رواية نيران أبو ذيبه الفصل الثالث عشر 13 - بقلم علي العراقي

"نـيـران أبو ذيبـة "

بقـلم : نـبـأ السـلطـان

الحـلقـه الـ ١٢
..
..................

حياة : ههههههه يبو عليك
غضب : عايد تعال طبنا جوى
دخلنا للبيت واجت حنينتي قمورة بحضني
بستها من خدودها مستغربة بعايد
قمورتي هذا دادا عايد
قمر : آيد
عايد : ههههه تعالي
قمر : غمضت عيونها اماااا
مر اليوم وفرحانين بجية عايد صار اخونه حالة حالنا
اليوم التالي الساعة 7 الصبح ما طالع للشغل وكاعد بالحديقة
طلع عايد
صباح الخير
غضب : يهلا صباح الورد استريح اكعد
حياة : هلا يمة صباح الورد اكعد اصبلك ريوك
عايد : اي عمة
اگلك غضب اريدك تروح وياي
غضب : وين
عايد : لبيت خالتي اجيب اغراضي وفلوسي
غضب : بس ما نتأخر
عايد : لا بس نجيبهن ونجي
حياة : صبيت ريوك لعايد وكعدوا يسولون هو وغضب هالغضب ملون وكل شوية يصفن
شبيك يمة
غضب : هاا
حياة : شبيك
غضب : شبيه
حياة : ترى امك اني واعرفنك من عيونك شكو صاير شي
غضب : لا يمة ما صاير شي هيج بس تعبان
حياة :  عيارتك
غضب : ههههه وداعة هاي المملحة البخدودج
يلا يخوي شعدنك ذبيحة خلص يلا
حياة : شبيك خل اخيك ياكل شوراك ولد تلد
عايد : مستعجل وراه فروخة
حياة : ياا يوم سعيد واشوفهم يترسون البيت

غضب : ايي ايي واني الي خلك اكعد فلان واسكت علتان

حياة : لا خليهم علية

غضب: خوش شور الله وشورج
عايد : ههههه هااا هااا

غضب : اسكت يخوي امي صايرة هواي تحلم ويني وين هالطيحان حظ

حياة: يااا امداني
غضب : شبيك يحلو
حياة : هههههه خاب والله بطران انت

غضب : خوش بطران بس تبقين حلوة اووف مو عيون صوبني
حياة : دشوف حضي اليوم شامرك علية
غضب : اي شمرني عندج مانع
يلا خلصت
عايد : هاي بس اغسل
خوش خل ابدل ملابسي
دخلت للبيت
اوويلي اليوم هدوء حسن وكركان راحوا ويا حبوبتي للزيارة
بدلت وكملت حطيت دهن العود ومسك وطلعت
اجت بوجهي قمر
فتحت ايديها تريد اشيلها
شلتها وبوستها
غضب : عباس وينك
عباس : هاا شتليد
غضب : ولي زعلت عليك ما تروح
عباس : هههه لا لا اثف والله
غضب : بوسني
باساني واخذته من ايدة يلا روح وياي.         

  حياة : دومك تتريح

غضب : تدرين بية احب العود والعطر

يلا سرينة
عايد : يلا
طلعنا نمشي ووصلنا بيت خالة عايد لگينه زوجها واكف بالباب
غضب : السلام عليكم
محمود : هلا
عايد : عمي الله يساعدك
محمود : هلا بيك
عايد : اريد ملابسي وفلوسي
محمود : يا ملابس يا فلوس
غضب : استغفر الله هذا شبي سكران
عمي يرحم والديك انطينه ملابس عايد وفلوسة عند خالته نريد نروح
عدنا شغل

محمود: هو انت ابن خيون
غضب : اي اني
محمود : وليش انطيتهم الشيخة

غضب : لا اله الا الله عمي اني منطوط ( مخبل) وانطيتها الهم فضنة يلا رحمة لوالديك
محمود : شتريدون
غضب : لك بابا شبيك صاحي انت جاي اكلك انطيني الملابس الملاابسس واضح الصدى لو اعيد

محمود : روح فوت شوف يا ملابس خالتك جوى
عايد : خوش
غضب : خرة بشكلك ولا تنبلع النوب سكران
محمود : ما عندك جكارة
غضب : ششايفني باكيتي بايدي
محمود : شبيك انت
غضب : مو شغلك
شوية وطلع عايد
غضب : يمعوود وين وليت صارلك سنة

عايد : يخوي ضام الفلوس بالصريفة مال الفراشات وصارلي ساعةادور عبالي مخمسهن هذا الاثول بس لكيتهن
غضب : خوش يلا نمشي
عايد اي سرينه
عباس : تعبيت
غضب : هو اني هم صوجي اجيبك
عباس : ثووف هاي رجلية ثارن مولمات ( شوف رجلية مورمات) 
غضب : هههههههه لوتي
شلته ونمشي
عايد : الحمدلله خالتي مو هنا
غضب : جا وين
عايد : مدري وين مولية
وصلنا للبيت لگيت خالة كركان عدنا هي ووياها بنتها
غضب : السلام عليكم
خالدة : وعليكم السلام
غضب : هلا تفضلي
خالدة : لا سلامتك بس اجيت اشوف كركان وما لكيته
غضب : واني مو كلت ماكو كركان هسة صرتي حنينة كلش يوميه جاية سلام عليكم شهلحنان نازل من السماء سبحان الله ربي

