رواية نيران أبو ذيبه الفصل الثاني 2 - بقلم علي العراقي

""نيـران أبـو ذيبـة""

''بقلم :نبـأ الـسـلطان ''

الحلقه الـ ١

عـام الـ ١٩٨٧

فـي احـد بيـوت ذي قـار ..هٕـناك قـصة حـب
الشيـخ خيـون : انه شيخ عشيرة الـ ...  عشكت بنت خالتي حد الجنون وحبيتها بعد انه شروكي والشروكي معروف بحبة ووفائه واخلاصه للشخص اليحبه يفدي بروحه مستعد ، انه العشكتها مستوطنه افكاري ومتربعه بكلبي ،
ماخذته خاوة الها

انه ضابط لجيش العراقي وشيخ عشيرة والحمدلله الله وفقني وكدرت اوازن بين عملي وامور العشيرة بلخصوص

بيوم من الايام فكرت اروح واحجي لامي عن حبيبتي وبعد خلص نفذ صبري لازم ازوجها واخلية تحت عيوني  الناس وعشيرتي كلها تعرف احبها وتحبني ورايدها الي وتريدني

حجيت ويا الحجيه على زواجي واتفقت وياها تخطبلي بنت خالتي ..حبيبت روحي (حياة )

جنت راجع ولاف الشماغ على وجهي من الحر
للبيت شفت احلام مرت اخوي اجت باتجاهي
نصيت راسي

حجت هيه
احلام:خوية يا خيون يا شيخنا اني عندي الك مرة اتحطها على الجرح تطيب ..كالوا تريد تخطب

خيـون:اي والله ان شاء الله امي راح تخطبلي بنت خالتي تدرين بية اني احبها ومن زمان 

احـلام :على بختك يا شيخ ، ليش تخطبها مو اخيتي موجوده ازوجها الك تخليك فوك راسها ودللك دلال ما موجود

خيـون : لا اختي ماريدها اختج اكو غيري من يتمناها بس انه كلبي رف الوحده بس وهي حياة بنت خالتي ..اغتاضت مني وراحت ما عاجبها الحجي

جـا شسويلها انه دلالي بغير مجان مو يم اختها وهيه تريدني الها ..لان انه شيخ عشيرة وما يمشي شي بدون أذني وكلمتي مسموعه وشحده اليخالف اوامر الشيخ

دخلت للبيت شفت الحجية كاعـده بستها من راسـها ورجيت نفسي بسدها وريحة البخور مال غرفتها ترد روحي ..كتلها حجية جاي عليج بشغيلة اليوم

قسـمه: احجي يا يمه كون شغيلتكم مكضية

الشـيخ خيـون : يمـه انه احبن بنت خالتي حياة وانتي تدرين مو. ورايد اخطبها

قسـمه : صار اتدلل يا يمه شوكت ما تريد نـروح نخطبها الك

خيـون : يمـه شوگـت ما ترديـن روحي اخطبيها

قسمـه : العصير يمه انمشيلك عليها وين اكو احسن من بنيت خالتك تلم بيتك ..

خيـون :فرحت ، امي من سمعت اريد اخطبها حشمت النسوان واخذتهن يخطبنها الي ..انـه طلعت من البيـت للديـوان

كعـدت وبالي كلـة عنـد امي شسوت شحجـت وياهم ضل بالي شـارد. وصـافن لحد ما وصـلت امي ونسوان اخوتي  انه روحي طالعه ..

كمت الها بست ايدها وابتسمت بوجهي ..انه من شفتها هيج هم انرسمت ابتسامه جبيرة على وجهي

خيـون: هـا،يمه بشريني شكالوا شطلبوا ينطوها الي ؟

قسـمه : ما عاش ولا موجود اليرفضك يمه اكيد يوافقون

خيـون: بقيت انتظرهم يومين وردولنه الخبر موافقين جنت اسعد انسان بلديرة من وافقوا

جهزنا نفسنا للخطبه مشية الزلًم شيخ العشيرة بعد والوادم الطيبة والأجاويد من ديرتي كلهم راحوا وياي صارت مشية زلم معدلة ذاك تريدها،

الحمدلله أكتمل عقد مؤمن على خير وصارت زوجي بشرع الله ووفيت بوعدي وياها واني لحد هاي الحظه ما التقيت وياهت ما صار مجال احاجيها

التهيت بلوادم الجاية تباركلي عبن انه جبيـر اخوتي وشيخ الديـرة ، ما فضوا خطارنا اسبوع اظن أكثر من الناس والعشاير اكبارية يباركولي. بمناسبة خطبتي ،

لحد ما يوم طبيت للبيت العيال مهودة نايمه فتحت باب حجـرة امي على كيف ، شفتها كاعدة شافتني
كالت تعال يمه عندي حجاية وياك..

