رواية نيران أبو ذيبه الفصل الثامن والعشرون 28 - بقلم علي العراقي

"نيـران أبـو ذيبـة "

بقـلـم: نـبأ السـلطـان

الحلـقه الـ ٢٦

...............

غضب : يمر الوقت، واحنا مازلنا مستمرين
نمشي الكل تعبانين بدينا نعطش ونتعب حيل  لكن ما بأيدنا شي غير المشي والتخفي والهدوء ،،

ديانا : الخوف والقلق على وجوهنا الكل عطشان وتعبان

غضب : رغم كل شي يسير بطيء جو حار رياح عالية حرارة الجو احس تنور مشتعل بوجهي ،
تلثمت بشماغي حتى لا يدخل الرمل بعيوني گدرت احصل اشارة وطلبت مساعدة
ابو اثير : بالي يمهم كلهم الكل مشغول بعملة لكن غضب مقرب لي
.  اعرف موعد انطلاقهم ومن يومها ماكو خبر عنه اختفى وبعد ماعرفت معلوماته واخبارة .؟؟
وصلتنا اخبار وعرفت ان غضب مازال على قيد الحياة

في ناحية (.....) وطالب مساعده من عدنا وويا مجموعه من الأشخاص، ،؟؟--
غضب : كدرنا نرجع للعراق بشق الأنفس بعد صبر وجهد طويل انتقلنا بالطيارات الى العراق واحس روحي منتهية ماكدر اشيل لا ايد ولا رجل من التعب وحرارة الجو جمرة ومشتعلة، ،
اريد احجي وارد عليهم بس احس نفسي طاقتي نفذت من كل الحجي ،،جسمي نحلان
رجعت راسي لورى وغمضت عيوني اجت على بالي أمي وحبوبتي هسه شصار بحالهم علية
لا والأكثر حسن ماعرف اخبارة شصار ويا وشلون هسه ،،تنهدت بحسرة فتحت عيوني بضيق اباوع عليهم ابد مو احسن من حالتي يرثى لها من التعب ..
مالي طاقه فقط الشرب المي ماكلت بس اشرب ماي واحس نفسي ما مرتوي اريد بعد ،
.......................   .................. ..
سارة : راحوا غضب والوياه ومن بعدها انقطع عننا كل شي بالي يمهم صرت ابجي ليل مع نهار بدون صوت حتى لا وحدة تسمعنا منتضرة شوكت يتم تحريرنا
حسن : انطلقنا للنقطة الموجود بيها غضب والسبايا واخذنا كامل الامدادات الحمدلله انهم بخير واحياء امر اشبه بالحلم مباشرتا ركضت لغضب حضنته وابجي ما مصدك اشوفه كدام عيوني عبالي راح وعاافنه
غضب : هههههه بطل ابني لا تبجي حبيبي
حسن : شفته شلون متغير لحيته المتروسة تراب ورمل شفايفة مفطرة من العطش
جسمة نحلان كلش ،،مابية حيل يحجي كوة يرد عليه
حتى من حضنته هادئ ما بادر مثل قبل بس انطيته كل العذر لان الي مَر بية مو قليل حقه ،،

ديانا : الفرحة انرسمت على وجوهنا شيء لم يصدق انك تصبح اشبه بالميت وتعود للحياة
رآيت ابي يبكي عانقته وانا ابكي واتأسف منه على ما جرى مني.
لمن يكن بوسعي شيء افعلة الا ان اعتذر منه على تطفلي
عدنا الى العراق في العاصمة بغداد

غضب : الحمدلله الكل بخير وبصحة ممتازة اتطمنت عليهم وارتاحيت من رجعت ديانا الابوها وافتكينا من سالفتها ،،

