رواية نيران أبو ذيبه الفصل الثلاثون 30 - بقلم علي العراقي

"نيران ابو ذيبة"

بقلم: نبأ السلطان

الحلقه ٢٨

............................

وانت تدري
تدري كل ليله
بغيابك ينهدم ثلثين عمري

كاظم عبدالجبار

.............................

نسرين: يربي تعبت تعبتتت

مريم:شبيج ولج

نسرين: يعني ابويه ما يستحي ليش هيج والله العظيم دمر حياتنه

مريم: شبي غير افتهم

نسرين:هاجج شوفي دخلنا الاستقبال والبقايا مال الأكل والبطاله مال الشرب

مريم: عزا بعيني ولج هذاا خبل

نسرين: على يوم احطن سم بالاكل وانطي  اله والله يعني مو حرام اني شنو مو بشر هذوله اخواني صارو كبار ويفتهمون كلشي يعني والله العظيم على يوم اشوفهم مثل ابوي

مريم :اششش عوفي هالحجي وبعدين تعالي ننضف هاي الجيفه لا يجي احد شيكول علينه

نسرين:شيكول خلي يكولل تعبت والله مليت انفك جبدي
كمت اني ومريم ونضفنه الاستقبال وغسلناه رشيت معطر جوو وفتحت الشبابيك حتى تطلع الريحه

شمس:نضفنه كل البيت وغسلت الطرمه اجيت اغسل مواعين واحد جان فاتح الماي الحار وساد الحنفيه اجيت فتحتها على الماي البارد مباشرتاً نزل ماي حار وانصلت ايدي الم موتني كلش والله العظيم ضليت انكز كوه كملت غسل المواعين مال الريوك وايدي موتتني الم

كريمه:غسلتي الطرمه

شمس:اي غسلتها

كريمه: المواعين

شمس غسلتهاونضفت المطبخ
كريمه: خوش يلا سوي غدة
شمس: خاله ترى من الصبح اني كاعدة ونضفت وكل شي وسويت كل شي تريدينه وبعد تريدين اسوي غده يعني اني مو شخص الي حتى اكدر اسوي كل شي هاج شوفي ايدي شلون مصليه من الماي الحار هسه بالمطبخ
كريمه: وشسويلج اني انتِ ثوله وتبقين ثوله
شمس:حجيت بدموع.بعد كل هذا واطلع ثوله ليش مايسونالبنات الاني جاي اسوي يوميه  اشو بس اكل ونوم ولا وحده تكلف نفسها تغسل شي تساعدني بشي

هاشميه: اسم الله الرحمن شبيج يمه
شمس: لاحبوبه ماكو شي ارتاحي
هاشميه:كريمه شبيجويا البنيه ليش تبجين حبوبه
كريمه:ياااا خاله عياره هاي يسمونها والله وكيلج عود كتلها اليوم الغده عليج شو انفتكت عليه بذاك اللسان والسب ومن شافتج سوت روحها مسكينه
شمس: باوعت الها انصدمت بكلامها وجذبها
هاشميه: تسويلج غده وانتِ شبيج مكسره هذن نسوان ابنج وبناتج خايسات .تعالي يمه شمس
شمس :دخلت لغرفة الحجيه واني مهضومه
هاشميه:لا تنطين وجه يمه
شمس: حبوبه انتي مصدكتها والله العظيم اني ماسويت ولا غلطت ولاعليت صوتي وياها وروحي شوفي كل البيت يلمع  لمع وهاج شوفي ايدي محتركه من الماي الحار
هاشميه:ما عليج منهه يمه اعرف سوالفها انه النوب بس تتگرب الج گليلي وانعل شيب ابو اهلها
شمس: صعد لغرفتي رتبت ملابسي ونمت عالجربايه والغرفه بسيطه بيها جربايه ام النفر واحد وكنتور خانتين فتحت حجابي اووفف جنت مخنوگه نمت على الجربايه واني حيلي مهدود شويه واندك الباب
صحت منو
محمد:اني محمد فتحي الباب
شمس:لبست حجابي وفتحت الباب
محمد :شلون شمس
شمس:الحمد لله زينه انت شلونك
محمد:على الله شنو تخليني واكف عالباب
شمس:هااا لا بس يعني.ضليت اوتوت بالحجي
محمد:لا تخافين مني ولا تخافين منهم
شمس:تمام اتفضل
محمد:وبعدين حتىلو يكولون فهذا الشي راجعلي انتِ بذمتي وهذا من حقي اطمئن عليج
شمس:اي صح اتفضل اكعد
محمد: والله تعرفين الاصول
شمس: ابتسمت ابتسامه خفيفه
محمد: اني اعرف اهلي قاسين وياج واعرف امي جاي تتعبج وتسمعج كلاموالبنات كذلك بس هذا مو يعني ما الج حق تدافين عن روحج
شمس: لا عادي انعودت
محمد:انتي ما تستحقين هذا المكان تستحقين احد يحترمج ويقدرج اما عن نفسي فاحترامج من احترامي والاريد اوصله لج انج ذمه بهالرگبه كلها مدة زمان وترجعين معززه مكرمه بس طولي بالج شويه وياهن هذوله اهلي واعرفهم وهالتشوفين شارد عنهم بس حتى افتك من طلايبهم ومصايبهم
شمس: كلامه خلاني ارتاح نفسيا ولا كأنه منهم وفعلاهو قليل كلش اشوفه متواجد بالبيت حتى ما اشوفه ينام بالبيت
محمد:احم اني اترخص محتاجه شي
شمس:لا تسلم وشكرا على الجاي تسوي
محمد:شسويت
شمس:هذا الجاي تسوي اليه
محمد: هههههههه عفوا تدللين
شمس :طلع وسديت الباب الوحيدين بهاي العائله بس محمد والحجيه اليستحقون التقدير
تواصلي ويه اهلي ماكو منقطعه عنهم ولو امي ما يهمها بس ابويه شحاله هسه ماكو غير حل غير ان احاجيه ويخليني اتواصل وياهم
اشتاقيت لكل شخص وبالاخص عايد تعبت حيل جسمي ضعف من التفكير والقلق والكلام السام الي اسمعه يوميه

