رواية نيران أبو ذيبه الفصل الثامن عشر 18 - بقلم علي العراقي

"نـيران أبـو ذيبـة "

بـقلم : نبـأ السـلطـان

الحـلقة الـ ١٦

..........................   ..
حجه ...
عثمان: يلا بويـة  كوموا هذول وصلوا خل نتلكاهم ..

غضب : طلعنا تلگيناهم وكعدوا بالمضيف  وضيفنـاهم اني على اعصابي مكابلهم وكاعد وحتى الشيخ عثمان وعمي أمير

بلش بلحـديـث الشيـخ عثـمان ..

عثمان: حياهم الله اخوانه بدايتاً الأنسان معرض لشتى الأمور كونه بهالحياة لكن بنفس الوقت الله تعالى يبشرنه من خلال اياته الأنبياء والرسول الكريم واهل بيته الأطهار يوصوونا بهواي امور لكن اهمها ثلاث اشياء الاولى هي الصبر والله الكريم يگول بالصبر.
(ان مع العسر يسرا فأن مع العسر يسرا ) يعني لازم تفرج الا تضيج والثاني هو عدم سفك د/م شخص مظلوم او بدون حق والثالث الستر والله يوصينا بالستر ثم الستر
بقوله تعالى: ( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنْتُمْ لَا تَعْلَمُونَ)
يعني الله تعالى ما يحب نشيع الفاحشة الله ساتر ويحب الساترين المهم بوية الديوان الأجلاء والاخوان الكرام لكم جل احترامي وحياكم الله ومية هلة

جـبار: ما عليك زود يا شيـخ  عثمان الديوان ما بي غريب ان شاء الله وجيتنا اليوم حتى نطم عارنه ونفتك من هلسالفه الگشرة

غضب : استمع لحديثهم وگلي أذن صاغية جنت . بس نبزها جبار من گال نطم عارنا گمت على حيلي

غضـب : اخواني اعمامي الله بالخير عليكم
الكل : الله بالخير

غضـب: عمي يالشيخ جبار انت من جاي تطم عارك مفتخر بالله مو عيبة بحقك مو فخر هذا شنو مكيف انت وفرحان الناس تكول والله جبار كتل بنت اخوه الك بيها طولت شارب

اسمعني يابة احنا ناس ما نحب الفضايح الكل يدري بينا وهالعرب كلها تدري ناس اهل بخت اباً عن جد ومستحيل واحد سابقا ومستقبلا يجي من عدنا يحكم بالباطل من نسل خيون واهلة الحرمة ما زالت حرمتي وثق وآمن بالله يصير غير حجي وسابقا كتلك خلينا على حب الله لا نتخارب

عموما احنا الأن من اجتمعنا بمضيف البخت هذا حتى نحجي ونحكم بما يرضي الله ثانيا يا عمي البنية مخطوفه مو شاردة والخاطفها بأتفاق من مرآة من اهلكم مع اثنين زلم يعني عرضكم هو يلوص بروحة يا شيوخ واهل بخت

جبار : شنووو شجاي تحجي انتت احجي عدل لكك؟!

غضب: مو تعلمني شلون احجي
صحت للشباب جيبوه
حجـه جبار واخوانه بأنفعال : ياهووو اليجيبونه؟؟؟

غضب : صبركم شوية علينه بوية
دخلوا جاسم للمضيف مجتف جبار واخوانه فاتوا بصدمه وكلهم مصدومين

جبار: جووويسم ولككك انت سويتها اليوم اشرب من دمكك..

غضب : اهدوا يا جماعة كولوا يا الله بعدين شوفوا شغلكم
احجي جويسم.

جاسم: شحجي اني شمسوي والله بريء والعباس ماعندي شي
امير وعثمان:  انجب لك

عثمان: ومنوو اعترف ابن النعال

جاسم : جباررر والعباس همه لبسوها براسي وكالوا احجي وكول هيج وهيج وحق هذا القرآن
الكل فات بصدمة يحلف جذب

غضب : مسترخي وما مهتم الهم

جبار: هااا يهل البخت يالتحجون بالبخت صدك هالحجي

عثمان: جذاب هذا هو اعترف بنفسه كدامنا وصارله يومين هنا يتوسل بس انطلعه

جبار: تجذبون عليةةة ولكم. وتذبونها براسه نكعد لليمين

عثمان: غضبب احجي هذا اختلف علينا

غضب : ما لك علاقة عمي نكعد لليمين

عثمان وامير تقربوا يمي غضبب هذا يحلف ما نشاد

غضب : ما لكم علاقة خلي يحلف اني اعرف شسوي لاعب خوش لعبة خلي يحلف
غضب : جنت اعرف راح ينكر واعرف راح يكول لا ويحلف لذلك اخذت احتياطاتي
وكفت على حيلي

