رواية نيران أبو ذيبه الفصل الخامس عشر 15 - بقلم علي العراقي

"نـيـران ابو ذيبـة "

بقـلم : نـبـأ الـسطـان

الحـلقه الـ ١٤

.....
غضب : لزمـت درعت العلاكة صحـت اووويليي يابة
لكيت بيها مسك ودهن عود الاحبة وبخور وسبحة،، لك حبي اموت على صوغاتج الحلوووة يا حلوة انتييي

قسـمة : هاك عيد يمة هاي صوغتك زورتها الامام هااا

عايـد : حبوبة سلامتج كافية، ليش هيج مزحمه روحج

غضب : انجب لا تصير كمش اخذ وانلصم يلا ؟

عايـد : فتحت العلاكة وطلع بيها دهن عود وقطعة قماش دشداشة حيل حبيتهن اتشكررت من حبوبتي وبست راسها

غضـب : كول سعيد حضي

اميـر : جا اني ابن الجيران يمه

قسمة : يبووووو دوختوني هاك حصتك وحصة مرتك هاي ما انساكم انه

امير : الله لا يحرمنة منج خيمتي

حيـاة : خالتـي كلش كريمة وحنينة على ولدها واحفادها بس النسوان بسبب الغيـرة والحقد ابتعدن عننا .. بحيث اليأذيها تكرمه والدليل احلام
جابلتي صوغة كذلك ذوقها حلو حيل وعجبني

غـضب ....
مرت ايامنا بحلوها ومرها وحاجيت حبوبتي على المشروع ووافقت الحمدلله ما اعترضت على قراري وايضا ساعدتنا
اعمامي يدسترون الأمور حتى يقسمون الحلال كرهي الهم عمى عيوني وسليمان غاضب علية وما يشفى غليلي منه بس يجي يومه واكظه واطلع منه القضى والمضى

كاعدين نتغدة فرشت النه امي حصيرة برى بلحديقه وصبت الغدى النه جان بوكتها تمن وفاصوليا والريحه تشهي كعدنا حوالين الصينيه ناكل بهدوء وقمورة تكمز ما تعرف تاكل ومعصومه مثلها ،انه اباوع الهن واضحك ..بسنـة الـ 2007/ الشهر الثاني ..الجو بارد حلو حيل ووالاجواء ترد الروح

اندك الباب دگة قوية,,, گـمت من مكانـي على حيللي رحت اركض
غضب : هذااا يا اثول هيج يدك رحت افتحه ياهوو اكو واحد يدك الباب هيج اجاني صوت مرة تحجي على بهدووء
_- فدوة فدوة افتحلي الباب

غضب : فتحت الباب بسرعة ودخلت بنية تبجي ..شبييج خوية شصاير ليش تبجين

جواهر : ... انـه شردت من اهلي وكلت ماكو غيربيت الشيخ خيون يلفيني ،،، عــ عمي جبارر يريد يذبحني

غضب : بس اهدي اهدي شنو يريد يذبحج شكو شصاير هسة فوتي جوى
دخلتها للبيت وصحت امي

حياة : يمةة صخام شبيج خالة امج شبيها ، شحالج مدوهنه يمه
تحجـي وتبجـي وتلوذ بنفسها وخاايفه حاطـه العبـاية على وجـهة تجيبها منا وتردها منا

تعاي خاله هاج هذا كلاص ماي اشربي اخذي نفس راح تموتين شوراج يمه

جواهر : ما بيهم والله ما بيهم بس اني خالةة اني يريدون يكتلون خالة فدوة اروحلج والعباس يكتلوني بدونن ذنب والعباس

غضب : اهدي بس اهدي يخسون يمسون طارف ذيالج. هسه انتي دخلتي بيتي

جواهر : فدوة خوية والله يكتلوني خلصني منهم اروحلك فدوة

غضب : بس اهدي ما. يكتلونج واحجي ليش يكتلونج
جواهر : مرة عميي خلت واحد يجي و..

غضب : اي وشنو بعد احجيلي حتى افهم سالفـه

جواهر : هسةة احجيلك. السالفه شلون دارت كلها...

