخوي يجي يضربني شكوو شسالفه

اطياف بسس لا تحجين هيج اسم الله اني شعندي غيرة هو بس هوة تره الي عندي وشوفي ضروفه ماكو شخص يسوي شي بدون سبب

ريحانه اطلعي برة اطلعي برة بسرعه يله ماكو شخص يسوي شي بدون سببب شنو السبب بله احجي شنو السبب شمسويه اني اله هسه مو

كدام عينج هو عصبي ومخبل  وبس يضرب ويتجاوز عبالك ماخذني فصليه

اطياف ريحانه لسانج شبيج شنو فصليه والغلط مالتج هماتين شويه حسني يعني عيب تغلطين على رجلج مقابيله مو هاي اني تحملت ضرب وغلط وعادي

ريحانه انتي شتحجين معقوله صدك تحجين شنو ضرب شنو اهانه شنو عادي شنو يعني رجلي يضربني واتحمل

اطياف يعني قابل محد ضاربج قبل وصلت يم منير واعترضتي

ريحانه من حجت هيج اذكرت اسد علي واشلون من جان يضربني بس اسد علي جان يضربني ..

بسبب ويراضيني وادري بيه حباب بس هذا يصربني بدون سبب باوعت على ايدي توجعني احسها راح تزورك

ريحانه اطلعي برة اريد ارتاح

اطياف لا تعاي وياي خلي اغسلج وارجعي ارتاحي

ريحانه ماريد

اطياف دكومي كومي

ريحانه ماشي

كمت اني وياها طلعنه نزلنه هو واكف على الدرج اطياف اشرت اله بمعنى اهدة هو سكت وبقه واكف بمكانه مشيت من يمه  بدون مباوع لوجه اصلا

فتت للحمام غسلت جسمي كله وجهي ردت البس ملابس اطياف دكت الباب

اطياف هاج ريحانه هذا الملابس

فتحت الباب واخذتهن بسكوت بدون حجي

لبستهن وطلعت كبل صعدت فوك هو كاعد على الدرج  اول بايتين اصلا مهتميتله

اطياف يله حبيبه اني رايحه هسه رجلي جاي والجهال عفتهم وحدهم

ريحانه الله وياج

صعدت فوك بغرفتي مشطت شعري وبقيت اغلط على منير بكلبي بعدين اذكرت الحجيه

لفيت شعري ونزلت بسرعه

دخلت للغرفه منير ماكو بس هيه

ريحانه ها خاله شسوين

الحجيه والله يايمه صافنه بالدنيا

ريحانه هيه هاي الدنيا يحتاج احد يصفن بيها

الحجيه الحمدالله يايمه شنسوي

ريحانه اصبلج اكل تاكلين

الحجيه لا اطياف جابتلي واكلت رجلج وين

ريحانه بالعافيه . مادري

الحجيه اني كلت هسه يمج بالغرفه

ريحانه لا خاله مو يمي يمكن طلع

الحجيه شبي صوتج يمه تعبانه

ريحانه اي والله خاله شويه وراسي احسه يريد ينفجر

الحجيه اسم الله يمه تعاي تعاي اقرالج عليه قران

ريحانه هسه يصير زين

الحجيه حتى لو يمه القران دواء تعاي

ريحانه رحتلها كعدت وخليت راسي على رجلها وهيه تمشي  بيدها على راسي وتقرا قران

من الوجع نمت بدون ماحس

ومادري بالي صار يمي .. كعدت الفجر راسي شويه بي وجع كعدت على حركه لكيت الحجيه تتحرك تريد تصلي .

ريحانه ها خاله كعدتي

الحجيه اي يمه اريد اكوم اصلي كومي انتي رجلج اجه وشافج هنا وصعد نام بغرفته

ريحانه اي خاله  بس محسيت على نفسي نمت كبل مادري شعجب بس لانو راسي يوجعني

الحجيه نوم العافيه يمه دكومي توضي وصلي واصعدي شوفي رجلج ترة هو يكعد وقت الفجر يصلي

ريحانه اي خاله كايمه

ريحانه كمت امشي يمنه يسرة دايخه صدك من راسي فتت للحمام بدون ماسد الباب حتى اشوف جسمي اشوفه ازرك مع انو ماشوف عدل بس احسه ازرك

غسلت وطلعت توضيت وصعدت انزل حجابي علمود اصلي ملكيته بالغرفه كلت همزين طلعت حجابي وردت اطلع هو فات للغرفه فتت اني منه يمه شافني دايخه

منير سويلي اكل اني جوعان

ريحانه والله محد كايلك جوع ساعه بيش وين اكو واحد ياكل هسه

منير شي يخصني وبسرعه يله

ريحانه اكلك لا تتحارش احسن الك والي سمعت لو لا واكل اني معليه تاكل مدري شنو

طبعا لساني مايسكت جرني من ايدي وضربني راشدي

منير هذا حتى تعرفين تحجين عدل واكمل صلاة وانزل اذا ملكيت الاكل جاهزة تعرفين شسوي بيج

ريحانه دفعته ونزلت جوة بالاستقبال صليت وبجيت يعني معقوله اول ايام عرسي هيج يصير بيه

بس يمكن الاكثريه هيج يصير بيهن بس اني مكبرتها للسالفه يمكن همه الزلم هيج حيوانات بس لا اشو ابويه مو هيج ليش لعد منير

هيج طلع مو يكولون على نياتكم ترزقون اشو اني نيتي سودة مصخمه ياحضي

ردت ادعي عليه بالصلاة بس كلت لا مهمه جان زوجي يمكن تعبان يمكن ضايج يعني بعد كل الي سوا حاولت ادور اله اعذار

كمت من الصلاه رحت للمطبخ سويتله اكل وبلكوة واكفه على الطباخ تعبانه كلش

سويته هو طب للمطبخ شافني كملت الاكل

منير الغي ماريد اكل نسدت نفسي

ريحانه ممسويته الك مسويته لنفسي ترة

عافني وطلع صعد فوك كلت هسه هذا ثعد فوك واني وين انام اذا الحجيه كاعده يعني ماكدر انام يمها شسوي لعد انام بالمطبخ

بعدين كلت انام بالاستقبال

...

مر على زواجي سبوع كامل وكل يوميه مشكله بس مشاكله زادت كمت احسه يدور مشاكل وياي ع اقل شي وامه حست بينه واني ختنكت كلش من عدهم اريد بس اشرد يعني ولا مبين عليه عروس

اجه الضهر صبيلته غده يم الحجيه وهو جان يغسل وعايف تليفونه يم الجربايه

دك باوعت مكتوب فارس .... اسم ابوي كبل رفعت خط عبالك ممصدكه

ريحانه الووو

فارس هله هله بحبيبت ابوها شلونج بويه

ريحانه تمام يابه وانته شلونك مشتاقتلك هووواي مشتاقه لهبه وشذى ولاسد علي اشلونكم

فارس كلنه بخير ويسلمون عليكم البنات يمي كاعدات كلهن

ريحانه نطيني شذى

شذى الوو ها عروستنه شلونج اشلونه الزواج حلو لا

ريحانه ساعه السودة اشلونج ولج مشتاقتلج امج اشلونها

شذى بخير شكو ريحانخ صاير شي

ريحانه شوكت تجوني

منير وي منو تحجين

ريحانه وي اختي

منير جيبي التليفون جرة مني وحجه وي شذى وطلع برة اني طلعت ورا

منير هله هله اشلونج

شذى الحمدالله عريس انته شلونك ريحانه شلونها وياك

منير بخير الحمدالله انتو شلونكم

شذى دومكم يارب بس خابرنه علمود نعرف سوون سبعه لا لانو احنه عاداتنه نسوي

حفله ور اسبوع من زواج البنيه

منير والله ماعرف شكلج شنو ريحانه مكلتلج اني وياها بربيل صارلنه ثلاث ايام من هذا منخابركم وبعد كم يوم يله نرجع

شذى ياا ماندري يله عادي شهر العسل حلو بهيج مكان لعد انئجلها على غير مرة مابيها شي

منير اي اعذريني خويه لو ندري مجان سافرنه

شذى لا خويه على بختك يله اخذو راحتكم

منير الله وياج

..

ريحانه اربيل كلها ثلج صح لازم البس ملابس اقوة من هيج

منير لا تاكلين تبن وخري من مكاني

ريحانه شنو اوخر اني اريد اشوف اهلي ليش محليتهم يجون يشوفوني

منير شوو وخري مالي خلكج ابد

ريحانه كعد يزقنب واني كعدت بالمطبخ اشلون حظ يربي يعني شطببه لو كايلتلهن اي تعالت قبل لا يجي بس شدراني بي استاذ بالجذب اشوكت خطط لهل جذبه مادري

زين ليش هيج كللهن ونوب تليفوني ميقبل ينطينيا يالله لازم اشوف حل اني ثوله لو ممتعاركه ويا مجان كام يقفل الباب كل مايطلع

قبل يومين باليل

ريحانه بقيت ادور على تليفوني ماكو عرفته عنده نزلت هو بالاستقبال

ريحانه منير تليفوني وين اريد تليفوني

منير ريحانه شايفهم كلهم مبالي ولي مني

ريحانه شوفهم شي يخصك ميخصني اني اريد التليفون

منير كتلج ولي مني

ريحانه اهووو ماولي تليفوني وين اريد اخابر اهلي

منير ماكو تليفون لا تحلمين تلزمين تليفون بهل بيت

ريحانه ليش يابه شنو الفلم  ترة هذا مو سجن الباب تقفله وراك تليفون ماكو انته متخابر اهلي شنووو اخاف متوهم عبالك هاي مستشفى المجانين

منير جسمج يحكج احجي لا تستحين

ريحانه انته العيشه وياك لا تطاق اللله لو ياخذك انته لو ياخذني اني 

شفته تحرك راد يكوم سويت نفسي كلشي مكايله وطلعت يم امه طبيت هو كدام امه ميضربني بي يرزلني

كلت مبيها مجال اشرد لاهلي يعني اشرد  مر اليوم عادي حضرت شالي وملابسي بس المشكله الباب ينقفل بس هو يفتحه ومن تجي اطياف

اي من تجي اطياف هو مو هنا بالشغل اشرد من تجي

وصدك ثاني يوم صادف اطياف اجتي شافتني مرتبكه خليت الشال بالمطبخ علمود البسه واطلع كبل وانعل ابو اليبقه يمهم

طبت اطياف يم امها

اطياف ريحانه وين رحتي

ريحانه  اجيب مي

ريحانه بسرعه خليتها تشوفني طبيت للمطبخ رجعت كعدت يم امها واني اخذت الشال

وطلعت امشي على كيفي واباوع ورايه اخاف تشوفني وتعيط

فتحت الباب على كيف واباوع ورايه

نفتح صليت على النبي .. هستوني ردت اطلع ونصدمت بشخص

شفت ملك الموت كبالي .. بقيت ابلع بريكي رديت باوعت كلت هسه شحجي اذا منير

شكله وين رايحه .. باوعت شفته مو منير تنفست

ريحانه منو حضرتك

... والله عمي عرف يختار منير ...وبقه يباوع عليه من فوك لجوة

ريحانه هااي منو حضرتك

سعد اني زوج اطياف ابن عمه لمنير مدكليلي تفضل

ريحانه ها اي اي تفضل تفضل

طب وبقه يباوع عليه مشه كبالي ردت اطلع

سعد وين رايحه

ريحانه مرايحه بس داباوع على منير بلكي يجي  هسه

سعد لازم شتاقيتيله

ريحانه شي ميخصك تفضل اطياف جوة

طبيت للمطبخ وصحت على اطياف

ريحانه اطياف زوجج هناااا

اطياف شنو سعد

...

ريحانه ضهر سعد خلال سبوع خلاني افهم نص الحقيقه خلاني اعرف منير شي ...وللحكايه تكمله

...

.

راضيني اذا طال الزعل

غير اليحب ميجافي ؟

زغيرون؟ كل ما نختلف

لهنا وتكلي كافي!!!

من المشاكل كافي

ميت برد يالدافي

شفتين ربك حاطلك مو للملامة وللعتب

خايب دضوك اشفافي

..

اطياف هله هله ابو محمد فوت

سعد وين الحجيه

اطياف جوة جاي تصلي فوت انته فوت

سعد منير بعد مجاي

اطياف لا بعد وقت على جيته مو تدري

اطياف تعاي ريحانه هذا زوجي سعد

ريحانه اهلا وسهلا

سعد اهلا بيج خوش جنه هل مره اول مدكيت الباب فتحته مو مثل الله يرحمها

اطياف شلك بهل حجي فوت جوة

ريحانه فات بس يباوع عليه مادري اذا اطياف نتبهت لو لا بس هو فضيحه اكيد انتبهت لنضراته جبت مي وعصير قدمته وكعدت يم

الحجيه واطياف وسعد كعدو سوة

الحجيه ع الخير منين العروس

سعد يعرفها من زمان الملعون وكال اخطبوها الي وهو بزر الكعده لازم نفرح بي

الحجيه خير انشاء الله يمه شايفين كل الخير

اطياف ومابقه شي للخطبه اقل الاسبوع اني اجيت اليوم علمود اكللكم

الحجيه يايمه اني تعبانه مابيه اجي بس مرت اخوج اخذيها وياج وعرفيها ع البنات وع اهلنه

..

ريحانه من حجيت ع الخطبه صح مفاهمه شنو الفلم منو راح يخطب بس كلت بلكي اذا مكدرت اشرد هاي الايام اشرد من الخطبه

واكيد الخطبه هوسه ومحد ينتبه لاحد بس هذا ابو عيون منو يكول يخليني اروح

سعد مرت منير اول المعزومين طبعا

ريحانه اشكرك اخويه

اطياف احجي وي منير وشوفي يقبل لا

سعد شحده ميقبل اني احجي ويا خطبت اخوي الصغير كلها تجي

الحجيه انشاء الله يمه مايهون علينه زعلك

سعد والله هان من زمان ادري بي حجيه

الحجيه يمه الدنيا قسمه ونصيب وانشاء الله قسمتها احسن .

سعد يله اني اترخص اعزم عمامنه محتاجه شي ام منير

الحجيه سلامتك يمه الله وياك .