بوية نحضر لليمين ميخالف بيش تريدون يحلف بالقرآن لو بسيدنا العباس
جبار : بالقرآن
غضب: جبت القرآن
عثمان: يلا جاسم حط ايدك على القرآن وردد وراي
جاسم: خوش
عثمان: اقسم بالله العظيم وبكتابه الكريم إن انا لم افعل هذهِ الأفعال وإني بريء بريء امام الله ورسوله
جاسم:  اقسم بالله العظيم وبكتابه الكريم إن انا لم افعل هذهِ الأفعال وإني بريء بريء امام الله ورسوله

امير: تقربت يم غضب الما ادري ليش ساكت. احجي ولك ليش سكتت
غضب: شوف القنبلة

يابة خلصتوا هسة حلفتوا هسة اطلع العندي

طلعت موبايلي بي تسجيل اقوال جاسم كلها
جنت متقصد اريدة يحلف باطل
غضب: عمي اسمعوا وحق هذا كلام الله وداعة عافيتي وهذا البخت جويسم جذاب جذاب وبهذا الدليل
اسمعوا
سمعتهم التسجيل كله والاقوال مال جاسم من البداية الى النهاية
الكل فات بصدمة

جبار: لا لا هذا جذب عرضي هييج تسوي

غضب: هذا صوت منو وكلام منو مو هذا صوتي وصوت جويسم واعمامي

جبار: صدكك وللكك

جاسم: والله عمي

جبار: عمة بعينك اليوم ادفنك هنا وانعل والديك

غضب : عوف مراجلك انته وياه بعد تتصافون مگوار على صفاة ( راعي ورعيته)
الحرمة بريئة ومثل ما سمعتوا هو مسوي سوايته بس هي مازالت بنية هاي نقطة النقطة الثانية انت ابوها شبيك تدوهنت كلش ما اختشيت

ابو جواهر: ما اعرف شحجي جنت كلش غلطان وبيا وجه نطلع هسه
غضب : اباوعلهم وجوهم صارت تنطي الوان ما يعرفون شلون يرگعون سالفة حسنة بعد ما جانوا مطلعين مراجلهم
باوعت لاعمامي نضرولي بعلامة الرضا

عثمان: غضب ذكي مترهي وهادئ رغم كذب جاسم بس هو على هدوئه الى ان فاجئ الكل بالتسجيل وجان صدمة الهم كبر بعيني حيل

غضب: جبت علگ ابيض وعلگته
يا جماعة الخير هاي برائة الحرمه لهنا واحنا وصلنا للحد الي نريدة والباقي انتم تتصافون بي تتكاتلون تتذابحون مالنا علاقة وحياكم الله تكدرون تتفضلون

عثمان: تقربت لغضب شاورته. هههههه طردة بنزاكة

غضب : اعجبك
طلعوا كلهم واخذوا جاسم وياهم

عثمان: هههههههههاااي ولك ولا ينگدرلك

غضب : افا عليك عمي ذيب ابوي انه

امير: ولك والله اول مرة بحياتي اشوف هيج شي عندي هالصرصور حتى ما ادري يسجل مدري يصور

غضب: المهم عرفت بعد حتى ما تنغش

امير: مصيبة انت

غضب: عمي وين مسدسك

عثمان: هذا ليش؟

غضب: طلقتين بالهوى بشارة

عثمان: يمعوود لا تطيح بواحد

غضب : لا ما عليك كتر البساتين ارميهن
عثمان: هاك

غضب : اخذت المسدس من عمي وطلعت رميت طلقتين صوب البساتين

......   ..............
حياة: طولوا بالحجي وكل شوية نسمع عياطهم ويخمدون. شوية وسكتوا بعد ماكو صوت
اجه حسن يركض ويضحك

حسن: ههههه هلا هلا هلا

حياة: هاا يمة شكالوا شحجوا

حسن: يمة غضبب سواهم لعبة وعلي جويسم حلف باطل بالقرآن بس بعدين غضب طلع جهازة ومسجل بي صوت جويسم وهوه يحجي ويعترف وسمعة الهم