حسنة: اسمع جويسم انه راح اخلي البت تجي اخابر امهة واكلها تجيني ومن تجي گبل لا توصل البيت حطها بسيارتك واطفر لأطراف البساتين هناك واخذ شرفها انه راح اودي واحد وراك يفزع العالم وانت اشرد تبالشوا كدامها بس لا تخليها تشك
جاسم : خووش بس واذا لزموني
حسنة : امداك انكنس يلا اطفر بساع
جاسم : خووش
بعد نصف ساعة
حسنة : ها دية الله يساعدج
حنونة : هلا بعد عيني شلونج
حسنة : وديلي هجورة تساعدني يا دية احتركت ايدي وما اكدر اخبز

حنونة : يا اجيج اني حطيلها معجون وهالجايتج

حسنة : لاا لا والله اني ما بيه شي وسويت عشة بس بعدني ما خابزة وراح يصير الغروب خل جوهرة تجيني

حنونة : صار بعد عيني تدللين.
يمةة جواهر
جواهر : هااا يمة

حنونة : حبيبتي روحي لعمتج حسنة اخبزيلها خبزات

جواهر : ومن تحتاج واحد تكلة تعال بس اذا لا تطيح حظنة بالغيبة

حنونة : يلا عيوني انتي بس خبز اخبزي وتعالي

جواهر : اوووففف خوش

طلعت ورحت لحسنة هالمرة اهخخخ ما تنجررع
جاي امشي ما احس والا واحد ساحبني. ومخليني بالسيارة بديت ابجيي واصيح

جواهر : لاااا فدوة والعبااس وحيدة امي اهخخخ يمم ااهه عضيته من ايده وصرخت محد يسمعني بساتين

جاسم : اسكتتتي لج.كاافي عياااط شجاااج عااد حسج ما اهيسنه شراح اسويلج يعني نكعد نسولف نتسامر انه وياج
اوووف لك اليوم اتعشة بيج انتي ليش حلوة هيج

جواهر : لا عليك العبااس لتتقرب مني رووح .. لا يمةةة الحكيني

جاسم : صيحي لحد ما تملين محد يسمعج اشش

جواهر : كطعت روحي صيحت بلاعيمي طبكت صرت ما اكدر اصيح وارجف الخووف اكلني اكل دخيلتك يبو فاضلل وين حاضر الشدات اهخخ يمة

جاسم : اخذتها لاطراف البساتين ناعمة كلش وحلوة حرامات عمتها هيج
وصلنا للمكان ربطتها وبديت ابوس بيها
وهي تصرخ ضربتها رراشدي فريت وجها لان صرعت راسي

جواهر : لا حباب لاااا عليك الله لا تسوي هيج بية عليك الله شمسويتلك انه مأذيتك عوفني ،،

جاسم: ضربتها راشدي مرة ثانية فقدت الوعي

خلصت واخذت المطلوب جان الاتفاق بس اخذ شرفها احس بعلامة الانتصار شوية واجاني كمال

كمال : هاا شسويت

جاسم : سويت كل شي

كمال : سويت اثار برگبتها

جاسم : اي

كمال : بس خطية

جاسم : هاااا روح وليدي روح اني رايح شوية وفزع خل ابعد رحت

كمال : راح جاسم واني بقيت يمها شوية وصرت افزع العرب محد يسمع هيمة استغفر الله

رحت جبت ماي من الشط وغسلتها فزت وتبجي وتصرخ
جواهر : فقدت الوعي وما حسيت بشي بعد
ما ادري شكد ضليت حسيت متت
كعدني واحد يرش. علية ماي
اههخخخ يمةة الله لا ينطيك جوويسمم ولك ليش هيج تسوي بية

كمال : اكعدي بوية اكعدي لا تخافين خل افزع العالم انت بنية من
جواهر: لا لا فدوة اغديلك ابوس ايدك لا تخلي واحد يدري بس وصلني لبيت الشيخ خيون
كمال : كسرت خاطري اوووف هسة شورطني لا اله الا الله
جواهر: عممي ففدوة والعباس يكتلوني يذبحوني استر علية الله يستر عليك استرني