طلع وهو يباوع عليه

اطياف ها ابو محمد ناسي شي

سعد لا اني رايح واتاخر اليوم لا تتاخرين انتي روحي للجهال

اطياف اي هسه بسرعه اروحلهم

سعد يله مع سلامه

طلع وسدت اطياف ورا الباب ورجعت

ريحانه اكلج خاله عرس منو  بعد كم يوم

الحجيه اخو سعد انور خطبته هل ايام ..

ريحانه خاله اقنعي لمنير اروح اغير جو شويه

الحجيه يا يمه وليش مايقبل غير ابن عمته لازم يروح انتي ويا

ريحانه مادري احسه ميقبل

الحجيه لا اني اذا مقبل اخذج واروح

ريحانه اي خاله عفيه

اطياف ها عيني صايرات صاحبات

الحجيه يا قابل جنه عدوات يايمه مرت اخوج تنحط على الجرح يطيب

ريحانه الله يحفضج خاله

اطياف اي راح وقتي

الحجيه روحي ورة رجلج يمه شوفي جهالج

اطياف مو اكلج خيه راح وقتي اروح اشوف الجهال اني محتاجه بعد شي

الحجيه لا بس امشط شعري وانام لي شويه

ريحانه اني امشطلج

اطياف اني اروح لعد اسلم عليكم

راحت اطياف بقيت لازم كلبي همزين ماكشفني هذا رجلها بس حسيت بي شاك بالموضوع

وكلامه مو منطقي

ريحانه يله خاله ذبيها للشيله خليني امشطلج

الحجيه اي يمه بس على كيفج

ريحانه من عيوني الاثنين . اكلج خاله سوال

الحجيه اي يمه احجي

ريحانه انتي شلون فقدتي النضر .

الحجيه اوف يايمه سالفه طويله

ريحانه احجي خاله شعدنه

الحجيه اني من جبت ابني الجبير رجل نبراس الله يرحمها صار عندي عمى موقت من بقه يومين يله راح ومن مات يا يمه من كد البواجي الي بجيتهن عليه عيوني راحت

ريحانه خطيه ونبراس الله يرحمها شعجب مخليتوها تروح لاهلها

الحجيه هيه نبراس منيلها اهل

ريحانه شنوو

الحجيه اي يمه نبراس جانت عايشه ابميتم وسعد جابها  تخدم امه ومن شافها ابني حبها ومن شفنه تصرفاتها زينه  ابني كال اريدها والستر يايمه حلو اخذناها اله

ماطول زواجهم ومات وليدي

ريحانه الله يرحمه ويرحمها

امشط بشعرها واذكرها جانت تكلي اهلي ميريدوني بس مكالت جانت بميتم الله يرحمها

منير السلام وعليكم

الحجيه وعليكم السلام

طب ونام لحضن امه اصلا مباوعلي امه خلت ايدها على شعره وهو غمض عيونه

اني بقيت امشط شعرها

الحجيه اليوم اجه سعد رجل اختك

فز من مكانه كبله وباوعلي

الحجيه منو جان هنا من اجه

الحجيه اختك جانت يمي من اجه

رجع لكعدته وحجه وياها.. شراد شعجب اجه

الحجيه يعزمنه على خطبه اخو 

منير خير انشاء الله شوكت

الحجيه مابقه شي اقل الاسبوع يكولون

منير ومنين العروس

الحجيه يكولون حبيبته ورايدها هوة يايمه

منير يستاهل فواد خوش ولد

الحجيه اي والله يايمه ينحط على الجرح يطيب  واني لو اكدر اروح بس ماكدر يايمه اتعب اخلي ريحانه تروح ابدالي هسه هيه هم اسمها ام بيتنه

منير وين تروح ماكو روحه لا تعرفهم ولا يعرفونها وين تروح شعدها

الحجيه اي يمه اختك هناك عود تخليهم يعرفونها وتعرفهم

منير ماكو روحه يمه ماتروح

ريحانه هو يحجي واني صافنه على خلقته خاب مدطلي شسويلك حتى ارتاح منك انوب الي يقهرني ممسويتله شي شبي هيج وياي عبالك كاتله ابو مادري 

وشنو ماروح لعد اشلون اروح لاهلي لازم اروح لاهلي هسه لاجاي اخابرهم ولا جاي يجون وارزحلهم وكل هاي عبالهم اني مسافرة ويا الشفيه عبالهم اني عايشه بالجنه

الحجيه شبيك يايمه نبراس مو جانت كل عرس وكل فاتحه وكل مناسب تاخذها بيدك

منير نبراس الله يرحمها تقارنينها بريحانه صدك تحجين هاي وين وذيج وين

ريحانه شقصدك

منير جاي احجي وي امي صمي حلكج انتي

ريحانه صوجي كعدت ابمكان انته بي

عفتهم وطلعت هو كدام امه ميسوي شي يسكت بس وراها يشد حيله ابن الابنل المهم طلعت للمطبخ متعصبه عود صدك ميخليني والنبي اله اروح

واني احجي وي نفسي طب عليه

منير صوجج كعدتي ابمكان اني بي مو ..ولزمني من ايدي

ريحانه عوف ايدي ترة مالي خلكك اليوم كلش وخر مني لا اصيح والم العالم عليك واشوف منو يسكتنه اليوم

منير اهاا انوب صايرة تهددين حضرتج جسمج يحكج صحح

ريحانه لا الساني يكرصني واذا اعيط اخليها كلها تجي ابتعد احسن الك والي

منير واذا مابتعد .. تقرب مني وحجاها صار يتقرب عليه واني بالمطبخ بصراحه خفت منه نضرته متبشر بخير لا اراديا ىجعت ليورة على السينك وهو تقدم عليه

مثل اي لقطه بفلم رومانسي وكف كبالي وبقه يباوع على حنجي واني ابلع بريكي اول مره منير يصير هيج قريب مني

بوقتها فكرت راح يبوسني لو راح يسوي شي رومانسي يعني يمكن جان يختبرني كل هل فترة بس

شسالفه ريحانه لا تصيرين غبي يختبرج شكد قابل

بقه يباوع عليه

منير يله صيحي

ريحانه هاا

منير صيحي مو كلتي السانج يكرصج وتردين تصيحين

ريحانه ابتعد مالي خلكك

منير صيحي وابتعد سهله

ريحانه ردت صدك اصيح بس كلت افضح روحي على شنو سكتت بس كلت هو مايسوي شي كدام امه خلي اعيط عيطه خفيفه يبتعد بيها مني

فتحت حلكي اول ماردت اصيح هو قرب ايده على حلكي وسد حلكي من سكتت ابتسم انو هو صدك راح اعيط

وخر ايده وصدمني مره ثاني ضربني راشدي صح مو قوي بس اثر بيه يباوعلي وضربني

منير بكل عين صلفه ردتي اتعيطين سوالف شوارع وبنات شوارع

ريحانه بقيت اباوع عليه صدك ضجت منه واستحقرته لدرجه 

دفعته وخرت منه رحت يم امه هو بقه بالمطبخ

الحجيه صبيتي غده لرجلج يمه

ريحانه اي خاله صبيتله

الحجيه ليش متكومين تاكلين ويا

ريحانه لا خاله هو يرتاح من ياكل وحده وهم يريد يسبح  وينام تعبان بالشغل اليوم

الحجيه الله يسعدكم واشوف ولدكم يايمه

ريحانه بيها الخير خاله

..

باع هاي تحجي عشرة بالشهر ياولدكم حجيه ابنج اخوي هههخه ينام بالاستقبال واني فوك لو اني بالاستقبال وهو فوك مسابقات على حسب الي يلكف الغرفه بالبدايه

بقيت كاعده يمها شويه وطب باوعلي رفعت حاجبي ودرت وجهي

هو كعد اني كمت وسمعته يحجي وي امه طلعت للمطبخ باوعت على باب الشارع هم مقفول

ياربي اشلون اطلع اقفز من الباب شسوي الله لا ينطيك

يامنير راح تسويني حيوان اقفز من البيبان

هسه هذا سعد شجابه اليوم مجان اني طلعت ورحت لاهلي عاد مخلصه من هل مخبل

طبعا بوقتها اني عشت بتناقض بزواجي وي منير ساعه ادورة ابرار واكول خطيه يمكن تعبان اشلون شذى من ادور حجج لحسين

ومرات اكول لا خبيث وحيوان شنو يضربني يعني جنت بين عقلي وقلبي قلبي يكلي خطيه وعقلي يكلي ميستاهل ولازم اطلع

بقيت بالمطبخ صبيتلي غده وفات اليوم

اجه موعد خطبه  فواد اخو سعد واجتي اطياف من الصبح

حجت وي منير وقنعته تاخذني وياهم والحجيه هم حجت ويا

ريحانه اني اصلا ماريد اروح

اطياف سكتي يمعودة عيالي بدون شي شادين وياي انوب مترحين شيكولون عليه

ريحانه واني شعليه انتي وياهم تفاهمو اني مالك خلك هيج سوالف ...

طبعا اني حجيت هيج لانو عرفته راح يجبرني اروح هو اصلا يسوي الاسوالف الي اني ماريدها

اطياف يا ريحانه صدك تحجين اني اجيت اتوسل بمنير انوب انتي متوافقين

الحجيه ليش مترحين يمه

ريحانه خاله مالي خلك هوسه واكيد راح تصير هوسه واني ماعرف احد مو مثل غير بكل مكان يروحن همه وين واني وين

منير بله لغو زايده اطياف مريلها من ترحون واخذيها وياج .

ريحانه هو شنو ماروح اني

اطياف شو اسكتي اسكتي ماتروح هيه تروحين يمعودة غيري جو هسه انتي هم جنج عروس شوفي شكلج اشلون ضعفانه وجهج اصفر شبيج يمعودة ريحانه

ريحانه من الخير حبيبتي

وعفتهم وصعدت فوك صدك بصراحه نقهرت من حجي اطياف صدك اني صعفانه وجهي اصفر باوعت للمرايه صدك شنو هاي ريحانه صدك تحجين

شنو هاي وجهي شنو هاي شعري ولج وين جنتي وين صرتي معقوله هاي انتي مكياجج وين ملابسج وين معقوله هيج صرتي

..

بقيت اباوع على نفسي بعدين كلت لا مستحيل مابقه هيج لازم ارتب نفسي

وصدك طبيت اخذت حمام رخيت جسمي وطلعت مرطبات وكريمات للجسم ولوجهي وشعري بحيث الغرفه انترست عطر منهن

بقيت كاعده على الجربايه ارتب اضافيري كلت ع ماينشفن انزل اشوف خالتي

نزلتلها  محد يمها اطياف طالعه ومنير اكيد راح للشغل

ريحانه خاله  رايده شي

الحجيه لا يمه شهل عطر الطيب اليوم

ريحانه تسلمين هاي كريمات للجسم هل فترة اني هملت نفسي كلش

الحجيه اي يمه اهتمي بنفسج عروس جديده انتي لا انوب منير يباوع لغيرج وانتي بعدج اصغير واطياف دكول وجهج ملامحه حلوة

ريحانه تسلمين من ذوقج خاله بس والله لنفسيه مرات تصير زفت

الحجيه لا يمه ماتسوه الدنيا اهتمي بنفسج وبرجلج

ريحانه اني صاعده ارتب نفسي همه بيش ساعه يرحون

الحجيه ساعه 3 ونص الضهر

ريحانه يعني بعد هواي هسه ساعه 12

الحجيه اي بعد هواي

ريحانه اني اكمل البيت بهل وقت واسوي الغده على ما يجي منير

الحجيه لا كال ماتغده هنا يتغده بالمحل مايجي يعني اليوم

ريحانه يا لعد منو يبقه يمج خاله اذا اني اروح

الحجيه يجي من تروحون انتو لا تخافين

ريحانه اي ماشي اذا هيج اسويلج غده واروح اكمل نفسي

الحجيه براحتجي يمه

ريحانه رحت للمطبخ سويت غده عدس وتمن وسويت الزلاطه ونصيتهن وخليت الزلاطه بالثلاجه ونضفت المطبخ ونضفت الاستقبال وخليت ملابس منير بالغساله ومابقيت ملابس جوة ابد

يعني حضرت نفسي كلش حتى من تصيرلي فرصه اطلع من الخطبه كبل اطلع

وصدك كملت كلشي وصعدت فوك شلت الماسك مو وجهي وكملت شعري وطلعت مكياج مكيجت مكياج خفيف

طولت اشويه  صارت 2 ونص اجتي اطياف وعدها المفتاح جان صعدتلي كبل

اطياف يا بعدج ممكمله يله يمعودة يله

ريحانه اي ثواني بس ابدل

اطياف البسي اي فستان وفضينه الكل منتضرني

ريحانه شنو فستان اذا فستان ماكدر امشي براحه بي

ريحانه لا اطياف البس بنطرون وبدي ارتب عليه

اطياف براحتج يمعودة بس فضينه بسرعه

طلعت بنطورن اسود وبدي وستره ورتبت نفسي ورشيت عطر وطلعت وياها

ريحانه يله خاله اني رايحه مع سلامه

الحجيه الله يواج يمه محروسه

بقيت اباوع عليها طبعا كلبها كلش طيب الله يحفضها

طلعت وي اطياف وسيدنه الباب بقيت اباوع على فرعهم متروس ناس هاي اشلون راح اطلع مادري مشينه اني واطياف صعدنه بالسيارة كبل

مالت زوجها صاعده ويا امه وبنيه واني واطياف وسعد طول الطريق يباوع عليه حسيته يريد يكلي شي واني

طول الطريق اباوع على السيارات اشلون راح انزل اشلون راح اشرد منهم اشلون ماخليهم ينتبهون

ماعتقد بوقتها جنت افكر بشي غير انو اشرد وحتى اذا حصو عليه اصيح اصرخ واكول يريدون يخطفوني وكلهم يعوفوني  المهم احجي وي اهلي

ريحانه اكلج اطياف نطيني تليفونج

اطياف هاا مو مو مو منير محلفني

ريحانه محلفج شنو

اطياف محلفني بروح ابوي مانطيج التليفون اعذريني

ريحانه ليش شنو السبب

اطياف والله مادري .

