رواية نيران أبو ذيبه الفصل التاسع والعشرون 29 - بقلم علي العراقي

"نـيران أبـو ذيبـة"

بقـلـم: نبـأ السـلطـان

الحـــلقــة الـــ ٢٧

..........................
الصبـح...
اجه غضب مبتسم .مبتهج كعد يم حياة ..
وحجه ،،حبيبتي عزمت عمومتي
حياة : هلا بيهم يمه .
غضب : مو خاف تنغثين من احلام ؛،؟
حياة : لا يبعد روحي يمه الخطار خطار الله
قسمه : من يجيك الخطار للبيت يشيل ذنوبك ويمشي '
غضب:جا،خوش شور الله وشوركم بعد '
حجت بنفااذ صبرر وبصوت عالي ..
معصومه:عييععع شنو احلام ماريدها هيج خطار ما اريدة
قمر :اي صحيح علة على كل كلوبنا لا تودنا ولا نودها وتكره امي حيل شوكت حبتها
حياة : ما داوم اخوجن عزم تحترم قرارة وتسكتن فاهمات؛
غضب: هذا كلامجن مامقبول حالها حال الوادم تكعد خمس دقايق وتمشي
حسن :مو قصدهن شي بس لان احلام كلامها مثل سم على الواحد حتى اني ما اجرعها والله شكو جاية
كركان : انا اؤؤيد وبشدة كلام اخوتي
غضب: انتة اسكت راسك مربع
حسن :كفووو حبيبي
صفكت بايديها معصوومه وضحكه صارت من طول لطول ...
معصومه :صارر حزب ويانه اني وحسن وقمر وكركان عليكم
قسمه : خايبين والله دوختوني امشي يمه غضب روح تسوك حتى يطبخن مالك خص بذولة تريد نتفشل كدام عمامك،!
غضب: لا حجية رايح اني شعلية بيهم يحجون ويسكتوون،
كركان :ها ما تريد اجي وياك
حسن : خلص بعد ما يحبنا 
-_خلة ايده براسه وجر شعره غضب من كد الانزعاج الي سببوا اله ،'
غضب:لا تخبلووني ولكم ديلا امشي كدامي نتسوك وانتن البنات نظفن البيت
معصومه :صار خوية تدلل ..
قمر : غضب عزم بيت عمي امير وعمي عثمان وكلش ما مرتاحة لجية احلام والله
معصومه :انا هم مثلج بس شسوي..اكلج رايحه انظف المطبخ لان هوسة
قمر : انا رايحه انظف الطارمه والديوانية
معصومه : اي بس استعجلي كون قبل لا يجون احنه مكملين كلشي
قمر :كولي الحمدلله كاعدين من الصبح مو مثل كل مرة للظهر
معصومه :متعلمين على الواجبات ما يحبون نوم
قمر: شلت دشداشتي وفتحت البرد وبلشت تنظيف بالديوانية صح همت
مو غربة بيت عمي راح يجون بس هاي احنه عدنه
من يجي الخطار
لازم هاي طقوس نسويها وهي يكون البيت على اخر
حباية حتى من يطلعون ما يحجون علينه ويكولون
بيتهم وسخ انكسر ظهري المضيف حيل جبيرة كملت قسم منه على نص ورحت شربت ماي ومطيت ظهري ورديت كملت كلشي ...مسحت الارضيه ورشيت عطر قوي ريحته وسديت الباب
فتحت الماي والسطل والزاهي وجلفت الطارمه صارت تلهث
ورجعت للحديقة عزلتها وكملتها بحيث وكفت اشتميت هوى يلا طبيت للبيت
شفت معصومه هم مثلي مكملة كلشي المطبخ والبيت كعدت بسدها
معصومة:يعني ترى تأخروا هاي احنه كملنه كل الشغل شوكت يصير الغدى يمعوودين
قمر ":يمه خابري على غضب شوفي وين صار مسواك لو شنو هذا
حياة: اي يمه راح اخابرة
معصومه : اريد اغير ملابسي شلون
قمر :مو راح نطبخ حرامات هم يرجعن يتوسخن
معصومه : لا والله خل يتوسخن تجي احلام جربة وتضل تحجي علية عووع
قمر :هههههه ضحكت من كلبي عليها راحت مستعجله طلعت ملابس ودخلت للحمام
وانا هم مثلها اخذت ملابس ودخلت للحمام سبحت ونشفت وطلعت لكيت غضب والولد واصلين بلمطبخ يم امي يحجون ومعصومه ماكو اكيد تتأخر بالحمام تضل نايمه تغني وحدها
رفعت شعري ورحت يمهم ..
غضب ":يمه اطبخن تمن احمر والسمج شوي ودجاج شوي
حسن :يمه سوي  تبسي فدوى مشتهي
حياة:صار تدللوا يمه من عيوني الاثنين
غضب :ولك كافي مو خلص الطرشي

كركان :يمه جوووعاان
غضب: تعال لك راح يصير الغدى ماضل شي؛!؟
..

