رواية نيران أبو ذيبه الفصل الرابع عشر 14 - بقلم علي العراقي

"نـيران أبو ذيبـة "

بقـلم : نبـأ السـلطان

الحـلقه الـ ١٣

..........

الـتفت شـفتها بنت عمي أميـر ، گلت بكلبي هاي اكص ايدي اذ امها تدري بيها جايه علينه
راحت ويا البنات وتصيح عمتي وعمتي .. هاي شنازل عليها من السماء عمرهم حياتهم ميجون علينه ولا احنه نروح ..مهتميت وطنشتهم  للموضوع كلة وطلعنه انه وعايد افترينه ونغير جو لان البيوت كئابة وخنكه ..

مر اليوم هدوء وحلو كلش طلعنا من مود الحزن تقريبا بس تبقى غصه بكلبي ابوي وكلام ياسر

حياة : غضب يمة شو عمك عثمان ماكو كاطع
غضب : شغل عنده وهالسوالف
حياة : باجر عندك شغل
غضب : لا بعد ما نطلع
حياة : احسن
غضب :  حطيتي عينج
حياة : اي يا يمة غير اريدك يمي احنا مو بحاجة هالشغل عمك امير ما مقصر وحلالنا خير ونعمة فضيلة وعندي اني خيرات الله الحمدلله والشكر انه اخاف عليك يمه لو واكع هذاك اليوم وصاير بيك شي انه شحصل

غضب : تعالي اكعدي عندي سالفه اهم من هاي
حياة : ها حبيبي  يمه كول

غضب : شگد عندج كل الفلوس الجانن عند ابوي

حياة : هسة عندي 40 مليون بس العندي وابوك مخلي يم عثمان 20 امانه وبتاته هم 10 الفاتحه شالتها العشيرة والبتات انصرف منه بس 3

غضب : يعني يم عثمان 23
حلوو
ويمج 40 صارن 63
حياة : ليش يمة شعندك
غضب : يمة خطرت ببالي فكرة وهالفكرة الله يجوز هيئها النا
حياة : شني هي
غضب : يمة احنا مو عدنا قطعة ارض بالسوك
حياة : اي عدنة
غضب : نستثمرها لوو لالا نجمع الأكو والماكو ونگط فلس فلس ونسويها مجمعات
حياة : هههههه شوف هذا البطران
غضب : يمة ثقي بية وروح ابوي تنجح دام هسة الله موفقنه وحاط بايدنا النگدر علي لازم نحقق شي بيهن مو جامدينهن ( ضامينهن)
حياة : كول جمعنة المبلغ المطلوب وكول بنيت وكملت
اي وشتسويهن شنو المشروع

غضب : المشروع هو مجمعات ومحلات جملة ومواد غذائية اول مرة نفتح واحد ونشوف الشغل والعافية بالتداريج
حياة : غضبان يمة بس بالله خسرت
غضب : يبوووو شسالفتج من هسة بدة التفاول الحلو
حياة : زين ودراستك يمة شلون
غضب : خلي كل شي علية واني ارتب كل شي
حياة : يمة هسة شلك بهالشلعان گلب لا لا ختولي
غضب : لا مو شلعان گلب راح احاجي عمي امير وعثمان ابوي هم مخلي يم امير لو لا
حياة : هو غير مسجل كل حلالة باسمة هو وعثمان
غضب : ادري بس ابوي مودع يم امير فلوس منا منا
حياة : اي مخلي يمة 40
غضب : كولي صارن 100 مليون حلوو
حياة : والله راح تدولبنه
غضب : والله وروح ابوي يمة اني رايد كل شي النا باجر عكبة الاعمام الله يسلمهم يستقوون وازيدج بالشعر بيت جاي يدسترون الوضع حتى يقسمون حلال ابوي وشگلك حلال اخونا واحنا النا حق بي
حياة : ياهو الكالك
غضب : هسة شعليج المهم عرفت
يلا اني رايح لعثمان زين متأكدة هذا كل المبلغ ماكو منا منا
حياة : لا بس هذني يجوز ابوك مخلي غيرهن الله اعلم
غضب : خوش حبيبتي ان شاء الله ابيض وجهج ويجي يوم واخليهم يصيحولج هاي ام الكفو
حياة : كرة عيني يبعد عيني
غضب : عااايد تعال تروح وياي

عايد : اي وين
غضب : لعثمان
عايد : سويتها ولك
حياة : هااا انت تدري ولك
عايد : اي ادري هذا ما يكعد راحة سولفلي