*معصومة ***:
نتصل على غضب خطة مقفول ؟؟

قمر : هاي شنو شو كلة مغلق شنو السالفه يمعودة

معصومه :اني شمدريني حالي حالج

قمر : زين اذا سألت امي شنو نكول الها ؟؟

معصومه : نحجي الحقيقه يعني شنو نكول اول تالي حيعرفن ترى
قمر :اي بس نقهرت ع حبوبتي حيل متأذية
معصومه : أكيد تتأذى لان هو صار الكل بالكل عرفتي
قمر ":يارب يرد سالم النه ويبرد كلوبنه
معصومه: يارب :'
القلق صاب الكل وحسن بالدوام حبوبتي مازالت
ضغطها وسكرها مرتفع
تبجي وتدعي الله يردة سالم النا كاعدة بغرفتيماعندي شي وسمعت صوت امي تبجي ركضت اشوف شبيها
حياة : حجيه يمه شصابج؟تعالن ولجن شوفن عايد خل يجي ناخذها للمستشفى
معصومه:شجاج بيبي اووف ياربي
قمر : رحت ل عايد حاجيته اجه يركض على بيبي
عايد : ها حجية شني سالفته ؟؟؟
حياة : يمه تخربطت وطاحت سكر وضغط مرتفع عدها
عايد : حبوبة ؛؛تسمعيني؟؟فدوة اروحلج انا هلكد تحبين غضبان ..خرب يومك شكد محبوب
معصومه : مو وقت سوالفك اخذ بيبي للمستشفى
عايد : اي اكيد بنت عمي بس لا تنزعجين انه هم خايف عليها كلش
-'لبست عباتها حياة وعدلت الشيلة وقمر ومعصومه وحده تلبس حبوبتها جواريب وثانية تعدل بشيلتها وعايد راح شغل سيارته وانخبصوا بيها ..
عايد : يلا بوية نروح،
حياة : اي يمه ماضل بية حيل امشي سريع..
عايد : صار ،
اخذوها للطبيب للمستشفى معروف كلة من برة مجرد قاسوا ضغطها مرتفع سكرها كذلك
حياة: شكال الطبيب
عايد : انطوها علاج ،وراح يخلون الها مغذي وتصير زينه ان شاء الله
حياة: بس تصير زينه شوية،  ناخذها لطبيب اختصاص جا نبقى هيج
عايد : اكيد لازم دكتور اختصاص ..
_كمل العلاج والمغذي صحصحت قسمه ونطقت بصوت ناصي ،وهادئ
قسمه : جا ما خابرتوا على غضب يمه؛؟
نز ، من يمه عايد وحجه بصووت متلكئ .
عايد : هاا، اي حجية لا يضل بالج خابرني وهو بصحه وعافية
قسمه :عليك الله يمه حجه وياك شوكت يجي ما كال الك يبعد طوايفي يمه غضب شصار بحالك
عايد : لا تحجين هيج حبوبة، هو هاي حياة العسكري عبارة عن واجب وخدمه الوطن

قسمه : وهذا كلبي غادي نار عليه شلون بية
عايد : لا تفكرررين حجية هسه تكومين بالسلامه ، صيري زينه حتى لا يشوفج هيج مريضه وتزيدين تعبه وقهره
قسمه : اي يمه ان شاء الله
حياة : يمه عايد مو كملنه جا نطلع
عايد  : رايح اشوف الدكتور وارجع لكم ما تأخر ؛،؟
-شوية ورجع الهم عايد اخذ أذن من الدكتور يطلعوها لان وضعها على العلاج شوية صار احسن
أخذهم ونزل للمطعم اشترى الغدى والمسواك والغراض وصعدهن للسيارة
اول ما وصلوا للبيت فتحت الباب حياة صار بوجهه...غضب وكأنوا شي ونزل من السماء عليهم
حياة : يمة يغضبان يممه، يا هلا بلهطول الحلو ياحبيبي طولت علينه جا هو هيج ما تكول امي حبوبتي خل اخابرهن اسأل عليهن كلبهن نار عليه ليش يمه ليش وليدي
غضب : بأس راسها وايديها ورجع على حبوبته وشكله ما بية حيل يحجي ..شفايفه مفطرة من العطش ...

دخل حسن مبتسم يمشي وراه ..

عايد : يا هلا بلعضيد مشتااكييين والله..
غضبب:انه اكثر والله

قسمه ؛: يمه وليداتي ردو لية .. ماقصرت ام البنين ردتك لية سالم غانم ما كصرت يمه تعال يوليدي فوت اسبح وتعال نتغدى
يمه ويلادي الصگور ولك حسون يمه اشتاكيتلك لا تبعدون هيج بعد

حسن -باس ايدها: اندعيلنه حجيه ما نتأخر هو هذا دوامنا

قسمه:جاي ادعيلكم وابو فاضل ييمه يردكم سالمين لية وما تفجعوني ..

