رواية نيران أبو ذيبه الفصل الحادي والعشرون 21 - بقلم علي العراقي

"نـيران أبـو ذيبـة "

بـقلم : نبـأ السـلطـان

الحـلقة الـ ١٩
.....

طلعنا من المستشفى وبدت ترجع صحة عمي شوية شوية والحمدلله وگف على حيلة ورجع لحياته الطبيعية
همام : هسة شراح تسوي
غضب : ولا يهمك انه اعرف شسوي انته بس راقب
همام : الله كريم
غضب : يلا رايح هذا عمي يتصل
همام : براحتك
غضب : رحت لعمي امير دكيت الباب
احلام : ياهوو
غضب : واحد من تشوفينه ترجفين
احلام : عشتو
غضب : عمي وين
احلام : مو هنا شرايد منه
غضب : يرحم والديج ما عايز دوخة راس هستوه خابرني وكال اني بالبيت
امير : هلا غضب تعال طب
غضب : باوعت لاحلام ورفعت حاجبي
امير : شبيك غضب
غضب : لا يخوي ماكو شي بس اكو ناس حتى جذبهم مفضوح وابوي يگول جذب مسفط ولا حجي مخربط والله يسلمهم همه لا جذب مسفط وحتى حجيهم مخربط
امير : ههههههه
احلام : هاي عليمن
غضب : عليج
احلام : شفت امير
امير : يضربج حريشي جا ليش تجذبين
احلام : لااا والله واكف ويااه
امير : كافي يلا سرينه
غضب : يلا
صعدنا السيارة
اطيني انه اسوق
امير : لا يخوي اكدر اسوق
غضب : وين رايحين
امير : لعثمان خابرني كال هذا مسلم يمي
غضب : خوش
امير : ها شايل مسدس
غضب : الدنيا مو امان عندك اسلاح
امير : اي هذا بالجكمجة

غضب : والله وبالله يسليمان اذا ما خليته عبرة لمن اعتبر ازين شاربي
امير : ههههه ولك شني هذا شاربك
غضب : شبي ما عاجبك
امير : لا هاي اني اكبر منك وشاربي مو هيج
غضب : انته احص
امير : اي عز الله
غضب : ههههه
وصلنا لبيت عثمان
امير : السلام عليكم
عثمان : اهلا وسهلا بيك واكثر بالوياك حتى المطي من البيت طار وتلگاك
امير : ديلا بالله هذا بشر
غضب : هههههه الله يساعدهم
عثمان : هلا بالذيب
غضب : شلونك زين شلونه الحنش
عثمان : حنوشتي بخير
غضب : راية الله بيضة
شلونك مسلم
مسلم : بحفظ الله ابو ذيبة انته شلونك
غضب : على الله
امير : مسلم شخبار الجماعة
مسلم : كل يوم سالفة وبيني وبينك سليمان يوم عن يوم يسويله مكسورة ومطيح حظ حظ العالم
غضب : خلونا بسالفتنه مكسرات سليمان ندري بيهن
مسلم : اي والله
امير : ما عرفت الازلام الموديهم سليمان
مسلم : اعرفهم. همه هاني ابن سليمان وابن ضاحي
غضب : شلون عرفت
مسلم : سمعت كلامهم
سلمان : اسمع بوية هاني ترحون انته وعظيم توكفون بالشارع من يطلعون ارموا امير
عظيم : عد عيناك عمي
هاني : اي بس شلون ندري همه راح يطلعون
سلمان : اني ادگ عليكم وانتم اتحضروا
هاني : خووش تآمر

مسلم اسمع كلامهم وانه حيل احب خيون وامير ما عرفت اسكت واطمطم رحت مباشرتا لبيت شيخ خيون

