رواية نيران أبو ذيبه الفصل التاسع 9 - بقلم علي العراقي

" نـيـران أبو ذيبـة "

بقـلم : نـبأ الـسـلطان

الـحلـقه الـ ٨

" احنا ممحتاجين الكلام بكد ممحتاجين المواقف ، المواقف هي تحجي بدل عن اصحابها "
.....................  

غـضب : من سمعت بية اجه علينه من مكاني وطلعت اله بودي اكله بأسناني واخلص منه

كركان : لا هلا شجابك

حسـن : اسكت ما تشوف الوادم الواكفه

أمـير : سكتوا عنه بوية خل نشوف شكاصد هذا ؟

غضـب :
بعد ما اجه سلمان ووياه اعمامي وعمومتنا وجايب ناس وياه
غضب:  فزعنا كلنا تلگيناهم
استغفر الله وجوه شيطانية كعدناهم بالمضيف والگهوجي قدم الهم الگهوة
واجـه الشـيخ وعثمان سلموا وكعدوا

ضاحي : خيون ذكراه موجود ودالالة حاميات مضيف الطيب والبخت بأهلة وناسة يجمع المحبة والستر والسلوان شتگول ابو هاني

سلمان : عدل كلامك خوية ضاحي بيكم الخير والبركة
غضب : بدة دهن السير مقدمات روحانية تجهيزا للأكبر منها حتى يردون يقنعونه بحجيهم وبحبهم المزيف

غضب : ما عليكم زود اتكهوى عمي ابو هاني

سلمان : احنا جايينكم بسالفة وهذولي اعمامك واحنا اهل ما بينا غريب كلنا ندري المرحوم الله يرحمه راح لجوار ربه والله تعالى يكول ( وتواصوا بالحق وتواصوا بالصبر)  الحق هو ثاية بيت حجي (عطوان ) وهالثاية شالها المرحوم وكان گدها كل العرب تشهد شهامة خيون وبخته احنا من كامت عصاة موسى ولد حمايل وما يوم اجه شامت فرقنا وهاي نعمة الله علينا انعم بيها اتنومس بيكم وكان الله يحب المُحسنين

غضب : كلامه دقاني دق جتال ابوي جاي يتواصة بالحق والكاتلني اكثر اعمامي المساندينه وواكفين وياه واحنه جلمه ما نكدر نحجي

سلمان : شتكول ابو حسن

حجـه عم غضب ...
ابو حسن  : شور الله وشورك ابو هاني بيكم الخير والبركة شتكولون يا جماعة

الكل : على حجايتك ابو هاني فوت بزودك

سلمان : يبا من بعد المرحوم اعمامنا واهلنا قررنا نشيل هاي الثاية والبخت واجمعوا إمركم وقراركم وشوفولكم رجال خير من هالوجوه الطيبة وان شاء الله الكل ما يقصر بيكم الخير والبركة
غضب : لا اله الا الله شنو هالبشر لا ومعقولة هذولي كلهم الله غاسلهم اكو أن بالموضوع شعل ناري من جديد استغفر الله الهي شهالبلاء الي انـذب علية

عثمان : سلمان احنا اهل واخيوان وما بينه الغريب جيتكم على العين والراس لكن بهيج امور اكو وريث الأبن الأكبر مو هيج الحجي يا خوية الأبن موجود وهو يدير هاي الأمور هالتشوفه زلمة طول بعرض

سلمان : صح كلامك عثمان لكن لا ننسى الأول والتالي الشور للأعمام وهمه اليقررون هذا الكلام لازم واحد يضبط هاي الأمور وانتم كلكم اسباع

غضب غمزت لعمي امير وهزيت راسي بعلامة الرضى

امير : صح عمي الله كريم شوفوا رايكم وتوكلوا على الله

سلمان : شتكول الذيب

غضب : الله كريم عمي ان شاء الله خير

سلمان : الله يبشرك بالخير بوية يلا احنا نترخص وما يصح الا الصحيح بوية

بعد ما طلعوا رجع عثمان علية
عثمان : ليش هيج حجيت ليش تصيرون لينين يابشر افهموا شبيكم كل كلامه دهن سير وخادع العالم بسوالفة