ريحانه بقيت اباوع من الجامه بصفي اطياف وكدام ام سعد وبصف اطياف اخته لسعد الي اجتي ويا امها النه

مكيجه مكياج لعبان نفس

ملطخه تملطخ المهم نزلنه وهوسه صارت ولا عبالك خطبه لعد بالعرس اشلون اطياف التهت بعمتها والبنات كلهن اجتمعن سوة واني بقيت واكفه يم السيارة

بقيت اباوع عليهم محد بحالي بقيت اتمشى على كيف اباوع لنفسي ارجف وين الحجي لعد اشرد ومابقه

صدك لو سموني الفاهيه المهم مشيت ودرت وجهي وماباوعتلهم فتت نص الطريق حسيت هذا هو راح اروح لاهلي اباوع اريد اوكف سيارة

ماكو تكسي شفت تكسي من بعيد ردت اشر واحد لزم ايدي باوعت سعد

سعد وين رايحه

ريحانه شنوو

سعد وين تريدين المن جاي اتاشرين

ريحانه ميخصك ابتعد عني اريد ارجع

سعد سهله تعاي ارجعج اني

ريحانه ابتعد عني لا اصرخ والمهم كلهم عليك

سعد انتي خبله شتصرخين انتي اجيتي ويانه ونص العالم شاهدين اتصرخين اطلعين انتي الموزينه

ريحانه ميهمني المهم اطلع منكم ومارجع

سعد ليش شنو السبب شصاير

ريحانه مصاير شي ابتعد مني

سعد زين والي يكلج شكو وشصاير وليش هيج جاي يصير وياج

ريحانه من سمعته هيج حجه صار عندي فضول اعرف شكو وشنو قصده

ريحانه احجي اسمعك

سعد مو هسه هسه الناس وين وانتي وين اني كم يوم وامر عليكم من منير بالشغل

ريحانه ومنو كلك راح تلكيني موجودة اني هسه اروح وميهمني اعرف كلشييي

سعد بكيفج بس اعتقد يهمج تعرفين نبراس ليش ماتت ومنير ليش هيج يعاملج

ريحانه حتى لو يهمني مابقه لو شيصير

سعد بكيفج بس تدرين بمنير ميعوفج لو مو اهلج واذا رجعتي هسه ابوج خطيه مريض يعني بحجايه وحدة من منير تدرين شيسوي وانتي مصارلج عشرين يوم من تزوجتي صح

ريحانه من حجه هيج مخفت من كلام الناس اصلا هذا جان اخر همي بس اجاني فضول اعرف ليش هيج يسوي منير وليش نبراس الها دخل بالموضوع معقوله هو عباله اني كاتلتها  بس اشلون عباله هيج شي

سعد يله امشي الناس تباوع علينه

مشيت تلكتني اطياف طلعو لبسو الحلقات

اطياف وينج اشو مشفتج جوة

ريحانه لا دخت وطلعت وكفت هنا

اطياف دمشي يله

رجعته وطول الطريق افكر بكلامه وهو طول الطريق يباوعلي نضرات صح مو راحه بس مجنت مخليه شي ابالي

لحد اليوم اله اجه بي للبيت مالتنه

الحجيه مشكورة يمه عاشت ايدج

ريحانه بالعافيه الف عافيه

الحجيه اليوم منير اتاخر شعجب

ريحانه والله مادري خاله يمكن مشتاق لجماعته

الحجيه اي هو صارله هواي مشايفهم

بيومها منير طلع من ساعه 6 المغرب صله وطلع طبعا بوقتها جان الاذان من وقت لانو رمضان مبقاله شي اقل ال 20 يوم

اخذت ماعون الكيك وطلعت جانت بوقتها ساعه 9 ونص

ندكت الباب بس على كيف وطبعا المفتاح مو عندي هذا الحجي ورة الخطبه بثلاث ايام

ريحانه رحت وكفت يم الباب

ريحانه منو

سعد اني سعد

ريحانه المفتاح مو عندي عندي منير واطياف معندي نسخه ماكدر افتح الباب

سعد هاي شنو صدك تحجين

ريحانه اي والله

سعد ثواني وارجع

ريحانه رحت للمطبخ وصدك تقريبا خمس دقايق واجه فتح الباب

مشه على كيف حتى الحجيه متسمعه طب للمطبخ وكف يمي

ريحانه اي اسمعك شردت تحجي

سعد مستعجله مبين

ريحانه اي

سعد تمام منين اتريدين ابدي

ريحانه ليش هيج يسوي وياي منير

سعد لانو عباله انتي السبب بموت نبراس

ريحانه واشلون اني الي سبب ونبراس جانت اعز صديقه عندي

سعد لانو انتي الي بعتيلها الحبوب تذكرين لو لا

ريحانه شنو ها لا لا طبعا لا اني مستحيل هيج اسوي هيه الي جانت تاخذهن بدون علمي وشريط واحد وماعتقد الشريط ممكن اياثر عليها ويخليها تموت

سعد ومنو كلج هيه اخذت شريط واحد بس

ريحانه اني ممنطيتها وروح امي هو شريط واحد واخذته بدون علمي اني مالي دخل

سعد انتي هيج دكولين بس منير ميكول هيج هو عباله انتي الي قتلتيها   وانتي الي علمتيها على الحبوب والمخدرات

ريحانه مستحيل هل شي اني مستحيل هيج اسوي بنبراس

سعد ادري بيج

ريحانه منين تدري

سعد لانو نبراس جانت تسولفلي وانتي صح ممنطيتها واصلا الحبوب مالتج مفعولها مجان قوي جانت بس تخلي الشخص ينام

ريحانه اشلون لعد نبراس ماتت واشلون انته تدري بهاي السوالف

سعد مو كتلج نبراس جانت تسولفلي

ريحانه وبصفتك شنو وتسولفلك وليش مجانت تسولف لمنير

سعد لانو منير غبي جان يحبها وهيه جانت تحبني بس جبانه الله يرحمها

ريحانه من حجه هيج حسيت نفسي ابفلم هندي ضحكت كلت هسه تدخل نبراس ودكول اني مميته مثل الافلام الهنديه

سعد شبيج تضحكين

ريحانه مو حقي اضحك زين اذا نبراس مجانت تسولف لمنير اشلون منير عباله اني الي قتلتها

سعد بالطب الشرعي من حللو لنبراس عرفو هسه ميته بجرعه زيادة من الحبوب هيه اخر فترة صارت تشرب هواي ومتحمل جسمها

ومنير ورة موتها راد ينتحر بس من قره المحادثات بينج وبينها اخذ فكره انتي الي قاتلتها لان بالمحادثات انتي جنتي تحجين وياها على حبوب

ريحانه وانته شلون عرفت هيج شي

سعد بيوم الي فصخ الخطوبه من اختي هيج كال حجه وياي وفهمني

ريحانه زين اشلون تحبك جانت اذا انته متزوج واشلون منير جان يحبها وهو خاطب اختك

سعد بعدين تعرفين كلشي اعتقد هسه فهمتي نص القصه صح

ريحانه وهذا ينطيني الحق مابقه هنا ولو لحضه وحده

ردت افوت حتى اطلع لان   الباب اكيد مفتوح

طلعت لزمني من ايدي... اسمعي لج طلعه منا ماكو سمعتي لو لا

ريحانه وانته منووو حتى هيج تحجي وياي

سعد بعدين تعرفين وسمعتيني طلعه منا ماكو اياج ياريحانه اسمع انتي طالعه لان بوقتها وامه محمد ماخلي بيج شي سالم

ودفعني وطلع وسد الباب

لا جانت عايزة والتمت بقيت صافنه هذا صدك يحجي يعني منير وهوة عليه

مامر على طلعت سعد عشر دقايق واني بعدني واكفه بمكاني وافكر بالحجي الي كاله اني صح جنت شاكه انو منير عباله اني الكاتله نبراس

بس متوقعته غبي لهل درجه يعني ليش اتزوجني وليس هيج سوة وياي زين صح هسه هو معذبني ويضربني بس مو تعذيب مالت واحد يريد ينتقم علمود حبيبته

واني احجي دخل هوة

بقيت اباوعله واضحك

هو رفع حاجبه وهز ايده وراح يم امه

حقه يضحك لو يجي واضحك بوجه لو يجي ويلكيني مطنكره عمي حقه والله

...

هنا وخلص البارت اتمنى يكون عجبكم

نصيحة اليوم ..

لا تـــخـسـر نـفـســـك ..

وأنت تحاول الحفاظ ..

ع شـــخص لايـــهتم ..

بــــــــــــــفـقــــــدانك......🚶‍♂

..

ريحانه طبعا حقه يهز ايده ويروح ساعه يجي مطنكره ساعه يجي اضحك .. بس ليش هيج شنو الي خلا متاكد اني الي قتلت .. نبراس

زين اذا هيج متاكد اني الي قتلتها ليش مبلغ عني الشرطه ليش مسواها عشائر .. ليش اختار يتزوجني وهو هسه تعذيبه مو ذاك التعذيب القوي صح

يضربني ويهيني بس اكثر المتزوجين هيج حياتهم الاغلبيه جانو ينضربون ..

زين اذا اواجه شنو ممكن يكلي بس منير كلبه طيب صح حيوان بس كلبه طيب اذا اكعد ويا وافهمه اكيد راح يفهم ..

طلعت من المطبخ لكيته كاعد يم امه  وصافن

الحجيه متعشي يمه

منير اي يمه تعشيت يم صاحبي ..

ريحانه احضرلك الحمام

منير ومن شوكت تسالين  حضري واسكتي

ريحانه مابيها شي اذا اسئلك ترة ..

منير هوووو بدينه اليوم لو ادري مجاي هواي احسن

كام وطلع من الغرفه راح للاستقبال خجلت من امه ولو هاي مو اول مره

طلعت ورا

ريحانه مو كافي يعني لشوكت تبقه هيج لا اني مرتك ولا اني اختك ومجاي افهم ليش هيج اتسوي وياي

منير مالي خلكج ابد وخري مني

دفعني وطلع من الاستقبال طلعت ورا

ريحانه مستحيل اني اليوم لازم افهم كلشي الي ابالك شنو ليش هيج تعاملني اذا مجنت رايدني من البدايه ليش اتزوجتني

منير اليوم شكوووو  شفتيني طلعت شويه واتونسيت وي اصدقاءي لازم تنكدين عليه

شفته تعصب عفته وصعدت فوك اشو هذا صعد ورايه

سديت الباب فتحه

رحت كعدت على الجربايه وسكتت

منير انتي شنو شافتني كدامج شوكت متحجين تريديني احجي وشوكت متسكتيني تريديني اسكت

ريحانه لا موقصدي بس انته متتقبل الحجي مني شسويلك  شحجي تكلبه ضدي  يمكن اني مسويه شي الك بدون قصد بس مو هيج التعامل اكو شي اكعد واحجي وياي  فهمني

وهو واكف كمت وكفت يمه .. لزمت ايده

ريحانه منير اي شي ابالك احجي وياي يجوز نتفاهم يجوز انته فاهم غلط اني ادري بيك موقصدك تسوي وياي كل هذا يعني هسه احنه صارلنه شكد مزوجين ماكعدنه سوة وحجينه مسولفت وياي مفهمتني احنه شنو طبيعة علاقتنه

يابن الناس اذا مراغبني وبعدك تحن لخطيبتك عادي مبيها شي عوفني ارجع لاهلي شعندي باقي يمك لحد هسه

بقه صافن بوجهي وعافني وطلع

يربي هذا الرجال خبل شسويله كاضيهة تصفن شلون سالفة هاي بللة

بس عادي المهم عرفت هو ليش هيج يسوي ويايه

رحت حضرتلة الحمام ونزلت اسوي عشة

صعد هوة للحمام سبح

سويت عشة مقالي وصعدتة

ريحانة نعيمن

منير 😒😒

ريحانة لا نوب فوكاهة ميباوع ضليت اجر نفس وطلعة ضجت

شهلعب ضليت اروح واجي وسد الباب حيل

انتبه ضل يباوع ..

ريحانة ع شنو تباوع بللة

منير يعجبني هيج اباوع عندج مانع

ريحانة اوووف قوتك ربي لا علئ شنو مانع اخذ راحتك اخذ راحتك

منير اي عبالي 😒

ريحانة اكلك اني هلسوالف ماريدهة لا تباوع هيج تريد تحجي احجي

ترة ماستحمل

منير اكلج صمي حلكج شو صالج ساعة تلعلعين

ريحانة اللعلع مالعلع حرة ياهوة اليجي ويدخل اسمع اني ادري تريد هيج عود اذكرني بنبراس اني معلية بموتهة وبطل هلسوالف انتة مو طفل

منير اجيتهة لزمتهة من شعرهة ولج شو متحترمين بتل ... انعل والديج سافلة

ريحانة وخر مني اياك تلزمني حيوان كلماحجة ونبراس

ادري اني قابل موتتهة الله ياخذني وخلص من هلملة الزفرة ...

منير انتي اليوم جلدج يحكج شو تعاي ضليت ادفر بيهة وركعهة طلعت ضيمي

اذكرت نبراس كمت اضرب بيهة اكثر

شفتهة تخربطت وخشمهة ضل يجري دم استغفرالله ربي اني شسويت

كومي ريحانة ضليت اضرب ع رجهة ماكو

يمة يمةةة ..

الحجية ها يمة شبيكم اصواتكم عالية مابية اصعد

منير ولج يمة نبراس تخربطت

الحجية عزة بعيني

يااااا هاي شصاير الهة شمسويلهة

منير يمة مادري شسوي هسة

الحجية العب يعني شسوي كوم نزلهة نوديهة للمستشفئ

منير رحت جبيت السويج وشلتهة ونزلت اركض بيهة

وديتهة للمستشفئ خذوهة ع الدية وراحو

الدكتور هاي البنية متعرضة لتعنيف قوي منو وياهة

منير اني دكتور

الدكتور لازم نفتح تحقيق ابلغ الشرطة

منير لا ماكو شي وكعت وزحلكت

الدكتور هوة ياهوة اليجي وكال وكعت من الدرج وزحلكت متخافون الله انتو

منو انتة

منير اني زوجهة ----

الدكتور تكعد ونشوفهة وكعت ازحلكت الله اعلم

ساعة هيج وكعت...