كمال : خوش كومي يلا اوصلنج

جواهر : اخذني ووصلني لبيت الشيخ خيون

غضب : جويسم هذا ابن غالي

جواهر : اي اي هوه والله هوه وروح عمي خيون

غضب : اهدي هسة نصيح ام هشام ونشوف ولا تخافين على كص ركبتي اليدنالج وروح ابوي اسوي مشرادهم ماله والي.
اخذتها امي غسلت الها وحبوبتي كعدت يمها وتطمن بيها
خليت عايد يصيح ام هشام شوية واجت تركض
العرگ اخذني والتوتر خايف عليها الله حط طيور جنة يم شيطاين

حياة : يمة بنيتي لا تهتمين يروحي ماكو شي ان شاء الله دخلتها سبحتها على ما اجت ما هشام وغضب صافن وشريانه بگصته صار هوز

غضب : اتصلت على عمي امير وعمي عثمان يجون وفعلا اجوا بس سمعوا بلسالفه

امير : شبيكم ولك شصاير

غضب : دكعد يخوي ماكو شي
وصل عثمان.
غضب : عمي اسمعوني هاي البنية بنت (.....) بنت اخو جبار قبل كم سنة كتل اختها وهسة بس يوصلة خبر يكتل هاي. واكو لعبة بالموضوع

وهذولي مثل فروخ الجلبة خيرهم نجس
غضب : شيسوي خل يسوي وهاي البربوك الا اطلع سوالفها وروح ابوي انعل والديها

حياة: اجت ام هشام والبنية مثل الطيرة اووفف يربي شمسوية بدنياها
بدت تفحص ام هشام.
ام هشام : يمة كومي ما بيج شي

جواهر : شنو خالة بس هو يعني

ام هشام : اي تصير هيج امور يطلع دم بس تبقين بنية

جواهر: اوووففف ماي ونزل على كلبي
خالتي حياة هلهلت ووجها بشر بخير
بقى همي الوحيد اعمامي يموتوني والله ما يتفاهمون

غضب : اخذت البشارة من امي اعرف هلهلت الها قصد حتى تبين النا هي بنية لان ما تحجي من اعمامي
الحمدلله
عثمان : اعقد عليها
غضب : هو هم هيج
امير : ولشوكت
غضب : لحد ما نرفع علگ ونثبت برائتها
امير : بس راح تشبج
غضب : مو مهم المهم هاي مالها ذنب بالبرابيك
امير : الله كريم
غضب : يلا عمي اخليهم يجهزونها تعقد النا
عثمان : خوش يلا
غضب : رحت لامي كتلها تجهز البنية وتجيبها نعقد

حياة: اجاني غضب

غضب : يمة نعقد على البنية هيج نظمن حياتها وامانها يمنه

حياة: يمة فدوة اغديلك لا تدولبنه ما عايزين مصايب

غضب : افا عليج يمة ما عليج خليها علية

حياة: رحت جهزت البنية واخذتها الهم

جواهر: اجت خالتي كالت لي غضب يعقد عليج لحد ما تفض السالفة ويرفعون علگ ابيض ساعتها تطلعين بالوجه الحسن يبعد خالتج لا تخافين

جواهر: خالة والله بريئة وروح عمي ما لي ذنب وداعة امي
حياة: ندري يروحي ندري بس من لا جارة اتكفي الشر يبعد امج يلا كومي يمة كومي
جواهر: تمام
اخذتها وصلتها للمضيف وبدة عثمان يعقد الهم

غضب : اجت امي وجابت جواهر وياها وبدة عمي عثمان يعقد النا وتم العقد بس ترجف وما تنلام كوه تطلع الحجاية منها
خلصنا العقد وكامت بأثناء ما رادت تطلع اجوا جبار واخوانه محزمين وكلمن اسلاحة وياه
جبار : غضبببب امييرر وينها طلعوها اليوم اشرب من دمها
غضب : فزعنه وطلعنا لخارج المضيف نتراكض
اتهدوا بالرحمن يا جماعة واكعدوا منا عالم

جبار: شوف هذا شيحجي وين الفرخة

غضب : يمي بالحفظ والصون بس اكعدوا نتفاهم

جبار : لا اله الا الله ولكمم بعدد حطولي كرون حطولي كرون عرضي يسرح ويمرح واني نايم ورجلية بالشمس
كعدوا بالمضيف