معصومة: من اجو غضب وحسن فرحت كلوبنا مو طبيعية صارت ،، وكفنا اله كلنه بلاستعداد وامي لازمه المنشفه وملابسة وواكفه يريد يدخل يسبح

غضب : ها يمه شني تسبحيني  ؟؟؟
حياة: اسكت خايب صغيرون انتَ بس اريدك تسبح حضرت هدومك وحسوون وين يمه سبح بعده

غضب : فدوة اروحلج ينبض كلبي انتي

حياة ؛"يخليك خيمه علينه يمه شريد من دنيا يحفظك ويحفظ اخيوتك

معصومه : اي راح للحمام الخارجي يمه
.
قمر : التموا كلهم كركان وحسن وعايد وغضب وعمي امير اجه وكعدوا على السفرة يحجون ويضحكون جنه مفقتدين هاي اللمه الحلوة ،، من زمان

امير : بوية بعد شكد وتروح لدوامك

غضب : لا تذكرني عليك الله حيل تعبان حيل شكد ما تصور

قسمه : من حيلي على حيلك يبعد جبدي

غضب : فدوى اروحلج حبوبة ، بس هو تعب اريد ارتاح مادري شوكت اصعد وما سألتهم حتى لان تعبان كلش مالي خلك اكلت ورحت غسلت دخلت الغرفتي نمت مادري شوكت وبيش الساعه المهم نمت ما حسيت غير على صوت اذان المغرب واني محد مكعدني
كعدت راسي يوجعني النوم هيح وقت ما يصح ابد كمت متثاقل حيل بعدني نعسان بس لا لازم اكوم اصلي اشوف امي اخواتي وين ما وين ..

قمر :ها حبيبي اجيت اكعدك:!

غضب:لا هاي اني كعدت راح اصلي واجي

قمر :اي راح اكعد حسن لان نام من زمان مثلك

غضب :ماشي !
صليت وقريت قران هديته للشهداء والابوي التفت شفت حسن وكركان هم مثلي منصين على القران هذا اقل شي ممكن ان نقدمه الهم ..صدقوا واجوا تقربوا يمي ،،
.
مشتاكلكم وعـلي يـوول:'
.
گركان : اي وعلي دوام ماخذ حيلنه ربي لا يوفقكم دواعـ.ش الانذال

حـسن :خابروا عايد خل يجي

گركان :اي واللـه ذكرتني بهذا خل يجي يتعشي قبل لا ناكل،رفع نقال وفاتح سبيكر ويحجي بصوت عالي ..
لـك هااا ،،كووواد تعال تعشى ..جفن طمك .علمودك تاكل سم ومرض ..لا تصير متدين بروسنه يصلي خطية والله من حبش ...يلا ولـي،،
._-هـذا راح يجـي انتـظروا ؟؟

غضب:عمي هو انتة شخليت علية طيحت حظ حظه ولك
.
حـسن :ههههه اي وعلي شبع قنادر ليكدام

گركان: يطبه مرض والله اني نايم على الساتر وهو نايم يم الخوانم

غضب : هههه خرب عرضك اسم الا بشدة...

_-ما تأخـر عايد اجه وكعد ويانه ضلوا مداهرة هو وكركان واحد يرفع واحد يگبس بلحجي على الثاني ، بس عايد يضحك ويرجع وجهه يدعفس ضايج حقه لو اني جان موتت روحي ياخذون منه حبيبته بعد شيصير بحاله

عايد : اليوم ابات يمكم غضب
.

غضب : اي حبيبي هلا بيك ..نام برى بلحديقه عاجبني الجو حلو اليوم

عايـد :اي والله البيوت ما تنراد خنگُه ؟

_-صار الليل واتأخر الوقت حسن مكنك وكركان مثله وعايـد يتنهـد ويجـر حسـرات واني صافن عليـهم ،كل واحد لاهي بهمه واني اتمنى اشيل همومهم واخليها على كتر ويعيشون مرتاحين ،
كمت من مكاني رحت جبتلهم فراشات ما كعدت خواتي خطية يتعبن من شغل البيت وبيتنا جبير يتعب گلش ..شافني حسن شايل. الفراشات كمز من مكانه هو وكركان اخذوهن مدوهن

تمدد بصفي عايد حط ايده على عيونـه جريت ايدة بقـوة ولان اشوفن ابن عمي وعضيدي عيـونه مدمعات،،انكسر خاطري تمنيت ما اشوفـه بذاك الموقف الصعب ؛؟!

