رواية نيران أبو ذيبه الفصل الثاني والعشرون 22 - بقلم علي العراقي

"نـيران ابـو ذيبـة "

بـقلم : نـبأ السـلطـان

الـحلـقه الـ ٢٠

..................

گانـت ايامنا طبيعيةجدٱ لكن  ممزوجة بين الحزن والفرح بس مع كل هذا  گدرت أن  احافظ على اهلي وامي 
حقدي يكبر يوم عن يوم اعمامي يومية مواجهيني بسالفة طايح حظها وانه روحي تفوور تطلع للستار  بس عمي أمير والشيخ عثمان ماعافوني بيوم ماحسيت بفراك ابوي صارو سند الي

2016/2/2 يوم مرعب متاشبك بين اوضاع داعش والعصابات وضع يزداد بالسوء جو بارد قارص.
الساعة 9: صباحاً
غضب : يمة باجر ملتحق
حياة : يمة شني هية جا غير صارلك يومين نزلت
غضب : اجاني امر ولازم باجر التحاق
حياة : ووين تروح
غضب : للدوام
حياة : اي وين الدوام
غضب : بأرض الله الوسيعة
حياة : بدموع. يمة غضيب ولك لا تعت گلبي مو تعبتني يمة ولك والله ما اريدنك تروح
غضب : حضنتها وبستها براسها
يمة حنينتي بنيتي الحلوة شعندي غيرج اني روحي هفتت يروح روحي انتي
اذا اني اكعد وفلان يكعد جا داعش وصل للكويت
وبيني وبينج اني مكاني مو يمهم اني اداوم بـ بغداد همه خارج بغداد
حياة : مو امك التجذب عليها
غضب : ههههههه فدوة لامي الحلوة
حجيت هيج بس حتى اطمنها
يلا افري راسي
حياة : دللول يالولد يبني دللول افري بشعر غضب واني اذكرة شلون جان صغير بحضن ابوه
نزلن دموعي طاحن على گصته
غضب : بدت تفري براسي بايديها الناعمة راسي بحضنها وريحتها الحنينة تضرب بخشمي بدت تلولي غفيت بسرعة فززتني دمعتها وكعت على گصتي

گعدت مقابيلها ولزمت ايديها
حياة : ها يبعد امك شبيك
غضب : نزلن دموعي واني اتأمل وجهها النوراني ودموعها
يممة لا تبجين والله حفرتي گلبي حفر مو عيونج راح تنعمي
حياة : هههه ابجي من الفرح يمه وليداتي صاروا زلم كبار
الجبير غضب ضابط والاصغر منة عايد راح يتخرج محامي والأصغر منه حسن هم ضابط عمت عيني علي ما شايفته صارلة اسبوع والأصغر منه كركان هههه يمة يكركان هم مدري شيدرس هاي الشيسمونها
غضب : ههههههه الشيسمونها اي هية نفسها
حياة : تنكت بس تطلع تراب
غضب : لا امكانية صايرة حوحو
حياة : تعال يمة اريدن اشبع منك
غضب : حضنتها واشم بريحتها يومية ادعي الله لا يحرمني منها
قاطعنه صوت حبوبتي
قسمة : يا برد شبيكم يمة
حياة : باجر يلتحق خالة
قسمة : يمة كل شي ما فهمنة منك
تنزل ييوم يومين وتروحلك عشرين يوم
غضب : انتِ شو صايرة دوم بغرفتج ما فهمت فلمج يمكن عندج شويب تخابرين بي
قسمة : وعلي ايي اجسرك تجسر بالعصة
غضب : ههههههه والله ينرادلج شويب يرجعج شباب
قسمة :هههههه
غضب : حبوبتي وامي قطعة من روحي وجوهن النورانية هي تبعث الراحة بجسمي
اتصلت على حسن ما يرد
اكيد عنده واجب
قلقني حيل