خيـون : اي بوية احجي اسمعج انـه!.

قسـمه :يمه مريتك الزوم نكفضها وتجي بعد ما نحب فترة الخطوبة تطول الناس شتحجي وانتة بعد شيخ عشيرة

خيـون: ان جان قصدج على غير شي ، فـ صدكي وثقي بالله العظيم ماعندي غير نية ولا ملتقي بلبت

قسمه : موش هيج قصدي يمه، بس نستعجل بزواجك ؟.

خيـون : جـا، شعدنه من باجر اجيبن غرفة الاخشاب والباقي عليجن انتن النسوان

قسمًه:اي يمه،نودي فرش للنداف ..وملابس العروس للخياطه وبعد زواكات وشغلات يلة هاي شغلات شعليك منها

خيـوي:لا يبوي مالي منها سوي اليريحج يمه
....
حياة:  بدلة زفافي كاعدة انتظر شيخ قلبي،  قبل لا يزفونه كالت خالتي

قسـمه: يحبج وتحبي يمه،  ستر وغطا الـج يروحي،  انتظر نيشانكم

حياة: هزيت راسي الها باستجابه، وكعدت بين الخايفه والفرحانه لان صرت اله،  سمعتهم زفوة وخالتي قسمـه واكفه باب الغرفة. سمعتها تكول اله(خش يمه واريدن نيشان)

خيـون: هههه، حجية صبرج علينه
حياة: حلل ملابسة وما حجى وياي كلمة لا كال مبارك علينه
وكعدنا نتعشى وصلينا وضل هو ساكت، بقى يفرك بوجهة صار احمر

-_ شبيـك يا شيخ ليش هيج صاير  بيك

رد بـصوت عالي قهرني

خيـون:  مابية شي لا تسأليني عوفيني بحالي لا تحجين وياي

حياة: انصدمت من طريقة كلامه، وياي متغير علية حيل
لزمت ايدي كتلة..  لا انتة مو حبيبي مستحيل هذا كلامك انتة تحبني وزوجتني ووفيت بوعدك الي ليش تحاجيني هيج

: لزم راسه وكعد على السرير، محتقن وجهه ويصيح
خيـون: عوفيني كتلج صوتج ما اسمعه ؟؟.

حياة: ليلة عرسي او هي ليلة الدخلة المفروض تكون من اجمل الليالي علينه،

كعدت بلكاع اباوع علية شنو يتصرف احسه مثل السمجه المزوهرة تلبط ما تعرف شتريد يريد او يحاول يطلع من الغرفه يروح للباب ويرجع

خيـون: ياعلي دخيلك شجاني هيج ؟.

حياة: غفيت بمكاني بعدين كعدني كال امي تريد نيشان. صفنت بوجهه شحجي وشكول كمت من مكاني اخذت وضعية النوم

بس الصدمني حاول يتقرب ما كدر او احسه نفسه تلعب مني يتقرب يحاول ويعوفني اخر شي كال

خيـون: اني اتصرف ويا امي اذا سألتج كليلها يم خيون

حياة: نزلت دموعي بحرارة وبحركه ليش ميريدني ليش ازووجني شيريد بعد

كعدت الصبح على صوت خالتي قسمه ام الشيخ شافت حالتي هيج شهكت

قسـمه: ياااع،، شجاج يمـه ليش باجيـه؟

حيـاة:  صباح الخير خالة، لا حبيبتي ماكو شي بس ضايجه على امي

قسـمه: ولو انه ما مصدكه بحجيج هاذا كلة عبن انتي اهلج قريبين علينه مو بعاد

حيـاة: حاولت اغير الموضوع الوف سالفه ماكدرت الها خالتي تفهم الشخص من عيونه..
خاله ابقى هيج غير اطلع اسلم على الناس وبعدين اني جوعانه