امير : بس شلون عرف اني طلعت
مسلم : مخلي واحد يراقبك بس مادري ياهو
غضب : اوووفففف روحي تلوب علي
عثمان : وهسة شنو شراح نسوي
امير : ما نسوي شي
غضب : ما فهمت شنو ما نسوي شي
امير : اييي ما نسوي شي ما اريد نصير فرجة بين العالم بعد ما جنه بيت الشيخ والناس تحلف براسنة
غضب : عمميي لا تخبلني
امير : هذا الموجود
غضب : انته صدك تحجي عمي
امير : اي صدك احجي خلي السالفة تولي وحاط وياه البخت ووين يصير خل يصير وهاا وروح ابوي ان سويتوا شي يصير غير كلام
عثمان : اعتبر هاي الخطوة هي الصح الي خطاها امير لكن غضب ما قبل وهذا راسة يابس
امير : مسلم انتَ تصير سمسير (عميل)  تجيب النا كل شي يصير عند سليمان وما لك علاقة اهلك وبيتك بهالشارب والله العظيم
مسلم : بس خاف يشك
امير : انته بس اخذ حذرك ومالك علاقة كل شي يدبر
مسلم : تمام عد عيناك
امير : مسلم اعتمد عليك
مسلم : اعتمد وانا اخوك
عثمان : كفو كفو والله
مسلم : يلا انه اروح خاف واحد يعرف
امير : تمام اعتبر نفسك ما تعرفني ولا اعرفك
مسلم : اكيد
يلا في امان الله

غضب : بعد ما راح مسلم واني حاط ايدي على خدي المشكلة صرت بين نارين انه ما اگدر اجازف بسمعتنه ويضل اليسوى والما يسوى يحجي ولا اگدر اسكت واطمطم سوالف سليمان خصوصا هوه تمادة حيل
عثمان : شبيك مبرطم جنك مطلگة ماخذين فروخها
غضب : ضريف
عثمان : اي شبيك احجي
غضب : جريت حسرة طويلة
عمي نارر تطحن بية والله ما ادري شسوي لا اگدر اجازف بيكم ولا اكدر اسكت عن سليمان
امير : حاط البخت وياه اذا عندي وعند اهلي بخت خلي يعثره
غضب : وليش تحط البخت ليششش ما انت توكفة لحدة. عجييب راح اتخبل والله
امير : شتريد اكله انته وديت ازلامك حتى يكتلوني لو اكله مسلم كالي
حتى اذا كتله انته وديت علية ازلامك راح يضحك علية وبعيدا عن هذا كله ما اريد كل هذا خليها هي تصفة
غضب : استغفررررر الله يربي استغفر الله
كمت من مكاني طلعت للحديقة روحي فايرة احس الدم يمشي براسي
خشمي صار ينزف دم
عثمان : يمعووود شبيك
غضب : ما بية شي
عثمان : اووكف.هذا ماي بارد
خليت على راسه ماي بارد
افتح ايديك هاك اغسل خشمك
غضب : غسلت خشمي ورفعت راسي
عثمان : شريان بگصتك صار هوز
غضب : تحشش حضرتك
عثمان :  شاربك انصبغ برغندي
غضب : ههههه ديلا بالله