حياة: يبعد امك زين وشنو التسجيل

حسن: حسنه متفقة وي جويسم وينامون وياها

حياة: دهر الدهرك كافي اسكت ولك

حسن: جااا غير انتِ كلتي احجيلي

حياة: گللوووشششششش مبارك يبعد خالتج

جواهر:  بعد عيني خالة

حياة: يمة سترك ربي شني هالرمي
اجانه عايد
عايد: هذا الذيب رمه بالمسدس بشارة

حنوشة : ما خاب من سماه ذيب

بأثناء ما نحجي سمعنا هلاهل

حنونه : گلبي يرفرف ادري ادري بنيتي متهمه رحت لبيت عثمان سمعت صوت رمي انخمش گلبي وما اشوف الا الهيبة والطول واكف

حنونه : غضيب يمه بشرني يبعد خالتك مو روحي طلعت

غضب : واكف بالباب واجتني حنونه تركض شكد شافت ضيم هالمسكينه

غضب: بستها براسها
عد عيناج خالة حق بنتج رجع من هالشارب

حياة: دخلت علينا حنونه وهي تهلهل وتبجي
حضنت بنتها هاجر وتبجي

حنونه: يبعد امج ما طولت حوبتج يمه

حياة: منضر حنونه بجاني على اسمها حنينه كلش الله يحفظها ويستر عليهن
خلصت السالفة الحمدلله مرت على خير وجاسم يتفاوضون اهله ويا جبار بعد مالنا علاقة

غضب: يلا عمي

عثمان: هاا بوبة شني

غضب: هذا هو خلصت بعد نطلگ

عثمان: وشبيك مستعجل متوازي

غضب: لا بس دام السالفة بعدهي بحرورتها خلي نكضي كل شي

عثمان: خوش بوية براحتك

طلقنه عمي عثمان والحمدلله مر يومنا بسلام بفضل الله.

غضب : يلا يمةة شسالفتج

حياة: هاي ايت ايت

غضب: يبووووو يسالفة وكفة الباب والله حطيتيلي علة بگلبي
يخوي طبب حنيوش خلي امي تجي

عثمان: حنوشتي يلا كافي يلا ام غضب هذا توازة

حنوشة: يبوي عليك شبيك متوازي

غضب: بالله انتن صارلجن شكد كاعدات ما سولفتن الا هسة وبالباب

حنوشة : هههههه سوالف الباب حلوة

غضب: اي عز الله ما تنلامين حلوة مو ضايفيلج نكهة برتقال فوكاها

حياة: يبووو شيخلصنه يلا مع السلامه

مشت ايامنا عادية بحلاتها ومرورتها ووليدياتي اشوفهم يكبرون گبال عيني  يوم عيد واشوفهم عرسان غضب صار سادس وحاكرته حكر ما يطلع من الباب رغم ان درجاته تسعينات

باجر اخر يوم بالأمتحانات
غضب: البيت اريدة صنته الاسمع حسة ما يلوم الا نفسه لان جاي اقرى
حياة: انت بس اقرى وانعل شيب اهلة اليطلع حسة
غضب: اقرى بمجهود عالي

حياة: شيخلص هالدراسة هاي ويرتاح وليدي تعب حيل

يوم الأمتحان طلعت من الصبح للأمتحان

غضب : يلا يمة اني رايح ادعيلي هااا

حياة: موفق يبعد امك هاك اشرب هاي جروه

غضب: يمه راح افتحلي سكلة مال رمل بكد ما تشربيني جروه شسالفتج

حياة: يا يمة جا غير اريد افرح بيك وما تنسى

غضب: يلا حبيبتي تأخرت ادعيلي لا تنسين

طلعت من البيت واني متحفز والحماس فوول  وصلت للمدرسة لگيت ربعي كدامي

غضب: الله يساعدهم يابة

همام: هلا بالذيب شلونك خويي

غضب: علوم الهيل تشب وتبين من بعيد

همام: هههههههه متحمس عز الله

غضب: فوول حماس اليوم حتى السؤال الترك اجاوبه هدية مني للمصحح

همام: راجع يلا راح نفوت

غضب: بس اراجع تشبج علية وانسى خليني هيج

همام: من تطلع انتضرني مو تطفر

غضب: خوش وانت هم

همام: يلا يلا ادخل
دخلت للامتحان واني كلي طاقة ايجابية دائما بكل امتحان او شي صعب علية مستحيل اخاف منه الخوف يغلب العزيمة بالتالي كل المعلومات يتبخرن اوكل امري لله

وشيصير خل يصير لو بالهدف لو بالنجف
اجت الأسئلة يا الله

بعد ساعتين طبكت الدفتر وسلمت وطلعت وانه فرررحان شايف من تقراه وتذب حيلك ومن تجي الاسئله وتجاوبها بدون ما تصفن هذا بحد ذاتة انتصار عظيم