عودة للماضي

غضب : عويد
عايد : سّم (آمر)
غضب : خطرت ابالي فكرة بس ما اعتقد نكدر نحققها
عايد : شنو هيه
غضب : عدنة قطعة ارض ومساحتها جبيرة بسوك (.....) وبدال ما صايرة مزبلة نسويها محلات لو مجمعات
عايد : ايي ومنين تيب فلوس
غضب : حمار انت شجاي اكلك جاي اكلك ما اعتقد نكدر نحققها افهم يعني نو فلوس
عايد : غضب لا تنسى حلالك خير من الله وتكدر تتصرف بيها وعمي امير وعثمان وياك ويحطون العدهم وياك اذا تريد يساعدونك واذا شراكة بعد احسن هم يقل الحمل
غضب : يخوي انجب اني دهن العود مالتي ما اخلي واحد يحط منه تريد اخلي شراكة وياي لا ما اريد شراكة حفاظا علية وعلى امير وعثمان خلينا على حب الله الشراكة شلعان گلب
عايد : بكيفك بس يقل الحمل عليك
غضب : لا تهتم اني ادبرها
عايد : شور الله وشورك

عودة
حياة : الله كريم يمةة هذا هسة يدولبنه
غضب : يلا سرينة عوفوا هالحجي فدوة
حياة : مو تطولون حبوبتكم بالدرب
غضب : خوش
رحنا : لعثمان
لگيناه نايم بالمضيف
جفتت جفت
غضب : على طول حسي
نااايم نااايم

عثمان : اسكت خيون بطل سوالفك تعبان
غضب : اكعد يلا اني غضب
عثمان : شلونك غضب شلونه ابوك
غضب : انعصر گلبي كلش والدمعة بطرف عيني بس ما تنزل
غضب : بغصة.  بخير عمي بخير اكعد يلا
ندهته وفز

عثمان : خيون دوم هيج يكعدني نايم بالمضيف تعبان نمت غفل واجاني صوت خيون ردلي روحي
انتهيت من هالوهم كبرني عشرين سنة اتحسف حيل والمصبرني غضب اليشبه خيون بكل شي
ندهني وفزيت حضنته واشم بي ريحة خيون والمسك والعود كلها تذكرني بي

غضب : كعد عمي مفزوع حضني حضن ابو
عثمان : شلونج يحيلي
غضب : بخير دامك بخير بوية
عثمان : شلون عيد
عايد : الحمدلله عمي نسأل عنك
عثمان : يا بعد عمك هالتشوفني وعلي تعيبان كلش
غضب : الله يساعدك بس مر علينه
المهم عمي ااني اريد آخذ شورك بشغلة
عثمان : دخلي يجيبولنا جاي وسولف
صاح للكهوجي
جاي مو ثكيل  مهيل ولا تنسة الورد
غضب : هههههههه توصيات عثمان بعد
عثمان : جا غير كلهن الك اني عن نفسي احب الجاي الثكيل بس علمودك يالأملح
غضب :  هااا بدت رحمة الله
عثمان : عيد شلونهم الربع
عايد : شتگول انت عمي
عثمان : شني دعبلوك
غضب : عمي
عثمان : هسة شحجيت هذول مالهم صاحب والله وعايد كول سعيد حضي لأن الله خلصك منهم
عايد : ما ردناها توصل لهيج شي والله بس الگلوب عماها الطمع
عثمان : الدنيا مدوار
غضب : صافن على نقاشهم وكلامهم 
عثمان : ما عاجبك الوضع
غضب : ما لگيتوا سالفة غير هاي صدك تحجون.
عثمان : دحجي يالفراضة
غضب : مو بعينك شنو
عثمان : هههههه لا يبا بعيني بعيني احجي شنو البلوة الجديدة
غضب : عمي اريد استشيرك بسالفة قطعة ابوي الي بالسوك
عثمان : اي عندة
غضب : اني قررت اجمع العند امي منا ومنا وفلوس ابوي ونسوي بيها مجمع هي جبيرة وحرامات هسة صايرة مزبلة حيشاك عاد نستفاد منها ودام الله رازقنه ومفضل علينه
عثمان : هههههه كبرت ولك وصرت ريال وتفكر بمصلحتك شور الله وشوركم اني شنو اكول لا مثلا اكيد اريد مصلحتكم بس هالمجمع شنو يعني البضاعة التبيعها شني
غضب : كل شي مواد منزلية مواد غذائية والعافية بالتداريج ونطور نفسنا
عثمان : والله مدري شگلك فوت بزودك وخاف تخسر وخاف اكلك لا ونگطع الرزق
غضب : عمي اني ما بكل الاموال استودعها يعني قسم قسم بعدين الى ان نتطور ونشوف ساعتها الله كريم