تنهـدت بحسـرة..
قسـمه: تعاي يمه سلمي واكليلج لكمه بعد الناس راح تجي راح نضل شهر هيج خطاطير كايمه كاعدة ما نلحك

حيـاة: ردت اسألها على خيون بس تراجعت اخاف تكول ليش ما تدرين ويثبت عدها انو صاير بيناتنه شي

لبست كلايبة من الي اشتروهن الي بيضه مال صباحيه ولفيت شعري والشيلة وجريت الكحل وطلعت ويا خالتي

شفت احلام.. ما سلمت علية حاولت اني ابادر بسلام حتى ما انكره ويكولون اتزوجت الشيخ وشالت خشمها على الوادم

حياة: السلام عليكم شلونج احلام

تباوعلي بطرف عين ماعاجبها، ردت بحقد علية

احلام: هلا، جـا عمه اشو اني من عرست كعدت من الغبشة

قسـمه:  كلجن سواسية جناين عندي جذب هذا عيبة بحكج يا احلام،  وبعدين ترى بنت اختي ومرت الشيخ الزوم عليجن تحترمنها والا تشوفن شي ما يعجبجن وانه حجيت العندي بعد

احلام: عشتوا مو بت ملوك،  مو زين الشيخ نفك عليها

قسـمه: ولكم انطوني العوجيه اصفكها على راسها هاي الحية ما تعرف تفك حلكها بحجاية زينه امشي من يمي لا تخليني اكووملج ولج

حيـاة:  مشت احلام وما جاوبت خالتي،  هاي اني من اول يوم الي هيج تتعامل وياي اني شعلية اذا خيون ما يريد اختها.. اباوع على خالتي ضايجه ومفرفحه

قسـمه: جانن يردنه حتى يضلن يتصرفن بكيفهن تريد تفرض ارادتها علينه والله تحملن،  انوب اخت تدلل باختها

حيـاة:  اهدي خالة عوفيها لا تضوجين بسببها

قسـمه: لا يمه ختولي،

حيـاة:  ضلينه نستقبل بلخطار اليجي والشيخ ما شفته بعد اسألهم علية يكولون الشيوخ والوجهاء بلديوان ما يكدر يجي

كمت وياهن ساعدت النسوان بلغدى اصب وياهن اشوف بيهن فرحانات بية ويحبوني
واحلام وكرايبها يسمعني كلام يسمني..

احلام:  اي هو هاذا بخت الجايفات شيجيب.. شيخ عشيرة وكل زمام الامور بأيدة شفايتلها

حيـاة: سكتت عنها ما حاجيتها كل همي ماريد مشاكل ويكولون اول ما طبت البيت الشيخ كلبتهم عيبة بحكي وبحك تربية اهلي 
.........................

مـر على زواجي من الشيخ شهر كامل واحنه ما كادرين نتم زواجنه وهو ما يريد يشوف خلقتي حتى اني صرت اضوج ادخل واكعد حتى لو بأي مكان صرت اضوج منه

خالتي دك عدها جرس وافتهمت اكو شي بيناتنه جرت الشيخ وطلعت من البيت وكفت بعيد عنهم اشوفها تحاجي بعصبية وهو بس ساكت

ومرت شهرين على زواجي واحنه ما تامين زواجنه ولا هو يريدني ولا اني الاريده الصبح جنت اغسل ملابس اجت احلام هيه وجهالها دخلت هالمرة بهدوء مادري شجاها شعجب

كعدت يم خالتي تسولف وتضحك اليوم الله هاديها علينه كل بالي صارت حبابة وبطلت تسوي طلايب

بعدين اجت نسوان خطار اني كملت الي بأيـدي وعزبت الهن ماي وجاي ضيفتهن

حجت وحده منهن؛
حبيبه يا مرت الشيخ ما صار عندج شي

حيـاة: لا بعدني

احلام: جا،  ما تدرن مو مرت الشيخ عاجر

قسـمه: اخذت عوجيتها وطردتها والنسوان من شافن هيج الوضع هم مشن

لبست عباتها خالتي جلبت بيها وين رايحه يمعودة كالت: رايحه الرجلها لو يرد مرته لو انه اردها وانعل ابوها لابو منين ما طلعت

