رواية نيران أبو ذيبه الفصل التاسع عشر 19 - بقلم علي العراقي

"نـيران أبـو ذيبـة "

بـقلم : نـبأ الـسلـطان

الحـلقه الـ ١٧

..................

كركان : جا تشوووف عندي فلوس يا عمي ،؟

ابو البلم : مالي شغل انه اريدن فلوسي شدخلني طاحن غركن شسويلك انطيني الفلوس لا احطك واغركك

كركان : استغفرالله ربي جا انته تعرفني انه ياهوو؟

ابو البلم : لو ابن الوزير اريد فلوووسي جاي اكلك

كركان : اذا هسه احطك واصفط البلم على راسك هم يجي كوا..يكلي ليش

ابو البلم : هااا ولك وتجاووز عليه انه اعلمك اليووم ...دددخل دخل نووصل للجررف اصبرلي جا

كركان : ديلا شوو وصلنه خل اشووفك شتسوي ، وصار يمشي البلم يمشي سريع ووصدك ووصلنه نزلت انه باوعت علية وابتمست ابتسامه عريضه ..

ابو البلم : تعال اليووم انعل اليوم الشفتك بية فوك ما اكلت فلوسي وهسه جااي علية تجاوز

كركان : ذبيت نعالاتي خليتهن بأيدي وشديتها بركضه انه اركض كل سرعتي وما التفت وراي ابد وجان بالي من اوصل احجي كلشي الـ غضب واخلية يروح عليه ينطي فلوس الكرع راسي بيهن

ضليت امشي وصلت للسوك وانه طلعانه روحي اجر نفس جر ، المشكلة جان ماعندي فلوس حتى اصعد عبرية شلون بية هسه ،

ضليت صاافن امشي وادعي بكلبي بلكت تجي سيارة تاخذني ..والله هناك وجن رب العالمين استجاب دعائي صاحني واحد من اصدقائي بلدووام هو وابوة

_-- لك هااااا،كركان وين ررايح؟

كركان : والله حبيبي اريد ارجع لاهلي

_- امشي اصعد ويانه احنه راجعين للبيت واصلا بيتكم قريب علينه

كركان : عاد صعدت وياهم جريت نفس طووويل وسلمت على ابوة ، ضلينه انه نسولف ونضحك لحد ما صدك وصلت البيت اهلي ..جانت دنيا الظهر هسه اكيد غضب ضاايج مني ،
دخلت للبيت سلمت على امي وحبوبتي لكيت يمهم عايد وهمام

لكيتـهم مكملين غدى والحمدلله جان غضب وجه يضحك يعني ماحجه شي وياي
رجعوا من جدديد صبولي غدى واكلت وشلت الصينيه وكعدت حجيت الـ غضب المشكلة كلها ارتاحيت من گال :

غضب : شني تگاطعت الوادم وهيج ميخالف بوية العصر انروحله ونعتذر منه وننطي الفلوس لا تشيل بالك ؟

كركان : مشكور خوية ... ناموا كلهم بلديوانيه ونمت وياهم لان جنت تعبان كلش بس مع ذلك اباوع عليهم كل شخص صافن بشغله يفكر بيها انه غفيت بعد مادري شصار ....
.. ......

غضب: كعدنا دنيا غرروب صايرة وهذا كركان نايم كعدت الولد كتلهم نطلع كالوا هاهيه ..غسلت وجهي وغيرت ملابسي انه وحسن واجه ورانه هم يريد يطلع ويانه غير ملابسة وطلعنه نفتر .......