وكلهم هذولي لوكية واعمامك اكبر لوكية صارلة اسبوع يجر عليهم مفاطيح من موتت ابوك سليمان يروح ويرد عليهم وحده من الاثنين اعمامك اما مجبورين ولازم عليهم لزمة لو داهن ضلوعهم بفلوس

غضب : دكعد هسة واسمعني اهدئ انت مريض

عثمان : شو انجب شنو صارلك رس بالفحل عمك اموري لو هذولاك المخسبگين

امير : اموري يمعود احجي غضيب

غضب : عمي شوف هسة اني مو بحاجة هالكدر وادري بي ما يجن ولا يكعد الا يسويله سالفة ويصخمنا بيها هاي شغلة الشغلة الثانية ننطيها اله بالرضاة احسن هم اني رافع قيمتي يم الناس المخدوعين بي الراح يرجعولي بعد ما اكشف خياساته وهم اني مرتاح بالي ما مستعد اخسر واحد منكم وعد من هالشارب واني ابن ابوي سليمان الي بي يوم الا اخلي عبرة لمن اعتبر بس صبركم شوية خلي يتهنى بيها اني ما محتاج صيت خلي شوية يصير شيخاني بروس الزواج بس وروح ابوي حگي وحگ ابوي يرجع واذكرك بي

عثمان : ههههههه مشيطن

امير : بعدني اموري

عثمان : انجب يخوي

امير : ها الحمدلله

عثمان : روح صيح حبوبتك خل اسلم عليها قبل لا اروح

غضب : وين تريد بهالليل بات هنا مشتاگين ترى

عثمان : ديلا هسة من حلاة سوالفكم انه روحي خضرة واشتاگيت لحبيبتي

غضب : هلللو هللووو خل اصيح حبويتي عود احجي هيج صبرك شوية
    خله الموبايل على أذنه وحجـه ، عثمان :   اللو هلا هلا اي جايكم جايكم

غضب : ههههه هاا مو سمعت بالموت الاحمر

عثمان : اسكت يخوي  ههههه

غضب : رحت لحبوبتي جبتها وكالعادة تبدي تلوم وترزل بعمي عثمان

قسمة : ولك انت هم صرت مثل ذولاك الناس تغيرت مو الاولي عثيمان شوفني رضعتك من هذا صدري وكبرتكم سوية انت وخيون وتكطع بيه

عثمان : يا بعد عيني شاهد الله ماكو فرغة افتر بهالطلايب والطيحان حظ حيشاكم حقج عليه يمه
قسمة : عود خوش
عثمان : اكلج انت مو صايرة حيل حلوة
اريد اخذج للحج شتكولين لو ندورلج شايب يرجعج شباب

قسمة : بيت الله ما طاير شوفولي شويب

عثمان : انفتكت ضحك ..اهخخ بطني جا هاي هية

غضب : خوش اشوفلج ابو حميد هم وحيد وهم بعدة بحيلة

قسمة : دكوم كوم لا اجسر راسك بالعوجية ويني وين هالسوالف هسة خلني اعين روحي عود جيبلي ابو كدر

قسمة : امير يبعد اميمتك شعندة سليمان اكيد سالفة جديدة

امير : اي على الشيخة جاي يريدها يلوف بسالفه منا ويلطشها منا

قسمة : خايب ما صحتوني اجسر راسة بالعوجية واردة منين ما طلع هذا الطايح الحظ

غضب : وين ترجعينة 

قسمة : هههههههه يا جيرة بگصتك يحبوبة

غضب :
مر الوقت بين ضحك وبجي حبوبتي غيرنا جو الحمدلله حبوبتي شوية تتفهت نفسيتها
رجعت اني وحبوبتي للبيت وكالعادة امي كاعدة