غضب : عمي الله بالخير عليكم من رخصة اعمامي ومن رخصتكم اولا بتكم حاليا بالحفظ والصون الله ساتر ويحب الساترين كلامي الك جبار ششفت على البت حتى جاي تهدد وتريد تكتلها
جبار: خابروني كالوا يابة بنتكم رايحة ويا واحد ومسوية سوايتها
غضب : منو الخابروك نريد نعرف وشمدريهم
جبار : الخابرني من ديرة حجي (كامل) من اطراف البساتين وكال شاهد الله اني بايدي اخذتها لبيت ال خيون لان حلفتني وكالت يكتلوني
غضب : كال لك اسمة

جبار: لا ما عرفته

غضب : تسمعون يا جماعة تسمعون الحجي شلون هسة انتم جايين بتفككم المن تفتخرون مو عيب ما اختشيتوا
جبار: مو جنك تطاولت ولك

غضب : لا تكول ولك واتطاول ايي بزودي احجي ما اجيت وفزعت واكتل واذب/ح واصلخ جباار خلينة على حب الله ليش نتخارب المهم بوية خصم الكلام واعمامي هذولي شواهيد الحرمة حرمتي صارت عقدت عليها هاي

جبار: شلووننن ومنو سمحلك
غضب : اكمل كلامي وافهم يالشيخ والتحكم بالريضي الله
اسمعوني يا جماعة الحرمة حرمتي اكرر حرمتي هاي نقطة النقطة الثانية الحرمة ما شاردة ولا طالعة ويا واحد النقطة الثالثة اكو واحد من اهلكم وراح تعرفه وبالاخص انت جبار ومن تعرفه ساعتها بكيفك

بس وروح ابوي وحق روح ابوي الا اسوي مشرادكم ما له والي انه ابن خيون واحجي بزودي ابن خيون الماراضي عالباطل يا شيوخ واهل بخت
المهم هاليومين الحرمة ارفع علگ واشد راية ونشووف مراجلكم طلعوا على المسوي هالسالفة
جبار: نشووف الجذب نشووف وياهو هذا الواحد بالله
غضب : الله كريم يبين كل شي ان شاء الله
جبار : استغفرر الله
غضب: بعد خدمة ثانية
جبار: لا
غضب : يلا تكدرون تاخذون راحتكم حياكم الله
كاموا طلعوا وكعدنا بالحديقة اني وعمي عثمان وامير
عثمان: ههههههه شبيك الشايب تكمز تكمز بالحجي
غضب : خلف الله عليك بوية
عثمان: بس عجبتني عفية عليك
..........................................

حياة: بسرعة رجعنا للبيت شوية واسمع هوستهم وبدت تعالة الأصوات بعدين خفتت حجة غضب واسمع صوته كطبيعته اولا يحجي بهدوء وبعدين شوية شوية صوته يعلة بدة يحجي بعصبية وصوت عالي شلون يزامخ
راحوا واني رجعت ليجوى دخلت
جواهر: هاا خالة شصار
حياة: ابشرج راحوا
جواهر: ....
حياة: تنفض يمة حبيبتي وداعتج لا تهتمين
............
غضب : اگلك عمي
امير:ها بوية
غضب : شلون نجيب جاسم
عثمان : نجيبة لا تخاف خليها علية
غضب : شلون
عثمان : هسة هو عند اهلة اكيد
امير : مو المفروض شارد
غضب : لا ما يشرد اذا يشرد راح يفضح حالة بحالة راح يضل وكأنه ما مسوي شي
عثمان: عفية وهو هذا الاقصدة يعني ينلكف بسهولة
نخلي يطلع ونوديلة الرَبع يلزمونه
غضب : نشالة صرنه
عثمان: اي هي هاي تاليتنة
اجه عايد.
عايد: الله يساعدهم
الكل : يساعد بختك
عايد: شني ما شني شصارت هالسالفة
غضب : وين جنت نايم
عايد : تعبان ونايم ابطل ما انام شلوون بيكم