صار وقت الاذان الظهر طلعت توضيت ورجعت بديت اصلي واقره قرآن دعيت ربي يقضي هاي الشده البيها اني
غضب:ملتهي بالشغل ودك موبايلي شفته حسن متصل
حسن:لك غضب اتصوبت
غضب:تتشاقه
حسن: والله العظيم برجلي بسس الحمد لله اجت شطح وهسه تمام
غضب: استغفر الله لكك حمارر انتبه مو كتلك
حسن:بالريشحجي والله هياه قاعدهامشي
غضب:يحجيلي موصلي ابن اللذين ولك انتبه لنفسك
حسن: تدللابو ذيبه باجر انزل اني
غضب:خير يارب
نهيت الاتصال منه واني بالي يمه مر اليوم بتعب كالعاده ونوم عدد ساعات متقطعه
14/11/2016
14 كانون الثاني الساعه بالسته ونص صباحا
كلبي ناغزني من نزول حسن وكأن راح يصير شي
بعدت كل الافكار هاي من راسي

شلت موبايلي بايدي واتصلت علي
حسن:هلا بالضلع
غضب:شلونك
حسن:بخير مدامك بخير
غضب:شنو شوكت تنزل
حسن:هاي جاي الم ملابسي وشغلاتي
غضب:عوف النزول الطريق مو آمن
حسن:يمعود كول يالله اني نازل وما يصير الا الخير والله ماكو شي
غضب:والله الطريق مو آمن حسن لاتكفرني
حسن:وعينك ماكو شي
غضب:لاحول الله تمام بس انتبهوا لحالكم ولا تطلعون على الطرق الرئيسيه
حسن:تمام بيني وبينك مشتاق لامي حيل
غضب: يلا سبع شد حيلك
حسن :تامرالذيب
غضب:نهيت الاتصال من حسن وكملت شغلي
صارت ساعه 11 وهو ما اتصل بيه طلعت موبايلي اتصلت بي ما يرد لاحول الله اتصلت مره ثانيه كذلك يدك ماكو رد
كلت اخاف نايم لو صامت

تباً لذاك الشوق الذي يدفعني إليكَ بكل قوه وكأن جبال الكون كلها على ظهري تباً لذكرياتي التي عشتها معك والتي لا زلت اعيشها في كل مره اتذكرك فيها فيحدث لي اشياء تتخلد وتتراكم كألبومات قديمه مغلفه بغبار الأمنيات وأمنيتها الوحيده ان ينتفظ منها الغبار للتتقلب صفحاتها وتقراء اسطرها التي إنكتبت بحبر الشوق وقلم من الامل عسى ولعل ما نشعر به يزول أو حتى يقل ولو بقليل فليش الشوق والفراق بهين فمثلاً من فرط حزن يعقوب وشوقه ليوسف أصابه العمى فأنااصابني الكثير والكثير ولكني وضعت يدي على قلبي ودعيت (اللهم هذا القلب وما به)
فإني اشتاق إليه كشوق الإنسان للماء في جوف الصحراء أمله الوحيد هو رحمة الله عليه حتى ولو بقطره من مطر فهكذا أنا شوقي اليك ليس بهين 