عثمان : الله كريم بعد عيني اني عمك هنا من اساعدك بالتريدة من الألف للمليار
غضب : اريدك ذخر بوية بيك الخير والبركة
عثمان : عمك يدري
غضب : لا ما ادري وين بالشغل اعتقد
عثمان : خل ادك علي ونشوفه وين
اتصلت على امير
وكتله يجينا. شوية واجه
غضب : دخل علينا عمي امير وحجينه له الموضوع
امير : بس خاف نخسر الاول والتالي
غضب : يبوووو عمي لا تخبلوني من هسة تفائلكم حلو كلش مثل هذاك اليگول خاف ازر.... خاف اجوع
عثمان :  الشايب اسكت هذا الشريان البگصتك صار هوز مو شريان
غضب : ههههههه والله ما تسوون بطلت ما نريد هالسالفة دامكم من اولها هيج
عثمان : دكست هذا هو احجي وي حبوبتك وشوف الراي شنو والله كريم
وبعدين تعال عندك فلوس تسوي مجمع على الصدقة
غضب : هو اني جايكم عمي عثمان ابوي شكد مخلي يمك
عثمان : مخلي عشرة بتاته وبقن 7 لان الفاتحة شالتها العشيرة وعشرين امانة الكم هم
غضب : وبعد
عثمان : يخوي فلوس ابوك العندي كلهن كلهن 100 مليون ثاني شي الحقول مال الدجاج اله نص بيهن يعني يطلعلة بال40
غضب : ههههه تحجون كله بالمياية الله يسلمكم
وانت عمي شكد عندك مليار

عثمان : هذا الكلام خارج الگيعان
غضب : اي
امير : العندي كلهن خمسين والقطعة هاي الي بالسوك باسمي
غضب : ابتسمت بدة الشغل التمام
عمي خل نجمعهن كلهن
امي عدها 40 ويمك عمي عثمان 150 = 190 مليون وخمسين عند عمي امير.
المجموع = 240 مليون
امير : حييل عثمان اتخيل كل هالفلوس ونصفى ايد ورى وايد كدام اذا خسرنا هاي السالفة
غضب : افا عليك وانا ذيب ابوي لا تخاف شاد ضهري بيكم بوية
امير : هسة عوفونا من هالسالفة هذولي المخانثة يريدون يگعدون للحگ
غضب : بول على هيج اعمام انت ما معدود منهم اكيد
عايد : وابوي
غضب : ابو اول واحد بيهم
عايد : تمون
عثمان : شكو يگعدون خل يجون والله كريم
غضب : مو انت ما تدري الجماعة مقررين يقسمون الحلال
عثمان : مخانثة والله
غضب : تدري روحي تلوب عليهم واولهم سليمان
عثمان : هون شوية خل يتمتعون ويضوكون الخير بعدين يصفون مثل الجلاب حيشاكم
غضب : اني اعلمهم

عثمان : الله كريم بوية شوكت نبلش
غضب : الله كريم خير البر عاجله نجمع العدنا وتدبر ان شاء الله
عثمان : يا الله
غضب : يلا عمي نروح
امير : يلا سرينه
عثمان : ضلوا هنا واوصلكم بالليل مو وكت روحة هسة
غضب : لا روح لحبيبتك جنها طرطور
عثمان : تروحلها فدوة ولك ابو رموش رموشك تكول سجادة
غضب : ديلا هسة هي رموشها هيج جنها بعيعي
عثمان : امشي لك
طلعنا من عثمان واني حسبة تجيبني وحسبة تردني
وكلت امري لله وشيصير خل يصير
وصلنا للبيت ولكيت الهوسة.

حبوبتي واصلة من الزيارة
دخلنا اني وعمي امير وعايد
سلمنا عليهم
غضب : لك هلا بالحلو اشرقت واسفرت
مقبوله الزيارة حجية يوم الأشوفج بي على جبل عرفات
قسمة : يبعد حبوبتك يمة زرنا واندعينالك

امير : حضنت امي وابوس بيها مقبولةالزيارة غاليتي
قسمة : يبعد امك قبل الله اعمالك
حسن : بصوت كركاااننن اسكت
غضب : خبلني اكره الصوت العالي
لزمته من حلگة. وزهرر مر بعينك شبيك ابن. استغفررك الهي شبيكم تسودنتوا
كركان : ما ادري بزيته بالجنگال
غضب : يلا راويني عرض جتافك لا تصير حمار وانت شبيك تصيح جنك مرة
عايزين كلان تبن احنا
حياة : صوت حسن عالي بس الصوج من كركان ماذي كلش
وهذا غضب انهد بيهم
قسمة : خل يولون التوبه بعد ااذا اخذهم شلون الشرايج وحده ما تريد الثانية
غضب : صايرين زمايل
اي حجية ما كتيلي حصلتيلج شايب لو لا

قسمة : يااا امداني اي والله
غضب : الصوغة
قسمة : ماكو
غضب : ترى اشتميت الريحة من بعيد لا تجذبين
قسمة : يبووو عليك سوالفك جوز منها ولك

غضب :  اشوفها تفلفل بالعلاكة سودة ومضبوبة حيل
غضب: شلعتي مرارتي حبوبة صارلج ساعة شنو راح حيلج عز الله جا ما تفيدين بعد
قسمة : شو هاك فلها انت شو ما تنفل بأيدي

يتـبع...
نبـأ السـلطـان ..

(( اعـتـذر ع الـتأخيـر )) ❤️