طلعت خارج البيت اتمشى استغفر الله حتى النفس بي ريحة دخان شعلت جكارة وسالك طريقي اتجاه البستان
همام : لك هااا الضابط
غضب : ههههه ولك سربوت طيح الله حظك
همام : مشتاقلك
غضب : وانه هم والله بس انته الله يهداك بطلت بعد ما وصلت
همام : شسوي يخوي غير ابوي واعمامي وكفولي عصاة خاصرة
غضب : شلون صارت رجلك
همام : هالتشوفها شووهها الي بشرفك اكو ابو يطگ ابنه جيلة
غضب : اثنينكم مو خوش اوادم
همام : غلطة وصارت بس مو هيج يسوي
غضب : ترى شافك نايم وياها وهي غريبة يعني صعبة علي
همام : يخوي هي غوتني بس محد يصدكني هي جبرتني
غضب : شجبرتك يعني كالت لك تعال افحص المحرك مثلا
همام : نعلة على عمي واهل عمي
غضب : شوفلك شغل منا منا دامك تمشي وما بيك شي
همام : اي والله جاي اشتغل عمالة بس بالشتا تصل علية هواي تاذيني
غضب : الله كريم يخوي الله كريم هي هاي الدنية يوم تطيح حظك ويوم تصف وياك
همام : جا عز الله دوم مطيحة حضي هالدنيا
غضب : من ايدك
همام : اي عز الله
غضب : يلا يخوي رايح
همام : الله وياك
غضب : رحت عن همام
گعدت على جرف الشط نزعت ملابسي ودخلت للشط
اووففف جسمي استرخى اعصابي ارتخت
سبحت وطلعت
مر يومنا طبيعي
اليوم التالي الساعة ٥ صباحاً
حياة : فتت لغرفة غضب اندهنة
غضب اكعد يمة يلا اكعد لا تتأخر
غضب : كعدت سبحت ولبست بدلتي العسكرية
حياة : يمة اتريك يلا
غضب : لا ما اشتهي يمة
حياة : ياا جا شلون يمة والله راسك يويعك
غضب : بست ايديها. صار تدللين
كعدت اكل ريحة المخلمة سوتلي واهس
نسفت الطاوة نسف
قسمة : ها يمة رايح
غضب : اي يمة ان شاء الله
قسمة : انتبه لحالك حبوبة ومن توصل دك علينه
غضب : ان شاء الله
گمت دخلت لغرفة معصومة وقمر
بستهن من راسهن وطلعت اخذت جنطتي
حياة : ها يمة
غضب : يلا رايح
حياة : دير بالك على روحك وخابرنه من توصل
غضب : تدللين. ودعتهن وطلعت صعدت بالسيارة
انطلقت لبغداد
الشارع فارغ والجو بارد مشغل قرآن وبالي كله بالطريق فززني صوت الموبايل

ابو اثير : الله يساعدك
غضب : حياك الله سيدي ويساعد بختك
ابو اثير : بشر وين وصلت
غضب : مسافة نص ساعة اني يمك
ابو اثير : حياك الله جيبلنا كيمر وياك
غضب : ههههه تدلل
وصلت لبغداد وصفيت السيارة يم حجية كاعدة بالشارع تبيع كيمر
حجية الله يساعدج
الحجية : هلا خالة هلا بيك
غضب : كيلو كيمر من ايدج الطيبة
الحجية : تدلل خالة

اخذت الكيمر منها واخذت صمون وطلعت للمقر
غضب : اخذت تحية للقائد السلام عليكم
ابو اثير : لك هلا بالسبع شلونك
غضب : بخير دامك بخير انت شلونك
ابو اثير : ماشي الحال بانتضارك انته والولد
غضب : شنو الأخبار
ابو اثير : زهرة وجبار كل شي موجود
غضب : ام حازم شخبارها
ابو اثير : هههههه بخير تسأل عنك
غضب : خوش والله
يلا يلا انه جوعان
تريگنة سوية وبدينا بالشغل
ابو اثير : ركز وياي وصلتني مستجدات عن مجموعة ارهابية جاي يتسللون لداخل بغداد
اميرهم اسمة (ابو مساعد) وهاي صورته
غضب : ههههه ابو مساعد
ابو اثير : تعرفه
غضب : اي من سكنة كركوك عندة اربع اولاد اثنين بالخارج واثنين من منتمين للدولة الأسلامية
كان بسوريا قبل مدة رجع وحاليا امام جامع بمنطقة (......)
ابو اثير : جيد مجموعة العصابة 11 حاليا نوصل لأبو مساعد بدقة عالية
غضب : تدلل سهلة. صحت لكريم
نعم سيادتك
غضب : تعال شوفلي هذا ابو مساعد اريدك تجيبلي معلومات عنة بأدق ادق التفاصيل
كريم : تدلل
ابو اثير : لازم ندخل هذا الوكر حتى نسيطر عليهم ثانيا اكو امور مبطنة ما معلوم عنها