ريحانة ضليت اجادل ماكدر اسكت طبعأ مادري بروحي وفقدت الوعي

كعدت بلمستشفئ ضليت اون

راسي موتني يمة ...

منير طبيتلهة حمدللة ع السلام

ريحانة الله يسلمك تعال خلي احضنك اطلع برة حقير كلة منك اخخخ بوية راسي

يوجعني اطلع ماريد اشوف وجهك

منير لزم ايدي وكعد يمي

منير اسف حبيبتي صح هل مره قسيت وياج بس شسوي ريحانه انتي الي استفزيتيني يعني اكو وحده تغلط على رجلها

ريحانه وانته كل الي سويته وياي عادي ومن غلطت اني صارت مو عادي

منير اني رجلج ريحانه يعني اذا انتي ماتتحمليني من  يتحملني المهم عدنه بيت نكعد بي ونتفاهم

ريحانه ماعرف ليش من حجه هيج وياي كلبي رف عليه كلت يمكن هل مره لانو قسه وياي صحه ضميرة من شافني هيج وبالمستشفى

الدكتور هلة بلحلوة شلونج شتحسين روحج زينة لا

ريحانة راسي يوجعني ورجلي مئذيتني

الدكتور اكيد بابا هسة تفتحيت بلاغ ولا تسكتين ميصير يضربوج وتسكتين

ترة يعيدوهة

ريحانة لا دكتور مافتح ماكو شي اني وكعت من الدرج

الدكتور بابا احجي هوة يكول تزحلكتي ونتي تكولين وكعت من الدرج ميصير بنتي

ريحانة لا دكتور كتلك ماريد وعفسة اريد اطلع

منير شوكت نكدر نطلعهة

الدكتور تكدرون تطلعوهة بس مر بلصيدلية اخذ علاجهة

منير انشاءلله

طبيتلهة يلة كومي امشي

جرني وصلنة للبيت لكيت اطياف اجتني لزمتني وتمشي بية

طببتني لغرفه الحجيه

الحجيه هاي يمه حمدالله على السلامه خيركم عين وصابتكم

طبيت نمت ع الجرباية وضليت اون ؤجلي كلش مئذيتني

الحجية شلون صرتي هسة لونهة رجلج

ريحانة خالة رجلي توجعني

ريحانه باوعت لاطياف اشرت لمنير وطلعته كمت على كيف اجاني فضول اسمع شيكللها معقوله يكللها اني ضلمتها وياي

اطياف لا منير ترة وصلت حدها يعني لو صاير شي بالبنيه شوف وجها مزورك ورجلها بالكوة تمشي عليها

منير ويطبها سم شترديني اسويلها بعد كل الي سوته

اطياف منير كتلك مالها دخل مالها دخل ياخي ليش ماتفهم نبراس شوف شجانت تسوي وكعت روحها بمصيبه

منير اسكتي انتي ماتعرفين نبراس اني اعرفها كلش زين وهاي الحقيرة الجوة تستاهل اكثر

ريحانه من سمعته هيج يحجي تخبلت يعني معقوله صدك يحجي معقوله اجتني فرصه لحد عندي وماعرفت استغلها عدل يعني بالمستشفى جان ممكن اشتكي عليه ممكن اكول للدكتورة هو يعذبني

جنت اكدر اخابر اهلي

طلعت وشافتني اطياف نصدمت بس هو ولا جنه

ريحانه الله لا ينطيكم ثنينكم لعبتو بيه فلك شنو ذنبي اني بالي ماتت جانت صديقتي وهسه كرهتها من وراكم

منير اكلج اسكتي لا اكسرج فوك مانتي مكسرة

اطياف اش اش اسكت امي مريضه يمعود اسكت  ماشايفها شصار بيها من كتلها ريحانه بالمستشفى رادت تتخربط

ريحانه وانتي الي هامج امج اني شنو لعد دمرتيني بسوالفج هاي

منير وخريها مني لا ومحمد اكسرها

جرتني اطياف ودخلتني للمطبخ

اطياف اششش اششش اسكتي ولج مناقصه تكسر انتي

ريحانه وخري مني حسبي اله ونعم الوكيل بيج دمرتيني اني شنو ذنبي شنو ذنبي بيكم

اطياف اش اسكتي واهدي يصير خير والله كومي ارتاحي

كومتني من المطبخ لكيته هستوه صعد فوك يعني راح ينام فوك طببتني اطياف للغرفه

بقت يمي

الحجيه وين رحتن يمه

اطياف غسلتلها يمه وجها

الحجية اسمعي اني لين كدامة ذبيت الصوج بي علمود ميمد ايدة عليج

بس انتي وين اكو مرة تلاسن رجلهة مو عيب

ريحانة خاله  ادري بس والله هوة نرفزني

الحجية حتئ لو يلة نامي هسة علمود ترتاحين

ريحانه عرفتها من حجيها اطياف مفهمتها اني متجازوة على منير وهو لهل سبب هيج سوة بيه هيج الحمدالله الجذب يمشي بدمهم

نمت بس جسمي احسة تكسر شدعي عليك اففف

كعدت اريد اكوم ماكدر ضليت ابجي احس جسمي مكسر تسكر

وخطيه الحجيه اليل كله كاعده وياي من اون

انوب اريد اكوم ماكدر فجاء دخل عليه منير

منير شبيج تبحين محتاجة شي

ريحانة اي محتاجة توخر من وجهي

منير هسة تردين شي لو لا

ريحانة اريد اكوم وين اطياف

منير بعدها مجايه

كومي اطيني ايدج

ريحانه لا شكرا اني اكوم

منير دجيبي ايدج

ريحانة اطيتة ايدي بنفاذ صبر ستغفرالله خليني بلمطبخ

منير تتريكين

ريحانه لا شنو هل حنيه الي نازله عليك اليوم

منير سدي حلكج طبج مرض ضلي هيج مو مال عيني واغاتي

طلع وسد الباب

ياا هاذة شبيةالحمدلله والشكر ع نعمت العقل

ضليت صافنة مابية اكوم هية 15 دقيقة ونفتح الباب

طبت اطياف درت وجهي

اطياف هلوو يابة شو ديرين وجهج لا سلام لا كلام شبيج

ريحانة وخري ماريد احجي وياج

اطياف هااا انا اخوك شلون ولج

ريحانة  كلة من وراج خليتيني ازوجة هوة هاذة ينحمل دشوفي شسوة بية

اطياف اي خية داشوف ايدة قوية فدوة شمسوي بيج لاعب طنب

ريحانة دبس بس شكد تحجين شعجب اجيتي

اطياف منير خابرني

ريحانة اي مو اكول انتو ماعندكم صلة رحم متجيون تسغربت

اطياف هاا اكلج جاي تجاوزين ونتي مكدرين تكومين ترة هسة اكوم امردغج

هنانة وطلع متكدرين تكولين هاا شتكولين

ريحانة صمي حلكج والله كلشي يطلع منج

اطياف لعد شعبالج اي هسة شنو تضلين هنا كاعدة

ريحانة اندري كوميني بلة راح تبقين اليوم غير

اطياف اي اكيد متربعة ع كلبج حبي

ريحانة ديلة كومي نكعد بلستقبال علما تكعد خالتي

اطياف هية مبينة يطيح براسي اليوم الشغل يلة امشي

ضلينة نحجي وهيج حجي نسوان شوية وكعدت عمتي سوت اطياف الريوك كعدنه نتريك سوة بقت اطياف تسولف ويانه

كملت الغده كملت كلشي وراحت لانو رجلها خابر عليها

ومنير ماجه اليوم على الغده

بقيت كاعده يم الحجيه تسولف وياي وتنصح بيه على منير عبالها اني الي غلطانه

الحجية حتئ لو رجلج عيب ماما اسمعي انتو مزوجين وكبار عيب هلحجي

وعيب البنية تعلي صوتهة ع رجلهة ميصير زوجج هوة شلون هيج

ونتو لازم تشدون حيلكم وتجبولكم طفل يلة تنحل مشاكلكم ترة مو وضعية هاي كل الي يتزوجون هيج بالبدايه بس من يجي اول طفل تنحل انتي تحيرين بالطفل وهو بمسوليت البيت

ريحانة اكولج عمة يا طفل هاذة وابنج اصلأ ممتقربلي

الحجية شنو يعني شلون

ريحانة عمة يعني مماخذني

الحجية شنهو شتحجين ولج صخام الصخم وجهكم اصغار انتو

ولكم مو عيب شتحجون لعد شسسون باليل يمه

ريحانه انام خاله هو جوة واني واني فوك

الحجيه يا وينه وينه خابري اليه بسرعه اني افتهم ويا خلي يجي  شنو ممتقربلج لعب جهال هو

ت

ريحانه لا لا خاله الله عليج لا دكوليله اني مابيه حيله جسمي مكسر تكسر انوب يضربني اكثر

الحجيه شنو يضربج  اني موجودة

ريحانه خاله البارحه كسرني تكسر ترة

الحجيه يعني هو كسرج البارحه علمود هذا الموضوع

ريحانه لا خاله كسرني لانو كتله انته ليش هيج تعاملني لا تنام يمي لا تكعد يمي ممعتبرني مرتك وحجيت حجي همين وهو حجه واني حجيت وكبينه

الحجيه يعني الصوج منج لو منه

ريحانه لا والله خاله اني ممسويه شي

الحجيه زين يمه بيوم عرسج وين راح شسويتو

ريحانه نمنه خاله

الحجيه كرت عينكم يمه كرت عينكم هنيالي عليك يممه هنيالي خابري خابري

ريحانه يا خاله منيلي تليفون اني

الحجيه اني انتضرة اليوم ليش ماجه

ريحانه مادري بس خاله الله عليج لا دكليله اني كتلج خلينه لازم تنحل ماكو شي ماينحل

الحجيه ولشوكت تبقون هيج يمه حتى حرام هيج سالفه حرام

ريحانه لا اودعج نحلها هل فترة بس لا دكليله

الحجيه يصير خير يمه كومي نطيني علاجي ترة وكفتي لكلبي كومي

ريحانه كمت جبتلها العلاج وشغلت القران وجبرت نفسي امشي على رجلي

طلعت للمطبخ خطيه اطياف ممخليه شي ممسويته مرتبه كلشي

اوف ياريحانه شحجاج هسه انتي لو ساكته مو احسن رحتي حجيت هسه اذا دكله من يجي شيسوي بيج وعلي يسوي كتلج عمل شعبي مره ثانيه وانتي هسه مكسرة يعني تتكسرين زيادة

وهو انتي صاحيه ومدافعتي عن نفسج انوب وانتي مكسرة

والله اني الغبي وطبني طوب استاهل كل الي جاي يصير وياي بالمستشفى وفرصتج جانت لو كايله للدكتورة انو هو جاي يعذبني مجان حجزو ودرو اهلج بيج شجاي يصير وياج

هيه هو شكم مره اهلي يخابرون وهو يغلس مينطينياهم يعني لشوكت اني ابقه هيج الباب مقفول عليه هسه ميكول يصير شي كهرباء اطك احتاج شي

اشلون اطلع زين هو يريد موتي اصلا امه شنو ميفكر بيها استغفر الله يالله شسوي بحالي اني

بقيت كاعده للمغرب كمت سويت اكل اني والحجيه اكلنه هو فات وجايب عشه ويا

ريحانه اجه ابنج خاله

الحجيه هله يمه الله يساعدك

منير ويساعدج يمه هذا عشه جبته الجن

الحجيه اني هاي خير من الله جاي اكل اخذ العشه واصعد وي مريتك اكلو سوة

ريحانه لا خاله نسدت نفسي

عفت الاكل وكمت

الحجيه لا يمه لخاطري اخذي رجلج واصعدي اكلي

منير اني متعشي جبته الحن ونسدت نفسج على شنو خانوو

ريحانه مجاي احجي وياك وي خالتي عفتهم وطلعت للمطبخ

كوة امشي شافني اخلي ايدي على الحايط يله اطلع

خليت الجاي على النار ولمحته فات للحمام وبيدة ملابس يعني راح يطلع

رحت لغرفه باوعت على ملابسه بالكاع فتشتهن وايدي على كلبي مدري ليش فتشتهن بس اكيد علمود المفاتيح مالت الباب

منير شجاي تسوين

ريحانه هنا بلعت عافيتي متت من الخوف كلت هسه شكله

ريحانه شسوي يعني اشيل الملابس الوصخه

جرهن مني اخذ الفلوس ويباوعلي واخذ المفاتيح وشمرهن للكاع

باوعتله عفتهن ورحت كعدت يم الحجيه

ريحانه اشو مجاي تاكلين

الحجيه شبعت يمه الحمدالله

ريحانه انتي اليوم وجهج معاجبني شبيج

الحجيه والله يايمه كلبي يوجعني ياريحانه احس بوجع كلش قوي

ريحانه سلامتج يوم مابيج غير العافيه هسه اصبلج جاي وتشربين علاجج واشغلح قران وتصيرين زينه انشاء الله

الحجيه انشاء الله يمه انشاء الله

ريحانه درت وجهي بعدة واكف بمكانه

منير يمه اخذج للدكتور

الحجيه لا يمه ميحتاج

طلع وعافنه اني كمت شلت الصينيه والملابس ورحت صبيتلها جاي ورحت كعدت يمه شربت علاجها وشغلت القران شويه وغفت اني هم طفتي الاضويه وكملت المطبخ والملابس وطلعت رمضان جان باقيله ايام قليله بوقتها

صعدت فوك رتبت غرفتي اتسله بيها لانو ضايجه بعدين نمت

مرة الايام عاديه وراها مابينه حجي وكل محاوله اسويها حتى اطلع من البيت تفشل الحجيه بدت تمرض هل مره اشوفها وضعها ماعاجبني