غضب: اذا مو مية مو قبول
همام : هههه سجاج والله

غضب: لي الفخر وانت بشر اكيد لطشتها لطش

همام: لا والله جاوبت كلش

غضب: عفية. يلا اليوم عازمك على بطة

همام: هههه يمعوود خلصت البطوط

غضب: اسكت يخوي خلينا نتونس هي شبيها الدنيا

همام: شور الله وشورك
يلا سرينه

غضب: سرينه خاب وعلي هسة اذا الگف المخدة اتعاتب وياها
همام: انه هم

غضب: بهالايام عدد الساعات النايمها معدودات يبوووو ما صدكت خلصت
يلا انزل وصلنه
فتت للبيت ريحة الهيل والمسك واني بالشارع وشميتها
لكيت امي تدك هيل
غضب : مرينه بيكم حممد.   واحنا بقطار الليل واسمعنا دگگ هوى شمينه ريحة هيل

حياة: هلا بهالصوت هلا يبعد امك احجيي جااوبت بالي كلة يمك

غضب: اذا مو ميةمو قبول

حياة: يوم مبارك يبعد امك

قسمة: ولك اذا نجحت وسويت البالك المعدل
ذبيحة لبو فاضل علية

غضب: بست ايديها بيج الخير والبركة حبوبة
اجت قمر
هاا الفصعونه
قمر: ولي يلا
غضب: ههههههه هاااا خوش تعالي عصمتي ابوسج
اجت معصومه كعدتها بحضني وبستها
قمر: بجنت

غضب: هههههه يابوية يا يابة قمريتي تبجي يا كاع انشكي وبلعيني سحبتها وبستها
بووويةةة
ولكم نسيت همام بالشارع ههههه طلعت لكيته واكف

همام: بعد لو سابح ومتغدي مو احسن
غضب: خرربب هههههولك نسيتك

همام: خلف الله عليك خلف الله عليك

غضب: ههههههه اهخخخ بوية يلا خل اسويلك طريق فوت بالديوانية

همام: ليش مو بالمضيف

غضب: يخوي تعال هنا نفس الشي فتت ليجوى سويت طريق لهمام

حياة: اجه غضب وجهة يبشر بخير يغني وصوته عذب حيل
التهى ويا البنات ما گال همام بالباب نسى نفسه بعدين تذكر
طلع شوية ورجع كال سووا طريق

غضب: تفضل تفضل

همام: لا يخوي انت تفضل

غضب: لااا والله ما يصير الا انت

همام: لا وداعتك الا انته انته اكبر مني بشهر

غضب: جيرة بكصتك مو مال احترام

همام: هسة ديلا فضني الشمس حمستني حمس
دخلنا للديوانية
لكينه عايد نايم

غضب: اكعد لك اكعد نايم للضهاري ابن الرگعة

عايد: خايب عوووفي اريد انام

غضب: سحلته وكومته
كوم يلا كوم هذا همام

عايد: كعدت على صوت غضيب ويسحل بيه
استغفررر الله شلون ما انام

همام: جا ابن الاوادم اكو واحد يضل لهسة نايم شعندك بالليل

غضب: عاشگ وسهران ابن السير

عايد: اوووف اي يا خوية عاشك عاشك

غضب:  دكم يلا
طلعت اريد اروح اجيب ماي

همام: هم راح تشتلني

غضب: اريد آيبلك سم الهاري تشربه

همام: اي يا خوية وشوية وياه طحال مطي

غضب: راح احمسة بالمنفاضة عايزين لعبان نفس من الصبح
طلعت اجيب ماي ووصيت امي تسويلنا بطة على تمن

حياة: يااا ولك جا شوكت تستوي

غضب: تستوي تستوي حتى لو نتغدى بالثنتين شعدنا

حياة: خوش جا هاك هاي السجينه اذبحها

غضب: انطينياها
اخذت السجينه من امي وذبحت بطة عاد شلون بطوط هنَ بس اني ناذر نذر اذا خلصت بخير اذبح بطة
هاج يمة
حياة: اخذت البطة منه يا مسرع ما ذبحها

غضب: غسلت ورحت للديوانية

همام: صارلك سنة وهم ماكو ماي

غضب: استغفر الله يربي شبية اليوم كله انسه

همام: خاف بالك سارح بالحب

غضب: والله بطران انت بشرفك ويهي مال حُب
املح

همام: شاملح ولك ما تشوف البنات صايرات عليك مكاتل

غضب: ختولي هالسوالف بعيد عنها كلش
همام: اني هم مثك اي والله

غضب: انجب يلا انجب

عايد: ولكم اكو وحده احبها

غضب: عويد وعلي ابتر ريليك بطل هالسوالف بعدك زعطوط مراهق

عايد: خاب دروح انت والله بطران

غضب: عگدت حاجبي اي اي بالله وياهي هاي

عايد: لا ما اكول سري هاي

غضب: بالعباس ابو فاضل اعلگك بالباب عود كون نفسك ساعتها لو تحب يهودية ما لي شغل بيك

