رواية نيران أبو ذيبه الفصل العاشر 10 - بقلم علي العراقي

" نـيـران أبو ذيبـة "

بقـلم : نبـأ الـسـلطان

الحـلقه الـ ٩

..........

غضـب : هذا الحجي مالك لا يسمن ولا يشبع وماله داعي من الاساس نهتم ونركز بشـنو

كركان : بدراستنه وبس

غضب : جا من بداية واكل ن...* عوف هاي سوالف لا تعرف شيصير بيك وتعرفوني انتم

حسـن : انه اخلي عيني علية شيسوي انطيك علم

كركان : همم، شكد نحيس

غضب : انخمد يلا ، ناموا وانه ضليت صاافن خما اضل هيج لا شغله ولا عمله ، واجت بالي ما اخلي حسن وكركان يشتغلون انه اشتغل وحدي هم يضلون يم امي والجهال لان اخاف عليهم من كلشي من بعد  غياب  ابوي ،

لفيت راسي ونمت من بعد تفكير عميق وطويل وصراع واشتياق الابوي  مع نفسي ، بلمحة بصر اختفى  عن حياتنه وانقبلت رأساََ على عقـب

گعدت ثاني الفجـر بعدهم نايمين وانه احب كعدت الفجر طلعت للبستان شفت ابو حميد صبحت علية وساعدته بجم  شغله لحد ما اجه حسـن گلي تعال اتريك حتى نطلع للدوام

كعدت تريكت ولبست ملابسي ، مال الدوام وطلعنا للمدررسة وانه امشي. واوصي كركان يترك ولد ابو حيدر

وهو وعدني يترك هلموضوع من الاساس ، وينتبه ويركز على دراسته وهاهية ان شاء الله يكون كد وعده

غضب : ان سمعت غير هذا الكلام عنك يا كركان تعرف شنو اتصرف

كركان : لا والله كد الوعد انه ، واذا خلفت بوعدي ازين شاربي بلقندرة كدامكم كلكم

غضب : چـا ، خوش

مشت ايامنا وسلمان آخذ الشيخة مني  وصار هو الجبير وابو
راس الحار هو ولا غيرة عند اللوكية اعمامي مستحيل حقدي ينزاح عنهم همَ وسليمان وذبح الخرفان. والعجول ويومية
ضهر وليل هو يسوي بهلعزايم ويرد ليورى ، وصدك لو كالوا الفلوس تغير النفوس واني هذا الشفته بعمامي

حياتنا طبيعية وصرت اشتغل عماله الجمعه والسبت حسب  ايام العطله اطلع للشغل من الفجر حر برد ما يهمني شي ما حبيت اكعد واسكت اني صرت المسؤؤل عنهم بكلشي

واليسمع بية ابن الشيخ خيون ويشوفني يشتغل ما يقبل

ابو ياسر : ياعمي وعلي فشلة من ابوك راعي وكفات وياي شلون تشتغل

حجي ظاهر : لا بوية خله يشتغل ويكد على روحه ، جـا ابو ياسر تذكر سمير من جان يهرب من دوامه وامه تروح توسل وتدين وتبيع كيعان في سبيل هو ما ينعدم وما يكضوة الامن

ابو ياسر : اي حجي صحيح واذكر بس انه لان احب الشيخ ووكفاته وياي ما تنسي

غضـب : لا بوية انه اشتغل واتعب الروحي ولاهلي وصح انه شيخ بس هذا الشي ما يعني ان ما اشتغل واتعب اني اشكرك عمي ابو ياسر على حرصك وخوفك علية

ابو ياسر : انه مديون لابوك ووكعهن الي ،يا عمي انه افديك لو صار شي عليك

غضب : مشكور عمي ان شاء الله ماكو شي ، استمريت بشغلي وبدراستي ما تركتها ابد
ومعيش امي واخواتي رغم ان امي تكول لا تشتغل لكن لازم اعتمد على نفسي حبوبتي لامتنا بحنانها متفوق بدراستي