اطياف تجيني مرات تكعد تسولف وتشاقه تكسر موضوع وسعد من يومها بعد مشفته

لحد اول يوم رمضان

ساعه 1 ونص الضهر تقريبا اجه منير وجايب مسواك كومه مسواك رمضان يعني

صناديق صناديق عبالك احنه 100 نفر الكاستر والفاصوليه والبانيه والوبيه المقبلات بنواعها ودجاج وتمن والمخضر والسلك هوواي سوالف جاب

طببهن يم باب الشارع وسد الباب

منير تعاي طببيهن

ريحانه بقيت اباوع عليهن ادري شنو احنه شكم نفر

طببتهن بس تعبت بيهن صناديق مو صندوق وصندوقين طببتهن للمطبخ وكلت لخالتي عليهن

ريحانه اكلج خاله كومي اكعدي يمي بالمطبخ ارتبهن ونسولف سوة

الحجيه ولج يمه وين بيه اني اكوم

ريحانه هاي العربانه مالتج واني اساعدج كومي يمي هواي غراض وماعرفلهن انتي كليلي

الحجيه يله كومي يايمه

كومتها ساعدتها كعدت على العربانه وطلعت بيها من الغرفه باوعت باب الحمام مسدود يعني بالحمام

هو هذا الزلمه اكل نوم شغل حمام  كلشي ممفتهمه منه غير هذني

طببتها وياي للمطبخ

ريحانه شوفي خاله جايب فاصوليه وجاي بانيه ولوبيه ومخضر كلشي جاي بس فواكه يمكن مجاي

الحجيه لا حايب بس قليل احنه كل رمضان نجيب الفاكهه قليل

ريحانه اي خاله بس ترة هواي جاي مسواك

الحجيه احنه برمضان الرجل ماتفرغ من عدنه كل يوميه واحد جاينه

ريحانه من هذا مسوك هواي

الحجيه اي هسه باجر اول فطور اعيال اطياف يجون يمنع كلهم ويبقه رمضان كل  يوم ويوم يم شخص

ريحانه حلوة هيج سالفه

الحجيه اي كليلي شجايب وشجايب حتى اكلج شسوين بيهن باجر تسوين بانيه اول يوم بانيه كون بس سوي هواي وتمن والحلويات ونكلي وياهن همين

ريحانه ماشي

بقت تكلي هذا هيج وهذا هيج واني ارتب بيهن علمود اعرف مكانهن وهو مشاء الله عبالك مره مناسي شي

ريحانه خاله هو دائما منير الي يسوك

الحجيه لا يمه دائما نبراس تسوك بس هل سنه منير بس هو يعرف شنحتاج لانو جان يروح وياها

..

ريحانه مر الوقت كملت الشغل كله ومنير طلع ماجه اتاخر على العشه

الحجيه اكلج يمه ماتخابريلي اطياف تجي اتسبحني قبل ماصوم

ريحانه وليش اخابرلج اطياف هيج وقت كومي اني اسبحج

الحجيه لا يمه ماتعرفين

ريحانه يا خاله شبيج والله كومي لاسبحج سبحه مسابحتها من يوم عرسج ها

الحجيه لا يمه تعبين

ريحانه وداعت ابوي اليوم اله اني اسبحج يله كومي

كومتها صدك للحمام

ريحانه بس لحضه ابدل واجيج

صعدت لبست برمودة حتى مركزت على شكلها بس حتى ماتبلل وماتشلع كلبي الملابس ونزلت يمها بالحمام نزعتها ملابسها وخليتها جوة الدوش على كيف

سبحتها على كولتها سبحت العمر بالبدايه خجلانه بعدين من شافتني ممهمته عاديه عدها هيه ليفت جسمها واني ضهرها وكذا

ريحانه اوكفي انشف رجلج ونطلع

منير يمه يممه

ريحانه هنا هنااا

منير شجاي تسوين

ريحانه ناخذ صور

احجي وي من ورة الباب

هو افتهم جاي اسبح بالحجيه مدري مافتهم المهم نشفتلها وبدلتها وطلعتها على العربانه

هو واكف بالباب ومتخوصر ويباوعلي اني مهتميت طلعت كبل وياها للغرفه ساعدتها كعدت على الجرابايه

جبت المنشفه نشفت شعرها شعرها لونه احممممر  دم تخليله دم الغزال

ريحانه خاله تدرين لون شعرج يخبل

الحجيه من اني واصغيرة امي تخليلي دم الغزال وي الحنه ولحد هذا يوم اخليها

ريحانه كلش حلو اريد اسوي شعري مثله

الحجيه من تخليلي اطياف اخليها تخليلج وياها

ريحانه ويصير هيج

الحجيه اي مره مرتين يصير هيج

ريحانه بقيت انشف بشعرها ومشطتا الها وهو واكف كبالي منتبهتله بعدين اجتي عيني بعينه شفته يباوع لرجلي وجسمي نتبهت لملابسي

لكيت جسمي انوب مبلله يعني اغراء مصري صايرة

كملت شعرها ونطيتها الشيله لبستها

ريحانه خاله ابدل واجي

الحجيه اي يمه ينطيج العافيه ويفرحني بولدج يايمه قبل لا اموت

ريحانه عمرج طويل ان شاء الله

منير سويلي عشه

ريحانه ابدل واجي

منير كتلج سوي عشه جوعان كلش مالي خلك انتصر

ريحانه باوعتله وهو واكف بالباب يعني اذا اصعد واغلس يصعدلي كلت خلي انعل الشيطان واسويله واسكت

رحت للمطبخ رفعت شعري وفتحت الثلاجه طلعت كباب وطماطه وزلاطه ثرمتها على العشه خليتهن على السينك درت وجهي  شفته واكف  بالباب

مهتميت اله كليت الكباب واحسه بعده على وكفته كملته هو والطماطه خليتهن بالصينيه وخليت الخبز

ريحانه وين اوديهن الك

منير بالاستقبال

ريحانه اخذتهن ورحت هو ورايه خليتهن وطلعت

منير سويلي جاي

ريحانه اي

رحت خليت الجاي على النار رتبت الطباخ على ما خدر صبيتله ورحت خليته اله بالصينيه وهو مركز وياي بكل خطوة يباوع على جسمي

كملت وطلعت من الاستقبال صعدت فوك

ريحانه يا هذا شبي اول مره هيج يصفن صفنه عليه انوب اكلني اكل باوعت للمرايه

عمي حقه شوفي جسمج اشلون صاير فد شي الصدر والخلفيه والرجل  وبطنج صايرة تجنن يعني حقه

يباوع هو وين شايفج هيج كل يويمه دشداشه وشعرج عليه حجاب شنو فلم الحجاب مادري

وجهي صح مضروبه بس حلو هاي يمكن يلوكلي الضرب اني

بس لا وجهي مقهور بوقتها اذكرت اهلي وابوي خصوصا اشتاقيتله كلش يعني راح يجي رمضان واني منخابرته ومسال عليه هسه شيكول

يعذرني لو لا كعدت على الجرابايه وابجي

اذكرته واذكرت شذى وهبه واسد علي وينك ياسد علي معقوله من تخابر متسال عليه

بقيت حاضنه نفسي وابجي محسيت الا الباب نفتحت مهتميت عرفته منو بقيت حاضنه نفسي على الجربايه وابجي

بسكوت كلت هذا شعنده صعد اليوم ملابسه مو جوة

شويه وحسيت لزم رجلي فزيت وكعدت تربعت على الجربايه

ريحانه شكوو

منير على شنو تبجين

ريحانه وانته شعليك

منير استغفر الله السانج الزمي باجر يمنه ناس ماريد اذيج من هسه

ريحانه وهو انته هذا الي فالح بي وخر مني منير والك دخل شبيه مابيه معليك انشاء الله اطك واموت كدامك بلكي تعوفني وتسكت مني

منير  بدون لغوة زايدة احجي شكو شبيج تبجين اني جاي يمج حاجي شي وياج هو عشه سويتي وصعدتي على شنو البجي

ريحانه واني شبيه ابجي من وراك مخبله قابل

منير شبيج يالعاقله على شنو تبجين

ريحانه مشتاقه لابويه ولاختي ولمرت ابوي مشتاقه لاهلي شنو ذنبي من تزوجت لحد هسه بس مرة وحده حجيت وياهم ورمضان اجه وحتى معايدتهم

منير وهو هذا الي يبجيج  ابوج البارحه خابرني وحجه وياي وكال كلهم بخير ويسلمون عليها

ريحانه حجه وياك انته مو وياي اني اني اريد احجي وي اهلي شتاقيتلهم صار هواي محاجيه وياهم

بقه صافن كدامي بعدين طلع تليفونه ولعب بي وخابر

ويباوعلي

منير الو السلام وعليكم هله حجي اشلونك .. شخبارك والله الحمدالله رمضان كريم الله يحفضك الله يحفضك اشلونكم شخبارك الحجيه اشلونها

الحمدالله الحمدالله والله هاي هيه تريد تحجي وياك اي تفضل

ريحانه جريت التليفون من ايده

ريحانه الو 😢😢😢

فارس هله هله بحبيبت كلبي اشلونج بويه شخبارج

ريحانه😭😭😭😭ال حمدالله  بببخير  انتتته اشلو ننك

فارس شبيج بويه ليش البجي

ريحانه ماا ماكو شي بس مستاقتللك هووايي

فارس بذاته اذا مشتاقتلي ليش ماتجيبين رجلج وتجينه هبه بس تحجي بيج دكول اشتاقيتلها واشتاقيت لعركها وياي

ريحانه اني همين اشتاقيتلها هوواي واشتاقيت لشذى ولاسد علي شتاقيتتلكمم كلكم

فارس بعد كلبي يابويه اشلونج شلونه رجلج وياي

ريحانه الحمدالله بخير شخبار اسد علي

فارس مبقاله شي انشاء الله خابرني قبل شويه حجه وياي دائما من يخابر يسال عليج

ريحانه والله اشتاقيتله اليوم ذكرته وبجيت

فارس هو همين خنكته العبرة من حجه بيج يله يابويه مابقه شي انشاء الله وانتي هذا رمضان جيبي رجلج وتعاي النه

ريحانه اي يابه اجيكم اجيكم انشاء الله

فارس والله يابويه لو مامريض جان اجيتج اني بس مريض وداعتج وروح امج

ريحانه شبيك يابه خير قلقتني

فارس والله يابويه مادري كلبي وكلياتي ماذياتني كلش

ريحانه خير انشاء الله رحت للدكتور لو لا

فارس اي قبل كم يوم رحت ونطاني علاج ويصير خير

ريحانه اي استمر على العلاج مو تعوفه ادري بيك اني

فارس لا بويه استمر وداعتج انتي سلميلي على الحجيه

ريحانه الله يسلمك

فارس باجر اول يوم رمضان انطيني رجلج معزومين يمنه على الفطور

ريحانه هذا منير وياك

منير ها حجي . اي اي ..والله حجي ماعرف شكلك بس احنه باجر عازمين نسابتي كلهم على الفطور انتو تعالو  معزومين يمنه شتكول

ها اي اي شذى زين جيبها وتعال عادي . ها اي براحتك على غير مره انشاء الله سلملنه حجي الله وياك الله وياك..

سدة واني اباوعله محجه شي

ريحانه شكلك

منير عزمني وكتله احنه باجر يمنه ناس باجر عيال اطياف كلهم يجون تره اطبخي من وقت

ريحانه ادري كالت خالتي

كمت من الجربايه وطلعت من الغرفه بملابس نزلت يم الحجيه بقيت كاعده هيه نامتلها شويه اني بقيت كاعده اول يوم رمضان ومسلسلات قبل السحور سويت السحور وكعدتها

ومنير اصلا كاعد طول اليل يفتر علينه

كعدنه نسحر سوة ونسولف اني اكثر سوالفي وي الحجيه ومنير يذب حجي ويسكت يذب حجي ويسكت

....

هنا وخلص البارت شنو رئيكم بي وادري بي سحك هوووواييي بس عادي غلسن وباجر نفس الوقت بارت جديد

ليش تلومني #وانته التغث بيه 🥀

وتكبر با الجرح #مابيك حنيه 🤕

اطيحن طيحت #الفاكد ولف بل الماي 🥺

ونته شوفني ودكول #شعليه 💔

.