تـقرب مني وحجه بصوت مختنك **
عايـد: اريدها روحي تريدها جاي امـوت انـه شلـون بية !؟

غضُـب:هاي شبيك يخوي صدك جذب مو كتلك ترد الك ترد هية الك مو لغيرك كلام شرف اخذها مني

عايـد:روحي محتركه والله ما تعرف شبية نار وشابة بصدري

غضـب:متفهم مشاعرك وحاس بيك لكن حكم القوي على الضعيف شنسوي ..
ضليت احجي ويا الى ان اقتنع ونام ،، انا هم لفيت راسي ونمت ..الى ان حسيت واحك داس على رجلي رفعت الغطا وشفتة حسن

حسن : ما شاء الله سريع النهوض. عمي انتَ بنيمن
غضب : بربك صدك تحجي شصاير يوول
جحسن : اسم الله الرحمن ما صاير شي بس عبالي حرامي
غضب : اكفرر هسسسة اخلي الجوامع تعزل
حسن : اعصابك اعصابك كوم صلي يلا اذان
غضب : استغفرت ربي وكمت توضيت حتى اصلي
سمعت صوت حبوبتي تمشي وتسمي بالله
قسمة : يااعع يمة شبيكم
حسن : هلا بالحاته  نريد نصلي حبوبة
قسمة : منكم من الشيطان
غضب : شگالوا لج ملاحدة كدامج
قسمة : دول يلا اذكر ربك
حسن : ههههههههههههه والله العظيم انتم مصيبة
غضب : الك خلك تضحك الصبح
رحت جبت مصلاية وتربة وبديت اصلي خلصت صلاة وقريت دعاء السيدة فاطمة الزهراء (عليها الصلاة والسلام) يوم الجمعة
اللهمّ اجعلنا من أقرب من تقرّب إليك، وأوجه من توجّه إليك، وأنجح من سألك وتضرّع إليك، اللهمّ اجعلنا ممّن كأنّه يراك إلى يوم القيامة الذي فيه يلقاك، ولا تمتنا إلاّ على رضاك، اللهمّ واجعلنا ممّن أخلص لك بعمله، وأحبّك في جميع خلقك.
اللهمّ صلّ على محمّد وآل محمّد، واغفر لنا مغفرة جزماً حتماً لا نقترف بعدها ذنباً، ولا نكتسب خطيئة ولا إثماً، اللهمّ صلّ على محمّد وآل محمّد، صلاة نامية دائمة زاكية متتابعة متواصلة مترادفةمتواصلة مترادفة برحمتك يا أرحم الراحمين.
حسن : تقبل الله ملا
غضب : مو بعينك
حسن : لا وعلي وشكلك مال امام جامع
غضب : ديلا ولي
حسن : احوبك
غضب : استغفر الله يالحمزة شبيك بابا
حسن : جفاف عاطفي ولاني وين انطي ويهي
غضب : وشگلولك علية اميرة الأفراح اني
حسن : وجودك يمي يسعدني
غضب : طلعت مخيل علية وما ادري بيك
حسن : استغفر الله مو هستونه ذاكرين الله لحضة لحضة هسة اجي
غضب : راح حسن واني ورثت جكارة وبديت ادخن شوية واجه جايب علبة وياه
غضب : شنو هاي
حسن : اصبر
غضب : فتح العلبة وطلع منها اثنين محابس
حسن : هذول اشتريتهم نفس القطع اني وياك شفتهم
غضب : اخذتهم منه شكلهم مثل الاخوان حلوات حيل گدرت واحد وطلع فيت على اصبعي
حسن : لبست الثاني وقربت ايدي على ايد غضب
غضب : عاش ذوقك وليدي
حسن : تدلل ابو ذيبة هذا ذكرى يبقى
غضب : ان شاء الله سوية نغرب للنجف
حسن : امنية هاي وياريت تتحقق
غضب : طلعت موبايلي وقربت ايدي لأيد حسن واخذت صورة الها
حسن : يولي احبنك
غضب : دكوم يلا مو حبيبتك اني
حسن : مو وجه نعمة وين لاكي واحد يحبك هالكثر
غضب : بس انت
حسن : ههههههههههه فدوة لقلبك حياتشي
ما ناوي تنام،،،،،

يتـبـع،،،🦅🦅😘✨