وحريص على دراسة اخواني لكن تبقى نغزة وهي موتت ابوي

غضب : حسننن كركان وينكم ولكم طلعت ادور عليهم لگيتهم واكفين بالباب والله اشعل اهلكم اليوم باجر امتحانكم وهنا تهبتون ( مضيعين شغلكم)

كركان : خلصنة قراية شنو سجن بعد شتريد

غضب : اكل تبن ابو راس المخسبگ بيك حظ عدل درجاتك نشووفك بالنتائج اذا مو كلها حمر

كركان : يبووووو اني راح اولي لامي اكللها عليك والعباس

غضب : امشي ولي يلا كدامي ولا تعلي صوتك بلبيت لا البنات ينهبطن

وانت حسن شبيك صاير اثول ماكل لحم مطي امشي يلا الزم كتابك هي بس هاليومين وتخلصون وبعد عسى ما تسافرون شتسوون سووا

حسن : خاب والله ما بيه حيل هسة خلصت قراية

غضب : حفضت

حسن : اي

غضب : وكركان حفظ

غضب : امشي اسويلكم اختبار

حسن : شبببيك انت تفهم لو ما تفهم اكلك حفظت وروح ابوي

غضب : والعبااس ترى اعلگك بالباب شايف صير خوش ادمي ويلا كدامي لا اوكلك نعل
.................    

حياة : كاعدة نحجي اني وخالتي خالة غضب تعبني احجي ويا فدوة ترى تعبت من خاطر طيب

قسمة : شبيج يمه

حياة : يمة صاير مدري شلونه يدقق على كل شي واسلوبه جاف وهاج اسمعي صياحة صاير شخاطة ومن احاجي يگب بويهي هاي من هسة هو هيج

قسمة : خلي علية يمة ولا تلومينه هو هالتشوفينه ولا جن عمرة  هيج صغير  والله اليكول شايب تعب حيل شغل وموتت ابوه

حياة : الله كريم يمة الله كريم
دخل علينا كركان يصيح
هااا ولك شبيكك

كركان : ترى مو وضعية هاي شني غضيب مو هسة خلصنا دراسة وهسة اجه الا يكللنا ترجعون تقرون شنو ما استراح

قسمة : حيل بيكم عايفين قرايتكم وتايهين دكضوا دفتركم واقروا يريد مصلحتكم حبوبة قابل حاط بجيبة هو

حياة : هانت يمه هي بس هاليومين تعال يمي تعاال شتريد تصير كتلي

كركان : ضابط مثل ابوي
حياة : يمةةة گلبي يمة ويصيحولي ام الضابط يوم عيد بعد عيني

كركان : ههههه اي
حياة : دكوم كض دفيترك حتى تصير ضابط حبيبي
............

حسن: لا تاكل وحل عني يلا

غضب : لزمته من ياخته وضربته كله فجأة اجت على خشمة وصار خشمة يجر دم
كام يبجي وراح لأمي  لازم خشمه ويبجي مثل الجهال اكره الشخص الي يقلل حتى ويا جهال ما احب هيج

..................

حياة : سمعت صياح غضب بالبيت كمت
شفته لازم حسن من ياخته وحسن خشمة يجر دميمةة سودة بويهي خاللة الحكيلي
شبيك يمةة شبيك غضيب شسويتله ولك

غضب : يطبة مرض اكله ثور يكول احلبه جاي اكلك روح اقرى تعال اسويلك سم بگلبك امتحان ما ترضى ويلااسن فوكاها

قسمة : ولك جا هيج تسوي بي

غضب : حبوبة ما شايفة لسانة اليگول اخوه الصغير مو اخوه الجبير

قسمة : دمشي فوت فوت طيح الله حظك وحظ صبغك
تعال يمه حسون فدوة يروحلك هو وطوايفة خل اغسل خشمك بالماي البارد