غضب : دخلي يسوولنه عشا متنة جوع

عايد : هاي جاي يسوون راح يجيبونه

غضب : خوش جا
شوية وجابوا العشا

كركان: مبروك ولالك
غضب : هااا
كركان : غير عرست مبروك ،، زوجنا وخلصنا منا وبعد اخوته الاصغر كللووشش شدشد

غضب : تتزقنب لو تولي لو ادفرك شتريد واني انفذلك
كركان : لا يوعان .. كعد تربع صار مقاببل غضب

غضب : اكيد تيوع انت بكل وكت يوعان بس راسك اله معدة وحده شكبرة شكد

عثمان: طيح الله حظك ولك كاافي ملاطم ويا

غضب : صدك احجي مو تشوف راسة مبالغ بي

عثمان : انجب لا كركان زلمة خشن عوفك منه بس لو يبطل سوالفه اني بخير

غضب : يلا سموا بالله عوفونا من هالعطل
اخذتنا السوالف وصارت 10 بالليل
يلا كركان يلا حسن وجلال وعباس وراكم مدارس كوموا يلا ناموا
كاموا من يمنة
امير : اني هم رايح
غضب : هاا اشتاكيت
امير: يخوي وين اشتاكيت هي غير جنها زلمة
عثمان: هههههه،،، ما تنلام وعلي

امير: اضحك انت اضحك شهامك انت

غضب: يضحك اكيد بشرفك زوجة اخت حنوشة

عثمان : لا حنوشتي ما عدها اخيات وحيده الحمدلله اذا تريد بت عمها جنها فسيفس
امير : لا اله الا الله يلا في امان الله بوية اودعناكم

عثمان: اني هم اروحن عمي

غضب : اشتاگيـت

عثمان : اكيد

غضب : ديلا ترى لبگة وعلي

عثمان: تغديلها فدوة ابو حلك

غضب : يبووو ترى رموش ما عدها ما مبين عيونها من كصتها

عثمان : يلا ان شاء الله باجر يمكم
غضب : هذا هو بحفظ الله بوية
راحوا اعمامي
الحمل الشايلة مو كد عمري مسؤولية اهلي والناس والدراسة وووو استغفر الله نفضت الأفكار كلها وكلت امري لله دخلت البيت وشفت امي ما نايمة
غضب : نامت
حياة: هاا
غضب : ااا اقصد ليش ما نايمة

حياة: ولك هاي مو اول يوم لا تنسة نفسك انه امك

غضب : مشمة كلبي انتي حبيبتي

حياة: اضحك علية اضحك

غضب : حضنتها وبستها هههههههه لا وعيونج بس خطية تروحلج فدوة هي وطوايفها

حياة: دفوت يلا لا تسمعك

غضب : مشتاك انام بحضنج اليوم تعبان

حياة : بعدك زعطوط

غضب: زعطوط حبيبتي زعطوط شفهمت من عمري طب فش صار عمري 17 سنة

حياة : خيعونك يالتجمع لأخرتك تعال يمة نام ذيبي

غضب : دخلت الغرفةولكيت قمر كاعدة. ركضت حضنتني اموت على لسانها

غضب : ولج ليش ما نايمة مو باجر عندج دوام

قمر: انام يمك حباب احبك

غضب : ههههههه يلا تعالي ننام بحضن ماما كلنه

جاي يكبرون كبال عيني وافديهم بروحي
تمددت وامي تفري بشعري ما ادري شوكت نمت بس انه ارتاح يمها ويم حبوبتي بـس !.

حياة: خمد حيلي يبعد امه تعب كلش الحمل الشايلة مو كد عمرة اوووف يربي اختبارك صعب گلبي يتكطع واني اشوف وليدي يصارع بهالدنيا والمسؤولية تكبر يوم عن يوم وتزيد علية وفوكاها صار يحل طلايب الوادم بس ما نكول غير انا لله وانا الية راجعون الحمدلله والشكر شفتهم ناموا كمت غطيتهم ونمت بسدهم

غـضب :حسيت الصبح او بلأحرى الفجر على صـوت عـالي كمت مفـزوع من مكـاني فتحت البوب صار گبـالي رجال من سلفنا اعرفنه

خله السلاح بوجهي
_-موتك على ايدي اليوم يا ابن خيوووون

يتـبع ...

نــبـأ الـسـلطـان ،،🌹