ريحانه اجوي الجهال بالمنطقه يصيحون سحور سحور والحركه مبينه بالمنطقه الاضويه مشتغله يعني اجواء رمضان بمعنى الكلمه واول يوم فصارت حلوة صدك بوقتها فقدت اهلي

وجمعتنه ولمت رمضان اذكرت هواي سوالف صارت برمضان عند اهلي

هبه ريحانه ريحانه

ريحانه ها ها شكووو

هبه كومي ولج ساعه 5 ونص العصر بيش ساعه تكعدن

ريحانه اني شعليه اليوم عليه بس الاماعين والتنضيف خلي شذى تساعدج

هبه ولج الي يسمعجن يكول كاعدات ايجار لو البيت 600 متر ولج كومي ساعديني

ريحانه والله ماكو يالله خلي شذى تكوم وياج مو البارحه اني سويت وياج الفطور خليني نايمه البارحه ورة السحور اني الي حتاريت بالتنضيف ترة انتو نمتو واني كاعده  وشذى كالت بس ساعدين ساعدتها عافتني وراحت نامت

هبه دكومي ياعيني انتي الجبيرة وذيج مطمورة ماتكوم

ريحانه ام اسد والله نعسانه

هبه دكومي ياعيني مابقه شي للفطور كومي وياي

ريحانه صار صار

كمت بوقتها جانت بطني ماذيتني كلت من الصيام طبعا اني عكس الناس الناس تضعف برمضان اني اسمن

غلست وجهي ونزلت للمطبخ

ريحانه اسوي الكاستر واخلي بالثلاجه يبرد على ما نسوي فطور اليوم شنو نسوي صدك

هبه نسوي باميا مسويناها بس مرتين برمضان

ريحانه اي وابوي يحبها اني اسويها لعد وانتي سوي التمن

هبه ترة مقلمتها اني وغاسلتها كلشي جاهز

ريحانه يله تمام خليتها على النار اسلكها ورحت للكاستر اسوي بي رتبته بالكوس بس بطني كلش اذتني خليته بالثلاجه ورحت للحمام

لكيت الدورة جايتني يعني اجتني قبل الفطور بساعه مدري شكد ليش يعني ليش

هبه ها شبيج تحجين وي نفسج

ريحانه اجتني الدورة

هبه يا اي صدك انتي هذا وقتها لانو شذى خلصت قبل كم يوم

ريحانه اي هو وقتها بس اني ناسيه

رحت للثلاجه طلعت كاست كاستر وطلعت مي وجبن

هبه راح تفطرين

ريحانه اي اني جوعانه وكعدت اكل

واني اكل بالكاستر طب اسد علي شافني اكل  هنا مدري شردت اسوي لا اني غصيت بالاكل لا اني عفته وكمت كمت اتخيل نفسي جوة الميز كاعده اريدة بس يدري وجه

اسد علي شنو فاطرة ولج

ريحانه بقيت اكح وهو يباوعلي

هبه اشربي مي اشربي

ريحانه ها لا مو فاطره نسيت

اسد علي ونسيت واكلتي كاست كاستر وجبن ومخلصه نص بطل المي لعد اذا مذكرة شسوين

هبه دعوف البنيه يايمه خليها تاكل اكلي عيني اكلي وجهج اصفر  صار

اسد علي شراح تسوون فطور

هبه انسوي باميا

اسد علي راح اجيب العصير والبن تريدون شي اجيبه وياي

هبه بس جيب صمون لانو ريحانه تحب الباميا وي صمون وجيب وياك فستق تخلي على الكاستر

اسد علي وبعد

هبه هذا هو سلامتك

اسد علي وكعدي بنتج خلي دكوم عاد بس تسلم على رمضان راح يخلص وبعد مشايفها كاعده الضهر

هبه اي يمه هسه اكعدها

طبع اسد علي من المطبخ ورجعت كعدت اكل اول مخليت الكمه طب للمطبخ

يمه اجيب بس فستق وصمون كلتي

ريحانه غصيت وهو ضحك

اسد علي هسه اني متقرب منج اكلي اني شعليه

هبه اي يا يمه بس فستق وصمون

طلع عفت الاكل وكمت غصيت مرتين

..

رجعت للواقع اسوي بالسحور وابتسم لا اراديا صدك اشتاقيت لايامه وشقانه وعركنه اشتاقيت لكلشي

سويت السحور ورحت يم الحجيه كعدت اني وياها ومنير اني اسولف وي الحجيه اكثر شي وهيه تسولف على رمضان وعلى السحور منير يحجي بس اني اهتم اكثر شي لحجي الحجيه

خلصنه السحور والجامع يقرة والجهال بالفرع صوتهم مسموع

لحد مصاح امساك وراها صلينه وقرينا قران اني والحجيه اول عشر اوراق اني اقرة والحجيه تقرة وياي وهيه حافضه القران لانو قبل لا احجي هيه تحجي

كملنه كتلها اليوم انام يمج

مابيه اصعد فوك

الحجيه هله بيج يمه  بس يمه لشوكت تبقين انتي ورجلج هيج لازم تشوفيلج حل يايمه

ريحانه بيمن خاله

الحجيه بموضوعكم يايمه هسه انتو هم محسوبين متزوجين

ريحانه شسوي ياحجيه منير ماعرف ليش ضايج مني

الحجيه ماكو هيج حجي يمه الرجال من يشوف مريته معتنيه بي ومعتنيه بنفسها ليش مايجيها وانتي يايمه طالبه جامعيه يعني تعرفين هيج سوالف

ريحانه يصير خير خاله الله يسوي الي بي الخير

..

نامت الحجيه واني بقيت شويه كاعده احجي وي نفسي طبعا ماطيحت حضي غير الجامعه اني طبيت للجامعه منا وطاح حض حضي منا

نمت واني احجي وي نفسي فزيت الضهر على وقت الصلا كمت صليت وي الحجيه وبقيت كاعده بمكاني ماعندي شي منير طالع البيت منضفته والملابس ماعندي شي بس الفطور كلت تصير ساعه 2 ياه اكوم

ريحانه اكلج خاله همه شكم نفر يجي اليوم

الحجيه كلهم يمه

ريحانه يعني كلهم كلهم

الحجيه اي يمه

ريحانه لعد اكوم من هسه

الحجيه بكيفج يمه انتي تعرفين نفسج بشكد تكملين

ريحانه دكومين دكعدين يمي ابدال ماتكعدين وحدج

الحجيه اذا العربانه قريبه اي جيبيها

جبتلها العربانه واخذتها يمي بالمطبخ

ريحانه خاله راح اسوي حلاوة واخلي وياها شعريا واسوي الزلاطه والطرشي واحضر الاماعين اخليهن على السينك واثرم كباب واسوي شوربه

وبعدين اخلي الباميا على النار شتكولين

الحجيه اي افضلج الشغلات الناعمه تاخذ وقت اكثر

ريحانه اي والله صدك اذكر مرت ابوي جانت تكلي اتعب بيهن اكثر من ماتعب بالفطور الاساسي

بقيت اسولف وياها واسوي بالكاستر واثرم بالزلاطه بس شنو هواي سويت بحيتث صارت فوك ال 16 كاسه كاستر 9 زلاطه والحجيه دكلي زين يكفن

يعني يكفن مو زايدات وسويت الشوربه وحضرت الكلاصات والكوس والاماعين طلعت التمن نكعته يعني كملت كلشي ساعه 6 ونص ضبط طفيت الجدر من على النار 

ريحانه اخيرا كملت

الحجيه والريحه ترست البيت ترس شهل نفسيه يمه

ريحانه بعد كلبي تسلمين

الحجيه دخذيني للغرفه وروحي انتي جهزي نفسج

ريحانه ماشي

اخذتها للغرفه وصوت الجامع قريب من عدنه مشغلت القران بقت تسمع بصوت الجامع صعدت اني للغرفه طلعت دشداشه سمائيه وبيها ورد اصغار كلش بس حلوة

اخذتها واخذت ملابس داخليه ودخلت اسبح

طلعت نشفت شعري ومشطته وخليت مكياج بسيط بس لعيوني ورتبت وجهي صح سمنانه بس لازم شويه اضائه رتبت وجهي ورتبت الغرفه

اخذت شال ونزلت كبل رحت للمطبخ لكيت منير جاي وكاعد يسوي بالعصير اني مهتميت طبيت اخذت خبز وشربت باماعين كبار لانو باميا لازم تشريب حضرت الخواشيك كمل كلشي

يعني بس اصب شفت البن بعده بالجيس

فرغته وخليته بالثلاجه

اول مخليته ندك الباب

طلع منير فتحه اني كلت يعني اكثر شي اذا يجون 10 نفرات

اشو الباب نفتح نفر ورة نفر صار يطب طب رجال جبير بعدين سعد بعدين الحجيه بعدين ثنين ولد بعدين زهرة بعدين اطياف وثنين جهال بعدين بنيه ماعرفها مبينه جنتهم وياها طفل وثنين بنات بكد شذى تقريبا وبالاخير ولد اثنين هم طب بحيث بقيت صافنه اني وفاكه حلكي

سلم عليهم منير وطبو الزلم بالاستقبال واني صافنه على العدد والله يعني نصدمت طبو كلهم جكه وحده

والنسوان جابتهن اطياف ودخلت من باب المطبخ

اني وكفت وبديت اسلم عليهم

ريحانه اهلا وسهل نورتو البيت تفضلو اكعدو يم خالتي

الحجيه سلمت بس زهرة رافعه خشمها (زهرة الي جانت خطيبت منير )

الحجيه وينها ام منير

ريحانه جوة خاله تفضلي

طبن وطبيت وياهن سلمن على ام منير وكعدن يمها يوسلفن وبدت اطياف تعرفني عليهن

اطياف زهرة تعرفينها وهاي منى وزهراء اخواتها الصغار وهاي مريم مرت حماي

ريحانه اهلا وسهلا تشرفت بيكم نورتو

مريم بنورج حبيبتي يعني شدعوة الباب بالباب وماتجين

اطياف يا ولج مو كتلج وين هيه تطلع

ريحانه اي المحروس يغار كلش

زهرة من شوكت الي اعرفه منير واثق بنفسه ميغار

ريحانه هو من ناحيه واثق واثق بس ماكو واحد ميغار على مرته

مريم والله عمي حقه اشو تخبلين يكلج تطلع يضربونها بعين انتي بس بالخطبه  مالت فواد وطلعتي تخبلين

ريحانه حياتي من ذوقج شهل عسل هذا

مريم يوم الي الج

نطتني الطفل الي بيدها

ريحانه اللهم صلي على محمد شنو اسمه

مريم يزن

ريحانه فدوة للاسم  يجنن

زهرة انتي شعجب لحد هسه محبلتي ممراجعه دكتورة

ريحانه باوعتلها هاي تريد عركه واني مالي خلك كلت خلي العب من جوة الحزام احسلي

ريحانه لا حبي منير ميقبل يكول الطفل هسه يشغلج عن الدراسه واني سنه ثانيه قانون يعني ماكدر هسه انشاء الله من اكمل

اطياف ريحانه عندج شي بالمطبخ اسوي الج

ريحانه لا كلشي جاهز بس اصبه

اطياف دكومي مابقه شي

مريم خليني اساعدجن

ريحانه لا شنو هاي اكعدي انتي اني مكمله كلشي

زهرة عادي مابيهاا شي كلنه نجي وياج وين ادبرينها وحدج

الحجيه لا جنتي سباعيه كملت كلشي لوحدها

مريم اختيار منير بعد اشلون مو سباعيه

ريحانه انتبهت لمريم تذب كل كلمه هل كبرها على زهرة عبالك عدوتها عرفتها واكفه اليه

رحت للمطبخ وي اطياف ومريم بيدها الطفل لحكتني وزهرة وراها بس منى وزهراء بقن ماجني

اطياف والله عمي نادرة مكمله كلشي

فتحت الثلاجه وطلعت الكاستر

ريحانه ليش لا يخرب

اطياف يمعودة بعد ربع ساعه على الفطور خلي نطلعهن حتى كبل للسفرة

مريم اي احسللجن حتى ماتصير جرجره احنه هيج نسوي من نعزم

ريحانه بكيفجن

طلعت السفرة خليتها على الميز

طب منير

المصلايات وين

ريحانه هنا صفنت عليه صدك المصلايات وين مالت الخطار

منير هش المصلايات يمعودة

ريحانه ها اي اي هسه اجيبهن

باوعت لاطياف مامنتبه اليه

زهرة شنو ماتندلين مكانهن

ريحانه لا حبيبتي بيتي اشلون ماندل مكانهن .. هسه اجيبهن الك عيوني

رحت للحجيه ركض طبيت بثكل دنكت وحجيت وياها

ريحانه خاله المصلايات مالت الخطار وين تخلوهن

الحجيه بجيس جوة جربايتي

ريحانه مديت ايدي وطلعتهن كلهن هواي جانن

ريحانه زين والترب وين

الحجيه بالمجر مالت العلاج جابهن قبل شويه منير وخلاهن كال بي

طلعتهن ورحت نطيتهن اله وراح طلعو الزلم توضو لانو راح ياذن

ريحانه انتن تصلن يله تفطرن لو لا

اطياف لا نفطر يله نصلي على راحتنه

ريحانه يله لعد خلي نفرش السفره 

اطياف نطيني اني افرشها وانتي كملي

شغلت المركه خليها تحمه هيه والشوربه وطلعت الكباب والوبيه مكمله كلشي بس اصبهن جبت الماعين صبيت التمن

اذن صبو همه وبدت مريم هيه واطياف ياخذن بالسفرة

وزهرة واكفه جنها شمعه فكر بس تباوع  كملت التمن كله صبيته وصبيت الشوربه الكوس كلها ومركه خليت التشريب اخر شي حتى مايبرد سمعتهم كملو صبيته بدت مريم تاخذه ومنير همين اجه اخذهن واخذ الخضرة والخوشيك

ريحانه اطياف اخذي العصير والتمر واني راح اجيب خالتي

اطياف اي يله ماشي

طبيت .. يله خاله كومن تفضلن على الفطور كامت ام سعد والبنات واني كومت خالي بالعربانه اخذتها للاستقبال

ريحانه السلام وعليكم

الحجي سعد والولد وعليكم السلام اهلا وسهلا

الحجيه اشلونكم يمه اشلونك حجي

الحجي هله بم منير اشلونج خويه

الحجيه هله بيك والله نشكر الله رمضان كريم ان شاء الله

ساعدني منير وكعدها يم السفرة واني كعدت يمها

خالتي صح متشوف بس بالاكل تحسينها تشوف يعني مادمر نفسها وماتعب احد

كعدت يمها ومنير من الصفحه الثانيه وبصفه الحجي وسعد واطياف وجهالهت ومريم ورجلها والبنات والحجيه والبنات مقابيلي وزهرة مقابيل منير

زهرة اصبلك عصير يابه

الحجي لا يابه ورة الفطور

زهرة منير انته تحبه هل عصير اصبلك منه

منير اي والله تسلم ايدج 

ريحانه باوعتلهم شو ذوله مايستحون عيني عينك اني شنو كاعده طرطور

ام سعد عاشت ايدج على الاكل يمه نفسيتج كلش طيبه

ريحانه تسلمين خاله من ذوقج الف عافيه

زهرة بس الشوربه ماصخه ترة كلش

ريحانه خليلها ملح

اطياف ريحانه نيطيني المي من يمج

ريحانه عرفتها هيج حجت اطياف بس رادت تسكتني وتسكت زهرة باوعت لمنير ممركز صافن بالاكل وياكل

صبيت لبن لخالتي

ريحانه تفضلي خاله .. خليته بدها وهيه لزمت ايدي وطبطبت عليها ابتسمت وهيه همين عبالك شايفتني

بديت افطر وابوعلهم من جوة لجوة سعد ياكل ويباوعلي منتهين منها والولد لا مركزين

بالاكل فواد والولد ياكلون وعايده عدهم والبنات هيمن مريم من تجي عيني بعينها تبتسم وجه بشوش تبتسم هواي