سويت الغدى وانتظرتها تجي ما اجت تأخرت حيل اجه الشيخ وهي بعدهي 

خيـون: الحجية وين

حياة: طلعت راحت لـ امير

خيون: ليش؟

حياة: الصبح اجت احلام ونسوان بعد من اقاربكم سألوني اذا حامل كتلهم.. احلام كالت الهن حياة عاجر ما يصير عدها بزر

تعاركت وياها خالتي وراحت الرجلها تشكي عليها

خيون: ارتاحيتي هسه بسببج صارت هاي المشاكل

حياة: شنوو بسببي هسه صار النه شهرين هم حاسبة نفسي مزوجه.. طبيت للغرفه بعصبية لبست عباتي ومدموعي عشرة عشرة

ما اتحمل حجيهم ما اجرعه بعد وفوكاها يكول بسببج بدال ما يروح ويحاجي مرت اخو الحقيرة الحاقدة اني شعلية اذااا ما يريد اختتج

طلعت من الغرفه كتلة
اني رايحه واريد منك اطلكني لان بعد لا اتحملك ولا تتحملني كافي عاد احلام تعير بيه وانتة تكول كلشي بسببج.

خيون: لو طلعتي من البيت اطلكج والقران لا ترجعين اصلا

حياة: هو هذا الاريده منك اطلكني وتخلصنس من هاالعيشة هاي.. حجيت وضربني راشدي فر وجهه

بهالاثناء اجت خالتي مزنبرة بس تحاجيها تطك بوجهك.. شافته من ضربني

ضلت تتعارك هي وياه

قسمه: وروح ابوك اخذها وامش ليش تضربها هذيج مرت اخوك تصول وتجول محد يحاجيها وانته كدرتك على هاي لان ساكته ما تتراد

حياة: التفت علية الشيخ كال
اني كتلج اذا طلعتي باب البيت اطلكج

قسمه: تعاي للغرفه ولج،،  احجي بسااع الشيخ ماخذج لو لا احجييي لا تفتين جبدي

حياة: دموعي تنزل بحركه،  كتلها لا..
قسمه: طكت بأيدها على راسها وكعدت بلكاع.... الله لا يوفقجن امهات السحورة بجاه الحسين،،  ولج كومي خل ندور الغرفه

حياة: ليش خاله

.. كامت هيه ما ردت علية نفشت الغراض كلهن والفرش.. جرت لحاف برتقالي بيه ريحه تلعب الرووح.. فتحته وجان نشوف شي مثل الزفت الدهن على طول اللحاف

خالتي اخذته وطلعت،،

حياة: خاله وين رايحـه؟؟؟

قسمـه :اشوف هاي ياهي العملت بيكم هيج وارجع حسج مااسمعه ويا الشيخ

حياة :لا اكلت ولا شربت ولا حتى هو يباوع بوجهي طلع من البيت مغتاض وخالتي تأخرت ونسوانهم انه ما اتحملها ويدورن الزلة علية ويكرهوني كره اليهودي
على يابة انتي مرت الشيخ
وين يلا اجت خالتي شايلة بيدها غراض ...سألتها خاله شكو ضلت تشرحلي وصدمتني من كالت
قسمه : بيوم زواجهم سون الهم سحر العلوية كالت هيج ؟وهاي انطتني بخورات وكالت تقرون قران

حياة:   بقينه اشهر، همه ما تامين زواجهم على اتم وجه.نسوان   عمومتهم  والاقارب .يحجن علية  وصرت ملقبه بالعاقر
لان ما عندي اطفال
السحر تم التخلص منه بس اكيد.اكو غيره. من تخلصنا من السحر بدت علاقتنه ترجع مثل قبل واحسن بس ضلينه سنتين بدون اطفال وتعبت حيل تعبت من حجي الناس والاقارب علية وين ما اروح صرت اسمع عاجر عاجر

الى ان يوم من الايام  صارت تطلع عندي ا اعراض حمل
يوم عن يوم،حست بنفسها حامل،من بعد عناء دام سنتين،فرحت كلش ومن سمع الشيخ ما وسعته الكاع من الفرحه ضل من يروح الدوامه يوصي علية ديروبالك عليها خلو عينكم عليها وانه خالتي جانت فرحانه حتى اكثر مني هذا الخبر اجه شوكة بعين كل وحده كالت عني عاجر هو انه صار بية هيج بسبب السحر مالتهن تأخر حملي
...