حياة : تباوع شوووف شسويت باخيك

غضب : ما بي شي يعيش وياكل غيرها وانت ابو راس فلتت مني

كركان : اننننن

غضب : همشته من رگبته شووفف وحق روح ابوي اطلعلك گلب بصف گلبك اذا ما تصير خوش ادمي مفهوومم ازلف يلا ولي حضرلك ورقة هسةة اجي امتحنك اشوف جذبتك حافظ ان شاء الله تطلع ما حافظ هيج ويسويها ابو فاضل حتى افرغ حرگة گلبي بيك كلها تريد عمامي يشمتون بينه هاااااا تريد يكولون مو خوش تربية تربية خيووون احجي
يلااا كدامي هسة جايك
يلا حبوبة شني هية ما بي شي هذا هالتشوفينه مثل الحصان

قسمة : ولك امشي ولي بالعباس اكوملك اجسر راسك بالعصة هاي

غضب : نترت حسن من ايدة وسحلته اليوم ناوي عليكم صوت ماريد اسمعلك حبوبة رحمه لوالديج ما قارين وباجر امتحانهم شرايد منهم اني غير اريدهم سباع ما اريد غيرهم احسن منهم
راح اقريهم صوت ما اريد اسمع اريدهم يركزون

حياة : لا اله الا الله ولك مو فتيت گلبي موو هيج ولك هاي عين وصابتكم

غضب : اشششش  يمه من تشوفين نتائجهم راح تحسين وتعرفين ليش اسوي هيج

حياة : ولك ادري بس مو هيج والله تكرههم بالدراسة
غضب : الله كريم
دخلت الغرفة ولكيت كركان محضر ورقتين خووش مشة عدل ابو راس
..... ...... .... ... ...
حياة : استلمي شوفي يمه صاير ثور ما يتفاهم

قسمة : عوفي حيل وياهم هيج ما يقرون همه شوكت شفتيهم قروا شو اجوا من المدرسة قرولهم شوية وطلعوا غير واحد الصدك بس انه ما حجيتلة غير لو حاجيه جان هبدهم اكثر من هيج

حياة : اي يمة بس مو هيج كل شي بالاسلوب اللين يجون
................................

غضب : هاك هاي وصلة امسح بيها خشمك
كتبت الهم اسئلة كركان اسئلته وحده عنده رياضيات وحسن عربي
يلا حلوا الكم نص ساعة بال3 الا ربع هسة تصير وربع اخذ الورقة ثانية ما ازود هموا حيلكم
شفت كركان يلوي باذاناته ويتصفن وحسن لا ما رفع راسة

كركان : هاي منين جايبها صعبة

غضب : من شيب الخلفوك حل يلا منين جبتها من الدفتر الحالهن انته مو من الكتاب
طول الوقت كركان يفر بأذنه

غضب : بقت عشر دقايق

حسن : كملت

غضب : سبع

مرن خمس دقايق
بعدلك خمس دقايق هم روحك باقلك سؤالين جا شحليت

كركان : جا غير الأسئلة صعبة

غضب : حل وانجب والله مو صعبة
خلص الوقت جريت الورقة

غضب : حسن ممتاز وعندك غلط بالسؤال الثاني راجع التمرين واحفظة حتى يصير اسهل عليك وانه اكول لو تعيده بورقه ثانيه عشر مرات احسن

يلا اخذ كتبك واطلع احفظة بغرفة حبوبتي
بعد ما كام حسن  كمت سديت الباب وقفلته
كركان : ليش سديته

غضب : مو شغلك كتلي حافظ موو

كركان : اي والله

غضب : شووف انت كلت الأسئلة صعبة ومشيتها الك يجوز يجووز صح كلامك
هاي اخر فرصة الك حتى لا اظلم بختي واظلمك
شووف راح افتح دفترك واخليك انت تختار الأسئلة بكيفك إي سؤال يعجبك اختاره
فتحت الدفتر وحطيت ورقة على الحل
واختار الأسئلة واعرف هو ما يعرف الحل

غضب : هذاا هوو خوب ياهو اختارهن خوب انت يلا حل يالفهيم
بدى يحل وهم رجع يصفن ويلوي برگبته
غضب : حل يلا.
..................................