عايد: ششفتني هسة نمشي بالحديقة وكايدها ترى يعني بس هيج احبنها

غضب: الله كريم كون نفسك وصير زلمه وابنيلك بيت مرتب ورتب امورك شنو مثلا نكول لا اكيد ما نكول اذا بنية عرب واهلها اياويد ( اجاويد)

عايد: اووووف الله كريم

همام: هههه كم لك يجر حسرات العاشق الولهان

غضب: يمعود هذا يخوط بصف الاستكان

حسن: السلام عليكم

الكل : يهلا وعليكم السلام
حسن: شلونك الامتحان خوية بشرني

غضب: نعمة بخير
صار وقت الغدا
يلا حسن شوفهم مصارينا تكطعت
حسن: خوش

غضب: همام تدري ابالي اسويلي هيج مطعم
همام: مطعم مال كراعين وكرشات

غضب: طيح الله حظك
همام: شبيك صدكني تنجح

غضب: خووش حتى ابوك يشبع شلون يحب الكروش هو

همام: قنعتني ابوي صح يحب الكروش يفقد خوب الكباب سالفتة ميته يضل يرهول
تدري يگول من افوت يم مطعم واشم ريحة الكباب اضل ارهول وادوخ

غضب: جا شماله الله غاسله شيش واحد يخلص علي اربع گرص خبز
عايد: هههههولك الشيش بس اشمته يروح بالهوى وهذا يسوي فطحة

همام: يخوي ابوي من اهل الله فقير ترى توه طلع وشاف العالم

غضب: اي يخوي اني من جنت اشوفك عبالي يتيم ما عندك ابو
همام: ليش؟

غضب: حتى تنضم للفريق مالتنا ما شاء الله منين ما ملتي غرفتي كلنا يتامه مو بيت دار ايتام

همام:ههه اي وعلي

غضب: كمت اشوف وين صار الغدا لكيته حاضر
هاا يمه اووف اوف الريحة قبطت خشمي عاشت ايدج بنيتي الحلوة

حياة: وايدك حبيبي

غضب: معصومه والزلاطه وين

معصومه: هاي عازلتها على كتر

غضب: جا وانتي قمر ليش ما تساعدين امج

قمر: والله اني ما بية حيل

غضب: جنتي تحصدين لو تلگطين لوبية يلا كومي اترسي السراحيات لبن

قمر: هفففف

غضب: ما عاجبها الوضع  اخذت الغدا ورحت للديوانية

همام: يخوي من حالك تهلس بروحك شعندك انت

غضب: هااا ولك

همام: الاكل ريحته طيبة

غضب: سم والف عافية

همام: ابطنك حبيبي

غضب:هههههه رحت جبت الماي واللبن
همام: اهم شي اللبن عاد لبنه حبوبتك ماكو مثلهة

غضب: ما نغش احنا حبي يلا مدوا ايدكم
تقربنه على السفرة بس كركان ماكو اليوم ما شفته

غضب: حسن وين كركان

حسن: راح لخالته

غضب: هااا حلو تطورت الامور خفة راسة هذا الجته زهمول طين
همام: هههههههه.. طلع اللبن من خشمي ولكك خلينا ناكل

كركان:  رحت لخالتي لأن اخر مرة من اجت كالت هالاسبوع ريلها مو هنا بالبصرة عنده شغل وصلت للبيت دكيت الباب
اجاني صوت خالتي

خالدة : منوو؟

كركان: خالة اني كركان

خالدة : فتحت الباب يمه صخام صخمني كركان ولك الريال هنا فدوة فدوة بعدين تعال وعلي يفضحني كدام العرب

كركان: خوش خالة.اجيت امشي وعبرت الشط بالبلم مديت ايدي لجيبي اطلع فلوسي ماكو فلوس طايحات كلهن ما باقيلي فلس

ابو البلم : شرايك عمي اليوم ابات يمك على ما تطلع فلوسك

كركان: لا عمي بس طاحن مني

ابو البلم: خوش جذبه والله اليوم اغطك بالشط انطيني فلووس

كركان: عممي والله والله ماعندي طاحن وروح ابوي ماعندي .؟؟

يتـبع ..

نـبأ الـسلطـان 🌛🌜

س/منو هاي الي يحبها عايد ؟؟
س/ شنو راح يصير ويا كركان ؟؟
ناقشوني بنات ؟؟