عثمان : امير ويا الحگ لازم نطول خلك شوية اذا سليمان مو زين صير احسن منه واحسن من ما نصير فرجة للعالم
غضب : الله كريم
طلعت ثلجة من السراحية كسرتها وخليتها على خشمي
امير : طلعت وراهم لكيت غضب خشمة طاك دم
هاا هم خشمك
غضب : شتشوف انته
امير : ضغطك صعد
غضب : بسببمن
امير : انته الله يسلمك شلونك ما شاء الله بارود
غضب : والله لو ما عمي جان شمرت حجاية جبيرة
عثمان : هدها
غضب : لا خلي تولي
امير : يلا نروح
غضب : يلا
عثمان : وكت غدا
غضب : اي ادري
عثمان : ههههه الله وياكم
غضب : روح لحنوش
رجعنا للبيت دكيت الباب
كركان : ياهو
غضب : افتح الباب
كركان : فتحت الباب لغضب
نجاة هنا
غضب : هاا تمام
فتت للبيت لكيت خالتي نجاة وبنتها كاعدات بالمطبخ يم امي وحبوبتي
غضب : واني اكول اليوم الشمس مو قوية ثاريج هنا لابدة
نجاة : يااا هلا يبعد طوايفي ولك منيلك هالحجي
غضب : حضنتها وبست راسها
شلونج زينه
نجاة : الحمدلله بخير انته شلونك يالبذات
غضب : شلونج بوية شخبارج
فاطمة : الحمدلله غضب انته شلونك
غضب : على الله ولج كبرانه شلونج بالدراسة
فاطمة : هههههه زينه الحمدلله
نجاة : وين الحمدلله يمة مصخمتها
غضب : صدك. وبيا صف انتي
فاطمة : بالثالث متوسط بس السنة رسبت
غضب : تعوضين ان شاء الله
نجاة : اي ولكك ليش ما تمر ما تكول عندي خالة لو بس اني اجيكم
غضب : والله ملتهي بهالدنيا وصاير مثل حصان وعند اهلة عرس
ما فارغ واركض ادورلي شايب لهاي الحلوة
قسمة : يااا خالة فلك طرك
غضب : شني فلك طري جا مو تريديلج شايب حتى كتيلي اريد اعرس واذكرج هااا مرة سألتج بين الحجة والعرس گلتي بيت الله ما طاير
نجاة : ياااااا!
حياة : يحجي ستة بالشهر
غضب : لا انتي تغارين هم تريديلج واحد يرجعج شباب
حياة : يا برد شرك دكوم كوم
غضب : گايم
رحت لغرفتي اخذت ملابس ورحت اسبح
دخلت اسبح
كملت سبح وطلعت رحت لغرفتي
فتحت الباب اريد ادخل للغرفة
تفاجئت بوجود فاطمة بغرفتي فتحة الكنتور
غضب : فاطمة !
فاطمة : هـ ها هلا اسفة بس خالتي كالت رتبي هدوم غضب والغرفة
غضب : بس الغرفة مرتبة
فاطمة : هااا اي اي هوه شفتها مرتبة وفتحت الكنتور شفته خاف يحتاج ترتيب
غضب : بعدم اقتناع.
تمام
فاطمة : محتاج شي بعد
غضب : لا شكرا
فاطمة : خوش
غضب : طلعت فاطمة واني مليان شك بيها
شتسوي بغرفتي وليش فاتحة الكنتور
واني متأكد مية بالمية امي ما دازتها لأن الصبح غرفتي منضفة حتى ريحة البخور بعدهي مليانه الغرفة
نفضت الأفكار ومشطت شعري وادندن
شعري طولان وعندي شعرة تنزل على گصتي
حطيت دهن عود وطلعت
قسمة : هلا بهالطول
غضب : هلا يا لمعة عيوني انتي
قسمة : شخبار عمك
غضب : كلش زين بس الكتلني ما يرضى يحاسب سليمان
قسمة : شلون وشصار وياكم
غضب : حجيت الها كل شي صار ويانا
قسمة : عفية يمة هوه هذا الصح
غضب : حبوبة بس اذا نسكت عنه يستقوي
قسمة : لا تخاف ما يستقوي وحطوا البخت وياه
غضب : الله كريم
يلاا يمةة غداج اخذتني الريحة
عايد : اصبر يخوي دومك يوعان
غضب : انته حيل ما عاجبني
صاير تكعد الضهر وشعندك بالليل سهران شنو مسهرك
عايد : ماكو شي
غضب : حسيت عايد يريد يحجي بس انحرج
اشرت له بشكو
عايد : بعدين.
غضب : فهمت هذا وراه سالفة وما بينه حيل ضيم زيادة
جابوا الغدا واني منتبه لتصرفات فاطمة مو طبيعية
استغفر الله يربي هاي شبيها
كعدنا نتغدى وصارت فاطمة مقابيلي
كل ما ارفع راسي اشوفها تباوع علية