غضب : خلي هذا بعدين لازم اولا نرصد تحركاته والتقائه بمنو ممكن يكون يدلنا على اشخاص يفيدونا
ابو اثير : حصيلة واجبات مكثفة وباسرع وقت اكو عمليات مشتركة انتوا اسباع
غضب : الله كريم
ابو اثير : استغفر الله
غضب : رحت لمكتبي وبديت بشغلي مركز كلش
اسماء قادة وناس طامسة ايديهم بعقر دم
اجاني كريم
كريم : هاي معلومات كاملة عن ابو مساعد
غضب : عاشت ايدك
كريم : شراح تسوي
غضب : مو شغلك يلا شوف شغلك
كريم : وشبيك مطنكر
غضب : خالتك مضوجتني
كريم : ههههه ما تصيرلك جارة
غضب : فتحت الملف مال ابو مساعد
اگلك شو بهاي الصورة طالع حلو
كريم : هسة شعليك بالصورة قابل دتريد تبوسة
غضب : خفه هالحلگ دتريد شنو كول تريد وانجب عوف الدا والدو
كريم :  لك عيني احنه هنا نُحجي هيج
غضب : من اطبع الشاجور بگصتك اكو احد يلومني لا تعوج حلكك
كريم : صار صار يلا حجي كمل شغلك
غضب : اتزحلك
كريم : حبيبي الغالي

غضب : الأيام والساعات تمر ببطئ قلوب مرتعبة طلعت دفتر الذكريات وكتبت
2016/2/5 الساعة الثانية والثلاثين دقيقة صباحا
نوم قليل ورصد عصابات داعش
غضب : لبست ملابس مدني لحيتي طالعة
استغفرت الله وتوجهت لمنطقة (....)
ابو اثير : افتحلي تصوير وصور
غضب : فتحت تصوير وبديت اصور
وصلت للمكان المطلوب
ابو اثير : راح توصل سيارة كيا حمل اللون ازرق توگف قرب الركن
غضب : عُلم
رجعت الكرسي ليورى ونزلته محد شافني
شوية واجت السيارة
ها حجي اجت السيارة
ابو اثير : قربلي الكاميرا على السيارة
غضب : قربت الكاميرا عليها ونزلوا منها اشخاص 3 لازمين احزمة
دخلوا لبيت ابو مساعد
ابو اثير : شنو هذا النزلوه
غضب : احزمة
ابو اثير : جيد انتضر
غضب : سيدي العملية قيد التنفيذ والجنود جاهزين منتضرين اشارة منك
ابو اثير : ابطال ابطال باشروا
غضب : ناديت بالجهاز وباشرنا بالعملية
كريم : سيدي الكل جاهز قيد التنفيذ
غضب : عالي واضح بارك الله بيك باشر
اخذت المسدس وطلعت اتمشى
شوية ووصلوت الدوريات
طاوقوا المكان
غضب : يلا ابطال.
دخلنا البيت بسرعة
كريم : اوككفف اليتحرك اكتله
غضب : رفعنا عليهم اسلاح. لحد يتحرك قيدهم يالله وشد عيونهم
كريم : سيدي جار التفتيش
غضب : عفية يلا صعدهم بالسيارة
صعدوهم بالسيارة
واني رحت جبت سيارتي
هذني صعدهن وياي
الجندي : تم سيدي
ابواثير : ههههه حضرنالهم جناح خاص للضيافة
غضب : حجي خوش عدهم مواد
ابو اثير : عاشت ايدك بطل ذيب
غضب : ترباتك
وصلت للمقر ونزلت المواد
ابو اثير : عفية شنو هاي
غضب : حطيتهن على المكتب
ثلاث احزمة وموادهن لحسن الحظ الاحزمة غير مجهزة
ابو اثير : واسلحتهم
غضب : موجودات
ابو اثير : بطل بطل
غضب : حبيبي سيدي
اتصلت على حسن
حسن : حبيبي ابو سبع
غضب : شلونك زين شنو الوضع
حسن : عالي العال مشتاكلك وعلي
غضب : فديتك حسحس
حسن : بدت رحمة الله
غضب : ههههه
حسن : شلونها امي
غضب : بالها يمك دك عليها
حسن : حرب شوارع وكلش ماكو مجال تطلع راسك يحمسك قناص
غضب : دير بالك لا تصير فاهي
حسن : تأمر سيدي
غضب : عفية وليدي يلا شوف شغلك
حسن : في امان الله
غضب : سديت الخط من حسن وبديت بشغلي
ابو اثير : تعال غضب
غضب : حاضر.
ابو اثير : شوف
غضب : اشاهد بالشاشة
شوف شلون يشردون
ابو اثير : مخازي