معصومة : اجوا بيت اعمامي والزلم كعدوا بالديوان واحنا بالصالة
حركات احلام ما عجبتني من دخلت للبيت وهي تباوع بكل اركان البيت استغفرر الله هسة اني حاطة دوبي ويا دوبها شكو ختولي
احلام : قميرة انطيني ماي
قمر : هاااا
احلام : اريد ماي
قمر : جنها زلمة لا محال.
اولا اسمي قمر مو قمِيرة وثانياً السراحية يم جنابج الكريم ف تعبي روحج ومدي ايدج يعني بلا إمر عليج
احلام : سمعي يخالة
قسمة : يمة انطي عمتج ماي
قمر : صار حبوبة
انطيتها ماي ورحت لمعصومة وامي بالمطبخ
معصومة : اجت قمر وجهها احمر وبس تزامخ
حياة : شبيج ولجج لا تعلين صوتج
قمر : يعنني جايبين هاي الحية المن ترضينها تتأمر علية
حياة : يمة شنو جديدة عليجن هي عوفنها تولي واكسري الشر يبعد امج ما عايزين
قمر : اوووفف هدوني عليها اخلي الجدر براسها
معصومة : هههههههع وللجج اكعدي عيب
فضحتينا
قمر : اووي عيب يمعودة تولي
معصومة : تدرين بالي يم شمس والله تمنيتها يمنة اليوم
قمر : اسكتي اني گلبي رجيج ما اتحمل بسرعة ابجي
معصومة : والله مشتاقتلها هواي .....

......
#_شمس : راحن البنات واني رجعت بية الذكريات ما جان عندي صديقات بس قمر ومعصومة الجانت امي ما تخليني اروح يمهن مرات ابوك روحي بوگة لو الا ابوي موجود تسكت

اشتاقيت لعايد الجان مرهم لجروحي امتحانك صعب يا ربي بدت عيوني تصب كالعادة ما اعرف وين راح ينتهي بية المطاف
عايد : كل ما اشوف عمي امير تجي شمس ببالي روحي تعبانه وكل شي بيه يمها
غضب : مر اليوم بين الضحكة والسالفة الكل غير جو والحمدلله
مرت ايامنا واحنا الله ساتر علينا وحافظنا
بين الدوام والبيت الوضع سيء شهداء كالعادة يومية ام مفجوعة واب ينتضر ابنة شوكت ينزل ويشوفة شلون يتم قتله
2016 /11/1
يوم 1 بشهر كانون الثاني
حسن : ها سيدي
غضب : جيبلي عتااددد يمعوود
الذخيرة العندي خلصت
حسن : انطيت لغضب عتاد
البسس درعك سيدي لا تتأذة
غضب : شوف شغلك اني بخير انتبه لا تنضرب
حسن : جان لابس كيمونه والتراب متناثر على جسمة
واكتافة العريضة
حسن : حاولت قدر المستطاع ان ما اخلي يبقى هيج مداهمات مباشرة بدون توقف
غضب : ابني انتبه  نزل راسك لا تنضرب
ما زلنا مستمرين بالمواجهة والحمدلله بنتائج زينة وخسائر قليلة تقريبا
العدو اصبح يتراجع
حرب اعصاب قبل لا تكون حرب بالسلاح
جاي نأثر على معنويات العدو وهذا جانب اخر من القتال
اليوم لي 25 يوم ملتحق لكن مو مهم شكثر وشگد ابقى الأهمو مهم شكثر وشگد ابقى الأهم يتم تحرير الأبرياء واراضينا
معصومة : غياب حسن وغضب وكأنهم العمود الأساسي بالبيت والمشكلة من يلتحقون قليل نتواصل وياهم
قاطع صفنتي صوت بالباب
سلمان : الله يساعدهم
عايد : هلا بيك تفضل
سلمان : زاد فضلك
عايد : دخل سلمان للبيت وادري مصيبته وياه
سلمان : شلونج ولج
قمر : ولج شنو خادمة عندك اني
سلمان : هااا عفية لسان طويل
قمر : وشگلولك علية
سلمان : گالوا لسانها ينرادلة كص
قمر : شاف صگارة غايب گام يحجي بزمرها
سلمان : امشي لج بعدج بطول النـعال وهيج تحجين
قمر : اگدر اصير طايحة حظ مثل امثالك بس الذيب ما رباني هيج
عايد : كافي قمرررر روحي يلا
قمر : صاح بية عايد واحتراما له رحت عنهم
سلمان : انتم بس توكلون ما تربون
عايد : هسة المطلوب شنو ترى لعبت روحي
سلمان : شلووون ولك تحجي وي عمك هيج احترم لكك
عايد : يخوووي احترم شيباتك ربك شيسوي بيك بعد
سلمان : انه رايح وما اردن عليك
عايد : طلع سليمان واني بودي احط طلقة بي واخلص منه ومن شره
غضب : ما زالنا بالصد الأول يوم يجر يوم
صار يوم 10 بالشهر ولزوم ارجع  لبغداد
حسن : انتبه لحالك
غضب : وانتَ كذلك لا تخليني قلق عليك
رجعت لبغداد

غضب : وصلت لبغداد وجهازي طافي شحن
خليته على الشاحن شوية علما اكمل شغلي وارجع له
رجعت فتحته ولكيت مكالمات هواي وخصوصا حسن
اتصلت علّيه
حسن : دخيييل ربك يا بشرر وين جنت ناووي تجلطني انتَ
غضب : شبيك ولك
حسن : جهازك مغلق ليششش واني عبالي بيك شي
غضب : طافي شحن جان وهسة الا شحنته
حسن : اكفر هسة اخليها تمطر بزازين زين  وصلت لو لا
غضب : اي وصلت الحمدلله انتبه لنفسك ولا تصير كمش
حسن : ان شاء الله يوم 14 انزل حتى ننزل للبيت سوية
غضب : خير ان شاء الله
نهيت الأتصال من حسن وكعدت بمكتبي اتابع العندي

............

قمر : يمة هالبشر اشوف جني ولا اشوفة
حياة : ياهو ولج شعندددج؟؟

قمر : سليمان احسة حامضض على بوزي شلهبشر مينطااق

حياة : امشي لج اقري وعوفي هالسوالف خلي يولي
قمر : هففف

الكاتبه نبأ السلطان