فاطمة : غضب من جنت صغيرة احبه دوم اسمع بي وما ينزل من لسان امي
دخلت غرفته حتى اشوفها واتمنى اني بيها اعيش وياه
فاجئني بدخوله علية ارتبكت كتله خالتي كالت لي نضفي الغرفة
وطلعت بعدين تذكرت الغرفة حتى بخورها بعدة يشع
اوووففف استغفر الله
لهيت نفسي احضر ويا امي وخالتي
حضرنا السفرة والمواعين وصبينا الاكل كعدت مقابيل غضب جان لابس تيشيرت خفيف وبجامة نازلة شعرة على كصته
جسمة وطوله وضخامته ورزانته كل شي بي يلفت النضر
صرت اباوع على كذلته النازلة على جبينه
طالعة فد شي علي
احس الكل جاي يباوعلي من اباوعلة حاولت اشتت نضري بسس ما اكدر
غضب : شبيها هاي تباوع
كملت اكل وگمت
نجاة : خالة ما اكلت
عايد : هو غير جف ايدة جنه حفارة بلگمتين يشبع
نجاة : هههههه خلي بالعافية
غضب : راح تنكسر ايدي
عايد : مو لهالدرجة
غضب : الحاسود بعينه تيل
عايد : خوش خوش ههه
غضب : فاطمة شني حمامة اكلي بوية صايرة جنج عود
نجاة : ياااا ما يفيد الحجي تلگط تلگط
قمر : جا غير هية كيوته
غضب : ههههه ،شني هاي كيوته
قمر : والله مادري سمعتها بالمدرسة كيوته
فاطمة :  يياااا ولج كيوته يعني نوعيمة
غضب : هااا يعني هسة انتي كيوته
فاطمة : لا لا ويني وين هالسوالف انه
غضب : جا خوش اكلي يلا

حياة : يمة شلون صار عمك
غضب : الحمدلله
كركان : جا اليوم طلعت من صباح الله وطولت الا رجعت
غضب : اي والمطلوب
كركان : وين جنت
غضب : مو شغلك اتزقنب وانجب
حسن : هههه حيل
عباس : شمالك بس للمهاين صاير
قسمة : يبوووو شبيكم وياه ابتلى على عمرن من حجه حبوبة جان يم عثمان عدهم شغل
كركان : وشنو الشغل المهم
غضب : استلم يلا هم مو شغلك
حسن : ما كلت طلعت النتائج لو لا
غضب : والله مدري بعد ما طلعت
حسن : ان شاء الله مية
حياة : ذبيحة لويه الله اذا طلع ناجح
غضب : هههههه علما انجح ينرادلنا سنة ثانية بس نوفي بيها النذور
حسن : اي وعلي
خلصنا اكل واللمة حلوة حيل
غضب : انه اروح انام
رحت نمت نوم عميق تعبان حيل وما شبعان نوم
عايد : غضب عرف بية انه عندي شي ما ادرري شلون والمشكلة ما. ادري شلون حبيتها
حاير وما اعرف هذا حب لو نزوة بس انه حيل حبيتها نفضت الافكار ولازم احجي لغضب
گمت لغضب اريد اكعدة
لكيته نايم على ضهرة وحاط ايدة على عينة
عايد :  غضب غضب
غضب : همم هاا يمعود
عايد : دكعدد يمعووود صارلك اربع ساعات نايم شني بطة
غضب : شتريد
عايد : انهض يالله
غضب : كعدت افرك بعيوني
كمت سبحت وبدلت ملابسي عايد : غضب امشينه نطلع
غضب : وين نولي
عايد : للبستان
غضب : خوش
طلعنا نتمشة انه وعايد
وصلنا للشط
كعدت على جرف الشط نسيم الشط والجو يريح النفس
عايد : اريد اگلك بشي
غضب : كول
عايد : اول مرة اصارح غضب بهيج شي صرت ارجف
غضب : احجي شبيك تريف
عايد : انه احب شمس بنت عمي امير
غضب : وضع عايد وترني شفته يرجف لكن صدمني من كال احب شمس
لزمته من رگبته
غضب : انعل والديك والعبااسس هنا ادفنك
عايد : ايي احبها شتسوي
غضب : ضربته بوكس على بطنة
وضليت اضرب بي بحرگان گلب حاط عينه على بنت عمة
عايد : رجعت على غضب دفعته
غضب : لكك كلب خسيس شلته ليفوك وطگيته بالكاع
اسمععع لك وروح ابوي وروح ابوي اذا ما صرت ادمي اكتلك وادفنك
عايد : اخخخ يمةة ليششش ولك شبيك ليشش ششفت مني انه ما سويت شي غلط
غضب : تاكل تبن وتنجبب غلط واكبر غلط اذا انته ابن عمها وتحط عينك عليها شبقيت للغريب بعدد شدلك گرون
روححح مستقبلك كدامك ما بقالك بس هاي السنة وتصير سادس تضيع نفسك لليشش وبرايك تنطيك احلام مرة كون نفسك صير زلمه واني اخطبها الك بايدي بسس لا تلعب دور الحبيب واياك وبالك تحجي او تمس خيالها والعباس ابو فاضل ما تلوم الا نفسك
عايد : والله والله ما مسوي شي اصلا استحي احط عيني بعينها بس اني حبيتها
غضب : لا تحجي شي ولا تجيب طاري ولا تحسسها حبك هذا نزوة بعدك بطول الاصبع لا تخليني اني اتصرف وياك واعلگك بالباب خليني ثاق بيك