.................................

حسن : الوضع يمي حيل تعبان حرب شوارع وهواي شهداء بس منتصرين ان شاء الله
غضب : رجعت لمكتبي شعلت جكارة وافكر بحسن ادري الوضع يمهم مو زين وامدادات ماكو
نفضت الأفكار وكملت شغلي شغلت الابتوب
اتصفح الجو مشتعل اعلام ينص امور كاذبة انفجار بالمنطقة الفُلانية ادى استشهاد عشرة
وقناة ثانية تحجي غير شكل
ابو اثير : وضع غضب ما عاجبني ناديته لي
غضب : نعم سيدي
ابو اثير : شبيك ابني
غضب : سلامتك سيدي ما بيه شي
ابو اثير : دتعال اكعد واحجي شبيك
غضب : كعدت. حجي تدري حسن ملتحق صارلة 14 يوم والوضع كلش مو زين
ابو اثير : حسن بطل ليش بالك يمة لا تخاف
غضب : حجي هذا قطعة من روحي والله خايف علي
ابو اثير : اعرفكم بوية قابل بعيدين عني انتم ولدي ثاني شي حسن جاي يأدي واجبه واحد من الشجعان العافوا كل شي مثلك ومثل غيرك
غضب : بيك الخير والبركة سيدي
ابو اثير : يلا كوم شوف شغلك ورانا شغل حيل هواي
غضب : آمرك
توجهت لمكتبي واني مطمئن شوية
كريم : ها حجي شني ما شني
غضب : سلامتك حجي ماكو شي
كريم : بس الله الساتر
غضب : شعدنا غير ابو خيمة الزرگة
كريم : الزرقاء وليس الزرگة
غضب : يول والله بطران انته
كريم : جنوبي مطعم بأنباري

غضب : شتريد اصيرلك
كريم : امانة الله صدك شبح انته
غضب : شنو هذا قبل الأكل بعد الأكل
كريم :ههههههه
والله لاعب بيهم لعب عندي فيدوهاتك
غضب : احتفظ بيهن وراويهن لفروخك گلهم هيج صيروا
كريم : ما يعرفون خياساتك الحمدلله
غضب : ششافيني نايم وي خالتك
كريم : دعوف خالتي بحالها يمعود
غضب : احبها مو بايدي
كريم : اخطبها الك عاد هي موضفة وعدها راتب
غضب : والمحرك
كريم : عدها اربعة اولاد
غضب : لا حجي ما تفيدني شباقي بيها بس الغلف
كريم : ههههههه بس تعجبك سبورتيه وجيبها ثكيل
غضب : دخذ بنتها يحضي
كريم : هو اني حاط عيني على بتها الجبيرة
غضب : هذا هو كول سعيد حضي.
كريم : ليش بوقت الشغل تصير نفسية ترى باقي الضباط والجنود يكولون نفسية
غضب : بطبيعتي ما احب اشاقي حتى بدون الشغل وبنفس الوقت اكره الكهكهة وعن نفسي ما احب ابرر لواحد حتى اطلع بالصورة اليريدها هوه
شيحجون خلي يحجون ويلا كوم لا احط رجلي بيك

كريم : حبيبي الغالي

غضب : ههههه الأحبة بيك تتحمل الأهانه

كريم : بس منك

غضب : فدوة لخالتك
فتحت الابتوب وبديت اشتغل
اسامة! 
عربي متنقل بين البلدان حاليا في روسيا
انرسمت ابتسامة على وجهي

يتـبع
نـبأ السـلطـان