بس زهرة اوع مدري اشلون تحملتها انوب طول الفطور تباوع على منير كتلها بكلبي من وحع اي والله شبيج مدكليلي قحط زلم

كملنه فطور كامو غسلو وبديت اني واطياف نشيل بالسفرة خليت الجاي على النار وبقو كلهم كاعدين بالاستقبال

اطياف اكلج ريحانه شتكلج زهرة غلسي فدوة مابيه حيلها ترة هيه من غير كلشي شادة وياي

ريحانه واني شعليه شايفتني طاردتها لو معاركتها

اطياف لا بس من تحجي اسكتي انتي غلسي عادي

ريحانه اول ماردت اجاوبها طبت مريم

مريم اطياف سعد يريدج

اطياف اي

طلعت اطياف واجتي مريم يمي

مريم يمعودة معليج باطياف تخاف منها انتي لا تسكتين ترة تريد تبرز روحها عليج وهيه بوخه

ريحانه منو قصدج

مريم قصدي زهرة شبيج لا تسكتيلها ترة هيه تريدج اصلا تسكتين ميته غيرة منج علمود منير وانتي بيج وماغورتيها

ريحانه مبين زهرة شالعه كلبجن

مريم افاا عليج تشلع كلبي ومحمد رجلي موجود غير اخلي يفصمها  نصين

ريحانه ههههه مصيرطه ولج

مريم لعد اشلون اذا العيال موزينين لازم اتضمنين رجلج حتى من يكبون عليج رجلج وياج

ريحانه الحمدالله ماعنيد عيال هواي

مريم وهو هذا اكثر شي مغور زهرة منج دكول شعدها وحدها وجنها اميرة باكت خطيبي مني

ريحانه يا ولج اني شعليه هو الي فصخ قبل لا يخطبني

مريم المهم هيه هيه غيرانه منج وانتي اشتغلي عدل

ريحانه لا توصيني لعد

مريم لا تصبين جاي هواي بس للولد ترة البنات ميشربن والحجيه همين

ريحانه تمام لعد

صبيته واخذته ورحت وي مريم شفت رجلها شايل ابنه ويلعب بي ومنير كاعد والحجي يمه والحجيه والبنات كاعدات واطياف يم سعد وتحجي ويا

اني نطيتهم الجاي وكعدت يم منير هوو باوعلي ودار وجه علي الحجي

زهرة مصبيتيلي جاي

مريم من شوكت تشربن جاي انتن اني كتلها مايشربن جاي

ريحانه اذا تحبين اكوم اصبلج

زهرة لا بعد كعدتي

بقيت كاعده ومامهتمه وهمه يسولفون ويحجون ومو هوسه ماتركزين همه شجاي يحجون بس اني بالي بالمطبخ الماعين هوواي منو راح يغلسهن اليه يمه عزة

مريم ريحانه كومي نروح للمطبخ اني وياج

ريحانه اي يله

كمنه واجتي اطياف ورايه

اطياف ها عيني

مريم خلي نساعدها بغسل الماعين خطيه شلون تكملهن وحدها

ريحانه لا على بختج اني شعندي اكملهن وحدي

اطياف يمعودة اني ومريم متعودات على الماعين خلينه نساعدج وسكتي

صدك بدن يرتبن بالمطبخ واني اغسل واطياف وياي ومريم ترتب بيهن شلت الاكل الي بقه يعني هيج نص ساعه كملناهن

مريم انتي سنه ثانيه هسه الج مو

ريحانه اي ان شاء الله

مريم وزين منير يخليج اداومين

ريحانه اي اصلا احنه زواجنه صار من وقت بس علمود اتاقلم واصلا مبقه شي للدوام

مريم اي من هذا جاي اسئلج مبقه شي للدوام

..

بقينه نسولف للعشر ونص راحو صح سوالف وضحك بس تعبت ولانو صيام تعبت اكثر طلعو سلمت عليهم وطبيت يم خالتي نزعت الشال وشمرت نفسي خليت راسي على رجلها

الحجيه ها يمه تعبتي اليوم

ريحانه لا خاله تعبيش غير بيتي بس ماتوقعتهم هيج هواي

الحجيه بعدج يمه مشايفه عمته الثانيه اكثر من ذوله 3 مرات

ريحانه ها وهم يجون يمنه عود

الحجيه اي هيج يومين هيج ويجون

ريحانه اي هله بيهم اني صاعده فوك ارتاح تريدين شي خاله

الححيه لا يمه سلامتج

ريحانه هستوني ردت اطلع طب منير للغرفه اني صعدت

غسلت وجهي وكعدت على التلفزيون اباوع ماكولت نص ساعه وصعد منير دفر الباب قوي

اني كبل كمزت من مكاني

ريحانه ياستار شكوو

منير انتي شكايله لامي

ريحانه شكايلتلها  مكايله شي

منير لا تسوين هاي السوالف عليه يعني اني مارايدج ماراغبج تروحين دكولين لامي ابنج ملازمني اصلا وبيوم العرس نمنه انتي وهل حجي شنو

ريحانه هووو قابل اني مجذبه يعني قابل بيوم العرس شسويت انته مو صدك نمنه

منير وتروحين دكولين لامي ياممربايه

ريحانه قابل شسويت هيه كالت اريد اشوف جهالكم كتلها ياجهال منين يجون

منير شنو منين يجون قصدج اني مو رجال شنوو

ريحانه والله همه الجهال يجون اشلون

منير اشو انتي تجفصين بالحجي ولج احجي عدل لا ومحمد اشوفج الرجال شيسوي هسه

ريحانه شيسوي يعني قابل اني شحجيت هسه واذا تشوفني الرجال شيسوي عادي شايفه اني لا تنسه مصارلك كم يوم من وديتني للمستشفى واذا هاي سوالف الرجال الي دكول عليها فانته مورجال

ريحانه بعدني ممكمله الحجايه صفكني براشدي خلاني انام على الجرابايه بدون حركه نام فوكايه يضرب بيه ماحسيت على نفسي تخربطت يعني هستوني فاطره ونضربت ضرب قوي ماتحملت صحيت على نفسي وهو يشك عليه الدشادشه مالتي ..

بقيت ادفع بي وادفر بي احاول بس اوخره مني بس ماكو ماكدرتله شك الدشداشه

واخذني بكل قسوة وعافني وشمر نفسه على الجربايه بصفي بقيت اني على وضعيتي حتى ماكمت جسمي مكسر وماحس بشي احس حلكي صار سنه مداخل بي مي

بقيت اباوع للسكف وابجي وهو نايم بصفي متحرك ابد لميت نفسي وكمت شفت الجربايه ودشداشتي كلها دمه شلت الدشداشه واخذت ملابس وكمت بالكوة كلعت من الغرفه طبيت للحمام بس اون من جسمي مكسر تكسر

سبحت وسميت على نفسي بس طولت بالحمام ...

طلعت ماردت اطب للغرفه ردت انزل شفت خيال من يم المطبخ عرفته هو نزل جوة لانو منو قابل يكون ¡

رجعت للغرفه شفته ماكو والغرفه مخربطه وكفت كدام المرايه مشطت شعري وبيقت ابجي ...

ارتب بالغرفه وابجي يعني هو حقه واخذه بس هيج اني زوجته لو حيوانه من الشارع هيج ياخذني وحتى لو جان متعصب

العصبيه ماتخلي الرجال هيج يسوي بس اني شحجي هو وين الرجال الرجال الي يريد ياخذ حقه من مرة مو رجال

باوعت للساعه و1 ونص مابقه شي للسحور وجسمي مكسر تكسر لو ماخالتي مانزل واشوف هل حيوان الي جوة

يعني اني شكد صار وتحملته وغبيت نفسي علمودة وعلمود مانطي بي بس توصل الحقارة عنده لهل درجه

ماتوقعته هيج يسوي وياي وشنو معناتها نزل حتى بدون مايحجي شي وياي بدون مايتعذر

نزلت واني بالكوة امشي والحمدالله ماصار عندي نزيف مجان كدرت اصوم هاي الايام 

نزلت طبيت للغرفه مالت الحجيه ضلمه

فتحت الكلوب وكعدتها

ريحانه خاله خاله  يله كومي عيني مابقه شي للسحور

الحجيه اي يمه كايمه يالله ...

ريحانه اكعدي على ماسوي سحور

الحجيه يمه شبي صوتج جنج باجيه

ريحانه لا خاله ماكو شي

الحجيه ياماكو شي يايمه صوتج باجيه لحد ماماله تعاي اكعدي واحجيلي شكو شصاير لا توكفين كلبي

ريحانه كعدت يمها وسكتت

الحجيه احجي يمه منير ضربج

ريحانه اي

الحجيه ليش يمه عود هو حلف بيه كال ماضربها بعد

ريحانه  خاله ضربني ضرب قوي اقوة من مالت قبل لو ماحالف هواي احسن

الحجيه شنو السبب

ريحانه صعدلي كال شحاجيه لامي

الحجيه اي وليش يضربج قابل انتي مسويه شي غلط من سولفتيلي

ريحانه مو كلي شنو اني موبعينج طفل مو رجال ومن هل حجي واني جادلته وضربني و...

الحجيه ضربج وشنو يمه

ريحانه وكمل شغلته وعافني وطلع

الحجيه اي يمه بالعافيه وبالخير

ريحانه ياعافيه ياخير خاله صدك تحجين اكلج ضربني موتني تموت

الحجيه يايمه المهم كملت شغلتكم الضربه تنسي المهم سالفتكم كملت ويجي الطفل وداعتج يايمه تخلصين وماتهتمين

ريحانه خاله اني اكوم اسوي سحور رايده شي

الحجيه سلامتج يمه وينه منير

ريحانه مادري

عفتها ورحت للمطبخ خاب همه ذوله ناس فايخه اكلها ضربني دكلي المهم صارت شغلتكم شبيج مدكليلي شبيج

بقيت ادردم واسوي بالسحور لمحت منير طب من الباب مالت الشارع وشايل بيده صمون طب للمطبخ بدون مايحجي واني منطيته ضهري خله الصمون وطلع

ريحانه خاب من كبر اي والله كبر حتى مكال بيج شي صار شي

دمعت عيني وسكتت

الجامع صاح سحور والمسحرجي اجه كعظت اني والحجيه ومنير ماجه

الحجيه وينه منير

ريحانه طب للاستقبال

الحجيه دكومي صيحي على السحور يايمه

ريحانه خاله طفه الضوة يعني راح ينام يمكن مايريد يسحر

الحجيه لا يمه اشلون يصوم بدون مايسحر . كومي يايمه صيحي رجلج وغلسي على السالفه هاي وشوفينه اشلون يسكت من وحده

ريحانه بقيت اباوعلها هو هذا هم حضي كمت بس كلت والله ماصيحه شنو اصيحه على يا اساس وطبه طوب عسا ماتسحر

طلعت من الغرفه ورجعت

ريحانه خاله يكوم مالي نفس مثكل الفطور وماكل قبل شويه

الحجيه براحته يمه

سحرنه اني وياها ...

مر الوقت عاديه ايام رمضان مرت عاديه مر اول سبوع من رمضان عادي اني ومنير منتحاجه ..

ابد وعيوني ماتجي بعينه بس على الاكل نكعد سوة وايام رمضان مرت عاديه يعني مثل اول يوم بس بديت اضعف يعني يمكن اول سبوع ضعفت ب 8 كيالو

اليوم جمعه ومعزومين يم عيال اطياف وكالو عمته الثانيه هم تجي

ريحانه بيش ساعه نروح

الحجيه 6 ونص تقريبا من يجي منير

ريحانه والله خاله مشتاقه للشارع صار شكد مطالعه

الحجيه حقج يمه حقج من تزوجتي لحد هسه مطلعتي وي رجلج اني من يجي احجي ويا

ريحانه لا خاله دخيلج شتحجين ويا طلعه وي منير هم ماريدها

الحجيه يا يمه منير كلبه طيب وحباب وانتي مو دكولين من اخذني سلوبه تغير وياي

ريحانه اي .. بكلبي كتلها سلوبيش هو غير كلمه وحده مكايليها من اخذني لحد هسه

ريحانه صارت ساعه 6 كمت سبحت وبدلت لبست فستان بسيط مالت طلعه لون بنفسجي  فاتح  ورتبت وجهي وحضرت شالي وجنطه ونزلت يم خالتي حضرتلها شيلتها الجديده وعابيتها

ريحانه هسه ماعدنه شي بس يجي منير

الحجيه هسه تلكينه على جيه

شويه واجه منير ويباوعلي من فوك ليجوة 

منير ها يمه مكملين

الحجيه اي يمه منتضرينك

لبستها عبايتها وكعدت على عربانتها واني اخذت الجنطه وطلعت وراهم فتح الباب منير ومشه واني مشيت بصف خالتي بيت اطياف قريب يعني بنفس الفرع

بقيت اباوع هسه من اكضها بركضه هم واحد يكلي ليش بديت ابطى مشيتي كلت خلي

صدك اركض وهو ويا امه يحير بيه قابل بس باوعت سعد مقابيل واكف بالباب يعني بس احاول اركض اذا مو منير يلزمني سعد يلزمني

وسعد ابتسملي عبالك عرف اني شريد اسوي

وصلنه يمهم

سعد هله هله اشلونج حجيه اشلونك منير

الحجيه هله يمه اشلونك

سعد بخير دامج بخير فوتو فوتو اشلونج خويه

ريحانه بخير الحمدالله

فتنه والهوسه بدت ناس هواي صدك والنعالات تكرمون بكل مكان يعني بدايت البيت عباره عن نعالات بقيت صافنه بوقتها ردت احسب النعالات حتى اعرف شكم نفر همه

طبيت تلكتني اطياف سلمت عليه وبعدين مريم والحجيه وحجيه ثاني عمته تصير ومنى وزهراء وزهرة اخر شي اجتي وبنات هماتين جناين عمته الثانيه

يعني الهوسه هوستين

كعدن سوالف بس اطياف ومريم ماكو عرفتهن بالمطبخ كما وراهن لانو منى وزهراء يسولفن سوة وزهرة بس تباوع من جوة ليفوك وخالتي تسولف وي النسوان