التهيت بشعلي الى ان صار كلبي ينغزني حيل احسن صار شي على حسن
رجعت اتصلت طلع الجهاز مغلق انخبصت صرت اقتر بالي صار كله يم حسن هاي مو من عوايده هيج يسوي بيه رحت لمكتب ابو اثير
غضب:سيدي
ابو اثير:هلا ابني تفضل شبيك وجهك شاحب
غضب:ما اعرف سيدي حسن ما ادري وين
ابو اثير:شنو ما ادري وين قابل زعطوط هو ويضيع اليوم مو نزوله اكيد بالطريق
غضب :اعرف بس اتصلت علي هسه مغلق وهاي راح تصير 4 العصر وهو طالع من الصبح حتى الطريق مدته مو هالكد كلها بالزايد كلش 5 ساعات
ابو اثير:اتهدى بالرحمن بابا ماكو شي ان شاء الله بس طول بالك يجوز متعطلين او عندهم عطل بالسياره ولذلك تأخروا
غضب:موبايله انغلق ليش اتصلت على ارقامه اثنينهن ماكو
ابو اثير:ماكو شي يالذيب بس كول يا الله
غضب: طلعت من يم ابو اثير راحس الدنيا تفتر بيه
رحت توضيت وصليت ركعتين لوجه الله تعالى
خلصت صلاتي ورجعت اتصلت ماكو دخلت للواتساب اشوف اخر ضهور له جان بال7 الصبح
استغفرت ربي وكمت
مرن ساعتين واني عيني للموبايل على امل يتصل او تجي رساله منه
معصومه: انتبهت لأمي وضعها مو تمام وكأن شكلها يوحي الى ان راح يصير شي كل شويه تصلي وتدعي وتبارع عالباب لو على السما
قمر:شبيج صافنه
معصومه: امي وضعها موتمام
قمر :اي والله بس لا مريضه
معصومه:راح اشوفها سمعتها تدعي
حياة:يامجيبالداعي اذا دعى اسمعندائي واستجب دعائي بجاه كلمن جاه عندك يارب
معصومه:احبها من تدعي وصوتها الحنين و وجها النوراني
خصلت دعاء ومسحت وجهها
حياة:ها يمه رايده شي
معصومه:تقربت الها واخذت ايديها وبوستهن
شببوستهن
شبيج يمه احسج مو تمام
حياة:بدموع.يمه كلبي ناغزني احس واحد من وليداتي بي شي وهالوضع ما يتأمن
معصومه:رأسا بجيت
لايمه كولي يالله والله العظيم زينين قابل هاي اول مره تتذكرين من هم كلتي خاف بيهم شي وطلعوا سالمين
حياة :الله كريم يمه روحي صيحي عايد
معصومه:صار.رحت صحت لعايد ورجعت
عايد:ها يمه شبيج
حياة:يمه ما تخابر حسن شوفه وين

عايد:قبل شويه اتصلت علي مغلق يجوز بالواجب لو ماكو شبكه
حياة:استغفر الله يا ربي
معصومه:صار وقت العشا والكل كاعد على السفره بس محد اله نفس
كركان:اكلي يحلوه حتى تاخذين علاج
قسمه: ما اشتهي حبوبه
كركان:ينرادلج شايبيضب براغيج
جلال:اي عز الله
قسمه:اكلوا واسكتوا يمه كافي نعمة الله
حياة:يمه ما تدكون على غضب
كركان:خوش يمه اتصلت على غضب ومباشرتا جاوبني
فززني صوت دكة الموبايل ركضت اخذته طلع كركان
غضب :الو
كركان:ما شاء الله سريع شلونك يحلو
غضب:الحمد لله انتم شلونكم
كركان:على الله شخباركم انتم شوكت تنزلون
غضب:ماشي الحال ان شاء الله بس هالأسبوع حجيت هيج حتى لا اقلقهم
كركان:هاي امي تريدك
غضب:حاجتني امي وجان صوتها مو تمام
حياة:يمه اخيك حسن شلونه ندك علي مغلق
غضب:لا يمه ليظل بالج طالعين واجب وشبكة مكطوعهحتى اتصلت بي بس هسه قبل شويه حاجيته لاسلكي وضعه تمام
نهيت الاتصال منهم ورجعت راسي على الكرسي
صداع براسي وألم ببطني
مرت ساعه كذلك اتصلت هم مغلق.تأكدت حسن صار علي شي لا محال التفكير نخر راسي فسيتي صفر احس الدم يفور براسي اخذت حباية ضغط وطلعت اتمشى بالممر
احس الدنيا صغرت بعيني
لازم الموبايل بأيدي وافتر ورفعت راسي لفوك وتنهدت ..وينك حسن وينن؟

يتبع
نبأ السلطان❤️