حياة : كاعدة نحجي اني وخالتي وطلع حسن
ها بعد امك شلونك

حسن : لا زين حبوبه راح اقرى بغرفتج

قسمة : خوش يمة اقرى
اندك الباب وطلع حسن فتحه

حسن : يمة هاي مرة بالباب تصيحج

حياة : طلعت لگيت خالة كركان ( خالدة)
هلا بعد عيني اتفضلي اتفضلي
دخلتها للبيت وسلمت على خالتي ظفيتها

حياة : زارتنة البركة ام هدى

خالدة : خية اسكتي يا بركة بيا وجه جاية

قسمة : يمة برد شبيج خاله صاير شي وياج احجي يبعد روحي

خالدة : لا خاله ما صاير شي بس ابن اختي العافته امه ولا درت عن هوى دارة ومذلوله عند واحد سكير وشكد حجيت وتوسلت كتلها ولج ابنج هذا ضناج
الريال بيش يفيدج ما يفيد والله ما يفيد الحجي

حياة : لا خية الولد بالحسن والصون وهسة زلمة صار بطولج وحتى ناسي امه والله هو ووليداتي واحد ما افرق بالشعراية بينهم

خالدة : اصيلة مأصلة واني الله بلاني بريال متخبل مدري شجاه تعبت وحتى تكاونت وياه اكله خل يعيش ويانا ما يرضة موتني بدمي صاير شلون الحلاب ما يخلي احد يتربله على ابو خاف تنرفس

قسمة : لا يمة وليدنا عدنا وبي الخير والبركة والله بالحفظ والصون
خالدة : بعد عيني خاله  قدوة اروحلجن
اريد اشوفه والله اهدي وشوفته من جان بعدة حدث

حياة : اخوه غضب جاي يقري هسة اصيحة يمة حسن كوم صيح اخوك

....................
غضب : بعدلك عشر دقايق
اندك الباب اني مو گلت ما اريد احد يجي وصوت ماكو

حسن : هذا اني حسن

غضب : شرايد يكدر

حسن : يمةة ما يرضى يفتح الباب

صاحت حياة بعلو حسها ولك ....افتح الباب هاي خالة كركان تريدة

غضب : كركان منيله خالة روح گللها شكرا وصلت زيارتج بعد وكت
كركان : غضب لا فدوة خالتي ما شايفها صار زمان

غضب : اكل تبن انعل ابو خالتك ولك لا تصير بزر

.........

حياة : سمعت غضب صخمني وفشلني كدام المرة هالمصيبة شسويله
خية فدوة اغديلج مالج علاقة بالحجي هذا دومة هيج شاجورة حاظر
خالدة :  ما ينلام يبعد اختج احنه مقصرين من السما للكاع

حياة : كمت دكيت الباب
غضييب انجب ولك فشلتنه خلي المرة تشوفه الوليد

غضب : يمة يرحم والديج ترى ملينه من هالسوالف وين جانت عنة هسة صارت حنينة روحي الفرخ جاي يقرى ما يطلع عود غير وقت لو من يخلص ما بقى شي

حياة : ولكك غضيب تفتح الباب لو وروح خيون العنك ليوم الدين

غضب : لا اله الا الله هاج فتحته تفضلي آمري

حياة : تعال  يمه كركان

غضب : ما يكوم

حياة : دفعته وطبيت اخذت كركان

غضب : جنابج الكريم وين جنتي صارلة حفنة اسنين هنا ولا كواد بيكم كلف نفسه يجي يسأل عنه ميت عدل لو هسة دزتج سهيمة ام كركان عوود
يلا وصلت زيارتج حياج الله شفتي وشبعتي شوف باجر عنده امتحان وجاي يقرى باجر ما تفيده جيتج ولا تجين تكعدين وياه وترديلة جواب

قسمة : خزيتنه خزاك الله امشي ازلف منا

غضب : اهووو حبوبة ترى ملينا من هالسوالف وين جانت وين جانت وهي بيتها هذاياه شمرة عصى
دفعتني حبوبتي ودخلتني للغرفة حسن كاعد يقرى. واني الوي خشمي طك دم