عايد : انه كتلك بس حتى اخلي عندك علم حتى باجر عكبة اذا زفوها لواحد غيري والله اكتل نفسي لو اكتلها ساعتها اليلومني اكتله وراها
غضب : اكل تبن وكافي تمسلت صايرلي كاظم الساهر ابو الاحساس والمشاعر
لك بابا دامك تمشي بمشاعرك ما راح تبني وتأسس نفسك اخر اخر شي تفكر بي هوه هذا الدمار
عود شد حيلك وصير زلمة ساعتها الله كريم
عايد : خووش والله اشد حيلي واخذها كوه
غضب : خوش

اذيت عايد صح بس من حرگة گلبي خصوصا ان عمي امير ثاق بينه وشمس خوش بنية عكس امها وبنفس الوقت ما اريد عايد يضيع نفسه وهو بمقتبل العمر ولا اريدة يرتكب غلط ينحسب علي
عايد : شدعي عليك غضب
غضب : يضربك حريشي خلي النفس طيبة عليك وخلينة شايلين الحمل انه وياك
عايد : خوش الله كريم
غضب : يلا كوم
عايد : وين
غضب : لجهنم لأهلنا وين يعني
عايد : وهيج يشوفونه
غضب : اي هيج يشوفونه ما لك علاقة
عايد : براحتك
رحنا للبيت وتلگتنا عمتي تغسل بالحوش
حياة : يخام بويهي شبيكم يمه متماطلين
غضب : ما بينه شي يمة
حياة : ولك شني ما بيكم شي هذا مكرمد تكرمد اخوك ( متأذي حيل) 
غضب : يعيش وياكل غيرها لا تخافين
عايد : عمة ماكو شي هيج جنه نتشاقة
حياة : يا جذبكم الفاضحكم
غضب : خوش
رحت فتت لغرفتي اخذت ملابس وطلعت اسبح
حسن : اگلك مو صاير هواي تسبح
غضب : سابح بماي جلوتك ( كليتك)
حسن : ههههههه خوش يلا اسبح اسبح
غضب : دخلت اسبح وطلعت انشف بشعري
كركان : صاير بطول الباب
غضب : هههههه ولك لاحكني انته شبيك
كركان : ولك انه اسمعهم يحجون بيك يگولون هذا بعدة هيج وجنه عمرة 30 انته شايف البنات اليركضن وراك
غضب : طيح الله حظك وحظ البنات اليركضن وراي
حسن : والله صدك مرات من نروح للمدرسة كلهن يباوعن عليك
قسمة : عين الله على ابنيي
حياة : جنة ضابط بايام التسعينات
قسمة : اي والله
غضب : ان شاء الله ضابط يمة
حياة : عين الله عليك يمة كل شي الجان انعم الله اهم شي گبال عيني

يتـبـع..
نبـأ السـلطـان
،🌺🍇