ريحانه خاله هاي جنطتي يمج

الحجيه وين كايمه

ريحانه اساعد البنات

الحجيه اي يمه كومي

ريحانه كمت من الغرفه المطبخ صار كبالي طبيت الهن وبقيت اسولف وياهن بس بديت اتعب يمكن من الهوسه

حسيت الدنيا تفتر بيه راسي يوجعني والصيام

مريم ها جنكم غيرتو رئيكم

ريحانه بشنو

مريم اشوف تعبانه بس لا حامل

ريحانه لايمعودة حمل شنو بس تعبانه شويه من الصيام

مريم يله مبقه شي ونفطر بقيت يمنهن اساعدن شويه وطبت زهرة عم بقت واكفه كلشي مسوت بس تباوع

مريم اليوم بالمطبخ شعجب

زهرة كلت اشوفجن محتاجات شي

مريم كل يوميه ساكته ماتكولين شوفي ريحانه احنه البيت كله علينه اني واطياف بحيث زهرة ومنى وزهرةء كلشي ماكو كاعدات وساكتات

ريحانه هنيال الي ياخذهن يتهنه

زهرة يتهنه ليش ميتهنه قابل ماخذنه للشغل

ريحانه لعد ياخذج يحطج ويتفرج عليج

زهرة اي عود ذاك الوقت نعرف شنسوي

ريحانه شوكت ذاك الوقت انتي شكد عمرج صدك جبيرة مو اكبر من اطياف لو اصغر

اشو هاي بقت تباوعلي وعافتني وطلعت

اطياف يا ياريحانه شبيج اله هيج تحجين

ريحانه هسه اني شحاجيه يمعودة

مريم صدك محجت شي عوفيها

بقينه نرتب بالاكل واذن صبينه

وكعدنه كلنه طول الوقت زهرة تحاول تذب حجي بس اني اغلس وهيه تسكت شويه وهم ترجع تذب حجي

واني كعدت بصف الحجيه ومنير بصفي وكل شويه اباوعلها تباوعلي لو تباوع لمنير

المهم مر الوقت عادي لل10 رجعنه للبيت وتفقو على الاربعاء الجايه الفطور مالت عمته يمنه

رجعنه للبيت وصدك دايخه وتعبانه الصيام بوقتها تعبني يعني قبل رمضان سمينه وخدود هسه يبو

عود مصارله رمضان هواي

المهم ورة يومين من العزيمه ورة الفطور بساعه واكفه بالمطبخ اشرب مي هستوني كملت الاماعين وردت اطلع اسبح لانو جسمي احسه مشعوط نار

ماحسيت على نفسي الكلاص وكع مني واني وكعت بالكاع

...

فزيت منير فوك راسي ويذب عليه مي

منير ريحانه اصحي اصحي

ريحانه شفته لازم راسي وحضاني بيده الثانيه من جتفي يكعد بيه لزمت راسي وكمت ابتعدت منه بقه يباوعلي

ريحانه تعبانه يجوز من الصيام

منير اشربي جاي ويصير راسج زين وارتاحي بغرفه امي روحي

محجيت شي رحت صدك كعدت يم الحجيه وساكته شويه وطبت اطياف وبيدها غراض

ريحانه شعجب ولج اجيتي

اطياف يعني ارجع

الحجيه هله هله يمه

اطياف هاي مه اشلونج

الحجيه بخير يمه وانتي الجهال اشلونهم

اطياف يسلمون عليك بس اجيت اخذ شغله من ريحانه كومي ولج بسرعه ترة سعد بالبيت

ريحانه شنو هيه الشغله والح

اطياف دكومي يمعودة ... كمت وياها صعدتني فوك وساكته طببتني للغرفه وخلت بيدي شغله

ريحانه باوعتله جهاز كشف الحمل

ريحانه شنو هذا

اطياف طبي اكشفي بسرعه  ترة ورايه شغل كلت لسعد ربع ساعه واجي

ريحانه اكشف شكو ومنو كلج

اطياف منير خابرني كال تحربطت اخاف حامل طبي اكشفي واسكتي

ريحانه وهو خايف لا احمل لا عيني اطمئني محامل

اطياف انتي اخر مره اجتج الدورة شوكت

ريحانه قبل رمضان

اطياف ادري قبل رمضان بشكد

ريحانه مادري

اطياف دطبي اكشفي هسه انتي خسرانه شي

ريحانه شهل اخبال وبعدين اخوج موصلني بس مره وحده مصارله سبوع شبسرعه صرت حامل وبعدين الجهاز اذا الحمل بفترة قليله مينطي اشارة صح

اطياف لا اني سئلت الصيدلي كال لا هذا الاصلي هسه فوتي ولج راح اطلك من وراج

ريحانه اخذته من ورة خشمي وفتت للحمام سويته وبقيت صافنه عليه طلع خطين  بي معرفت شنو معناته قريت التعليمات ونصدمت انو اذا خطين يعني حامل

بقيت صافنه لا بجيت لا حجيت صافنه

اطياف دكت الباب عليه طلعت الها وانني ساكته  هيه باوعتلي واخذت الجهاز مني شافته خطين ضحكت اي مبروك ياعمري يتربه بعزكم يارب

ريحانه انتي شتحجين تعرفين شنو معناته اني حامل

اطياف اي مبروك يمعودة الطفل بركه يجي ويجي الرزق ويا يجوز منير يتغير وياج من يجي الطفل

ريحانه انتي شتحجين هذا الطفل مالازم يبقى لازم يوكع

اطياف باع هاي ياربي اسكتي ولج حرام هيج تحجين يمعودة شنو ذنبه هو طفل

بقيت صافنه بيها هسه هاي شحجي وياها لعد اني شنو ذنبي

اطياف انسي هسه وانزلي واني راح ابشر منير واروح هسه لانو سعد هسه اكيد متعصب

نزلت قبلي وطلعت كبل

اني نزلت مصدومه طبيت يم الحجيه

الحجيه ها يمه اجيتي

ريحانه اي خاله

الحجيه شرادت اطياف

ريحانه ها مرادت شي بس جابتلي جهاز

الحجيه جهازيش يمه

ريحانه مالت حمل

الحجيه شنو اطياف حامل

ريحانه لا خاله اني حامل

الحجيه شنو يمه

ريحانه اني خاله جابتلي جهاز مو تخربطت قبل شويه وفحصت طلعت حامل

الحجيه يمه اللف الف مبروك عشت وراح اشوف ابن ابني وافرح بيه

وبقت تحجي وتبارك اليه واني صافنه

الحجيه شبيج يمه احسج مافرحانه

ريحانه لا خاله اشلون مافرح بس انصدمت يعني انتي تدرين بي من لزمني

الحجيه هو وراها مالزمج ابد

ريحانه لا خاله

الحجيه يم يمكن جانت ايامج اكو بيهن يلكفن من اول مرة

ريحانه بعد مادري

الحجيه ليش يمه احسج مفرحانه

ريحانه لا خاله اشلون مافرح فرحانه

الحجيه ينه الطفل من يجي تتغير هواي سوالف هسه تشوفين منير ربج يصلحه وياج اموركم تنحل وانتي همين يمه غيري من نفسج البسي ومكيجي كدام رجلج وكولي ام منير كالت

ريحانه خاله شبدل تدرين مرات البس شال كدام منير

الحجيه يا يمه شبيج قابل هو غريب غير رجلج البسي كدامه وانتي ابيت وحدج ماعندج لا عم ولاحمة بس اني وانتي وهو

واذا تستحين مني اني اشو ماشوف يايمه البسي واخذي راحتج بيتج

ريحانه انشاء الله خاله يصير خير

الحجيه هو وين منير

ريحانه مادري طلع

الحجيه زين يمه انتي شنو تخربطتي دكولين اشوكت

ريحانه قبل شويه خاله تخربطت بالمطبخ ومنير صحاني وخابر على اطياف جابتلي التحليل

الحجيه اي يمه شوفي خاف عليج يعني بدة يتغير العافيه درجات

ريحانه يصير خير خاله اكلج اشلون مسلسل باديه تخبل خلينه نباوع اني وياج

الحجيه كومي ولج اكللها اهتمي دكلي مسلسل كومي يمه اسبحي وبدلي ومكيجي افرحي هو الرجال اشلون يضوج من يشوف مرته همتمه بنفسها ومامهتمه بي

ريحانه اي مو هسه بعدين ابدل

الحجيه دكومي يايمه حتى من يجي ماكله انتي حامل كدامج حتى ماتخجلين

ريحانه اي هم صدك

اني رايحه لعد

وصدك صعدت سبحت وطلعت دشداشه زيتونيه برمودة الصدر والضهر تور وربع ردن تصير لبستها ومشطت شعري وخليت بس مسكارة ونزلت يمها مافكرت بالطفل اهواي

عبالك ممصدكه اني حامل نزلت بعده مجاي منير

كعدت يم الحجيه تمددت وبقينه نسولف بقت تسولفلي على حملها باطياف واشلون تعبتها

الحجيه هسه انتي ضعفتي لو سمنتي

ريحانه يا خاله ضعفت رمضان هد حيلي وعود مصارله هواي

الحجيه يعني بيج بنيه للبنيه تاخذ العافيه من امها بس اذا ولد لا تسمن الام

ريحانه لزمت بطني .. يعني هسه اني ابطني ابنيه

الحجيه انشاء الله يمه افرح بيها قبل لا اموت

ريحانه يا يخاله شبيج عمرج طويل ان شاء الله

منير السلام وعليكم

..عدلت كعدت وبقيت كاعده يم الحجيه

الحجيه هله هله بابو هاجر

منير هاجر منين هاي

الحجيه بنيتك مو جنت دكول اذا تجيني ابنيه اسميها هاجر وهل انشاء الله 9 اشهر وتفرح بيها

منير خير ان شاء الله

الحجيه شنو يمه مافرحت .. اباوعله اصلا ممتفاجاء من خملي يعني يدري كلت يجوز اطياف كايلتله

منير لا يمه ليش مافرح

الحجيه الله يهديك يايمه ويحفضلك مريتك وبنيتك

..

ريحانه عفتهم وكمت طلعت للمطبخ هو بقه يم امه صدك ضجت يعني حتى مكلي مبروك على الحمل صخام لطام كلشي ماكو بقه مغلس

مر اليوم عادي واني اقهر بنفسي مرات تجي اعيوني بعيونه اشوفه يباوعليي بس اكول لا يتهيئلي

ثاني يوم اجوي ابويه وهبه وشذى جنت هستوني كاعده وطلعت من غرفه الحجيه بالدشداشه القصيرة ومنير فتح الباب

مخابرهم كايللهم اني حامل وممصدكين فرحانين واجوني

اول مشفتهم تخبلت عليهم كبل ركضت حضنت ابوي وابجي

ريحانه مشتاقتلك وحق ربك كلبي طك عليكم

وهو حاضني ويبوس بيه بعدين سلمت على هبه وشذى  وجايبين فواكه وحلويات وجنطه جبيرة يمكن بيها ملابس

شذى ولج هاي شمسوي بيج الحمل مضعفج

ريحانه خليت السمن الج صايرة هايشه ولج

هبه انتي مبينه بنيه بيج شذى ولد

الحجيه اني يمه كتلها مادامج ضعفتي ابدايتي الحمل يعني ابنيه بيج

هبه من خابرنه منير وكال ريحانه حامل مصدكنه كبل اجينه خابرنه شذى جابها حسين واجيناج

شذى اذا ست ريحانه اتزوجت ونست اهلها لا تجي لا تسال

الحجيه والله يمها مو صوجها بس شوفي البيت محد بي بس اني وهيه واني يايمه لا اكوم ولا اشوف وهيه ريحانه بارك الله بيها ماتعوفني شوفيها حتى نزلت الصبح من طلع منير للشغل ونامت يمي

هبه الله يحفضج الها وهيه البنيه من تزوج اتصير لعيالها بس عيني منير عاد مخابرة وين تليفونج انتي صدك

ريحانه ها مادري مو كلت لشذى بيوم العرس اختفه يمكن ناسيته بغرفتي

بقيت احجي وي اهلي وممصدكه انو همه يمي نسيت كلشي نسيت الحمل نسيت اذيت منير اليه بقيت اسولف اجيب سوالف واخلي بس ماطولو يمي

تقريبا ساعتين وطلعو ماعرف ليش ماكتلهم اروح وياكم مادري ليش ماشكيت لابويه

يمكن من الحمل بوقتها مدري اني نثولت بهلحضه مادري

طلعو سلمت عليهم وراحو واني عيوني تصب دموع طب منير واني طبيت كدامه رحت يم الحجيه

الحجيه والله جيتهم مو جيه لو باقين على الفطور

ريحانه مو كتلهم ماقبلو كالو غير مرة انشاء الله  باوعت للجنطه الي جابوها فتحتها

ريحانه ياي جايبين كتبي وغراض اليه همين

صعدتهن رتبتهن بالغرفه طبعا عمه ماراح تجي من وصلهم الخبر انو اني حامل كالو لا منتعبها لانو اول اشهر الحمل خلوها ترتاح وين ادبرها وحدها

بديت اني اتغير بس منير ابد ماتغير اني بديت يعني ماتقيد بالبيت ابدل انام مرات يم الحجيه ماصعد ابد لحد يوم 20 برمضان واهلي بعد ماحوي بس يخابرون مرتين حجيت وياهم

من احجي وياهم ابجي واسكت ماكدر اسوي شي

لحد يوم 20 برمضان تعبت كلش بديت اون

ريحانه خاله بعد ماكدر راح امووت

الحجيه يمه شبيج شماكله اشو نفس الفطور اكلنه سوة

ريحانه مادري خاله مادري بطني موتتتني احسها تريد تتكطع

هيه حجايه وهيه صرخه  صرخت وماحسيت بشي اجه منير يركض عليه ...

....

هنا وخلص البارت اتمنى يكون عجبكم مثل ماوعدتكم كل يوميه بارت هيج وقت واتتمنى من تشوفن البارت تصوتون عليه وتنطوني رئيكم بي وطبعا 4900 كلمه يعني البارت كلششش طويل هل مرة وباجر اكثر انشاء الله

انتضروني ...

غزل الحجامية