كمزت من مكاني شبيككك ولك على صوت عايد وهو يصيح ؟

عايد: كرصتنني عكرب اخخخ يمه لحكي

غضب: امشينه لاهلنه

عايد: ولك عكرببب كاصرتني توديني لاهلي شكو راح اموت يابة تووجع

غضب: شبيك شيسوولك بالمستشفى لا تخاف اني اسويها الك بالبيت والله ما يسوولك شي

عايد: نعلة على. ....خوووششش

همام: هاي هية عكرب. كتلتها

غضب: دمشي ابن الركعة حاير بالعكرب يكتلها

عايد : الألم خلاني ما اكدر احرك ايدي يدگ بگلبي
رحنه للبيت مباشرتاً

غضب: فوتوا يلا. يمممةةة

حياة: كاعدة واسمع صوت غضب يصيح
هاا يمه شبيك. يااا صخام بويهي شبيك يمه

عايد: كرصتني عكرب

حياة: شدها يمه شدها لا يمشي السم بالدم

غضب: شنو حية هي جيبيلنه ثلج ووصله

حياة: رحت جبت ثلج ووصلة

غضب: امشي فوت اغسل المكان مال الكرصة

عايد: خووش
غضب: خليت الثلج على المكان مال الكرصة

همام: هاا ما خف الوجع شية

غضب: حبها ولبط شسالفة اصبر شوية هاك الزم شبيك مشلول
عايد: شبيك هيو تجرح وتداوي انته؟

غضب: هسة مو زين جاي اسويها الك مو ويه نعمة

عايد: خوش خلف الله عليك

غضب: يضربك حريشي تريد ولي للمستشفى شوف شيسوولك

عايد: ماريد

غضب: بعد ما يروح الوجع منا لباجر نفس الوكت الكرصتك بي العكرب

همام: اوويلي

غضب: شبيكم التميتوا بوية انطونه هوى مجاال كلكم فووك راسي وخرو

كركان: جا غير نشوف

غضب: اي بوية تشوف مو جاي اسويله ولادة

قسمة: شبيكم ولكم شبيك عويد ياااع يحبوبة ما تستاهل بعدوينك

عايد: حبوبة كرصتني عكرب

قسمة: ياااا صخام بويهي يمه شدها لا تخليها هيج

غضب: شيشد منها حبوبه عوفن سوالفجن
هاا خف الوجع

عايد: اي شوية

همام: الدكتور غضب خيون

غضب: تحب اضربك ابرة حبيبي

همام: شكرا ماريد

غضب: شبيك ابرة بالوريد مال صخونه

همام: شكرا

حياة: كلها منك هسة دنية ليل المن طالع بيهم
غضب: الاثول شسويله كوه اسوي مو اثول شماله ما حس ما انتبه

حسن: يبووووو كافي يمه عوفي هسة ما مات

عايد: هههههههه ديلا بالله يردون يموتوني

غضب: صح

همام: لو ميت جان طميناك بالكاع

غضب: هم صح
حياة: ياااا تدفنون ابنيي تغدوله فدوة

غضب: هم صح. شنو لا لا شني نغديله فدوة هسة واذا مات ياهو هوه الجواهري

همام: الله ذكريات الجواهري

غضب: حطالي علة

عايد : والله بطرانين

غضب : لا تخاف حبي اتحملها شلون ما جان

عايد: اگلك شو ورمت

غضب : ما عليها اعتيادي تورم لا تخاف

عايد: استغفر الله كله منكم

غضب : الاثول يضل اثول نعست

همام: دياية الله يسلمك تنام من هسة

غضب : والله نعست يخوي ما شابع نوم

همام: عالساتر لازم واجب

غضب : ديلا هسة ابوك مسكت القاعدة

همام : يلا اني اروح هسة امي تخبصني

غضب : بات اليوم هنا

همام: بعد تريد امد فراشي وياي

غضب : تسوي فضل

همام: ههه يلا فيمالله

غضب : الله وياك. مر علية هاا

همام : ان شاء الله

غضب : راح همام وعايد شوية خف الالم عنده
.............................