حياة : اني مثل ام البزازين صرت كلكم طاشين ولا اكدر اطلع

غضب : احلى بزونه

حياة : هههههه اسكت لا تخسبگني

غضب : بعدج صغيرة حويتي

حياة : يلا نام بعد امك وراك دوام

غضب : صار
..دخلت الغرفة ولگيت الفصعونات كاعدات يسولفن
ولجنن شكو كاعدات ليش ما نايمات
اجن ركض حضنني

قمر: بابا عثومة هنا اوى واشرت على رجل اختها ( بابا معصومه بيها تعورت)

معصومة : نزلت راسها

غضب : هاااا شگلنه مو گلنه ماكو وكاحة وتصيرن حبابات
شو تعاي اشوفها بالله شصاير بيج انتي
شفتها جرح صغير اموت على برائتهن

غضب : بوية يا بوية وبست جرحها وحضنتها اموت عليجن
بعد انتبهي لروحج حبيبي حتى اجيبلج حلاوة يلا كومن نامن يم ماما
قمر: ماااا ما الوح
غضب : ههههه ولج اريد انام
قمر : ماااا
غضب : ام لسان شلون بالله غير اريد انام كومي عصومه لماما
كامت معصومه وراحت لامي
وهاي بزر الگعدة من هسة لسانها يسرد سرد نامت بحضني من وفاة ابوي لسة هن ينامن بحضني
غضب : قمورة بوسيني هنا
قمر : اماااا
غضب : جا كومي
قمر  لالا لا وباستني
غضب : هههههههه عفية
حضنتني ونامت غطت بالنوم
عيني ما اخذت نوم ناري ما طفت تفكير نخر راسي نخر اجاهد بين الماضي والحاضر وين جنه ووين صرنه
كمت اطمئن على اهلي واشوف البيبان مقفولة
فتحت باب غرفة كركان وحسن لكيت حسن كاعد
غضب : ها ليش ما نمت
حسن : ما يجيني نوم
غضب : ولا اني جايني نوم
حسن : مشتاك لأبوي
غضب : كعدت يمه وحضنته حسني
شوف موتت ابوي يمكن بيها صالح النا وقدر من الله ما نگدر ندركة الا بعد مدة من الزمن تذكر ابوي من گال قال تعالى ( وبشر الصابرين الذين اذا صبروا وقالوا انا لله وانا اليه راجعون) لازم نصبر ونستعد لكل شي يجري بعدنا ما شفنة شي احنا كبار ونشيل الحمل اتنومس بيكم اني خلينا نصير واحد وابونا ما مات

حسن : بس انت الوحيد الفاهمني

غضب : ديلا انخمد انطيتك مجال باجر مو امتحان عندك

حسن : تأجل

غضب : خوش يلا نام ورانا دوام وشد حيلك اخوي اريد كله اعفاء

رفـع راسـه كركان وكال ..
_- شني جـا، ما تدرون شصار ولكم غير سالفه اتمووت

غضب : انجب لك ، كل حجيك جذب

حسـن : والكعبه ، سوالفه مابيهن كل خير وطايحظهن

كركان : هاا هسة انه صرت هيج موو روحوا

غضب : هو انته منو يمك تحجي وتزعل وحدك ......؟؟؟؟؟

كركان : كام على  حيله
_-ولكم مو شفت  شووفه مو طبيعيه ؟

حسـن : شنهي بلة هم تطلع شغله طايحظها

غضب :بلعباس اطيحلك كتل ، بس تطلع سالفه مو خوووش

كركان : لا والكم'' مو هيج سالفه جديده ، شبيكم هذا ابن حيدر شفته بلمغاسل هو واحد بوضعيه طايحظها للأخير ردت اروح احجي للمدير عليهم بس تراجعت كلت اخذ رائيكم؟

يتـبع .......

نبـأ السـلطـان ❤️🤤