حسن : شعليك بيها خليها تشوفه

غضب : اكل تبن ما توب من سوالفك انته
فتحت الثلاجة وطلعت ماي بارد غسلت بي

حياة : لا اله الا الله امسحيها بويهي خية  هذا خبل عكلة مو براسة اصلا حتى مرات انربطة لان يفلش ويصيح

قسمة : هههههه ربطج الله

حياة : خالة فدوة اسكتي هم زين ما سمعتج جا شسوي فضحني هذا

ضلت خالده تحضن ب كركان وتبوس بية وتشمه وتسأل عن احوالة،.  شلونك يمه بعد عمري

كركان : زين

خالدة : كبران يبعد خالتك

كركان : اي بس اني ما شايفج اكيد امي دزتج

خالدة : لا يمه وروح ابوي وبخته اصلا متكاطعات اني وياها

كركان : عافتني وتزوجت

خالدة : تخسي وتعگب ترحلك فدوة يا بعد عيني يمة لا تشيل بگلبك علية يمه وداعة بنيتي وحق هاي المنية وهذا البخت الريال ما يرضة اجي وهاي ما يدري بيه لان راح لغير محافظة بشغل

كركان : لا خالة ما زعلان منج

خالدة : فدوة رحت لتراب الرباك
يمة اني موجود وهاي اميمتك موجودة اني كل فترة اجيك

غضب : شنني ترى طولتي يلا كوم ولك كوم اقرى وانت مدام مدري شسمج عود كولي لأخيتج الودتج گليلها يجيها يوم اخليها تحب رجلي على شوفة خيالة وروح ابوي

خالدة : خالة والله مالي علاقة بيها

غضب : خلخل الله عظامج خالتي منين صرتي خاله

حياة : دفوت فوت ودفعته للغرفة
احسابك بعدين
طلعت للمرة ما ادري شسوي واركع هالجفصة الجفصها هذا. رجعتلها كامت تريد تروح

حياة : حضنت خالدة وكمت ابجي خية امسحيها بويهي والله خبل هذا مالج علاقة بكلامه وروح خيون العيون اوسع من البيت تعالي بكل وكت يعجبج
راحت خالدة واني رجعت لغضب اريد انهي نهيان
دكيت الباب لكيته قافلة افتح الباب ولك اليوم حظك اطيحة

غضب : خوش يمه بعدين طيحي حظي هسة جاي اقري هذا
حياة : افتحه

غضب : بعدين اصبري عشر دقايق

حياة : اههحخخ عنيد عنيد اريد اشرب من دمه

قسمة : يمه مالج علاقة عوفي خلي يولي

غضب : خلص وكتك والك خمس دقايق اضافي
مرن ثلاث دقايق
دقيقتين واسحب الورقة
خلص وقته وسحبت الورقة

غضب : صحتت ورقته طلع خابط خبط
رفعت حاجبي
تدري شراح اسوي بيك

كركان : هاا بس جاوبت

غضب : صبرك يربي وي ابو صماخ
تعالل شووف هذا حلك وهذا حل الدفتر مالتك الناقلة من الكتاب شووف شووف شخابط وباجر امتحانك هاي راح يضيع الوكت

كركان : والله حافظ بس

غضب : بس شنو

احجيي بحلكك عظم
سحبت الصوندة. كووم

كركان : لا غضب والعباس هسة اقرى واحفظ وروح ابوي
غضب : ضربته راشدي كوم كتلك
افتح ايدك

كركان : فتحت ايدي وضربني كل قوته
اهخخخخ يمه  غضب بروح ابوي والله اخر مرة والله وروح ابوي
غضب : افتح گتلك وضربته
حياة : سمعت كركان يبجي ويتوسل. وغضيب صوته يعلع
وللك غضيبب الله لا ينطيك ولك عوف الولد خالة الحكي فدوة الفرخ راح يموت بيد هذا الثور

يتبـع ..

نـبـأ السـلطـان ، ❤️🥺

زعلانه‍ منكم حيل وانتم تعرفون السبب يا متابعيني العزاز