اليوم التالي

غضب : كعدت الصبح بالخمسة لكيت امي وحبوبتي كاعدات
صباح الخير

قسمة : هلا بهالصباح

حياة: صباح العافية اليوم من الصبح كاعد

غضب : يعني بشرفج واني نايم شميت ريحة البيض والطماطة النوب عبالك بيضة مال دينصور ترس الطاوة

حياة : جا غير مال بشوش اكيد جبيرة

غضب : اي مو بشوش طركاعة اني سامع بالمرة تولد توم مو بشة تبيض مرتين شنني هاي

قسمة : فلك طرك

غضب : شبيك يحلو

قسمة : فوت ولي صلي يلا صاير كلش لا صلاة لا عبادة

غضب : ششايفتني ياي اطراف الليل لو بطلي بايدي ما اصلي

حياة : ليش ولك

غضب : على عناد هالحلوة

حياة : روح صلي يمه احسلك

غضب : شفعتلج امي ترى
قسمة : يااا امداني اي والله

غضب : رحت صليت وطلعت فتحت المضيف واني اتأمل بي وبكل تفصيلة
تقربت يم بشت ابوي معلگ يم المنبر شميته وضميته لصدري
يجي يوم وارد الساق ساقين يا بوية وعد كل قطرة دم وكعت منك اردها بعشرة

فتحت الشبابيك وشغلت البخور ورشيت شوية مسك طلعت الهاون وجبت قرنفل وهيل وبديت ادك
شعلت النار وترست الدلة ماي وخليتها على النار
وبديت ادك كهوة اطحنها ريحة الهيل والكهوة عالمي الخاص
احب دلال ابوي احب الگمگم مال الدلال
احب الاصالة والتراث الي بالمضيف احب مكان ابوي المعتاد
خليت الهيل والقرنفل بعدين حطيت الكهوة
الريحة ملت المكان وشعت لخارج المضيف
احب الكهوة تكوم ثخينه

عايد : كعدت الصبح ما لكيت غضب
صباح الخير
حياة : هلا يمة صباح الورد
قسمة : هلا بهالصباح يمه شلون صرت
عايد : لا حبوبة زين بس ورمت اكثر. وشوية تويعني
قسمة : ميخالف يمه هانت اتحملها
عايد : غضب وين
حياة : طلع بالخلة ( خارج البيت)
عايد : هاا خوش رايح يمه
حياة : اكل لكمه يمه ما يصير تضل هيج
عايد : والله ما اشتهي. طلعت من الباب ورحت اتجاه المضيف كفختني ريحه الكهوة والهيل اوويلي شكد طيبة

غضب : جاي اتكهوة واجه عايد

عايد : الللله الله

غضب : شنو

عايد : الريحة واصلة للبيت تدري

غضب : تريد

عايد : اكيد انطيني وياك

غضب : صبيتله كهوة شو هذا السفت الفنجان سفت
يمعوود حارة لا ينصلي لسانك

عايد : عااشت ايدك

غضب : بعد ابلع الفنيان ابلعة

عايد :ههههه هاك هاك

غضب : رجعت صبيت له

عايد : صب حجي صب

غضب : سم والف عافية

عايد : الله يع. شنوو شبيك من صباح الله عايز اني بليل انگرصت

غضب : مو هاي ثالث مرة اني مسوي على كدي وخلصتها هاي ضلت شوية
عايد : تريد ارجعها ماعندي مانع

غضب : تريد تلعب نفسي والعباس ما تكدر هاي تعبان عليها واتزحلك يلا خلصت بس هاي الي

عايد : فگريات

غضب : ما مشلول تكدر تسوي،، اكلك عايد ضلت بالي دور شغله ؟

عايد : خير يارب شنهو هي

غضب : منو هاي المدوهنتك وعاشكها ؟؟ اريد اعرفها ياهي

تنـهد بحسـرة وألـم حسيت بيـة .. صفن والتفت الي

عايد : الحب مو حلو صدك ؟ وحده بعدين احجيلك عنها وتعرف كلشي والله بس بلوقت الحالي اكو أمور اهم منها

غضـب: على طاري ألامور النتائج مشتته تفكيري كلش

عايـد : اعرفنك سبع وتكدرلها

غضب: الله يسمع منك وافرح امي وحبوبتي

يتـبع ..
نبـأ السـلطـان 🤍