  سنة 1990 شهر الثاني يوم 25
المصادف يوم السبت
الساعة بال11 بالليل.في احد مستشفيات محافظة واسط.
الشيخ خيون جان ملتحق بالجيش،صارت عندي طلوكه كما اصيح واستريح من الوجع ، محد وياي بس اخيتي نجاة ،بوقتها من كد ما تعبت بحملي
والجو والوضع حقيقتا غضب،عجاج ومطرر وهوى عالي حيل وعااصفه حيل قوية يهتز السعف مال النخل ونخل يروح ويرد يريد يقتلع من مكانه

اخذوني بسيارة كبل للمستشفى ولدت هناك من بعد عناء طلوكه

نجاة :د شوفي هذاا طالع مغضب من هسه شوفي وجهة مطعون طعن،يا اختي يكبر وياخذ حقج يبعد عيوني اختج

اجت حبوبتي تركض يمه صلاوات تصيح وتهلهل   وتهوس وتكول ابنج يحويه منورنه
نجـاة : حياة وعلي ابنج هذا يجي يوم ويدهرنا
مبين علي من هسه وكح. دشوفي ولا جن طفل ولاد صلوات خشن وليدج يخية

حياة: رجعت العصر للبيت وبيدي ابني الي الناس كلها جانت تلقبني عاجر هسه رجعت وانه وبحضني ذيب

صار كبال عيوني بيت الشيخ (خـيـون )
وجانن نسوان اقاربنا بانتظار الشماته شفت احلام واكفه والغيض يطاير من عيونها تكرهني هيج وبدون سبب
احلام لاگتني : مبروك يالعاجر
وكت وخله عندج ابن يشيل اسمج.بس يلا هي هم حظوظ فدوة لعينك صگر شعاجبك بالعاجر

حياة :سمعت كلامها الي يسم البدن ما اهتميت الها ولا درت بال..كعدت انه ووليدي  بوسطت  كلامهن  يسم البدن سم
اباوع على وليدي .ولميته الصدري كتلة
.وعد يايمه الا اسويك زلمه جبير ومعدل وتاخذ حكي اريدك يا ابني تصيرلي ذيـب

بوسطت  صفنة وجو مكتئب  وضع مربك الكل  متفاجئ بلعاجر صار عدها ولد يشيل اسمها واسم الشيخ خيـون وكأنوا شي عجبه بسبب لقب العاجر الي لقبوا الي ..وبسبب سحروتهن لكن قدرة الله هاي وهاي نعمة من رب العالمين نزلت الي وان هو قادر على كل شئ

قاطعت احلام صفنتي بكلام
احلام : يالمسعدة شسميتي المولود؟؟

حياة: ما سميته لحد هسه يجي ابوة بعد يومين وهو يسمي !.براحته

احلام : بعدم تصدق  وتصنع هااا احسن خاف تسمنه باسم مثلجن يا امهات الـ...*

كمزت عليها حبوبتي قسـمه  كالت انتي هييي. صمي بوزج لا اكون احط العصة بحلكج ، واكسرلج اعضامج يلغمه
اكلي تبن محد شمرلج عظم
لو صدك ما الومج گلبج هسه عطب من الوليد  خلي الحجي مدثر حويتي تعبانه اسكتي عنها

ردت أحـلام بغيـض وحقـد
احلام : عشتوا..

بعد يومين بوسط كلام الاقارب اليسم البدن يجن يباركن ويشتمتن

اجه خـيون ملهوف  مجاز وهو متلهف والكاع ما شايلته اخذ مني الولد وحطه بين ايدية يبوس بية ويشمه وتحمدلي على السلامه جان طاير بية فرحان

صاح الشيخ خيون :
يوول أمير  هاك هاي فلوس تروح تجيب اكبر عجل بالسوك لو بمليون دينار
عمي  أمير زوج احلام
خيـون : اريد اسوي عشا بالذيب الجديد،وابن روحي ويغمز لحياة
وفعلا تم العشا وعزم الكل شيوخ وكبار القبائل وبحضور الكل
جان ابن الشيخ  يتنقل باحظان الشيوخ والوجهاء المعروفين وكلها تبارك للشيـخ خيـون بمولوده الاول
الكل فرحان بوجودي وكأني اني شي عظيم صار،

يتبع
بقلمي انا نبأ السلطان