حياة : دخل علينا غضب واني ادري راح يسويله سالفة
وما خاب ضني بس ما دخل بدة يسرد

خالدة : لا والله حنينة وبنيي هو بس محد يخليني اجيكم

غضب : والمطلوب شنو ،، اشرت بأصبعي لفوك ...من الاخير اهطريهن وروحي

خالدة : اريد بس اجي اشوفه ما رايدة شي ثاني

غضب : وشنو يثبت مو امه دازتج

خالدة : لا وداعة هاي بنيتي ما لي علاقة بيها ومتكاطعة وياها انه ما اكدر اجي لان ريالي طايح حظ

غضب : سبحان الله

غضب : سبحانك الهي
خالدة : يمة بكيفك لا تصدك بس وروح ابوي هذا الصار. والصدك
غضب : لا اله الا الله خوش ماعندي مانع بس بشرط وهالشرط اجباري
خالدة : كول شنهو الشرط امي

غضب : حرف وواحد ما يطلع اليعرف بيج شايفة كركان وتعرفين اقصد منو هذا ثقي وصدكي بعد عتبة الباب اذا وصلتيها يصير غير كلام
خالدة : ابطن عيني يمة بس هاي مو تدلل
غضب : الله كريم يلا اخذوا راحتكم
دخلنا اني وعايد للغرفة
عايد : منو هاي
غضب : يخوي عاطلة هاي هسة اشتاكت هاي خالة كركان صارلة اسنين هنا وقبل كم يوم ولتها المحنة واجت وطردتها وهسة هم اجت
عايد : غضب بس خطية خليها تشوفه
غضب : هسة اني شكايل خليها.أكلك امشينه لعمي امير
عايد : اي والله ردت اگلك
غضب : طلعنا ورحنا لبيت عمي دكيت الباب
احلام : ياهوو
غضب : استغفر الله  عمي هنا
احلام : فتحت الباب هلا بالمسعد شلونك
غضب : بخير دامج بعيدة عني
احلام : هههههه هسة علساس اني بعازتك
غضب : عمي سمعتي كلت هي بعازتي
عايد : لا ما سمعت
احلام : ها عويد طردوك هم حيل
غضب: هسة فضيها عمي وين
احلام : مو هنا
غضب : من البداية وكولي شكو بعد هالرطنة هاي
رحنه عنها حامض على بوزي هاي ما تنجرع

ما تحبلها بشر ولا تخلي واحد يحبها
عايد : خاعدة الناس بشكلها اليشوفها يكول هي ولا غيرها بس هي حية الله يسلمها
غضب : گلتها بعد حية الاسم يكفي
والله ضوجة وين نولي
رجعنا للبيت تعال نغسل السيارة
عايد : خوش
غضب : طلعت السيارة بالحديقة يم المضيف
وسحبت الصوندة وبديت ارش بالسيارة وعايد يفرك
غضب : خلي التايرات اني افركهن
وتعال رشلي الماي
اجه عايد يغسل السيارة ويرش
واني افرك بالسيارة فتحت الباب وشغلت النارية
لگيت كاسيت اغاني فتحته وخليته بالمسجل

لا ام التحن لبجاي لا خالة وياي دادة حسن لا خالة وياي

عايد : ههههههه عليي اخي بارك الله بيك
غضب : هههههه عليته وصار الصوت عالي

كل الوجوه ثگال من يگبل هواي داداة حسن من يگبل هواي
نردد بالأغنية ومنطلقين صوتنا عالي
عايد : اووكفف ولك اووكف طفي
غضب : وزهر شبيك ولكك
نصيته
هاا شبيك عايد : غني انته صوتك احلى وعلي
غضب : جيرة بكصتك اي والله

عايد : وروح ابوك صدك صوتك يهبل
غضب : لا تجذب

عايد : ولك صدكني وداعة حبوبتي

غضب : مدري ما مغني گبل
عايد : انجب يلا لا تكسر واهسنا

غضب : رجعت عليته المسجل
واردد بصوت عالي

متعجب بدنياي غثتك فد يوم دادة حسن

حياة : راحت خالدة من يمي وهي فرحانه
شوية واجه غضب اخذ السويج وطلع السيارة يريد يغسلها وسحب الصوندة
واني اغسل ملابس خلصت وطلعت اريد اشرهن على الحبل بالحديقة
واسمع صوت المسجل عالي وغضب يردد صوته حلو اول مرة اسمعة يغني وصوته هالكثر حلو
ضليت استمع الهم وابجي ذكرني بخيون صوته ونبرة صوته ومن يصيح ويعلي كلشي بي مطبوع
مسحت دموعي ورحتلهم

غضب : منطلق اردد بالاغنية واجت امي
رحت عليها واني اغني
لزمتها من ايدها وفريتها اني اطول منها
حياة : جيرة بكصتك يمة ويني وين هالسوالف
غضب : تخبلين حويتي
حياة : شني هاي عود ما تستحي انته مشغل اغاني وصوتك تلعلع بي
عايد : عمة مو صوته حلو الله عليج
حياة : اي صوتك حلو ولك
غضب : ما اغشج اني
حياة : كافي يلا نكعتونه
غضب: ترى ثيل شعلي

حياة : طفي الاغاني حرام امي يمه شجااك

غضب : الله كريم راحت امي واني اخذني الواهس اجت معصومه وجلال على الصوت
يركصون ويصفكون

هناك وجان اسمع صوت واحد مو غريب عليه واعرفه هذا منو التفت شفتها ....

يتبع

نبأ السلطان
....................

بنات توقعاتكم للبارتات القادمه .؟؟

-_ واذا ضل التفاعل هيج. شوكت ما يعجبني انزل الكم بارت لان التفاعل مايسوي واهس ابد ليش هيج ؟